Nuk i trëmbem natës

[Agim Doçi]

I dashtun Riza.
Prano nje frymezim timin te çastit mbasi lexova vargjet tuaja brilante.

Kam puthur Nënën time që kur unë pija gji
Kam puthur dhe mësuesen me 7 edhe 8 Mars
Kam puthur Babagjyshin – Plakun e Vitit të Ri.
Kam puthur dhe Flamurin tërë jetën me aq gas.

Kam parë nëna dëshmorësh që djemtë nuk i qanin.
Kam parë dhe kufitarë që ruanin kufirin…
Kam parë dhe dëshmitarë, që shokët e tyre “hanin”
Kam parë dokumentarë kur njerzit diga ngrinin.

Kam shkruar për rininë dhe dashurinë magjike.
Kam shkruar për Kosovën në Hymne dhe Balada.
Kam shkruar për Azemin, Partinë Demokratike.
Kam shkruar pa u lodhur, dhe kurr nuk thash u plaka…

[Adem Berisha]

Oh lum si unë qe më jepet rasti të lexoj e të kënaqem deri thellë në shpirt me shkrimet dhe artin që krijoni ju miq të mi të dashur Riza dhe Mondi, nuk anashkaloj edhe të tjerë.
Gjithëçka më pelqen dhe ngulitet në mendje e zemër nga ju por këtë herë po përzgjedh strofen e parë nga poezia e Rizait "Askujt nuk i thash ..." :
....
"Kam rendur si kaçak nëpër male,
Jam endur në qytet si i pirë.
As kujt nuk i thashë: Kam halle
As kujt nuk i thashë: Mëshirë".
....
ku poeti me këto pak vargje flet shumë e ndër të tjera sipas meje, pasqyron vuajtjet me të cilat jemi përballur, por edhe dinjitetin e krenarinë për të mos u perulur apo ankuar për hallet si dhe krenarinë për të mos kerkuar lëmoshë apo mëshirë.
Do të përzgjedh me këtë rast edhe strofen e fundit të vargjeve të shkruara nga krijuesi dhe frymëzuesi im Mondi, ku ndër të tjera thot:
.....
"Kam shkruar për rininë dhe dashurinë magjike.
Kam shkruar për Kosovën në Hymne dhe Balada.
Kam shkruar për Azemin, Partinë Demokratike.
Kam shkruar pa u lodhur, dhe kurr nuk thash u plaka…"

Edhe këtu shoh një shpirt të madh krijuesi të stolisur me ndjenjen e dashurisë siç e quaj unë "dashuria, e bekuara e perëndisë" por edhe "arma më e fuçishme për të vrarë urrejtjen. Shoh shpirtin e një krijuesi i cili i këndon një pjese të qenies së tij padrejtësisht të shkëputur nga trungu amnor por edhe dashurinë ndaj figurave më të ndritura siç është figura e kolosit të kombit, të Madhit Azem Hajdari e subjektit politik të cilin ai e themeloi dhe i përkiste.
Po kur njeriu është i stolisur me këto ndjenja dhe virtyte, patjetër që do e mposhtë edhe pleqërinë dhe vazhdon të ndjehet si i ri.
Për fund nga zemra ju falënderoj për gjithë ate që na ofroni dhe gjithë atë me çka ju pasuroni artin tonë letrar.
Zotëri Riza, të falemnderit shumë edhe për komentin e lënë tek tema ime "Isha, jam dhe do të jem", përkatësisht vargjet poetike "Trup i huaj".

Nëse do të më lehohet, edhe unë këtu po vendos pak vargje të një poezie që i kisha kushtuar ish mësuesit tim dhe babait të dëshmorës së kombit Xhevë Krasniqi-Ladrofci bashkë me të shoqin Fehmi Lladrifcin mu si Shota dhe Azemi.

PISHTAR DITURIE
- Mësuesit tim, Avdyl Krasniqi -

Yll drite netëve të pa hënë,
netëve të errësirës, mizorisë e tmerrit,
bëre atë që çdo kush nuk mund të bën
hape derën e parajsës, mbylle atë e ferrit.
.....

Ti u dogje e u shkrive si qiriri
duke qenë pishtar i diturisë,
Ti nuk ishe kokëtul si kungull misiri
as analfabet me diplomë i qeverisë.

......

O Avdyl Krasniqi, mësuesi im i dashur !
breza e breza që ke arsimuar,
për dëshmorët që atdheut i ke falur
përulem para teje, Ti kështu më ke edukuar.

Ju paqa me jetë të gjatë e të lumtur. Gjithë të mirat nga i juaji xhaxhi Adem Berisha hahahaha Adem Kosova.

[Agim Doçi]

[QUOTE=Adem Berisha;2202471]Do të përzgjedh me këtë rast edhe strofen e fundit të vargjeve të shkruara nga krijuesi dhe frymëzuesi im Mondi, ku ndër të tjera thot:
.....
"Kam shkruar për rininë dhe dashurinë magjike.
Kam shkruar për Kosovën në Hymne dhe Balada.
Kam shkruar për Azemin, Partinë Demokratike.
Kam shkruar pa u lodhur, dhe kurr nuk thash u plaka…"

Edhe këtu shoh një shpirt të madh krijuesi të stolisur me ndjenjen e dashurisë siç e quaj unë "dashuria, e bekuara e perëndisë" por edhe "arma më e fuçishme për të vrarë urrejtjen. Shoh shpirtin e një krijuesi i cili i këndon një pjese të qenies së tij padrejtësisht të shkëputur nga trungu amnor por edhe dashurinë ndaj figurave më të ndritura siç është figura e kolosit të kombit, të Madhit Azem Hajdari e subjektit politik të cilin ai e themeloi dhe i përkiste.
Po kur njeriu është i stolisur me këto ndjenja dhe virtyte, patjetër që do e mposhtë edhe pleqërinë dhe vazhdon të ndjehet si i ri.


I dashtun zotri. Une jam Agim Doçi nuk jam Mondi........(lol)

[mondishall]

"Kam shkruar për rininë dhe dashurinë magjike.
Kam shkruar për Kosovën në Hymne dhe Balada.
Kam shkruar për Azemin, Partinë Demokratike.
Kam shkruar pa u lodhur, dhe kurr nuk thash u plaka…"

I dashur xha Ademi! Ndonese me lart sqaron autoresine e vargjeve miku tone Agim Doçi(pra jane vargje te poetit Doçi), deshiroj te shtoj dhe une dicka. Vargje te tilla me kaq emocion dhe hymnizim patriotik, ja kam vertet zili Agimit dhe ne pamundesi krijimi, mbetem vetem me shijen e lexuesit.
----------------------------
I dashur Riza! Une te falenderoj per mirekuptimin dhe te uroj vazhdimesi frymezimi.

[Agim Doçi]

Per ju z.Adem BERISHA po hedh disa vargje kushtuar nje Heroi Kosovar qe mbante gjate Luftes ne Komanden e UÇK nofken PLAKU.


Agim Doçi
KOMANDANT PLAKUT – Xheladin Gashit

Ty dielli i lirisë, të dha rrezen e parë
Lirinë fort mirë e dije, fitohet veç me gjak.
Peshonte fjala jote, në shpirtin atdhetarë
Ti gjeneral i luftës, rinia të kish “Plak”.

E nise rrugën tande, vështrimin hedhur lark
Në ballë të çdo beteje, Ti ishe vetëtima.
Qëndroje si strateg, Ti komandanti “Plak”
Dhe dilje fitimtar, me luftëtarët trima.

Drenica kallej flakë, nga flakët e lirisë
Luftonin bijt e tokës, në kambë Llapi e Gollaku
Nënshkrove në Altar, në faqe të Historisë:
Kosova do çlirohet! – e tha gjeneral “Plaku”!

Kosova gzon lirinë, ashti siç deshe Ti.
S’ka gja se të përlotur, gjith shokët i ke pranë
Ti komandanti “Plak”, Ti palcë me shqiptari
Ne vijmë tek Lapidari, për ty kemi shume mallë.

Dhe ditët që vrapojnë, pranverat që do vijnë
Në zemra do të kujtojm, rreth Flamurit Kombtar.
Nga lart na përshëndet, tek rrin me Perëndinë
Kosova të sjell lule, ty Burrit Shqipëtar.

[riza2008]

I dashtun Riza.
Prano nje frymezim timin te çastit mbasi lexova vargjet tuaja brilante.

Kam puthur Nënën time që kur unë pija gji
Kam puthur dhe mësuesen me 7 edhe 8 Mars
Kam puthur Babagjyshin – Plakun e Vitit të Ri.
Kam puthur dhe Flamurin tërë jetën me aq gas.

Kam parë nëna dëshmorësh që djemtë nuk i qanin.
Kam parë dhe kufitarë që ruanin kufirin…
Kam parë dhe dëshmitarë, që shokët e tyre “hanin”
Kam parë dokumentarë kur njerzit diga ngrinin.

Kam shkruar për rininë dhe dashurinë magjike.
Kam shkruar për Kosovën në Hymne dhe Balada.
Kam shkruar për Azemin, Partinë Demokratike.
Kam shkruar pa u lodhur, dhe kurr nuk thash u plaka…

Agim! Vargjet e tua me magjepsin.Sa here qe ndjehem teper i lodhur vetem vargjet e poezise me çlodhin menjehere.Je i nderuari dhe i respektuari i deshires time per poezi.Zoti te dhente shendet dhe penda mos tu ndalte kurre.Respekte

[riza2008]

Në doni të dini
Nga gjarpri
Kurrë nuk më ka trëmbur kafshimi.
Dhe pse prej mishi
Formohet tek unë fjala "burrë",
Në vite më ka lodhur mendimi:
Këmbët e gjarprit nuk i njoha kurrë.

[Agim Doçi]

Riza2008
Pergezimet E Mija Per Filozofine Njerzore Qe Levron Ne Vargjet E Tua Te Ndjera Dhe Te Shkruara Me Sinqeritet

[Adem Berisha]

Përshëndetje miq të mi të dashur që shkruani në këtë temë e posaçërisht i nderuari mik e poet Agim Doçi.
Së pari më vie keq që as vetë nuk e di se si paskam pasë ngatrruar emërat ku në vend të zotëriut të nderuar Agim Doçi kam potencuar Mondin. E po, "Kam shkruar pa u lodhur, dhe kurr nuk thash u plaka…", hahahah besa unë qenkam mplakur.
I dashuri Agim, të lutem më fal për këtë ngatrrim pa qëllim të keq.
Tash dua që veçanërisht të përgëzoj për poezinë e mrekullueshme kushtuar KOMANDANT PLAKUT - Xheladin Gashit, i lehtë i qoftë dheu etnik i Kosovës nënë, por gjithësesi nga zemra të falënderoj edhe për faktin se me këtë poezi të mrekullueshme më jeni drejtuar mua.
Të dua dhe vlerësoj lartë i dashuri Agim.

[mondishall]

Në doni të dini
Nga gjarpri
Kurrë nuk më ka trëmbur kafshimi.
Dhe pse prej mishi
Formohet tek unë fjala "burrë",
Në vite më ka lodhur mendimi:
Këmbët e gjarprit nuk i njoha kurrë.

Ja nje poezi, ku e pakta s'ka nevoje per shume, sepse e shumta koncentrohet ne figuren dhe filozofine e cdo vargu.
--------------------------------------------------
Të krijosh domethënë...të krijosh.