Presidenti Topi dekreton ligjin e regjistrimit te popullsisë, fillon 1 tetor 2011

[bamatat]

Natyrisht qe Shteti Grek synon henilizimin e jugut te Shqiperise, sikurse Shteti Serb qe ka synimin e Serbolizimit e Veriut te Kosoves, sepse po te dyjat shtetet ne fjale shfrytezojne paaftesine politike te udheheqesve tane si ne Shqiperi, po ashtu edhe ne Kosove.

Kjo eshte edhe nje tregues i rradhes, perse dhe domosdo duhet Bashkimi i Kombit Shqiptar ne nje Shtet. Sepse keshtu te ndare sic jemi ne disa Shtete: Shqiperi, Kosove, Maqedoni ( Iliride ), Serbi ( Lugine E Presheves ), Cameri e Malesi te Madhe, armiqet tane shekullore gjithmone dhe pa asnje pengese te vetme do na zvoglojne territoret tona.

Kame cekur edhe me heret, qe ka ardhe koha me vendimtare dhe historike, qe populli - kombi Shqiptar kudo qe jane ne trojet e tyre shekullore te kerkojne bashkimin kombetar.

Politika pa historine nuk eshte thjesht "loje" ! Per ne shqiptaret eshte vetevrasje !

[Sofi _]

eh, asgje e re nga fronti i jugut, po ndoshta Kohes i ka rene nr. i shitjes se
gazetave...ose ndonje gje tjeter.

[Marmara]

Historiani Pëllumb Xhufi deklaron se politika greke e viteve të fundit synon helenizimin e jugut të Shqipërisë. Sipas tij, kjo përpjekje synohet të arrihet me anë të regjistrimit të popullsisë, me anë të së cilës Greqia kërkon që të rrisë në mënyrë artificiale numrin e minoritarëve në Shqipëri. Ai shprehet se Qeveria shqiptare tashmë i është nënshtruar Greqisë dhe nuk po i mbron dhe nuk po i kërkon të drejtat e popullit shqiptar, siç është çështja çame.

- Shkrimtari i njohur Ismail Kadare pohonte pak ditë më parë në një intervistë se marrëdhëniet Shqipëri-Greqi nuk kanë qenë kurrë të mira. Sa e vërtetë është kjo dhe nëse është, çfarë ka ndikuar në këtë raport?

Xhufi: Kadareja ka thënë një të vërtetë, ka bërë një konstatim, i cili i përgjigjet realitetit. Natyrisht do të pritej nga Kadareja, por dhe nga intelektualë të tjerë të shquar shqiptarë, që janë referenca të qarta për popullin shqiptar, të flitej dhe të diskutohej për tema të tilla, siç janë marrëdhëniet e Shqipërisë me Greqinë. Për fat të keq, që nga viti 1991, kur filloi ndryshimi i sistemit në Shqipëri, Greqia zyrtare dhe jozyrtare është paraqitur në vendin tonë në format e Greqisë së vjetër, të nacionalizmit, me të njëjtat platforma, me të njëjtat dosje të pluhurosura, duke zhgënjyer shpresat e shqiptarëve, të cilët kishin shpresa se Greqia mund të ishte një mbështetje dhe një fqinj i mirë, një pikë referimi për rrugën e re të Shqipërisë drejt Evropës. Greqia është bazuar në marrëdhëniet me Shqipërinë mbi bazën e nacionalizmit dhe skemave të vjetra. Ajo ka injoruar gamën e problemeve që ekzistojnë midis dy vendeve, që nga koha e themelimit të shtetit shqiptar. I tillë është problemi i njohjes së kufijve, të caktuar dhe të njohur ndërkombëtarisht në Konferencën e Paqes. Pra, sot e kësaj dite, Greqia nuk i njeh këta kufij. I tillë është pastaj edhe ligji i luftës nga Greqia, i vendosur gjatë vitit 1940, i cili në mënyrë absurde mbahet në fuqi ende për qëllime të qarta. Një prej këtyre qëllimeve është për të mbajtur akoma të sekuestruara pasuritë e qytetarëve shqiptarë në Greqi, pasuri, e cila, sipas vlerësimit që është bërë disa dekada më parë, arrin në miliarda dollarë.

- E keni fjalën për pasuritë dhe pronat e çamëve?

Xhufi: Jo, këtu nuk bëhet fjalë për pasuritë e çamëve. Ky është një problem tjetër, i cili ka lindur para çështjes çame, që në vitin 1940 me shpalljen e ligjit të luftës nga ana e mbretit të Greqisë. Ky ligj u shoqërua me ngrirjen e pasurive të qytetarëve shqiptarë. Këtu bëhet fjalë për pasuri të mëdha tokësore, pyje, kullota, magazina, dyqane, të cilat shtrihen në zonën e Thesalisë dhe Maqedonisë, por dhe në trevat e tjera të Greqisë.

- Një nga çështjet më të ndjeshme me Greqinë është ajo e çamëve. Ministri i Jashtëm grek vetëm pak ditë më parë deklaroi se kjo çështje nuk ekziston..

Xhufi: Ky është një nga problemet më të mëdha të marrëdhënieve me Greqinë dhe po injorohet plotësisht. Në fillim të viteve ‘90 në fakt, kjo çështje ishte pranuar nga ana e Greqisë si një problem. Çamëria, pas pushtimit në vitin 1913 nga ana e Greqisë, është njohur si minoritet. Greqia u detyrua ta bënte një gjë të tillë, pasi u njoh si i tillë nga Lidhja e Kombeve. Sot për çudi, pala greke, pas masakrimit dhe dëbimit të tyre me dhunë në dimrin e vitit 1944-45, nuk e njeh këtë si problem dhe thotë se nuk ekziston. Ndërkohë këtu në Shqipëri ka 200-300 mijë çamë nga ata të shpërngulurit, të cilët janë duke u shuar vit pas viti, megjithëse tashmë kanë lënë fëmijë dhe nipërit e tyre pas.

- Sa kanë bërë qeveritë shqiptare për problemin çam dhe a duhet të këmbëngulet kaq shumë për këtë çështje?

Xhufi: Problemi është shtruar, bile është shtruar edhe nga shteti komunist në vitet e fundit të qeverisjes, kur pati kontaktet e para me Greqinë. Dihet që marrëdhëniet diplomatike me Greqinë u rivendosën në vitin 1971, por pala greke evitoi për vite me radhë kontaktet politike. Jam i bindur se kjo gjë ka ndodhur pikërisht për faktin se Greqia kërkonte të shmangte ngritjen e problemeve të vjetra që Greqia kishte me Shqipërinë. Në vitin 1990 dhe 1991, gjatë takimeve të kryeministrit grek, Micotakis me drejtuesit e fundit të qeverisë komuniste, Adil Çarçanin dhe Ramiz Alinë, pala shqiptare ka ngritur çështjen çame. Dhe kjo që ka ndodhur edhe me qeverinë e parë shqiptare demokratike, qeverinë “Meksi”. Kjo çështje është ngritur në mënyrë të përsëritur dhe pala greke jo vetëm e ka njohur këtë si problem, por ka rënë dakord për ngritjen e një komisioni miks, për të trajtuar aspekte të ndryshme të çështjes çame. Por, tashmë ne kemi një kthim prapa. Sot pushtetarët grekë pretendojnë që nuk ka një çështje të tillë dhe thonë se çështja çame nuk ekziston. Të gjithëve u kujtohet se si në vitin 2005, presidenti grek, Papulias, anuloi një takim me homologun e tij shqiptar në Sarandë, Alfred Moisiu, madje u kthye në mes të rrugës, sepse mori vesh që në vendin e takimit ishte mbledhur një grup paqësor çamësh, të cilët paraqisnin problemet e tyre me një frymë paqësore dhe aspak agresive apo nacionaliste. E gjithë Greqia zyrtare e përshëndeti këtë akt të paprecedentë dhe të turpshëm të presidentit Papulias, i cili shkaktoi një skandal diplomatik, për t’i qëndruar besnik një stereotipi që është krijuar nga politika greke, ajo e injorimit të çështjes çame. Problemi është se ky regres në çështjen çame ka ardhur për faktin se qeveria shqiptare është tërhequr nga kjo çështje. E thashë edhe më sipër që, deri në vitet 90, problemi çam, madje edhe problemi i kufijve dhe pronave të qytetarëve shqiptarë, të cilat po përdoren nga shteti grek, kanë qenë shtruar në tryezën e bisedimeve. Në këtë tryezë kanë qenë të shtruara edhe diskutimet për ndarjen e ujërave të brendshme, lumenjve, për të cilat ka pasur diskutime edhe para viteve ’90, në mënyrë që të arrihej një marrëveshje. Pra, ka një sërë çështjes, të cilat duhet të përbëjnë agjendën e Qeverisë shqiptare. Kjo e fundit, në mënyrë të hapur, ka deklaruar se ka hequr dorë nga kjo agjendë. Këtë gjë e ka thënë kryeministri Berisha gjatë takimit të tij me ish-homologun grek Karamalisin pak kohë më parë. Berisha deklaroi se Shqipëria nuk ka asnjë problem me Greqinë, gjë që nuk është e vërtetë, gjë që është një kapitullim i politikës shqiptare ndaj interesave të vendit dhe popullit shqiptar. Një shtet me dinjitet dhe që ka sensin e sovranitetit, nuk duhet të heshtë, kur një shtet tjetër, qoftë edhe më i fuqishëm, i kërkon që të heshtë. Për çështjen çame, autoritetet greke kanë kërkuar të mos diskutohet dhe të mos shtrohet më. Këtë gjë e kanë kërkuar në mënyrë laksative. Për fat të keq, qeveritarët shqiptarë kanë lëshuar përballë kësaj kërkese dhe gjatë viteve të fundit, në takimet e niveleve të larta, kjo çështje nuk është ngritur. Politika shqiptare, duke braktisur agjendën dhe interesat e vendit, është vënë në zbatim të agjendës dhe interesave greke. Dhe çfarë ka ndodhur këto vite në Shqipëri? Është përmbysur Kisha Autoqefale Ortodokse, duke vënë në krye të saj zotin Janullatos, një prelad grek, por duke përmbysur njëkohësisht edhe sinodin e kishës, i cili përbëhet kryesisht nga qytetarë grekë. Ne kemi parë që të hapen shkolla në gjuhën greke në Himarë dhe në Korçë, me një folklor dhe simbolikë të qartë nacionaliste, për të treguar që këto vende janë greke. Këtë e kanë thënë qartë zyrtarë të lartë të Qeverisë greke, si ministri i Arsimit apo zëvendësministri i Jashtëm grek, të cilët kanë ardhur për inaugurimin e këtyre shkollave. Është lejuar të ngrihen simbole helene, siç janë varrezat e famshme apo komplekset monumentale në vijën virtuale të Vorio-Epirit, që nga Korça deri në Gjirokastër, siç janë varrezat e Këlcyrës, të cilat u shoqëruan me skandale dhe shkelje të rënda të ligjit. Përmendim këtu dhunimin e varreve të fshatarëve të Kosinës, të cilat u trafikuan dhe u tentuan që të paraqiteshin si eshtra të ushtarëve grekë. Shteti shqiptar dhe prokuroria shqiptare këtë çështje e lanë, në vend që të dënonin fajtorët, të cilët tashmë janë të identifikuar. Kanë ndodhur ndërkohë edhe ngjarje të tjera shumë të rënda.

- E keni fjalën për paktin mbi ujërat detarë?

Xhufi: Por, pikërisht për marrëveshjen e ndarjes së ujërave territoriale, një marrëveshje e cila nuk ka qenë fare në agjendën e marrëdhënieve greko-shqiptare. Ajo është futur në mënyrë kontrabande dhe shkelte ligjet dhe Konventën Ndërkombëtare të Ujërave. Kjo çështje nuk ka ekzistuar asnjëherë dhe deri tre-katër vjet më parë, pala greke nuk e ka ngritur këtë si çështje. Pala greke nuk mund ta ngrinte çështjen e kufijve detarë, në një kohë që ajo nuk njeh kufijtë tokësorë. Greqia e ka ndërgjegjen e prishur, pasi nuk është në rregull me ligjet dhe konventat ndërkombëtare, nuk është në rregull me partnerin e saj, Shqipërinë, për sa i përket kufirit të vendosur 100 vjet më përpara dhe të njohur nga forumet më të larta ndërkombëtare, siç ishte Lidhja e Kombeve dhe Konferenca e Ambasadorëve. Kjo kërkesë është shtruar tre-katër vjetët e fundit në mënyrë ultimative nga ana e qeverisë greke dhe qeveria shqiptare, skllave e veseve dhe korrupsionit të saj, që nuk është vetëm korrupsion politik, u vu në zbatim të kësaj marrëveshjeje, duke i hequr shtetit shqiptar mbi 300 km katrorë det, në një zonë ku kufiri detar mes Shqipërisë dhe Greqisë është vetëm 4 km në kanalin e Korfuzit. Kufiri grek vinte deri afër bregdetit shqiptar, të Ksamilit dhe Sarandës. Bëhet fjalë deri 700 metra afër kufirit shqiptar. Me të drejtë, Gjykata Kushtetuese e hodhi poshtë këtë marrëveshje në mënyrë kategorikë dhe me një votim të paprecedentë. Kjo marrëveshje ishte antikombëtare, pasi ishte një shitje e territoreve në favor të një shteti të dytë.

- Vorio-Epiri është një agjendë reale e Qeverisë greke apo është më shumë një frikë e shqiptarëve?

Unë besoj që po, pasi konsulli grek në Korçë, e deklaroi në mënyrë të hapur kauzën e Vorio-Epirit dhe madje shpalli të hapur luftën për Vorio-Epirin. Ky nuk është i vetmi, pasi ka edhe zyrtarë të tjerë të lartë grekë, sidomos pas vitit 1990, të cilët e kanë artikuluar gjithmonë e më shpesh kauzën e Vorio-Epirit. Unë mund të them me kompetencë dhe me bindje të plotë se gjashtë pikat që kryeministri Mitocaqis ia paraqiti në mënyrë ultimative Qeverisë shqiptare në vitin 1993, kanë të bëjnë me kauzën e Vorio-Epirit dhe me helenizimin e jugut të Shqipërisë. Lëvizjet e fundit, në një radhë lëvizjesh, që nga hapja e shkollave greke, që nga ngritja e simboleve greke gjithandej në jugun e Shqipërisë, duke përfshirë edhe varrezat monumentale që përmenda më sipër, që nga dhënia e pensioneve qytetarëve shqiptarë jo vetëm me kombësi greke, por edhe atyre me kombësi shqiptare, promovimi dhe mbështetja e bizneseve të caktuara, depërtimi i tyre në jugun e Shqipërisë, mosnjohja e kufirit, vijnë dhe përfundojnë tek hapi tjetër i turpshëm, regjistrimi i popullsisë.

- Kjo puna e regjistrimit mos është një frikë e pabazë?

Xhufi: Fakti që Qeveria greke ka reaguar me shqetësim të madh pas lëvizjeve të fundit dhe debatit që ka lindur në Shqipëri kundër këtij ligji, debat vërtet i shëndetshëm, shumë qytetarë civilë dhe evropianë tregojnë se ka qenë pikërisht Qeveria greke ajo e cila ka ushtruar presion mbi Qeverinë shqiptare, për të bërë një regjistrim të popullsisë mbi bazën e etnisë dhe besimit fetar. Ky regjistrim është në kundërshtim me kartën e OKB-së dhe Kopenhagës dhe me atë të Këshillit të Evropës për mbrojtjen e minoriteteve, sepse asnjë nga këto dokumente nuk bën fjalë për përcaktime etnish.

- Ata që janë pro këtij regjistrimi thonë se kjo do të shërbente për të identifikuar numrin real të minoritarëve në Shqipëri. Ku qëndron e keqja këtu?

Shqipëria është një shtet i vjetër tashmë, nuk është një shtet që ka lindur nga shpërbërja e ish-Jugosllavisë apo Bashkimit Sovjetik. Shqipëria është një shtet që ka lindur që në vitin 1912 dhe në vitin 1921, Shqipëria ka hyrë në Lidhjen e Kombeve, duke nënshkruar një traktat me komunitetet e shteteve. Me këtë traktat, Shqipëria njihte minoritetet në vendin tonë, në radhë të parë minoritetin grek, ashtu si atë malazias dhe maqedonas dhe mori përsipër të mbronte të drejtat e minoriteteve. Çdo vit Shqipëria ka paraqitur raporte të rregullta në Lidhjen e Kombeve, që nga viti 1922, kur ka deklaruar sa shkolla ka hapur në fshatrat minoritare. Zona minoritare është përcaktuar nga Lidhja e Kombeve dhe është pranuar edhe nga vetë Greqia. Kjo e fundit nuk pretendonte më pas vitit 1921 se Korça ishte greke, siç thotë sot konsulli grek në Korçë, i cili përfaqëson shtetin dhe qëndrimin e Greqisë. Absolutisht nuk pretendonte që Përmeti dhe Gjirokastra ishin greke. Madje atëherë nuk pretendonin që as Himara nuk ishte greke. Himara nuk figuronte në listën e fshatrave minoritare. Pra, minoritetet janë njohur në Shqipëri dhe u janë njohur të drejtat bazë, si arsimimi në gjuhën e tyre, që në fillimet e shekullit XX. Këtu Shqipëria nuk bën përjashtim nga vende të tjera, si Rumania, Jugosllavia, Polonia, Sllovakia, të cilat u detyruan që të njohin komunitetet minoritare. Shqipëria i ka një për një minoritarët të regjistruar në Regjistrin Themeltar dhe nëse dikush do të mësojë numrin e saktë të minoritarëve, mund të shkojë dhe të shohë tek ky regjistër. Mund ta marrë vesh brenda ditës se sa është numri i minoritarëve në Shqipëri. Problemi është se qëllimi i regjistrimit të popullsisë është bërë i qartë. Këtë e tha qartë konsulli grek në Korçë, i cili pohoi se dëshiron që të regjistrojë ortodoksët shqiptarë në Korçë dhe popullsinë me origjinë arumune, si grekë, duke ngjallur edhe reagimin e ashpër të komunitetit arumun. Pra, qëllimi është të ndryshohet raporti i minoriteteve mbi një kriter jo objektiv, siç është ai i regjistrimit të popullsisë mbi bazën e etnisë, ku gjithkush mund të deklarojë sipas dëshirës kombësinë.

- A rrezikohet jugu i Shqipërisë që një ditë të helenizohet?

Gjithë kjo politikë që është zhvilluar këta 20 vjetët e fundit nga shteti grek, për fat të keq edhe nga përfaqësues politikë të minoritetit grek në Shqipëri, që unë jam i bindur nuk përfaqësojnë interesat reale të komunitetit grek, ka pikërisht këtë qëllim. Qëllim që deri tani nuk është arritur, madje as në Himarë. Greqia, me presione të shumta, të cilat nuk janë vetëm politike, por ekonomike në radhë të parë, kërkon që të fryjë numrin e minoritarëve në Shqipëri. Në vitin 1922, minoriteti grek rezultonte në 16 mijë veta. Ky numër me kalimin e viteve është rritur, por këtu nuk bëhet fjalë për shifrën e 400 mijë personave, siç pretendojnë qarqet e zellshme ekstremiste greke, as për 300 mijë, siç është shprehur ndonjë qeveritar i lartë grek dhe as për 100 mijë veta. Ne e dimë se për shumë arsye, një pjesë e madhe e tyre janë vendosur tashmë në Greqi dhe numri i minoritarëve në Shqipëri është akoma shumë i vogël. Gjithsesi edhe ata që kanë ikur dhe kanë marrë pasaportën greke ne i konsiderojmë si qytetarë shqiptarë. Por, nëse në vitin 1989 rezultonte që në Shqipëri të ishin 60 mijë minoritarë grekë, me gjithë dëshirën e mirë, absolutisht që ky numër nuk mund të shkojë më shumë se 100 mijë. Rëndësi ka që komuniteti grek i ka gëzuar të drejtat themeltare që në fillim të shekullit XX. Këto të drejta janë zgjeruar me kalimin e viteve. Pra, në Shqipëri nuk ka asnjë problem me minoritetet. I vetmi problem është qëllimi i qarqeve zyrtare dhe jozyrtare greke, që kërkojnë të vënë në zbatim planin e pluhurosur të aneksimit të jugut të Shqipërisë.

http://www.koha.net/index.php?cid=1,12,56050

gReqia ka hapur shkoll per femit e vegjel, te cilet akoma nuk e kan mesu gjuhen amtare mire ta zoterojn greqia i a meson greqishten njeher e pastaj.. pastaj ! kjo nuk ka ndodhe ne ndonje shtet tjeter ne bote, vetem ne Shqiperin tone,

[Ziti]

sepse gjithe hajnat jane mbledhe ne tirane, keshtu qe jugu ka ngele pa politikane.
shqiperia ka edhe problemin veri-jug. jugoret meren vesh me mire me ialianet dhe greket se sa tiransit apo shkodranet. urrejtja e madhe qe ekziston ne shqiperi patjeter do sjell ndarje.

[Bel ami]

PO cfare tjeter mund te presesh nga shteti yne?!!
Ne Dropull qeveria mban hapur shkolla me nga 3-4 nxenes, ndersa ne Konispol nje fshat me 30 nxenes eshte i detyruar qe femijet ti cojne ne Greqi ne nje fshat kufitar per te mesuar se qeveria nuk na paska fonde per ta mbajtur kete shkolle hapur sepse nuk plotesohet numri i nxenesve!
Me duket se Shqiptaret po ja shesin Jugun Greqise

[daja shneq]

kur degjoj e lexoj ksi lajmesh them budall ka me pas gjithmon,po greqia dhe sllavoortodkset nuk kan popullsi me greqizu greqin e po e greqizojn Shqiperin e jugut,edhe kush eshte ai gjak i prisht qe lind shqiptar e te beht sllavoortodksogrek,apo gjerman asiatik,vetem shqiptari eshte shqiptar,une personalisht nga europa jam bere milioner po prap shqiptar jam edhe pse ndoshta kam pasaportr europiane,une smuj te behem gjerman a po europian kur jam lind shqiptar ska sens ,edhe gjakin edhe gjith atyne jevgjeve e slalvogrekve qe behn shqiptar

[Albo]

Historiani Pëllumb Xhufi deklaron se politika greke e viteve të fundit synon helenizimin e jugut të Shqipërisë. Sipas tij, kjo përpjekje synohet të arrihet me anë të regjistrimit të popullsisë, me anë të së cilës Greqia kërkon që të rrisë në mënyrë artificiale numrin e minoritarëve në Shqipëri. Ai shprehet se Qeveria shqiptare tashmë i është nënshtruar Greqisë dhe nuk po i mbron dhe nuk po i kërkon të drejtat e popullit shqiptar, siç është çështja çame.

Nese Kreshnik Spahiu dhe ai "gjenerali ne pension" qe ambasada turke perdori per mareveshjen e ujrave me Greqine jane mashat e ambasades turke ne opinionin publik shqiptar, kameleone si puna e Pellumb Xhufit jane veglat e ambasades italiane ne Tirane, qe bashkepunon ngushtesisht me megafonet e Duces ne Tirane si Balkanweb, Gazeta Shqiptare dhe News24. Pellumb Xhufi eshte ish-ambasadori shqiptar ne Rome, qe kur na u kthye na Roma jo vetem qe filloi te na fliste me nje gjuhe ndryshe, por na doli qe na kish vene edhe nje pasuri te tille, saqe e rendiste ne krye te listes se deputeteve me te pasur shqiptare. Kjo per te mesuar se kush eshte Pellumb Xhufi, historiano-politikani-deputeti milioner. Milionat besoj se i ka bere nga shitja e librave te tij mbi historine shqiptare.

Tani qe te mesosh edhe dy gjera me shume o Xhuf, kur shprehesh ne kete menyre, je duke prekur ne seder te gjithe shqiptaret autoktone dhe te gjithe atdhetaret shqiptare qe e njohin historine e atij vendi per ate qe eshte, jo per ate qe na e mesojne te tjeret.

Jugu i Shqiperise, asnjehere nuk ka qene i helenizuar, asnjehere nuk do te helenizohet, pasi Jugu i Shqiperise ishte djepi i Rilindjes Kombetare shqiptare, dhe ai Jug i dha identitet e vetedije kombetare gjithe krahinave te tjera shqiptare. Prandaj mos na shit propaganden xhonturke 100 vjet me vone, se nuk jetojme me ne kohen e Sulltanit.

Se dyti, regjistrimi i popullsise nuk ndihmon minoritetin grek, regjistrimi i popullsise mbi te gjitha ndihmon minoritetin cam. Perse nuk u meson shqiptareve qe edhe sot e kesaj dite shteti shqiptar nuk ka te dhena te sakta sa came banojne ne Shqiperi. Si mund te kerkosh zgjidhjen e nje problemi si ai cam kur ti si shtet nuk di se sa came jetojne ne ate vend? Si mund te kerkosh zgjidhjen e ceshtjes came, kur shteti shqiptar nuk u njeh cameve statusin e refugjatit, shtetasit grek te debuar nga Greqia qe eshte refugjat ne RSH? Si mund te kerkosh zgjidhjen e ceshtjes came, kur vete shteti shqiptar u jep te gjithe cameve shtetesine shqiptare duke zhdukur ne kete menyre problemin cam? Regjistrimi i popullsise do te na mesoje se sa came jetojne ne Shqiperi, dhe me kete numer fillon edhe zgjidhja e problemit: do te dime se sa i madh eshte problemi, sa came jane debuar realisht dhe sa ka shkuar numri i tyre me kohen.

Por Xhufi nuk eshte i interesuar qe ceshtja came te zgjidhet. Po u zgjidh ceshtja came, atehere ku ta gjeje municionin Xhufi qe te sulmoje shtetin helen me qellim qe te mos lejoje bashkepunimin e shteteve ballkanike, duke bere ne kete menyre politiken e punedhenesit italian? Dhe te njejten gje ben edhe turqia me mashat e veta ne Shqiperi, e kane shume per zemer ceshtjen came, pasi duan qe ta perdorin ne perjetesi si molle sherri midis Shqiperise e Greqise.

Albo

[Sofi _]

...

Jugu i Shqiperise, asnjehere nuk ka qene i helenizuar, asnjehere nuk do te helenizohet, pasi Jugu i Shqiperise ishte djepi i Rilindjes Kombetare shqiptare, dhe ai Jug i dha identitet e vetedije kombetare gjithe krahinave te tjera shqiptare. ...

Kjo pjese nuk eshte aspak e vertete, packa se Hoxha dhe pasardhesit e vet jane munduar te mashtrojne ne lidhje me kete.

Une jam nga Jugu, dhe gjithashtu nuk besoj se helenizimi do te arrihet, por kjo nuk mohon faktin se politikat me te ashpra asimiluese greke jane zhvilluar ne Jug, HISTORIKISHT, si dhe sot.

[Kavir]

Por Xhufi nuk eshte i interesuar qe ceshtja came te zgjidhet. Po u zgjidh ceshtja came, atehere ku ta gjeje municionin Xhufi qe te sulmoje shtetin helen me qellim qe te mos lejoje bashkepunimin e shteteve ballkanike, duke bere ne kete menyre politiken e punedhenesit italian? Dhe te njejten gje ben edhe turqia me mashat e veta ne Shqiperi, e kane shume per zemer ceshtjen came, pasi duan qe ta perdorin ne perjetesi si molle sherri midis Shqiperise e Greqise.

Albo

Ore po Greqia ka qe ne `46 qe po u lutet me buke ne dore "Aman merrini pronat, merreni Camerine" po keta camet s`duan qe s`duan. Edhe kosovaret nuk donin qe nuk donin ta merrnin Kosoven. Mire qe doli Milloshevici qe ua mbushi mendjen (Prandaj Greqia e kishte qejf Sllobon).

Prandaj qe fajin e kane camet kjo s`vihet ne diskutim hic, po edhe Greqia ka pak faj ama. Ta beje ore si Sllobodani dhe bie rehat.

[malo666]

Prioritetet e shqiptareve jane papunsia, infrastuktura cop cop dhe korrupsioni, le te dali xhufi me spahiun e ti luftojne nqs i rruhet kaq shume per ate popull...nacionalizmi dallkauk nuk i nevojitet asnjerit...eshte turp dhe mbi te gjitha hipokrizi qe ne i kerkojme fqineve rregjistrim ne baza etnike (si ne maqedoni psh) dhe nga ana tjeter refuzojme te bejme te njejten gje per shqiperine..kane 20 vjet qe na cajne veshet me idiotsira, jo po rregjistrim etnik, jo varreza greke, jo bollan e janullatos, mjere ai popull me cfare "patriotesh" ka te beje.