Presidenti Topi dekreton ligjin e regjistrimit te popullsisë, fillon 1 tetor 2011

[bamatat]

Nese Kreshnik Spahiu dhe ai "gjenerali ne pension" qe ambasada turke perdori per mareveshjen e ujrave me Greqine jane mashat e ambasades turke ne opinionin publik shqiptar, kameleone si puna e Pellumb Xhufit jane veglat e ambasades italiane ne Tirane, qe bashkepunon ngushtesisht me megafonet e Duces ne Tirane si Balkanweb, Gazeta Shqiptare dhe News24. Pellumb Xhufi eshte ish-ambasadori shqiptar ne Rome, qe kur na u kthye na Roma jo vetem qe filloi te na fliste me nje gjuhe ndryshe, por na doli qe na kish vene edhe nje pasuri te tille, saqe e rendiste ne krye te listes se deputeteve me te pasur shqiptare. Kjo per te mesuar se kush eshte Pellumb Xhufi, historiano-politikani-deputeti milioner. Milionat besoj se i ka bere nga shitja e librave te tij mbi historine shqiptare.

Tani qe te mesosh edhe dy gjera me shume o Xhuf, kur shprehesh ne kete menyre, je duke prekur ne seder te gjithe shqiptaret autoktone dhe te gjithe atdhetaret shqiptare qe e njohin historine e atij vendi per ate qe eshte, jo per ate qe na e mesojne te tjeret.

Jugu i Shqiperise, asnjehere nuk ka qene i helenizuar, asnjehere nuk do te helenizohet, pasi Jugu i Shqiperise ishte djepi i Rilindjes Kombetare shqiptare, dhe ai Jug i dha identitet e vetedije kombetare gjithe krahinave te tjera shqiptare. Prandaj mos na shit propaganden xhonturke 100 vjet me vone, se nuk jetojme me ne kohen e Sulltanit.

Se dyti, regjistrimi i popullsise nuk ndihmon minoritetin grek, regjistrimi i popullsise mbi te gjitha ndihmon minoritetin cam. Perse nuk u meson shqiptareve qe edhe sot e kesaj dite shteti shqiptar nuk ka te dhena te sakta sa came banojne ne Shqiperi. Si mund te kerkosh zgjidhjen e nje problemi si ai cam kur ti si shtet nuk di se sa came jetojne ne ate vend? Si mund te kerkosh zgjidhjen e ceshtjes came, kur shteti shqiptar nuk u njeh cameve statusin e refugjatit, shtetasit grek te debuar nga Greqia qe eshte refugjat ne RSH? Si mund te kerkosh zgjidhjen e ceshtjes came, kur vete shteti shqiptar u jep te gjithe cameve shtetesine shqiptare duke zhdukur ne kete menyre problemin cam? Regjistrimi i popullsise do te na mesoje se sa came jetojne ne Shqiperi, dhe me kete numer fillon edhe zgjidhja e problemit: do te dime se sa i madh eshte problemi, sa came jane debuar realisht dhe sa ka shkuar numri i tyre me kohen.

Por Xhufi nuk eshte i interesuar qe ceshtja came te zgjidhet. Po u zgjidh ceshtja came, atehere ku ta gjeje municionin Xhufi qe te sulmoje shtetin helen me qellim qe te mos lejoje bashkepunimin e shteteve ballkanike, duke bere ne kete menyre politiken e punedhenesit italian? Dhe te njejten gje ben edhe turqia me mashat e veta ne Shqiperi, e kane shume per zemer ceshtjen came, pasi duan qe ta perdorin ne perjetesi si molle sherri midis Shqiperise e Greqise.

Albo

Ta zeme se jane te verteta ato qe thua per Xhufin dhe ate Pashain (sigurisht qe jane shpifje greke qe te na beje mos te shikojme thiken e ngulur ne shpine tone) ! Cfare lidhje ka ? A jane te verteta ato qe ata thone ? Po 100% !
A jane veprimet e grekut kunder popullit shqiptar si komunitet ? Po 100% ! E cfare rendesie ka se kush i thote ?

Sipas teje pse "Traktatin e Fshehte te Londres" te 1915 , per copetimin e Shqiperise , e denoncoi Lenini dhe ne nuk duhet ta besonim ?

Patriotet shqiptare jo vetem e vleresuan ate denoncim , por me urgjence organizuan Kongresin e Lushnjes ne 1920-ten !

E sot ka me pak shqiptare te paditur se ne 1920-ten !

[vajz]

ore Greqia a ju garanton ndonje te drejte minoritetit etno-gjuhesor Arvanitas? Si psh ti ndihmoje te shkruajne gjuhen e tyre, te kultivojne kenget dhe traditat e tyre, se per ti numeruar dihet ajo qe nuk njeh minorite, pervec Turqve.

a thua valle minoriteti Grek ne Shqiperi eshte me i vjeter se minoriteti Arvanitas ne Greqi? Qe nga koha e kolonive jane ato?

pse vasale te shteteve si Greqia dhe Turqia jemi ne, qe te plotesojme oreksin e tyre per pervetesim dhe nenshtrim te Shqiperise me kerkesa absurde?

[Sofi _]

Paska dhe disa ide te tjera mbi regjistrimet sipas te cilave ky Kreshnik Spahiu s'po na dilka dhe aq i sinqerte ne thirrjet per patriotizem...ose me sakte, po ne dilka me teper i zhurmshem sesa konkret rreth cka duhet bere...

Intervista dhene rreth 2 muaj me pare nga Agron Tare, ish-drejtor i zyres se minoriteteve ne Ministrine e Jashtme.




Agron Tare: Rregjistrimi, greket kerkojne territorin

Shkruar nga: Shekulli
Postuar më: 2 muaj më parë



"Unë e kisha paralajmëruar këtë që po ndodh sot nga ana e grekëve. Ia thashë edhe ministrit të jashtëm të asaj kohe, Kastriot Islami". Agron Tare, ish-drejtor i zyrës së minoriteteve në Ministrinë e jashtme të Shqipërisë deri në vitin 2006, thotë sot se po dalin shumë prej atyre frikërave, që kishte patur ndaj pretendimeve të vazhdueshme greke ndaj qeverive shqiptare për minoritetin dhe imponimin e ligjeve të cilat ata vetë nuk i kanë pranuar.

Tare, kujton debatin e fundit që pati me ish-ambasadorin e Greqisë në Tiranë, Pantelis Karkabasis, në prani të përfaqësuesve të BE-së, për fushatën që kishte bërë shteti grek për minoritetin në vend. Në një intervistë për "Shekulli" Tare thotë se rregjistrimi i popullsisë duhet të bëhet, por INSTAT-i të luajë rolin e tij, duke përpunuar të dhënat, sipas rregjistrit të gjendjes civile. Ish-drejtori i minoriteteve nuk është dakort edhe me fushatën e nisur nga ana e nënkryetarit të KLD-së, duke ngritur lart flamurin, ndërsa nga ana tjetër gjyqtarët që kontrollon ai japin vendime mbi të dhëna të falsifikuara kundrejt parave. 'Ata duhen çuar në burg për falsifikime, kundrejt rryshfetit"-thotë Tare.


Z.Tare, nga përvoja juaj si drejtor i zyrës së minoriteteve, çfarë mund të thuhet për minoritetet në Shqipëri?

Duhet parë si ka qenë historia e minoriteteve për të marrë disa pika referimi. Nëse popullsia e Shqipërisë ka qenë në rritje progressive dhe sot janë 300 mijë i bie që në 1925 të kenë qenë 150 mijë, kuptohet nëse popullsia është rritur dyfish. Duke u mbajtur në fakte historike shikon që faktet të japin të drejtë ty për shkollat, mënyrën e trajtimit, për referencat e Lidhjes së Kombeve.

Grekët pretendojnë shumë te Protokolli i Korfuzit, që të vijmë te çështja e Vorio Epirit. Protokolli i Korfuzit thotë se forcat fituese të Luftës së Parë Botërore, u thonë grekëve që ishin humbës: "Tërhiquni nga jugu i Shqipërisë si forca pushtuese", pra i trajtojnë si forca pushtuese në tokë të huaj, dhe grekët kërkojnë garanci për popullsinë me besim ortodoks. Dhe protokolli i Korfuzit tha se nuk do të prekej popullsia ortodokse, por jo popullsia greke, pra toka nuk konsiderohet greke. Është e shkruar e zezë mbi të bardhë, pavarësisht se çfarë thonë grekët. Dhe tani grekët këtë territor që e konsiderojnë grek, duan ta mbushin me grekë. Fiktivë apo jo kjo është për tu parë. Pra gjëja e parë që duan ata është territori. Ndërsa ne po bëjmë sot për sot debate me këngë patriotike.

Ne kemi bërë një rregjistrim në vitin 1989, i financuar nga OKB-ja dhe nuk ishte rregjistrim komunist. INSTAT-i është pjesë e EUROSTAT-it, është një organizëm i kontrolluar që ka kritere shkencore. Nuk ka patur tendencë nga Enver Hoxha që ta minimizonte problemin e minoriteteve, sepse atëherë nuk diskutohej çështja e Vorio-Epirit. Po të marrim edhe shifrat e vitit 1920, apo të viteve '60, janë me të njëjtën logjikë. Të vetmet shifra që ne kemi të pasakta janë për romët.

Si e konsideroni rregjistrimin e popullsisë duke deklaruar kombësinë dhe fenë?

Për mua rregjistrimi i popullsisë dhe pyetja se çfarë kombësie i përket, mundet të bëhet, sepse është turpi i shqiptarëve që do të gënjejnë dhe atyre që do të rregjistrojnë. Nëse INSTAT-i do të veprojë me grupin e anketuesve, që do të trajnohen dhe do të funksionojnë saktë dhe ai pyet se çfarë minoriteti i përket dhe ai përgjigjet: "I minoritetit grek", gjuha e nënës? Greke, shkollimi?

Si e ke bërë 8-vjeçaren, në çfarë gjuhe, shqipe apo greke dhe këto janë të dhëna që përpunohen, përpunohen me të dhënat e rregjistrit të gjendjes civile, pra janë material i përpunueshëm. Pra ti mund ta bësh pyetjen, por nuk të heq të drejtën njeri që ta përpunosh, pra meqë ai ka deklaruar kështu, ti je i detyruar ta respektosh atë çfarë ka deklaruar ai. Ky regjistrim nuk do të thotë se do t'i fshijë të gjitha të dhënat dhe do ta rishkruajë historinë nga e para. Nëse unë rregjistroj dhe më dalin se janë 100 mijë vetë minoritarë grekë, unë këta 100 mijë vetë do t'i marr rast pas rasti, meqë është kaq sensitive dhe do të shoh ku përputhet, ku gënjejnë dhe ku nuk gënjejnë dhe do të them bie fjala se: "Filani, Agron Tare, ka deklaruar se i përket minoritetit grek dhe nuk e ka ushtruar këtë të drejtë". E drejta e minoritetit nuk është një e drejtë kolektive, pra nëse dalin 100 mijë minoritarë ata do të kërkojnë që Jugu i Shqipërisë të jetë Vorio-Epiri.

Mund të jenë 100 mijë grekë në Shqipëri, por mund të jenë 10 mijë në Shkodër, 2 mijë në Korçë, 5 mijë në Tropojë, pra mund të jenë shpërndarë nga lëvizja demografike. Nuk të thotë askush që ti duke patur 100 mijë grekë duhet që tani të ndryshosh çdo gjë. Duhet që këta 100 mijë grekë ta kërkojnë këtë të drejtë. Ne e shohim këtë në Himarë, kur kërkuan vite më parë hapjen e shkollës në gjuhën greke. Atëherë unë u thashë: "Ok, bëni kërkesën, ma dorëzoni me 44 firma". Nga 44 firma, pas verifikimit të inspektorëve të arsimit të qarkut të Vlorës, sipas ligjit, vetëm 11 banonin në Himarë, të tjerët s'ishin fare dhe nga këta 11 vetëm katër ishin me kombësi greke. Të tjerët ishin shqiptarë.

Ka mjaftueshëm burime njerëzore INSTAT-i t'i kontrollojë këto të dhëna?

Normale që i ka, sepse këto që po them unë, janë marrë prej andej dhe aty ka njerëz të aftë. Ne nuk duhet t'i fshehim dobësitë tona, dhe këta "patriotët" e mëdhenj që dalin nëpër podiume të kërkojnë nga INSTAT-i metodologjinë, se si do të bëhet kjo punë, çfarë kërkojnë, përpunimin e të dhënave, të marrin gjithë rregjistrat e gjendjes civile, sepse INSTAT-i i sotëm nuk mund të hedhë poshtë rezultatet e INSTAT-it të 2001-it. Atëherë popullsia e Gjirokastrës ka dalë le të themi 80 mijë banorë.

Po por atëherë nuk deklarohej as kombësia dhe as feja

Do të bëhet rregjistrimi tani dhe do të dalin, 78 mijë apo 82 mijë. Në vitin 1989 aty kanë qenë 70 mijë banorë. Tani në 70 mijë banorë, sa grekë do të dalin? Sot njihet që shumë fshatra të Labërisë kanë zbritur në bregdet. Njihet si fakt që shumë minoritarë kanë emigruar në Greqi. Atëherë si janë këta të rregjistruar? Pra kanë shumë gjëra që ti mund t'i demontosh, pa u bërë patriot. Unë nuk e kam shumë parasysh ligjin për ndryshimin e kombësisë në gjendjen civile me vendim gjykate, por ka qenë gjithmonë, që, nëse ti ke ose nënën ose babain, ti ke të drejtë të vësh kombësinë. Unë nuk e shoh këtu problemin. Sepse është turp që Kreshnik Spahiu që është nënkryetar i KLD-së, të dalë e të thotë se problemi është ligji dhe nuk e kanë fajin ata që aplikojnë këtë ligj në mënyrë abuzive, sepse është korrupsioni në gjykata që e bën këtë gjë. Gjykata që të bëjë ndërrimin e kombësisë duhet të marrë faktet dhe ta bëjë realisht.

Por është një ligj i parlamentit që ka shkuar në Gjykatë Kushtetuese.

Unë si qytetar mund të dal dhe të flas për ligjin, por jo nënkryetari i KLD-së, që shan ligjin dhe nuk shan aplikuesit e ligjit, që janë gjykatat dhe ai është vetë shefi i atyre. Dy gjërat më të dëmshme që i janë bërë vendit nga dy "patriotët" më të mëdhenj, Sali Berisha dhe Ilir Meta janë kur Sali Berisha futi në burg minoritarët, duke i bërë heronj dhe bëri më dëm se çfarë duhej dhe Ilir Meta me Sali Berishën që bënë koalicionin për zgjedhjet vendore të vitit 2001 në Himarë, sepse aty u fut për herë të parë Himara në axhendën ndërkombëtare, ngaqë më parë nuk njihej.

Çfarë angazhimesh duhet të përmbushë Shqipëria si nënshkruese e Konventës kuadër të Minoriteteve? Kujtoj këtu që dy shtete si Franca dhe Greqia nuk e kanë ratifikuar këtë Konventë. Po, Greqia nuk i njeh fare minoritetet, ndërsa Franca i barazon, i bën të gjithë francezë, pra të barabartë. Por kjo nuk ka të bëjë fare me ne. Ne nëse flasim për Konventën Kuadër për Minoritetet duhet të shohim se si i kemi marrëdhëniet me ta. Detyrimet që burojnë nga Konventa Kuadër janë plotësuar dhe nuk ka kushte të paplotësuara. Një nga kriteret e futjes në NATO ka qenë respektimi dhe mbrojtja e minoriteteve. Fakti që jemi pranuar në NATO, tregon se ne i kemi plotësuar këto angazhime. Nëse Greqia ka dhënë konsensus për anëtarësimin në NATO, nënkuptohet që ka miratuar edhe mënyrën se si respektohen të drejtat e minoriteteve.

Nëse do të bënim sot një hartë minoritetesh në Shqipëri, cila është?

Është e vështirë sot të bësh një hartë të minoriteteve në Shqipëri, sepse janë të drejtat individuale. E drejta e minoritetit është një e drejtë që e mban individi, nuk ia lë tokës. Pra nuk na bën ne që të shkojmë dhe të banojmë në Himarë dhe jemi grekë. Individi duke lëvizur nga Himara në Tiranë, e bën atë pjesë të Tiranës greke në kërkimin e të drejtave. Duhet parë se çfarë lëvizjeje demografike ka, sepse ty mund të të ketë lëvizur gjithë Dropulli e mund të të ketë ardhur në Elbasan dhe ti këtë nuk e di, prandaj para se të bësh këtë pyetje duhet të më bëje një tjetër: Si është lëvizja demografike në Shqipëri? Sa ka lëvizur popullsia e Gjirokastrës, popullsia ku ka patur minoritet vite më parë, ku ka lëvizur, duhet parë kahu i lëvizjes.

Por këto të dhëna nuk ekzistojnë...

Nuk ekzistojnë sepse janë shumë të vështira, por kryesisht ti sheh numrin e popullsisë. Nëse ka rregjistrime të reja në gjendjet civile të Srandës, Gjirokastrës, duhet parë nga kanë ardhur, sepse këto janë të dhëna shtetërore. Duhet parë sa zhvendosje ka, pra sa persona që kanë jetuar në Gjirokastër kanë kërkuar që të heqin vendbanimin në Gjirokastër dhe të regjistrohen diku tjetër. Duke u parë kjo kupton edhe sa banojnë aktualisht dhe minoritetet. Rregjistri i gjendjes civile ka një hapësirë që u jep të drejtë minoritarëve. P.sh. Vangjel Dule thotë: "Unë e kam mamanë greke dhe babain shqiptar dhe jam rregjistruar si shqiptar.

Unë dua të ndjehem grek dhe dua që të trajtohem si i tillë". Vangjel Dule mund të kërkojë ta ndryshojë kombësinë, por Vangjel Dule duhet që çdo ditë ta dëshmojë nëpërmjet kërkesave të veçanta që të trajtohet si minoritar dhe të trajtohesh si i tillë nuk nënkupton të drejta politike, por të drejta arsimore dhe kulturore. Nëse ti tregon se nuk di shqip unë mund të të jap të drejtën që në gjykatë të mbrohesh në greqisht, por nëse je arsimuar në Shqipëri, në gjuhën shqipe, ty të humbet kjo e drejtë. Për të mbrojtur minoritetet, po të shohësh kriteret e Kopenhagenit dhe këto organizma janë shumë të kujdesshëm që duke të të dhënë ty këto të drejta, këto nuk mund të tjetërsohen në të drejta politike. Të jesh minoritar do të thotë të deklarosh besnikërinë ndaj vendit ku jeton dhe këtu është në kundërshtim me grekët. Nëse sot Bollano del dhe flet kështu ai e humbet të drejtën e të qenit minoritar, barazohet me vendet baske.

Kartën e gjuhëve rajonale unë e kam refuzuar ta nënshkruaj, me idenë se këtu është një vend pa të dhëna, dhe me administratë të dobët dhe mua më çon në kolaps administrative po e firmosa këtë kartë, sepse po ta kisha administratën siç duhet do të isha pranuar në BE. Konventa Kuadër për Mbrojtjen e Minoriteteve nuk është dokument detyrues, por këshillimor, dhe nuk kanë rënë dakort të gjitha shtetet se çfarë do të thotë minoritet, sepse ka këndëvështrime të ndryshme, siç është çështja e hungarezëve me Rumaninë, apo respektimi i romëve në Itali. Vetë vendet e zhvilluara europiane kanë problemet e tyre me minoritetet lidhur me trajtimin e tyre dhe nuk mund të vijnë në Shqipëri të bëjnë rregullat e tyre. Ne nuk duhet të themi se nuk i njohim minoritarët, se ata kështu e ashtu. Duhet të themi, se i njohim minoritetet, nëse janë 500 mijë themi se po janë 500 mijë sepse është fakt, dhe nëse janë kaq pyesim ku janë kërkesat për hapjen e shkollave, si ka mundësi që fëmijët e tyre kanë mësuar shqip që 4-5 vjeç, sepse në bazë të ligjit do të kishte rritje të numrit të shkollave, rritje të aktiviteteve kulturore, do të kishte kërkesë për televizione.

Po përmend rastin e maqedonasve në Shqipëri. Thonin se jemi 100 mijë në Shqipëri. Vite më parë bëhej një festë në ambasadën maqedonase në Tiranë. Kur shkova unë ishin maksimumi 30 vetë, nga të cilët shtatë ishin stafi i ambasadës, nja 12 ishin shqiptarë që unë i njihja dhe nja tre-katër ishin kryetarë shoqatash. I thashë njërit se: "Më vjen mirë që vij këtu dhe kuptoj realisht se sa maqedonas ndjehen shqiptarët. Mund të jenë maqedonas aq sa thoni ju, por po të jenë vërtet 100 mijë maqedonas në Shqipëri të paktën këtu do të kishin qenë 300 vetë dhe kjo festë nuk do të bëhej këtu në oborr të ambasadës, ku shumica janë shqiptarë, por do ta bënit në një sallë të madhe". Ti e provon këtë në jetën e përditshme. Ku janë këta 100 mijë maqedonas, ku i dërgojnë fëmijët në shkolla, kur kanë aplikuar në bazë të ligjit, ku ka kërkesa në gjykata dhe të bazuara?

Një shoqatë duhet të thotë: "Po në Gjykatën e Korçës ka 1000 kërkesa për ndryshim kombësie të bashkëkombasve tanë maqedonas që refuzohen nga gjykatat pa arsye. Dhe ku janë këto të dhëna, se mirë ne që nuk i kemi, sepse jemi shtet i çrregullt, por ti si organizatë minoritare që merresh vetëm me këto punë duhet ti kesh. Atëherë mi jep se sa kërkesa ke për në gjykatë për ndryshim kombësie, në radhë të parë më jep se sa minoritet ke. Dhe më thua: "Po në Shqipëri janë 5 mijë të konfirmuar, ndërkohë ka edhe 50 mijë të tjerë që nuk njihen, sepse rregjimi komunist ua ka ndryshuar kombësinë dhe nuk i ka lejuar dhe ata kërkojnë të rregjistrohen dhe unë ja ku i kam të dhënat". Dhe të shkosh në gjykatë e të ndërrosh kombësinë duhet të çosh edhe dokumente që ti je minoritar sepse nuk mjafton vetëm të shkosh atje dhe të thuash se duhet të bëhem maqedonas.

Duhet të japësh vendbanimin, vendlindjen, kombësinë e nënës, të babait, të gjyshit dhe gjyshes dhe ta vërtetosh që njëri nga këta e ka me dokumente të prodhuara nga shteti shqiptar dhe mund ta bësh këtë gjë dhe ky është ndryshimi vullnetar i kombësisë. Nëse falsifikohen dokumentat në lind e drejta, që të marrin të gjitha ndryshimet e kombësisë, të gjithë gjykatësit që i kanë bërë dhe bëj një hetim për të gjetur të gjitha shkeljet dhe këta gjykatës i dërgoj në burg, që të mos guxojë ta bëjë njeri tjetër. Absurditeti këtu është, sepse një gjykatës e ndryshon dhe fajin e paska ai fukarai që për të marrë pensionin nga greku ka shkuar dhe ka ndryshuar kombësinë dhe nuk paska faj gjykatësi që ka bërë këtë falsifikim dhe ka marrë lekë, sepse pa lekë ai nuk ta bën, nëse është abuzive. Pra ne duhet të jemi të aftë të mbrojmë veten tonë dhe nuk mundet që këtë mbrojtje ta bëjmë me flamur.

Njeriu i BE-së, i përfshirë në rregjistrim popullsie

Një përfaqësues i rëndësishëm i zyrës së BE-së në Tiranë, është njëherësh edhe anëtar i një rrjeti që merret me demografinë në rajonin e Ballkanit. Rrjeti i quajur DemoBalk, i themeluar në 1996 nga tetë demografë, është fokusuar mbi demografinë në Ballkan. Aty francezi François Begeot prezantohet si përfaqësues i përhershëm i Komisionit Europian në Bruksel, në Drejtorinë e Përgjithshme për Energjinë dhe Transportet. Organizimi i rrjetit, siç mund të shikohet edhe në linkun www.demobalk.org/index_en.asp, e paraqet DemoBalk, si një organizim shkencor dhe të pavarur, ku bëjnë pjesë edhe dy shqiptarë. Nga ana tjetër Begeot është edhe një zyrtar i lartë në zyrën e Delegacionit Europian në Tiranë, zyrë që është angazhuar shumë, bashkë me OSBE-në, në rregjistrimin e fundit në Shqipëri, duke qenë kështu në konflikt të pastër interesi, siç mund të shihet në faqen e zyrës së KE-së në Tiranë, në linkun http://ec.europa.eu/delegations/alba...n/index_en.htm. Vendlindja e Begeot, Franca dhe Greqia ku janë pikat e kontaktit të rrjetit, janë të vetmet antare të BE-së që nuk kanë ratifikuar Konventën Kuadër për minoritetet kombëtare.

Rregjistrimi i vitit 2001

Pyetësori grek, asnjë pyetje për kombësinë, gjuhën dhe fenë. Njësoj si në Shqipëri, edhe në Greqi në vitin 2001 u bë rregjistrimi i popullsisë dhe në të dyja vendet nuk kishte pyetje rreth kombësisë apo përkatësisë fetare.

Në pyetësorin e lëshuar nga sekretariati i përgjithshëm i Shërbimit të Stastikave Kombëtare të Greqisë, në 18 mars 2001, prej 15 faqesh, kërkohen të dhëna për rezidentët në Republikën e Greqisë, që kanë të bëjnë vetëm me individët për gjendjen e tyre ekonomike, sociale dhe kulturore si dhe për banesat, por në asnjë vend nuk bëhet fjalë për pyetje lidhur me përkatësinë etnike dhe fetare. Siç mund të shihet edhe në linkun

http://www.statistics.gr/portal/page...01_01_F_EN.pdf


Konventa Kuadër për Mbrojtjen e Minoriteteve Kombëtare?
Konventa: Minoritar të bën gjuha, feja dhe kultura

Konventa Kuadër, e cila ka hyrë në fuqi me datën 1 Shkurt 1998, është njëra prej traktateve më të plota, hartuar për të mbrojtur të drejtat e personave që i takojnë minoriteteve kombëtare. Palët në këtë Konventë marrin angazhimin të sigurojnë barazinë e plotë dhe efikase të personave të cilët i takojnë grupeve minoritare, në të gjitha sferat e jetës ekonomike, sociale, politike dhe kulturore, si dhe kushtet që do t'u lejojnë atyre të shprehin, ruajnë dhe zhvillojnë kulturën dhe identitetin e tyre.

Konventa Kuadër nuk e përmban definicionin e konceptit «minoritet kombëtar», pasi nuk ekziston një përcaktim i përgjithshëm, i pranuar nga të gjitha Shtetet Anëtare të Këshillit të Evropës. Çdo palë në Konventën Kuadër megjithatë i është lënë hapësirë për të vlerësuar se cilat grupe mund të përfshihen nga Konventa brenda territorit të tyre. Individët janë të lirë të vendosin nëse dëshirojnë apo jo të bëjnë pjesë në një minoritet kombëtar. Kjo nuk nënkupton se çdo person mund të vendosë në mënyrë arbitrare nëse i takon ndonjë minoriteti kombëtar. Zgjedhja e individit duhet të bazohet në kritere objektive që lidhen me identitetin e personit, siç janë gjuha, feja dhe kultura.

Apeli i ish-drejtorit të minoritetit në Ministrinë e Jashtme për falsifikimet me shifrat e minoritarëve në Shqipëri. Paralajmërimi që kishte bërë vite më parë për atë që po ndodh sot dhe sa reale është prania e minoriteteve të huaja në Shqipëri. Pse fushata për rregjistrimin nuk duhet bërë me flamur kombëtar, por duke dënuar së pari ata gjyqtarë që bënë ndërrime false të kombësisë dhe se INSTAT-i të verifikojë deklarimet sipas rregjistrit te gjendjes civile.

[skipetar]

19 Maj 2011 - 15:50

TIRANE- Aleanca Kuq e Zi bëri sot publik një sondazh sipas të cilit 51% e shqiptarëve kanë deklaruar se janë kundër regjistrimit të popullsisë mbi baza fetare e etnike, ndërsa 32% kanë qenë pro. Sipas nënkryetarit të KLD Kreshnik Spahiu, njërit prej firmëtarëve të parë kundër këtij regjistrimi, Aleanca Kuq e Zi nuk do të ndalë përpjekjet deri sa t’i jepet fund këtij lloj regjistrimi, që është servirur nga Greqia, sic tha ai.

“Si mundet të heshtin kur shumica e popullsisë gjykojnë se ky sondazh është serviruar dhe është presion i shteteve të huaja. Ky regjstrim nuk është gjë tjetër vecse është i servirur nga Greqia. A është normale kjo, natyrisht që jo, ku shumica e të intervistuarve mendon se është një regjistrim i pasaktë, i pabesueshëm dhe antikushtetues dhe kundër standarteve. Këtë nuk mund ta lejojmë, për flamurin Kuq e Zi kanë derdhur gjakun, kanë dhënë jetën kanë rrezikuar karrierën dhe do vazhdojnë ta rrezikojnë me mijëra shqiptarë”, deklaroi Spahiu.

http://www.balkanweb.com/foto/43318.jpg
(m.a/BalkanWeb)

[illyrian rex]

Aktualisht ne Greqi po zhvillohet regjistrimi i popullsise dhe banesave. Do te zgjase deri me 24 maj.
Pyetjet qe i permban formulari jane: emri, identiteti, mosha, gjendja familjare, niveli arsimor, profesioni dhe shtetesia.
Pyetjet qe nuk i permban formulari jane: besimi fetar, origjina, kombësia dhe besimin partiak i te intervistuarit.

[Sofi _]

Shkrimi me poshte eshte percjell disa vite me pare. Ka te beje me regjistrimin e popullsise ne Shqiperi.

E rekomandoj per sensin e humorit, mbi te gjitha, por kuptohet dhe per problematiken qe ngre


Kur do të regjistrohet popullsia në Shqipëri?

Dr. Ardian Ndreca


Presidenti Bush në intervistën e dhanun nji gazetari
shqiptar, para pak ditësh, thonte se shqiptarët i
kujtojnë “myslimanë që jetojnë në paqë” – e deri këtu
nuk mund të mos jemi dakort me zotin president.
Ku ka ma mirë se të jetosh, aq mâ shumë në paqë – e
kur bahet fjalë për myslimanë – nji amerikan teokon si
Bushi që zakonisht mendon për hezbollahet, pasdaranët,
talebanët, fanatikët, kamikazët... për ata që tue mos
pasë kurrgja çka me humbë mbjellin terror kryesisht
ndër myslimanë e kajherë edhe ndër të tjerë – jeta në
paqë asht shumë domethanëse.
E keqja asht se Bushi na ka ba të gjithëve myslimanë
ose ka tregue se prej naltësive të Airforce One sheh
me vemendje veç myslimanët, pale a po jetojnë në paqë
apo në luftë.
Nuk mund ta kritikojmë, pse siç thotë populli: shkon
gjuha ku dhemb dhambi, e nga ana tjetër presidenti i
SHBA-së nuk mund ta njohin patjetër historinë e gjithë
popujve të botës. Mandej Bushi nuk ka ndonji
familjaritet të madh me shkencat historike, prej të
cilave edhe ai mund të mësonte gjana shumë
interesante.
Atij ashtu i kanë thanë e ai ashtu ka folë. Nga ana
tjetër edhe gazetari shqiptar dukej mâ se i
përshtatshëm me intervistue Bushin, mbasi për të dy
historia e vendit tonë ishte mjaft e panjohun.
Ajo që në të gjithë shtypin shqiptar të len pa mend
asht fakti se vijon të thohet se ne shqiptarët jemi
70% myslimanë, 20% ortodoks dhe 10% katolikë.
Po ateistat ku janë? Po ata që s’e kanë vra mendjen
kurrë nëse ekziston nji Zot, po ata që edhe tue qenë
«myslimanë» apo të «krishtenë» shkruejnë fjalën «zot»
me shkronja të vogla.
Për nji monoteist që njeh dallimin mes emnave të
përgjithshëm e të përveçëm asht nji gabim i randë me
shkrue «zot» kur bahet fjalë për Krijuesin, i cili
asht i Përveçmi par excellence.
Disa dekada komunizëm ateist e mbas tij shekullarizimi
i vazhdueshëm i shoqnisë shqiptarë e kanë ndryshue
ekuilibrin e feve në Shqipni. Nemos tjetër shohim
sekte fetare të reja, besime të reja, shohim
indiferencë ndaj fesë – e të gjithë këta shqiptarë ku
përfaqsohen kur jepen përqindjet: 70-20-10?
Ende vijojmë me u paraqitë para botës me të dhana të
paraluftës, e lufta ka do kohë që ka mbarue.
Kemi përditësue të dhanat që i përkasin moshës
mesatare, rrugëve të shtrueme, sipërfaqes së pyjeve,
ujnave të mbrendshme, pashallarëve që sundojnë – por
kur bahet fjalë për besimin s’kemi pasë guxim me
shikue vetveten e me thanë se çfare feje kemi, sa e
gjejmë vetveten te xhamia apo te kisha, me nji fjalë a
besojmë tek ai Zot që na paraqesin klerikët tanë në
përgjithsi?
Në kohën e komunizmit, në qytetin tem ndodhej i vetmi
Muzeum i Ateizmit, ku ekspozoheshin kryesisht
materiale që kishin të banin me Kishën katolike.
Në stendat modeste kishte pjata porcelani dhe gota
kristali, piruj dhe thika, libra dhe qarkore kundër
komunizmit, mandej kishte statuja, simulakre
shenjtënsh, armë të ftohta dhe zjarri, shishe të vogla
me helm për me helmue brrakat dhe ujësjellësat e
Shqipërisë socialiste, kishte fugure, veladona e gjana
të tjera të rrezikshme për revolucionin proletar, që
me sa duhej s’ua kishin gjetë të tjerëve.
Gjithçka ishte qesharake, pse në të vërtetë në asnji
muzeum nuk mund të ekspozohen idetë, dhe ishin
pikërisht idetë ato që rrezikonin regjimin komunist
dhe jo pjatat e porcelanit apo shenjtnit prej allçie.
Pra, gjatë viteve të komunizmit gjanat nuk kanë mbetë
ashtu siç ishin në vitin 1939 apo në vitin 1944.
Sot për me pasë nji ide sadopak reale mjafton me pa
sesa vetë, sidomos të rinj, frekuentojnë objektet e
kultit.
Njeriu thjesht për faktin që quhet Refik, apo Jani apo
Rrok – nuk i përket automatikisht nji feje. Duhet me e
pyet Refikun, Janin, Rrokun se cilës fe i përket e
mandej me përditësue të dhanat.
Nji tjetër e metë e përqindjes 70-20-10 asht se tek ai
70% kemi thjesht myslimanë.
Por ne e dijmë dhe vetë politika e Shqipnisë e ka pasë
gjithnji parasysh se myslimanët në vendin tonë janë
sunit dhe bektashinj, dhe se këto të fundit – ashtu si
sunitët - përbajnë nji bashkësi të madhe, të nderueme,
patriotike që meriton vizibilitet edhe në përqindjet
që jepen.
Komunizmi u përpoq ta zgjidhte problemin e fesë me
ligje popullore demokratike – tue vendosë me e nxjerrë
Zotin përjashta prej Shqipnijet. Kjo gja nuk pati
shumë sukses, pse Zoti u struk në zemrat e njerzve,
kajherë edhe të atyne që e mohonin me gojë, mbasi
ishin të detyruem për nji kafshatë bukë, e cila u
shërbeu me mbërrijt gjallë deri në agimin e lirisë.
Po sot, që në vendin tonë kemi nji demokraci të
vërtetë, pse nuk e regjistrojmë popullsinë e me ketë
rast shohim se cilat janë përqindjet, pse ndoshta
presidenti Bush mund të ketë të drejtë por gazetari
shqiptar kurrsesi jo, pse o ka probleme me anglishten
ose me historinë.
Para pak vitesh qytetarët shqiptarë u pajisën me
pasaporta të reja – të cilat për nga standardet
barabiten me ato të Bregut të Fildishtë apo të
Republikës së Kiribatit.
Mâ në fund po flitet për letërnjoftime dhe për
pasaporta të reja që do të plotësonin mâ së miri
standardet ndërkombtare. Tue qenë se administrata
shqiptare nuk gëzon nji famë të veçantë për luftën
ndaj korrupsionit, pse të mos përfitojmë me regjistrue
popullsinë e me ketë rast standardet e dokumenteve
shqiptare do të ishin mâ të nalta e do të njiheshin mâ
lehtë dhe mâ gjansisht prej shteteve të hueja!
Do të shmangeshin me ketë rast edhe shumë keqkuptime,
siç asht ai i përqindjeve të ngrime 70-20-10 dhe do të
spjegoheshin shumë fenomene të reja shoqnore.
Do të ishte nji e mirë e madhe me e njohtë vetveten
ashtu siç jemi realisht, me anën e shkencës së numrave
dhe të jo të numraxhinjve spekullatorë.

[Hyllien]

Puna e përqindjeve ka 20 vjet që përdoret si platformë për të hapur xhami e kishë. Muslimanët thonë jemi 70%(tani thonë pas Kosovës jemi 90%) pra duam Xhami, ndërsa Orthodoksët thonë numri është shumë më i lartë se 20%, pasi ka patur konvertime, ose indirekt ka mbi 10% minoritet etnik Grek.

Sa më shpejt të bien këto mite, dhe të vërtetohet një herë e mirë afetarizmi shqiptar aq më mirë do jetë për formulimin e një politike pa asnjë ndikim nga Athina dhe Stambolli.

[Gordon Freeman]

une personalisht vetem me katoliket shqiptar nuk kam as nje problem . Sinqerisht kam respekt , se jan te vetmit qe e ruajten traditen , edhe nuk puthen ****** e tyrqve .

e kshu me orthodokset po a?

[Hyllien]

Po pra, t'i rezojme keto mite, e te deklarohemi ashtu sic (s')jemi: katolike.

Dhe keshtu do ta largonim ndikimin e Stambollit e Athines, e do ta rikthenim furishem ate te Vatikanit.

Ti deklarohu si të duash. Nuk di cke me këtë katolicizmin ti. Nëse do pyet troc se cfarë jam, dhe nëse unë dua të jap përgjigje. Mos më vendos fjalë kur un nuk kam thënë gjë.

Deklarimi i lirë është deklarim i lirë, dhe shpresojmë që të ndodhi sa më shpejt dhe ti thyejmë disa mite që po na mbajnë peng me errësirën 500 vjecare Otomane.

[Nuh Musa]

une personalisht vetem me katoliket shqiptar nuk kam as nje problem . Sinqerisht kam respekt , se jan te vetmit qe e ruajten traditen , edhe nuk puthen ****** e tyrqve .

....cilen tradit bre djalosh ???....a nuk ke nene dhe babe ti ???............tradita jote eshte ajo e BABES DHE NENES, gjyshit dhe gjyshes sate.....detyra jote eshte te mbrosh ate tradit.....i ke musliman, atehere duhet te mbrosh traditen islame....

tung