SIDA në Shqipëri: Numri i të infektuarve në rritje

[flory80]

Kjo me duket shume absurde pasi AIDS transmetohet vetem ne rruge seksuale ...
Pse ata femije nuk kane te drejte te rriten si gjithe bashkemoshataret e tyre ?
A jeni pro testit te AIDS per te rinjte ?
cfare mendoni ju per kete ndodhi ?

Ne radhe te pare transmetimi i AIDS ndodh dhe nepermjet kontaktit te gjakut dhe sic e dime ne dimer ndodh qe tek femijet ka plasaritje te duarve dhe pjeseve te tjera te ekspozuara ndaj te ftohtit dhe kjo eshte nje mundesi e marrjes se virusit. Plus qe ndodhin lloj lloj aksidentesh ne shkolle ku mund te ket kontakt me gjakun keshtu qe eshte e rrezikshme
Por perseri une mendoj se duhet gjetur nje zgjidhje sepse edhe keto femijet jane shume gjynah

[samer]

Eshte dicka e tmerrshme te semuren dy femije dhe me kete semundje
besoj se duhen marre masa per femijet te pakten ne shkolle te bejne nje iformacion. Pastaj ka shume menyra qe te ndjekin shkollen kete femije duke mos i vene te tjeret ne rrezik
ndersa Ads mund te njgjitet nepermjet kontaktit te gjakut dhe konktaktit seksual

[Albo]

Virusi AIDS ka infektuar 400 shqiptarë, 67 prej tyre kanë vdekur

Emanuela Sako

Numri i personave të prekur nga HIVAIDS në vendin tonë ka shënuar një rritje të ndjeshme, ku vetëm gjatë këtij viti janë evidentuar 55 raste të reja. Në Ditën Botërore Kundër AIDS-it, specialistët e shëndetësisë kanë publikuar të gjitha të dhënat për personat e prekur dhe mënyrën e transmetimit të virusit vdekjeprurës. Aktualisht, në vendin tonë numërohen 379 raste mbartës të këtij virusi, ndërsa viti 2009 shënon numrin më të lartë të rasteve të evidentuara krahasuar me vitet e mëparshme. Specialistët bëjnë të ditur se ka dhe një kategori tjetër të prekurish, të cilët janë raste të paevidentuara dhe në të njëjtën kohë janë të padiagnostikuara.

Statistikat

Në Shqipëri janë shtuar 55 raste të reja më HIV/AIDS, 2 prej të cilëve janë fëmijë të vegjël. Shoqata e Personave të Prekur me HIV/AIDS në Shqipëri, theksoi se nga 379 persona të prekur me sëmundjen e pashërueshme, 21 prej tyre janë fëmijë, ku 2 raste u mësuan vetëm brenda këtij viti. Shumica nga fëmijët e prekur kanë lindur me sëmundjen, që është transmetuar nga prindërit e prekur me virus. Brenda vitit 2009 në vendin tonë kanë gjetur vdekjen 2 persona, të cilët janë fëmijë. Nga të dhënat zyrtare, bëhet e ditur se dy familje janë tërësisht të prekura nga virusi, duke nisur që nga nëna, babai dhe fëmija. ISHP-ja bën të ditur se rruga më e përhapur për transmetimin e infeksionit, në vendin tonë, është nëpërmjet marrëdhënieve seksuale. Por nuk përjashtohen edhe rastet nëpërmjet gjakut, nëpërmjet kalimit vertikal nga nëna te fëmija etj. Përsa i përket seksit të personave të prekur, 243 prej tyre janë meshkuj dhe 107 janë femra. Specialistët theksojnë se kjo vjen si pasojë e mospërdorimit të metodave mbrojtëse kontraceptive, vetëm 5% e të rinjve nga mosha 15-20 vjeç përdorin masa mbrojtëse.

Ministria

Ministri i Shëndetësisë, Petrit Vasili, theksoi se mungojnë mjekët profesionistë për të kuruar dhe kontrolluar këtë virus. Sipas tij, për kurimin dhe trajtimin e kësaj sëmundje, duhen mjekë të kualifikuar, për të cilën sot ka një mangësi. Nga ana tjetër, vendi ynë ka një laborator për kapjen e hershme të virusit, që ofrohet falas për personat e prekur. Ndërkohë që funksionojnë 14 Qendra të Këshillimit dhe Testimit Vullnetar Konfidencial (VCT) në të gjithë vendin. Në këto qendra ofrohet shërbim, testim dhe këshillimin për personat e prekur nga virusi. Ministria e Shëndetësisë po bën përpjekje për të siguruar vazhdimin e funksionimit të qendrave ekzistuese si dhe hapjen e qendrave të reja. Një vëmendje e veçantë i është kushtuar parandalimit të Transmetimit nga Nëna te Fëmija (PMTCT). Këtë vit është ngritur Qendra e Referencës për PMTCT, pranë Spitalit Obsterik –Gjinekologjik, “Koço Gliozheni”, si dhe është zbatuar një projekt pilot në tre rrethe të vendit.

Shoqata: Mjekët jokorrektë në kurimin e personave

Shoqata e Personave të Prekur me HIVAIDS ka shfaqur pakënaqësi nga mënyra e trajtimit dhe menaxhimit nga ana e personelit mjekësor. Përveç sëmundjes që u rrezikon jetën dhe persekutimit që u bëhet në jetën e përditshme, anëtarët e Shoqatës, shprehen se shqetësues për të infektuarit me virus është jokorrektësia e mjekëve. “Përderisa vazhdojmë të kemi raste të vdekjeve për shkak të AIDS, domethënë që AIDS është i fuqishëm ndaj sistemit shëndetësor shqiptar. Probleme ka në trajtimin me medikamente në ndërprerjet e herëpashershme krijohen probleme me trajtimin dhe sëmundja shfaq rezistencë ndaj ilaçeve”,- kryetarja e Shoqatës së të Prekurve me HIV/AIDS në vendin tonë. Sipas Kryetares së Shoqatës prej mungesës së kujdesit nga stafi mjekësor ka pasur dhe humbje jete. “Cilësia e shërbimit nuk është e normave të duhura. Pacientët trajtohen në mënyrë jo korrekte dhe stigma ndaj nesh ekziston dhe në stafin mjekësor. Kemi pasur raste kur në mungesë të kujdesit ka pasur dhe humbje jete. Pra mjekësia shqiptare është ende e papërgatitur para kësaj sëmundjeje”.


OKB raport për vendet që kanë numrin më të lartë të të prekurve

Në një raport të Kombeve të Bashkuara, paralajmërohet se Evropa Lindore dhe Azia Qendrore janë të vetmet rajone në botë ku shkalla e përhapjes së HIV ende po vazhdon të rritet.
Raporti thotë se rreth 110 mijë njerëz tjerë janë infektuar me HIV në vitin 2008, duke e çuar në 1.5 milionë numrin e përgjithshëm në Evropën Lindore dhe Azi, krahasuar me 900 mijë sa ishte në vitin 2001. Raporti thotë se Ukraina dhe Rusia po përjetojnë epidemi të rënda në rritje. Ukraina e ka shkallën më të lartë të të infektuarve në tërë Evropën, me të paktën 1.6 % të të rriturve. Ndërkohë sot aktivitete sensibilizimi në luftën kundër AIDS po zhvillohen në mbarë botën.

Albania

[DEA27]

Një vajzë e mitur, e infektuar me HIV AIDS gjatë një transplantimi gjaku, po diskriminohet në mënyrë të vazhdueshme në kopshtin e qytetit të Belshit. Përveç vështirësive që duhet të përballen me bashkëjetesën e kësaj sëmundje fatale, ndaj vajzës 4-vjeçare dhe prindërve të saj u shtohet një presion i vazhdueshëm nga prindërit e fëmijëve të tjerë. Violeta, nëna e dy binjakëve, njëra prej të cilave është infektuar, përballet çdo ditë me presionin psikologjik të prindërve të tjerë që kërkojnë izolimin e 4-vjeçares. Ndërkohë edukatoret e kopshtit shprehen se nuk mund t’i japin zgjidhje këtij problemi. Sipas tyre, ky shqetësim është përcjellë prej disa ditësh te autoritetet që duhet të marrin masa, por sërish nuk është marrë ndonjë përgjigje zyrtare nga këto institucione. Prindërit e tjerë kërcënojnë se nuk do të sjellin më fëmijët pasi ndihen të rrezikuar nga sëmundja e 4-vjeçares.
Konflikti
E mitura është infektuar ndërsa ishte shtruar në një spital pediatrik. Për këtë nëna e saj hapi një proces gjyqësor ndaj mjekëve, por e humbi çështjen. Ndërsa tani është në një tjetër proces me Ministrinë e Shëndetësisë.
“Mjeku vazhdon të punojë i qetë, ndërkohë që proceset gjyqësore vijojnë prej vitesh dhe ende nuk kanë përfunduar”, thotë Violeta. Konflikti i fundit në kopsht, ka shkuar deri në Ministritë Arsimit dhe të Shëndetësisë. Inspektorët e tyre janë takuar me palët, por asnjë zgjidhje nuk është dhënë. Ndërkohë nëna e vajzës së mitur akuzon edukatoren për këtë situatë. Edukatorja shprehet se ajo se ka problem të kujdeset edhe vajzën e sëmurë mirëpo janë prindërit ata që nuk e lejojnë një fakt të tillë.
Precedentët
Infektimi i vajzës 4-vjeçare nuk është rasti i parë që ndodh për shkak të pakujdesisë së autoriteteve shëndetësore. Të tilla raste ka pasur në qytetin e Lushnjës, Fierit madje edhe në Tiranë. Një nga shoqatat që e ka denoncuar ashpër këtë fakt ka qenë edhe Shoqata e Talasemikëve. Drejtuesit e kësaj shoqate në jo pak raste e kanë ngritur zërin duke thënë se nga pakujdesia janë infektuar shumë fëmijë që kanë pasur nevojë për gjak dhe shteti i ka lënë në mëshirë të fatit këta të infektuar.

[Elna Durrësi]

Një vajzë e mitur, e infektuar me HIV AIDS gjatë një transplantimi gjaku, po diskriminohet në mënyrë të vazhdueshme në kopshtin e qytetit të Belshit. Përveç vështirësive që duhet të përballen me bashkëjetesën e kësaj sëmundje fatale, ndaj vajzës 4-vjeçare dhe prindërve të saj u shtohet një presion i vazhdueshëm nga prindërit e fëmijëve të tjerë. Violeta, nëna e dy binjakëve, njëra prej të cilave është infektuar, përballet çdo ditë me presionin psikologjik të prindërve të tjerë që kërkojnë izolimin e 4-vjeçares. Ndërkohë edukatoret e kopshtit shprehen se nuk mund t’i japin zgjidhje këtij problemi. Sipas tyre, ky shqetësim është përcjellë prej disa ditësh te autoritetet që duhet të marrin masa, por sërish nuk është marrë ndonjë përgjigje zyrtare nga këto institucione. Prindërit e tjerë kërcënojnë se nuk do të sjellin më fëmijët pasi ndihen të rrezikuar nga sëmundja e 4-vjeçares.
Konflikti
E mitura është infektuar ndërsa ishte shtruar në një spital pediatrik. Për këtë nëna e saj hapi një proces gjyqësor ndaj mjekëve, por e humbi çështjen. Ndërsa tani është në një tjetër proces me Ministrinë e Shëndetësisë.
“Mjeku vazhdon të punojë i qetë, ndërkohë që proceset gjyqësore vijojnë prej vitesh dhe ende nuk kanë përfunduar”, thotë Violeta. Konflikti i fundit në kopsht, ka shkuar deri në Ministritë Arsimit dhe të Shëndetësisë. Inspektorët e tyre janë takuar me palët, por asnjë zgjidhje nuk është dhënë. Ndërkohë nëna e vajzës së mitur akuzon edukatoren për këtë situatë. Edukatorja shprehet se ajo se ka problem të kujdeset edhe vajzën e sëmurë mirëpo janë prindërit ata që nuk e lejojnë një fakt të tillë.
Precedentët
Infektimi i vajzës 4-vjeçare nuk është rasti i parë që ndodh për shkak të pakujdesisë së autoriteteve shëndetësore. Të tilla raste ka pasur në qytetin e Lushnjës, Fierit madje edhe në Tiranë. Një nga shoqatat që e ka denoncuar ashpër këtë fakt ka qenë edhe Shoqata e Talasemikëve. Drejtuesit e kësaj shoqate në jo pak raste e kanë ngritur zërin duke thënë se nga pakujdesia janë infektuar shumë fëmijë që kanë pasur nevojë për gjak dhe shteti i ka lënë në mëshirë të fatit këta të infektuar.

Kjo është çështje që shkaktohet nga mosnjohja e sëmundjes dhe transmetimit të saj.

Një fëmijë me sida nuk është rrezik ngjitjeje për fëmijët e tjerë siç mund të jetë gripi, fruthi, lija pyllit etj. Transmetimi i sidës ndodh nga kontakti direkt me gjakun e të sëmurit.

Një organizim i mirë dhe i kujdesshëm i jetës së përditshme në kopësht, një shpjegim i argumentuar mbi sëmundjen familjeve dhe një shpjegim i shëndetshëm fëmijëve mbi pathologjitë njerëzore do lehtësonte dhe shuante këtë situatë të vluar.

Fëmijët, apo dhe ne, deri sa kalojmë pragun e derës jemi në rrezikshmëri të kontaktojmë shumë lloj virusesh apo sëmundjes të ndryshme ngjitëse. Mos vallë nga paranoja do duhet të izolohemi totalisht?

Elna.

[_Morena_]

Tamam sjellje kafshesh , jam kurioze nese dicka e tille do u ndodhte femijeve te tyre cdo benin me tej keta soj njerzish .
Ne shqiptaret jemi secili per vete , zoti per te gjithe , nuk kemi piken e solidaritetit , dhe duam te ecim perpara ...
Sic ka shkruajtur dhe larte antarja Elna me pak informim ndoshta mund te gjehet nje zgjidhje pa jua dramatizuar jeten ketyre personave te cilet nje zot e di se ne cgjendje do jene ..

[Marya]

Zonja Elna ju do rrinit e qete si nene nqs do ta dinit se femija juaj do ndodhet tere diten me dike qe ka VIH?
pavaresisht se ai femije eshte i pafajshem dhe e ka marre ne menyre te pafajshme gje qe edhe mund ta transmetoje ne menyre te pafajshme, mjafton nje plag mbi nje plage dhe femijet plagosen gjithe diten sepse ata nuk dine se c'eshte semundja , nuk e dine se c'eshte dhimbja , nuk dine se c'eshte te marresh masa mbrojtese.
Flisni si nene

Nje sqarim mbi artikullin nuk ka transplantim gjaku, por transfuzion gjaku

[s0ni]

Pse nuk i bejne kontrollim gjakut per HIV ne Shqiperi??

Me vjen keq per vajzen e vogel dhe familjen e saj.
Por i kuptoj edhe prinderit qe kane frike nga vajza e vogel, sepse edhe une vete duke ditur te gjitha mbi HIV/AIDS pacientin e pare qe ishte i infektuar me frike i rrija larg, edhe me perkujdesje shume te madhe, sikur me dilte zemra nga kraharori aq shpejt me rrihte nga frika. Hera e pare eshte e frikshme edhe pse e llogjikoja ndryshe ne mendjen time. Stigma qe ka HIV ishte e pashmangur nga ana ime ne kontaktin e pare qe pata. Mesiguri qe edhe prinderit e femijve te tjere kane kete frike.

Te isha nena e kesaj vajze do te levizja ne qytet tjeter me familjen time. T'ma trajtoje shoqeria femijen time ne kete menyre nuk e perballoja dot. Biles as nuk do ti tregoja te tjerve qe femija ka HIV. Vetem familjes edhe shoqerise se ngushte. Vajzen do ta mesoja pike ne pike per semundjen e saj edhe te perkujdeset qe mos te cahet nga duart, e kembet qe ti dali gjak kur eshte duke luajtur me femijet e tjere.

Nqs nuk eshte ligj ne Shqiperi per kontrollimin e gjakut kundra HIV, shtetin Shqiptar do te hidhja ne gjygj. Doktorat s'kane faj, faji qendron tek shteti qe nuk e ka me ligj kontrollimin e gjakut qe jipet.

Ps. transplantimi i gjakut mban #1 per shumicen e rasteve qe transplentohet. Mund ti thuash edhe transfuzion por edhe transplantim eshte korrekt ta quash.

[laura..]

Neqofte se meren masat e duhura ne kopesht ska pse te sillen ne kete menyre ne ajo foshnje
eshte nje semundja qe po pate kujdes nuk ngjitet kollaj po thuaj se te gjithe dime sot se si ngjitet HIV dhe si mund te te rruhesh
me vjen shume keq qe kjo semundje po perhapet edhe ne shqiperi
europa sjell dhe keto te keqe skemi cbejme.......
te gjithe e kemi kete mikrob ne gjak po ne disa fle dhe ne disa zgjohet mos kujtoni se e ka vetem femija......

[Elna Durrësi]

Zonja Elna ju do rrinit e qete si nene nqs do ta dinit se femija juaj do ndodhet tere diten me dike qe ka VIH?

Fëmija im ka frekuentuar dhe frekuenton struktura kolektive. Fakti që mes fëmijëve që shkëmbehet çdo ditë fëmija im të ketë edhe ndonjë të sëmurë me sëmundje nga më të ndryshmet nuk përjashtohet.

Unë punoj që 10 vjet në botën kopshtore dhe 5 vite paraprake kam punuar me fëmijë të moshës së shkollës fillore. Pak a shumë deri tani i bie të kem shoqëruar përgjatë këtyre viteve diku 300 fëmijë në përditshmërinë e tyre shkollore apo kopshtore. Fakti që mes tyre të ketë patur ndonjë fëmijë me ndonjë sëmundje delikate nuk përjashtohet. Ndryshimi është se ka një sektret profesional dhe mjekësor për të respektuar si dhe një proçedure rrethanore për të ndërtuar. Kështu askush nuk cënohet as psiqikisht, as fizikisht.

Tani duke u bazuar në komentin tuaj, i bie që të mos dal nga shtëpia fare as unë as fëmija im?!

Flisni si nene

Sa për informim, do shqetësohesha më shumë nëse në strukturat kolektive që frekuenton fëmija im, apo dhe unë vetë, të ishte prezenca e Hepatit C, sepe shpërndarja e tij është shumë më e thjeshtë se ngjitja e sidës. Nëse për sidën duhet kontakt të gjakut me gjak për tu infektuar, me hepatitin C, mjafton një çikëlzë pështyme për t'ia transmetuar dikujt tjetër.

Përsa i përket rastit të sidës, do informoja fëmijën tim mbi sëmundjen në fjalë si dhe do e informoja gjithshtu mbi veprimet që duhen bërë dhe masat që duhen marrë për të mos u infektuar me sëmundjen.P.sh. në rast plagosje të fëmijës së sëmurë, të mos prekte në asnjë mënyrë gjakun e fëmijës, por të thirrte menjëherë shoqëruesit madhorë (edukatoret, prindërit, kujdestarët).

Nga vetë kujdestarët/kujdestaret do kërkoja që të kujdeseshin në mënyrë të veçantë për mospërzierjen e sendeve të higjenës personale (furça dhëmbëve, krëhëri, kremrat etj) si dhe përdorimin e dorezave medikale për mjekimin e fëmijës së sëmurë, me qellim që të mos infektohet vetë kujdesatari/kujdestarja dhe për pasojë të infektojë fëmijët e tjerë për të cilët kujdeset.

Elna