Satira nga Gazeta Shekulli

[drague]

ka qene para ca kohesh ca gazeta me permbajtje te larte sociale si psh:
Intervista, paloma etj etj qe sherbenin per bashkimin e zemrave te vetmuara dhe i ndihmonte te mos abuzonin me me veten.

ky quhet ngacmim seksual, dhe ktu ne Gjermani denohet me ligj.

[Besoja]

Drague!
Nuk është puna se jam i djathtë por nuk e kuptoj ku është humori!
Edhe humori ka arsyet e veta që shkruhet që nuk po zgjatem,por të bësh humor se u hap një tunel...!!!!

[[Perla]]

Hysni Dajaku deklaron për mediat :

Me këtë lloj fushate, more vëllezër, unë jam i sigurt se ne që tani i kemi plotësuar të gjitha kushtet për të pasur kësaj here zgjedhje të ndershme edhe të lira.


Kjo falë punës së qeverisë dhe partisë në pushtet që ka marrë të gjitha masat që militantët e "HAMAS"-it të tregojnë me vepra devotshmërinë tyre para liderit. Ishalla nuk na bëjnë hatanë që të mbështillen me dinamit edhe të hedhin veten në ere tek qendra e votimit kur të deklarohet largqoftë humbja.


Vëzhguesit e këshillit të Europës dhe ODIHR-it më mirë ta japin atë vlerësimin që tani dhe të ikin, se me siguri standardet janë arritur e janë kaluar pa u bërë votimet.


Vetëm ndonjë sylesh nuk e kupton se nuk ka ngelur standard pa u plotësuar e direktivë pa u zbatuar.


Që në këtë moment pak rëndësi ka nëse votohet apo jo, nëse fiton opozita apo pozita, ato që kërkoi Evropa në i zbatuam një më një... kartat i bëmë, e shtymë edhe tre ditë aplikimin, kanë ngelur nja 400 mijë veta thonë, po nuk është ndonjë gjë e madhe, banderola e postera me shumë se në zgjedhjet amerikane, paraja ka shkuar lum e det edhe nuk dihet sa do harxhohen më, druri ka valuar pa hesap dhe pa ndikuar aspak në mbarëvajtjen e procesit zgjedhore, viktima pa dyshim ka pasur edhe vazhdojnë të shkaktohen të tjera, po as këto nuk e zbehin ndershmërinë e këtij procesi, që falë zotimit të Kryeministrit do quhen gjithmonë zgjedhjet me të ndershme në historinë e Shqipërisë që nga koha e pellazgëve... Ne nuk na ka ngelur gjë tjetër tani po vetëm t'ia marrim këngës:

Të keqen e drurit, o moj opozitë
që po të jep Sala, nga dita në ditë
po ku je moj NATO, po ku je o xhan
na kan vënë poshtë e s'po gjejmë derman
Po ku janë standardet, ku është policia
kush vallë do i ngjisë, gjithë brinjët e mia
Ç'bën Kryeministri, që na integron
militanti i tij, s'pyet ku të kafshon
thotë, hym në NATO, jemi Europian
bombat poshtë makinës, po ia bëjnë bam
Sigurum atdheun, s'na sulmon njeri
po në kush na mbron, nga shoku Sali?
S'na sulmon Serbi, s'na rreh Italiani
te shqep militanti, sa të dali xhani
Huri ka dal sheshit, nuk ka dit pa sherr
presim integrimin, e dëgjojmë gërr-vërr
pse sa here që ikën, o shoku Sali
ti do ndezësh sherr, do bësh gjullurdi
edhe po të ikësh, edhe po fitove
me kët' frymë banditësh, në hale na çove


Shekulli Online | 19/06/2009 | Satire |

[[Perla]]

Zëdhënësi Hysni Dajaku deklaron për mediat
Me disa ditë vonesë, për shkak të prezencës time të pandërprerë te Tyneli, do doja dhe unë në emër të Partisë Komuniste të shprehja gëzimin e madh që lideri i plotfuqishëm arriti më në fund të çmallet më vendlindjen pas shumë e shumë përpjekjesh, dhe duke u shpëtuar pengesave që Edi Rama kishte ngritur.


Me një plan të qartë veprimi, siç i ka lezet djalit të vendit për të mbërritur te shtëpia e tij, arriti më në fund të realizojë ëndrrën e tij. Shqiptaret kanë nja 20 vjet që bëjnë rrugë në këmbë nga një javë e nga dy javë edhe e gjejnë shtëpinë e pronarit grek më sy mbyllur, megjithëse pengesat fillojnë që nga policia jonë, tek ushtria e policia greke që nuk u ndahet këmba-këmbës, dhe do përsëri të gjithë shkojnë atje ku kanë vendosur, ndërsa për të shkuar nga Tirana në Tropojë njeriun më të fuqishëm të këtij vendi se kush e paska penguar...pa dyshim komunistët e poshtër që vazhdojnë të bëjnë ligjin në këtë vend, ku qeveria me doktorin në krye kanë kapur më qindra banda dhe e kanë situatën në kontroll, kanë futur vendin në NATO, por nuk kishin arritur të fusnin Kryeministrin në ish-shtëpinë e tij. Se përse, një dreq e merr vesh.


Ca thonë se e kishte lënë të kalonin vite që t'iu rritte mallin njerëzve në ato anë, se kur vete shpesh nuk ta varin shumë. Tani që vajti të gjithë morën frymë thellë edhe thanë: Hë re, ja vajti, se na hëngrët veshët. Edhe ne e qepëm gojën se nuk kemi ç'të themi. Epo mirë, shyqyr që vajti se në kujtonim se kishte ndonjë gjë që nuk vinte, thamë mos ishte zënë me ata të shtëpisë, apo kishte bërë llafe më ata të fshatit. Po tani që vajti s'ka më vend për thash e theme. Ndaj të gjithë duke kërcyer le t'ia marrim një kënge:

O shqiptarë merrjani këngës
Mbërriti djali tek shtëpia
Vite 12 pa ardhur
nuk pushojnë lotët e tija...
- këtë radhë do flas pa kartë
thotë udhëheqës'i Shqipërisë
pse nuk erdha dot më parë
këtu të pragu i shtëpisë
- Pa hë na sqaro njëherë
o udhëheqësi legjendar
ke pasur këmbën e thyer
apo shpatulla të ka dalë.
- Po u them të vërtetën
Edi Rama s'më ka lënë
me ndau nga ju të gjithë
me ndau më babë e nënë
- Hakun neve do ta marrim
e mos e ki merak or burr
këtu as një kokërr votë
ai s'ka për ta marr kurrë
- Tani që mësova rrugën
çdo 10 vjet do më shihni
nga herë e fundit që isha
ndryshim të madh nuk kini
- Asgjë t'madhe s'ka ndodhur
u vranë një 100 vet
po shyqyr që je ti gjallë
siç e deshi zoti vetë
- Që nga kohë e asaj pordhës
që at'her beri hatanë
unë vëllezër s'u bezdisa
po dhe shokët nuk më lanë
- Bëre mirë që nuk erdhe
se akoma ndihet era
që nga kohë e "asaj" tëndes
nuk ka bërë njeri të tjera
- Eh, të shkuara të harruara
i ka jeta dhe këto
po që gjallë pas 10 vjetësh
dil njëherë e na kujto
- Faleminderit shumë për ftesën
te vi shpesh nuk po ma mban
më mirë ju që keni ngelur
ecni të gjithë në Tiranë.
Frikë mos kini hiç vëllezër
bëni si u thot "Kanani"
shkoni në kryeqytet
se tapit i ka Shabani.

Zëdhënësi Hysni Dajaku | 20/06/2009 | Shekulli Online

[Besoja]

Të them të drejtë kisha nja dy javë pa qeshur.....
Lere se u shkriva fare!

[[Perla]]

Ne fakt mua nuk po me zinte gjumi se nuk po qeshje ti .

[Besoja]

Mos u mërzit!
Humori është çështje shijesh.
Thuhet që humori është dhunti e njerëzve të mënçur.
Nuk e njoh si fushë por kam dëgjuar për humorin siç po e dëgjoj edhe tani nga këta të birt' e shekullit të ri.
Suksese të mëpërtejme!

[[Perla]]

Thuhet që humori është dhunti e njerëzve të mënçur.

Satira eshte dhunti e njerezve te mençur, duhet paksa nivel kulturor per te kapur thelbin.

Mos u merzit, nuk e kuptojne te gjithe.

[Besoja]

Nuk mërzitem se nuk e njoh as humorin dhe as satirën.
Dhe përgjithësisht jam një njeri që nuk mërzitem por nuk po e kuptoj pse ti je zemëruar me mua kur unë nuk po të fyej.Po jap mendimin tim.Në se i keni shkruar ju ato humore dhe mua nuk më pëlqejnë,kjo nuk do të thotë se ato nuk bëjnë.
Me respekt

[[Perla]]

Te zemerohem une me ty, wa te lutem, s'kam arsye. S'eshte faji jot qe nuk ke qene i mire ne letersi.

Ti kisha shkruar une do ishte mire, por fatkeqesisht nuk i kam shkruar une. Burimi eshte gazeta shekulli.

Diskutimi mbaroi ketu.