Satira nga Gazeta Shekulli

[[Perla]]

Zhvillohet konkursi për zëdhënësin më të mirë të vitit. Marrin pjesë gjithë zëdhënësit dhe kryetarët e partive dhe shoqatave përkatëse.
Salla e Pallatit të Kongreseve ishte mbushur përgjysmë plot dhe nuk mungonte asnjë nga protagonistët. Në lozha ishin dhe trupat diplomatikë të akredituar në vendin tonë. Organizatorët e spektaklit, nën kujdesin e Ambasadës Amerikane, që sponsorizonte aktivitetin, kishin marrë të gjitha masat që çdo gjë të shkonte sipas parashikimit. Spektaklin e drejtonte gazetari Blendi Fevziu, veshur me një kostum blu, i cili doli dhe bëri hapjen dhe, më pas vijoi me rregullat se si do zhvillohej ky aktivitet, i pari në historinë botërore. Ai tha se në fillim duhej të zgjidhej komisioni që do numëronte votat dhe që duhej të përbëhej nga tre anëtarë. Filluan propozimet dhe me shumicë votash u zgjodhën Sali Berisha, Edi Rama dhe një përfaqësues nga Ambasada Amerikane. Në këtë kohë ngrihet Ilir Meta edhe ulërin:
- Duhet një përfaqësues nga LSI-ja, ndryshe nuk e njohim rezultatin.
- Epo, tani u vendos me shumicë o vëlla, ç't'i bëjmë.
-Jo, të ndryshohet se s'bën.
E pa keq ambasadori amerikan edhe ndërhyri për të qetësuar Metën.
-Po ja ore Ilir, ne në këtë sallë jemi të gjithë edhe këtu do bëhet çdo gjë.
-Jo, kam frikë se do bëhen manipulime.
-Po kush do t'i bëjë, ne jemi këtu të gjithë, do e filmojmë dhe me kamera.
-Ore, ça kamerash thua ti, ata i kanë kasetat plot incizime që i kanë bërë një muaj para edhe e kanë nxjerr rezultatin si duan ata. Jo, partisë sime i takon një anëtar komisioni.
-Ore, po mos ki merak se ç'do gjë do numërohet në sytë tuaj, - e qetëson ambasadori amerikan
Edhe me zor e ulën Ilirin. E, nejse, filloi votimi. Votojnë të gjithë zëdhënësit edhe kryetarët që i shoqëronin. Edhe mbaroi votimi, e thanë do numëronin votat.
-Jo, - tha Berisha, - në asnjë mënyrë, - edhe kërkoi mikrofonin.
Ia solli Fevziu, po Berisha i tha:
- Dezinfektoje një herë, pastaj ma jep mua ta vë në gojë.
I sollën një mikrofon të ri fringo, edhe vazhdoi Berisha:
-Jo zotërinj, nuk do numërohen tani.
-Pse?, - u habiten të gjithë.
-S'ka vajtur ora. Me ligjin e zgjedhjeve, kutia nuk hapet para orës 8 të darkës.
-Ouuu, - ia bënë të gjithë, - po ora është 12 e drekës, këtu do flemë ne?
-Epo, po deshët, ju e dini që unë e kam merak votën e lire e të ndershme. Më çuat mua këtu, tani të zbatojmë rregullat.
Opo jep e merr të gjithë me Berishën për t'i mbushur mendjen, po nuk lëshonte pe ai. Ore po nuk është për zgjedhje parlamentare kjo. Eh, pyeste Berisha nga ai krah. Berisha e bëri llogarinë me ata që pa kush votoi dhe i dilte që nuk fitonte dot zëdhënësja e tij, Fitore Tyneli, ndaj duhej bërë diçka. Po presioni ishte i madh nga ana e amerikanëve dhe të gjithë po i dilnin kundër.
- E mirë, - tha, - po kjo është shkelje e rëndë. Po doli keq, mos ma hidhni fajin mua.
E po filloi numërimi i votave. Nxirr nga kutia edhe numëro. Në fund i pari doli Hysni Dajaku i komunistëve, me dy vota më shumë se Fitore Tyneli e demokratëve.
-Unë nuk e pranoj rezultatin, - tha Saliu.
-Pse?, - u habitën të gjithë.
-Sepse unë nuk votova, kështu që zgjedhjet do përsëriten.
Numëruan votat edhe pjesëmarrësit në sallë, vërtet dilte një mangët.
-Po mirë, ja, voto tani, njëlloj është.
-Jo se tani nuk quhet votim i fshehtë, se rezultati dihet, kështu që po të votoj unë, ju e merrni vesh për kë kam votuar.
-Po pse për kë do votoje ti?, - i hidhen të gjithë.
-Pak rëndësi ka, vota është e shenjtë dhe e fshehtë, tani ç'do gjë humbet legjitimitetin.
-Epo hë, nuk të gjen belaja me këtë, - tha ambasadori amerikan.
Shiko ku i vete mendja, shyqyr që nuk ishte një vote para fituesi, se do e kishim gdhirë këtu. Edhe Rama vriste mendjen si i shpëtoi pa votuar Saliu.
-Si të duash, - i thanë, - ne do e shpallim fitues Hysniun.
-Bëjeni, po turpi ngelet mbi ju, - ulërinte Berisha. Ju gjithmonë manipuloni edhe ma hidhni fajin mua.
-Ore, po hajde voto, - i luteshin të gjithë.
-Jo, jo, të bëhet nga e para, ndryshe nuk ka kuptim.
Mërzitet mbasadori amerikan edhe deklaron fitues Hysniun dhe fton fituesit e tre vendeve të para të bëjnë përshëndetjet e rastit dhe u dorëzon tre medaljet që ishin në formën e një gjuhe të madhe, ku shkruhej: "Të lumtë goja", për vendin e parë; "T'u thaftë gjuha", për vendin e dytë, dhe "Të humbtë goja" për vendin e tretë.

Shekulli | 16/06/2009

[Besoja]

Socialistët asgjë nuk i gëzon edhe kur bëhen gjëra të mëdha apo të bukura.Ato do ishin të tilla po të qeverisnin ata por ata nuk mund të bëjnë dot asgjë ashtu siç nuk bënë dot tetë vjet.Nejse.Le të merren me satirat e me humorin.
Shpresoj që të na postoni akoma perla të tilla të satirës e të humorit.

[[Perla]]

Socialistët asgjë nuk i gëzon edhe kur bëhen gjëra të mëdha apo të bukura.Ato do ishin të tilla po të qeverisnin ata por ata nuk mund të bëjnë dot asgjë ashtu siç nuk bënë dot tetë vjet.Nejse.Le të merren me satirat e me humorin.
Shpresoj që të na postoni akoma perla të tilla të satirës e të humorit.

Juve mos i lexoni, normalisht nuk mund t'i kuptojne te gjithe. Shfrytezoni rastin per
te qeshur.

[[Perla]]

Zedhensia e PD-se Fitojre Tyneli deklaron per mediat..
Siç e dini të gjithë, ditet e fundit, shoket e Doktorit ne të djathten europiane kan korrur nje fitore të shkelqyer, duke siguruar shumicen ne Parlamentin Europian..ajo qe të bije ne sy me teper gjater kesaj fushate është se të gjithe të djathtet ne qender të sloganeve të tyre elektorale kishin arritjet qe kishte bere e djathta Shqiptare ne veccanti..

Te gjithe lideret e djathte ne të gjitha takimet dhe propoganden e tyre e kane bere duke permendur emrin dhe veprat e doktor Berishes si nje i djathte model, qe ka pasur sukseset me të medha nga gjithe udheheqesit e tjere.


Ata i kane bindur europianet se me lidere të tille të djathte është siguruar futja e Shqiperis ne NATO, eshte arritur ngritja me e madhe ekonomike boterore e realizuar ndonjehere, eshte inauguruar Tuneli me i gjate ne Ballkan, edhe do inagurohet perseri pas nje jave.

Ata u treguan evropianeve pro diathtisteve se vetem ne drejtimin e djathte europa do shikoje nje të ardhme të ndritur nje lloj si e ardhmija qe pa kur të djathtet me Frakon, Hitlerin, Musolinin shkruajten nje nga faqet me të ndrituara të historise boterore.

Edhe tani si atehere ne kushte krize ekonomike vetem e djathta dhe lideret e saj do gjejne celsin e suksesit, mjaftojne të shikojme sukseset e Berishes qe është i majti me i djathte i globit per të kuptuar diferencen e madhe qe ndan të dy krahet e politikes...
Ata i kane bindur europianet se nese fitojne zgjedhjet ne Parlamentin Europian ata do kerkojne qe Berisha të behet kryetar i ketij parlamenti dhe ne hapje të sezonit të mbaje edhe nje fjalim nderi.


Ata kur u shpjegonin vendeve europiane se idete e daljes nga kriza i kishte dhene nje lider i djathte qe quhej Sali dhe qe kryesonte PD-n e Shqiperis europianet duke shkulur lesht e kokes votuan pa hezitim per të djathten duke treguar nje here e mire se cila është e ardhmja e ndritur...


Ata duke vlersuar rolin e larte të Berishes i cili nuk u josh nga kerkesat Amerikane per të shperngulur atje dhe ndihmuar amerikanet e majte me asistence por duke vene aftesit e tija vetem per të djathten europiane arriten të korrin nje fitore të shkelqyer..


Parlamenti i ri europian i mbushur me misset e Silvios, vajzat e presidentëve dhe me top modelet e vendeve të tjera pa dyshim qe do ndertoje nje politike largpamese qe nuk do na i ken pare syte.. tani të gjithe kenaqen vetem duke pare fotografite e parlamentareve bukuroshe e imagjino pastaj more vellezer kur ti shikosh live ne podiume duke folur e duke bere politke europiane e pastaj duke pushuar pas puneve të lodheshme tek vilat e Berluskonit..


Ne të gjitheve do na ngelet peng qe nuk do kemi mundesi të kishim si antar të ketij parlamenti Ylli Pangon ose të pakten ta kishim si vëzhgues. Por nese fiton Doktori patjeter qe do gjendet nje zgjidhje edhe per kete pune.


Tani gjithe syte e të djathtes janë kthyer nga Shqiperia per ti shperblyer nderin qe u beri Berisha me arritjet e tij, por beriosha ka thënë që nuk ka nevojë. Ai ka premtuar se europianet do levizin pa viza ne Shqiperi gjate mandatit të dyte.


Ai do heqi taksat per gjithe bizneset europiane, do lejoje lundrimin me skafe per europianet, do dyfishoje pensionet, do vazhdoje korrie shirjen e hashashit, do vendosi me zore Edi Ramen deputet, e do ndertoje me shume tynele se sa ka europa deri me tani.

Zedhensia e PD-se Fitojre Tyneli | 17/06/2009 | Shekulli

[[Perla]]

Siç ju njoftuam disa ditë më parë, u zhvillua konkursi "zëdhënësi më i zoti" ku u ndanë tre çmime. Ndërkohë që pritej që fjalën e rastit ta mbante fituesi i vendit të parë Hysni Dajaku, nuk ndodhi kështu. Para të pranishmëve me trofe në dorë doli zëdhënësja e PD-së, Fijtojre Tyneli. Ajo tha:


" Unë more vëllezër demokratë këtë trofe ia dedikoj Doktorit tonë hundë dhe syshqiponjë (duartrokitje nga salla dhe ovacione "Sali Berisha", "Sali Berisha"). Megjithëse më takonte vendi i parë pas manipulimeve që ju i patë vetë, mua m'u dha çmimi i dytë. Megjithatë unë e kam për nder se gjithë këtë kohë kam folur me gjuhën e Doktorit.


Ju nuk e merrni me mend more vëllezër se çfarë nderi e respekti është t'i shërbesh Doktorit e të përcjellësh mesazhet e tij në mbarë Shqipërinë.


E ç'isha unë më parë more shokë! Një femër e thjeshtë që dora e dashur dhe e ngrohtë e Doktorit më ka qëndruar gjithmonë pranë dhe më bëri të jem këtu ku jam sot. Unë pa Doktorin, po edhe ju pa të, do ishim një hiç, një zero me xhufkë do ishim. Kurse sot ne ngjitemi në podiume dhe bëjmë politikë.


Ka edhe më të humbur e më budallenj se unë që zënë poste e detyra me rëndësi, duke e drejtuar këtë vend nga njëra fitore në tjetrën, duke u bërë fanar i demokracisë botërore.


Ndaj vëllezër ne na duhet edhe një fitore tjetër e thellë si ajo e '92-shit. Bile unë i kam thënë Doktorit që më e thellë ka qenë ajo 26 Majit dhe ajo duhet marrë si shembull, sepse një fitore e cekët nuk na bën punë fare.


Ç'e duam ne fitoren e cekët ?! Ne kemi mundësi ta kemi të thellë. Më të thellë se gropa e Gërdecit, më të thellë se Tuneli i Kalimashit, me të thellë se xhepat e Argitës dhe Fazlliçit.


Ne vëllezër e motra që bëjmë vetëm gjëra të thella me Doktorin në krye nuk na pëlqejnë fitoret e cekëta apo të ngushta. Unë për vete po, jam e sigurt se edhe ju nuk e përfytyroni dot veten pa Doktorin në pushtet dhe aq më keq pa një fitore të thellë aq sa mos t'i gjesh dot fundin.


Ne na duhet një parlament mundësisht komplet blu, komplet bojëqielli, (këtu Fijtorja u kthye me një buzëqeshje kuptimplote nga Blendi Fevziu). Gjysma e sallës shpërthen në duartrokitje në respekt të Fevzos, kurse Blendi del nga kuintat edhe përkulet para turmës në shenjë respekti.


Ne na duhet një parlament blu edhe për t'ia bërë më të lehtë punën, burrneshës sonë, shoqes Jozefina, që ka sakrifikuar jo pak në luftën me opozitën obskurantiste. Në këtë luftë të egër me armiqtë e Doktorit që janë edhe armiqtë tanë, ajo ka humbur zërin e saj femëror të mrekullueshëm dhe tani kur flet, duket sikur flet Xan Gallata.


Duke falënderuar edhe një herë Doktorin që më dha mundësi të flas me zërin e tij unë e uroj edhe njëherë për një fitore me të vërtet të thellë, bile me të thellë nga të gjitha fitoret e tij të thella.

Shekulli Online | 18/06/2009 | Satire |

[Besoja]

Paska humoristë te shekulli e nuk e paskemi ditur!E po kjo nuk na falet.Po si ore u shkrimë fare së qeshuri.Hajde humor që ja kalon edhe atyre banaliteteve të limonit te top çaneli.E po këto janë perla të humorit shqiptar dhe duhet t'i ushqejmë me se të mundemi.

[[Perla]]

Ka edhe më të humbur e më budallenj se unë që zënë poste e detyra me rëndësi, duke e drejtuar këtë vend nga njëra fitore në tjetrën, duke u bërë fanar i demokracisë botërore.

U sa e vertete qe eshte kjo hahahahahahahahahahahaha

[drague]

Paska humoristë te shekulli e nuk e paskemi ditur!E po kjo nuk na falet.Po si ore u shkrimë fare së qeshuri.Hajde humor që ja kalon edhe atyre banaliteteve të limonit te top çaneli.E po këto janë perla të humorit shqiptar dhe duhet t'i ushqejmë me se të mundemi.

hahaha Beso ....ti je i djathte, ndersa Perlita e majt.

pret ti te sjelli satirat e 55çit

ps.me gjeni nje gazete te paanshme ne Shqiperi??

[gesti_7]

hahaha Beso ....ti je i djathte, ndersa Perlita e majt.

pret ti te sjelli satirat e 55çit

ps.me gjeni nje gazete te paanshme ne Shqiperi??

ka qene para ca kohesh ca gazeta me permbajtje te larte sociale si psh:
Intervista, paloma etj etj qe sherbenin per bashkimin e zemrave te vetmuara dhe i ndihmonte te mos abuzonin me me veten.

[[Perla]]

Drague, me pelqejne shume satirat, pa dallim feje , krahine dhe ideje, edhe partije se harrova