Kosovë: Për një muaj, 80 milionë euro për baste

[Disa]

Rreth 80 milionë euro vlerësohet t’i kenë lënë nëpër bastore qytetarët e Kosovës gjatë kampionatit botëror.

E mërkure 14 Korrik 2010 10:35


Rreth 80 milionë euro vlerësohet t’i kenë lënë nëpër bastore qytetarët e Kosovës vetëm gjatë një muaji sa ka zgjatur kampionatit botëror për vënien e basteve për ekipet e tyre të preferuara. Ndërkohë që shteti nuk ka të dhëna të sakta dhe nuk ka kontroll mbi këto bastore. Këto miliona euro, nuk kanë mbetur në vend, më shumë se gjysma e mjeteve del jashtë Kosovës. Hisja e pronarëve që mbajnë në Kosovë bastorë sillet rreth 7 për qind, të tjerat i marrin bosët e tyre që vijnë nga Serbia, Shqipëria dhe Kroacia.

Administrata Tatimore e Kosovës (ATK), thonë se nuk e dinë saktë sesa para kanë qarkullim bastoret dhe as sa i kanë fitim. Edhe ato pak të dhëna që mund ti posedon ky institucion shtetëror, zyrtarët e lart të saj thonë se janë të dhëna konfidenciale. Ndërkohë që bizneset e lojërave të fatit (Bastoret) vazhdojnë të jenë biznese tejet profitabile të hapura gati në çdo cep të rrugëve, përkundër shkallës së lartë të varfërisë në vendin tonë. Kurse të regjistruara sipas ATK-së janë gjithsej 13 bastore me 309 pika në tërë territorin e Kosovës.



200 deri 4000 euro në ditë

Sipas të dhënave të siguruara nga disa bastore, pronarët e të cilave nuk pranuan të identifikohen me emër, qarkullimi ditor sillet prej 200 deri 4000 euro, kurse kjo shumë është shumëfishuar gjatë kampionatit botëror, kurse shteti nuk ka asnjë kontroll mbi to.

“Ne për një ditë i qarkullojmë nga 200 e deri në 4000 euro, varësisht prej lojës. Por gjatë kampionatit normalisht kanë luajtur shumë më shumë lojtarë”, bën të ditur pronari i një bastore në Prishtinë. Ai tregon se nga qarkullimi mujor edhe pasi që i paguajnë fituesit, tatimet dhe punëtorët në fund ju mbet një fitim i majmë.

Ai bëri të ditur se kosovarët kanë përqindje 6 deri 7 për qind kurse pronarët e tyre marrin pjesën tjetër të fitimit. “E zakonisht pronarët e bastoreve janë nga Serbia, Shqipëria apo edhe Kroacia”, bëri të ditur ky burim.

Edhe zyrtarët e ATK-së e konfirmuan se disa bastore janë hapur me pronar nga këto shtet të rajonit.

Ndonëse zyrtarët e ATK-së, institucion ky i cili i licencon dhe mbikëqyr këto biznese, nuk kanë të dhëna rreth shumës se mjeteve që qarkullojnë ato. Ata po ashtu nuk kanë as të dhëna rreth shumës së tatimeve që këto paguajnë në arkën e shtetit.

“Ne nuk kemi të dhëna të veçanta rreth qarkullimit të mjeteve të këtyre bizneseve. Po ashtu, nuk kemi as të dhëna rreth tatimit që këta paguajnë. Por, në buxhetin e përgjithshëm të hyrat nga këto biznese janë në një përqindje të vogël” tha Safet Krasniqi, menaxher i lojërave të fatit në ATK. /zeri/

[USA NR1]

si te jete kjo shifer e vertete atehere Katastrofe me te vertete

[Nete]

Na mbyti papunesia korrupsioni,bastoret ne cdo cep te rruges!!
Sikur te merrej kjo inicativ e te mbyllen te gjitha!!

[strange]

Lojërat e fatit, mbijnë si kërpudhat

Përkundër gjendjes së rëndë sociale, dhe papunësisë së madhe në vend, një nga bizneset që është duke lulëzuar kohëve të fundit në Kosovë është ai i lojërave të fatit.

Ekspertët e ekonomisë hapjen e këtyre lojërave e vlerësojnë si fenomen shqetësues, dhe e lidhin atë me moszhvillimin ekonomik dhe standardin e ulët të jetës së qytetarëve.

Menaxheri i lojërave të fatit në Administratën Tatimore të Kosovës, Safet Krasniqi, tha se deri më tani janë të licencuara 323 pika të këtyre lojërave të veçanta, që janë të parapara me ligj, (kazinotë, automatët dhe bastet elektronike dhe klasike).

Sipas Krasniqit, lojërat elektronike janë të ndaluara me ligj dhe kanë mbetur të rregullohen me akt të veçantë nënligjor.

Sekretari i Odës Ekonomike të Kosovës, Berat Rukiqi, vlerëson se hapja e një numri kaq të madh të këtyre subjekteve, është një fenomen që i ka përcjellë vendet në tranzicion.

Ndërkaq eksperti i ekonomisë, Musa Limani, thotë se fenomeni i rritjes së kësaj veprimtarie tregon se në vend nuk ka ekonomi të zhvilluar.

Ndryshe sipas zyrtarëve të ATK-së deri më tani janë të regjistruara dhe zhvillojnë veprimtari legale 14 baste me gjithsej 309 njësi. Ata kanë treguar se, janë të regjistruara edhe 13 bingo dhe një kazino. //telegrafi/

[fisniku-student]

Nje bisedoja me pronarin e nje bastoreje prej me te mdhajave ne kosove, te cilin e kam edhe nje lloj kusheriri te larget. Me tha qe jan disa lloj lojrash komjuterike (garat me qen dhe disa lloj lojrash ne form bingo dhe me karta) cdo here 70% te fitimit e ndal komjuteri, ndersa vetem 30% mund ti fiton luajtesi .

Keshtu qe ky pronar i kesaj bastoreje me tha qe ne keto lloj lorja nuk i lejoj te luajn te afermit e mi sepse e di qe nuk fiton askush por vetem humb.

[strange]

Interesantja është se të gjithë e dine dhe prape luajnë!

[AnaH_M]

80 miljon euro per nje muaj,,,,,,,shum bre ....pse i risin gjerat andej nga kosova nuk edij....nese behet nje llogari e vogel e te ardhurave dhe basteve te vena asnjeher nuk arijhet kjo shume,,,,po nejse dikujt i qajn femijet per buk,ndersa komarin nuk e ndal,kemi edhe kendej nga gjermania tipa te till qe meren me gjera te tilla,dhe ngelin pa cigare......ska par dobi kush prej komarit,,,,

[Hard_Style]

Rreth 80 milionë euro vlerësohet t’i kenë lënë nëpër bastore qytetarët e Kosovës gjatë kampionatit botëror.

....qetu shihet qe osht Krizë n'Kosovë....,veq 80 miljon !!!!!!!

[Thesphinx]

Po ku i besohet ketij lajmi!!! Cfare qellime ka kjo???

[Korcar-L1]

plasi kumari dhe nga kosova :P