Satira nga Gazeta Shekulli

[[Perla]]

Hysni Dajaku, këtë radhë ka vendosur të dërgojë në media një fjalim të vetin, me rastin e marrjes së trofeut si "zëdhënësi më i dalluar", disa ditë më parë:


"Nuk di kë të falënderoj më parë, - shprehet ai, - nuk po i përmend me emra, se kam hall se harroj ndonjë edhe i ngelet qejfi. Ndaj, ju falënderoj të gjithëve për këtë nder që më bëtë, duke e shpërblyer llapën time që nuk vajti dëm për kaq e kaq kohë.


Unë more vëllezër, nuk jam ndonjë parashikues i madh apo politikan i zoti e as analist me kulture të gjerë. Nuk shquhem e as nuk e kam mbajtur veten për burrë të zgjuar e intelektual me nam. Nuk kam as tituj e grada shkencore që t'i nxjerr këtu para jush e të them, Prof. dr. Hysniu ka bërë këtë e atë.


Unë ia kam valuar si ma ka thënë rradakja edhe si më është dukur e drejtë, ndaj faleminderit ju që më paskeni lexuar e që më keni vlerësuar me këtë titull të lartë për karrierën e zëdhënësve.


Unë mbase nuk di shumë gjëra edhe mbase gaboj në parashikimin që do them, por më është mbushur mendja se sikur mos të fitojë Berisha në këto zgjedhje, mbase ndonjë hata e madhe nuk ka për të ndodhur, por disa gjëra do ndodhin me siguri.


Shqiptarët mos të shpresojnë për ndonjë gjë shumë të madhe, por me siguri do kenë katër vjet shtesë nga jeta, vetëm duke mos pasur Berishën Kryeministër, edhe plus dy vjet shtesë, duke mos pasur Jozefinën Kryetare Parlamenti, që i thonë 6 vjet.


Më shumë do përfitojnë demokratët nga ky ndryshim, sepse nuk do jenë të detyruar të bëjnë çdo gjë kundër vullnetit e dëshirës së tyre, duke gënjyer e brohoritur (ulëritur) apo edhe duke u vrarë, vetëm për t'i bërë qejfin Berishës, që nuk duron dot pa këto fenomene.


Demokratët do e festojnë më shumë këtë ditë, më dëgjoni mua. Nuk ju them se pas ikjes së Berishës do vijë komunizmi dhe çdo gjë do jetë perfekte, por ju siguroj se edhe Berisha vetë do kënaqet pa Berishën Kryeministër.


Unë mendoj se ne po shikojmë më në fund një shans që na jepet dhe kjo nuk do ndonjë filozofi të madhe, por kërkon vetëm një orë punë, ku secili të çohet në mëngjes, të lajë sytë, të hajë bukën e mëngjesit, t'i fusë edhe një kafe, edhe një gotë raki për të marr pakëz zemër edhe të shkojë te kutia e votimit me mendjen top, që kjo jetë duhet ndryshuar.


Boll hëngrën vetëm ca që na qenkan atje "lart", se janë deformuar nga paratë, nga pasuritë e nga shëndeti. Largimi u bën mirë edhe vetë atyre. Të shporren këta balashët e "demokracisë", që i bëjnë njerëzit të bien dëshmore edhe pas 20 vjetësh "demokraci". Ju uroj të gjithëve një jetë të qetë, pa Saliun.


Kaq tha Hysniu dhe e mbylli fjalën. Në këtë kohë, gjysma e sallës duartrokiste, kurse gjysma tjetër ulërinte: "O Hysni, o spiun!", "Rroftë Sali Berisha!", "Poshtë Komunizmi!"

Hysni Dajaku | 22/06/2009 | Shekulli

[[Perla]]

Zëdhënësja e PD-së, Fitore Tyneli, deklaron për mediat:
Lideri ynë i shkëlqyer ka gjetur dhe po vë në zbatim një ide tjetër të shkëlqyer, për të plotësuar ç'do dëshirë të shqiptarëve që do quhet edhe program i qeverisë demokratike në mandatin e dytë.


Të gjithë po i dërgojnë MSM Berishës dhe ky ka vendosur që çdo kërkesë do bëhet realitet. Deri tani kanë ardhur 52 mijë copë kërkesa që do realizohen nëse PD-ja fiton përsëri. Shumë nga kërkesat që kanë ardhur po bëhen realitet që pa fituar fare.


Kështu, kërkesa e shumë demokratëve nëpërmjet MSM-ve, për t'i bërë shtëpitë tyre qendra votimi, ka gjetur menjëherë gatishmërinë e Berishës, kërkesat e socialistëve nuk do merren parasysh në raste të tilla, se ndryshe kemi deformim të vullnetit votues të demokratëve.


Kërkesa nga më të çuditshmet do kenë mundësi për herë të parë të bëhen realitet. Kërkesa e mbërritur me MSM NGA Blendi Fevziu p.sh. për t'i bërë të gjitha "Tangat" blu, mbas fitores, do realizohet patjetër.


Kryeministri ka deklaruar se PD-ja nuk ka nevojë për program të hartuar, pasi çdo gjë do realizohet rrugës, ashtu si ka bërë PD-ja që nga dita e krijimit të saj, që ç'do gjë e ka bërë rrugës, edhe në mes të rrugës.


Ai ka thënë se mandatin tjetër, puna e qeverisë do kryhet në mënyrë të tillë: Berisha do rrijë e do ruajë në celular dhe, sapo të mbërrijë mesazhi nga populli apo nga hallexhiu, ai direkt do flasë me ministrinë përkatëse, e cila direkt do japë zgjidhjen, dhe mbas kësaj do lajmërohet Berisha për të shkuar e verifikuar me sytë e tij.


P.sh., do marrë një fshatar në celular edhe do shkruajë mesazhin: "I dashur Doktor! Unë kam një shqetësim të vogël. Rruga e fshatit tim, që na lidh me rrugën nacionale, është e pashtruar, janë afro 25 km.


Presim reagimin tuaj! Të fala fshatari X". Berisha direkt flet me Olldashin, se ky do jetë te rrugët edhe herën tjetër, edhe do t'i thotë: "Në filan vend ka mbetur një rrugë pa asfaltuar, janë 25 km. Ik e bëje direkt. Kur ta mbarosh më thuaj sa lekë bën edhe e rregullojmë atë punë..."


Edhe kështu, për ç'do kërkesë, populli shkruaj e Saliu realizo. Një fshatar tjetër do shkruajë: "Doktor, nuk kemi ujë në shtëpi, na u tha buza. Një i jep Doktori, flet me kryetarin e PD-së të fshatit nga vjen kërkesa, vete ky me vrap, blen një arkë me ujë të gazuar edhe ia çon bashkëfshatarit në shtëpi".


Ja, kështu mbaron dhe kjo kërkesë.
Ndonjë tjetër do shkruajë: "Z. Sali, mua nuk më pëlqen gruaja që kam, se është me PS-në, edhe nuk ka votuar asnjëherë për të djathtën". Një i jep Saliu, flet me ata të burimeve njerëzore te PD-ja, edhe... ata i thonë Nanos dhe Pangos i rregullojnë ata këto punë.


Ndonjëri do kërkojë: "Z. Sali, unë dua të kem aq para sa ke edhe ti. Direkt flet Saliu me vajzën edhe me djalin, edhe i japin qytetarit një euro. Kaq është pasuria e familjes Berisha.


Një tjetër i shkruan: "Doktor, unë dua të bëhem militant i PD-së". Flet Berisha me Zyrën e Organizimit të PD-së, ata i thonë se duhet të plotësojë kriteret, pikë së pari të ketë rrahur ndonjë të PS-së dhe kërkesa e tij plotësohet pa hezitim. Kështu me radhë ka për të funksionuar qeveria në mandatin tjetër. Duket sikur ngjan me këtë mandat? Po kësaj here ne ju garantojmë se do jetë ndryshe.

Fitore Tyneli, | 23/06/2009 | Shekulli

[[Perla]]

Blendi Fevziu raporton nga Teherani:
Ahmedinexhadi i ka kërkuar në telefon Berishës të bëjë çmos që të kthejë Blendi Fevziun në Tiranë, se i ka prishur shumë punë me propagandën e tij, por Berisha nuk ka arritur t'ia mbushë mendjen Blendit, i cili vazhdon me kokëfortësi të organizojë protesta kundër Presidentit iranian. Berisha foli me Blendin via Mobile Facebook edhe i tha:
-Ore, po hajde këtu, se unë kam nevojë për ty. Tani që edhe 5 ditë na ndajnë nga zgjedhjet, ti vete më ngatërrohesh me iranianët.
-Unë do jem gjithmonë atje ku ka diktatura dhe diktatorë që duhen rrëzuar, - iu përgjigj Blendi.
-Ore, po hajde se nuk mbarohen diktatorët, po hajde e më ndihmo mua, apo ke vajtur për tanga blu aty edhe më bën sikur po bën namin.
-Jo, jo, unë nuk vij aty pa vendosur demokracinë në Iran, ti komentoje si të duash.
-Ore, po tani në fund të betejës më lë shëndenë ti mua?, - i thotë Berisha.
-Epo kjo është më e rëndësishme, - i kthehet Blendi, - do e bëjmë këtu njëlloj si rrëzuam diktaturën tonë në 1990-ën, dhe në '97-ën.
-Ore, "tangë", mirë me komunizmin, po me '97-ën si e ke këtë që the??
-Dëgjo Doktor, ti nxehesh kot. E vërteta është e vërtetë. Ti po deshe pranoje, po që u bë gjithë ajo luftë në '97-ën për të të rrëzuar ty, u bë. Ja, pyet Nikollë Lesin, Neritan Cekën, Arben Imamin, që ulërinin bashkë me mua: "O djem, rrëmbeni armët, ja vdekje, ja liri!", por ama e pranojmë që kësaj radhe ti je bërë vërtet demokrat, se edhe vetë vodhe, por edhe ne na dhe goxha.
-Ashtu ore "tangë", ashtu, po kur të vish këtu ta rregulloj unë.
-Unë më mirë bie dëshmor këtu në Iran, se sa të vij aty... Unë e kam vendosur kësaj here Sali, do bëj diçka deri sa të harrohen ato tangat aty. Bile unë po vete atje ku ka më shumë rrëmujë, mos më rreh njeri..
-Po ik edhe lutu tek ata të policisë, - i thotë Berisha.
-Po vete, po vete, po di unë pse nuk po më prekin.
-Mirë, se i them unë Ahmedinexhadit, mbase gjen ndonjë të të fusë një dru.
-Bëma këtë nder, se do ta ngre edhe ty reputacionin në botë, se do thuash që gazetari dhe miku yt i ngushtë u rrah për një kauzë të madhe. Thuaj Ahmedinexhadit ta bëjë, që edhe ti të fitosh pikë, edhe unë të rrihem si hero.
-E mirë, po edhe ai ka frikë nga presioni ndërkombëtar, ndaj po s'e bëri, më mirë futu atje në rrëmujë edhe rrih veten, se edhe po shpëtove dhe erdhe këtu, do të rrah unë. Do t'i them edhe Obamës, i bwjmw notw proteste Iranit për tullackën tënde. Edhe tani që jemi në NATO, e gjithë aleanca përfshihet në luftë.
-Kjo është gjeniale Sali, bëma këtë nder, se edhe ti merr namin që lufton diktatorët. Kështu, me këtë sebep, vidh ca vota edhe fiton zgjedhjet, pastaj me këtë situatë Amerika dhe Europa nuk do e kenë mendjen te fitorja jote.
-Ore tullac, tani më duket se e arritëm diçka, kjo taktikë po më pëlqen.
-Epo, miqtë e mirë në ditë të vështira duken.
-U zumë kot në fillim, ti je flori, - i thotë Saliu. Mirupafshim në botën tjetër Blendi im i dashur.
-Faleminderit Doktor. Ah, dëgjo, se harrova, do ma bëni të madhe ceremoninë e pritjes kur të kthehem?
-Po, patjetër o Blendi, ti e di vetë si i organizoj unë ato. Unë i bëj të mëdha për njerëz kot, jo për ty. Me tanga blu do të mbuloj.

| 24/06/2009 | Satire |

[Endless]

Zëdhënësja e PD-së, Fitore Tyneli, deklaron për mediat:
Lideri ynë i shkëlqyer ka gjetur dhe po vë në zbatim një ide tjetër të shkëlqyer, për të plotësuar ç'do dëshirë të shqiptarëve që do quhet edhe program i qeverisë demokratike në mandatin e dytë.


Të gjithë po i dërgojnë MSM Berishës dhe ky ka vendosur që çdo kërkesë do bëhet realitet. Deri tani kanë ardhur 52 mijë copë kërkesa që do realizohen nëse PD-ja fiton përsëri. Shumë nga kërkesat që kanë ardhur po bëhen realitet që pa fituar fare.

Kështu, kërkesa e shumë demokratëve nëpërmjet MSM-ve, për t'i bërë shtëpitë tyre qendra votimi, ka gjetur menjëherë gatishmërinë e Berishës, kërkesat e socialistëve nuk do merren parasysh në raste të tilla, se ndryshe kemi deformim të vullnetit votues të demokratëve.


Kërkesa nga më të çuditshmet do kenë mundësi për herë të parë të bëhen realitet. Kërkesa e mbërritur me MSM NGA Blendi Fevziu p.sh. për t'i bërë të gjitha "Tangat" blu, mbas fitores, do realizohet patjetër.


Kryeministri ka deklaruar se PD-ja nuk ka nevojë për program të hartuar, pasi çdo gjë do realizohet rrugës, ashtu si ka bërë PD-ja që nga dita e krijimit të saj, që ç'do gjë e ka bërë rrugës, edhe në mes të rrugës.

Ai ka thënë se mandatin tjetër, puna e qeverisë do kryhet në mënyrë të tillë: Berisha do rrijë e do ruajë në celular dhe, sapo të mbërrijë mesazhi nga populli apo nga hallexhiu, ai direkt do flasë me ministrinë përkatëse, e cila direkt do japë zgjidhjen, dhe mbas kësaj do lajmërohet Berisha për të shkuar e verifikuar me sytë e tij.


P.sh., do marrë një fshatar në celular edhe do shkruajë mesazhin: "I dashur Doktor! Unë kam një shqetësim të vogël. Rruga e fshatit tim, që na lidh me rrugën nacionale, është e pashtruar, janë afro 25 km.


Presim reagimin tuaj! Të fala fshatari X". Berisha direkt flet me Olldashin, se ky do jetë te rrugët edhe herën tjetër, edhe do t'i thotë: "Në filan vend ka mbetur një rrugë pa asfaltuar, janë 25 km. Ik e bëje direkt. Kur ta mbarosh më thuaj sa lekë bën edhe e rregullojmë atë punë..."


Edhe kështu, për ç'do kërkesë, populli shkruaj e Saliu realizo. Një fshatar tjetër do shkruajë: "Doktor, nuk kemi ujë në shtëpi, na u tha buza. Një i jep Doktori, flet me kryetarin e PD-së të fshatit nga vjen kërkesa, vete ky me vrap, blen një arkë me ujë të gazuar edhe ia çon bashkëfshatarit në shtëpi".

Ja, kështu mbaron dhe kjo kërkesë.
Ndonjë tjetër do shkruajë: "Z. Sali, mua nuk më pëlqen gruaja që kam, se është me PS-në, edhe nuk ka votuar asnjëherë për të djathtën". Një i jep Saliu, flet me ata të burimeve njerëzore te PD-ja, edhe... ata i thonë Nanos dhe Pangos i rregullojnë ata këto punë.
Ndonjëri do kërkojë: "Z. Sali, unë dua të kem aq para sa ke edhe ti. Direkt flet Saliu me vajzën edhe me djalin, edhe i japin qytetarit një euro. Kaq është pasuria e familjes Berisha.

Një tjetër i shkruan: "Doktor, unë dua të bëhem militant i PD-së". Flet Berisha me Zyrën e Organizimit të PD-së, ata i thonë se duhet të plotësojë kriteret, pikë së pari të ketë rrahur ndonjë të PS-së dhe kërkesa e tij plotësohet pa hezitim. Kështu me radhë ka për të funksionuar qeveria në mandatin tjetër. Duket sikur ngjan me këtë mandat? Po kësaj here ne ju garantojmë se do jetë ndryshe.

Fitore Tyneli, | 23/06/2009 | Shekulli

Hahahahaha!


Qenka e lezetshme kjo ''zonja'' Tynelja...

[[Perla]]

Hahahahaha!


Qenka e lezetshme kjo ''zonja'' Tynelja...

Ne nje fjalim te meparshem "Tynelja" thote :

Ka edhe më të humbur e më budallenj se unë që zënë poste e detyra me rëndësi, duke e drejtuar këtë vend nga njëra fitore në tjetrën, duke u bërë fanar i demokracisë botërore.

[Endless]

Ne nje fjalim te meparshem "Tynelja" thote :

Ka edhe më të humbur e më budallenj se unë që zënë poste e detyra me rëndësi, duke e drejtuar këtë vend nga njëra fitore në tjetrën, duke u bërë fanar i demokracisë botërore.

Lere se te gjithe e kuptuam per ke e ka pas llafin. hehe


p.s Qenka dhe REALISTE kjo ''Tynelja'' jone. lol

[[Perla]]

Hysni Dajaku deklaron për mediat:
Unë more vëllezër u ktheva tek Tyneli edhe po presim të vijnë përsëri të gjithë ata shokët nga Tirana edhe ta bëjmë edhe një herë tym këtu...


Kësaj radhe ka fjalë që do e djegim fare, nuk do ngelet këmbë njeriu pa ardhur. Ca thonë që do vijë Presidenti i Turqisë, ca thonë se ka mundësi edhe Obama, Berluskoni po e po, Doris Paku është këtu, ka ardhur 4 ditë para edhe po pi raki me mua dhe Ylli Pangon. Ylli e ka gjetur mirë muhabetin me Dorisin edhe kanë filluar e merren vesh për bukuri. Unë nuk e di çfarë thonë se nuk marr vesh anglisht, po Ylli më përkthen ndonjëherë kur i them unë, "hë, më thuaj ça tha, po tani ça tha"?


Kur e shikoj që flasin me pasion, e tërheq nga mënga edhe them: "Ça tha o ça tha?" Ylli më shtyn me bërryl edhe më thotë ndonjë fjalë nëpër të. Kur e ngacmoj unë më duket sikur thotë Dorisi: "Po ai ça thotë për mua"? Edhe kështu po e shtymë ne këtu. Që kur ka ardhur Dorisi është bërë më interesante shoqëria jonë.


Në fillim, kur mori vesh Dorisi se unë isha komunist, u vrenjt një çikë ajo, po Ylli i foli mirë si duket, edhe tani më ka qejf. Sepse duke bërë muhabet, i thashë Yllit t'i thoshte që ajo ishte nëna e demokratëve dhe e Shqipërisë demokratike. Ylli ia tha si duket, se që nga ai moment ajo sa herë kthehet nga unë, më buzëqesh.
-Qenka burrë i zgjuar, - i tha Yllit.


Ylli ma tha mua edhe unë u kënaqa, e kështu u lidh miqësia. Tani flas pa teklif me atë. Në darkë, kur rrimë tek vrima e tynelit duke kthyer ndonjë gllenjkë, e pyes unë Dorisin edhe Ylli përkthen, edhe vete vaj muhabeti. E pyeta unë se kë do më shumë nga politikanët shqiptarë. Më tha për Genc Pollon se e ka si djalin e saj.
-Aha, - i thashë, - prandaj e mori Sala përsëri Gencin zv/kryeministër.
-Po kështu bëhen këto punë, - më tha.


-Po mirë, ti ke mendimin që të vazhdojë akoma Berisha të qeverisë, - e pyeta unë.
-Po, po, - më tha, - ç'të keqeje shikon ti, tani është demokraci.
-Po mirë, andej nga Evropa juaj, pse nuk i mbani edhe ju kaq gjatë ata tuajt sa Berishën tonë?


-Epo, ju i zgjidhni vetë.
-Mirë e ke, - i thashë unë, - po hajt vemi e pimë ca ujë këtu tek pusi.
Dorisi u zverdh në fytyre, kurse Ylli u nxi. E pashë unë që diçka nuk shkoi.
-Ç'patët more, - iu drejtova Yllit.
-Mos se e menderose, - më tha.
-Po pse ore, nuk pinë ujë pusi këta të huajt?


-Mos or mos, - fliste Ylli.
-Epo pikë e zezë, - thashë unë, - ç'kanë me pusin këta ore.
-Mos e përmend më pusin, - më tha Ylli, - se ta shpjegoj më vonë.
-Oh, - thashë unë me vete, - kushedi, do i ketë ndodhur ndonjë fatkeqësi kësaj Dorisit në pus edhe nuk do ta kujtojë.


Hoqa Yllin mënjan edhe i thash:
-Si është puna, ku e shkela unë, se nuk po marr vesh.
-Dëgjo, - më tha, - "pus", në anglisht i thonë asaj gjësë.
-Oho, prandaj i shqeu sytë ajo ore? Po mirë, përktheja ti asaj në shqip çfarë quajmë ne edhe sqarohet kjo.


I tha Ylli asaj edhe u çlirua ajo edhe po qeshte. Pastaj vajtëm të tre tek pusi, pimë ujë edhe ia futem gjumit. Unë, për siguri fjeta midis Yllit dhe Dorisit. Me thanë që ti Hysni je "bafer zonë".
- Është fjalë e mirë?, - u thashë.
Po, po, mos ki merak, - më thanë,
Edhe fjetëm si qengja demokratikë.

Hysni Dajaku | 25/06/2009 | Satire

[[Perla]]

Dita e madhe erdhi

Hysniu deklaron nga Tyneli:
U ngritëm në mëngjes nga zhurma e sazeve. Ylli përsëri kishte fjetur me duart te mbërtheckat e mia, kurse Dorisi nuk kishte pësuar ndonjë dëmtim, sepse me sa duket, unë kisha qenë "bafer" i mirë. E në këtë kohë vjen Presidenti turk.
- Po ky kush është?, - pyet Dorisi.
- Ky është President turk.
- Si quhet?
- Tazbrit Erdogan, - u hodha unë, që e mora vesh pyetjen. Ylli më shikonte me habi.
- Pse gënjen o Hysni?
- Epo kam hall se mërzitet kjo, si u mërzit me pusin, se edhe Tahip, nuk tingëllon mirë.
Dorisi pyeste Yllin:
-Ça thotë Hysniu, se qenka i shqetësuar.
-Asgjë, asgjë, po flasim për ermin e turkut. Ka të drejtë Hysniu, të tillë emër, "Tazbriti", hera e parë që dëgjoj.
-Tazbriti është mall, - i tha Ylli, po më keq është Tahipi.
-Pse ka edhe emër Tahipi?, - pyeti Dorisi.
-Ka, ka, me shumicë. Edhe ku na rastisin ne këta miqtë me të tillë emra.
-Po ky ça do këtu?, - pyeti Dorisi.
-Epo këta na kanë pushtuar 500 vjet ne, edhe tani këta mbajnë përgjegjësi për çdo gjë që bëjmë ne.
-Po ju do hyni në Europë more.
-Do hyjmë, do hyjmë, po me këta nuk e prishim dot ne, se ja ne nuk bëjmë asgjë pa turqit.
-Po këta kanë dhënë ndonjë lek për ndërtimin e tunelit?"
-Jo, jo, këta i morën të gjithë lekët që u bë tyneli, edhe erdhën për respekt.
-Po pse, kështu e keni traditën ju?
-Po, po, njëlloj sikur bëjmë dasmë. Ne më shumë respektojmë sasexhinjtë që marrin lekët, se ata që bëjnë dasmën apo martohen.
-Sa mirë që e paskeni këtë, s'ma ka thënë Genci këtë kur jemi llafosur.
-Shyqyr që nuk ka më kohë, se të ishte më e gjatë fushata, do kishte ardhur edhe ndonjë President tjetër.
-E çuditshme është me ju, - bënte Dorisi si e habitur.
-E, mos u çudit, - i thashë unë, - se ja, edhe ti pse erdhe këtu?
-Epo unë jam nga Europa edhe kujdesem për ju, po turqit ça duan, se ne kujdesemi edhe për ata.
-Epo kështu e kanë këto punë, ju kujdeseni për ata, ata kujdesen për ne.
-Po ngatërrohet kjo punë. Do vijë njeri tjetër?, - pyet Dorisi.
-Janë lajmëruar ata që ishin herën e parë, po s'kanë ndërmend, se u mërziten me të darovitur e bredhur tynelit lart e poshtë.
-Do vonohemi shumë?, - pyeti Tahipi.
-S'e besoj, - thashë unë, - ja, të vijë Berisha, të thotë ato që ka thënë gjithmonë, edhe ikim, se plasëm këtu, m'u bënë 2 javë.
-Sa herë ka ardhur Berisha këtu?, - pyeti Tahipi.
-Kush e mban mend, - përgjigjej Ylli.
-Po pse nuk priti sa të mbaronte komplet rruga?, - pyeti Tahipi, - se mua më thanë hajde se ka mbaruar, po këtu nuk qenka bërë as gjysma.
-Epo lekët i mori ajo firma jote, se ne kështu e kemi këndej, japim një herë lekët, pastaj puna le të mbarojë kur të dojë. Se e ka thënë edhe ai Nastradini juaj që, kush jep paratë, i bie fyellit.
-Ashtu është tamam, - përgjigjet Tahipi. Po vonohen shumë, nuk ka lezet të vijë goxha burri nga Turqia e këtu për të inauguruar një vrimë tyneli.
-Epo Sulltani juaj erdhi tre herë deri në Krujë për të inauguruar kështjellën e Skënderbeut, pas çdo riparimi.
-Epo tjetër kohë atëherë, tjetër tani. Po kjo gruaja kush është?, - pyet Tahipi Yllin.
-Kjo është Doris Paku nga Europa.
-Oh, tani m'u kujtua, unë thosha ku e kisha parë. Si je zonja Doris?, - e përshëndeti Tahipi.
-Mirë, si je z. Tazbriti?, - ia kthen Dorisi.
-Dëgjo mua, më quajnë Tahip e jo Tazbrit zonjë e nderuar.
-Po mua ma përkthyen në shqip.
-Lëri këta arnautët, se këta që na prunë ne këtu për një tynel, janë me Nastradinë se Nastradini ynë. Dorisi m'u kthye mua, desh bërë incident ndërkombëtar, më tha.
-Pse?, - i thashë unë.
-Pse e përktheve emrin e turkut në shqip?
-Epo ç'të bëj unë i ziu, kaq marr vesh, meqë u keqkuptove me pusin, thashë se do mërziteshe me Tahipin, ndaj e bëra Tazbriti.
-Ah, me ju nuk merresh dot vesh, - tha Dorisi.

Hysniu deklaron nga Tyneli | 26/06/2009 | Satire |

[[Perla]]

Zëdhënësi, Hysni Dajaku, deklaron për mediat:


Dje pas mitingjeve, kur sapo nisën rrufetë e para, që nuk bien asnjëherë.. atje ku duhet, pati një takim të frytshëm mes Kryeministrit të ardhshëm, Ilir Meta, Presidentit të ardhshëm, Fatos Nano dhe shokut Petro Koçi, që akoma nuk ka shfaqur ndonjë dëshirë se çar' dëshiron të bëhet.


Në takim u vërtetua që Berisha ka ardhur aksidentalisht në pushtet nga karamboli që pati Iliri me Fatosin në 2005-ën, ku ngelën të plagosur gjithë socialistët dhe shqiptarët e thjeshtë dhe shpëtuan vetëm demokratët me Doktorin në krye.


Tani, grupi i të karamboluarve që kanë aksidentuar njëri-tjetrin, e kanë gjetur ilaçin për të larguar përfundimisht Sali Berishën, me një metodë shumë të thjeshtë: kësaj radhe duke karamboluar direkt me Edi Ramën.


Grupi u bën thirrje të gjithë socialistëve të ndershëm, që nuk dëshirojnë të lënë leshtë në karambolin e radhës, që po përgatit Doktori, Iliri, Fatosi e Petrua, se duhet një sahat e më parë të zbresin nga makina e PS-së. Kjo, pasi nuk do shpëtojë këmbë njeriu kësaj here, sepse përplasja do jetë shumë e fortë, aq sa ka mundësi që, edhe të dy shoferët, si Fatosi, si Iliri, edhe pasagjeri në vendin e pasmë, Petrua, ka rrezik të ikin për lesh vetë.


Para një muaji, Fatosi bëri thirrje për të larguar Berishën, por më parë duhet larguar Rama. "Unë e deklarova që ai do dilte edhe një herë para votimeve, por mendoja përsëri vetëm, ose me Berishën, por ia kam futur kot edhe kërkoj falje, se nuk më vajti mendja që do dilte me Ilir Metën.


Kësaj radhe koalicioni më i fuqishëm antisali, po funksionon shumë mirë për të sjellë demokracinë e vërtetë që na ka munguar, që nga ikja e Fatos Nanos. Duroni edhe pak orë shqiptarë të vuajtur, se do të kthehet përsëri demokracia e kulluar me Nanon dhe Metën në timon.


Skema, kësaj here është më e thjeshtë. Në fillim, duke u bashkuar të gjithë ata që i vunë hurin njëri-tjetrit, do votojnë si gjithmonë kundër PS-së, për të realizuar largimin e Berishës, pasi me humbjen e PS-së i hidhet faji Ramës.


Ky jep dorëheqjen, Meta me Nanon marrin frenat dhe pastaj të gjejë vend të futet Berisha në zgjedhjet e 2017-ës. Pra, të gjithë socialistët e mençur duhet ta kuptojnë se rruga e vetme për të hequr Berishën është të ikë një herë Rama, pastaj prapë Rama, pastaj kismet, Saliu - deklaron grupi i të karamboluarve.


Fatosi, për herë të parë del në këtë koalicion esëll dhe me vizion, e jo si herët e kaluara që ia ka valuar kot dhe tapë. Bile, Meta, për të qenë serioz, i ka bërë testin e pijes me anë të Petro Koçit, që ka qenë ministër i Brendshëm edhe i kishte ato veglat e testit që tregojnë sasinë e alkoolit dhe përfundimi qe impresionues.


Për herë të parë që nga 1997-a, Fatosi ka qenë komplet esëll, duke deklaruar se tani çdo gjë që i ka ngelur, do e sakrifikojë vetëm për fitoren e PS-së, por kuptohet, pa Edi Ramën.


Është vërtet një fat i madh që, për herë të parë, shqiptarët kanë në të njëjtin kamp të gjithë politikanët që kanë sakrifikuar veten për interesat e popullit, pra kanë në një koalicion të përbashkët Berishën, Nanon, Metën, Cekën, Imamin, Pollon, Xhuvelin, Lesin, e plot e plot që lodhesh duke i numëruar dhe, në anën tjetër, është populli që kërkon t'u marrë erzin këtyre bijve të lavdishëm. Uroj nga zemra të fitojë edhe një herë ky koalicion i madh! intelektualësh përballë popullit, që, si gjithmonë, nuk e di çfarë kërkon.

Zëdhënësi, Hysni Dajaku, | 27/06/2009 | Satire |

[[Perla]]

Zëdhënësi komunist, Hysni Dajaku, bëhet i gjallë e del para mediave:


Të dashur njerëz! Nuk po u drejtohem me përkatësi partiake, se kësaj radhe u bë vërtet lëmsh. Këtë herë, komunisti u bë demokrat dhe demokrati u bë me LSI-në. Ata të LSI-së u bënë me PD-në, këta të PS-së u bënë me LSI-në; një lëmsh o vëllezër, që nuk ka as fund e as fillim. Unë mungova nja 4 ditë, se nuk dilja dot nga qendra e votimit.


Ah more vëllezër, mua më thanë se kësaj here na ishte bërë një ligj evropian, që ishte shumë i thjeshtë edhe do zbatohej me lehtësi. Po do ti që edhe unë e hëngra këtë. Meqë komunistët nuk kishin ndonjë përfaqësues tjetër, më ngeci mua detyra e vëzhguesit, edhe se ç'hoqa unë, varrit kam për t'ia treguar.


Katër ditë, as hëngra, as piva, prit si firaun, rri e shiko se mos më hante ndonjëri ndonjë votë. Shkoja në banjë edhe veshët i mbaja pipëz, mos dëgjoja ndonjë manipulim dhe, megjithëse kamerat aty ishin, besë nuk kisha.


Unë thashë se, meqë këtë ligj e kishte bërë vetë opozita me duart e saj, me ekspertët më të famshëm, si puna e Kastriot Islamit - që përveçse e ka patur mirë me çdolloj kryetari në PS, që nga koha e Ramiz Alisë, edhe që më në fund e vuri emrin në listën e Tiranës e jo atje në Mallakastër, ku ka fituar gjithmonë - besova vërtet se ky lloj ligji do ishte shpëtimi për Shqipërinë.


Epo mirë, siç e keni ndjekur edhe ju, të gjithë njerëzit votuan, njëlloj si në këto 20 vjet, se nuk u ka dalë njeri para t'i ndalojë me zor dhe ky na u quajt suksesi numër një. Epo, thashë unë, e siguruam një standard.


Pastaj kaluam tek incidentet që kanë qenë të vegjël, si gjithmonë, ca rrahje tek-tuk, po pa cenuar standardet. Asnjë incident tjetër me rëndësi, se ato të mëdhatë u bënë para zgjedhjeve. Epo mirë, edhe kjo një arritje tjetër. U mbyllën edhe qendrat, ashtu si ishin mbyllur gjithmonë. Edhe këtu u plotësua standardi i mbylljes në rregull, siç ka ndodhur këto 20 vjet. Pastaj filloi transportimi, edhe ky pa probleme.


Pastaj filloi numërimi, edhe ky nuk nisi keq, se të gjithë e kishin bërë mendjen top, pasi do fitonin, edhe jepnin intervista si burra të mirë, gjithë xhentilesë, edhe përgëzonin njëri-tjetrin për suksesin, pjesëmarrjen, votimin, transportimin.


Mirëpo, do ti, kur filloi numërimi, s'po i pëlqente as njërit e as tjetrit; të gjithë e donin atë fitoren e thellë, e cila po ngushtohej aq shumë, sa po na zihej fryma ne në komisione e jo më liderëve përjashta. Epo, thellohej në një vend fitorja, e ti sa vije buzën në gaz, ajo ishte bërë e cekët në një vend tjetër. E pikë e zezë!


Unë shikoja mos dilte ndonjë votë për komunistët. Meazallah! Shikoja këta të tjerët, një herë qanin, një herë qeshnin, një herë skuqeshin e një herë zverdheshin. Epo unë e ndava mendjen për veten time edhe shikoja këta të tjerët që donin fitoren e thellë. Edhe megjithatë, një gjë nuk po e kuptoja përsëri unë: ai i PS-së vota kishte më shumë, edhe qante, kurse ai i PD-se vota më pak, edhe qeshte.


- Ore, ça bëhet këtu, pyeta unë, se nuk po e marr vesh. Ky që merr më shumë vota, më thanë merr më pak deputetë, kurse ky që merr më pak vota, merr më shumë deputetë.
- Oh, po si ka bërë vaki?
- Epo kështu e ka ky ligji ri që ka dalë tani.
- Po pse nuk na e sqaruan që më parë këta?
- Po as ata që e bënë nuk e morën vesh këtë punë.
- Po kështu i bie që ne komunistët, që nuk morëm asnjë votë, të fitojmë më shumë deputetë.
- Epo nuk është për ju ky ligj.
- Po për kë është ore?
- Ky është për partitë e mëdha.
- Ore, gjithmonë kështu i bëjmë këto të shkreta reforma, së prapthi. Mirë që u dashka nja 1 javë të rrish këtu pa ngrënë, pa pirë e pa fjetur për t'i numëruar këto shejtan votash, po këtu, ai që merr më shumë vota, humbet. Ne, këtë shejtan demokraci, beter e filluam edhe beter po e vazhdojmë. Ore, po nuk bëmë një gjë për së mbari: ligjet me hile, reformat me hile, privatizimet me hile, emërimet me hile, zgjedhjet me hile.
- Rri o rri, - më tha njëri, - se do shijosh qyfyre këtë herë. Epo, aty nga fundi more vëllezër, u ndez keq e nuk lëshonte njeri pe, se vajti puna për një mandat, edhe Saliu që do fitonte si në '92-shin, tani jo për NATO e për standarde që nuk pyeste, po ishte gati të nxirrte edhe Enver Hoxhën nga varri, që t'i jepte edhe një votë.
Edhe se ça do bëhet me ato kutitë e fundit, vetëm Zoti atje lart e di, se njerëzit në tokë nuk i japin dot dum. Unë për vete nuk durova më, dola nga biruca e votimit, edhe po kërkoja të takoja Doris Pakun me Yllin, se u harruam kaq ditë. Po edhe ata kushedi në ç'vrimë janë futur e numërojnë ndonjë votë. Ne Presidentin e kemi që e bleu postin me lekë, ta blejë edhe Kryeministri këtë herë e të mbyllet kjo punë, se shqiptarët, siç e kanë zënë, në pazar kanë për të dalë të gjithë.

Shekulli Online | 03/07/2009 | Satire |