PS pergatit skenarin e bojkotimit te zgjedhjeve te vitit 2009!

[Brari]

le te bejme nje prov ketu..

cdo forumist le te shprehe se ne se do jete ne shqiperi..cilen parti do te votoje..

po e filloj vete..

po isha ne shqiperi e po mu dha mundesi te votoj do votoj PD-ne..

vazhdoni ju tjeret shprehuni.. e mbas ca ditesh le te bejme llogarite..

ne forum kam bindje fiton ps-ja..

se kush do fitoj ne terren atje le te shohim..
ps punon shume per fitoren..

punon shume nuk do te thote se ben pune te mira e te medha..por ka kuptimin se ..di te beje e ben shum dallavere qe as mendja sna e merr.. aq mjeshtra jane..

[dragon+++]

Eh nuk besoj qe ps te bojkotoje zgjedhjet.
Po Berisha si shpikes i vjedhjes se votes ne Shqiperi qe asnjehere ska fituar pa manipulime ngjall sot teper dyshime se edhe kete radhe ai do te perdore amulline me certifikata e regjistra dopjo e njeqind yckla te tjera per ti fituar prape padrejtesisht ato.
Shto dhe diskreditimin e madh qe po ka keto vjet qe eshte ne pushtet ky dyshim behet real.
Prandaj opozita me te drejte ushtron presionet e saja qe gjerat te mos shkojne sic kane shkuar deri tani.

sipas teje e djathta erlli ne pushtet me manipulime , ne qfar klase mesove se opozita i merr pushtetin pozites ne pushtet me manipulime...!!!!!!!!!!!

[DYDRINAS]

Misioni i ODIHR-it në Tiranë për përgatitjen e zgjedhjeve

Armand Mero

Zëri i Amerikës, Tiranë
17-03-2009


ODIHR-i një zyrë e OSBE-së e specializuar për proceset elektorale, ka patur gjithnjë fjalën e fundit në vlerësimin e zgjedhjeve. Një mision i vlerësimit të nevojave, i cili do të shohë nga afër gjendjen e përgatitjeve për procesin zgjedhor ka nisur të martën takime të shumta në Tiranë me autoritetet, përfaqësuesit politikë shqiptarë, me përfaqësues të diplomacive perëndimore dhe të institucioneve të angazhuara për zgjedhjet e 28 qershorit.



Panorama që ka marrë nga aktorët politikë duket se ka qenë fort e ndryshme. Një opozitë e alarmuar për ecurinë e pajisjes së qytetarëve me letërnjoftime. Menjëherë pas takimit me delegacionin e ODIHR-it kryetari socialist Edi Rama foli për të dhëna që sipas tij janë dëshpëruese e po bëhn shkurajuese:

“Të gjitha afatet janë shkelur, të gjitha kushtet janë shkelur, i gjithë procesi zhvillohet në shkelje të vazhdueshme të të gjitha atyre pikave që do të mund ta garantonin atë. Sot praktikisht, jemi në prag të një situate dramatike, e cila rrezikon të kthehet në një situatë pa rrugëdalje. nëqoftëse ata qindra mijëra qytetarë e qytetare që nuk kanë pasaportë dhe nesër nuk do të kenë as kartën e identitetit, këto nuk mund të quhen më zgjedhje të lira e të ndershme që zhvillohen në Evrope.”

Për kryetarin socialist dita ditës po zgjerohen mundësitë e abuzimeve me procesin.

“Sot të gjitha të dhënat na tregojnë se mundësitë e qytetarëve po shkojnë duke u kufizuar, ndërsa mundësitë për abuzime, spekulime e manipulime me këtë proces po shkojnë duke u zgjeruar. Por ne nuk do të lejojmë që të ndodhë asgjë e tillë, sepse do të bëjmë të pamundurën, që në Shqipëri të ketë zgjedhje të lira e të ndershme”.

Një nga këto përpjekje duket se do të jetë edhe propozimi që socialistët pritet të zyrtarizojnë nesër. Një nismë me anë të së cilës kërkohet që të paktën për kategorinë e qytetarëve pa pasaportë letërnjoftimi të jetë falas. Nuk dihet se si do të pritet nga shumica një propozim i tillë.

Përfaqësuesit e saj deri tani kanë këmbëngulur se procesi po ecën normalisht. Në takimet e zyrtarëve shqiptarë me misionin e ODIHR-it është shprehur vendosmëria për realizimn e zgjedhjeve të lira e të ndershme.

Kryeministri Sali Berisha ka deklaruar se listat e zgjedhësve, një problem kronik në zgjedhjet e mëparshme, po hartohen pa ankesa. Ai ka kërkuar praninë në Shqipëri të një numri sa më të madh vëzhguesish duke deklaruar se kërkesa zyrtare drejtuar OSBE/Odihr-it do të paraqitet javën e ardhshme.

Ndërkaq, sot nis punën edhe komisioni i posacëm parlamentar i ngritur për të kontrolluar përgatitjet për zgjedhjet. Komisioni, i kërkuar nga socialistët, ka përgatitur plain e punës. Të premten do të kërkohen shpjegime lidhur me procesin e letërnjoftimeve nga përfaqësuesit e ministrisë së brendshme të thirrur për të raportuar.

[juanito02]

sipas teje e djathta erlli ne pushtet me manipulime , ne qfar klase mesove se opozita i merr pushtetin pozites ne pushtet me manipulime...!!!!!!!!!!!

Po PD erlli me manipulime ja shiti zgjedhjet Nano qe ta bente Berisha president.

[dragon+++]

Po PD erlli me manipulime ja shiti zgjedhjet Nano qe ta bente Berisha president.

E perse nano nuk esht president tani ?

[DYDRINAS]

"PS, jo bojkotim dhe shtyrje, por fitore zgjedhjeve"
Bisedoi: Denis Dedej
E Merkure, 18 Mars 2009

Sekretari per ceshtjet zgjedhore ne Partine Socialiste, njekohesisht deputet i kesaj partie, Kastriot Islami?, ne nje interviste dhene per gazeten "Koha Jone", tha se selia roze eshte kunder bojkotimit te zgjedhjeve dhe shpreh sigurine e fitoreve te zgjedhjeve. "Per te gjithe lexuesit dhe vecanerisht ata te gazetes "Koha Jone" duhet te jete e qarte se PS do te marre pjese ne zgjedhje dhe do t'i fitoje ato bindshem", theksoi Islami. Ai gjithashtu ka folur per ngritjen e komisionit te posacem parlamentar dhe detyren konkrete qe do te kete ky komision. Duke folur per ceshtjen me te nxehte te koheve te fundit, mbi listat e kandidateve, deputeti socialist beri te ditur kriteret qe do te ndiqen per te percaktuar listen emerore, te cilat sipas tij do te jene kritere moderne dhe demokratike. Midis te tjerash ai komentoi dhe daljen publike te Nanos, pas shume kohesh ne heshtje, duke e komentuar se "integralisht ish-kryetari socialist foli per fitoren e PS".

Zoti Islami pak dite me pare u miratua ngritja e Komisionit te Posacem parlamentar, per monitorimin e zgjedhjeve dhe per pajisjen e cdo shtetasi me karte identiteti, cili do te jete konkretisht detyra e tij?

Ky do te jete nje komision qe do te perpiqet te hedhe driten e nevojshme, per te bere transparent nje proces jo transparent, per te ndricuar ne syte e publikut e te partnereve nderkombetare paaftesine e deritanishme te qeverise dhe mungesen e vullnetit te saj, per te pergatitur infrastrukturen zgjedhore ne funksion te realizimit te zgjedhjeve te lira e te ndershme. Qendrimet, veprimet dhe kontributi yne, do te jete ne funksion te garantimit te se drejtes kushtetuese te votimit per cdo shtetas dhe te pjesemarrjes ne votime, ne perputhje me kerkesat e Kodit Zgjedhor per te votuar me pasaporte per jashte vendit, ose leternjoftim elektronik. Po ashtu do te duhet te kujtoj se PS, eshte e pergatitur per zhvillimin dhe fitimin e zgjedhjeve me 28 qershor 2009.

Partia Socialiste ka ngritur shpeshhere shqetesimin mbi pajisjen e shtetasve me karta identiteti. Sa mendoni qe ky standard, i rendesishem per zhvillimin e zgjedhjeve, do te perfundoje ne kohe?

Situata eshte kritike dhe shqetesuese, por ende ne limitet per t'i realizuar ato ne perputhje me kerkesat e Kodit Zgjedhor, te lira, te ndershme e ne perputhje me standardet demokratike nderkombetare. Perseris, jemi shume te vendosur dhe maksimalisht te angazhuar, per te realizuar dhe fituar zgjedhje te lira e te ndershme. Cdo opsion tjeter eshte i papranueshem.

Ditet e fundit nga selia roze po perseritet ceshtja e rrezikimit te zgjedhjeve. Cfare nenkuptojme me zgjedhje te rrezikuara, mosmarrje pjese nga ana e PS ne zgjedhje, shtyrja e dites se zgjedhjeve ne rast se nuk plotesohen standardet zgjedhore, apo dicka tjeter?!

Per te gjithe lexuesit dhe vecanerisht ata te gazetes "Koha Jone", duhet te jete e qarte se PS do te marre pjese ne zgjedhje dhe do t'i fitoje ato bindshem. Manifestimi i 15 marsit, ishte vetem fillimi i realizimit te kesaj fitoreje. Po ashtu duhet te jeni te qarte, se as shtyrja nuk do te pranohet. Nuk do te lejohet manipulimi i tyre, ne asnje rast dhe ne asnje rrethane, per kete aspekt jane marre dhe po merren te gjithe masat. Vetem realizimi i zgjedhjeve te lira e te ndershme dhe fitorja e tyre e padiskutueshme dhe bindshem nga PS, eshte opsion per ne...!

Cfare hapash po ndermarrin socialistet per hyrjen ne zgjedhje?

Ka nje strategji te plote dhe plane e kalendar veprimesh kater-vjecare per fitoren e 28 qershorit 2009. Ato kane qene dhe jane sa publike, aq edhe organizative. Eshte e pamundur qe une t'iu shpjegoj ne nje interviste kaq te shkurter gjithcka, por thelbi eshte ky qe ju permenda pak me lart.

Nje ceshtje teper e diskutuar ne ambientet mediatike eshte edhe lista emerore e kandidateve per deputete e Partise Socialiste. Cfare kriteresh duhet te plotesohen qe te jesh pjese e kesaj liste?

Kritere moderne dhe procedura demokratike. Do te jene kriteret dhe procedurat me moderne qe jane aplikuar, apo do te aplikohen nga te gjithe partite politike ne Shqiperi. Madje ato do te jene me moderne dhe transparente, sesa kriteret dhe procedurat e rekrutimit te gazetareve dhe pagesa e tyre ne median e shkruar. Te jeni te sigurt per kete.

Pas nje heshtje te gjate ish-lideri i socialisteve, Fatos Nano, komentoi drejtimin aktual te PS-se. Ju si e shpjegoni kete dalje ne publik?

Me duket se integralisht, Nano foli per fitoren e PS... Leximi i pjeseve anesore varet nga kendi i leximit te secilit...

A do te jete zoti Nano pjese e listave te socialisteve dhe sa ndihmon angazhimi i figures se tij politike, ne fushaten zgjedhore per Partine Socialiste?

Ne kuader te strategjise se fitores se zgjedhjeve te 28 qershorit 2009, "cdo ceshtje do te marre pergjigjen e duhur ne momentin e duhur". Asnje ceshtje nuk ben perjashtim nga ky rregull...

Kryeministri Berisha ne nje interviste televizive, la te hapur mundesine e bashkepunimit me LSI-ne ne nje koalicion paszgjedhor, si arsye per te mos derguar vendin serish ne zgjedhje. Ju si e komentoni kete levizje politike?

Nuk me intereson strategjia e Berishes. As taktikat e tij, aq me pak ato diversive. Aq me teper qe bazuar ne objektivin e PS per te fituar zgjedhjet e 28 qershorit, strategjia e Berishes eshte e pavlefshme. Fitorja e PS eshte invariante nga cdo veprim i Berishes... Ju perseris se ne do te fitojme zgjedhjet e 28 qershorit bindshem dhe te gjitha pergjigjet e pyetjeve tuaja, lexuesit duhet t'i lexojne brenda arritjes se ketij objektivi.

Sa do te ndikoje formimi i partise se re PSV '91 ne votat e socialisteve?

Perseris se PS do te fitoje bindshem zgjedhjet e 28 qershorit dhe brenda kesaj pergjigjeje, keni edhe pergjigjen e pyetjes se fundit. Mos kujtoni se jam demagogjik ne pergjigjet e mia apo kerkoj t'i shmangem pyetjeve. Une nuk mund te futem ne analizen hipotetike te gazetave, sepse si politikan me lejohet te percaktoj objektiva dhe te ndertoj programe veprimesh per t'i realizuar ato. Pyetjet dhe analizat, sidomos kur ato lidhen me interesa apo orientime jashte strategjise se PS, ju takojne juve.


koha jone


Se pari ata po pergatiten te bojkotojne zgjedhjet duke perdorur si pretekst mungesen e kartave te identitetit per te gjithe zgjedhesit, pavaresisht prej marreveshjes qe deri atehere te jene pajisur te gjithe personat qe nuk kane pasaporte.

Se dyti, ne rast se ata marrin pjese ne zgjedhje si pasoje e presionit nderkombetar, ata kane skenarin e dyte pra mosnjohjen e rezultatit te zgjedhjeve dhe ky do te sherbeje si pretekst per te ashtuquajturin "revolucion portokalli", njejte sic u zhvillua ne Ukraine apo Gjeorgji.
Mirepo situata ne Shqiperi eshte jashte cdo krahasimi me realitetet e permendura ne Ukraine dhe Gjeorgji, qe te mund te behet qofte dhe ndonje tentative per zhvillime te ngjashme si ne Ukraine dhe Gjeorgji.

Atehere do te shfrytezohet rasti i pare, pra bojkotimi i zgjedhjeve!

Si po punon bashkia e Tiranes per kryerjen e shpejte dhe me sukses te procesit te pajisjes me karta identiteti elektronike?

[juanito02]

E perse nano nuk esht president tani ?

Pse se kupton ti ? Nano i plasi ne dore Berishes njelloj si gerdeci. Aq faqezi sa qe Nano e pa Berisha e i tha o lum miku ste bej dot president se humbas shume vete. Po ke ne dore me bej president Bamirin se do ta shperblej. Bam Nanua gjeti 3 kamikaze qe votuan per Topin.
Bam Berisha Nanos 3 milion euro nga 500 mije kamikazeve kusurin ne xhep.
Une jetoj larg dhe i di keto gjera cudi si si di ti.

[DYDRINAS]

Berisha: ODIHR-i të dërgojë një mision vëzhgimi sa më të madh për zgjedhjet

18-03-2009


Kryeministrit Berisha takohet me delegacionin e Misionit të Vlerësimit të Nevojave të ODIHR-it dhe inkurajon ndërkombëtarët të sjellin një numër të madh vëzhguesish në procesin zgjedhor që pritet të jetë brenda standardeve të OSBE-së

TIRANE - Kryeministri Sali Berisha priti dje në një takim delegacionin e Misionit të Vlerësimit të Nevojave të OSBE- DIHR, i cili ndodhet në Shqipërinë për të vlerësuar kuadrin përgatitor të zgjedhjeve ne vend. Duke shprehur kënaqësinë e tij për vizitën e Misionit, Kryeministri Berisha siguroi delegacionin për mbështetjen e plotë të Qeverisë shqiptare ndaj procesit zgjedhor. Kryeministri Berisha vlerësoi se zgjedhjet e 28 qershorit 2009 janë shumë të rëndësishme në lidhje me arritjen plotësisht të standardeve ndërkombëtare për zgjedhje demokratike dhe çdo përpjekje do të bëhet në këtë drejtim. Në këtë kuadër, Kryeministri Berisha ftoi përfaqësuesit e ODIHR-it që të dërgojnë një mision vëzhgimi sa më të madh dhe siguroi se ftesa zyrtare për vëzhgim të zgjedhjeve nga OSBE-ODIHR do të prezantohet brenda javës së ardhshme.
Nga ana e tij, Shefi i Misionit të Vlerësimit të Nevojave, Gerald Mitchel falënderoi për mbështetjen e marrë nga të gjitha institucionet e qeverisë për këtë mision, dhe për rolin e ODIHR-it në përgjithësi në procesin zgjedhor.
Në kuadër të procesit zgjedhor, Kryeministri Berisha shprehu kënaqësinë për miratimin me konsensus shumë të gjerë të ndryshimeve kushtetuese dhe Kodit Zgjedhor, ndryshime të cilat, veç faktit se garantojnë zgjedhje të lira dhe të ndershme, sipas kreut të ekzekutivit, eliminojnë përfundimisht fenomenin negativ të “Dushkut”. Kryeministri Berisha përshëndeti aprovimin konsensual të KQZ-së së re, me të cilën së shpejti do nënshkruhet një memorandum mirëkuptimi dhe bashkëpunimi. Si proces zinxhirë të infrastrukturës zgjedhore, Kryeministri Berisha bëri një ekspoze të përgatitjeve të infrastrukturës zgjedhore, ku përmendi pajisjen për herë të parë të shtetasve me letërnjoftime elektronike, modernizimin e shërbimit të gjendjes civile dhe sistemit të adresave, në bashkëpunim me projektin e Prezencë së OSBE-së në Shqipëri, arritje të cilat përmirësojnë rrënjësisht standardet e zgjedhjeve.
Kryeministri vuri në dukje se procesi aktual i hartimit të listave vazhdon me sukses dhe pa ankesa, në dallim të fortë me të shkuarën kur listat e zgjedhësve, dhe jo alternativat politike, përbënin objekt polemikash. Në përfundim të takimit të dyja palët shprehën vullnetit e përbashkët për vijimësinë e mëtejshëm të bashkëpunimit.
Edhe Ministri i Punëve të Jashtme, Lulzim Basha, në emër të qeverisë shqiptare ftoi dje në takimin që pati përfaqësuesit e ODHIR, që të dërgojnë në Shqipëri misionin më të madh vëzhgues që ka asistuar ndonjëherë në zgjedhjet parlamentare të zhvilluara në vendit tonë.


Kryesocialisti deformon të dhënat në terren të ecurisë së procesit të shëprndarjes së kartave të identitetit

Edi Rama në rolin e kasandrës, i parathotë ODIHR-it alibinë e mospranimit të humbjes

TIRANE - Kryesocialisti Edi Rama ka kryer dje rolin e kasandrës teksa përkundër garancive të dhëna nga ana e strukturave të Ministrisë së Brendshme për një ecuri normale të procesit të pajisjes së shqiptarëve me kartat e reja të identitetit, u ka ofruar monitoruesve të ODIHR-it një panoramë krejt tjetër. Në këtë valë pesimizmi, kryesocialisti tha se edhe komisionin “ad hoc” i kërkuar prej tij si një instrument transparence dhe i miratuar pak ditë më parë në Kuvendin e Shqipërisë nuk do të mund të ndryshojë sipas tij situatën. Kreu i PS-së tha se së shpejti, selia rozë do të bëjë një tjetër propozim për t’i dhënë sipas tij një tjetër shans procesit
...

55

[Daja-GONI]

Me duket se Shqiperia eshte vendi i vetem ne bote,ku opozita(pa marre parasyshe cila)konsideron poziten,jo si rivale politike,por si nje armik.Kurse kryetaret e tyre,njeritjetrin armik personal.Dhe tere jeta politike zhvillohet ne kete rrafsh.Opozita gjithmone eshte jokonstruktive,dhe thuaja gjithmone eshte kunder.Atehere kur pozita thot e zeze,opozita thot e bardhe.Atehere kur opozita thot e zeze pozita thot e bardhe.
Opozita ne Shqiperi ka gjithmone vetm nje cak dhe nje detyre.

1.Caku : Ardhja ne pushtet

2.Detyra : Rrezimi i qeverise dhe fushata elektorale

Fushate elektorale,bene opozita 4 vjet me rradhe.Kjo pune eshte per liber te ginisit.Se pakut me kete gje jemi te paret ne bote.Dhe thuaja se nuk ka dite ku nuk kerkohet permbysja e qeverise.Kete e kerkoi opozita edhe para disa ditesh ne marshin e turpshem, " ne perkujtimin per Gerdecin " .Kjo ngjarje tragjike edhe njehere u shfrytezua per te bere fushate zgjedhore,biles kete e bene ballelarte dhe pa u turperuar fare.
Dhe qe te dyja,si pozita si opozita,aq shume " fakte dhe argumenta " kan kunder njera tjetres,sa qe populli nuk di kujt ti besoj.Mbase qe te dyja kan te drejte ne akuzat qe i bejne njera tjetres.Dreqi nuk e merr vesh kete politiken tone shqiptare.Por se eshte e mbrapsht tash e 100 vjet kete po e shofim te gjithe.
Edhe nje gje shume tragjikomike ne politiken tone.
Opozita gjithmone e di 2 vjet para zgjedhjeve,se do ti fitoj zgjedhjet.Dhe gjithmone e di se pozita do ti vjedh votat.Ata gjithsesi duhet te kene nje Nostradamus ne rradhet e veta.

Une shpresoj dhe uroj,i lutem zotit,se pa marreparasyshe kush do ti fitoj zgjedhjet e ardhshme,te jete shqiptar dhe te punoj per te miren e Shqiperise.

[Shkelqesia_E_Tij]

Nuk ka asnje shans qe te majtet te fitojne zgjedhjet e ardhshme dhe merita per kete i takon punes qe qeverise Berisha ne keto 4 vjetet e fundit dhe arritjet e padiskutueshme te saj te cilat njihen si nga shqiptaret edhe nga te huajt. Pra Berisha shkon ne keto zgjedhje me i sigurt se ne cdo zgjedhje te tjera te mbajtura ne keto 2 dekada per fitore, dhe fitorja mund te jete e bujshme.

Albo

Lexoni kete Nostradamus te koheve moderne, di çfare flet e shkruan sepse jeton ne Amerike !!!!!


ps: Per ke bien kembanat...!?