PS pergatit skenarin e bojkotimit te zgjedhjeve te vitit 2009!

[Albo]

Nuk ka asnje shans qe te majtet te fitojne zgjedhjet e ardhshme dhe merita per kete i takon punes qe qeverise Berisha ne keto 4 vjetet e fundit dhe arritjet e padiskutueshme te saj te cilat njihen si nga shqiptaret edhe nga te huajt. Pra Berisha shkon ne keto zgjedhje me i sigurt se ne cdo zgjedhje te tjera te mbajtura ne keto 2 dekada per fitore, dhe fitorja mund te jete e bujshme.

Dilema e Rames dhe Metes, dueli i tyre, nuk behet per te fituar zgjedhjet por per te fituar flamurin e se majtes: kush eshte zeri i pare i polifonise se majte, Rama apo Meta? Edvin Rama eshte i vetedijshem qe kriza dhe ndarjet qe pesoi PS pas largimit te Nanos dhe ngritjes se tij ne krye te Partise eshte hic asgje pas furtunes qe njerezit rreth tij i kane pergatitur diten pas zgjedhjeve, kur PS nen lidershipin e tij te dali e humbur ne keto zgjedhje. Keto jane zgjedhjet e para parlamentare ne te cilat Rama drejton Partine Socialiste, ky eshte testi i pare i madh i suksesit/deshtimit te lidershipit te Rames ne PS. Pra preokupimi kryesor i Rames eshte qe korriku i 2009 ta gjeje ende ne krye te PS dhe jo ne rruge si nje socialist/deputet i thjeshte.

Ilir Meta perben sfiden me te madhe per Ramen, pasi Meta nuk e ka fshehur aspak ambicien qe te zgjeroje elektoratin e partise se tij ne kurriz te elektoratit te zhgenjyer te PS. Sipas Metes, nese LSI rrit perqindjen e elektoratit nga zgjedhjet e kaluara dhe numri i votave te PS ulet nga zgjedhjet e kaluara, ky do te jete nje sukses i madh per te. Pas zgjedhjeve Meta do te behet nje borizan i mire per tu thene shqiptareve: PS po vdes, LSI eshte qendra e se majtes. Elektorati yne po shtohet elektorati i PS po ulet.

Nese rezultati i zgjedhjeve nuk do te reflektoje mire as per Ramen e as per Meten, lufta per kreun e se majtes do te ndizet fort dhe te gjithe te larguarit nga PS do te mundohen te kapin majen e saj.

As Rama dhe as Meta nuk kane per ti bojkotuar zgjedhjet pasi Berisha ua ka lidhur edhe kembet edhe duart. Ua ka lidhur kembet me kodin e ri zgjedhor qe aprovuan ne kuvend se bashku me mirekuptim. Ua ka lidhur duart me entuziazmin e fushates se pajisjes se gjithe shqiptareve me karte identiteti brenda 6 mujorin e pare te 2009. Te shkosh te votosh ne votime me nje karte identiteti ne dore do te jete risia e madhe e ketyre zgjedhjeve qe do te bejne me transparent e te besueshem procesin dhe rezultatet zgjedhore.

Albo

[Guri i Kuq]

I nderuar Albo,

Jeni shumë optimist për ecurinë dhe rezultatin e zgjedhjeve të sivjeme në Shqipëri.

Dhashtë zoti të jetë ashtu siç e keni thënë e parashikuar Ju,por do të ishte mirë,nese keni në dorë apo çasje në ndonjë sondazh kredibël,të na shpalosni edhe neve në FSH.
Përndryshe,jeni njeriu që deri më tash e ka thenë me sigurinë më të madhe lajmin për fitoren e mundëshme të djathës në këto zgjedhje tepër të rëndësishme për rrjedhën e reformave në Shqipëri.
Nuk e fsheh entuziazmin tim për këtë parashikim,edhe për faktin se një e djathtë e fortë në Shqipëri,ndoshta do ta ringjallte këtë frymë edhe në Daradani,ku për momentin as që bëhet fjalë për konsolidim të krahut të djathtë,demokratik e kombëtar.

Shnet,
Guri

[Antimafia]

ja cthot gazeta shqip:

Veliaj, dhuratë për Obamën: "Guximi për të shpresuar"

Kreu i lëvizjes politike G99 merr pjesë në ceremoninë e programuar në SHBA

...do t‘i dhurojnë Presidentit Barak Obama librin e tij në shqip "Guximi për të shpresuar"[/B] .

Armiqësia e mikut të Ramës, Arthur J. Finkelstein, me çiftin Klinton rresikon mbështetjen amerikane për socialistët.

Homoseksuali drejtues i fushatës së socialistëve, dy libra kundër çiftit Klinton

Edi Rama prej disa ditësh është duke u ndjerë në vështirësi përpara situatës së re të krijuar në politikën ndërkombëtare me ndryshimin e raporteve pas ardhjes në pushtet të demokratëve. Me ardhjen në pushtet të Obamës, socialistët menduan se tashmë do të kenë përkrahjen maksimale nga SHBA, për arsye se një nga sponsorët më të rëndësishëm të presidentit amerikan është George Soros i cili sponsorizon edhe karrierën politike të Edi Ramës. Në fakt, gjatë gjithë periudhës kur Obama kurorëzoi fitoren e tij deri në kurorëzimin e fronit para tre ditësh, socialistët me Edi Ramën në krye patën një ngritje adrenaline të cilën e mediatizuan në përmjet mediave të tyre, të cilat nuk lanë rast pa nxjerrë Edi Ramën si produkt të politikës demokrate me erën Obama. Edi Rama arriti deri në atë pikë sa deklaroi se amerikanët u ndanë nga politika e vjetër duke përbuzur paraardhësin e Obamës, George W. Bush.

Së bashku me kamikazin e tij të bindur dhe të përulur Edi Rama nuk la moment pa i bërë reklamë vetes nën emrin e Obamës. Por, ditën e kurorëzimit të fronit euforia Rama u shua dhe bashkë me euforinë Rama u shua dhe euforia Veliaj i cili trumbetoi para mediave se do i dhuronte presidentit Obama librin e përkthyer në shqip me financimin e ambasadës amerikane. Gjithë demagogjia mediatike e ngritur me aq mund u shemb brenda natës së hipjes në fronin e presidentit të Obamës. Edi Rama nuk ishte në gjendje të shkonte në Capitol, Erion Veliaj pati fatin e keq të mos dhuronte librin dhe për më shumë ishte në një pozicion për të ardhur keq midis 2.5 milionë amerikanëve. Deficenca e lejfenit Veliaj prodhoi zhgënjimin Rama. Shqiptarët panë me sytë e tyre se fushata mediatike Rama për miqësi me Obamën, ishte një fiasko dhe kryesocialisti i shqiptarëve ngeli lakuriq si mbreti me rrobaqepësit. Kulmi i dëshpërimit Rama u pasqyrua me karshillëkun që ky i fundit i bëri inaugurimit të presidentit Obama duke dalë në emisionin “Pesë pyetje nga Babaramo” për të sqaruar strategjitë e tij politike tashmë të dështuara. Atë ditë as ai dhe as formacioni politik PS nuk e përshëndetën Obamën, për tu kujtuar një ditë më pas kur gazeta SOT e bëri evident këtë fakt para lexuesve të saj. Të nesërmen, nëpërmjet një konference për shtyp në mënyrë të sforcuar Edi Rama nuk la fjalë lavdëruese në drejtim të presidentit të SHBA, duke treguar veten se është një politikan i dështuar dhe pa horizont. Pakënaqësia e Ramës ndaj Obamës në fakt nuk ka të bëjë me Obamën. Pozicionimi i Ramës varet nga pozicionimi i Soros me stafin e ri në presidencën e re. Pavarësisht faktit që Soros ka financuar për fushatën Obama, nga të gjithë shikohet qartë se Obama nuk është i vetëm në këtë presidencë. Nuk është më Obama lojtari i kësaj loje. Tashmë një pjesë e dirigjencës së shtetit amerikan është në duart e çiftit Klinton, i cili ka në duart e tij thuajse gjithë stafin që ka zënë vendet në qeverisjen e re. Tashmë të gjithë e dinë se kush është ekipi që ka bërë fushatën e Edi Ramës në zgjedhjet e viti 2007. Arthur J. Finkelstein drejtuesi hebreo-amerikan i fushatës elektorale të Ramës është armiku i deklaruar i familjes Klinton. Arthur J. Finkelstein ka shkruar dy libra kundër familjes Klinton duke shfaqur hapur armiqësinë e tij ndaj çiftit më të suksesshëm të botës. Armiqësia e tyre u shfaq dukshëm edhe në ceremoninë e inaugurimit të presidencës Obama, ku çifti Klinton refuzoi në mënyrë të prerë të komunikonte me Arthur J. Finkelstein, duke treguar se midis tyre nuk ka ura komunikimi.

Edi Rama duke ditur se pozicionimi i miqve të tij homoseksualë, nuk është ai i duhuri, gjendet në vështirësi në aspektin e përkrahjes amerikane, përkrahje që politikanët shqiptarë e konsiderojnë si përkrahjen e Jezu Krishtit. Barometri politik i mbështetjes amerikane tashmë është në pikat më të ulëta për kryesocialistin Rama. Fitorja e Obamës duket se nuk ishte ajo që priste Edi Rama me grupimin e tij të lejfenistëve. Sulmet e djeshme të Sokol Ballës dhe Erion Velisë për shpenzimet e çiftit Klinton në emisioni Top Story, treguan qartë se dëshpërimi në kampin Rama është tejet i madh. Ndërkohë që nëse vëmë re me kujdes në emision e VOA, të nesërmen kurorëzimit të Obamës mungonin intervista e njerëzve të Ramës, kryetares së grupit Parlamentar Socialist Valentina Leskaj dhe Erion Veliaj. Rama dhe Veliaj nuk munguan të dalin në ditët e konventës së demokratëve, por që munguan ditën e kurorëzimit të Obamës në fronin e presidentit. Qeveria e re amerikane shumë shpejt ka për të përcaktuar prioritetet e saj në Shqipëri. Kjo gjë do të vihet re në momentin kur ambasada amerikane do të ketë në krye të saj një ambasador të ri, i cili do të përcaktojë rregullat e reja të lojës. Ambasadori Uidhers e përcaktoi qartë qëndrimin e tij pro Ramës, duke u kthyer shpeshherë në zëdhënës të tij. Duke qenë personazh i diskretituar edhe në rastin e trafikut të Gërdecit, ky ambasador tregoi se ka qenë një nga ambasadorët më të dështuar në historinë e diplomatëve amerikanë në Shqipëri.


Kush është Arthur J. Finkelstein

Në 8 prill 2005 gazeta “Neë York Times”, botoi lajmin sensacional se drejtuesi hebreo-amerikan i fushatës së tashme elektorale të Edi Ramës, Arthur J. Finkelstein, i cili ka krijuar dhe drejton një kompani publiciteti me emrin “Arthur J. Finkelstein and Associates” para katër muajsh, pra në dhjetor 2004, ishte martuar në mënyrë sekrete me mashkullin me të cilin bashkëjetonte, gjë të cilën Finkelstein e pranoi publikisht. Dhe rasti i z. Finkelstein është shembull edhe se në Perëndim këto gjëra tolerohen vetëm kur njeriu nuk është i lidhur me çështjet publike, posaçërisht politikën, pasi me të pranuar këtë gjë, z. Finkelstein, i cili deri atëherë pati drejtuar fushatat elektorale të shumë politikanëve të njohur në SHBA-të dhe në Izrael, u bë një person i padëshiruar për politikanët e shquar.



http://www.sot.com.al/index.php?option=com_content&view=article&id=3553:armiqesia-e-arthur-j-finkelstein-mikut-te-rames-me-ciftin-klinton-rrezikon-mbeshtetjen-amerikane-per-socialistet&catid=34olitike&Itemid=60

[DYDRINAS]

POLITIKË

“Opozita të mos bëhet qesharake, Edi Rama të aplikojë publikisht”

23-01-2009 / Leonard Quku


Zëvendëskryeministri Genc Pollo, akuzon opozitën për abuzimet për vite me radhë me kartat e identitetit

TIRANE – Zëvendëskryeministri Genc Pollo, i ka kujtuar dje dështimin PS-ës, në tentativën e saj të dështuar për vite me radhë, për pajisjen e shqiptarëve me karta identiteti, ndërsa ka ftuar kreun e PS-ës, Edi Rama që të aplikojë publikisht për marrjen e kuponit të pajisjes me kartë identiteti.
“Për vite me radhë PS-ja dështoi në pajisjen e shtetasve shqiptarë me karta identiteti. Edhe atëherë kur u duk se e realizoi këtë proces, ndryshoi Kodin Zgjedhor, sepse karta e identitetit që u shpërndanë disa vite më parë, nuk ishin aspak cilësore. “Nuk është nevoja tani që të bëhet edhe më qesharake opozita me akuza të tilla dhe të fyejë njerëzit pa pikë arsye. Unë do të këshilloja, ndoshta nuk është detyra ime ta bëj, por do guxoja ta bëja këtë, që vetë Edi Rama, në mënyrë publike, të ftojë kamerat që i ka për zemër ta bëjë këtë proces aplikimi duke i dhënë mesazhin dhe votuesve të PS, por dhe publikut, se ky është një proces që duhet kryer. Në qoftë se ai nuk e bën për arsyet e veta, le të delegojë dikë, a Taulantin apo nje deputet tjetër”, deklaroi Zëvendëskryeministri Pollo.
Sipas Pollos, qeveria vlerëson procesin e shpërndarjes së kartave të identitetit, ku përmes gjenerimit automatik pajis çdo shtetas me numrin e identifikimit; ashtu si në çdo shtet modern.
Zëvendëskryeministri Genc Pollo, deklaroi dje midis të tjerave në kuvend, se shpërndarja e kartave të identitetit është një realitet tashmë me të cilin përballemi.
Pollo theksoi se Ministria e Brendshme do të njoftojë për eliminimin e dublikatave dhe mbi këtë bazë do të dalin lista zgjedhore të sakta.
“Ka qenë bashkëpunimi i kryetarëve të komunave dhe bashkive, një pjesë e mirë e tyre socialiste, për të realizuar këtë proces me saktësi dhe besueshmëri dhe reagimi i këtyre komunave dhe bashkive socialiste është një model shumë i mirë, që duhet ndjekur dhe nga partia në qendër. Ka mënyra të tjera për të bërë të sigurt që ky kontingjent zgjedhësish të pajisen deri në qershor të këtij viti; pasi edhe shtrirja jashtë Tiranës e aplikimeve do fillojë shumë shpejt. Njoftoj që, kryesorja nuk janë komunat dhe qytetet e vogla. Sfida më e madhe për koncesionarin dhe për e zyrat e gjendjes civile, Ministria e Brendshme e bashkitë përkatëse, janë qytetet e mëdha. Është Tirana, ku ka filluar të shumëfishohen dhe forcat e aplikimit dhe së shpejti do vijohet me Durrësin,Vlorën, Shkodrën me Elbasanin dhe me Korçën. Do ishte shumë mirë që komisioni parlamentar ad hoc me përfaqësues dhe nga opozita të bënte vizita të tilla, të komunikonte me zyrtarët tanë, të vizitonte Zyrat e Gjendjes Civile, të fliste me kryetarë bashkie dhe minibashkie të shikonte vetë Qendrën e Personalizimit të menaxhuar nga Koncesionari franko-amerikan ndoshta të vizitojë dhe Hamburgun në Gjermani ku prodhohet pasaporta apo Holandën ku prodhohet letërnjoftimi sepse vërtet po të shkojnë vetë atje do të mësojnë nga ekspertë neutralë objektivë se dokumentet tona janë më të mirat që ka Evropa, jo se ne jemi detyrimisht më të mirët por sepse kemi fatin që aplikojmë teknologjinë më të fundit dhe kemi dokumentet më të mira sot për sot. Jam i sigurt që kjo përshëndetet nga gjithë qytetarët e këtij vendi, dhe shpresoj dhe nga opozitarët e këtij vendi gjithashtu, të ndodhë një gjë e tillë. Më mirë vonë se kurrë”, tha zëvendëskryeministri Pollo.
Zëvendëskryeministri iu referua edhe propozimin e partisë Socialiste, për një komision ad-hoc për të ndjekur shpërndarjen e letërnjoftimeve, çka u përsërit dhe dje dhe nga deputetët socialistë në Kuvend. Ai theksoi se kjo tashmë është miratuar nga mazhoranca pasi çdo masë që ngjall besimin te ky proces, çdo masë që përfshin në mënyrën e duhur edhe opozitën, duhet ndërmarrë.
“Por ky propozim i PS, mendoj që këtë parti e sjell në kohën reale të çështjes së Regjistrit Kombëtar të Gjendjes Civile, të numrit të identitetit për çdo qytetar, të dokumenteve personale që rrjedhin prej tij si letërnjoftimet, pasaportat apo dokumente të tjerë listat e zgjedhësve, data-base institucioneve të tjera që do të koordinohen me këtë data-base qendrore të shtetit, që është Regjistri Kombëtar i Gjendjes Civile dhe që për herë të parë organizohet në këtë mënyrë unike dhe elektronike”, tha Pollo.
Gjithashtu Pollo solli në vëmendje edhe paaftësinë e qeverisë socialiste, pasi gjatë 8 viteve nuk qe në gjendje të nisë procesin e prodhimit të kartave të identitetit, por përkundrazi, humbje fondesh dhe fiktivitet e institucioneve përgjegjëse.

55

[DYDRINAS]

Zgjedhjet, tok me vendin, jane ne rrezik

Letër publike drejtuar kryetarit të Partisë Socialiste të Shqipërisë, zotit Edi Rama

Mustafa Nano

Ndërsa po bie kambana e zgjedhjeve parlamentare, politika shqiptare po bën atë që ka ditur të bëjë përherë në prag zgjedhjesh në harkun e tetëmbëdhjetë viteve të fundit: të bëjë diskutime pa bukë mbi listat e zgjedhësve, mbi emrat e këtyre të fundit që fanepsen dy herë në regjistrin kombëtar, mbi hartimin elektronik të regjistrit vetë, mbi kartat e identitetit, mbi komisionet zgjedhore në qendër e në bazë, mbi Kolegjin Zgjedhor, e mbi procedura të tjera në funksion të mbarëvajtjes së zgjedhjeve. Keni pasur katër vjet në dispozicion, keni pasur premtimin e Kryeministrit aktual përpara se të bëhet (e menjëherë pasi u bë) Kryeministër, keni pasur "ngenë" opozitare për t‘u marrë në mënyrë të posaçme me këtë çështje, keni pasur presionin e mbështetjen e nevojshme të opinionit publik lidhur me këtë gjë, keni pasur në pjesën më të madhe të kohës dhe mbështetjen e mirëkuptimin e diplomatëve të huaj në Tiranë, e të gjitha këto do të kishin mjaftuar që të hynim në fushatën elektorale të pritshme me një strukturë e infrastrukturë të kopsitur elektorale. Por jo, s‘qenka e thënë. Katër muaj përpara zgjedhjeve, ne jemi duke zhvilluar diatribën parazgjedhore, e cila nuk bën gjë tjetër, veçse i merr kohë kohës që shtrëngon. Dhe kur dara e kohës shtrëngon, vetë koha nuk është aleat i opozitës suaj e opozitës sonë; përkundrazi, është aleat i mjeshtrit të madh. Cili është mjeshtri i madh? E kush tjetër? Ai që e vonoi, dhe e vonoi, dhe e vonoi pa fund këtë proces për të ardhur në këtë moment, kur koha shtrëngon e kur të gjithë ne, ndërsa kërkojmë kohë për të bërë gjërat e mbetura pa bërë, zbulojmë se dhe ajo na vidhet prej Sali Berishës. Ky është mjeshtri, pra.

Deri më tani, ju keni ndjekur lojën e tij dhe anasjelltas, ai ka ndjekur lojën tuaj. Sigurisht, Berisha ka marrë përfitimet e veta, siç janë neni për ndryshimin e Kushtetutës që redukton fuqinë e kryetarit të shtetit në të mirë të kryetarit të qeverisë, Kodi Elektoral, ligji mbi dosjet, etj., etj., por ju e keni pasur justifikimin të hazërtë. "Pikërisht aty ku ai ka përfituar, kam përfituar dhe unë, në mos ca më shumë se sa ai" - thoni ju. E bën vaki të keni të drejtë (po injoroj në këtë mes faktin që, gjithë këto ndërhyrje të forta të maskuara e të shitura për reforma, janë bërë larg syve të opinionit publik e pa asnjë debat politik; po bëj një analizë amorale të lojës suaj). Por për çfarë ju lipsen këto "fitore"? Sigurisht, ju lipsen veç nëse vini në pushtet. Hm, dhe ja ku jemi, ku puna nuk është se hesapet i keni bërë pa hanxhiun (përkundrazi, veç me hanxhiun i keni bërë), por ku hanxhiu, në mos jua ka hedhur, me siguri do t‘jua hedhë. Po e teproj e po ia fus kuturú? Ah, sa i lumtur do të isha po ta teproja e po t‘ia fusja kuturú! Por faktet flasin ndryshe.

Sali Berisha po futet në zgjedhje ose me institucione të vetat, ose me institucione të trembura e të zbythura. Po flitet që një numër anëtarësh të Gjykatës Kushtetuese po bëhen gati të japin dorëheqjen, përpara se ligji i miratuar për t‘i penalizuar ata të publikohet në Fletoren Zyrtare. Sulmi ndaj tyre ka filluar, dhe në ditët në vijim do të përshkallëzohet. Për pasojë, anëtarët "e sëmurë" të kësaj gjykate, kush prej frikës, kush prej turpit të dosjes, kush prej ndonjë premtimi në këmbim të dorëheqjes, e kush prej militantizmit politik, do të largohen një e nga një. E përse duhet të rezistojnë në fund të fundit? Ai nuk di të ndalet përpara asgjëje dhe në këtë kuptim - besojnë ata - në mos me hir, ka për t‘i hequr me pahir. Ja, me Gjykatën e Lartë u bë ç‘deshi ai, e për këtë arsye nuk është mëkat të mendohet se kjo gjykatë, edhe po të mos jetë në duart e tij, është e terrorizuar prej tij. Andej nga Prokuroria u hoq një gur themeli, e pritet të hiqen gurë të tjerë. Andej nga Gjykatat e Shkallës së Parë e të Dytë punët ecin vetë, bash ashtu si do Saliu: Në mënyrën më tekanjoze, shorti i hedh patatet e nxehta, d.m.th çështjet penale që kanë të bëjnë o me familjarë të Berishës, o me bashkëpunëtorë e sekserë të tij, në duar gjyqtarësh me back-ground të qartë politik (nuk më shkon mendja të paragjykoj vendimet e marra. Thjesht po bëj një konstatim); por edhe sikur të kishin një back-ground tjetër, do t‘u dridheshin leqet e këmbëve në këtë klimë kontrolli e presioni mbi institucionet. Pikërisht në këtë klimë, madje edhe në një klimë më të frikshme akoma, do të punojë edhe Kolegji Zgjedhor i sapozgjedhur. Kjo është e para gjë. Dhe kësaj gjëje, ju nuk keni ç‘t‘i bëni, zoti Rama. Tanimë është vonë, tepër vonë. Por edhe po të mos ishte vonë, ju prapëseprapë nuk do të bënit ndonjë gjë të madhe. Kam përshtypjen, se nuk është në stilin e në fuqinë tuaj t‘u jepni zemër apo t‘u shtini frikën institucioneve, që nuk kanë të bëjnë me ju. E për këtë, nuk ju bëj me faj. Por ju bëj me faj amá, që e latë Sali Berishën të arrinte deri këtu, sa t‘u kallte datën të gjithëve. E ka rrezik të vijë momenti të na kallë datën edhe juve, edhe mua.

E dyta gjë: Ai ka në dorë krejt policinë. Dhe kjo që them nuk është metaforë. Është fakt. Arma e policisë është një armë besnike e Saliut. Herë pas here ka bërë një numër rokadash (kështu i quajnë gazetarët e kronikës së zezë) në zinxhirin e komandave të Ministrisë së Rendit e të Policisë së Shtetit, dhe qëllimi asnjëherë nuk ka qenë përmirësimi i rendit publik; përkundrazi, ka qenë krijimi i një establishment-i policor të mbushur me njerëz që i ngjajnë shefit të tyre mustaqelli e që frymëzohen prej shefit të tyre të madh pa mustaqe. Frymëzohen për çfarë? Për të qenë gardianë të ligjit e të rendit? Jo, zotëri! Për të qenë ose vjedhës votash, ose gardianë të vjedhjes së votave. Dihet pra se ç‘rol mund të luajnë këta njerëz me uniformë para, gjatë e pas procesit zgjedhor, në mënyrë që ky i fundit të prodhojë atë rezultat që do Kryeministri. Përveç kësaj, kjo lloj policie mund të shërbejë edhe si mbrojtëse apo motivuese e grupeve kriminale të lidhura me pushtetin. Unë personalisht ndihem i pambrojtur në këto rrethana. Qysh sot ndihem i pambrojtur. Djegia e makinës së Mero Bazes më ka ligështuar sa s‘ka ku të shkojë (e keni vënë re që Kryeministri ngushëlloi ditët e fundit familjen e një gazetareje jo shumë të njohur për publikun, ngaqë kjo e fundit humbi jetën për shkaqe që s‘kanë të bëjnë me profesionin - dhe mirë bëri! - por nuk tha asnjë fjalë kur Mero Bazes ia bënë makinën shkrumb e hi?). Përfytyroni pak se si mund të ndihen në këto rrethana mijëra të tjerë, të cilët, në ndryshim nga unë e nga Mero, nuk kanë "famë e emër" që mund t‘i mbrojë sadopak.

E treta: Kjo loja me kartat e identitetit fsheh gjëra rrezikzeza në dëm të zgjedhjeve të lira e të ndershme. Tanimë nuk ka më kohë për ta kontrolluar procesin e prodhimit e të shpërndarjes së këtyre kartave. E vetmja gjë për t‘u bërë është të bëhet ç‘është e mundur për të minimizuar dëmin. Dhe mund të fillohet me një gjë shumë të thjeshtë, zoti Rama: Bashkëpunimi me Berishën për çështje jo elektorale është një pesë me hiç. Nuk kam fuqi të kuptoj gatishmërinë tuaj për të ndjekur edhe sot e kësaj dite mazhorancën në ca lëvizje lunatike e surreale, siç është ajo e gjoja aplikimit për statusin e kandidatit për në BE. Një lëvizje, që po të bëhej para disa muajsh, d.m.th kur e kërkuat ju vetë, nuk do të ishte dobare e paragjykuar, por e bërë pikërisht tani të ngjan me një lëvizje kot më kot, që ndërmerret sa për të krijuar një zhurmë e sa për t‘i bërë berishianët të rrahin gjoksin për "arritjen" (ç‘arritje zeza!). Ju e mbështetët, megjithatë. Në vendin tuaj, pa pasur asnjë frikë prej akuzës si sabotator i procesit të anëtarësimit në BE, unë do t‘i thosha Berishës këto fjalë: "Kam qenë gjithë kohën konstruktiv. E kam bërë këtë, edhe pse e kam ditur se përballë ju kisha juve, dinak, mujshar e destruktiv. E kam bërë gjithçka në emër të stabilitetit politik në këtë vend, në emër të krijimit të një imazhi të mirë kombëtar në sy të komunitetit ndërkombëtar, në emër të mbjelljes së një kulture të re opozitare dhe në emër të mbarëvajtjes së zgjedhjeve. Nuk jam penduar që jam sjellë kështu, s‘ka gjë se nuk ia dola mbanë deri në fund. Por tani është koha për t‘ju thënë "mjaft". Jemi katër muaj para zgjedhjeve, e kjo punë nuk ka asnjë kuptim. Ç‘ishte për t‘u bërë është bërë. Reformat, ashtu si dhe punë të tjera të rëndësishme (fjala vjen, aplikimi në BE) nuk i përkasin më kësaj mazhorance; ato na përkasin neve të pakicës, që pas disa muajsh do të jemi shumicë".

E dini se ç‘gjë tjetër t‘ju sugjeroja? Pasi të bënit gati një listë me kushte ndaj qeverisë në funksion të mbarëvajtjes së zgjedhjeve, nuk do ishte keq t‘i drejtoheshit qeraxhiut në pallatin kryeministror: "Zoti Kryeministër! Këto nuk janë teka, këto janë kushte në funksion të mbarëvajtjes së zgjedhjeve, të cilat garantojnë barazinë në një garë të rregullt e të ndershme, e të cilat do të na afrojnë me BE-së shumë më tepër e shumë më shpejt se sa aplikimet fantomatike. Nëse nuk i plotësoni këto kushte, jeni i lirë të futeni në zgjedhje i vetëm".

Zoti Rama! Sa më sipër po t‘i thotë që qytetar i shqetësuar i këtij vendi, një qytetar që ca rrethanat, ca një besim naiv në magjinë e ndryshimit e ca një shpresë hutaqe se punët do të venë pakëz më ndryshe "nën hyqmin e Edi Ramës", e kanë hedhur në krahun tuaj në këto kohë të vështira. Duhet të bëjmë çmos të gjithë së bashku për ta ndalur vjedhjen e votave, rrjedhimisht vjedhjen e pushtetit. Por nga ana tjetër, kam frikë se po rrëshqasim ose drejt trazirave, ose drejt legjitimimit të pafund të pushtetit të një familjeje mafioze (e tillë është familja Berisha). Ja, më thoni ju, a mos vallë është një panik i kotë? A mos vallë jam hipokondriak? Më jepni pak shpresë, ju lutem!


shqip

[leci]

Nuk ka asnje shans qe te majtet te fitojne zgjedhjet e ardhshme dhe merita per kete i takon punes qe qeverise Berisha ne keto 4 vjetet e fundit dhe arritjet e padiskutueshme te saj te cilat njihen si nga shqiptaret edhe nga te huajt. Pra Berisha shkon ne keto zgjedhje me i sigurt se ne cdo zgjedhje te tjera te mbajtura ne keto 2 dekada per fitore, dhe fitorja mund te jete e bujshme.

Dilema e Rames dhe Metes, dueli i tyre, nuk behet per te fituar zgjedhjet por per te fituar flamurin e se majtes: kush eshte zeri i pare i polifonise se majte, Rama apo Meta? Edvin Rama eshte i vetedijshem qe kriza dhe ndarjet qe pesoi PS pas largimit te Nanos dhe ngritjes se tij ne krye te Partise eshte hic asgje pas furtunes qe njerezit rreth tij i kane pergatitur diten pas zgjedhjeve, kur PS nen lidershipin e tij te dali e humbur ne keto zgjedhje. Keto jane zgjedhjet e para parlamentare ne te cilat Rama drejton Partine Socialiste, ky eshte testi i pare i madh i suksesit/deshtimit te lidershipit te Rames ne PS. Pra preokupimi kryesor i Rames eshte qe korriku i 2009 ta gjeje ende ne krye te PS dhe jo ne rruge si nje socialist/deputet i thjeshte.

Ilir Meta perben sfiden me te madhe per Ramen, pasi Meta nuk e ka fshehur aspak ambicien qe te zgjeroje elektoratin e partise se tij ne kurriz te elektoratit te zhgenjyer te PS. Sipas Metes, nese LSI rrit perqindjen e elektoratit nga zgjedhjet e kaluara dhe numri i votave te PS ulet nga zgjedhjet e kaluara, ky do te jete nje sukses i madh per te. Pas zgjedhjeve Meta do te behet nje borizan i mire per tu thene shqiptareve: PS po vdes, LSI eshte qendra e se majtes. Elektorati yne po shtohet elektorati i PS po ulet.

Nese rezultati i zgjedhjeve nuk do te reflektoje mire as per Ramen e as per Meten, lufta per kreun e se majtes do te ndizet fort dhe te gjithe te larguarit nga PS do te mundohen te kapin majen e saj.

As Rama dhe as Meta nuk kane per ti bojkotuar zgjedhjet pasi Berisha ua ka lidhur edhe kembet edhe duart. Ua ka lidhur kembet me kodin e ri zgjedhor qe aprovuan ne kuvend se bashku me mirekuptim. Ua ka lidhur duart me entuziazmin e fushates se pajisjes se gjithe shqiptareve me karte identiteti brenda 6 mujorin e pare te 2009. Te shkosh te votosh ne votime me nje karte identiteti ne dore do te jete risia e madhe e ketyre zgjedhjeve qe do te bejne me transparent e te besueshem procesin dhe rezultatet zgjedhore.

Albo

Albo,ne Afrike ka 30 vjet qe perdoret karta identiteti per votime.
Nese duhet te jemi entuziaste qe nje shtet ne 2009 po pajis me dokumenta popullsine,na mori lumi.

Une si nje qytetar i thjeshte qe shpesh shkoj ne vendin tim,nuk shoh keto ndryshime mega galaktike.
Shoh qe portofolin tim,jo me milionat borxh te qeverise.
Ti dhe une mund te flasim e te perkrahim njeren pale apo tjetren ne zgjedhje,por ngelin fjale.
Ti paguan taksat ne vendin ku jeton,une gjithashtu.
Borxhet qe mer qeveria i paguajne shqiptaret qe jetojne atje,i paguajne tregtaret,i paguajne qindra dyqane qe mbyllen se nuk paguajne dot taksat.
Ti dhe une nuk japim asnje kontribut per keto taksa.Heqim vetem ate 10 € ne aereoport.
Shqiptaret jetonin me mire para 5 vjetesh,me te varfer ne shifra,por me mire.
Arritjet e nje shteti maten me graden e mireqenies qe ajo arrin per popullin.
Nuk i intereson popullit sa eshte luftuar korrupsioni virtual,sa mijera km rruge jane shtruar,virtuale edhe keto.

Po te besh nje xhiro ne dyqanet e te shikosh listat e ushqimeve,dalin rezultate shume te ndryshme nga ato qe trumbeton qeveria.
Te jesh pragmatik ne keto kohe,eshte shume me mire se optimizmi i injektuar dhe i pabazuar.

[YlliRiaN]

Epo kur e shohin PS se nuk po mundet atehere zgjedhe rruge te ndryshme qe te destabilizoje gjendjen e te vi disi ne Pushtet
Pa si tha Albo nuk do munden qe ti fitojne keto zgjedhje arsya dihet Kjo Qeveri po bene pune te shkelqyer ne keto kater vite te qeverisjes

[MaDaBeR]

Epo kur e ndjen humbjen qe pa nisur gara, te priten gjunjet nje vit para.

Kjo po ndodh edhe me opoziten. Perse ndodh keshtu? Sepse Opozita eshte e papergatitur per te hyre ne zgjedhjet e ardhshme. Opozita ka shume probleme brenda per brenda saj dhe ndjen humbjen qe tani. Edi Rama ishte personi i gabuar qe u zgjodh kryetar partie. Ashtu si dhe u zgjodh ashtu edhe do ike, sepse ne zgjedhjet e ardhshme eshte i humbur. Ai nuk diti te bashkoje te majten. Perdori Ilir Meten si mashe per te fituar zgjedhjet vendore, dhe sapo i fitoi ato, e flaku tutje bashkepunimin me te. Pastaj, zgjodhi bashkepunimin me Partine Demokratike per ndryshimet kushtetuese persa i perket Kodit Zgjedhor si dhe disa ndryshimeve te tjera ne kushtetute, pa u konsultuar me perpara me Ilir Meten dhe si pasoje tani po has ne kundershtimet e forta te Metes. Dihet qe LSI ka realisht nje elektorat goxha te madh dhe padyshim qe eshte forca e trete politike ne vend. Ilir Meta ka deklaruar hapur qe nuk do hyje ne zgjedhje me Edi Ramen per arsyet qe ai i ka bere publike, madje ka krijuar dhe koalicionin e tij me te cilin do te hyje ne zgjedhje. Dhe, ne kete menyre i bie qe votat e te majtes te perçahen. Kjo eshte ne disfavor te opozites, pasi tani, me sistemin e ri zgjedhor, ne rajonet e ndryshme, shpallen fituesit, dhe votat e partive qe nuk kane kaluar pragun per te fituar ne ate rajon zerohen.

Gjithashtu, Edvin Rama ka ndjekur nje opoziteberje te gabuar. Ai qe ne fillim duhet te kishte hartuar nje program qeverises ku te tregonte se si do te zgjidhte me te vertete hallet e popullit e jo vetem te identifikonte ato, ashtu si po ben me ate turin e tij te famshem neper Shqiperi. Shqiptaret i dine shume mire problemet e tyre dhe nuk eshte nevoja t'ua kujtoje Rama me femijet e tij te partise. Shqiptaret duan te dine menyren se si hallet e tyre do te zgjidhen, dhe kete Rama nuk e ka bere. Rama, nuk ka bashkepunuar atehere kur duhet me qeverine dhe ka bashkepunuar atehere kur nuk duhej te bashkepunonte me te. Rama eshte mare me shume me familjen e kryeministrit te Shqiperise se sa me hartimin e nje programi te qenesishem qeveritar per te majten, nese kjo e fundit do te vinte ne pushtet. Gabimi tjeter qe ka bere ka qene dhe largimi i disa figurave te mirenjohura nga PS dhe afrimi i femijeve te bashkise ne strukturat drejtuese te partise.

Te gjitha keto qe permenda me siper, jane shkaqet qe mund te çojne (dhe besoj se do ta çojne) PS ne humbjen e zgjedhjeve te radhes. Dhe, duke pare keto arsye, duke pare qe nuk ka me dhe kohe qe te ndreqe gabimet, tani del e ben shantazhe te kota.

Sa per punen e zgjedhjeve, Berisha ka deklaruar publikisht, une pres propozimet e PS per zgjedhjet, dhe jam gati ti miratoj te gjitha propozimet e tyre. PS deri tani eshte mare me llogje te kota dhe nuk ka bere propozime konkrete per problemin e zgjedhjeve. Atehere, çfare faji i ka Berisha?

Sa per kritikat e BE. Kritika o ka mare PS per pergatitjen e zgjedhjeve o nuk ka mare kush tjeter ne Shqiperi. Per kete jemi te gjithe te vetedijshem. Mjaftoni te kujtoni rastin e Luan Rames, i cili u gjet nga banoret e zones se Klosit te Rrethit te Matit, me kutite e votimit ne zyren e tij, duke i mbushur me vota. Dhe, u desh nderhyrja e kandidatit te PD, avokatit te mirenjohur, Avni Shehu, ne menyre qe Rama te shpetonte pa u demtuar aty, i cili mori dhe postin duke manipuluar haptazi votat e matjaneve. Gjithashtu, ne nje fshat tjeter po te rrethit te Matit, i genjeu banoret me kartmonedha 50 mije lekeshe fallco. Mjafton te kujtosh keto idiotesi e hajdutlleqe per te kuptuar se si vidhte PS.

Shqiperia mori ftesen ne NATO si rrjedhoje e reformave te medha qe ndermori Qeveria. Pra, Shqiperia ka mare shume vleresime nga nderkombetaret ne 3 vitet e qeverisjes se saj, dhe nuk ka mare vleresime te dhena ne konferenca shtypi, por keto vleresime jane verejtur ne nenshkrimin e MSA me te gjitha vendet e Europes, çka i hap rruge pranimit te Shqiperise ne BE si dhe Ftesa per anetaresim ne NATO. Gjithashtu, ditet e fundit edhe FMN eshte larguar perfundimisht nga Shqiperia, pasi e ka pare te arsyeshme se Shqiperia mund ti zgjidhe problemet edhe pa ndihmen e ketij organizmi nderkombetar, duke e vene keshtu Shqiperine ne nje shkalle me te larte pergjegjesie.

Te gjitha keto qe permenda me siper do te jene te dukshme edhe ne zgjedhjet e pergjithshme qe po afrojne dhe besoj se dhe do te paracaktojne fitimin e tyre nga e djathta.

[beni67]

he he shume optimiste per fitoren e zgjedhjeve , Po mos harroni se ketu keni te beni me faren me te keqe te komunizmit. Keto komuniste jane ne gjendje te bejne cdo gje, te perdorin cdo mjet qe te mund te rikthehen ne pushtet.......Megjithate me pelqen optimizmi i Albos dhe te tjereve ketu .Nje gje duhet te kemi parasysh qe arma me e fuqishme e komunisteve eshte propaganda. Dhe ne kete drejtim ata jane shume perpara nga krahu tjeter. Kjo vihet re ketu ne forum, ne gazeta, ne televizione etj etj.......

[DYDRINAS]

PS dhe aleatet e saj kane pergatitur skenarin paszgjedhor.

Kesaj i paraprin anketimi i permuajshem nga Zogby i cili do te shpalle cdo muaj fituese PS dhe aleatet e saj dhe nese rezulton se ne fund te zgjedhjeve fitues do te jete PD dhe aleatet e saj, atehere PS do te drejtoje nje seri protestash permes se cilave do te kerkoje "rikthimin e votes se lire", " mosnjohjen nderkombetare te rezultateve" etj.