Moisiu nen akuze, publikon postet e familjes

[Albo]

Moisiu kërcënon me dorëheqje

KLD zhvlerëson marrëveshjen PS - PD për KQZ, zgjedh socialisten Subashi. Bisedë telefonike Berisha - Moisiu. Nesër tryezë e partive të opozitës dhe takime me përfaqësuesit e SHBA, BE, OSBE.

Mbrëmë Këshilli i Lartë i Drejtësisë, duke hedhur poshtë marrëveshjen PD - PS, me ndërmjetësimin e OSBE-së, për balancimin e Komisionit Qendror të zgjedhjeve, ka miratuar socialisten Dëshira Subashi, si anëtaren më të re të KQZ-së në vend të Igli Toskës.

Në mbledhjen e KLD-së presidenti Moisiu, - i cili si kryetari i këtij organi, ka të drejtën e mbledhjes së kandidaturave dhe të propozimit të tyre Këshillit, - nuk ka ndjekur logjikën e marrëveshjes PD - PS - OSBE, por i ka paraqitur të gjitha kandidaturat e ardhura nga dy partitë e mëdha. Në zbatim të marrëveshjes pozitë-opozitë, presidenti duhet të konsideronte vetëm kandidaturat e opozitës, për t'ia paraqitur më pas Këshillit të Lartë të Drejtësisë. Në fillim pasi është bërë një votim për mënyrën e votimin, zoti Moisiu ka hedhur në votim katër kandidatura, pra dy kandidaturat e opozitës dhe dy të qeverisë. Këshilli që me votimin e parë, rrufeshëm, ka votuar me 2/3 e votave kandidaturën socialiste duke i prerë rrugën pas kësaj çdo hapësire për të zhbllokuar situatën brenda kësaj mbledhjeje. "Nën drejtimin e Kryetarit të Këshillit të Lartë të Drejtësisë, Presidentit të Republikës, zotit Alfred Moisiu, dje më datë 4 shtator 2003 u zhvillua mbledhja e këtij Këshilli me rend dite, zgjedhjen e anëtarit të KQZ-së, të cilit i kishte mbaruar mandati. Votimi u bë mbi bazën e propozimit të dy partive politike më të mëdha të pozitës dhe opozitës. Me shumicën e 2/3 të votave të anëtarëve, fitoi znj.Dëshira Subashi," - thuhet në njoftimin e zyrës së shtypit të Presidentit të Republikës, shpërndarë mbrëmë vonë për median.


--------------------------------------------------------------------------------

Reagimet

Menjëherë pasi është bërë i njohur vendimi i KLD-së për çështjen e komisionerit, kryetari i Partisë më të madhe opozitare Sali Berisha ka folur në telefon me Presidentin e Republikës, Alfred Moisiu. Mësohet se ky i fundit ka pranuar se është gabuar në këtë votim. Ai ka thënë se gjithçka është bërë në kundërshtim me marrëveshjen pozitë-opozitë. Gjithashtu nga burime të sigurta bëhet e ditur se Presidenti ka thënë se do të kërcënojë me dorëheqje nëse nuk zgjidhet konform marrëveshjes zgjedhore ky problem. Sot pritet që të mblidhen në orët e para të mëngjesit të gjitha partitë opozitare. Ato do i bëjnë të ditur trupit diplomatik që ndodhet në vendin tonë, ambasadave, zyrave të OSBE-së vendimin e parregullt të Këshillit të Lartë të Drejtësisë. Më pas ato do të kenë një takim në Presidencë me kreun e shtetit lidhur me këtë çeshtje. Moisiu pritet që sot të bëjë publik qëndrimin e tij lidhur me këtë çeshtje.


--------------------------------------------------------------------------------

Opozita nuk shkon në tryzën e Moisiut

Opozita nuk do të marrë sot pjesë në tryezën e Moisut, por do të intensifikojë takimet me faktorin ndërkombëtar dhe tryezën e partive politike opozitare. Rreth orës 9.30 pritet të mblidhen gjithë partitë e spektrit të djathtë, ndërkohë që një përfaqësi e opozitës do të takohet me ambasadorin amerikan, ambasadorin e OSBE dhe atë të BE në Tiranë. Pas premtimit të Moisiut se do të denoncojë votimin, opozita do të presë të dëgjojë këtë distancim të Moisiut dhe premtimin e tij se si do të rregullohet kjo krizë. Në varësi të nivelit të qëndrimit të presidentit, opozita do të hedhë hapat e mëtejshëm për bashkëpunimin me Presidentin.


--------------------------------------------------------------------------------

Vendimi

Ditët e fundit janë zhvilluar negociata jozyrtare mes aktorëve të këtij emërimi, por Partia Socialiste nuk ka pranuar t'i përmbahet marrëveshjes së nënshkruar vetë. Kjo e sjell situatën e Komisionit Qendror të Zgjedhjeve në pikën e nisjes dhe praktikisht nuk ka asnjë përparim në reformën zgjedhore, pasi socialistët vazhdojnë të ruajmë më zonjën Subashi, jo vetëm shumicën e thjeshtë të institucionit kryesor të zgjedhjeve, por shumicën dërrmuese të saj. Pritet reagimi i ashpër i opozitës shqiptare, e cila praktikisht i gjen të zhvlerësuara të gjitha përpjekjet për të arritur tek një proces zgjedhor korrekt dhe tek një infrastrukturë zgjedhore e besueshme dhe e balancuar. Me votimin e mbrëmshëm mazhoranca qeverisëse ka në Komisionin Qendror të Zgjedhjeve pesë nga shtatë anëtarët. Me këtë shumicë absolute shumica socialiste mund të marrë çdo vendim, përfshi edhe ato vendime të rëndësishme për të cilat Kodi i ri Elektoral parashikonte votimin 5 me 2.

[cipani]

...Si ka filluar,me duket se ska per te mbaruar,se kupa eshte mbushur e po derdhet,dhe populli gjithshka tani e ka kuptuar,i njohu ,"te mirit,dhe te mirat e pas 97'',....e ne rast se do filloje pa gje sdo mbaroje.do deshiroja cdo gje normalisht te kaloje......uroj nga larg .:Nano me laro e me balo,me ruce e muce,ne djall shkofte!!!!

[Idmon]

Ne radhe te pare dua te theksojse e respektoj zotin Mojsiu jo vetem si njeri i drejt isinqert qe punon dhe mendon per shqiperine , por dhe si president te shqiperis i cili jo vetem nuk eshte marre me politik por po drejton shume mire ate vend. Duhet te ndergjegjesohen te gjithe shqipetaret qe e keqja nuk ju vjen nga presidenti por nga nje fare Fatos i nanove i cili po tallet me ate popull ka ardhur koha qe Fatos nano te largohet jo vetem nga partia por dhe nga shqiperia i cili po mban peng nje popull te tere. Rrofte presidenti Mojsiu posht hajduti NANO

[BlueBaron]

...Presidenti Moisiu eshte Presidenti qe ka dashur me shume populli deri sot, me i respektuari dhe me i nderuari, per mendimin tim nqs do te kercenonte me doreheqje nuk eshte çudi qe me pas t'ia kerkonin ca "tipa te veçante" qe jane bere pishman qe e votuan President, per te gjithe ai do te ishte garanti kushtetushmerise dhe i ligjit, nqs do te jepte doreheqjen gjithçka do te fillonte nga e para...

[PeShKaQeNi_Lu]

o Aldo mose ulodhe kote lal po me mire futi nje brez grosh

[Albo]

"S’DUA INCIDENTE GJATE FUSHATES"

"Duhet ta pranojme, dhe te gjithe jemi te ndergjegjshem dhe te bindur se akoma ne policine e Shtetit ka njerez te pandergjegjshem, me nje ndergjegje politike shume te ulet ndaj detyres dhe nuk i kuptojne demet qe i sjellin vendit"

Edlira Prenga

Presidenti i Republikes, Alfred Moisiu, ishte dje me perfaqesuesit me te larte te rendit. Pas 13 vjet pluralizem, me nderrimin e 3 presidenteve, per here te pare merret nje iniciative nga kreu i shtetit per nje takim te permasave te tilla. E gjitha kjo organizohet ne prag te fushates elektorale dhe garantimit te saj nga forcat e rendit. Ne kete menyre Presidenti Moisiu ka preferuar te shohe me nga afer problemet qe shfaqen ne kete sektor kaq te rendesishem, tani ne nje moment zgjedhor, i cili konsiderohet nga ana e tij si i nje rendesie te vecante per percaktimin e te ardhmes se vendit. Moisiu kerkoi nga efejtivat policore, perkushtim te vecante per zgjedhjet lokale te vitit 2003. "Une nuk kam qellim te bej analizen e punes me ju. Ate e ka bere Kryeministri, e ben ministri i Rendit, e ben Drejtori i Pergjithshem i Policise. Une erdha te flas me ju vetem per nje problem: rendesine dhe kujdesin qe duhet te tregoje Policia e Shtetit ne kuadrin e pergatitjes dhe zhvillimit te zgjedhjeve lokale te 12 Tetorit", cilesoia dje Moiaiu me kreret e rendit ne Shqiperi. Duke theksuar rolin e vecante te ketyre zgjedhjeve si nje pasaporte e Shqiperise ne Europe, perseriti ne menyre te vazhdueshme ne kete takim rolin qe duhet te luaje policia e shtetit ne kete proces. Moisiu u shpreh ne kete takim se Policia e Shtetit duhet te kete nje vizion te qarte, qe duhet te perputhet plotesisht me ligjin, qe fatkeqesisht sipas tij nuk eshte arritur ne keto 13 vite tranzicion. "Fatkeqesisht keto 13 vjetet e tranzicionit kane ndikuar dhe te njerezit me uniforme, e jo mire. Pa hyre ne analize, ky nuk eshte eshte faji juaj, eshte faji i politikes shqiptare, qe ne fillimet e saj", u shpreh Moisiu ne kete takim duke shtuar gjithashtu se kjo nuk ka te beje me ata qe e njohin mire ligjin, duke lene te nenkuptohet se jo te gjithe ata qe punojne ne kete sektor jane njerezit e duhur. Duke bere krahasimin me zgjedhjet e kaluara parlamentare dhe ato te pushtetit vendor, numri nje i shtetit shqiptar kerkoi qe incidente jo te kendshme dhe qe lene gjurme negative ne procesin zgjedhor te mos perseriten, duke shtuar se gjate kesaj kohe jane bere permiresime. "Ne keto zgjedhje kerkohet nga ju saktesi e plote e zbatimit te detyrave, qe ju ngarkon ligji", u eshte drejtuar ai krereve te larte te Ministrise se Rendit dhe kryeprokurorit Sollaku. Ai permendi ne menyre te vecante, verejtjet e bera nga OSBE/ODIHR gjate zgjedhjeve te kaluara. "Shpresoj dhe mendoj qe puna juaj nuk do te mbetet vetem ne kete perseritje, qe do e bej ketu, por duke u thelluar dhe duke i njohur ato sa me shume, ne menyre qe ato te mos perseriten; asnje shkelje nuk do te lejojme, asnje problem nuk do te tolerojme ne zgjedhjet e ardhshme", tha Moisiu. "Duhet ta pranojme, dhe te gjithe jemi te ndergjegjshem dhe te bindur se akoma ne policine e Shtetit ka njerez te pandergjegjshem, me nje ndergjegje politike shume te ulet ndaj detyres dhe nuk i kuptojne demet qe i sjellin vendit", ishte sulmi i drejtperdrejte i atyre punonjesve te cilet kane lidhje te drejtperdrjeta me politiken. Ne fund te fjales se tij Moisiu perseriti dhe nje here mesazhin qe transmetoi ne kuvendin e Shqiperise ne nisje te sesionit parlamentar. "Ajo qe me intereson eshte Shqiperia. Dhe Shqiperia ndodhet para nje provimi te veshtire. Per marrjen e ketij provimi, per te dale me sukses ne te nje rol te rendesishem keni ju", u shpreh kreu i shtetit shqiptar. Ne kete takim i cili u mbajt ne Ministrine e Rendit, ishin te pranishem, Ministri Rama, kryeprokurori Sollaku si dhe te gjithe drejtuesit e policise te rretheve kryesore te vendit.

[Albo]

Moisiu: SHISH të qëndrojë larg zgjedhjeve

Shekulli

TIRANE- Presidenti ka shpërfillur të gjitha kritikat e shtypit për tejkalim kompetencash, madje dhe përplasjen e re me kryeministrin që lindi pas vizitës së tij në Ministrinë e Rendit. Sot kreu i shtetit do t’i mëshojë sërish idesë së mospërzierjes së agjentëve të Shërbimit Sekret në zgjedhjet e 12 Tetorit. Ashtu si të hënën në Ministrinë e Rendit ku ai porositi që policia të rrijë larg zgjedhjeve dhe urdhrave politikë në mesazhin e sotëm në SHISH ai pritet që të kërkojë zbatim dhe vetëm zbatim të ligjit nga ky institucion, që nuk gëzon nam të mirë në lidhje me neutralitetin gjatë votimeve. Presidenti pritet që të mbajë një fjalim ku do të kërkojë distancim të qartë të punonjësve të SHISH-it në procesin zgjedhor të datës 12 Tetor. Në të dy raportet e fundit të OSBE/ODHIR për zgjedhjet e tetor 2000 dhe qershor 2001 në paragrafë të veçantë theksohej se në disa qendra votimi ka pasur prani të njerëzve pa uniformë por të armatosur që i përkisnin SHISH-it. Po kështu kontestimet e opozitës kanë pasur të qendër të tyre fenomenin e ndërhyrjes së policisë dhe SHISH-it para dhe gjatë votimit. Presidenti do të revokojë sot këto episode, duke theksuar se raste të tilla nuk duhet të zënë më vend në raportet e ndërkombëtarëve. Përplasja e fundit e Moisiut me Nanon nga stafi i kryeministrit argumetohet me tejkalim të kompetencave kushtetuese ndërsa nga kreu i shtetit me të drejtën që ai ka për të dhënë mesazhe.



17/09/2003

[Albo]

Zgjedhjet, turi i Moisiut shkon ne Prokurori

Presidenti takon prokuroret e rretheve dhe u kerkon te ndjekin me kujdes zhvillimin e zgjedhjeve te pranueshme nga opinioni i brendshem e nderkombetar. Sollaku: Prokuroret, jo protagoniste ne zgjedhje

Presidenti i Republikes, Alfred Moisiu, ka zhvilluar dje nje takim me prokuroret e rretheve, ku tema kryesore ishte ndjekja me vemendje te vecante e zhvillimit te zgjedhjeve lokale. "Kodi i ri Zgjedhor ngarkon me detyra perkatese pushtetin vendor, komisionet e ndryshme zgjedhore dhe policine e shtetit, por nga ju kerkohet te ndiqni me rigorozitet, kujdes e kembengulje, zhvillimin e zgjedhjeve te pranueshme nga opinioni i brendshem e nderkombetar, zgjedhje krejtesisht te ndryshme nga ato te meparshmet, te cilat do t'i sherbejne integrimit te Shqiperise ne strukturat europiane", ka theksuar Moisiu ne fjalen e tij para prokuroreve. Ne takimin e zhvilluar ne Prokurorine e Pergjithme, numri nje i shtetit, i shoqeruar dhe nga kryeprokurori Theodhori Sollaku, ka nenvizuar se pervoja dhe pergatitja e prokuroreve, "ndihmojne per te gjetur menyrat e kontributit maksimal per zbatimin e ligjit per zgjedhjet dhe per te kultivuar ndjenjen e larte te pergjegjesise se ketyre struktuarve".

Presidenti i Republikes, ka folur perpara prokuroreve ne vijim te takimeve te tij, drejtuesit e sherbimit sekret dhe Policise se Shtetit. Moisiu, edhe ne kete tryeze, ku ka cilesuar organin e Prokurorise si nje nga hallkat me te rendesishme te shtetit demokratik per zbatimin e ligjeve te tij, ka bere te qarte kerkesen e tij, duke verejtur pergjegjesine e ketyre strukturave para ligjit "ne se ato vete e shkelin ate". "E keqja qendron, jo ne mungesen e ligjeve, por ne mosnjohjen e sakte, ne moszbatimin me korrektesi dhe ne shkeljen nga palet e interesuara te ligjit", u shpreh Moisiu. I cili i ofroi mbeshtetjen e tij ndaj kesaj strukture, mbeshtetje ne emer te Kushtetutes dhe te zbatimit te ligjit. Ndersa vete Prokurori i Pergjithshem Sollaku, ka nenvizuar neutralitetin e institucionit qe drejton ndaj luftes politike dhe fushates zgjedhore, "per te mos u bere protagoniste ne zgjedhje, por per te qene te vendosur dhe ne lartesine e kerkesave te detyres". Turi i Presidentit Moisiu ne institucionet kyce te sigurise, ka si qellim zhvillimin dhe mbarevajtjen sa me normale te zgjedhjeve lokale, ne menyre qe te menjanohet cdo lloj perplasje politike.

E.GJ

[Albo]

Zgjedhjet, presidenti Moisiu ne prove

Presidenti Alfred Moisiu eshte e vetmi perfaqesues institucional i Shqiperise qe gezon autoritetin dhe respektin e duhur si ne rradhet e elektoratit shqiptar, qofshin keta te majte apo te djathte, edhe ne rradhet e faktorit nderkombetar qe sponsorizuan dhe mundesuan ngritjen e tij ne kryet e shtetit shqiptar. Me shume se 1 vit ka kaluar nga mandati i presidentit Moisiu dhe ai ka bere nje pune te lavderueshme per te kthyer sado pak autoritetin e ligjit ne syte e shtetasve shqiptare te lodhur sa nga inkopetenca ne qeverisje edhe nga krimi e korrupsioni qeveritar. Pavaresisht nga kjo, zgjedhjet e tetorit do te testojne jo vetem raportet politike ne vend, por edhe lidershipin e presidentit Moisiu. Misioni i tij ne krye te institucionit te presidences eshte pikerisht garantimi i zgjedhjeve te lira dhe demokratike ne Shqiperi.

Moisiu, nje president konsensual

Zgjedhja e presidentit Moisiu si nje president konsensual, eshte e paprecedente per shoqerite demokratike, por e gjen te aplikohet ne mase ne vende qe perjetojne kriza dhe situata e jashtezakonshme. Gjendja e jashtezakonshme politike qe mbreteron ne Shqiperi dikton vendime politike te jashtezakonshme. Presidenti Moisiu u zgjodh president i vendit fale mirekuptimit pozite-opozite nen nje diktat te forte nderkombetar. Ai u propozua nga lideri i opozites Berisha dhe u pranua nga lideri i pozites Nano. Moisiu ishte kostoja politike qe te majtet shqiptare paguan per vjedhjen e votave te qershorit 2001 dhe ne te njejten kohe kompesimi politik i opozites per mungesen e nje procesi te pranueshem zgjedhor. Zgjidhja ishte jo perfekte por ishte alternativa me e mire e momentit per nje vend si Shqiperia ku shteti ne vend qe te garantoje voten e cdo shqipari, e manipulon ate fare hapur. Mandati i presidentit Moisiu ishte politik por jo ligjor, zgjedhjen e tij nuk e diktoi vota e shqiptareve, por komuniteti nderkombetar dhe kompromisi politik i paleve diktuar nga situata post-zgjedhore.

Moisiu, perfaqesuesi i vetem i denje i shtetit shqiptar

Presidenti Moisiu eshte i vetmi perfaqesues i denje i shtetit shqiptar si brenda edhe jashte Shqiperise. Ai eshte i vetmi perfaqesues institucional mbi te cilin nuk rendon faji politik i manipulimit te zgjedhjeve te qershor 2001. Ju kujtoj se ne ato zgjedhje manipulimet me te medha ne zgjedhje u kryen nga KQZ, Gjykata Kushtetuese, SHISH, policia shqiptare dhe njerez me pushtet ekzekutiv. Te gjithe keta jane krere institucionesh shqiptare dhe barra e fajit te deshtimit ne zgjedhje nuk bie vetem mbi nje person por mbi gjithe shtetin shqiptar qe eshte uzurpuar nga njerez trafikante te gjithanshem, qe nuk e kane per gje as trafikimin e votave te shqiptareve. Moisiu eshte ai perfaqesues i cili si mision te tij kish korrigjimin e gjithe ketyre shkeljeve flagrante te te drejtave kushtetuese dhe kthimin e legjitimitetit dhe drejtesise ne qeverisjen e vendit. Ju kujtoj se shkarkimet e kryeprotektorit te krimit Rakipi, ish-kryetarit te SHISH Klosi, ish-kryeministrit te vendit Meta, ish kryetarit te kuvendit Gjinushi, erdhen ne kuadrin e pastrimit te institucioneve nga njerezit e inkriminuar. Presidenti Moisiu ka bere te mundur dhe ka firmosur te gjitha keto shkarkime duke i hapur rrugen keshtu reformave radikale ne institucionet shqiptare.

Ky qendrim i presidentit Moisiu, ishte risia e politikes shqiptare vitin qe kaloi. Qendrimi i tij i palekundur beri te mundur te gjitha ndryshimet e mesiperme qe jane ndryshime te medha te ndodhura ne nje kohe relativisht te shkurter. Sigurisht, qe atij nuk i ka munguar mbeshtetja e gjithe shqiptareve te ndershem qe te tilla qendrime u rikthejne shpresen se nje dite Shqiperise do ti kthehet shteti ligjor dhe drejtesia e vonuar. Teksa shqiptaret e kane mbeshtetur presidentin ne heshtje, komuniteti nderkombetar e ka mbeshtetur ate ne menyre te hapur. Presidenti Moisiu ka takuar kreret me te medhenj te politikes nderkombetare brenda 1 viti, ata krere qe kryeministri Nano ka 12 vjet qe nuk ka patur nderin ti takoje. Izolimi i qeverise shqiptare socialiste eshte i dukshem per kedo qe do te merrte mundimin te krahasonte axhendat e impenjimeve zyrtare nderkombetare te presidentit Moisiu, me ate te kreut te qeverise shqiptare. Ky kontrast i thelle eshte arsyeja qe partia ne pushtet dhe mediat e paguara te tyre, nuk i kane rreshtur sulmet e tyre ndaj figures se presidentit Moisiu, qe nga dita qe ai u zgjodh president. Kane arritur deri atje sa kane kercenuar hapur presidentin me shkarkim nga detyra ne kuvend, por harrojne qe Moisiu aktualisht eshte i vetmi perfaqesues i shtetit shqiptar ne komunitetin nderkombetar. Cdo kercenim ndaj figures se presidentit eshte nje kercenim qe nuk kapercehet kollaj nga sponsorit e presidentit ne Perendim qe jane Miqte e Shqiperise.

Moisiu, sfidues i krizes ne qeverisje

A-ja e demokracise eshte respektimi i votes se zgjedhesve dhe pa respektimin e ketij parimi, nuk ka demokraci, nuk ka pluralizem, nuk ka pushtet te ligjshem. Zgjedhjet jane ato qe tregojne shkallen e demokratizimit te nje shoqerie ne tranzicion. Zgjedhjet e qershorit 2001 e bene mese te qarte qe ne Shqiperi nuk mund te mbahen zgjedhje te lira pasi shteti shqiptar nga garantues i tyre eshte manipulatori dhe vrasesi i vullnetit te lire politik te shqiptareve. Shume analiste shqiptare i kaluan zgjedhjet e 2001 pa u dhene rendesine e duhur historike. Ato zgjedhje ishin projektuar nga Perendimi si zgjedhjet ku Shqiperia do te dilte nga hendeku i pushtetit ilegjitim te zgjedhjeve te pranueshme te 1997, per tu kthyer tek shteti ligjor ku zgjedhjet do te reflektonin raportet e verteta politike ne vend dhe do ti jepnin fund krizes institucionale te 1997. Realiteti politik shqiptar ne 2001 ishte i tille, qe zgjedhjet u manipuluan nga gjithe strukturat e shtetit me implikim direkt te njerezve ne qeveri, SHISH, polici e deri gjykate kushtetuese. Ishte e qarte si per perendimin dhe per opoziten qe perseritja e zgjedhjeve nuk ishte nje opcion pasi kush do te garantonte qe ai skenar nuk do te pergatitej perseri nga njerezit ne pushtet?! U be mese e qarte qe kriza institucionale ne vend jo vetem qe nuk kishte perfunduar por ishte thelluar. Reforma te rrenjesishme ishin te nevojshme si ne pastrimin e institucioneve nga njerezit e implikuar ne keto zgjedhje dhe ne korrigjimin e kodit elektoral. Mjeti i vetem efikas qe Perendimi ndermer per te diktuar ndryshim ne Shqiperi eshte izolimi i njerezve te implikuar dhe pushtetit te tyre ilegjitim, derisa keta te permbushin nje per nje te gjitha parakushtet e Perendimit, qe ne kete rast perkonin plotesisht edhe me kerkesat legjitime te opozites shqiptare. Largimet e Rakipit, Metes, Klosit dhe Mejdanit, e transferuan krizen institucionale ne partine socialiste. Shpresa e Nanos ishte qe keto largime do te mjaftonin per te hequr baren e fajit te zgjedhjeve nga partia qe ai kryesonte dhe perendimi do ta hiqte bllokaden ndaj qeverise shqiptare qe socialistet kryesojne. Rizgjedhja e Majkos si kryeminister per 1 vit, ishte nje truk per te fituar kohe nga Nano me shprese se Majko do te ishte ne gjendje te rregullonte disi maredheniet e qeverise socialiste me nderkombetaret dhe ne te njejten kohe do te mundesonte nje armepushim brenda luftes partiake. Opozita nga ana e saj kete kohe e perdori per te bere ndryshimet e duhura ne kodin elektoral dhe duke perdorur krizen brenda partise socialiste per qellimet e saja ne votimet ne kuvend. Pas 1 viti, Nano dhe Meta ndruan rolet e tyre, Meta nga i akuzuar u kthye ne denocues i Nanos ne kryesine e partise kurse Nano nga denoncues i Metes, u kthye ne i akuzuar, kesaj here jo vetem nga opozita, por nga vete socialistet. Duke qene se mbeshtetja e Nanos ne kryesine e partise apo ne kuvend ishte me e vogel se ajo e Metes, pushteti ekzekutiv ishte streha e vetme per koken e nje kryetari socialist qe krahas izolimit nderkombetare dhe problemeve te shumta sociale ne vend, i duhej te perballej edhe me kercenimin me te medh te pushtetit te tij brenda PS ne keto 12 vjet. Nano u be serrisht kryeminister, duke marre keshtu drejtimin e lokomotives socialiste teksa i afrohen kryqezim Kasandra. Kryqezimi Kasandra eshte shmangur ne menyre te frikshme si nga Nano edhe nga rivali i tij Meta duke e shtyre kongresin e partise socialiste per ne fund te vitit pas zgjedhjeve.

Qendrimi i presidentit Moisiu ka qene teper i ashper ndaj krizes institucionale qe egziston ne vend qe duket tek paralizimi total i administrates civile dhe mungesat e sherbimeve jetike per jeten tek shqiptaret sic jane furnizimi me uje dhe energji elektrike. Presidenti ka kerkuar me insistim reformimin e pushtetit gjyqesor dhe ndarjen e ketij pushteti nga diktati i pushtetit ekzekutiv apo politikes. Nga ana tjeter, presidenti eshte munduar te sensibilizoje te dy palet ne kuvend, se e ardhmja e negociatave te integrimit te Shqiperise ne BE, varet pikerisht nga permbushja me sukses e reformave institucionale qe Perendimi kerkon si parakusht. Keto qendrime principore kane bere qe shqiptaret e thjeshte te krijojne respekt per presidentin Moisiu qe edhe pse mund te mos kete kompetencat e duhura per ti vene ne jete keto reforma, te pakten ka kurajon qytetare qe te mbroje interesat e gjithe shqiptareve. Keto qendrime te presidentit krijojne nje kontrast te thelle me qendrimet e qeverise shqiptare, qe jo pak here ka perdorur njerezit e saj ne kuvend, media apo administrate per te kercenuar hapur personin dhe institucionin qe presidenti Moisiu drejton.

Moisiu, garanti i vetem institucional i procesit elektoral

Presidenti eshte mese i ndergjegjshem se misioni i tij ne kreun e shtetit shqiptar eshte pikerisht nxjerrja e Shqiperise nga qarku i krizave te njepasnjeshme institucionale. Ka vetem nje menyre qe Shqiperia mund te dale nga kjo krize institucionale dhe kjo eshte mbajtja e zgjedhjeve te lira dhe demokratike ku rezultati nuk reflekton manipulimet e njerezve ne pushtet por vullnetin e shumices se shqiptareve. Presidenti ka nje pergjegjesi perballe zgjedhesve shqiptare qe te beje te pamunduren per te garantuar qe cdo vote e tyre te numerohet dhe respektohet; ka nje pergjegjesi perballe opozites shqiptare dhe gjithe partive politike ne Shqiperi qe kerkojne nje proces elektoral te drejte dhe transparent; ka pergjegjesi perballe komunitetit nderkombetar te cilet mundesuan ngritjen e tij ne krye te presidences shqiptare. Presidenti Moisiu nuk eshte nje njeri politik, ai nuk ka ambicie politike dhe interesi i vetem i tij ne keto zgjedhje eshte reputacioni i tij perballe shqiptareve, klases politike dhe komunitetit nderkombetar. Detyra e tij eshte mbajtja e nje qendrimi te drejte kushtetues qe u pret rrugen abuzimeve dhe mashtrimeve ne keto zgjedhje. Per nje vend si Shqiperia, kjo eshte me e lehte e thene se sa e bere.

Aktualisht presidenti ka ndermarre nje fushate sensibilizimi te gjithe institucioneve shteterore te implikuara ne zgjedhjet e qershorit 2001. Ai u ka bere te qarte krereve te ketyre institucioneve se qendrimet e tyre ne keto zgjedhje duhet te jene konform ligjeve kushtetuese te atij vendi dhe nuk duhen te behen vegla te njerezve me pushtet ne keto zgjedhje. Kompetencat e tij si president nuk i lejojne atij kontroll te plote te ketyre institucioneve, por vete fakti qe ai u ka bere te qarte administrates shteterore qendrimin e tij, perben nje mesazh te forte sensibilizues jo vetem per nenpunesit e administrates zgjedhore, por edhe per kreret e ekzekutivit shqiptar. Ky mesazh eshte i thjeshte dhe i qarte: presidenti Moisiu, ndryshe nga parardhesi i tij, nuk do te toleroje aspak nje perseritje te skenarit te qershor 2001. Ai do te beje maksimumin brenda kompetencave te tij per tu siguruar shqiptareve zgjedhje te lira dhe demokratike.

Ndermarrja e fushates se sensibizimit te administrates shteterore eshte nje hap qe duhet pershendetur, por kjo nuk mjafton per te garantuar procesin elektoral ne Shqiperi. Pasi te kete perfunduar fushaten e tij sensibilizuese, pasi tu kete dhene zgjidhje krizes politike ne lidhje me perberjen e KQZ, presidenti duhet te therrese nje tavoline te rrumbullaket te gjithe partive politike, ku tu percjelli te njejtin mesazh fort dhe qarte.

Eshte kompetence e presidentit te republikes se Shqiperise qe te ndergjegjesoje partite politike ne vend ne lidhje me rendesine historike te mbajtjes se zgjedhjeve te lira dhe demokratike qe nuk lene vend per kontestime. Eshte detyra e presidentit te vendit, qe tu beje te qarte klases politike dhe gjithe shqiptareve implikimet e mundshme ne rast se Shqiperia edhe ne 12 tetor deshton te mbajtjen e zgjedhjeve te lira.

Eshte kompetence e presidentit te republikes se Shqiperise qe te monitoroje punen e institucioneve shqiptare dhe ne kete kuader, presidenti duhet te emeroje perfaqesues te vecante te institucionit qe ai drejton per te monitoruar punen e gjithe atyre institucioneve qe kane krijuar precendente negative anti-kushtetuese ne te shkuaren. Sensibilizimi qe nuk shoqerohet me monitorim eshte i pavlere. Keta perfaqesues do te monitorojne punen e institucioneve dhe do ti raportojne presidentit qendrimet e ketyre institucioneve para dhe pas zgjedhjeve.

Eshte kompetence e presidentit te republikes qe te aktivizoje organizatat jo-qeveritare dhe shoqerine civile ne monitorimin e zgjedhjeve lokale. Monitorimi i ketyre zgjedhjeve nuk duhet te jete vetem detyra e nderkombetareve, por edhe vete institucionit te presidences. Presidenti duhet te krijoje nje shtab te tij monitorues ne keto zgjedhje me njerez te zgjedhur nga shoqeria civile apo shoqata jo-qeveritare te cilet do te jene vezhgues se zgjedhjeve ne mbare Shqiperine. Ne fund te ketyre zgjedhjeve, keta do te perpilojne nje raport ku do te dokumentojne te gjitha shkeljet dhe verejtjet ne lidhje me zgjedhjet dhe kete raport mund tia servirin jo vetem presidentit por mbare opinionit publik shqiptar. Misioni per mbajtjen e zgjedhjeve te lira ne Shqiperi nuk eshte ekskluzivitet vetem i presidentit, por cdo shqiptari te ndershem qe aspiron nje Shqiperi te lire dhe demokratike.

Moisiu, peng apo garant i zgjedhjeve?

Te gjitha pergatitjet e presidentit perpara zgjedhjeve behen me qellim qe misioni i tij te kryet me sukses diten e zgjedhjeve. Duke u nisur nga precedentet e se shkuarres dhe levizjet e fundit te partise ne pushtet, misioni i presidentit veshtiresohet por nuk eshte i pamundur. Menjehere pas perfundimit te zgjedhjeve syte e shqiptareve dhe gjithe komunitetit nderkombetar do te kthehen nga presidenti dhe qendrimi qe ai do te mbaje karshi zgjedhjeve. Eshte kjo arsyeja qe presidenti duhet te vere ne levizje te gjithe stafin e tij dhe te angazhoje sa me shume njerez ne monitorimin e procesit zgjedhor diten e zgjedhjeve. Risia e ketyre zgjedhjeve, ndryshe nga zgjedhjet e tjera, do te jete pikerisht raporti qe duhet te leshoje presidenca si institucion mbi keto zgjedhje, krahas raportet te KQZ dhe atij nderkombetar.

Misioni i presidentit eshte nje mision i veshtire dhe duhet mbeshtetur e ndihmuar ne punen e tij nga te gjithe shqiptaret e interesuar qe te shohin nje proces elektoral te lire e demokratik. Njerezit ne pushtet nuk i kane rreshtur perpjekjet e tyre per te minuar kete proces pasi per ta e rendesishme nuk eshte respektimi i votes se shqiptareve por mbajtja e pushtetit me cdo forme. Kjo nuk duhet te dekurajoje asnje shqiptar, perkundrazi, duhet te na motivoje akoma me shume per te mbrojtur lirine dhe te ardhmen tone si komb. Kush ve dore mbi voten, ka vene dore mbi lirine e cdo shqiptari duke na vjedhur keshtu jo vetem nje vote por te ardhmen tone. Nuk duhet te lejojme ne asnje menyre qe nje klike e vogel njerezish te mbajne peng te ardhmen e 7 milion shqiptareve ne Ballkan. Kthimi i shtetit ligjor ne Shqiperi nuk eshte me nje objektiv politik por nje nevoje imediate e ceshtjes tone kombetare. Ju kujtoj se Shqiperia nuk eshte vetem republika e 3 milion shqiptareve, por shteti am i 7 milion shqiptareve ne Ballkan. Te gjithe shqiptaret ne bote syte do ti kene tek ju ne 12 tetor me shprese se kesaj here shqiptaret do te fitojne ne keto zgjedhje. Beteja per mbrojtjen e votes se lire nuk eshte vetem nje beteje per partite politike apo per presidentin e vendit, por per gjithe shqiptaret liridashes dhe perparimtare.

Ilirjan Papa - SHBA
21 Shtator 2003

[Albo]

Moisiu, per nje moral te ri ne politike

Ka mese nje muaj qe politikanet me te larte, media dhe ekspertet shqiptare e te huaj jane perfshire ne debatin rreth Komisionit Qendror te Zgjedhjeve. Si shkak ka sherbyer vendimi i Keshillit te Larte te Drejtesise per zgjedhjen e nje anetari te KQZ-se. Vendimi, i cili u mor mbi bazen e procedurave te rregullta ligjore dhe qe si i tille ka vlere ligjore te pakontestueshme, cenoi rende klimen politike ne vend, pasi hodhi poshte angazhimin e Presidentit te Republikes dhe marreveshjen midis forcave kryesore politike per balancimin e KQZ-se. Ne keto rrethana, Presidenti i beri thirrje mazhorances te reflektoje dhe te mundesoje riparimin e gabimit politik, pra berjen te mundur te balancimit te KQZ-se ne raportet 4 me 3 per mazhorancen.

Qe nga mbledhja e pasdites se 4 shtatorit kur KLD votoi kandidaturen e PS-se per vendin vacant ne KQZ kane kaluar 26 dite dhe ende problemi nuk eshte zgjidhur. Presidenti vazhdon te kerkoje reflektim te partive politike dhe angazhim te tyre te sinqerte per te mbajtur e respektuar marreveshjet e nenshkruara midis tyre. Ne sinkroni me Presidentin jane shprehur edhe diplomatet perendimor ne Tirane, perfshire OSBE, ODHIR dhe institutionet nderkombetare. Per here te pare ne 13 vjet nje raport nderkombetar te ODHIR shprehet hapur mbeshtetja per nismat dhe qendrimet e Presidentit per zgjedhje, nderkohe qe kjo mbeshtetje iu konfirmua edhe ne takimet e nivelit te larte me adiministraten amerikane dhe lider te tjere te rendesishem europian gjate punimeve te sesionit te 58 te OKB ne Nee York.

Ne ndryshim nga ky unanimitet dhe perputhje mendimesh midis Presidentit dhe komunitetit nderkombetar, vijne reagimet hera heres militante dhe skeptike te partive politike shqiptare. PD vuri ne dyshim legjitimitetin e zgjedhjeve dhe shkoi aq larg ne protesten e saj saqe akuzoi Presidentin per mbeshtetje te socialisteve. PS refuzoi kerkesen e Presidentit per reflektim dhe me ane te politikaneve te saj te larte si dhe te ish shefit te sherbimeve secrete akuzoi Presidentin per qendrime pro opozites. Po cila eshte e verteta? Kush eshte pergjegjesi per krizen e krijuar dhe pse ndodhi ajo? Dhe mbi te gjitha, cilat jane rruget e zgjidhjes se saj?

E verteta eshte se KQZ ka perfaqesuar nje instrument kushtetues te perdorur politikisht nga forcat politike ne pushtet, ndaj ishte e paimagjinueshme hyrja ne zgjedhjet e tetorit me te njejten perberje te KQZ-se. Per kete dhe per probleme te tjera te zgjedhjeve mbi bazen e presionit nderkombetar u ngritu Komisioni Bipartizan me dybashkekryetaret Gjana (PD) dhe Klosi e me pas Ruka (PS). Puna dhe komprimisi i tyre dha rezultatet e para ne Marreveshjen e nenshkruar midis PD e PS ne muajin maj 2003 ne pranine dhe garancine e ambasadorit te OSBE ne Tirane. Pra, marreveshja midis tyre nuk kishte si garant Presidentin apo nje institucion tjeter kushtetues, por nje institucion me prestigj nderkombetar. Kjo marreveshje e thote qarte ne piken e saj per KQZ nevojen e balancimit te saj. Palet bien dakort qe PS (mazhoranca) e PD (opozita) do te kene nga tre anetare, ndersa i shtati do te zgjidhjes me nje procedure seleksionuese nga KLD. Dy palet e cilesuan marreveshjen si sukses te madh dhe shprehen angazhimet per realizimin e saj.

Ne korrik Kodi Zgjedhor kaloi per debat e votim ne parlament. Perseri PS e PD i bashkuan votat per votimin e tij, duke e cilesuar ate si Kodin me te mire ne historine e zgjedhjeve shqiptare. Pavaresisht nga konsensusi, ne te vertete kishte ndodhur cudia: Kodi Zgjedhor nuk reflektonte teresisht dhe saktesisht percaktimet me te rendesishme te Marreveshjes se majit, sidomos ne lidhje me KQZ. Fjala balancim e permendur ne marreveshje nuk pasqyrohej qarte dhe kuptueshem ne Kodin e Ri Zgjedhor, ashtu sikurse edhe raportet 3-3-1 te marreveshjes nuk ekzistojne qartesisht ne asnje nen te Kodit. E megjithate, kjo pasaktesi e rastesishme shpertheu mbremjen e 4 shtatorit duke cenuar klimen politike dhe procesin zgjedhor. PS tha se kishte zbatuar Kodin, PD u ankua se ishte shkelur marreveshja. Vete Kodi nuk arrin dot te sqaroje fjalen respektivisht dhe nuk thote me saktesi se njeriu qe duhej zevendesuar duhej te ishte i opozites. Kjo thuhej ne marreveshjen e majit, por jo ne Kodin e miratuar ne parlament. E verteta eshte se pergjegjesi per kete situate dhe kundervenie ligjore kane dy palet, si ekspertet e PD-se qe treguan naive ne reflektimin e marreveshjes ne ligjin e ri elektoral, si ata te mazhorances qe ne emer te ligjit te miratuar, e hodhen ne kosh premtimin e tyre moral e politik te shprehur ne marreveshjen e majit. Kjo eshte pranuar publikisht nga dy bashkekryetaret Gjana (PD) e Ruka (PS).

Nderkohe PS e PD ishin marre vesh (me marreveshje, por qe ne kete rast u respektua pasi u reflekuar edhe ne ligj) qe te behej balancimi ne te gjitha komisionet zonale. 50 per qind e tyre drejtohen aktualisht nga PS, 50 per qind nga PD. Ky akord xhentelmenesh u shkel vetem ne rastin e KQZ-se, ku politikisht raportet jane 5 (PS) dhe 2 (PD). Ne kete situate, Presidenti si perfaqesues i unitetit te kombit dhe ai institucion i angazhuar ne monitorizimin dhe realizimin e nje procesi zgjedhor te lire e te ndershem nderhyri publikisht duke kerkuar zgjidhje politike per balancimin e KQZ-se. Presidenti respektoi vendimin e KLD-se, por u kerkoi partive, sidomos mazhorances te bejne te mundur zbatimin e marreveshjes PS-PD-OSBE te muajit maj 2003 per balancimin e KQZ-se. Presidenti ne asnje rast nuk shkeli ligjin, nuk kerkoi anullimin e vendimit te KLD-se dhe nuk vuri ne dyshim Kushtetuten, perkundrazi. Presidenti u angazhua ne nje nisme te re politike, te panjohur ne dhjete vitet e fundit te politikes shqiptare: ne krijimin e nje morali te ri politik. Pikpamjeve te tij per daljen e partive nga guacka e kurtheve dhe sulmeve ndaj njera tjetres dhe per angazhimin e tyre per nje proces te lire e te ndershem, gje qe eshte ne interesin e vendit dhe te cdo qytetari, mori perkrahjen e personaliteteve me te shquara te kultures e jetes publike shqiptare dhe te komunitetit nderkombetar.

Precedenti i nevojes per zgjidhje politike ne KQZ nuk eshte i pari dhe as nuk do te jete i fundit. Nga KQZ e kaluar u larguan kryetari i tij Nano dhe zvkryetarja Arbi. E njejta gje ka ndodhur edhe me drejtues e anetare te tjere te KQZ-se te zgjedhur si nga partite ashtu edhe nga institucionet e pavarura. Pra, edhe ne kete rast, nuk eshte se po kerkohet hapja e nje precedenti politik, por perseritja e tij per nje qellim shume me te madh sesa posti i 2-3 personave te deleguar nga partite: per shpetimin e integritetit moral e politik te zgjedhjeve.

Ata qe kritikojne Presidentin se po kerkon zbatim te marreveshjeve ne dem te ligjit, duhet te tregohen te sinqerte me pervojen historike dhe opinionin publik. Jo gjithmone ligji eshte me i rendesishem sesa morali, ashtu sikurse jo gjithmone ligji eshte me i rendesishem sesa marreveshja. Bazuar mbi moralin dhe marreveshjen Kosova eshte sot e lire dhe Maqedonia ka lene pas luften civile. Te ishte per ligjin asnjehere pushtuesit serb nuk do te ishin larguar nga Kosova dhe se asnjehere liderit e UCK-se nuk do te ishin deputete e ministra ne Maqedoni. Pare ne zhvillimet ne Shqiperi, pa marreveshje dhe vullnet politik te studenteve nuk do te kishte pluralizem politik, ashtu sic nuk do te kishim qeveri pajtimi me 1997 si dhe ardhje te Vranickit si mediator te krizes. Zgjedhjet e kaluara ne Dushk te Lushnjes ku dolen 12 deputete nuk shkelen asnje ligj, por shkelen moralin dhe bashke me te edhe integritetin e zgjedhjeve. Edhe zgjedhja e Presidentit konsensual perpara se te kalonte ne rruge ligjore, u inicua nga marreveshja, morali dhe pergjegjesia per te dale nga kriza e thelle politika e shoqeria shqiptare. Pra, ne te gjitha rastet ashtu si dhe tani, me shume sesa debat mbi ligjin dhe marreveshjen, debati rreth KQZ-se eshte debat midis moralit e vullnetit politik nga njera ane dhe amoralitetit dhe militantizmit politik ndaj ana tjeter.

Ndaj edhe kriza e KQZ-se nuk mund te zgjidhej dhe nuk do te zgjidhet nese mungon ky moral, kjo pergjegjesi perpara vendit dhe qytetareve, ky vullnet politik per te mos lejuar me qe Shqiperia te vazhdoje te jete edhe vite te tera vend i shanseve te humbura. Pjese e moralit eshte edhe nevoja qe partite e liderit e tyre te mesohen me faktin se marreveshjet behen per tu respektuar, perndryshe nuk kane kuptim as ato dhe as fjalet e bukura per integrimin dhe shtetin ligjor. Ky moral i ri duhet te dominoje mbi logjiken e atyre, te cilet megjithese pranojne se drejtesia eshte segmenti me i dobet e problematik i shtetit shqiptar, e perdorin ate si alibi per te mbajtur ne kembe nje ndertese te vjeter e te madhe, e cila nese nuk riparohet, me 12 tetor mund te bjere per te na shkaktuar dhembje te gjitheve.

--------------------------------------------------------------------------------
02/10/2003