Kosovari që vrau dy ushtarë amerikanë në Frankfurt: Arid Uka, burgim të përjetshëm

[mesia4ever]

Do te ishte mire qe edhe shtetet perendimore te mos iu japin nenshtetesi kujtdo sepse kjo po u kushton dhe do u kushtoje edhe ne te ardhmen, duhet te jene shume shume me strikt. Ekremisteve fetare qe po trazojne boten nuk duhet t'iu lihet hapesire. Shqiptaret e kane aleate Perendimin, por ne te ardhmen rrezikojne qe ta humbin kete aleat, merr shembull plot shtete evropiane perendimore i kane ulur marredheniet ne piken zero me Kosoven dhe Shqiperine dhe shqiptaret. Gati nuk ka as bashkpunim ekonomik e as politik.

Sa i perket temes. Eshte e kote te mirret me njerez qe kane humbur arsyen. Kete budallain edhe ne aeroport e kishin punesu, sikur at myslimanin ne Amerike qe ua vrau nja 7 ushtare, para do kohe. Keta kurre nuk do te mesojne dicka. Shpresoj qe ShBA-te te kunderpergjigjen per kete akt te shemtuar me masa konkrete parandaluese. Krimin fetar po nuk e luftove ne rrenje, pastaj behet vone.

[Sharri-Liburna]

Ballkani | 04.03.2011
Ambasadori Mirdita: akti drejtohet edhe kundër Kosovës

Ambasadori i Kosovës në Gjermani, Vilson Mirdita

Ambasadori i Kosovës në Berlin, Vilson Mirdita, në një intervistë për Deutsche Wellen e cilëson aktin terrorist të 21-vjeçarit kosovar ndaj ushtarëve amerikanë në aeroportin e Frankfurt si një lajm të tmerrshëm.


„Ky akt i këtij personi, që është konfirmuar si individual nuk i drejtohet vetëm ushtrisë amerikane, por edhe vetë Kosovës dhe qytetarëve të saj. Ne u jemi mirënjohës përgjithmonë Shtetet e Bashkuara të Amerikës për gjithë mbështetjen që i kanë dhënë Kosovës drejt pavarësisë dhe të vriten ushtarët, të cilët e sollën lirinë, kjo për mua si ambasador, por edhe si njeri është diçka e tmerrshme,“ thotë ambasadori Mirdita.

Por Vilson Mirdita nuk mendon se ky rast do ta dëmtojë imazhin e Kosovës në Gjermani apo Perëndim: “Ne duhet te kemi parasysh se ky njeri me të vërtetë ka qenë qytetar i Republikës së Kosovës, por që nga viti i parë i jetës së tij tërë kohën e ka kaluar në Gjermani. Ka qenë një akt individual e raste të tilla mund të ndodhin çdokund. Nuk mund ta cilësojmë si rast që e dëmton imazhin e Kosovës."

Të pasqaruara lidhjet me Kosovën

Sipas Mirditës deri tani nuk dihet se çfarë lidhjesh ka pasur Arid Uka me Kosovën. Ai është lindur në Kosovë, por ka një pasaportë të ish-Jugosllavisë. Se a ka udhëtuar me të në Kosovë, kjo nuk dihet ende.

Gjithsesi, Mirdita nuk beson që lidhjet e tij me islamizmin ekstremist të kenë kaluar përmes Kosovës. “Tek shqiptarët në përgjithësi dhe në Kosovë nuk ka islamizëm ekstremist mund të ketë ndonjë element të veçuar. Ne jemi shumë krenarë për tolerancën ndërfetare që ekziston në Kosovë, prandaj edhe raste të tilla, siç ishte ai i Frankfurtit i prekin të gjithë qytetarët e Kosovës. Dhe kjo vihet re në aktivitetet e shumta që po organizohen."

Siç bëhet e ditur nga burime të Deutsche Welles, Konsullata e Kosovës në Frankfurt dhe studentët shqiptarë pritet të organizojnë sot një miting solidarizimi para konsullatës së përgjithshme të SHBA në Frankfurt.

Autor: Anila Shuka

Redaktoi: Auron Dodi

[Sharri-Liburna]

Ballkani | 04.03.2011
Sa ka lidhje atentati me myslimanizmin e shqiptarëve

Shtypi gjerman

Dy ditë pas atentatit të një të riu të lindur në Kosovë dhe të rritur në Gjermani, autorët e shkrimeve në të përditshmet gjermane janë ende të paqartë nëse atentati ka lidhje me myslimanizmin në Kosovë


Disa autorë bëjnë një analizë të lidhjes së shqiptarëve të Kosovës me fenë myslimane. Shkëputëm dy prej tyre:

Në numrin e sotëm të gazetës Frankfurter Allgemeine Zeitung, në artikullin me titull "Shqiptarët e Kosovës - formalisht myslimanë, këmbëngulin që janë laikë dhe proamerikanë", autori pasi përmend shifrat se mbi 90 përqind e popullsisë së Kosovës pranon formalisht myslimanizmin shpjegon se shifrat nuk thonë shumë për rëndësinë faktike të islamizmit në Kosovë, sepse "feja e shqiptarëve është shqiptaria", siç thotë një shprehje që sipas mendimit të tij e tregon mirë gjendjen.

Në jetën e përditshme ose në politikë mendon autori, islamizmi luan një rol të dorës së dytë. Një parti që kërkonte të fuste sherihatin, nuk pati asnjë shans për ta kaluar pengesën e kufirit minimal të votave për t'u futur në parlament: Elita kosovare thekson laicizmin.

Asnjë politikan, shkruan autori i FAZ, nuk ka shanse të marrë vota me parulla islamike. Kjo nuk është një nga arsyet më të rëndësishme, por është njëra prej tyre, pse shumë vende islame nuk e kanë njohur deri tani pavarësinë e Kosovës, ose e kanë njohur pasi ka kaluar kohë. Autori përmend vendet si Pakistani, Egjipti,apo Indonezia prej të cilave Kosova pret të njihet. Pavarësisht aspektit të të drejtës ndërkombëtare, një arsye tjetër për këto rezerva është edhe qëndrimi tejet pro amerikan i popullsisë shqiptare të Kosovës. Dhe më tej: "Shqiptarët e Kosovës e dinë se jo vetëm dëbimi i ushtrisë serbe, por edhe krijimi i shtetit u bë falë Uashingtonit."

Që islamizmi nuk gjen jehonë të madhe në Kosovë, mendon edhe Norbert Mappes-Niediek. Në shkrimin me titull "Feja e shtetit- Kombi", botuar në gazetën Frankfurter Rundschau, ai shkruan se megjithëse pjesa më e madhe e shqiptarëve të Kosovës janë pjesë e familjes myslimane, ata janë imunë ndaj joshjeve islamiste. Këtë e tregon edhe emërimi i një ish repisti si ministër kulture. Megjithatë mbetet të sqarohet nëse islamizmi në rritje atje ka lidhje me gjakderdhjen e shkaktuar nga Arid U. në Frankfurt. Një lloj feje e shtetit në Kosovë, është nacionalizmi shqiptar, "Islamizmi u detyrua tek shqiptarët". Kjo është formula me të cilën nacionalistët e vërtetë i kanë mbajtur larg muxhahedinët sauditë ose boshnjakë. Fëmijëve u ngjiten emra si Ilir apo Dardan, Vlora ose Teuta. Kush quhet Hajrudin, Nezir ose Muharrem, e zë turpi për emrin që ka.

Dhe më tej, Mappes-Niediek pasi vëren se pas 11 shtatorit në Kosovë ka mbretëruar solidaritet i qartë me çlirimtarët amerikanë, shton se që prej asaj kohe midis nacionalizmit shqiptar dhe fundamentalizmit mysliman është krijuar një urë ideologjike. "Nëse nuk do të kishim pranuar islamizmin, do të kishim qenë sot serbë po grekë," citon autori Abdi Baletën, një "shqiptaromadh" i cili nuk ka pas vetes shumë ithtarë në Shqipëri. Ddhe Kosova prej kohësh ka qenë e lirë nga ide të tilla, mendon autori.

Autor: FAZ/FR/Aida Cama

Redaktoi: Auron Dodi

[Sharri-Liburna]

Ballkani | 03.03.2011
Kush është Arid Uka, vrasësi i ushtarëve amerikanë?



Arid Uka, 21 vjeç, i njohur edhe me emrin Abu Reyyan, ka pranuar autorësinë e vrasjes së dy ushtarëve amerikanë dhe plagosjen e dy të tjerëve ditën e mërkurë në aeroportin e Frankfurtit


Sipas një njoftimi të zyrës së kriminalistikës së landit Hesenit për televizionin ARD të cituar nga agjensia e lajmeve dpa, Arid Uka në marrjen në pyetje ka thënë se ka parë në internet një video me "pamje të këqia" të ushtarëve amerikanë. Video-ja tregonte se si ushtarët amerikanë plaçkitnin një shtëpi në Afganistan dhe përdhunonin një vajzë.

Pasi e kishte parë videon ai "nuk kishte mundur të flinte gjithë natën". Veç kësaj 21 vjecari kishte vënë re se si ushtarët e SHBA-së shpreheshin me përçmim në aeroportin e Frankfurtit për popullin afgan. Video-ja dhe kjo sjellje e ushtarëve " kishin qenë për të impulsi për të vrarë veçanërisht ushtarë amerikanë që udhëtojnë për në Afganistan".

Por kush është Arid Uka?

Ai vjen nga një familje kosovare, nga fshati Zhaber i Mitrovicë.s Babai i tij, Murat Uka ka ardhur si punëtor në Gjermani para 40 vjetësh. Vetë Murati u shpreh i shokuar kur mori vesh ngjarjen:

“Amerikanët janë miqtë tanë dhe na kanë ndihmuar shumë. Sigurisht, që kurrë nuk pajtohem me atë çfarë ka ndodhur“, thotë ai për mediat.

Edhe të afërmit e familjes se Aridit, të cilët jetojnë në Mitrovicë, e kanë dënuar sulmin mbi ushtarët amerikanë.

Në faqen e internetit në Facebook-un e Arid Ukës lexon referenca për Luftën e Shenjtë, urrejtje për “jobesimtarët” dhe ka një thënie të tijën të preferuar – “të mos flenë kurrë sytë e frikacakëve” – të Khalid Bin Walid-it, një luftëtar i lashtë islamik. Besimtarit i lejohet të luftojë jobesimtarët kur të sulmohet”.

Gjermanët janë të frikësuar nga feja islame dhe përhapja e saj dhe më parë do të besonin në Santa Claus”, shkruan ai.

Fqinjët: Shoqërohej me një siriano-gjerman, ishte tip i qetë

Sipas së përditshmes gjermane "Bild", e cila i referohet një fqinje të shtëpisë ku banonte familja e Aridit, atentatori ishte shoqëruar hapur me një islamist gjerman, që ishte arrestuar në qershor të 2010, siriano-gjermanin Rami M.

Rami M. ka banuar në të njëjtën shtëpi. Të dy ishin shokë, thotë fqinja për agjensinë e lajmeve dapd. Rami M. ishte arrestuar verën e kaluar nga shërbimi sekret pakistanez, ISI. Pa Raminë, Aridi nuk do të kishte pasur kurrë një ide të tillë", thotë ajo për agjensinë gjermane dapd.

Në kohën e sulmit ndaj ushtarëve, ai ka thënë gjashtë deri në shtatë herë "Allah Akbar" dhe pastaj ka qëlluar mbi ata, shkruan dpa.

Një tjetër fqinjë, Katarina F. me origjinë nga Serbia për të përditshmen online Bild.de e përshkruan Aridin si një të ri normal dhe djalosh të këndshëm.Po për këtë faqe interneti, një ish-shok i tij i klasës e cilëson Aridin :"Një tip i qetë, shumë miqësor, por tip që nuk binte në sy. Ai vepronte më shumë vetëm, nuk kishte asnjë shok".

Ai përfundoi një shkollë profesionale në Eduard -Spranger-Schule dhe ishte punësuar prej një muaji në qendrën ndërkombëtar postare në aeroportin e Frankfurtit si ndihmës. Detyra e tij ishte të shpërndante postën. Kontrata e punës e 21 vjeçarit do të përfundonte në fund të marsit.

[Sharri-Liburna]

Ballkani | 04.03.2011
Prokuroria Federale: A. Uka ka vepruar i vetëm

Kryeprokurorja Harms dhe zv.kryeprokurori Griesbaum

Atentatori i aeroportit të Frankfurtit e kishte planifikuar i vetëm veprën e tij. Nuk ka të dhëna se ai është anëtar i ndonjë organizate terroriste, tha sot Zëvendësprokurori i Përgjithshëm gjerman, Rainer Griesbaum.


Megjithatë sipas hetimeve 21-vjeçari, Arid Uka, ka qenë i ndikuar prej rrymave islamiste dhe ka vizituar edhe faqe respektive në internet.

Shkaktar për radikalizimin e atentatorit duket se kishte qenë një video në internet. 21-vjeçari Arid Uka, kishte thënë se për kryerjen e veprës e kishte motivuar një video për krimet e supozuara të ushtarëve amerikanë në Afragnistan, tha në një konferencë për shtyp zëvendësprokurori i përgjithshëm gjerman, Rainer Griesbaum. Në këtë video tregohet se si gjoja ushtarë amerikanë kishin grabitur një shtëpi në Afganistan dhe kishin përdhunuar një vajzë. 21-vjeçari, Arid Uka kishte thënë se ai donte t'i pengonte vepra të tilla. Griesbaum tha se në rast se kristalizohen të dhënat që flasin për këtë motiv, atëhere kjo dëshmon se vepra është kryer nisur nga ndjenja personale dhe jashtë strukturave terroriste.

Luftë kundër propagandës islamike

Megjithatë zëvendësprokurori i përgjithshëm e vlerësoi këtë fakt si dëshmi se çfarë rreziqesh përmban dhe çfarë ndikimi mund të ushtrojë propaganda islamiste në internet, e cila ka si synim t'u drejtohet të rinjve dhe t'i nxisë ata për akte të tilla. Për këtë arsye sipas Griesbaum duhet të forcohet lufta ndaj kësaj propagande.

Sipas vlerësimeve të Prokurorisë së Përgjithshme Federale gjendja e sigurisë në Gjermani nuk ka ndryshuar. Zëvendësprokurori i përgjithshëm tha se "nuk ka tregues për ndonjë sulm të parashikuar prej ndonjë grupi terrorist që vepron me plan."

Autor: Pandeli Pani/DPA

Redaktoi: Auron Dodi

[Sharri-Liburna]

Ballkani | 03.03.2011
Bashkësia Islame e Kosovës dënon aktin terrorist në Frankfurt



Bashkësia Islame e Kosovës thotë se të sulmosh ushtarët e një vendi mik që ndihmuan në çlirimin e Kosovës, është jo vetëm një akt makabër e terrorist, por është atak edhe kundër Kosovës dhe popullit të saj.


Ambasada e Shteteve të Bashkuara të Amerikës në Prishtinë në një deklaratë të saj, i bashkohet qeverisë dhe popullit të Kosovës në dënimin e sulmit mbi ushtarët amerikan. Ambasada e SHBA-ve në Prishtinë, thotë se populli amerikan është i vetëdijshëm se populli i Kosovës është gjithashtu i tronditur me këtë krim neveritës që është një fyerje për vlerat dhe traditat e popullit shqiptar. “Akti i një individi të vetëm nuk do të ndikojë në asnjë mënyrë në miqësinë e thellë dhe të qëndrueshme mes dy vendeve tona, ose në marrëdhëniet jashtëzakonisht të ngrohta dhe të ngushta të popujve tanë dhe qeverive”, thuhet në deklaratën e ambasadës së SHBA-së në Prishtinë.

Resul Rexhepi, Sekretar i bashkësisë islame të KosovësBildunterschrift: Großansicht des Bildes mit der Bildunterschrift: Resul Rexhepi, Sekretar i bashkësisë islame të Kosovës

Ndërkohë, Bashkësia Islame e Kosovës duke dënuar ngjarjen tragjike në Frankfurt, thotë se ai është një akt terrorist pavarësisht se kush e ka kryer atë, pa marrë parasysh qëllimin dhe motivin. Resul Rexhepi është sekretar i bashkësisë islame të Kosovës. “Të sulmosh ushtarët e një vendi mik që ndihmuan në çlirimin e Kosovës, përpos që është një akt makabër e terrorist, s'ka dyshim se është edhe një atak kundër Kosovës dhe popullit të saj si dhe kundër interesave të popullit shqiptarë. Mirëpo, edhe njëherë, shprehemi qartë se populli i Kosovës dhe besimtarët e saj nuk kanë asgjë të përbashkët me dhunën, vrasjet e terrorizmin. Shprehim mirënjohjen tonë për shtetin dhe popullin amerikan, për kontributin e dhënë për Kosovën dhe vlerat demokratike. Jemi të bindur se ky akt nuk do të ndikojë në marrëdhëniet tona të veçanta me popullin dhe qeverinë amerikane”, thuhet në komunikatën e Bashkësisë Islame të Kosovës.

“Konsiderojmë se ky nuk mund të vlerësohet ndryshe pos si një akt makabër, akt i rëndë dhe një akt që neve më së paku na është dashur”, thotë Resul Rexhepi.

Zoti Rexhepi thotë se i riu kosovar që kreu vrasjen, pavarësisht përkatësisë së tij etnike dhe fetare, populli i Kosovës nuk duhet të bartë pasojat për fajin që ka bërë dhe mund ta bëjë një qytetar me prejardhje nga Kosova, i cili megjithatë ishte i lindur dhe rritur në Gjermani. Resul Rexhepi, thotë se në Kosovë ushtarët amerikanë dhe të vendeve të tjera të NATO-os shihen si clirimtar dhe nuk beson se ata mund të jenë të rrezikuar nga ndonjë person apo grup i caktuar.

Zëvendëspresidenti Joe Biden në Prishtinë, 21 maj 2009. Bildunterschrift: Großansicht des Bildes mit der Bildunterschrift: Zëvendëspresidenti Joe Biden në Prishtinë, 21 maj 2009.

“Në Kosovë kemi pasur incidente kur ushtarët e NATO-s kanë shkelur në mina, kur ushtarët kanë pasur aksidente në trafik, por asnjëherë nuk kemi pasur raste që ndonjë ushtar i shteteve tona mike të jetë kqyrë të paktën shtrembër apo me dyshime nga qytetarët e Kosovës”, thotë Resul Rexhepi.

Analistët e pavarur ndërkaq, thonë se qytetarët e Kosovës, SHBA-së i cilësojnë si një ndër vendet më mike të Kosovës dhe sulmin mbi ushtarët amerikan e cilësojnë si një akt qyqar që nuk ka lidhje me traditën e popullit shqiptar që ka orientim nga perëndimi. Analisti Mufail Limani, thotë se megjithatë në Kosovën e pasluftës kufijtë e Kosovës ka qenë të pakontrolluar dhe rrjedhimisht organizata të ndryshme joqeveritare islamike kanë vepruar në Kosovë dhe kanë stimuluar shumë të rinj kosovar që të studiojnë në vendet e lindjes. “Qeveria e Kosovës dhe sidomos ministria e arsimit duhet të ndërmarrë hapa të menjëhershëm që djemtë dhe vajzat e varfëra nga Kosova të mos vijnë në situatë që të shkojnë dhe të studiojnë në vendet e lindjes prej nga mund të marrin idetë ekstremiste dhe t'i sjellin në Kosovë”, thotë Mufail Limani.

Në Kosovë ka mijëra trupa të SHBA-së dhe të vendeve aleate të tyre në kuadër të NATO-s. Analisti Mufail Limani, nuk sheh rrezik për ndonjë sulm të mundshëm mbi ushtarët e NATO-os në Kosovë për faktin që sipas tij, qytetarët e Kosovës ushtarët e NATO-os i shohin si çlirimtar. "Ndjenja e respektit dhe borxhit ndaj SHBA-së dhe evropianëve që morën pjesë në shpëtimin e popullit të Kosovës është diçka që nuk mund të kontestohet, por kjo nuk e përjashton mundësinë që individë të ndryshëm, grupe të ndryshme të infiltruara në shoqërinë kosovare mund të paraqesin rrezik”, thotë analisti Mufail Limani.

Sidoqoftë, kuvendi i Kosovës filloi punimet me një minutë heshtje në nderim të dy ushtarëve amerikan të vrarë në Frankfurt. Ambasada e SHBA-së në Prishtinë ka hapur librin e ngushëllimeve ku qindra qytetarë të Kosovës po i bashkohen dhimbjes për dy ushtarët e vrarë.

Autor: Bekim Shehu

Redaktoi: Aida Cama

[Mr Zeid]

http://www.balkanweb.com/videoAlbum/..._id_video=9328

[fisniku-student]

http://www.balkanweb.com/videoAlbum/..._id_video=9328

Ato pamje qe paska shikuar ky aridi vertet qenkan tronditese dhe extremisht provokuese.

Nuk e di sa ia arsyeton veprimin ketij sepse jo cdo njeri me uniform eshte i njejt me njeri-tjetrin.

[☆Angie☆]

Nga kërkimet e bëra nga hetuesit e çështjes, deri tani nuk rezulton asnjë video ekzistente në You Tube që pasqyron skenat e përshkruara.

Der Ermittler in Karlsruhe sprach von einer "persönlichen Genese" des Hasses auf die US-Armee. Der letzte Auslöser für die Tat soll dann ein YouTube-Video gewesen sein. Arid U. gab bei seiner Vernehmung an, er habe im Internet eine Aufnahme gesehen, auf dem angeblich die Erstürmung eines Hauses in Afghanistan durch US-Soldaten und die Vergewaltigung der Tochter der Familie zu sehen gewesen sein soll. Bisher wissen die Ermittler nicht, welches Video der junge Muslim, der in Deutschland aufwuchs, meint. Der Polizei ist ein solcher Film nicht bekannt.

Spiegel.de

[Bes-s]

Jam dakord ne shume raste kur disa ketu kane permendur se ushtria amerikane po vret shume te pafajshem ne tokat arabe.
Jam dakord edhe ne ate se po ate dite u vrane 12 femije afgane "pa dashur" ne nje sulm ajror, dhe aspak, aspak nuk u ngrit pluhur mbi kete ceshtje.

Nga ana tjeter po vriten 2 ushtare amerikane, dhe e tere bota u ngrit peshe, gjoja se ndodhi nje krim e padrejtesi e pashoqe.

Perderisa ne boten perendimore jeta e nje femiu te pafajshem do te vlente sa 10 te te rriturve, ne kete rast, po vriten 12 femije te pafajshem dhe bota po hesht!


POR, pavaresisht kesaj, une jam shume shume kunder ketij gabimi qe ka bere ky shqiptari yne!
Eshte fakt se Amerika i ka ndihmuar shqiptaret, dhe ne duhet te jemi shume mirenjohes ndaj tyre, dhe secili shqiptar duhet te jete i tille.
Mirepo, nuk duhet te jemi te verber. Duhet te jemi syhapur se si po vepron Amerika ne bote.