Presidenti Topi dekreton ligjin e regjistrimit te popullsisë, fillon 1 tetor 2011

[Korcar-L1]

Ok pra, ma shpjego dhe mua pak kete punen e pensioneve se mbase nuk jam fort i informuar. Greqia me sa di une ka bere ndryshime per ligjin e pensioneve nga janari i ketij viti. Qe te marresh pension duhet me shkuar vete ne Greqi (pensionistet). Ku eshte problemi ketu per korcaret qe e kane deklaruar veten grek dhe per ate pjese te tyre ku ekziston potenciali qe per hir te pensionit te vetedeklarohen greke gjithashtu?

Sa di ti , di dhe une. Ajo puna e pensioneve u kopsit, Kush perfitoi , mire....me nuk ka. Sa per ate qe te vesh cdo 1 muaj ne greqi te maresh pensionin, nuk e di sa do e beje ti si >65 vjecar.

Te thashe dhe njehere, 90% jane vllenj korcare. Tani, nqs deklarohen grek, ty cte hyn ne qese?


Dhe per me teper, i bashkangjitem asaj qe thote ziti.....per ca kohe dhe do vine greket si emigrante ne shqiperi.

[Smth_Poetic]

Cfare frike e paska zene, forumin (jozyrtar) te muslimaneve, qe nuk deshiron qe te behet regjistrimi i popullsise? Regjistrimin nuk ka per ta bere konsulli grek i Korces, ka per ta bere administrata e shtetit shqiptar. Po ashtu formularin e pyetjeve ka per ta bere ministria shqiptare. Po ashtu pergjigjet, do t'i japin vete shqiptaret me gojen e doren e tyre.


Nuk keni besim as tek shteti shqiptar e as tek populli juaj? Apo i trembeni te vertetes?

Albo

Me votime ska per te dale ndonjehere e ''verteta'' ne shqiperi.
Pastaj , e pse duhet te shqetesohen myslimanet per kete te ''vertete'' valle?

Mos valle do i ndaloje me ik ne parajse huh?

Kjo eshte e verteta e cila ata nuk i shqeteson, e jo derdellisjet e dynjase mbi gjerat e pavlefshme.

[MaDaBeR]

Te thashe dhe njehere, 90% jane vllenj korcare. Tani, nqs deklarohen grek, ty cte hyn ne qese?

Vllenjte jane Greke apo te ndonje kombesie tjeter?

[MaDaBeR]

“Vatra”: Të shtyhet regjistrimi i popullsisë

Federata panshqiptare “Vatra” në SHBA kërkon shtyrjen e regjistrimit të popullsisë në Shqipëri, pas tentimeve dhe skenarëve grekë në zonat e jugut. “Rëndohet shqetësimi rreth regjistrimit të popullsisë në Shqipëri, për shkak të veprimtarisë haptas agresive që grekët po zhvillojnë, sidomos në zonat e jugut, për të rritur artificialisht numrin e qytetarëve shqiptarë me etni greke. Aktivisti grek në Amerikë, Nicholas Gage, sillet lirshëm nëpër Shqipëri duke inkurajuar qytetarët të deklarohen grekë në regjistrimin e 31 marsit të këtij viti. Ai është një armik i njohur i Shqipërisë, i cili punon për realizimin e planit grek që synon autonominë më parë dhe pastaj aneksimin e pjesës jugore që ata e quajnë Epiri i Veriut”, theksohet në apelin e “Vatra”. Sipas kësaj shoqate, klima politike aktuale me protesta të pafund dhe “tentativat për ndryshimin e qeverisë me dhunë e gjakderdhje e vështirësojnë vëmendjen te regjistrimi, ndërsa shovinistët grekë përfitojnë nga rrëmuja dhe shtojnë aktivitetin e tyre armiqësor”. “Vatra” konsideron se për shkak të rrethanave jo të favorshme ekonomike dhe morale, mijëra shqiptarë janë detyruar të pajisen me dokumente false dhe të deklarohen grekë pa qenë të tillë. “Aktiviteti agresiv shovinist i konsullit, i deputetëve dhe aktivistëve të tjerë të Greqisë, e bën të domosdoshme shtyrjen e regjistrimit dhe angazhimin e përbashkët për përgatitjen e opinionit shqiptar në frymën e patriotizmit dhe të krenarisë kombëtare”, thuhet në mesazhin e federatës panshqiptare “Vatra”. Apeli i shoqatës së themeluar nga Noli ka pasuar qëndrimin e nënkryetarit të Këshillit të Lartë të Drejtësisë, Kreshnik Spahiu, i cili kërkoi që të shtyhet regjistrimi i popullsisë. Zoti Spahiu ka qenë një nga zyrtarët e vetëm shtetërorë, të cilët kanë sulmuar deklaratat nacionaliste të përfaqësuesit diplomatik të Athinës zyrtare, përkatësisht konsullit grek të Korçës për ekzistencën e minoritetit në këtë qark. Përveç Spahiut në vend kanë reaguar edhe pjesë të shoqërisë civile, si Unioni i Gazetarëve dhe “Mjaft”. Ndërkaq, deputeti i PD-së, Gazmend Oketa, kërkoi shpalljen “non grata” të konsullit grek të Korçës, Theodoros Ikonomu.

"Gazeta Shqip"

[MaDaBeR]

“Non grata” konsulli grek jo unë

Dritan Hila

Me iniciativë të sekretarit të përgjithshëm të Ministrisë së Jashtme të Shqipërisë, Gazmend Turdiu, sot do dal për të disatën herë përpara Komisionit të Gradave dhe Disiplinës së kësaj ministrie, pasi akuzohem për prishjen e marrëdhënieve me Greqinë dhe se kam dëmtuar shtetin shqiptar në një paralajmërim që bëja lidhur me raportin e Dick Marty-t, në një artikull tjetër të botuar po te gazeta “Shqip”. Si sqarim për lexuesit, ju bëj me dije se punoj si diplomat pranë këtij dikasteri që prej 11 vjetësh, por çdo opinion i dhënë ka pasur karakter personal, gjë që e evidenton edhe mungesa e titujve pas emrit tim në prezantimin në shtyp.

Me të drejtë një lexues, i cili e di sesa të papunë ka ky vend, apo sa jetojnë me 2 dollarë në ditë, mund të thotë se “kjo është një ndodhi që pakkujt i intereson”. Por çka vijon është tregues i bjerrjes morale të administratës dhe asaj që quhet Ministri e Jashtme në veçanti.

A kam dëmtuar interesat e vendit tim unë në shkrimet e mia? Rievokoj se në shkrimin tim të katër muajve më parë, të titulluar “Hijet e vetëdeklarimit pas pensioneve të homogjenëve”, shprehja shqetësimin për mobilizimin antishqiptar të falangave më obskurantiste të Greqisë, duke bërë bashkëpunëtor edhe segmente të shtetit grek, pasi dihet prezenca kapilare e shovinistëve në administratën e këtij vendi, që fillon nga raste përbuzëse të emërtimit të operacioneve kundër klandestinëve shqiptarë me emrin “Fshesa”, rastet e keqtrajtimit në rajonet e policisë, fryma raciste në ushtri, si dhe rasti më i fundit, por jo i vetmi, i konsullit grek në Korçë. Duke qenë njohës i Greqisë, i njoh mënyrat si operojnë pjesë të caktuara të shoqërisë si kisha apo lobet, si dhe platformat dhe mënyrat që ka përdorur e përdor për të arritur synimet, ndaj ngrija shqetësimin se, rinumërimi i atyre që marrin pensionet greke në jugun e Shqipërisë mund të ishte një manovër për të disiplinuar dhe rikujtuar sesi duhet të silleshin kur të vinte koha e regjistrimit të popullsisë, me synim rimodelimin etnik të jugut. E pra, ditët e fundit, po tregojnë se partitë e minoritetit grek, kisha autoqefale e uzurpuar nga prifti grek Janullatos, lobi ekstremist grek në SHBA, dhe segmente të shtetit grek si konsulli i Korçës, po bëjnë rakordimet për çastin final.

Në artikullin tjetër me titull “Dick-u, një grusht për dy shtetet shqiptare”, një muaj përpara se Asambleja e Këshillit të Europës të votonte rezolutën ku dëshmohemi si trafikantë organesh njerëzore, paralajmëroja se “duhet të lëmë mënjanë sjelljet emocionale si nënshkrimi i peticioneve dhe duhet të organizohemi me ngritjen e një komisioni të ekspertëve më të mirë shqiptarë, për kundërshtimin e raportit dhe paraqitjen e tij si kundërraport në mbledhjen e Këshillit të Europës”. Vetë Kryeministri e përmendi në deklaratat e tij në takimin me Presidentin e Kosovës këtë ide. Por përfundimi është që shteti shqiptar bëri një vrimë në ujë, peticionet nuk dihet përse shërbyen, ndërsa asambleja e votoi rezolutën, dhe sot kemi një gur më shumë të varur në qafë. Përveçse krijimit të një portreti demoniak për shqiptarët në përgjithësi, kjo do jetë një minus për çdo delegacion shqiptar në bisedimet diplomatike që do sjellë e ardhmja, pasi do jemi të paragjykuar dhe në disavantazh. Për analogji, mjafton të them se shteti grek e ka legjitimuar gjenocidin e tij ndaj çamëve dhe moslejimin e kthimit të tyre në trojet e origjinës, duke u bazuar në vendimet e Gjykatës së Janinës, që i quante disa prej tyre bashkëpunëtorë të fashizmit. E mendoni se çfarë do kishte bërë nëse do kishte në dorë një rezolutë të Këshillit të Europës?

Sa më sipër ka qenë opinioni i një njeriu që mendon se e njeh profesionin e tij. Por me sa duket, nuk ka qenë në një mendje lukunia e militantëve të zbarkuar së fundmi apo të gjetur në këtë ministri. Pavarësisht se ende pas njëqind vjetësh, shteti shqiptar nuk ka një platformë të politikës së jashtme, pavarësisht se shumica e tyre nuk lexojnë gazeta, lëre më të jenë ekspertë të fushës, kjo skotë që ngroh karriget e administratës, e thotë fjalën e saj, me guximin që vetëm injoranca ta jep.

“Sa për xhelatë, gjenden me lopatë”, thotë Leonardo Shasha në një nga librat e tij, ndaj nuk ia vlen t’i lodhësh kokën lexuesit me emra ish-doganierësh e dylberë partish të zbarkuar në administratë sipas kriterit zogist të zbuluar nga Fan Noli: “Ti Halim që s’di këndim/je ministër për arsim”. Por të mendosh që procedurën për të gjykuar një diplomat karriere e kanë ndërmarrë katër njerëz të pakualifikuar dhe të emëruar në kundërshtim flagrant me ligjin vetëm përpara një viti dhe e iniciuar nga sekretari i përgjithshëm, ku ai vetë është në atë post si zgjedhje partiake dhe jo me konkurs, siç e kërkon ligji, kjo është vërtet qershia mbi tortë. Dhe situata bëhet më groteske kur mendon se iniciatori duhet të ishte në burg për shkelje të nenit 210 të Kodit Penal, për dorëzimin e ujërave territoriale të Shqipërisë, si ish-anëtar i komisionit të marrëveshjes famëkeqe me Greqinë që ka qenë, çka i jep situatës dimensione kafkiane, dhe të bën të humbasësh orientimin nëse punon në Ministrinë e Jashtme të Shqipërisë, apo të ndonjë vendi tjetër.

Ritheksoj, ashtu si edhe në shkrimet e tjera të miat, se administrata në përgjithësi nuk do ishte në këtë gjendje të mjerë që është sot, nëse sekretarët e përgjithshëm të ministrive do të kishin zbatuar ligjin, ndaj kërkesave që bënin politikanët e ardhur në krye të dikastereve, pasi ligji parashikon që për çdo emërim duhet të hidhet firma nga sekretari i përgjithshëm, që është edhe hallka supreme e administratës civile. Por këta rob kanë preferuar të shikojnë tymin e oxhakut të tyre dhe jo të shtetit. I tillë është edhe ky robi që ngroh karrigen e diplomacisë, ndaj sot gjysma e drejtorëve të kësaj ministrie janë në poste në kundërshtim me gradën apo kualifikimet që kanë; më tepër se gjysma e ambasadorëve janë në poste në shkelje të ligjit; ambasadat dhe aparati i ministrisë janë mbushur me njerëz të marrë nga rruga pa kritere, militantë e me shtetësi të huaj. Ndërkohë, ka dy vjet që nuk e mbledh komisionin për dhënien e gradave për diplomatët e karrierës, duke shkelur ligjin që e kërkon të mblidhet çdo muaj dhe duke u hyrë në hak nëpunësve të ministrisë jo vetëm moralisht, por edhe financiarisht.

Kështu pra, disa ditë pasi konsulli grek në Korçë lëshoi në mes të qytetit fjalë të denja për “andartët” e 1913-s, shteti im më hap një procedurë administrative, pasi unë si qytetar i thjeshtë, shkrova për dy ndodhi që e rrezikonin, e për fat të keq tonin po vërtetohen.

Dua të vë në dukje se edhe më përpara, miq e dashamirës të mi të të gjitha rreshtimeve, më kanë këshilluar që të mbyll gojën e mos të shkruaj e të rri rehat.

E rithem se çfarë kam shkruar, e bëj pasi më dhimbset vendi dhe shkrimet janë mënyra ime për ta mbrojtur. Por ca më shumë jam i bindur që në një shoqëri të lirë, çdonjëri nga ne ka të drejtën të flasë, qoftë ky diplomat, ekonomist, mësues, polic apo punëtor krahu, pasi është një liri që na takon që me Deklaratën Universale të të Drejtave të Njeriut të Revolucionit Francez të 1789-s. Është autocensura që ne po i imponojmë vetvetes, e cila ka arritur në pikën që ashtu si njëzet vjet përpara, në mos ca më keq, të kemi frikën se bëjmë gabim, apo që është më e tmerrshmja, të jemi të ndërgjegjshëm se jemi fajtorë vetëm pse flasim.

Nuk ka asnjë ligj që na ndalon të flasim për gjithçka e për çdo gjë, sidomos kur bëhet fjalë për interesat e vendit tonë, nuk ka asnjë ligj që na ndalon të protestojmë, nuk ka asnjë ligj që na ndalon të themi të vërtetën. Ka vetëm njerëz të ligj që duan të na fusin frikën e sundojnë duke shkëputur e interpretuar copëza ligji sipas midesë së tyre, apo raja të tyre që i kanë skllavëruar shpirtërisht e mendërisht, që të persekutojnë me ligësi më të madhe sesa padronët e tyre.

A jam unë një mitoman që mendoj se jam hero? As jam, e as më ka shkuar mendja të jem hero. Jam vetëm një nëpunës i administratës që më pëlqen profesioni në shërbim të vendit, që kam bindjen se ky vend do bëhet vetëm kur të sillet si pjesë e Europës dhe të përvetësojë vlerat e saj, që më pëlqen që gojën ta kem jo vetëm për të ngrënë, por edhe për të folur; por mbi të gjitha, që më pëlqen shumë liria.

"Gazeta Shqip"

[mal]

Po lejohet kultivimi i një Shqipërie “shumë-etnike”, që ka të gjitha mundësitë të bëhet si Libani, Jordania, Nigeria, Ruanda etj dhe asnjë mundësi që të bëhet si Zvicra.

Ata që thonë se Evropa pretendon që Shqipëria të regjistrojë etninë e popullsisë me vetëdeklarim gënjejnë.
Ata që thonë se Evropa pretendon që Shqipëria të regjistrojë fenë e shtetasve në census gënjejnë.
Ata që thonë që në “gjithë botën” bëhet regjistrimi i fesë dhe i etnisë me vetëdeklarim gënjejnë.

Nuk e di dhe nuk më intereson të di pse ka shqipfolës që duan të mbysin shqetësimin e të tjerëve duke gënjyer tërë kapadaillëk në lidhje me një çështje jetike për shtetin shqiptar. Gënjeshtrat dhe kapadaillëku vetëm e shtojnë shqetësimin.

Në 20 vjetët e fundit janë përpiluar në mënyrë të hollësishme listat e banorëve të “Vorio-Epirit” dhe një pjesë e konsiderueshme e tyre, për interesa ekonomike, ka marrë dokumentat e “homogjenit” (“grek autokton”) me vetëdeklarim.
Nuk bëhet fjalë për dy-tre persona, bëhet fjalë për banorët e një sipërfaqeje të konsiderueshme të Republikës së Shqipërisë të cilët, sipas shtetit grek janë një komunitet kompakt autokton grek, ndërsa sipas shtetit shqiptar një komunitet kompakt autokton shqiptar me disa komunitete të vogla minoritarësh grekë me të drejta të garantuara me ligj. Shteti grek me lekët e komunitetit evropian ka investuar në shpërbërjen e Shqipërisë dhe po i bën presione shtetit shqiptar që të pranojë dhe ligjërojë shpërbërjen.

Shteti shqiptar po lejon kultivimin e ndarjes dhe urrejtjes atje ku ndarja dhe urrejtja nuk kanë egzistuar ndonjëherë. Shqipëria ndodhet para një humnere dhe, nëse lejohet “regjistrimi i etnisë me vetëdeklarim” vitet e ardhshme do kalohen duke u marrë me kufij, me privilegje, me incidente dhe me “ftohje gjakrash”.

Çfarëdo numri “grekësh” të dalë nga regjistrimi i kombësisë me “vetëdeklarim” do jetë i mjaftueshëm për grupet ultranacionaliste greke, për shtetin grek, për partitë dhe shoqatat greke të Shqipërisë që të pretendojnë që shteti shqiptar të njohë dhe të mbrojë të drejtat e “vorio-epirotëve” duke vënë dhe duke njohur kufijtë e “Vorio-Epirit”, duke bërë greqishten gjuhë zyrtare, duke bërë shkolla greke me investime publike, duke bërë administratë greke, duke lejuar që fëmijët të mësojnë në shkollë që kushërinjtë e tyre shqiptarë nuk janë autoktonë. Për shtetin shqiptar do jetë e pamundur të përmbushë këto kërkesa, situata do jetë gjithmonë e acaruar, bijtë e shqiptarëve do rriten duke urryer njëri-tjetrin dhe faji do jetë gjithmonë i “barbarëve shqiptarë”.

[Korcar-L1]

Vllenjte jane Greke apo te ndonje kombesie tjeter?

Loja me kombesine e vlleheve ka qe ne kohen para republikes se korces qe ka nisur midis greqise e rumanise, duke i percare ne 2 grupe, ku njera pale mbron interesat rumune kurse pala tjeter ato greke, ka dhe nga ata (me shumice) qe perfitojne si nga greku ashtu dhe nga rumuni.
Vllenjte me ndikim rumun luajten nje rol jashzakonisht te rendesishem ne rilindjen shqiptare (shiko: kolonia shqiptare e rumanise), madje mund te them se Korca nuk u aneksua greqise sepse ishin vllenjte qe nuk deshin, ata vrane dhe dhespotin grek, mbushen bangat e mesonjetores se pare shqipe ne nje kohe kur shqiptaret e braktisen ate nen presionin turk....... me pak fjale, vllenjte jane faktor i rendesishem ne jeten social-kulturore dhe ekonomike te korces.
Kombesia apo identiteti i vllenjve eshte ne dore te cdo vllahu.

[OPARI]

vllehet nuk jane grek
vllehet kane gjuhen e tyre dhe zakonet e tyre ,jane ortodokes dhe meshat mbahen ne gjuhen e tyre
dhe kryepeshkopi i vlleheve doli ne TV dhe e pergenjeshtrovi konsullin grek ne korce ,qe vllehet jane grek

[Korcar-L1]

vllehet nuk jane grek
vllehet kane gjuhen e tyre dhe zakonet e tyre ,jane ortodokes dhe meshat mbahen ne gjuhen e tyre
dhe kryepeshkopi i vlleheve doli ne TV dhe e pergenjeshtrovi konsullin grek ne korce ,qe vllehet jane grek

Per ke kryepeshkop e ke fjalen? Ai eshte thjesht nje prift.
Me siper te kam thene qe vllenjte jane te ndare ne 2 grupe, ky prifti perfaqeson ata me ndikim rumun madje dhe kisha eshte bere me leket e qeverise rumune. Pastaj ku e di ti qe ky flet ne emer te gjith vllenjve? Ndoshta dhe vete ky prift ka persona te aferm nga familja qe jane me pashaporta greke!
Nejse, te gjithe duhet te kuptoni nje gje; ata qe kane pashaporta greke mund te deklarohen ashtu si vertet ja u ndjen zemra. Greku nuk ja u terheq dot me shtetesine.

[2043]

Ajo qe mua me habit, eshte fakti se qeverite shqiptare mohojne se Epiri i Veriut shtrihet deri ne Shkumbin.
Po, eshte e vertete se Epiri shtrihet deri ne Shkumbin.
Por zoterinjte greke duhet te na tregojne se ku perfundon ne jug Epiri, pasi nga gjithe historia, etnografia, arkeologjia, folklori e deri tek gjuha, Epiri ka qene historikisht, prej 2000 vjetesh toke e shqiptareve.
Jemi ne qe duhet te kerkojme Epirin e Jugut dhe me force bile sepse eshte i yni.
Kur ne nuk bejme kete, greket kerkojne te na marin edhe ate cope qe na ka mbetur ende ne zoterim.