Zërat e çjerrë

[riza2008]

Ç'do gjë.......


Ç'do fjalë që ti fletë-një poezi,
Ç'do shikim që jep-një lindje jete.
Aspak s'keqkuptohemi unë edhe ti,
Aspak nuk trishtohemi që s'jemi përvete.

Ç'do gjë që shkëlqen s'quhet flori,
Ç'do buzëqeshje s'ka të njëjtën vlerë.
Nuk qe e thënë që unë dhe ti,
Të hapnim dhe të mbyllnim të njëjtën derë......


P.S: Të më falni për postim të përsëritur,por problem interrneti.....Ju falenderoj për mirkuptimin.....

[riza2008]

Pashë e ç'pashë.....?!
(Motiv Popullor)

Pashë e ç'pashë këtë mesnatë,
Tek burimi në livadhe.
Një lastare shtatëlartë,
Mbi ylber po hidhte valle.

Pashë e ç'pashë mëndia më iku,
Një sybardhë,një zeshkane.
I qasem si sërë miku,
Më largohet si shejtane.

Pash e ç'pashë isha në ëndërr
Dhe ngrihem i dallëndisur.
Nusia po më shifte shtrëmbër
Nga krevati rrukullisur.

[riza2008]

Në vdeksha sot.....


Në vdeksha sot,do jem i lumtur
Dhe do të them kam patur fat.
Në shpirtin tënd i tërë jam futur,
Nga syt' e tu jam zënur mat.

Në vdeksha sot,them kam rilindur,
Pa britma fjalësh e pa lot.
Nga puthjet ndjehem i pabindur,
Këtu besoj që paska Zot.

Në vdeksha sot,s'ka ndodh' çudia,
Çudi më dukesh vetëm ti.
Në qoft' se un' vdes nga mërzia,
Këtë ma quaj tradhëti.....

[mondishall]

Vazhdoj Riza te hy e lexoj librin tend ne forum. Ku ka si ky liber i hapur per te gjithe, me vlera per te gjithe. Dikush me tha pak me pare, qe c'fiton o Mondi qe shfaqesh kaq shpesh forumeve. Ti tani ke krijimtarine tende, ke botuar ca libra, je i vleresuar nga disa, pra shfaqu me ndryshe tani ne publik, varjau forumeve, ku sic e shikon nuk shfaqen pena te njohura letrare. Pergjigja ime? Ja kjo, vazhdimesia shfaqese ne forum, pa pike ndryshimi, bile mos me shume. Kam fituar shume e shume pak kam humbur ketu. Mes te fituarve je dhe ti mik. Te pershendes.

[riza2008]

Një kujtesë e hershme.........


Në oborr s'po ulen më pëllumba,
Bari është harbuar në këtë pranverë.
Dera nuk më hapej e tunda,e shkunda,
Si një valë tërmeti zemra nis të therë.

S' po e kuptoj veten në k'to anë memece,
Pemët e vetmuara në sy më shikojnë.
"Gufa e Pëllumbit",kthyer në kotece
Dhe "Qafa" më pret si hija në hon...

S'mundi të më flas as pragu shtëpisë,
Xhami në dritare po më shtrëmbëron.
Çarë e plasaritur pllakat e avllisë,
Kumbulla në brinjë as hije s'lëshon.

Një kujtesë e hershme botën rrutulloi,
Mi solli të tëra,baltën,pyll e gur.
Nga syri i vrejtur qielli lot lëshoi
Dhe si një rrebesh nëpër fshat u turr...

Përshëndetje Mondi ju falenderoj pë komentin.Shëndet e muzë pafund për ju..

[skender76]

Po iki, n'errsiren e ksaj nate
gjurmet dua te humb
ju dua shum te gjithve
por duhet te shkruaj FUND.....

[Agim Metbala]

Po iki, n'errsiren e ksaj nate
gjurmet dua te humb
ju dua shum te gjithve
por duhet te shkruaj FUND.....

Errësira është e trembshme,
Krijon dilema në fantazi
E di se na doni pa kusht
E çdo mbarim, ka një fillim të ri...



Të ikni, e ku të ikni? E dini Skënder se këtu i keni shumë miqtë e mikesha që Ju respektojnë?
Andaj, merre një gomë të madhe e fjalën FUND, e fshini përjetësisht...

[Agim Metbala]

Një kujtesë e hershme.........


Në oborr s'po ulen më pëllumba,
Bari është harbuar në këtë pranverë.
Dera nuk më hapej e tunda,e shkunda,
Si një valë tërmeti zemra nis të therë.

S' po e kuptoj veten në k'to anë memece,
Pemët e vetmuara në sy më shikojnë.
"Gufa e Pëllumbit",kthyer në kotece
Dhe "Qafa" më pret si hija në hon...

S'mundi të më flas as pragu shtëpisë,
Xhami në dritare po më shtrëmbëron.
Çarë e plasaritur pllakat e avllisë,
Kumbulla në brinjë as hije s'lëshon.

Një kujtesë e hershme botën rrutulloi,
Mi solli të tëra,baltën,pyll e gur.
Nga syri i vrejtur qielli lot lëshoi
Dhe si një rrebesh nëpër fshat u turr...

Përshëndetje Mondi ju falenderoj pë komentin.Shëndet e muzë pafund për ju..

I nderuar Riza ÇATO,
Me shumë admirim e përkushtim, lexoj e ndonjëherë e rilexoj nga një, nga dy e nga tri herë poezinë tuaj...
Ju përglzoj për laramaninë e temave...

[riza2008]

Përshëndetje Mondi,skender76,Agim Metbala.Respektet e mia për leximin dhe komentimin e poezive në forum.Gjithashtu dhe unë ju ndjek me kënaqësi në çdo postimin tuaj....Kalofshi pushime të mira këtë verë....

Mëngjese të ngrirë....



Mëngjesi,me hije të ngrirë,
I lodhur kalon mbi përrua.
Ajrin e ndotur ka pirë
Dhe varur qëndron si patkua.

Grimcat e jetës pa jetë,
Vala kollitet mbi shkumë.
Si petë të pjekura retë
Dhe pyjet në gjumë.

Endrrat e mia çartuar
Kërkojnë përralla fëmije.
E mira në qyp izoluar
Nga njezit pa dije.......

[riza2008]

Si në mjegull......


Si në mjegull sot po më kujtohesh
Dhe mendimet shigjetojnë çdo gjë.
Si zë honi s'di pse më largohesh
Edhe oshëtimë s'më vjen më.


Sot u zgjova krejt i pa kthjelluar,
I mërzitur nga ëndrrat në shtrat
Dhe meraku thellë më ka ngacmuar,
Si gjilpërë më pickon çdo natë.


I menduar e gdhij e ngrys ditën
Në renden coptoj çdo djallëzi.
S'di çfar patëm?S'di pse u mërzitëm?!
Dhe të dy u ndamë në agoni...