“Do t’ia dalim”, Veliaj çel zyrtarisht fushatën e G99-s.

[DYDRINAS]

Ndiqni pjese nga debati ne TV Klan, ne te cilen ishte i pranishem dhe Erion Veliaj:

[POKO]

Hymni i Gay-69.politika e re socialistat po ndryshojne hahaha

[goldian]

nje pytje kam une si injorant nga jashte shqiperie
po keto partite si krijohen keshtu
apo thjesht merren disa nenshkrime dhe u be partia?????
plus saj keto organizatat majft zjohu fli gjume te embel etj kush i sponsorizon?
dhe e fundit sdi sa vete jane neper mitingje po duket se dhe partite e vogla i mbushin sallat e tyre
sa milion jemi ne aman apo jane te njejtet njerez qe dalin neper mItingje?

[toni007]

Veliaj: “Ndryshimi i madh është në dorën e të rinjve”

Kreu i Partisë G99, Erion Veliaj, ka zhvilluar dje një takim me banorë të qytetit të Gjirokastrës. Gjatë fjalës së tij në këtë takim, Veliaj tha se Shqipërinë e ndajnë më pak se dy javë nga ndryshimi i madh. Kreu i G99-s theksoi se ky ndryshim do të jetë në dorë të të rinjve të talentuar. “Kanë mbetur më pak se dy javë nga data e zgjedhjeve, nga data e ndryshimit dhe unë besoj se nuk ka forcë tjetër që ta dojë dhe ta mundësojë këtë ndryshim më fort sesa ne të rinjtë. Nga Tropoja e deri në Gjirokastër, Shqipëria është e mbushur me të rinj të talentuar që kërkojnë vetëm një mundësi, një mundësi për t’ia dalë mbanë, një mundësi për të treguar se dinë të arsimohen, se dinë të punojnë, se dinë të jenë të suksesshëm dhe më datë 28 qershor këta të rinj do ta kenë këtë mundësi”, - tha Veliaj. Gjatë takimit, kreu i G99-s prezantoi kandidatët e kësaj partie në qarkun e Gjirokastrës, Orgen Hasanbegaj dhe Alketa Qëndro.

Divjakë, Ruçi: “Votoni për të ardhmen e fëmijëve tuaj”

Kandidatët për deputetë të PS-së në qarkun e Fierit, Gramoz Ruçi e Bashkim Fino, janë takuar me banorë të qytetit të Divjakës. Gjatë fjalës së tij në këtë takim, kandidati Ruçi ka theksuar se PS-ja do t’i kushtojë një vëmendje të veçantë arsimimit dhe punësimit të të rinjve dhe për këtë arsye i ftoi banorët që të votojnë për të ardhmen e fëmijëve të tyre. Ai theksoi gjithashtu se përurimet e veprave publike të kryeministrit, në të vërtetë janë vetëm mashtrime, pasi, sipas tij, Berisha ka përuruar tri herë të njëjtin segment rrugor. “Hidheni votën për Partinë Socialiste, jo vetëm për të votuar një njeri, por për të sjellë një alternativë të vërtetë në qeverisje, që të zgjidhë problemet tuaja. Hidheni votën e 28 qershorit për PS-në, jo për të hedhur hi syve siç bën kryeministri, që rrugën e Rremasit e përuron tre herë, në tre pika të ndryshme të saj. Hidheni votën për PS-në, për të ardhmen e fëmijëve dhe për të ardhmen e familjes tuaj”.

[Klevi]

Erion Veliaj me ben per te qeshur ky emer pasi edhe vet " MJAFT" Sponsorizohet nga nje shoqate Gay ne Amsterdam ....
Do ja dalesh erion

[DYDRINAS]

Erion Veliaj ne Puke:


“Gjate kesaj fushate ne kemi treguar se dijme te rrezohemi, por edhe te ngrihemi. Kemi 18 vjet qe jemi rrezuar dhe nese ne 28 qershor na jepni nje dore neve, do ta ngrini Shqiperine”, u eshte drejtuar Veliaj te rinjve.

[amela1]

Ky Erjon Veliaj si Don Kishoti me mullinjt e eres po behet.

[DYDRINAS]

Erion Veliaj - ne Shqiperine komuniste ishim te varfer dinjitoze!

Erjon, si e kujton fëmijërinë tënde?

Mbaj mend grimca gri nga ato kohë, mesi i viteve ‘80. Më kujtohen bisedat e trishta për radhët e qumështit e vezëve, konservat me qepujka, tollonat, shërbimet e stërzgjatura të punës së prindërve, grupin-antenë të pare të televizorit, mezipritjen e latës së druve, pullat e rralla, çelësin lidhur tek rripi i kanatjeres e lojërat me mjete rrethanore. Dera s’pushonte kurrë, herë për farë kosi, herë për pak gjalpë apo niseshte. Ishim të varfër atëherë, por ajo ishte një varfëri dinjitoze. Rrinim në lagje të pastra, bënim shumë për fqinjët, gëzonim e hidhëronim bashkë. Më kujtohet se si prindërit kishin shkruar inicialet e tyre poshtë karrigeve, sa herë kishte dasma apo vdekje, ato ishin karrige ambulante në të gjithë lagjen. S’di sa e kemi ruajtur sot këtë ndjenjë komuniteti, druaj që stofi që na mbante bashkë në ato kohë të vështirë sot është shpërbërë, por jam optimist se herët a vonë do ta rigjejmë këtë solidaritetin e humbur.

Pjese nga intervista dhene Gazete Shqiptare ne mars 2008

[Apollyon]

Erion Veliaj - ne Shqiperine komuniste ishim te varfer dinjitoze!

Sipas ketij, tani mire qe jemi te varfer por skemi as dinjitet, se po na neperkembin vendet e tjera!!

Eshte per tu analizuar kjo shprehje sepse nga nje ane ka te drejte.

[ILMGAP]

Ishim të varfër atëherë, por ajo ishte një varfëri dinjitoze. Rrinim në lagje të pastra, bënim shumë për fqinjët, gëzonim e hidhëronim bashkë.

Shqiptarët Nuk e Kishin Këtë Fëmijëri,Nuk e Kanë . . . POR . . . Duhet ta Kenë