Bumi ekonomik dhe Berisha, qeveria e epokës së bilionit

[DYDRINAS]

Kryeministri Berisha: Qeveria vendos të përballojë interesat e kredive për 6 mijë apartamente


-Kryeministri theksoi se qeveria jo vetëm po mban zotimin për 4 mijë apartamente, por edhe një tjetër premtim solemn duke i krijuar kushte pronarëve për rikthimin e banesave tyre

Kryeministri Berisha tha sot në mbledhjen e Këshillit të Ministrave se qeveria ka vendosur të përballojë interesat e kredive për 6 mijë apartamente, prej të cilave, 3 mijë do të shkojnë për familjet që banojnë në shtëpitë e pronarëve dhe 3 mijë të tjera do të kreditohen për familjet e pastreha.

“Qeveria vendos të përballojë interesat e kredive për 6 mijë apartamente, prej të cilave, 3 mijë do të jenë për familjet që banojnë në shtëpi të pronarëve. Sipas regjistrave, ky përbën dhe kontingjentin më të gjerë të të pastrehëve në vend. Duke krijuar mundësinë e sistemimit të tyre në shtëpi, nëpërmjet kredisë pa interes, qeveria zgjidh së pari një problem madhor strehimi në vend dhe krijon të gjithë kushtet ligjore për zbatimin e ligjit dhe rikthimin e banesave tek të zotët e tyre. Ky është një stimul i fuqishëm në tregun e banesave dhe një fuqizim i madh i kolateralit në tërësi në vend. Ndërsa 3 mijë apartamente të tjera do të shkojnë në përputhje me një premtim solemn timin dhe të qeverisë, për ndërtimin e 4 mijë apartamente për të pastrehët gjatë këtij mandati. U nxituan dhe mbetën të zhgënjyer ata që e recituan si të pambajtur premtimin tim, sepse 1 mijë apartamente janë ndërtuar dhe 3 mijë të tjera do të kreditohen për familjet e pastreha”, u shpreh Kryeministri, duke konsideruar këtë si "një lajm të mirë për disa mijëra familje shqiptare në nevojë për strehim".

Më tej, Kryeministri theksoi se qeveria jo vetëm po mban zotimin për 4 mijë apartamente, por edhe një tjetër premtim solemn duke i krijuar kushte pronarëve për rikthimin e banesave tyre. “Në këtë mënyrë ne jo vetëm mbajmë premtimin tonë për 4 mijë apartamente, por në të vërtetë e zgjerojmë këtë, sepse po në përputhje me premtimin tonë, do t’i krijojmë kushte pronarëve për kthimin e banesave tyre, dhe kjo natyrisht që do të bëhet duke i krijuar kushte strehimi atyre që banojnë në këto banesa. Pra, në këtë mënyrë shndërrohen në realitet brenda 3 muajve dy premtime madhore dhe jashtëzakonisht të rëndësishme të qeverisë sime. Le të shkojnë dhe të gjejnë banesat sociale të kryetarit me korrespodence të Bashkisë së Tiranës. Nuk ekziston as nam e nishan. Qeveria mban fjalën! Fjala e dhënë është fjalë e mbajtur”, u shpreh Kryeministri.

Duke folur për marrjen përsipër të interesat e kredisë nga qeveria për 3 mijë familje të pastreha, Kryeministri nënvizoi se “këto do t’u adresohen para së gjithash, familjeve në nevojë, familjeve me një prind, familjeve me shumë fëmijë, si dhe personaliteteve të artit , kulturës, shkencës”.

Kjo qeveri, theksoi Kryeministri Berisha, i përgjigjet të gjitha detyrimeve që rrjedhin nga programi i saj elektoral, sepse një force politike, në rast se i përmbahet moralit të politikës, është e detyruar të mbajë premtimet e saj. “Ne i’u përgjigjemi detyrimeve që rrjedhin nga programi ynë elektoral dhe këtë nuk e fshehim, sepse një force politike, në rast se i përmbahet moralit të politikës, është e detyruar të mbajë premtimet e saj. Pra, nuk ka diskutim që kjo nismë e qeverisë është direkt e lidhur me premtimet e saj elektorale. Ju mund të thoni se a është kjo e lidhur me paraelektoralitetin, por ju them se nuk ka të bëjë fare me të. Ka pasur një proces të tërë të regjistrimit të familjeve që banojnë në shtëpitë e ish pronarëve dhe saktësimit të sipërfaqeve, dhe është një proces pune shumë voluminoz, i cili tashmë u kompletua dhe tani është e detyrueshme nga ana jonë që të mbajmë zotimin. Pra, është një premtim elektoral, një zbatim i tij paraelektoral, por është fjalë e mbajtur”, u shpreh Kryeministri Berisha.

Gjithashtu, Kryeministri nënvizoi se ky vendim përbën një bonus edhe për ndërtuesit shqiptarë.

“Ky vendim përbën një bonus edhe për ndërtuesit shqiptarë, të cilët janë shumë aktiv dhe të përqendruar në ndërtime të mëdha, por edhe ky kreditim i qeverisë është një bonus për ndërtuesit, të cilin ata e meritojnë. Po të kemi parasysh, ndërtimi është edhe motori kryesor i zhvillimit të vendit. Mund të them se ndërtuesit janë kontribuues shumë të rëndësishëm në Prodhimin e Brendshëm Bruto, kontribuues shumë të rëndësishëm në të ardhurat e vendit, pra është një bonus i merituar për ndërtuesit shqiptarë. Kështu që mirësia e kësaj pakete është e shumanshme”, u shpreh Kryeministri.

19/02/2009

Faqja zyrtare e Kryeministrise

[DYDRINAS]

MASH- Albtelekom, firmoset kontrata për pajisjen e të gjitha shkollave me internet

Kontrata, internet në 2107 shkolla të mesme dhe bazë në gjithë vendin

Të gjitha shkollat në të gjithë vendin do të pajisen për herë të parë me shërbimin e internetit. Në kuadrin e programit "Cilësi dhe Barazi në Arsim" u nënshkrua në Ministrinë e Arsimit dhe Shkencës kontrata për instalimin e shërbimit të internetit në të gjitha shkollat bazë dhe të mesme me prezencën e ministrit të Arsimit dhe Shkencës z. Fatos Beja dhe drejtorit të Albtelekom z. Mustafa Arkdogan.

Kontrata me vlerë mbi 1 milion USD (vlera e plotë 1.051.814.40 USD) do të pajisë me shërbim interneti në tre muajt e ardhshëm të gjitha shkollat të mesme dhe bazë në çdo rreth të vendit. Ministri Beja u shpreh se, me këtë kontratë përmbyllet një fazë e rëndësishme e projektit madhor të MASH, TIK-shkolla. Kreu i arsimit dhe shkencës shqiptare tha se, me instalimin e internetit për një periudhë kohore të shkurtër, do të shfrytëzohen me mijëra kompjuter që ne kemi shpërndarë ditët e fundit në të gjitha shkollat e Shqipërisë. Sipas ministrit Beja, kjo është realisht një arritje për shkollarët e Shqipërisë, për familjarët e tyre, për të gjithë ne si qytetarë.

"Ne duam që fëmijët tanë të jenë në avangardë të vendeve evropiane sot. Jemi të gëzuar që kemi arritur të nënshkruajmë një kontratë me kushte shumë të favorshme për MASH dhe me një kompani që ne besojmë se do t'i përmbushë të gjitha detyrimet që ka në kontratë dhe në mënyrë të tillë, që të gjithë nxënësit të përfitojnë prej këtij shërbimi. Unë dua të uroj drejtorin e përgjithshëm që ka fituar këtë tender me një diferencë të madhe nga pozicioni i dytë. Njëkohësisht, dua të uroj që zbatimi i kontratës të jetë i suksesshëm deri në fund", u shpreh ministri Beja.

Ndërsa, z. Arkdogan, pasi falenderoi bashkëpunimin me MASH tha se ishte shumë i nderuar dhe shumë i lumtur që Albtelekom është fituesi i këtij tenderi dhe që do të kontribuojmë për modernizimin e sistemit arsimor shqiptar. "Një nga misionet e Albtelekom është për t'i shërbyer sistemit arsimor, shkollës shqiptare në përgjithësi. Ashtu siç e përmendi pak më parë edhe z. ministër, do të mundohemi që në një kohë rekord të çojmë shërbimin e internetit në të gjitha shkollat. Një nga realitetet e shekullit 21 që është interneti do të mundohemi ta bëjmë të mundur e të prekshëm për të gjithë nxënësit shqiptarë, duke bashkëpunuar ngushtë me MASH për ta realizuar me sukses këtë projekt", u shpreh drejtori i Albtelekom, Mustafa Arkdogan.

Halil RAMA

rd

[Brari]

dajt..

ka nje ndryshim te madh mes qeveris berisha dhe qeverive te ketij eminit te braceve..

berisha mbledh taksa dhe mir a keq..i derdh te nje rruge.. e kjo rruge ka marre form.. nuk eshte enderr a shkrese ne sirtar.. por nje trase me asfalt ura tynele e shtylla betoni ..
kjo eshte fakt qe dhe ceka e pranoj para ca kohesh ..por dhe lir meta dje e kish pranuar..

kurse qeverite me te cilat punoj emini i barco- braceve.. mblodhen taksat e ben gurgulen me taksen majko.. e nuk ben 1 meter rruge.. e mir qe nuk bene.. po as dhan llogari se ku i cuan miljonat e mbledhura per rruge..

un kam shum deshir te shok oponence per rrugen.. por patjeter oponenci ose kundershtari i rruges apo i berishes ne pergjithsi duhet te kaloj nga nje "rruge" llogjike..
pra te beje nje protest kritike a ulerime per faktin se u zhduken parate e rruges.. e nuk u be asnje meter rrug e pastaj te hidhet tek ky tjetri qe mbledh para per rruge dhe se po ben mire e me efektivitet apo me harxhime te kota..

athere besohen keta lloj kritikesh..
mirpo keta.. eminet e mustafet fare sja zene ne goje .. ps-se kte pune.. e hidhen kunder berishes qe dicka po ben..

pra u mungon burreria ketyre kritikusve..

eshte si te dish qe hasani vrau nje lope.. te fshatit.. e te flasesh ne shesh te fshatit perdite se pse hysejni ka qelluar me gure nje pule.. e lopen fare te mos e permendesh..
duhet.. me fol keshtu..
shoke.. cbehet keshtu.. ne fshat tonë mor aman.. vete tjatri vret lopen kot fare goxha lop e mire ishte .. ne shokëni duhet ta denojme vrasesin e lopes hasanin e kushdo qofte.. por.. dhe vazhdon llogjika.. jo vetem hasanin qe vrau lope.. por dhe ate.. hysejnin qe qellon pulat me gure e zdapinj..

keshtu fshati te beson.. mir thon e ka ki shoku.. o burra ti japim 7 kamxhike mullaqeve hasanit qe vrau lopen e 2 kamxhike hysejnit qe qelloj pulen me gure..

ke pare ti inen.. e ram topit..
me lulin e ka.. ate e thrret cdo dite ne prokurori-e plenum te kq-se si araniti e enveri beqir ballukne e petrit dumen.. kurse pandushne e ben malot fare nuk i thrret..

po njeri i ka bere ca shtylla betoni atjene mal..

kurse kta tjeret.. as thone ku i kan cuar thaset me para..
se shtylla jo e jo qe nuku lane kerkund..

keshtu eshte drejtesia..
prandaj mo psonis shkrime kopukesh se je goxha djale..
ose psonisi po bejua nje koment nga mendja jote..





nejse..

--


POLITIKË

Nisi sot në Tiranë procesi i shpërndarjes së kartave të identitetit
19-02-2009 /

Gazeta 55


Ka nisur sot shpërndarja e kartave të identitetit në Tiranë. Proceri i shpërndarjes ka nisur në njësitë bashkiake numër 3, 5 dhe 7. Pas 100 aplikimeve të bëra në kryqytet nga dita e sotme të gjithë qytetarët mund të kërkojnë pajisjen me letërnjoftime.Ndërkohë në Durrës, Shkodër, Elbasan, Lezhë, Korçë, Kamëz dhe në Lushnje procesi po shkon nomralisht.Pas inagurimit të kartës së parë në kompaninë Sagem nga ana e kryeministrit, duket se ky proces po merr udhë pa krijuar më vështirësi radhash apo pritje të gjata për marrjen e letërnjoftimit.Ndërkohë para dy javësh Drejtori i Përgjithshëm i Gjendjes Civile, njoftoi se për herë ta parë Shqipëria do të ketë një regjistër kombëtar pa dublikata emrash. Kështu pastrimi i regjistrit nga dublikatat dhe pajisja në kohë e qytareve me letërnjoftimet, është hapi më i sigurtë për të patur zgjedhje të lira dhe të ndershme në 28 qershor.Ky dokument i cilësisë së lartë është kërkesë e bërë nga Bashkimi Europin për lëvizjen e lirë të qytetarëve shqiptarë në vende të ndryshme të botës. Bazuar në skemën e procesit të pajisjes me letërnjoftime, 356 zyra do t'i atashohen zyrave të Gjendjes Civile në të gjithë vendin, të cilave do t'u vijnë në ndihmë qytetarëve për të plotësuar formularët për pajisjen me dokumentet e identifikimit, duke marrë për bazë të dhënat nga regjistri elektronik themeltar i shtetasve shqiptarë, që është në përfundim e sipër. Çdo qytetar do të plotësojë një formular për pajisjen me letërnjoftim dhe pasaportë, do të depozitojë në sistem shenjat e gishtave dhe njëkohësisht fotografinë biometrike.Të gjitha këto të dhëna do të transferohen on-line, nga zyrat përkatëse pranë qendrës së personalizimit të të dhënave që është në Tiranë. Sistemi është i aftë që brenda 8- 10 sekonda të bëjë përpunimin e të dhënave të çdo qytetari, të verifikojë dhe konfirmojë këto të dhëna. Në rast se të dhënat janë të rregullta, ato i kalojnë automatikisht sektorit të prodhimit të letërnjoftimit dhe të pasaportës biometrike, prodhim i cili nuk zgjat më shumë se dy ose tre ditë sipas sistemit. Më pas kjo pasaportë i shkon qytetarëve. Pasaportat biometrike do të jenë të pajisura me të gjithë elementët e sigurisë. Ato do të jenë të integruara me të gjitha sistemet e verifikimit të dokumenteve të identitetit të të gjitha vendeve të Bashkimit EuropianKarta e identitetit do të jepet nga mosha 16 vjeç e sipër dhe me afat përdorimi për 10 vjet. Pasaportat biometrike do të kenë ngjyrën e pasaportave të Bashkimit Evropian dhe do të zëvendësojnë pasaportat e kuqe të deritanishme. Ndërsa kartat e identitetit, përveçse që mund të përdoren si dokument identifikimi në zgjedhje, do të zëvendësojnë çertifikatat personale te deritanishme dhe do të eliminojnë radhët e gjata të qytetarëve në zyrat e gjendjes civile.

...
55



n hysenit..

[DYDRINAS]

Kryeministri Berisha : Kjo qeveri është e vendosur t`i japë Shqipërisë dhe qytetarëve shqiptarë, rrjetin rrugor më modern në rajon


Kryeministri Berisha në kuadër të turit “Shqipëria po ndryshon” inauguroi sot fillimin e punimeve për zgjerimin me katër korsi të rrugës Plepa-Rrogozhinë , e cila përbën një nga segmentet më të rëndësishme të autostradës kryesore të vendit, që do të shtrihet nga Shkodra deri në Vlorë.

Në fjalën e tij Kryeministri Berisha tha se kjo qeveri është e vendosur t`i japë Shqipërisë dhe qytetarëve shqiptarë, rrjetin rrugor më modern në rajon.

“Në vitin 2009 ne nisim projektet e mëdha të mandatit të dytë, projekte, të cilat do të lidhin Shkodrën dhe Vlorën me autostradë me katër korsi, projekte, të cilat do të lidhin Tiranën me Tepelenën me aksin qendror të Jugut që shkurton distancën mbi 120 km me Sarandën , projekte, të cilat do të lidhin Bllatën me Tiranën si rruga e Arbrit që shkurton distancën Peshkopi-Tiranë, Shkup-Tiranë me mbi 100 km. Projekt tjetër madhor është Qafë Plloçë-Qukës, i cili shkurton distancën Korçë-Tiranë me 30 km dhe së fundi Fierzë-Koman”, u shpreh Kryeministri Berisha duke iu referuar disa prej projekteve rrugore kryesore për vitet në vazhdim.


Kryeministri garantoi se rrugët e gjata e të mundimshme të akseve tona kombëtare, do të zëvendësohen me rrugët më të shkurtra, më të reja dhe më moderne.
Në mandatin e dytë të kësaj qeverie, vijoi Kryeministri, jemi të vendosur të asfaltojmë, të sistemojmë mijëra e mijëra km rrugë rurale. “Zhvillimi i qëndrueshëm rural, ndërtimi i rrugëve, ujësjellësve kanalizimeve, shkollave moderne mbeten përparësia jonë më madhore, kushti vendimtar që ju dhe fëmijët tuaj të jetoni në një vend të zhvilluar”, nënvizoi Kryeministri Berisha.

Gjithashtu Kryeministri garantoi se gjatë mandatit të dytë, qeveria do të përqendrohet në një reformë të thellë shëndetësore, për të vendosur në vend sistemin shëndetësor më efikas, më human dhe më kompetent në rajon.

Një prioritet madhor tjetër i kësaj qeveria gjatë mandatit të dytë do të jetë përqendrimi në rritjen e rrogave dhe pensioneve. Në këtë kontekst Kryeministri Berisha garantoi qytetarët se për sa kohë të votojnë këtë qeveri, nuk do të ketë qëllim më të madh se sa rritja e rrogave dhe pensioneve të shqiptarëve.

Kjo qeveri, tha Kryeministri, në një përballje të egër me korrupsionin do të mobilizojë gjatë katër viteve të ardhshme fonde shumë herë më të mëdha, për rritjen e rrogave e pensioneve, për rrugët, për ujësjellësit, kanalizimet, për qendrat shëndetësore dhe spitalet, për shkollat, për tregjet me besimin se në këtë mënyrë u shërbehet më mirë interesave, halleve dhe problemeve të qytetarëve shqiptarë.

Në fjalën e tij Kryeministri Berisha u shpreh:

Të dashur qytetarë dhe qytetare !

Është një kënaqësi e veçantë për mua të ndaj me ju sot gëzimin e inaugurimit të fillimit të punimeve për shndërrimin me katër korsi të rrugës Plepa- Rrogozhinë, e cila përbën njërin nga segmentet më të rëndësishme të autostradës më kryesore të vendit, autostradë që do të shtrihet nga Shkodra deri në Vlorë. Së shpejti ne inaugurojmë punimet në autostradën Milot-Mamurras dhe është duke përfunduar projekti Lezhë-Shkodër.


Kjo qeveri është e vendosur t`i japë Shqipërisë, t`u japë qytetarëve shqiptarë rrjetin rrugor më të ri dhe më modern në rajon. Në vitin 2009 ne nisim projektet e mëdha të mandatit të dytë, projekte, të cilat do të lidhin Shkodrën dhe Vlorën me autostradë me katër korsi, projekte, të cilat do të lidhin Tiranën me Tepelenën me aksin qendror të Jugut që shkurton distancën mbi 120 km me Sarandën , projekte, të cilat do të lidhin Bllatën me Tiranën, si rruga e Arbrit që shkurton distancën Peshkopi-Tiranë, Shkup-Tiranë me mbi 100 km. Projekt tjetër madhor është Qafë Plloçë-Qukës, i cili shkurton distancën Korccë-Tiranë, vetëm ky segmente me 30 km dhe së fundi Fierzë-Koman.

Rrugët e gjata e të mundimshme të akseve tona kombëtare do t`i zëvendësojmë me rrugët më të shkurtra më të reja dhe më moderne. Në mandatin e dytë të kësaj qeverie jemi të vendosur të asfaltojmë, të sistemojmë mijëra e mijëra km rrugë rurale. Zhvillimi i qëndrueshëm rural, ndërtimi i rrugëve, ujësjellësve, kanalizimeve, shkollave moderne mbeten përparësia jonë më madhore, kushti vendimtar që ju dhe fëmijët tuaj të jetoni në një vend të zhvilluar.


Zonja dhe zotërinj!

Mandati i dytë i qeverisë sime do të përqendrohet tërësisht në një reformë të thellë shëndetësore, e cila ka nisur këtë vit. Unë ju garantoj se qeveria do të vendosë në këtë vend sistemin më efikas, më human më kompetent shëndetësor në rajon. Reforma ka nisur. Reforma e shëndetësisë është për çdo vend reforma më e vështirë, por ne e kemi nisur. Me datën 1 maj të këtij viti, çdo infermier në këtë vend do të marrë mbi dy herë më shumë se sa merrte në 2005, çdo mjek i këtij vendi do të marrë mbi dy herë më shumë se sa merrte në 2005, ndërkohë kjo reformë do të shtrijë për qytetarët e vendit shërbimet më të mira, më moderne në mënyrë që t`u jepet përgjigja më e mirë problemeve shëndetësore, të fëmijëve , grave, burrave, të moshuarve.


Mandati i dytë i kësaj qeverie do të jetë i përqendruar tek rrogat dhe pensionet, dua t`u garantoj ju se për sa kohë të mbetem në qeveri dhe të më votoni, nuk do të kem qëllim më të madh se rritjen e rrogave dhe pensioneve të shqiptarëve.
Unë shpalla këtu disa nga përparësitë, të tjerat janë në përpunim dhe të gatshme, por biem dakord që kthimi majtas është kthim prapa. Shikoni atë copë autostradë që kanë ndërtuar Vorë-Durrës, se si është bërë tërë arna. Kthimi majtas është kthim prapa. Le të pyesin veten mësuesit shqiptarë sa merrni n në 2005 sa marrin tani dhe do marrin më 1 maj të këtij viti. Kthimi majtas është kthim prapa . Le të pyesin veten pensionistët shqiptarë sa merrnin në 2005 dhe sa marrin tani. Kthimi majtas është kthim prapa, le të pyesin veten nxënësit shqiptarë , si i kishin shkollat tre vite më parë dhe si i kanë sot me kabinete informatike dhe interneti. Unë kam besim të madh në mençurinë tuaj, kam besim se ju do të vazhdoni të votoni për ndryshimin e Shqipërisë. Shqipëria po ndryshon më shpejt se çdo vend tjetër. Shqipëria anëtarësohet së shpejti në NATO, Marrëveshja e Stabilizim-Asociimit përfundoi e firmosur nga 27 vende të Bashkimit Europian. Kurrë ndonjëherë emri dhe prestigji ynë nuk ka qenë më i mirë dhe më i madh në rajon dhe në botë.


Përballë është kryetari i Partisë Socialiste që i kanë mbetur edhe 132 ditë për t`u bërë kryetari i Partisë së Bashkisë. Por edhe aty do ta ketë të vështirë sepse buxhetin s`po e kalon dot, sepse siç po ia quajnë mediat ka hartuar koço-buxhet, mirëpo qytetarët duan buxhet për qytetarët dhe jo për kryetarin e Bashkisë.


E dhe njëherë dua t`ju garantoj se kjo qeveri në një përballje të egër me korrupsionin do të mobilizojë gjatë katër viteve të ardhshme fonde shumë herë më të mëdha, për rrugët tuaja, për ujësjellësit, për kanalizimet, për qendrat shëndetësore dhe spitalet, për shkollat, për tregjet. Në këtë mënyrë ne besojmë dhe mendojmë se u shërbejmë më mirë interesave, halleve derteve dhe problemeve tuaja.

Ju faleminderit !

28/02/2009

[leci]

Kryeministri Berisha

E dhe njëherë dua t`ju garantoj se kjo qeveri në një përballje të egër me korrupsionin do të mobilizojë gjatë katër viteve të ardhshme fonde shumë herë më të mëdha, për rrugët tuaja, për ujësjellësit, për kanalizimet, për qendrat shëndetësore dhe spitalet, për shkollat, për tregjet. Në këtë mënyrë ne besojmë dhe mendojmë se u shërbejmë më mirë interesave, halleve derteve dhe problemeve tuaja.

Ju faleminderit !

28/02/2009

Po po po sigurisht.
Ku do te shkonim valle pa kryeministrin tone.Na rroft sa malet

[DYDRINAS]

Po po po sigurisht.
Ku do te shkonim valle pa kryeministrin tone.Na rroft sa malet

Mundesh te sjellesh lirisht fakte qe te vertetosh te kunderten.

Kryeministri eshte pjese e nje force politike qe qeveris suksesshem vendin qe nga viti 2005 e ne vazhdim.
Shqiperia ka ndryshuar imazh, ajo behet per disa dite anetare e NATO-s, kandidon ne nje kohe te pershtatshme per anetaresi te plote ne BE (sepse MSA eshte votuar nga te gjitha shtetet anetare), po shperndahen per here te pare qe ne vitet '80 kartat e identitetit dhe pasaportat biometrike.
Qe nga viti 2005, Shqiperia e ka ruajtur ritmin e rritjes ekonomike, ka mbajtur nen kontroll inflacionin, ka ulur taksat ne nivele te konsiderueshme, ka shtuar te ardhurat ne buxhet, ka investuar ne infrastrukture, ka ngritur rrogat etj.

[leci]

Nuk mund te matem me ju qe shkruani nga 20 faqe ne dite duke kopjuar gazetat.
Korrupsioni nuk eshte ndryshuar aspak dhe per kete ska nevoje te shkruaj asgje.
Per rrogat pyesni ata qe punojne ne Shqiperi.Une per vete shoh prinderit e mij qe jetojne me 6000 lek pension qe nuk mjaftojne as per te paguar dritat.
Po leni nam me NATO,sikur do te kemi me shume buke e uje nga kjo.
Kurse per BE ka akoma shume kohe per tu bere anetare te saj.Maksimumi do te jemi si Rumania,kusherinjt e varfer te Europes.Dhe mos e shiko me shume optimizem,se nuk eshte ashtu.
Prestigji i Shqiperise eshte djersa dhe gjaku i 2 milione emigranteve shqiptare ne mbare boten,qe mbajne me buke ata qe jetojne ne Shqiperi.

Kartat e identitetit ne vitin 70' jane shperndare ne Kongo,prandaj mos na e lavdero kete aspekt.Rritja ekonomike shoqerohet me rritjen e çmimeve dhe qe keshtu vendosi nje vize te kuqe siper edhe kesaj.

Sa per rruget e infrastrukturat shiko pak borxhin e jashtem te Shqiperise kundrejt BB,shiko sa borxhe ka per fryme Shqiperia.Mos u bej cub me pare borxh,qe do ti paguajne te tjeret.Keta te tjere jane shqiptaret,populli me i varfer ne Europe.
Ne fund te vitit 2005 Shqiperia kishte nje borxh te jashtem prej 1,7 miliarde dollare,kurse ne fund te vitit 2008 ky borxh arriti ne 2,8 miliarde dollare.Kesaj i shtohet borxhi i brendshem qe ka arritur shifren 3,3 miliarde dollare.
Keto jane borxhe qe duhen paguar.
Kjo me intreson mua,dhe ajo qe me distancon nga ty eshte fakti qe per mua ka me shume rendesi vendi ku kam lindur e kam prinder dhe jo partite politike.

Gjithe te mirat

[dritek7]

ore kush din noj rrug me shku ne Shqiperi se po du me kerku azil ..ketu ne Angli ka ra ekonomia krejt re burra ...bo boo booo si paskan kris miliardad e biliardad ...

[DYDRINAS]

Kryeministri Berisha takon përfaqësuesit e grupit ZUMAX


Kryeministri Berisha priti sot në një takim përfaqësuesit e grupit ZUMAX, të kryesuar nga Drejtori Ekzekutiv i kompanisë, z. Philiph George.

Ata i prezantuan Kryeministrit fazat konkrete nëpër të cilat do të kalojë projekti i Portit të Vlorës, një investim tashmë i prezantuar, me vlerë prej 1.2 miliardë euro. Ky investim konsiston në ngritjen e një porti të madh kontenierësh dhe të një zone të lirë ekonomike. Deri tani, projektit i është bërë vlerësimi teknik nga dikasteret përkatëse dhe për një javë do të kalohet në procesin e hapjes së tenderit për këtë koncesion me interes dhe rëndësi shumë të madhe publike. Ata theksuan se interesi i investitorëve për këtë projekt është maksimal dhe hapat për realizimin e tij do të jenë të shpejta.

Kryeministri i siguroi që strukturat e tij do të punojnë me përkushtim për të konkretizuar në afat tenderin e koncesionit të Portit të Vlorës.

Ky investim madhor në këtë kohë krize është shumë domethënës për Shqipërinë, u shpreh Kryeministri, duke theksuar se besimin e kësaj kompanie qeveria shqiptare do ta justifikojë me mbështetjen përmes një procesi të shpejtë dhe transparent dhe të realizuar me profesionalizëm. Tashmë, puna dhe përpjekjet e këtij grupi janë shumë afër konkretizimit me këtë produkt kaq të rëndësishëm dhe madhor për Shqipërinë dhe rajonin.





13/03/2009

[DYDRINAS]

Kryeministri Berisha: Shqipëria mbetet vendi i besimit të palëkundur për investitorët e huaj


- Kryeministri u shpreh se “qeveria ime do të bëjë çdo përpjekje për të lehtësuar në çdo aspekt këto veprimtari, për të kontribuar në suksesin tuaj dhe për të shpërblyer besimin e madh që ju keni dëshmuar tek Elbasani dhe tek Shqipëria”.

Në vazhdim të vizitës në qytetin e Elbasanit, Kryeministri Berisha mori pjesë sot në ceremoninë e inaugurimit të furrës së re elektrike me hark dhe impiantin integrues të filtrimit, në kompaninë e çelikut “Kurum”, e cila festonte sot edhe 10 vjetorin e fillimit të aktivitetit të saj në Shqipëri.

Më tej, Kryeministri Berisha startoi butonin e fillimit nga puna të impiantit dhe furrës së re.

Të pranishëm në këtë ceremoni ishin dhe ministri i Mjedisit, z.Lufter Xhuveli, ministri i Jashtëm z. Lulzim Basha, ministri i Turizmit, Kulturës, Rinisë dhe Sporteve z. Ardian Turku, drejtues të pushtetit vendor, etj.

Ndër të tjera, Kryeministri Berisha u shpreh;

“Sot, në këtë ditë festë dhe gëzimi për Elbasanin dhe mbarë Shqipërinë, kompania “Kurum” bën një inaugurim jashtëzakonisht të rëndësishëm për këtë qytet, por edhe për mbarë vendin. Pas 10-vitesh aktivitet, vështirësish dhe suksesesh, kjo kompani finalizon sot një investim me sukses të madh, prej 120 milionë euro. Ky është një investim, me të cilin kjo kompani vendos standardet më të sigurta të mbrojtjes së mjedisit, pra të shëndetit të njerëzve. Me këtë investim, kjo kompani e rrit kapacitetin shkrirës të këtij kombinati nga 50 mijë ton në 900 mijë ton,duke e shndërruar Shqipërinë në një nga vendet e rëndësishme të prodhimit të çelikut në rajon. Ky është një zhvillim madhor për ekonominë shqiptare, është një zhvillim madhor për një vend, i cili ndërtimin e ka dhe do ta ketë për vite e dekada, promotorin kryesor të zhvillimit të tij.

Presidenti i kompanisë “Kurum”, pak çaste më parë më informoi se 400 mijë ton do të jenë konsum i brendshëm dhe 400 mijë të tjera do të jenë për eksport. Unë dua ta garantoj presidentin e kompanisë “Kurum” se ky vend, me ritmet e zhvillimit dhe kantieret e tij të mëdha të ndërtimit të rrugëve, urave, hidrocentraleve dhe banesave shumë shpejt do të tejkalojë parashikimet e eksportit dhe konsumi i vendit do t’i pakësojë ato progresivisht.

Ky inaugurim jep një domethënie të veçantë po të kemi parasysh vitin dhe kohën në të cilën bëhet. Ekonomitë e mëdha të botës po përjetojnë sot një nga krizat më të thella në historinë e tyre. Kjo krizë është shoqëruar me shembje të bankave më të mëdha të globit, është shoqëruar me një shok të vërtetë të korporatave më të mëdha. Kjo krizë në thelb është shoqëruar me një shembje të besimit tek financat dhe biznesi sa kurrë ndonjëherë më parë. Ky inaugurim është dëshmia më e qartë e soliditetit të ekonomisë shqiptare, e besimit të madh dhe të palëkundur të bankave, të kompanive të biznesit tek Shqipëria dhe klima e saj investuese.

Ky investim është gjithashtu, antidoti më i shkëlqyer për të parandaluar pasojat e krizës dhe për ti zvogëluar ato në Shqipëri. Shqipëria, siç e shihni, është dhe mbetet vendi i besimit të palëkundur të investitorëve të mëdhenj të huaj.

Edhe një herë dua t’ju falënderoj me shumë mirënjohje dhe t’ju siguroj se qeveria ime do të bëjë çdo përpjekje për të lehtësuar në çdo aspekt këto veprimtari, për të kontribuar në suksesin tuaj dhe për të shpërblyer besimin e madh që ju keni dëshmuar tek Elbasani dhe tek Shqipëria”.


14/03/2009