Kohë qirinjsh

[Agim Metbala]

Falemderit Z. Doçi për uratën!

Pas demokratizimit të Shqipërisë, në një emision të RTSH, i vëllai i poetit të repektuar Havzi Nela, rrëmihu thellë pas një molle duke i nxjerrur dorëshkrimet e fshehura. Ishte një moment shumë prekës, iritues... që në mua nxiti ndjenjat e quditshme - smirën e skajshme, dhembjen e tmerrshme, herë-herë edhe urrejtjen e fuqishme, (lotët e bërën të vetën, u rrokullisën bujshëm duke u lëshuar pingul rrudhave të faqeve të mia) dhe në anën tjetër, një kënaqësi e këndshme, ma përshkroi ballin e relieft (lotët ikën në saraji e vet) dhe ndjeva se u rimishërua poeti i qiltërtë - HAVZI NELA - NDJEST PASTË - AI S'DO TË VDES KURRË, KURRË, KURRË...

HARTAT E KOHËS

(Akrstik kushtuar Havzi Nelës)

Hartat e kohës të fshehur nën rrënjët e mollës rilindën
Aureola u ngritë fuqishëm në horizontin tonë
Vlerat Tua, s'mundën t'i varrën në litar
Zeusi e perënditë të tjerë i ruajtën me xhelozi
Inxhi të çmuar, medalonet e kohës...

Nder për ne, tuzrp i një kohe largëqoftë
Eshtrat Tua, shtyllat e ardhmërisë
Litari i turpit të pakuptimësisë, do të varret mbi ta
Autogram i pashlyer në kujtesën e (pa)ndërgjegjes...

13.08.08

[Agim Metbala]

Sheh Myhedini, është pasardhës i Baba Sheh Sylejmanit i tarikatit Evleti i qytetit të Rahovecit.

Sheh Myhedini, ishte një figurë qendrore në Rrafshin e Anadrinisë e më gjërë.

Për shkak të ideve progresive e atdhetare, disa herë është burgosur dhe dënuar nga gjykatat e atëhershme sllavo–komuniste (për shumë shqiptaret, në të gjitha trojet shqiptare, është i njohur procesi i Prizrenit - procesi gjyqësor politik).

Sheh Myhedini, do të mbetet në analet e historisë Kosovare edhe në aktivitetin e tij madhor, në aksionin Pajtimin e gjaqeve, që pati jehonë edhe përtej kufijve të Kosovës, si një fenomen shoqëror që duhet studjuar seriozisht.

Sheh Myhedini, kur erdhë momenti i Kushtrimit, i dha betim Luftëtarëve të UÇK-së, në luftën e fundit për Çlirimin e Kosovës.

Sigurisht, një personalitet aq i fuqishëm, me ndikim të jashtëzakonshëm në popull, ishte vazhdimisht në shenjestër të politikës shoveniste të sllavëve, të ardhur nga Karpatet, dhe në shenjë hakmarrje të betejës që ndërmorri UÇK-ja ndaj qytetit të Rahovecit, e pushkatuan pranë pragut të teqes, ku tani qendron fotografia e tij në pllakën e mermert

Në shenjë respekti e falenderimi, ia kushtova këtë poezi:

VERTIKALISHT QËNDROVE PARA STUHIVE
/Sheh Myhedinit/

Sa i pashëm që ishe
Ylber mbi ylbera
Edhe Zoti i do të pashmit!

Vertikalisht qëndrove para stuhive
Kur të tjerët theheshin para prekjes
Dhe kot t’i vënë prangat
Shpirti yt u rebelua edhe më shumë!

Predikimet tua
Shëronin zemrat e thyer
Forconin shpirtërat e frikësuar
Venin drejtpeshim të luhatshmëve
E sot me gjelozi ruhen
Në sirtarët e zemrave...

Dhe kur kushtrimi jehoi
Grykave të maleve në vegim
Në dy gjunj ua urove bekimin
Dhe në ballin tënd mbiu lulëbozhuri
Dhe kjo lule rritet vetëm në Kosovë
Kjo lule është metaforë e gjakut!

Te porta e teqes
E cila nuk u mbyll as fortunave të egra
Ti prapë i gjallë ashtu sikurse ishe
I pret mysafirët krenar

Krenaria ishte e tërë jeta jote!

[Dorontina]

Ishim apo s'ishim...

Isha nji dit sot prap jam dikush
ishte baba im sot asht me gjum
ishte gjyshi im sot shfrytzojme mallin e tij
ishin te paret po kush ishin ne te vertet se dij

ata punun, shkrum, lexun, luftun...
ata ishin te eger ligj nuk depertum...
ishin te fort po koka nuk don fuqi
ku ju mbeti dija mendoj shum por nuk di...

kam pershtypjen ishin megalloman
dikush thot shqiptari asht mendjemadh
disa i qujn shah ne veti
pse jan aq individal sejcili per veti

disa popuj jan autodidakt
disa jan pa komunikat
disa kercnojn pa mekat
disa shkrujn dhe qojn krahet...

[Agim Metbala]

Ishim apo s'ishim...

Isha nji dit sot prap jam dikush
ishte baba im sot asht me gjum
ishte gjyshi im sot shfrytzojme mallin e tij
ishin te paret po kush ishin ne te vertet se dij

ata punun, shkrum, lexun, luftun...
ata ishin te eger ligj nuk depertum...
ishin te fort po koka nuk don fuqi
ku ju mbeti dija mendoj shum por nuk di...

kam pershtypjen ishin megalloman
dikush thot shqiptari asht mendjemadh
disa i qujn shah ne veti
pse jan aq individal sejcili per veti

disa popuj jan autodidakt
disa jan pa komunikat
disa kercnojn pa mekat
disa shkrujn dhe qojn krahet...

Dorontina, Ju falenderoj për postiminin e poezisë në temën time, është nder për mua!

Ju përshëndesë, duke Ju dëshiruar frymëzime të reja.

Agim METBALA

[Agim Metbala]

Sheh Danjoll Shehu, pasardhësi i sheh Musasë, vëllau i Sheh Ademit, shërbeu në teqen e Rufaive në Gjakovë.
Ishte një personalitet i fuqishëm me ndikime të mëdha pozitive në të gjitha shtresat shoqërore.
Pos se ishte predikues dhe klerik i pranuar skajshmërisht, meritat e tija të mëdha që sot japin frytet, është dashuria e tij ndaj arsimit dhe ndikimi i drejtëpërdrejt tek familjet e dervishëve - myhybëve, që sa më shumë t'i shkollojnë fëmijët, përkundër kushteve të vështira ekonomike.
Nga familja e ngusht e sheh Danjollit, janë arsimuar të gjithë brezat, kanë dalë intelektualë të nivelit të lartë - Hadi Shehu, aktor i njohur në të gjitha trojet shqiptare, Jahja Shehu i vëllai i Hadiut, poashtu aktor i madhë, Dr. Pajazit Nushi, nip i sheh Danjollit (biri i motrës), punëtor i njohur shkencor dhe shumë e shmë emra të tjerë.
Fal ndikimit të tij të drejtëpërdrejtë, edhe unë jam shkolluar duke i përfunduar studimet në fushën e drejtësisë.

Në shenjë respekti, ia kam kushtuar këtë poezi e cila është vendosur në kornizë dhe rri në teqe si një suvenir.



MBI VETULLAT TUA YLBERI PASQYROHEJ
(Sheh Danjollit)

Mbi vetullat tua, ylberi pasqyrohej
Në veten e parë pesha e sigurisë
Në ballin tënd të relieftë
Kujdesi bënte hapa milimetrike
Mbi kapakët e syve tu
Bënin roje terezitë miligramike
Nga gjuha jote komponoheshin
Simfonitë në retrospektivë...

Kur i kthej akrepat e kohës
Pëshpëris ndër dhëmbë
Edhe me prototipin tënd
Do t’ishim përpjekur grykave të malit me trimëri
Rrugëve të asfaltuara kishim shtrirë
Këmbën në drejtpeshim
Për qendrim vertikal dhe për një shkrim...

Sa i fuqishëm që ishe gjatë jetës
E shoh kur përmendet emri yt
Si reflektohet në sy të njerëzve
Harresa nuk e evulon dot
Ti je i gjallë në shpirtrat e tyre
Energjia jote fuqishëm ndjehet edhe sot...


Rahovec, 30.09.2003

[Agim Metbala]

IKJA
Monstrumi IKJE
Me eskavatorë
Shemb kalatë e guximit
Dhe në çdo zemër mbjell
Fidanët e frikës
Që lindin frutet e dhembjes
Dhe krijojnë lumenjtë e vdekjes
Pastaj në mënyrë të paartikuluar
Katandisen në detet e panjohura...

Ikja lind nga droja
E frikës dhe forcës
Të ikurit
Me gravitacion të humbur
Sillen si pa kokë
Me shpresë të mbështjellë
Në shaminë tetëpalëshe
Duke ngrehur këmbët zhag
Metropoleve të botës...

Ikjet çdoherë më trembin
I trembin edhe fëmijët në djep.


16.02.2003

[Agim Metbala]

TE SHKËMBI I KAVAJËS

Marrë frymë ngadalë për të mos e trazuar imagjinatën
Historia shpalos kujtimet nga libri faqe për faqe
Të ruajtura ndër shekuj me xhelozi
Refreni përsëritet: “Ke Shkëmbi i Kavajës”...
E mbi Shkëmbin e Kavajës
E shtrinë në shuplakë Durrësin me gjithë horizont
Puhia t’i krehë flokët...

Papritmas diafragma çrregullohet
Syri pa dashje kap bunkerët
Të renditura në mënyrë gjeometrike
Dhe arsyeja humb drejtpeshimin...

Rrezja e shpresës mund ankthin për vdekje -
Rrokaqiej dhe pallatet buzë plazhit
Prekin qiellin e ardhmërisë
Rërës së plazhit dëgjohen dialektet
Nga të gjitha viset
Pëshpëris zëshëm: ani pse u zbardha
Në Durrës i pashë të gjitha ëndërrat e mia nëpër vite..

02.08.2003

[Agim Metbala]

CEREMONI MORTORE

Përditë lidhen nyjet mbrapsht,
Kush t'i zgjidh ato pastaj?
Poeti me penën?
Piktori me ngjyra e brushat?
Apo anagramisti t'i anagramoj?

Për natë sajohen krime enigmatike
Të përshpejtuar me katalizatorë
Kush t'i zbulojë ato?
Skulptori me daltën e çekanin?
Atleti me vrapim sprint?
Balerina me kërcim elegant?

Në mesditë na vidhet shpresa
Syhapur shikojmë katandisjen
Kush do ta kërkoj pastaj?
Peshëngritësi me 150 kg. në duar?
Boksieri i tronditur nga grushtimet?
Apo mos vall i moshuari në azil?

Të gjithë ne duhet zgjuar zgabimthi
Nga kjo ëndrra e keqe shekullore
Me vota në ceremoninë mortore
Ta varrosim lëndinës së harresës...

[Arben-30]

Poezi të shkëputura nga përmbledhja "Kohë Qirinjsh"-Agim METBALA


KOHË QIRINJSH

Në Kosovë
Motet ndërrohen
Nën ritmikë gjeneratorësh
Ftohtë,akull,akullnajë
Në shpirt të secilit
Mbin nga një ajsberg ...

Në Kosovë
Nata edhe dita
Ndërrohen në vërtitje krismash
Duke bartur stafetën stereotipe
Me porosi të stërpërsëritura ...

Në Kosovë
Çdo gjë e brishtë
E ftohtë,akull,akullnajë
Derisa të lindë shpirti
Ai do t'i shkrijë të gjithë ajsbergët
Në bebëzat e syve do ta mbjellë dashurinë
Aq të kërkuar në këto mote ..

18.03.2003




KOHË E KRISUR

Në këto kohëra të rënda si plumbi
Trurin e kam konservuar mirë
Pakkujt i duhet truri
Veshin e kam mbushur me pambuk
Për ta shpëtuar timpanin
Ndërsa sytë i kam mbyllur
Dhe i kam futu në kuti
Për të mos parë fëlliqësirat...

Do të pres ditë më të mira
për të jetuar dhe për të vdekur ...




FJALA MË MBETI NË FYT

Desha të flas
Fjala më mbeti në fyt
Janë ngopur me fjalët tona ...

Desha të shkruaj
Për çfarë të shkruaj
Para meje kishin shkruar për çdo gjë
Era i morri shkrimet e tyre ...

Desha të protestoj
Për shumëçka
Para meje kishin protestuar për çdo gjë
Ato i varrosën në sarkofag ...

Desha të çmendem
Nuk më lanë
Më thanëa mjaftë të çmendur ...

Dhe shtuan :
-Së pari kuptohet vetja
Atëherë i mirret erë
Flladit të pranverës ...



BIJËS SIME
Fitores

Nuk të dua aq shumë
vetëm për faktin se pjesë e imja je
Të dua mbase edhe për diçka krejtësisht tjetër
Se në syrin tënd ngjyrë gështenje
Përherë rri zgjuar syçeltësia
Se në ballin tënd bën rojë guximi
Fytyrën tënde buzëqeshja e stolis
Të dua se ecën aq sigurt
Shtigjeve të jetës bija ime...

ALBANIAN PEOPLE NEVER DIE



SERBIA ,RUSIA,GRECCES /F/U/C/K/ YOU ALL (YOU ARE ALL /G/A/Y/ MFFFFFF ALL :@)

[mondishall]

CEREMONI MORTORE

Përditë lidhen nyjet mbrapsht,
Kush t'i zgjidh ato pastaj?
Poeti me penën?
Piktori me ngjyra e brushat?
Apo anagramisti t'i anagramoj?

Për natë sajohen krime enigmatike
Të përshpejtuar me katalizatorë
Kush t'i zbulojë ato?
Skulptori me daltën e çekanin?
Atleti me vrapim sprint?
Balerina me kërcim elegant?

Në mesditë na vidhet shpresa
Syhapur shikojmë katandisjen
Kush do ta kërkoj pastaj?
Peshëngritësi me 150 kg. në duar?
Boksieri i tronditur nga grushtimet?
Apo mos vall i moshuari në azil?

Të gjithë ne duhet zgjuar zgabimthi
Nga kjo ëndrra e keqe shekullore
Me vota në ceremoninë mortore
Ta varrosim lëndinës së harresës...

Kafene e piva, mbaroi, por ushqimi shpirteror i ketij mengjesi sajuar me mjeshteri nga ju z.Agim s'ka si te mbaroje kollaj. Me shume se domethenese kjo poezi, nepermjet nje gjuhe qe tashme ka emrin e vet, Agim Metbala. Uroj nje kalim dhe mbyllje te shendetshme, frymezuese dhe te gezueshme te funddites se gushtit.