Mjaft: Berisha Ik! Mjaft kërkon dorëheqjen e kryeministrit Berisha

[OO7]

Te perdoresh ketu ne forum si kunderargument vendndodhjen gjeografike do te thote te konsiderosh 80% te postimeve te pa-vlefshme, nganjehere duke perfshire dhe ato te kunderargumentuesit.

Unë skam si të bëhem ekspert në cështjet e politikës Kosovare, Amerikane, Angleze etj etj kur nuk di asgje rreth tyre. Nuk kam se si ta di me mirë se ai që jeton vetë atje se cfarë politikash ndiqen nga parti të ndryshme dhr nga shteti. Ska se si ta dijë Baptist se sa thellë është i ngulur korrupsioni këtu. Ska se si ta dijë (unë gjithashtu) më mirë se banorët e Vorës dhe Gërdecit cfarë ndodhi atje e cfarë kërkojnë ata mbas tragjedisë, të njëjtët banorë që e mbështesin lëvizjen Berisha, IK! Të njëjtët banorë që në 3 korrik i dhanë fitoren PD-së. Po të njëjtët që i dhanë fitoren 2 vjet më vonë në zgjedhjet lokale. Ska se si ta dijë se mjekët të lënë edhe të vdesësh po su dhe ndonjë lek. Ska se si ta dijë se polici rrugor të ndalon kot më kot për të marrë ndonjë lek. Ska se si ta dijë se cfarë kërkojnë ata që jetojnë këtu. Ska se si ta dijë sepse nuk i përjeton vetë këto.

[Breshka]

Operacioni “Gërdec”, përfundon pastrimi i zonës, mundësohet kthimi i banorëve
(23.03.2008)
Operacioni i pastrimit të zonës në Gërdec, e prekur nga shpërthimi i municioneve luftarake një javë më parë, përfundoi dje pas një pune të gjatë njëjavore dhe me pjesëmarrjen e forcave ushtarake të Komandës së Bashkuar, Policisë Ushtarake, në bashkëpunim me një ekip ekspertësh danezë dhe nga specialistët e asgjësimit të municioneve. Me pastrimin e zonës pritet kthimi banorëve, të cilët do të sistemohen fillimisht në çadra deri në ndërtimin e plotë të banesave të shkatërruara


Përfundoi dje pastrimi i fshatrave të prekura nga shpërthimi i fabrikës së ccmontimit të armëve në Gërdec dhe pas kësaj banorët mund të rikthehen menjëherë në shtëpite e tyre. Komandanti i Forcës së Bashkuar, Shpëtim Spahia, ka deklaruar dje se me pastrimin e zonës së prekur nga shpërthimi i municioneve një javë më parë, bëhet i mundur edhe kthimi i banorëve në banesat e tyre. Por duke qenë se shumica e shtëpive janë të shkatërruara, Spahia u shpreh se në pamundësi që banorët të strehohen në shtëpitë e tyre, janë shpërndarë cadra e ndihma, për nevojat me urgjente. Ai deklaroi gjithashtu se rezulton ndërkaq që 1000 ha tokë në fshatrat e Vorës është e infektuar ndër të cilat 100 ha janë më të kontaminuarit nga lëndët shpërthyese nga fabrika e Gërdecit. Ndërkaq, operacioni i Gërdecit që hyri në ditën ne tetë të kërkimeve, sipas Major Astrit Kondi, specialist i marrëdhënieve me publikun në Komandën e Forcës së Bashkuar në Ministrinë e Mbrojtjes, në bashkëpunim me një ekip ekspertësh danezë, nga specialistët e asgjësimit të municioneve vazhdon puna për kërkimin në vatrën e shpërthimit. Trupat e angazhuar në këtë operacion e kanë përqendruar punën e tyre, në kontrollin e zonës dhe shënimin e municioneve të papalsura, në kontrollin dhe pastrimin e rrugëve dhe shtëpive në zonat e infektuara, në grumbullimin dhe transportimin e predhave të paplasura të skrapit të grumbulluar. Në bashkëpunim me pushtetin lokal dhe Policinë e Shtetit, sqaroi kolonel Kondi po vazhdon shpërndarja e ndihmave për banorët e zonës. Ndërsa, Komanda e Forcës së Bashkuar në Ministrinë e Mbrojtjes, konfirmoi rezultatet e operacionit të kërkimit për periudhën 15-22 mars 2008. Sipas major Astrit Kondit, gjatë operacioneve të kërkimit në zonat e prekura nga ngjarja e 15 marsit, deri tani është kontrolluar një sipërfaqe prej 300 ha, janë pastruar 144 ha, si dhe 5000 metra linearë rrugë. Ndërsa në bashkëpunim me pushtetin lokal janë transportuar dhe shpërndarë 14 ton ndihma. Gjatë kontrolleve në zonë, janë grumbulluar 1.803 copë municione, 574 copë predha të paplasura. Në fshatrat Marqinet dhe Gërdec, janë pastruar 516 banesa. Në bashkëpunim me Policinë Ushtarake, tha major Kondi, janë transportuar materialet e 49 familjarëve. Gjithashtu janë transportuar mbeturina skrapi me 28 mjete, ndërsa janë groposur 22 gjedhë, 4 bagëti të imta, 3 derra, 4 njëthundrakë, si dhe 203 shpendë. Ndërkohë, janë akomoduar në Shtëpinë e Pushimit të Forcave të Armatosura në Durrës 157 banorë, të cilët janë furnizuar me veshëmbathje, nga Ambasada Amerikane dhe me ndihma nga firma Esko Market. Forcat pjesëmarrëse në operacionin “Gërdeci 08”, janë 520 trupa, 51 mjete, 8 ambulanca dhe 8 helikopterë në gatishmëri. Ndërsa në Institutin e Mjekësisë Ligjore janë identifikuar edhe tre viktima të tjera, që humbën jetën në ngjarjen e Gërdecit të ndodhur më 15 mars. “Analizat e ADN-së vërtetuan identitetin e viktimës Arben Hasa, 42 vjeç, Zelie Kaca, 28 vjeç dhe Endrit Vorani, 40 vjeç”, deklaroi drejtori i këtij Instituti, Besim Ymaj. Gjithashtu analizës së ADN-së po i nënshtrohen edhe mbetjet e karbonizuara të dy viktimave të gjetura dy ditë më parë në fshatin Gërdec.
ALUIZNI: Kompensimi i objekteve në Gërdec sipas vlerës së tregut/Për të gjitha objektet e shkatërruara të cilat kanë qenë shtëpi banimi do të ndërtohen me një çmim që do të bazohet në koston mesatare të ndërtimit në kryeqytet. Banorët dhe bizneseve që kanë pësuar dëme nga shpërthimi në Gërdec do të kompensohen me vlerën e tregut. Sipas ALUIZN-it, për të gjitha objektet e shkatërruara të cilat kanë qenë shtëpi banimi do të ndërtohen me një çmim që do të bazohet në koston mesatare të ndërtimit në kryeqytet. Ndërsa për strukturat e tjera, kompensimi do të bëhet sipas çmimin e tregut nga Enti Kombëtar i Banesave. Drejtuesit e agjencisë se legalizimeve bëjnë të ditur se krahas këtij kompensimi banorët e prekur nga kjo tragjedi do të përfitojnë edhe ndihmën financiare që ka akorduar qeveria për ta dhe që llogariten në 2 milionë lekë për familje. Ndërsa Drejtoria e Përgjithshme e Tatimeve ka deklaruar dje se brenda datës 26 mars përllogarit të gjithë vlerën e dëmeve të shkaktuara subjekteve nga shpërthimi në Gërdec. Drejtoria e Përgjithshme e Tatimeve do të dërgojë në këtë datë zyrtarisht pranë Ministrisë së Financave, vlerën e përllogaritur të dëmeve të shkaktuara subjekteve të prekura nga ngjarja në Gërdec. Kësisoj, grupet e punës duhet që brenda datës 25 Mars 2008, të kenë përfunduar dorëzimin e vlerësimeve pranë DPT-së. Ministria e Financave urdhëroi ngritjen e grupeve teknike të punës për verifikimin dhe vlerësimin në terren të dëmeve të shkaktuara subjekteve, të cilët operojnë në juridiksionin e bashkisë Vorë dhe komunat e fshatrat përreth. Në përbërje të grupeve të punës janë nga 2 inspektorë respektivisht nga Dega e Tatimpaguesve të Mëdhenj dhe nga Dega e Tatimeve Tiranë, në varësi të statusit të subjektit. Grupi i punës, për çdo subjekt të verifikuar në terren, ka për detyrë që të hartojë dhe mbajë proces-verbal konstatimi dhe vlerësimi për dëmet e evidentuara. Proces-verbali duhet të përmbajë të dhëna të sakta duke specifikuar sipërfaqen e dëmtuar në m2, çmimin e përafërt të sipërfaqes së dëmtuar në lekë/m2, vleftën në lek/m2, si dhe të dhëna të tjera, të cilat gjykohen nga grupi i punës të nevojshme në ndihmë të procesit të vlerësimit. Urdhri i Ministrisë së Financave përfshin edhe shoqërimin e proces-verbaleve me fotografi digjitale të objektit dhe pjesëve të dëmtuara të tij. Sipas urdhrit, do të mbahen proces-verbale për bizneset, të cilat kanë ndërprerë aktivitetin e prodhimit për shkak të dëmtimeve, mungesës së energjisë elektrike apo ndonjë rrethanë tjetër që lidhet me ngjarjen. Për të gjitha rastet e konstatura, administrata tatimore do të kryejë sistemimet përkatëse në këstet e paradhënies së tatim-fitimit si dhe kontributeve të sigurimeve shoqërore dhe shëndetësore për periudhat në vijim, duke evidentuar në dosjet respektive të subjekteve çdo sistemim dhe veprim të kryer. Në proces-verbal do të shënohen edhe informacioni nga bizneset si dhe shoqëritë e sigurimeve për subjektet, të cilët rezultojnë të dëmtuar nëse janë të siguruar pranë kompanive të sigurimeve, vleftën e objektit të siguruar dhe nëse kanë filluar apo janë në proces të procedurave të dëmshpërblimit nga ana e kompanive të sigurimit

[Duaje Siveten]

Gazeta Sot, Saturday, 22 March 2008

Ish-ushtarakët: Aferat korruptive të shtetit “mënjanuan” Poliçanin

Berat

Tashmë që vdekja është ulur “këmbëkryq” në tragjedinë e fshatit Gërdec të Vorës, për shkak të municioneve të grumbulluara nga tunelet e reparteve ushtarake në të gjithë Shqipërinë, ethet e frikës janë shtuar edhe më shumë në radhë të parë nga banorët e zonave ku ndodhen bazat e mbushura me armatim, por edhe nga banorët e fshatrave dhe qyteteve për rreth tyre.

Ndërkaq, ish-ushtarakët, të cilët tashmë ndodhen në pension, mendojnë se Ministria e Mbrojtjes është fajtorja kryesore e kësaj tragjedie, e cila do të ishte shmangur nëse do të ishin zbatuar ligjet e shtetit.Ndërtimi i fabrikës së çmontimit të armëve dhe municioneve në Gërdec, sipas tyre, ka të bëjë me aferat korruptive në të cilët ishin përfshirë Ministria e Mbrojtjes dhe kryeministri Berisha.

Zoti I. Ç., ju jeni ushtarak i karrierës dhe i njihni të gjitha repartet ushtarake dhe tunelet e mbushura me municione. Mund të na shpjegoni rrezikun që u kanoset banorëve aktualisht për shkak të këtyre reparteve?

Që në fillim po ju them se unë kam punuar në repartet ushtarake të Qarkut të Beratit, që nga mosha 25 vjeç, menjëherë sapo përfundova studimet e larta në akademinë ushtarake. Për fatin tim të mirë apo të keq i di me pëllëmbë se si janë ndërtuar, ku ndodhen dhe se çfarë kanë brenda tunelet, apo e thënë ndryshe, ku “kurdiset” vdekja e banorëve pranë tyre apo edhe të zonave përreth. Kur jam emëruar për herë të parë në bazën e Gjorovenit, që në atë kohë ishte edhe baza me e madhe e jugut, u çudita që ushtria jonë kishte aq shumë fuqi dhe që ishte shumë e pasur. Në ato vite nuk i lejohej asnjë ushtaraku, që të nxirrte sekrete, pasi dënohej me burg, por tani mund të them se në ato magazina kishte vërtet sy njeriu. Deri në atë moshë nuk kisha parë aq shumë armatime dhe municione, kur pashë për herë të parë armët dhe predhat e siluruesve të flotës detare ushtarake rezervë, si dhe miliona municione të ndryshme të kalibrave të ndryshëm. Me miratim të shefit të shtabit të përgjithshëm, më dërguan me shërbim në tunelet e fshatit Mbreshtan. Aty filluam ndërtimin e tyre, që nuk ishin pak por më shumë se 24 apo 25 tunele. Ndërtimi i tyre në tokë dhe betonimi, si dhe mbushja me municione vazhdoi deri në vitin 1980 apo 1981, por që mbushje pati edhe më pas. Unë mund të them që 5 nga këta tunele po të hidheshin në erë, pra t’u jepej mundësia bandave të Beratit të atij viti kur shteti ishte inegzistent, fuqia e shpërthimit të tyre do të kishte shkatërruar totalisht Beratin, por dhe më shumë se 20 fshatra për rreth tij.

Kush është xhenier, e di se çfarë fuqie kanë qindra ton dinamiti apo qindra tonë tritol. Që në përgjigjen e pyetjes së parë, po ju them se në tunelet që gjenden në rrethin e Beratit e të Skraparit, brenda tyre ndodhen gati 50 për qind e municioneve dhe armatimeve që kanë tunelet e të gjithë Shqipërisë. Në tunelet e fshatit Mbreshtan u ktheva vetëm në ditët e trishtueshme të vitit 1997, ku dhe i lutesha zotit dhe një fadromisti, të cilit i kërkoja që të zinte grykën e tunelit 13, tunelit 2 dhe 6, të cilët ishin tejet të rrezikshëm.

Cilët janë tunelet e tjerë të rrezikshëm për jetën e banorëve në rrethin e Beratit?

Në rrethin e Beratit kanë qenë 28 reparte ushtarake me tunele të cilët kishin armë, municione si dhe kapanone, por më të spikatur kanë qenë dhe mbeten tunelet e Konesbaltës, në të cilin ka një sasi të konsiderueshme municionesh dhe armatimesh të magazinuara që ende qëndrojnë edhe sot në atë tunel.

Si xhenier, unë e di mirë që municionet qëndrojnë në depot e mirëajrosura deri në 25 vjet, nëse ajrimi i tunelit të mbushur me municion do të bëhet në kushte normale, por mos harroni se për 17 vjetët e fundit askush nuk e ka marrë mundimin të zbatojë rregulloren ushtarake dhe ajrimi nuk bëhet normal. Ndaj, në këto momente shtohet edhe rreziku i shpërthimit të tuneleve. Në vitet e diktaturës kishte një regjistër ku dhe ndërroheshin municionet që mbushnin 20 vjet, madje këto municione asgjësoheshin dhe vendin e tyre e zinin prodhimet e uzinës të municioneve të Poliçanit.

Por, rrezikshmëria e tunelit të Konesbaltës është se në atë tunel gjatë vitit të mbrapsht 1997, hynë shumë banorë që dhe lëvizën qindra arka me fishekë e municione të ndryshme dhe se ende edhe sot nuk e di nëse janë larguar arkat me municione, pasi sasia e madhe në mijëra ton nëse kjo depo shpërthen, do të shkatërronte Konesbaltën, Pashallin dhe disa fshatra për rreth saj si Poshnje etj. Mund të them se kushdo që ka hyrë brenda në tunel nga pjesa e malit nga fshati Bistrovicë, unë kam qenë ushtaraku që rrija i ulur pranë derës dhe iu lutesha që të mos hynin në tunel me çakmak dhe shkrepëse, apo cigare të ndezur. E bëja këtë për të shpëtuar ata njerëz të pafajshëm që për faj të politikës të asaj kohe, nuk dinin se çfarë po bënin. E bëja këtë në këmbim të dashurisë time që kisha për zanatin që kisha marrë në bangat e shkollës dhe më pas në auditoret e akademisë ushtarake. Në fund të fundit, kjo ishte detyra ime që kisha marrë përsipër në jetë për ta kryer.

Në fshatin Vërtop

Ndërsa, tunelet e Mbreshtanit dhe të Konesbaletës përbënin një rrezik madje të madh, po aq rrezik përbënin edhe depot e repartit ushtarak 41-53 në Vërtop, depo që janë ngjitur me një lagje, e cila ka shekuj që banon në vendin ku janë ndërtuar depot dhe së bashku me to edhe depot e armatimit të rëndë. Depot e Vërtopit, nga ku dhe muajt e fundit ngarkoheshin Ifat e ushtrisë dhe shkonin drejt Gërdecit ku dhe ndodhi tragjedia, janë depo të mbrojtura vetëm me një rrjetë me tela gjëmash, por që nuk janë shumë të sigurta edhe pse këto depo mbrohen me ushtarë. Në këto depo, e di mirë që ngarkohen municione të rënda dhe të kalibrave të ndryshme.


Skrapar- Ja si e komenton situatën rreth tragjedisë së Gërdecit, një tjetër oficer karriere që ka punuar për më shumë se 32 vjet me armatimet nga njëri tunel në tjetrin, në rrethin e Skraparit.

Zoti, G. S., ju jeni xhenieri që keni shërbyer për mbi 30 vjet në tunelet e reparteve ushtarake të Skraparit. Cili është komenti juaj lidhur me tragjedinë e Gërdecit?

Aktualisht, tani që po më pyesni kam dalë në pension. Unë si ushtarak, jo vetëm i dënoj ashpër personat përgjegjës të tragjedisë së Gërdecit, por si ushtarak karriere nuk ua fal këtë tragjedi ushtarakëve të Ministrisë së Mbrojtjes. Po të kisha fuqi madhore, të gjithë ushtarakët do t’i kisha kalbur në burg. Në ka viktima të pafajshme, por që kanë vdekur për faj të dikujt, këta ushtarakë do të vareshin në litar që dhe unë do të isha dakord.

Ku është shteti, çfarë bën? Ruan ëndrrat, lopët, apo prostitutat? Për mua ata janë vërtet armiq dhe duhen ndëshkuar. Berisha duhet t’i shkrijë komplet ushtarakët e Ministrisë së Mbrojtjes nëse është burrë, se kështu vihet ushtria në detyrë dhe nuk ndodhin këto tragjedi.

Unë nuk e kuptoj kur thotë kryeministri që “nuk e dija se çfarë po ndodhte në Gërdec”, apo Fatmiri që thotë se “isha në rregull me dokumente”? E di zoti Fatmir që në qarkun e Beratit dhe pikërisht në Poliçan është uzina e prodhimit të municioneve dhe së fundi dhe e prodhimit të armëve? Po ky kombinat ka 7 vjet që çaktivizon municione që me sa kam dëgjuar deri tani ka çaktivizuar rreth 20 mijë tonë dhe nuk ka bërë as incidentin më të vogël. Ja, për këtë duhet dënuar ministri dhe ushtarakët e Ministrisë së Mbrojtjes.

Si ushtarak karriere, a jeni në dijeni nëse lëvizja e municionit nga tunelet e Skraparit për në Gërdec, duke lënë pas Poliçanin, ka përfshirje në afera?

Nëse nuk e ke kuptuar nga këto që po ndodhin tani pas shpërthimit dhe humbjes së jetës së banorëve të pafajshëm, po jua them unë që ka korrupsion të madh. Ka krim, ka injorim, afera. Për mua të gjithë përgjegjësit duhet të futen në burg dhe firmave t’u sekuestrohen të gjitha fitimet që i kanë fituar duke u pirë gjakun punëtorëve dhe banorëve të pafajshëm.

Nuk e kuptoj se si kjo ministri anashkalon Poliçanin dhe municionin e transporton 200 km për t’u ardhur në ndihmë kontrabandistëve të armëve. Për mua, kjo qeveri që vetëm vjedh dhe vret njerëz të pafajshëm, duhet të kishte ikur menjëherë. Për të bërë transportin deri në Gërdec, një makine i duhen jo më pak se 100 mijë lekë për rrugë, po të llogaritësh sa makina punojnë për transportin e municioneve, në një kohë që nga tunelet e Skraparit dhe të Beratit, uzinën e çmontimit të Poliçanit e kanë larg vetëm 15 km dhe shpenzimet janë vetëm 10 mijë lekë për rrugë.

A nuk është kjo një vjedhje që qeveria dhe Ministria e Mbrojtjes ia merr taksapaguesve dhe ua jep të gatshme kontrabandistëve të armëve? Kjo do të thotë që Saliu dhe qeveria e tij është e përfshirë këmbë e kokë në afera me municionet, gjë që e kupton kushdo që bën një analizë të hollësishme të ngjarjes.

Nga ana tjetër, ish-ministri i Mbrojtjes, Fatmir Mediu e dinte mirë Poliçanin dhe që duke analizuar vetëm këtë fakt, vetë ai rezulton i përfshirë këmbë e kokë në afera, pasi ministri e di mirë se ku ndodhet çdo repart ushtarak, të cilët varen tek ai, bashkë me aktivitetin që kryejnë. Pra, ky ministër nuk paska ditur se ku ndodhet një uzinë armësh dhe municionesh, të cilën e di i gjithë Ballkani e bota? Ai është fajtori kryesor, i cili duhet të mbajë përgjegjësinë e të dalë para drejtësisë dhe të japë llogari sipas ligjeve.

[Dragut]

Kaq më mjafton për ti dhënë fund debatit me ty sepse sapo kuptova përse cka thua është kaq e pa saktë dhe krejtësisht pa lidhje.

Të përshëndes.

kët se kapa unë... pse re ne të tjerët që thithim smog Tirone duhet me i dhon fund diskutimit me ju që hani hamburgera anej se ju nuk i dini gjonat...

...ça ju duhet juve me kryeministrin ton mër jau... ju jetoni jasht.. meruni me Prodin që ngriti takat apo me zezo Obamën... ça doni ju me kryeministrin e Shqipnis?! ktu të flasin ata që jetojnë në Tiranë... se ju as nuk ktheheni me votu e jo më me kërku dorheqje...

P.S.. ai Gimi3 dhe La lune po bojn punë kundra meje tek klika forumit që të mos bohem moderator...shumë gjyna se do ju kositja të gjithve ju mjaftistave

[Lioness]

Te perdoresh ketu ne forum si kunderargument vendndodhjen gjeografike do te thote te konsiderosh 80% te postimeve te pa-vlefshme, nganjehere duke perfshire dhe ato te kunderargumentuesit.

drity, nuk e kam perdorur ne kuptimin "mos shkruaj se ..." s'je aty. Por ne kuptimin qe nqs nuk e perjeton ate realitet sic e jetojne shqiptaret atje dite per dite, eshte veshtire te argumentosh si nje pozicion, si tjetrin, dhe per me teper, te kuptosh se shume ketu nuk kerkojne qe te bejne "revolucion partiak" por se zemerimi i tyre lind nga pakenaqesia, nga zhgenjimet e jetes se perditshme.

Ja po hedh ca copeza bisedash nga behari kur isha atje:

Vellai im mbaroi juridikun dhe kishte nje vit e ca pa pune. (Ka filluar tani ne nje firme private ne Durres)

Nje nepunese e larte ne hipoteken e Tiranes (nuk po jap vendin e saj te sakte te punes per ceshtje anonimiteti:
-Kerkohen juriste ne hipoteken e Tiranes.
-(Motra ime) e di, se punojne disa goca atje qe i njoh, mezi kane mbaruar juridikun.
-(Une) Po mire, te vije vellai im per nje interviste. Cilat jane kriteret?
-(Ajo) Duhet te kete Teseren e Partise Demokratike, nder te tjerash
-(Une) Juristet???? Duhet te jene anetare partie?
-(Motra) Ehuuu, s'je ketu ti.

Nje tjeter:

Vjerri i motres ka firme ndertimi (nder te tjerash.) Tani s'do t'ia dije per politike, por ka qene me PS. Gjate kohes se Nanos, i vinin kontratat kollaj. Tani shume veshtire. (Ketu s'po mbaj anen as te vjehrrit, lol, as te PD e PS. Thjesht dua te ve ne pah korrupsionin.)

-(Ai) Shyqyr qe morem kete "tender" se ishim keq per ca kohe.
-(Une) Sa ishte?
-(Ai) 60 milione leke (Me shume se 60 mije dollare). Krahu i punes, materiali vajten rreth 30 milione, fitimi 30 milione.
-(Une) 50% fitim???? As firmat farmaceutike (qe kane % me te larte te fitimeve ne US) nuk kane 50% fitim.
-(Ai) Projekt i vogel, nje rruge ne maje te malit ishte, me zhavorr, s'u kushtohet shume rendesi.
-(Une i them motres me vone jo ne prani te vjehrrit lol) Lum ai vjehrri yt per kete qeveri.

Nje tjeter situate.

Kusherira ime punon ne ministri juriste. Hedh firmen e aprovimit si juriste e qeverise kur aprovohet nje tender apo tjeter. Firmat qe konkurrojne duhet te mbushin kritere te caktuara sipas ligjeve perkatese, apo projekteve perkatese. Por shume here, para se te aprovohet nje kontrate, bie telefoni qe nga "lart" dhe i jepet urdhri: Do aprovosh kete, dhe jo kete. Rezumeja e firmes ne fjale s'ka arritur akoma zyren e kusherires per te pare a i permbush kriteret e percaktuara.
Kur e pyeti kunati se si i behet per te konkuruar per ndonje tender, nder te tjerash ajo tha qe rezumeja duhet te jete e gjate. Por mos u be merak, se s'ti kontrollon njeri te dhenat (shume prej tyre fallco.)

Mbaj mend babi im i thoshte ta linte fare ate pune (eshte jetime, i ka vdekur i ati). Se jo vetem me stres, por ne fund po u be ndonje gje, ia hedhin fajin asaj qe hodhi firmen. Sa hidhur me tingellon kjo keshille tani, duke pasur parasysh lojen e fajit qe po luajne qeveritaret me tragjedine e Gerdecit. (Ne fakt kam nja dy jave pa folur me te, ta pyes cfare behet nga puna, por s'besoj se eshte marre me kete kontrakte se do me kishin thene ata te shtepise.)

Keto jane grimca nga realiteti i korrupsionit ne Shqiperi. Grimca shume te vogla por kur i thone ketu "pieces of the puzzle." Kam thene qe ne fillim te temave per tragjedine e Gerdecit. Eshte kurorezim i ketij korrupsioni shume-vjecar qe po na merr shpirtin.

[OO7]

kët se kapa unë... pse re ne të tjerët që thithim smog Tirone duhet me i dhon fund diskutimit me ju që hani hamburgera anej se ju nuk i dini gjonat...

...ça ju duhet juve me kryeministrin ton mër jau... ju jetoni jasht.. meruni me Prodin që ngriti takat apo me zezo Obamën... ça doni ju me kryeministrin e Shqipnis?! ktu të flasin ata që jetojnë në Tiranë... se ju as nuk ktheheni me votu e jo më me kërku dorheqje...

P.S.. ai Gimi3 dhe La lune po bojn punë kundra meje tek klika forumit që të mos bohem moderator...shumë gjyna se do ju kositja të gjithve ju mjaftistave

Ate smog që thith ti përditë thith edhe unë. Biles me raste edhe të njëjtin smog (dhe pluhur tani qe po bëjnë punime rruge) laprake

[Ingenuous]

Zotit Sali Berisha, Kryeministër i Republikës së Shqipërisë,

Shpërthimi i uzinës së çmontimit të armëve në Gërdec është një tragjedi e pashembullt. Ne, qytetarë shqiptarë, mendojmë se ky është veç një demostrim me përmasa makabre i mënyrës sesi funksion Shqipëria nën pushtetin Tuaj, bazuar mbi mungesën e respektit për integritetin fizik e moral të njeriut.

Jemi të ndërgjegjshëm, z. Berisha, që Ju nuk jeni fajtori për mungesën e kontrollit të kualifikimit dhe moshës së personave që punonin në Uzinën e Vdekjes në Gërdec, por Ju keni zgjedhur në Këshillin tuaj z. Fatmir Mediu, përgjegjës kryesor i katastrofës. Superior i drejtpërdrejtë hierarkik i z. Mediu, Ju keni treguar, dhe një herë më shumë, paaftësi për të zgjedhur bashkëpunëtorët Tuaj për të drejtuar vëndin dhe, si i tillë, nuk e meritoni më besimin tonë.

Ju lutemi të jepni dorëheqjen dhe të paraqiteni vetë para organeve të drejtësisë në mënyrë që të vendosin pjesën Tuaj të përgjegjësisë në këtë tragjedi të pashoqe.

Me shpresë se Ju do të tregoheni më në fund i ndërgjegjshëm.

Berishaik.com

[Bledari]

Nje katastrofe e vertete ajo qe ndodhi ne fshatin Gerdec te Vores.
I bashkohem dhe une iniciatives

BERISHA IK

[Davius]

Këtë që bën Edi me shokë, i thuan: 'Të tentosh të kapësh pushtetin, duke shfrytëzuar tragjedinë e popullit'. Po ç'faj pati Sali Berisha pse plasi uzina e armëve në Gërdec!? Shqipëria ka 1001 e një anomali si shtet, dhe pas çdo katastrofe duhet të largohet kreyplaku i shtetit, apo? Po sikur të hiqet një paralele në mes sulmeve të 11 shtatorit në SHBA dhe ngjarjeve të Gërdecit, atëherë ç'duhej të kishte bë administrata amerikane atëkohë dhe ç'duhet të bëj qeveria shqiptare tani? Aman, më të ndërgjegjshëm duhet të jeni, se nuk është koha të fitohen pikë politike në elektorat, por duhet të ballafaqohemi me realitetin, se Gërdeci ndodhi, e të mos ndodh më. Po sikur të ishte Ed mafiozi në krye të shtetit, vallë nuk do të ndodhte kjo gjë? Apo, ai do të ishte perfekt në caktimin e njerëzve që do të udhëheqin depot, ushtrinë apo inspektoratin?

[Breshka]

Nekro-politiku Erion Veliaj u bën publicitet 99-shave të tij me tragjedinë e Gërdecit
(24.03.2008)
Në dhimbjen e madhe që shoqëroi tragjedia e Gërdecit, u bashkuan me solidaritet dhe mesazhe ngushëlluese të gjithë shqiptarët kudo që ndodheshin brenda dhe jashtë vendit, pa dallime partiake, ideje apo feje. Në këtë drejtim, tragjedia e Gërdecit në një farë mënyre bashkoi edhe politikën shqiptare, ç’ka përbën mesazhin më inkurajues dhe më bindës për të bashkëpunuar në këto ditë të vështira. Por një pjesë e eksponentëve politik të pamoralshëm, duke shfrytëzuar këtë tragjedi për kapital politik, synuan të shkaktojnë destabilitetit politik dhe amulli në funksionimin e shtetit dhe të strukturave qeverisëse. Kjo përbën edhe formën më të latë të ndërgjegjësimit, të bindur se në parlamentin shqiptar dhe jashtë tij ekzistojnë fraksione antishqiptare që në veprimtarinë e tyre, kanë si rol parësor të shfrytëzojnë pikërisht situatat e vështira, për të shkaktuar konfliktualitetin politik dhe për të shkaktuar tek shtresat e popullsisë idenë e kryengritjes apo të revolucionit që duhet të organizojnë për të shembur qeverisjen aktuale dhe ardhjen në pushtet të fraksioneve me synime antishqiptare dhe që nuk punojnë për të mirën e përgjithshme dhe as në interesin e përgjithshëm, por i referohen pazareve me të huajt. Në këtë aspekt, ndonëse në paraqitjen mediatike shohim reagime dhe kundër reagime, për ç’do çështje me tipare politike, apo sociale që kërkon një interpretim dhe trajtim të veçantë, në mënyrë që të rezultojë një zgjidhje sa më konkrete, për të ardhur sado pak në ndihmë, në asnjë rast, i vetëm qoftë, nuk është paraqitur asnjë mundësi konceptualisht programore dhe ideore, por më tepër janë përqendruar në gjetjen e zgjidhjes për të fituar kapital politik dhe për të nënshtruar qeverinë. Kësisoj, e njëjta situatë u përsërit edhe në tragjedinë e Gërdecit e cila mori jetë njerëzisht dhe dëme madhore materiale, (të cilat në rastin më të mië po kompensohen nga shteti i ndihmuar edhe nga donacionet ndërkombëtare dhe nga kontributet e bizneseve në vend, e në mënyrë të vecantë nga kontributet e vetë qytetarëve apo edhe studentëve, të cilët nuk kanë qenë të pakët), hienat përsëri dolën në pah. Megjithëse nuk vlen të përmenden ata valltarë socialistë të cilat luajtën me tragjedinë, ndodhia më e fundit ishte njeriu i afër i Kryetarit të Partisë Socialiste Edi Rama, ish drejtuesi i lëvizjes Mjaft! Erion Veliaj, i cili me paturpësinë e tij, shkoi në Gërdec dhe “festonte” të shtatat e tragjedisë së rëndë të Gërdecit, në cilën deri tani shënohen 22 viktima. Ndonëse u paraqit me ngushëllimet e tij adresuar të të dëmtuarve dhe familjarëve të viktimave, ai i bëri publicitet lëvizjes së tij G99, duke thurur lavde dhe duke premtuar se me përfshirjen e lëvizjes së tij politike në parlamentin shqiptar në zgjedhjet parlamentare të vitit 2009, gjithçka do të ndryshojë dhe do të marrin fund njëherë e mirë vuajtjet dhe mundimet e shqiptarëve. Ai i bëri publicitet G 99-ës dhe stafit të kësaj lëvizjeje të dyshimtë, e cila do të shërbejë si një vepruese paralele apo satelite e Partisë Socialiste dhe në funksion të veçantë të synimeve dhe inspirimeve të ylberistëve të PS-së, të kryesuar nga Edi Rama të cilët të mbetur vetëm, tashmë po krijojnë terrene për afrimin e fraksionistëve destabilizues të mazhorancave qeverisëse. Ish-drejtuesi i lëvizjes Mjaft! Erion Veliaj, shfrytëzoi pikërisht një nga tragjeditë më të rënda në vend, për të vënë në pah dhe në epiqendër nëpërmjet komenteve mediatike idenë se ai ishte aty për të ngushëlluar të gjithë të prekurit e kësaj tragjedie, por në një moment të caktuar ai bëri thirrje për protesta mbarë popullore për të larguar nga qeveria Sali Berishën. Në atë moment kur të gjithë të prekurit e kësaj drame madhore prisnin ndonjë ide të qartsë se si e mendon Erioni kapërcimin e kësaj situate dhe cilat janë stragjitë e mundshme për tia dalë mbanë, ai filloi të përdorë manipulime të ndryshme, në përpjekje e sipër për të diktuar dhe thurur intrigën e pakënaqësisë që banorët duhet të shprehnin kundër qeverisë aktuale. Të njëjtën procedurë ai e ka ekspozuar edhe në paraqitjet mediatike, ku duke u prezantuar si drejtues i një lëvizjeje apolitike apo politike qoftë, të cilën nuk e ka të qartë as vetë Erioni, ka bërë thirrje për kryengritje dhe bojkot ndaj qeverisë. Në Gërdec, morali i truthiasur politik i tij arriti kulmin e pandërgjegjshmërisë kur tha se “do të vazhdojnë të gjitha format e protestave nëpërmjet së cilave do ti kërkohen kryeministrit Berisha largimin nga posti i kreut të qeverisë”, ndonëse nuk ishte aty për të propaganduar kundër qeverisë. E gjithashtu duke e konsideruar veten si një njeri human nuk ndërmori asnjë nisëm në dobi të të prekurve nga tragjedia në zonën e Gërdecit, por ishte aty për një vizitë dhe promovuar vlerat e lëvizjes së dyshimtë të tij.