Majko apo Nano si kryeminister i vendit ?

[Eni]

Kjo ndoshta eshte pyetja qe çdo kush nga ne i ben vetes ne keto dite.

U arrit te kemi nje president "konsensual" fale nje dakordi mes lidereve te dy partive me te medha te vendit dhe tashme pas presidentit i ka ardhur radha qeverise.

A jene te kenaqur njerezit nga Qeveria Majko ?

A jane te kenaqur me te, partite politike ne Shqiperi ?

Po vete kryetari i PS, Nano, çfare bluan ne koke ne keto momente ?

Po Berisha, a do ta ndihmoje ne kete faze,per ta ngritur ne kryeminister Nanon, aq te urryer nga vete opozita e lideri i saj ?

Ne PS ka dale moda te krijohen lloj-lloj levizjesh, ndoshta kjo nje kopjim i metodave pd-iste, si ajo e reformatoreve.
Tashme ne PS ka lindur "levizja per progres" qellimi kryesor i se ciles eshte te bejne te heshtin shtrigat e liga ne PS, te shkoqitin mosmarreveshjet dhe te gjejne gjuhen e perbashket per te mbajtur Majkon ne pushtet e menjanuar Nanon nga realizimi i endrrave te tija karrieriste.

Jemi pra ne nje situate tipike shqiptare, ku i pari s'merr vesh te dytin dhe lemshi i politikes duket se akoma nuk eshte shkoklavitur e pret te zone per ta bere kete gje.

Po kush e ka ne dore nje gje te tille?
Kush mund te thote se ky apo ai do te rri apo hipi ne kolltikun e kryeministrit ?

Majko a do te qendroje më si kryetar i qeverise apo do te zevendesohet nga Nano ???

[Vinny_T]

Para 6 muajsh Nano propozoi Majkon qe te marri Postin e Kryeministrit dhe ne nje situate teper delikate, sot po i njeti person i kerkon Majkos te japi doreheqjen pa asnje lloj motivi dhe vete pergatitet te mari po ate vend dhe te vere si zemendesin e tij ate qe ai e akuzonte si hajdut mafioz e me fakte!!! Kerkon gjithashtu qe te nderroje ose te rrinterpretoje statutusin e PS-se per ti bere te mundur vetes qe te jete dhe kryetar partie dhe kryeminister!!

[Blendi]

Po Nanos i ka plasur cipa. Kush mund ta ndale ate?

[alumni]

Ouh?!?

Paska patur cipe Nano!?! S'paskam ditur gje ...

[alumni]

Nuk asht fjala per ate qe i ka ra te shoqes - faktikisht Majko ban nji detyrim moral - njerzor, e te shoqes sherim te shpejte.

Por mos valle ai po kerkon te gjeje mbeshtetje ne Shkoder, tash qe Nano po i kerkon karrigen? Po pse a nuk kan ba keshtu edhe politikane te tjere te vendit, tuj derdhe lote krokodili me kova.

Si i thoni ju kesaj?


http://www.kohajone.com/arshive/2002/07/10/lajmi07.htm

"Debat le te kete, puna te shkoje perpara"

"Problemet e qeverisjes jane probleme debati normal ne politiken e Shqiperise. PS nuk ben perjashtim nga kjo. E rendesishme eshte te diskutohet ne menyre normale. Sot jam ne Shkoder dhe kam ardhur ne Shkoder te shoh nga afer gjendjen dhe te verifikoj problemet me te cilat ndeshet kjo zone dhe ky rajon per te bere te mundur te planifikojne gjithcka ne programet e qeverise". Keshtu eshte shprehur dje ne Shkoder Kryeministri Pandeli Majko. Vetem pak ore pas kerkeses te kryesocialistit shqiptar Fatos Nano per doreheqje te Kryeministrit Pandeli Majko kreu i qeverise shqiptare ka zbarkuar se bashku me nje grup minitrash ne Shkoder. Majko sikur e ka anashkaluar, per te mos thene injoruar kerkesen e kryetarit te partise te tij per te lene postin e kreut te shtetit. Ne te gjitha rastet kur kryeministri eshte pyetur direkt apo indirekt per kete ai i ka rreshqitur pyetjes. Asnjehere Majko nuk eshte shprehur ne menyre te drejtperdrejte. Nderkohe qe indirekt ai eshte shprehur se behet fjale per debate normale ne nje force politike qe eshte ne qeverisje. Ne te kundert Majko eshte dukur krejt i qete ne kete drejtim. Me hap te sigurte, me buzeqeshjen karakteristike te tij dhe si dhender Shkodre ai ka trokitur ne porten e qytetit verior. Madje ai eshe perlotur kur ka kujtuar pamundesine e bashkeshortes te tij te ishte perkrah Pandit ne kete vizite ne vendlindjen e saj te dashur. Gjithsesi me kortezine e vet Majko ia ka kujtuar te qenit dhender shkodraneve, "Ju e dini qe me Shkodren une kam lidhje te vecanta dhe te them te drejten mua me vjen keq qe bashkeshortja ime per arsye shendetsore nuk gjendet tani me mua", ka thene Majko deri ne perlotje. Ndersa i eshte permbajtur parimit te vet te riperseritur disa here ne Shkoder se "Tek shkodra dhe gjithe zona perreth, te gjitha qeverite shqiptare te pas luftes kane akumuluar nje borxh te madh moral. Sepse per nje kompleksitet arsyesh, vemendja e intersi per te nuk ka qene ne ate nivel qe t'i pergjigjej resurseve, neojave, por edhe tradites te vyer te saj. Ne rastin me te mire Shkodra eshte kundruar si skaj periferik dhe si e tille shpesh ajo ka patur nje vemendje po periferike nga strukturat vendimmarrese shqiptare", ka thene Majko.

Dje ne Shkoder, se bashku me grupin e ministrave, kryeministri ka zhvilluar takime te ngjeshura me pushtetaret lokale duke u njohur nga afer me problemet e qytetit me te madh verior. Me pas Majko ka vizituar vete punimet ne Murriqan, ku pushtetaret lokale kane theksuar se: "Kjo pike duhet te jete jo pike e kalimit kufitar, por pike doganore". Majko nuk ka harruar te shkoje edhe ne "krenarine" verore te Shkodres, Velipoje. "Velipoja eshte nje zone ku turizmi mund te organizohet rregullisht. Rruga eshte duke u rregulluar. Vonesat kane te bejne me problemt proceduart tenderike. Velipoja do te jete ne qender te vemendjes tone ne investime dhe ne infrastrukture. Per kete arsye une kame urdheruar qe Ushtria te pastroje plazhin", ka thene Majko.

R. Llazari

[Eni]

Nano: Jam i vendosur të bëhem kryeministër

Kryetari i Partisë socialiste deklaroi dje publikisht se tashmë kishte ardhur koha që të ndryshonte statuti dhe ai të bëhej edhe shef i ekzekutivit

Kryetari i PS-së Fatos Nano ka bërë dje për herë të parë publike qëllimin e tij për të rimarrë postin e Kryeministrit të vendit. Ai ka deklaruar dje në një intervistë për mediat se "KQGS-ja duhet të unifikojë statutin e partisë, në mënyrë që të bashkohet posti i kreut të partisë me atë të kreut të ekzekutivit". Në lidhje me ndryshimin e statusit të PS-së, kryesocialisti ka bërë për vete edhe kryetarin e KQGS-së Mark Nikollin, duke i ofruar atij poste të tjera jashtë partisë. Kryesocialisti Nano u shpreh se "tashmë ka ardhur koha që posti i Kryeministrit të vendit të bashkohet me atë të kreut të partisë". Për këtë Nanon do ta ndihmojë dhe vendimi i Komisionit, i cili tani është kthyer në një strukturë-levë në dorën e Kryesocialistit, dhe do ta ndihmojë atë që të bëhet Kryeministër pa shumë probleme. Gjithashtu realizimin e projektit të Nanos do ta ndihmojë edhe marrëveshja me ish-kryeministrin Meta për të ndarë vendet në qeveri dhe për të marrë votat në KPD edhe prej metistëve. Ndërkohë, të hënën është edhe mbledhja e Komitetit te Pergjithshem Drejtues, që do ta zgjidhë përfundimisht këtë problem. Për t'i paraprirë kësaj si dhe për të marrë pa mëdyshje votat në parlament, kryetari Nano po premton poste në qeverinë e ardhshme për disa eksponentë të PS-së, si kryetarit të grupit parlamentar Arben Malaj, të cilit i është premtuar posti i ministrit të Financave. Gjithashtu për sigurimin e votave në parlament, Nano do të zhvillojë bisedime edhe me kryetarin e PSD-së Skënder Gjinushi si dhe me aleatë të tjerë të koalicionit qeveritar.

Ervin Pambuku

gazeta 55

----------------------------------------------------------------------------------------------------------------------------------------

Meta-Pëllumbi, marrëveshje për votëbesimin e kabinetit "Nano 5"

Ish-kryeministri dhe kryetari i Kuvendit kanë arritur dje një marrëveshje për të mbledhur parlamentin edhe pas mbylljes së punimeve me 3 gusht, për të votëbesuar Fatos Nanon

Ish-kryeministri Ilir Meta ka takuar dje për dy orë me radhë kryetarin e Kuvendit Servet Pëllumbi, por asnjëri prej protagonistëve të bisedës nuk ka bërë komente publike rreth motiveve të takimit. Megjithatë, burime nga kabineti i kryetarit të Kuvendit bënë të ditur për gazetën "55" se ish-kryeministri Meta, e sipas të gjitha gjasave edhe zëvendëskryeministër në kabinetin e ri qeveritar të kryetarit të PS-së Fatos Nano, i ka kërkuar Pëllumbit të ofrojë mbështetjen e tij për jetësimin sa më të shpejtë dhe sa më të lehtë të qeverisë së re. Para një jave Pëllumbi kritikoi përpjekjet e shpallura për ndryshimet në qeveri duke deklaruar se s'kishte kohë për miratimin e një kabineti të ri. Koha mes 24 korrikut kur bën betimin në funksionet e tij presidenti i ri Alfred Moisiu dhe 3 gushtit, kur mbyllet sesioni i verës i punimeve të Legjislaturës së 16-të të Kuvendit të Shqipërisë, është krejt e pamjaftueshme për dekretimin e ministrave të rinj. Kjo ka qenë teoria e mbrojtur nga kryeparlamentari Pëllumbi, por duket se me këtë pengesë të re drejt kabinetit të pestë që do të drejtohet nga Fatos Nano nuk kanë qenë dakord dy lojtarët e rëndësishëm të mazhorancës. Në të njëjtën ditë kur Nano deklaronte për herë të parë publikisht dëshirën për të marrë edhe funksionet e kryeministrit, Meta mësohet se ka marrë prej Pëllumbit garancitë se do të ushtrojë kompetencat e veta kushtetuese për të lehtësuar formimin sa më parë të kabinetit të ri qeveritar. Kështu nëse PS-ja nuk e shpall dot kabinetin para 3 gushtit, kryetari i Kuvendit Servet Pëllumbi ka garantuar dje ish-kryeministrin Meta se ai është i gatshëm të thërrasë një seancë të posaçme të Kuvendit të Shqipërisë, përpara hapjes së sesionit të vjeshtës, për të mundësuar votëbesimin e qeverisë. Përdorimi i Kuvendit të Shqipërisë në favor të krizës së brendshme të Partisë Socialiste ka qenë një konstante e qeverisjes 5-vjeçare të mazhorancës së majtë, por opozita ka lajmëruar se kozmetika e qeverive nuk e zgjidh krizën e se ajo do të jetë kundër kabineteve shterpë që do të propozohen nga klanet e PS-së e satelitët e saj.

I.N.
gazeta 55

---------------------------------------------------------------------------------------------------------------------------------------

doni me per Belulin...

[Vinny_T]

Nano nuk ka kritikuar ne asnje moment publikisht punen e qeverise se Majkos me sa dime! Meta po ashtu, kjo qeveri nuk ka as 5 muaj qe eshte ne fuqi dhe e mori mandatin ne nje periudhe krize e me kaq pak kohe sa e kemi pare nuk ka pasur ndonje anomali qe te shtyje PS ta nderroje. Nano dhe pse pretendon te behet kryeminister ( e kjo eshte e drejta e tij) duhet qe te mos i faturoje Shqiperise imazhin e nje vendi "bananesh" e te ne njeten kohe te pretendoje te futet ne Evrope. Kjo metode marrje pushteti ne menyre kaq flagrante e duke mos respektuar asnje lloj norme, duke injoruar toalisht elektoratin qe ai i ka vjedhur voten duke e mashtruar me premtime fantaziste, tregon futuren e vertete te ashtuquajturit lider socialist dhe etjen e tij per pushtet. Te shfrytezosh injorancen e nje pjese te popullsise duke perdorur inteligjencen eshte perversitet . Nano nqs eshte ai qe hiqet le te kerkoje hapur, ne media ndryshime ne qeveri , le te sqaroi popullin qe i dha votat çfare ndryshimesh duhen bere e pse duhen bere e jo te bej presione neper koridore si rrugeçer e gjobavens. Turp per ne si popull çfare njerezish na kane ngel per te na "udhehequr"

[Shanon]

Beh kete pune ka NANo te grije e grije sallate. Meqe nuk u be dot president po hudh syte nga kryeministria po si mund te pretendoje te behet kryeminister kur tashme kane deshtuar kater qeveri te tijat? (ti leme arsyet e tjera) por ka treguar se nuk eshte i afte te drejtoje keshillin e ministrave shqiptare sepse gjithmone ka deshtuar dhe eshte larguar me klithma e me gjuajtje kallashi nga ajo karrige. (mos harrojme qe gati po i shpetonte ne breke (sorry per shprehjen) nga ngjarjet e 14 shtatorit dhe iku e u fsheh si majmun ne dajt me ndihmen e Nehat Kulles dhe ushtareve te tij dhe me pas kaloi ne Maqedoni dhe Greqi). eshte turp per shqiptaret dhe thjesht ta mendojne qe nano duhet te behet akoma kryeminister.
mendimi im po deshet mu hudhni ne gryke!

[alumni]

Nano e Berisha, ne unison, si vijon:

TIRANE (11 Korrik) - Kryeministri shqiptar, Pandeli Majko, bëri të ditur sot se Qeveria e tij do të përgatisë dorëheqjen. Një kërkesë e tillë erdhi pak ditë më parë nga ana e kryetarit të Partisë Socialiste, Fatos Nano, kandidat për të marrë këtë detyrë në vend të Majkos. Duke dalë nga selia e Partisë Socialiste, Kryeministri pohoi se "janë në vazhdim diskutime mbi dokumenta që do të çojnë drejt dorëheqjes së Qeverisë". Majko shtoi se në këtë fazë "po reflektoj, por ju siguroj - përfundoi ai - se gjithçka do të ndodhë në mënyrën më të qetë". Mëngjesin e sotëm, Kryeministri zhvilloi një takim me Presidentin e Republikës, Rexhep Meidani, i cili i ka shprehur atij "mbështetje të plotë" për ekzekutivin aktual. dxh/mr (BalkanWeb)

TIRANE (11 Korrik) - "Majko është simbol i mosqeverisjes". Kështu u shpreh sot lideri i Partisë Demokratike, Sali Berisha, pas zhvillimeve të fundit në Partinë Socialiste. Kryeministri Pandeli Majko u takua sot paradite me Presidentin e Republikës, Rexhep Meidani, në përfundim të takimit me të cilin pritej edhe dorëheqja e tij nga posti i kreut të ekzekutivit. Por Kryeministri deklaroi se po "reflektonte" dhe po "diskutonte edhe me faktorë të tjerë" mbi kërkesën për dorëheqjen e Qeverisë. Berisha rikujtoi edhe një herë sot se Majkon "e kam quajtur që në fillim një kanoe". "Ai njoftoi dje se do të ipte dorëheqjen - shtoi lideri i opozitës, duke shtruar ironikisht pyetjen - Çfarë pa ai natën që nuk jep dorëheqjen? Çfarë i ndodhi atij në gjumë?" Kreu i Partisë Socialiste i kërkoi të hënën Kryeministrit Majko dorëheqjen, ndërkohë që dje shprehu publikisht dëshirën e tij për rimarrjen e kreut të ekzekutivit, pas unifikimit në statutin e partisë së postit të kryetarit me atë të Kryeministrit. in/ko (BalkanWeb

[Vinny_T]

Do te doja thjesht nje mendim tuajin per kete teme nqs do te mundej e jo kopjime artikush shtypi qe te gjithe mund ti lexojne nepermjet internetit apo shtypit te perditshem. Per mua eshte skandaloze nderrimi i kryeministrit pas 5 muajsh nga emerimi i tij e aq me shume kur nuk ka ndonje anomali apo ndonje krize. Metoda qe perdoret per kete me duket arbitrare dhe qellimet jane personale e jo si pretendohet ne sherbim te popullit. Nano kishte ngelur nga te vetmit pothuajse qe me ane te intelektit te tij arrinte te ruante te fshehur pisslikun me te silen karakterizohet politika shqiptare po me kete qe beri e uli veten ne vendin e nje njeriu ordiner, dhe pse perfundimisht arriti te fitoje karrigen qe deshironte,