Reagimet tuaja për tragjedinë e Gërdecit

[Duaje Siveten]

Gazeta Sot, Saturday, 22 March 2008

Poshtë nesh fajtorë, kurse poshtë tyre, ju bashkëvuajtësit !?
Nga Besi BEKTESHI

“Gërdecizmi” mund të konsiderohet termi i ri me të cilin politikanët e ardhshëm të vendit shumë të përmendur në këtë drejtim, do të praktikojnë për të mbijetuar në politikbërjen shqiptare.Pranimi i humbjes dhe tregimi deri diku i qartë i faktorëve së bashku me kalimin e fajit poshtë dhe pasojës akoma më poshtë, ky është edhe “Gërdecizmi” ose mënyra më e mirë e kalimit të situatës së rëndë dhe mbajtjes së pushtetit.

U desh ndërhyrja e Presidentit Bamir Topi që më në fund refrektariteti i qeverisjes të kthehej në “Gërdecizëm” dhe politikisht e djathta e Berishës të reagojë si një “lopë që ja ka futur shqelm kovës me qumësht, por që brenda saj qumësht nuk ka pasur kurrë”. Në fakt me këtë rast në një farë mënyre është pranuar poshtë faji kryesisht për të fshehur atë që “kjo lopë nuk ka prodhuar qumësht dhe vetëm i ka rënë shqelm kovës”.

Pse?

Po sepse në 3 korrik u premtua “shteti ligjor” dhe vendosja përpara ligjit të mafiozëve. U premtuan reforma dhe largim nga shteti “capture” dhe po ashtu riparimi i qeverisjes së socialistëve në drejtim të funksionimit të hallkave vertikale dhe horizontale të shtetit. Ok? Tani mbasi janë “kthjelluar” disi edhe mbas sigurisë se opozita e Edi Ramës nuk do ti trajtojë me ashpërsi, por do të proklamojë vetëm “disidencën” e saj ndaj pushtetit të Berishës, e gjithë kolona qeverisëse e pushtetit të sotëm të ashtuquajtur të djathtë po luan aktin e fundit të “kovës bosh që me demek e kanë derdhur”.

Presidenti Topi për herë të parë mbas justifikimeve dhe ditirambeve të qeveritarëve që nga Kryeministri e poshtë, deklaron: Si shpjegohet që askush nuk na kishte vënë në dijeni për këtë gjendje në terren. E kam fjalën për SHIU, SHISH, Forcat e Armatosura, Policinë e Shtetit, shërbimet e autorizuara fiskale, ato të punës dhe të autoriteteve monitoruese të shëndetit paraprak prej të cilit nuk ka pasur qoftë edhe një rresht të vetëm informacion mbi atë që ndodhte në Gërdec.

Presidenti i Republikës Bamir Topi e mbyll këtë sintezë akuzuese të mirëfilltë me –“Është e pafalshme, askush nuk ka thënë asgjë, mbi një punishte të paligjshme dhe shumë të rrezikshme pranë aeroportit të vetëm ndërkombëtar dhe të autostradës kryesore të vendit”. Në takimin e tij të sigurisë, kur në të majtë të tij ishte Kryeministri dhe në djathtë Kryetarja e Parlamentit dhe në tavolina të gjithë ato për të cilët ai po fliste, akuza e kishte zor të dilte jashtë zyrës, sepse në fakt aty ishin pothuaj të gjithë ato që akuzoheshin.

Praktikisht Presidenti i Republikës “anatemoi” pjesën më të rëndësishme të sigurisë së vendit e cila praktikisht është e vendosur dhe kontrolluar nga Kryeministri i Shqipërisë Sali Berisha dhe ndonjë element kontrollohet nga Parlamenti i Shqipërisë dhe në kulmin e piramidës ishte ai vetë Presidenti i Shqipërisë.

Kush i kontrollon dhe kujt i binden shërbimet sekrete dhe të sigurisë, forcat e armatosura, policia e shtetit, tatim taksat dhe financierët, shërbimi i punës dhe shërbimi monitorues i shëndetit paraprak? Kujt përveç atyre të gjithëve që ishin në atë sallë e cila është “Salla e Sigurisë Kombëtare”?

Kur Presidenti i Republikës shqipton termin apo bashkëfjalëshin “është e pafalshme”, për kë e ka fjalën? E pafalshme për cilin? Për hekraxhiun e dikur dënuar që nisi punën për të nxjerrë fitime me lejen dhe me të “pafalshmen” të mos vënies në dijeni? Kush ka për ti dalë zot fjalës “e pafalshme”, Prokuroria e cila është vetë për tu mos falur, si hallkë e shtetit? Apo policia dhe SHISH......? Jo,edhe kësaj radhe faji dhe e pafalshmja ka për të rënë shumë poshtë, te ekzekutorët e vegjël të tragjedisë dhe si zakonisht aty poshtë tyre në sallë e qeveri.

Në fakt në atë mbledhje edhe pse nga kryesori i vendit i përcaktua fajësia dhe e pafalshmja , fajtorët do të jenë poshtë tyre dhe poshtë fajtorëve do të jenë bashkëvuajtësit e shkretë, që jemi ne. Menjëherë mbas kësaj nga zoti Berisha u kërkuan reforma dhe përsëri reforma dhe me sa duket këto reforma, Berisha na i kërkon ne “Bashkëvuajtësve” të cilët me sa duket e kanë fajin.

Se kush e ndaloi Berishën të kryejë reforma, këtë gjë as ai nuk e tha dhe as ne nuk e dimë, por se faji është se duhen bërë reforma, këtë tashmë e dimë edhe ne “vdekatarët” poshtë fajtorëve, që kanë sipër ato, që duhet të bëjnë reforma. Më kinezëri “lejfeniste” dhe fjali “trëndeline” se kjo, nuk mund të gjesh dhe të hasësh në asnjë vend normal të botës.

Këtë gjë nuk duhet ta lejojë Presidenti i Republikës i cili përderisa foli, duhet të mbajë edhe fjalën me të cilën arriti të artikulonte edhe problemin e vërtetë. Fakti është i qartë dhe në dritë të diellit, Shteti i ndërtuar dhe komanduar nga Sali Berisha nuk është një shtet perëndimor dhe me principe të tilla. Ai është një shtet i ndërtuar me parimin “bjeri fort të ligut” dhe i shoqëruar me një dredhi prej të pagdhenduri që në çdo moment kërkon vetëm t’ju ja hedhë të tjerëve. Më e bukura është se arrin të besojë se ju a hedh....

Presidenti Topi, me sa duket duke qenë pjesë e dalë nga ajo që sa po përmenda, i vjen keq dhe është i tronditur, por nuk ka asnjë mundësi që fajin ta shpallë aty në atë sallën e tij të sigurisë. Me ato që tha ai, praktikisht e ka demoluar shtetin e Berishës dhe kjo do të mjaftonte në një vend të botës që Kryeministri të largohej vetë i turpëruar ose të çohej në tavolinë dhe ti kërkonte ti kthente fjalët mbrapsht vetë njeriut numër një të shtetit.

Por kjo as që ka ndër mend të ndodhë me të tillë njerëz të dalë nga Ballkanizmi më i keq dhe nga varfëria qytetare, jo vetëm në origjinë e një pjese të grupimit në fjalë. Tani përkundrazi njeriu i parë i ndërtesës ku janë butonat e qeverisë kërkon reforma dhe vetëm reforma dhe me sa duket as që i bëhet vonë se me “reformat e tij të vazhdueshme” prodhohen tragjedi nga më të ndryshmet në këtë vend.

Ajo që është e sigurta e kësaj qeverisje në fakt perceptohet tashmë nga më shumë njerëz. E sigurta është se do të vazhdojmë ta hamë dhe ta pësojmë edhe pse “janë të pafalshëm” edhe pse “bëjmë reforma” dhe pse ... kushedi nesër se për çfarë.

[DEA27]

cfare te thuash tragjedia e gerdecit eshte vetem nje pjese e atij realiteti ku jetojne shqiptaret. sepse cdo dite ne cdo qytet ndoth dicka qe mund te quhet "GERDEC" gerdeci tregoi qarte deshtimin dhe korruptimin e qeverise dhe qeveritarve tane si ata qe jane ne pushtet dhe ata te opozites. ne jemi te ndeshkuar prej njerzeve qe zgjedhim por ne fund te fundit eshte nje shprehje qe thote CDO POPULL E MERITON QEVERINE QE KA!

[Duaje Siveten]

Gazeta Sot, Sunday, 23 March 2008

Depozitat e naftës, lojë mashtuese e qeverisë “Berisha”

Një tjetër “Gërdec” gati për shpërthim është baza e depozitave të karburanteve në Durrës e cila është instaluar brenda në Portin Detar. Këto depozita, janë rrezik evident shpërthimi, që pa asnjë dyshim nëse ndodh ky shpërthim, do të ketë pasoja tepër për një qytet si Durrësi.

Sipas specialistëve të hidrokarbureve dhe sipas drejtuesve të Portit të Durrësit, këto depozita janë “bombë atomike”, që duhet “çmontuar” sa më parë. Mirëpo kjo nuk po ndodh edhe pse ekzistenca e tyre, “rubineti” i të cilave furnizohet nga importi i naftës nga Greqia, ka qënë objekt debatesh të ashpra, deri në parlamentin shqiptar që përpara 5 vjetësh.

Atëherë, shtetasi Sali Berisha, aktualisht me detyrë të diskutueshme e të përfolur si kryeministër, ka qënë në opozitë dhe ka ulëritur në parlament për heqjen e këtyre depozitave, si depozita që mund të krijojnë katastrofa njerëzore, përveç kësaj edhe si biznese të pista të klanit të “Zemunit” të krerëve të ish-pushtetit të PS. Edhe pse, i “përgjëruari” Sali Berisha, ka afro tre vjet që ka ardhur në pushtet, këto depozita, jo vetëm nuk po “shkulen” nga Porti Detar, por po shtohen dhe po lartësohen, duke patur edhe bekimin e qeverisë së “durve të pastra” të Berishës dhe personalisht, të ministrit të Ekonomisë dhe Energjetikës, Genc Ruli, të ministrit të Financave, Ridvan Bode dhe të dy ministrave të Transporteve, Lulëzim Basha e Sokol Olldashi.

Ne ishim dje, në Portin Detar të Durrësit dhe vëzhguam nga afër, veprimtarinë e këtyre depozitave të karburanteve, që në fakt janë “shkrepëse” që ndezin këto depozita, efekti i të cilave nëse ndodh, ka efekte disa herë më të mëdha dhe më tragjike se shpërthimi i Gërdecit. Ato gjenden aty dhe zhvillojnë aktivitet brenda Portit të Durrësit, ashtu si dhe në Shëngjin.

Këto depozita, janë baza të importit të karburanteve, të cilat hyjnë nga porti i Durrësit. Për vendosjen e tyre, ka patur miratim qeverie por dhe debat nga opozita dhe konkretisht nga kryeministri Berisha, i cili sot është kryetar qeverie. Më tej nuk dihet asgjë në lidhje me to.

Dihet vetëm fakti, që këto depozita janë vendosur brenda Portit, gjenden aty dhe vazhdojnë aktivitetin e importit të karburanteve. Kjo prezencë nuk është aspak ligjore, për më tepër në një mjedis publik shërbimesh të rëndësishme, siç është Porti Detar, ku bëhet përpunim mallrash dhe njerëzish. Kjo është e papranueshme, por është prezente dhe duhet thënë, se është tepër shqetësuese, mbasi këtu nuk flitet thjeshtë, se ato kanë zënë 2, apo 3 hektarë sipërfaqe toke shtetërore, por sepse prezenca e tyre është një rrezik i madh. Këtë e ndalon ligji i administrimit, tregtimit dhe transportit të karburanteve, por ligji shqiptar dhe qeveria e kanë miratuar vendosjen e tyre brenda këtij mjedisi strategjik.

Eshtë kërkuar largimi i tyre, por nuk po largohen. Ky largim i tyre është kërkuar me vendim qeverie, Nr. 468, datë 27.12.2007, me nr. 4011 Prot. Ky vendim për largimin nga porti Detar, i depozitave të karburanteve është marrë në mbështetje me ligjin nr. 486, datë 25.07.2007. Porti është në vështiorësi për ta konkretizuar këtë vendim qeverie, mbasi duhet bërë me urdhër qeverie. Madje, duhet thënë se, mbi truallin ku janë vendosur këto depozita karburantesh, autoriteti portal, nuk ka asnjë të drejtë të vendos spostime, ose të largojë depozitat e naftës, mbasi pjesa e tokës, ku ato firma janë vendosur është pronë shtetërore dhe varet dikret nga ministria e Rulit.

Nqë rastin konkret, duhet zbatuar ligji. Dhe kjo e drejtë e vetme është e tillë, që drejtoria e Portit, pas skadimit të afatit të vendosur prej vendimit të qeverisë, për mos heqjen e depozitave firmave që kanë këtë eskluzivitet, do të ndëshkohen, duke u bllokuar hyrjen dhe përpunimin e karburanteve në port. Volumi i punës në këto depozitime është tepër i madh. Kujtojmë dy shifra: Gjatë periudhës 01 janar 2007-29 shkurt 2008, në këtë port kanë hyrë 176 anije me karburante, të cilat kanë depozituar afro 300 mijë ton naftë. Ne tashmë, kemi në dorë vendimin e qeverisë dhe që nga zbatimi i këtij vendimi dhe nga koha e daljes së urdhërit tonë si drejtori i Portit Detar, kanë kaluar vetëm 4 muaj. Sipas vendimit, kjo zhvendosje duhet të bëhet pas 18 muajsh.

Firmat e depozitave

• Global Petrolium
• Evroil
• Mamidoil
• Europetrol
• Kastrati

Firmat greke kanë “pushtuar” Portin e Durrësit

Porti i Durrësit, i cili konsiderohet të jetë portë e Korridorit të 8, po mbahet peng nga disa firma greke, por në të vërtetë, po favirozohet nga pala shqiptare. Një ultimatum i Bankës Botërore në vitin 2000 për largimin e depozitave greke nga territori i Portit të Durrësit si dhe kërkesa e ministrave të asaj kohe Muçi dhe Nako ndaj autoriteteve për heqjen e këtyre të fundit, e detyroi ambasadorin grek Aleksandër Mallias që të trokasë në dyert e dy ministrave, për t’i "kërcënuar" ata se do të flasë me institucionet ndërkombëtare për ndërprerjen e ndihmave ndaj Shqipërisë. Porti i Durrësit vazhdon të mbajë mbi supe kërcënimin se ai nuk do të mund të jetë porta e Korridorit 8, deri sa në tokën e tij të mbajë depot e karburantit dhe ndërtimet të vazhdojnë mbi të. Një fond i Bankës Botërore vazhdon të mbetet i paralizuar që prej katër vjetësh, për shkak se asnjë nga ministrat e Transporteve nuk ka mundur të shkulë prej andej depot e karburantit. Depot janë dhënë për 20 vjet me qera edhe pse kërkesat e Bankës Botërore janë përsëritur mbi 100 herë për të çliruar portin nga ndërtimet. Depozitat e naftës vazhdojnë të ngrihen dhe kredia e Bankës Botërore rri pezull deri ditën sa kjo e fundit të mërzitet dhe të tërhiqet nga Porti i Durrësit.

Hiqen nga Durrësi, futen përsëri në Durrës mes municioneve në Romanat

Në fshatin Romanat, atje ku qeveria berisha ka vendosur të zhvendos depozitat e naftës, gjithcka mund të ndodhë edhe për shkak të volumit të madh të municioneve që shpërbëhen çdo ditë. Banorët e zonës, të cilët janë shndërruar dhe në punëtorë të këtij reparti tregojnë se cdo ditë këtu demontohen rreth 15-20 ton municione të ndryshme dhe aty për aty përmend llojet e tyre si, granata dore, mësymëse e mbrojtëse, predha 82 milimetërshe, shtimje topi 75 milimetra, predha obuzi 122, predha topi 122, djegore, etj. Më shumë se kaq, kushtet në të cilat realizohet ky operacion, ku çdo gjë i besohet syrit dhe dorës së tyre, e bën rrezikun edhe më të pranishëm. Një gabim i vogël do të sillte një rast katastrofik për tërë zonën. Në këtë mënyrë një Gërdec i dytë mund të përsëritet sërish, pasi këto predha nuk janë "malli" i vetëm që mbush shtatë depot e reparteve ushtarake në Romanat.

Sipas banorëve këto municione duhej të ishin shkatërruar që më parë. Ndërkohë, duke qenë se i kana parë banorët pohojnë se këto municione i përkasin periudhave të ndryshme, duke nisur që nga ato të Luftës së Dytë Botërore, pra municione gjermane, të tipit jugosllav, kinez, apo rus, të kalibrave të ndryshëm. Burime të brendshme nga ky repart, të cilët duna të mbeten anonime konfirmojnë se ka një memorandum bashkëpunimi me SHBA-në për pastrimin e zonës nga këto municione.

Distanca e zonave të banuara nga repartet ushtarake që kanë depo të tilla predhash, minash e bombash duhet të jetë minimumi 5 kilometra larg, në rast se ato kanë të depozituara të paktën 20 tonë municione. Sipas specialistëve, janë një seri kriteresh që duhen respektuar në mënyrë rigoroze nga personat që marrin përsipër çmontimin e municioneve. Në këtë mnëyrë personat civile nuk duhet të hyjnë direkt në çmontimin e municioneve pa kaluar më parë një eksperiencë e trajnim për to. Ata duhet të jenë me intelekt, të vullnetshëm, të qetë dhe jo persona që nguten, si dhe njohës të municioneve, gjë që përcakton në mënyrë të detajuar karakteristikat e çmontuesve të municioneve.

Depozitat e naftës nën kontroll, por pa asnjë ndëshkim

Një grup inspektorësh, i kryesuar nga nënëdrejtori i qëndrës së hidrokarbureve, Bajram Cela ka mbërritur për të ushtruar kontroll në teritorin ku janë vendosur tankerat e naftës. Grupit kontrollor i është dashur rreth një orë e gjysëm për të hyrë brenda ambjenteve ku ndodhen depozitat. Pas prezantimit ata nuk janë lejuar të hyjnë brenda. Polici që qëndron tek porta ka lajmëruar dhe pas 10 minutash është lejuar vetëm hyrja e nëndrejtorit Bajram Cela, ndërsa inspektorët janë lënë jashtë portës. Formë kjo që ka treguar se forca e shtetit është shumë e vogël përpara privatit, përpara pesë kompanive private që kanë privatizuar portin e Durrësit, që nga viti 1989, duke sfiduar kështu, rregullisht atë cfarë quhet dora e shtetit. Hyrja e inspektorëve në teritorin e depozitave ka vënë në lëvizje personat përgjegjës që ndodheshin brenda dhe kqyrnin situatën nga zyrat.

Kontrolli ka zgjatur rreth dy orë dhe sipas inspektorëve gjithcka ishte nnë rregull. Madje për ta përforcuar këtë fakt u bë një provë, e cila trasmetonte gatishmërinë në rast se mund të ndodhte dicka. Punonjësit e këtyre kompanive pranojnë se frika për ndonjë tragjedi ekzsiton. Sipas tyre një gabim i vogël qoftë edhe një celular i ndezur mund të provokonte tragjedi. Gjithcka që ndodh brenda teritorit të depove të duket e frikshme. Falë inspektorëve mundëm të shikonim situatën nga brenda, duke hyrë nga dera e pasme, pa rënë në sy të policit. Autobote të kompanive të ndrysshme si “Kastrati”, “Eko”, etj, por furnizoheshin me karburant për tu shpërndarë më pas në pikat e caktuara.

Punonjësit nuk mbanin ndonjë uniformë dhe pranë tyre vumë re vetëm dy bombula të vogla që shërbejnë për shuarjen e zjarrit, ndërsa autoboti i zjarrfikëses që në fakt kishte vetëm një të tillë, i cili mbërriti në momentin që erdhën inspektorët, ndodhej në anën tjetër të teritorit pikërisht tek hyrja. Përgjatë dy orëve kanë hyrë dhe dalë nga teritori i depozitave të karburanteve dhjetë autobote të cilët u furnizuan me naftë.

[Baptist]

Po dhembi a te ka dhimbur me rishtas?

Ajo qe nuk mund ta duroje ky popull eshte te te qahet krimineli, po ti cfare do? Te te thuhet ne fetyre dhe haptas kjo?

[SNIPER 79]

e ca qeverie kemi
del kryeministri ene thot qe sdija gje
tak e pergenjeshtrojn gazetat
del prap kryeministri ene thot qe firma esht e licencuar per demontimin e armeve
tak del prap shtypi dhe i jep fakte qe i ka dhen tenderin nje firme qe shet bicikleta
ska faj sala jo po faj ka populli qe harron shpejt dhe se tregon venin atyre qe e kan rrjep dhe vashdojn ta rrjepin kete popull

[Xhuxhumaku]

Cfar te dogji ty qe me quan mua patetik?
Te preken interesat ty kur shahet Saliu?
Po ti thuaj mos ma shaj Saliun se mbaj une pergjegjesi!

o flor,

Saliun shaje sa te dush, po s'nxjerr gje nga e shara. Ke bithe ta rregullosh punen? Perpiqu te lexosh shume dhe te fillosh te perpunosh me mendjen tende si shkojne punet.

fillimisht lexoje nje cik kete artikllen, dhe reflekto.

Homos Gërdecikus si ekzemplar i qytetarit shqiptar

Friday, 21 March 2008
Nga Kastriot Myftaraj - Një nga aspektet skandaloze të ngjarjes së Gërdecit është evidentimi i Homos Gërdecicus, që përbën një ekzemplar të qytetarit shqiptar.Gjëja që të bënte më shumë përshtypje në deklaratat e banorëve të Gërdecit pas tragjedisë ishte se ata kishin qenë të vetëdijshëm për rrezikun që bartte fabrika e vdekjes që ishte ngritur atje në mes të një zone të banuar, ishin plotësisht në dijeni të sasisë kolosale të barutit dhe tritolit, të dalë nga procesi i çmontimit të municioneve, që ishte depozituar atje, të sasisë së madhe të municioneve të depozituar atje, në pritje të çmontimit, ishin të vetëdijshëm për mungesën e kushteve më minimale të sigurisë në të cilat punohej. E megjithatë ata nuk u bashkuan që të dalin dhe të bllokojnë rrugën për të protestuar për këtë gjë, siç bënë pas shpërthimit, nuk shkuan në gazeta, televizione, të kërkojnë që të sensibilizohet publiku dhe politika, qeveria dhe opozita për këtë çështje. Nuk iu drejtuan me apele kryeministrit, Presidentit, Avokatit të Popullit, OJF-ve. Ata u ngritën vetëm kur ndodhi shpërthimi. Kështu do të bënte një komunitet njerëzish Homos Sapiens, për të mbrojtur jetën e tyre dhe të fëmijëve të tyre, shtëpitë e tyre dhe pronat e tjera të tyre. Pra, ata do të reagonin si Homo civicus, si komunitet që mbron vetveten me anë të aktivizmit civil. Banorët do të bashkoheshin për të ndaluar rrezikun e përbashkët potencial mbi komunitetin. Në rast se banorët e Gërdecit do të kishin vepruar kështu dhe do të ishin ngritur që në qershorin e kaluar kur u hap fabrika, ose edhe më vonë, e gjithë ajo që bëhej në Gërdec do të ishte bërë publike, me ç’ rast qeveria do të detyrohej ta largonte që andej fabrikën e vdekjes, dhe tragjedia nuk do të kishte ndodhur. Banorët e Gërdecit janë Homo Sapiens dhe megjithatë ata nuk vepruan kështu. Ata nuk vepruan kështu se ata edhe pse janë Homo sapiens nuk janë Homo civicus. Ata reagojnë vetëm ndaj rrezikut të drejtpërdrejtë për vetveten, familjen, që shfaqet tek gardhi i oborrit të shtëpisë, tek pragu i derës. Fabrika e vdekjes ishte për ta një rrezik jashtë pragut të shtëpisë, apo gardhit të oborrit, çka e bënte atë një problem që nuk ishte i tyre derisa rreziku që përbënte ajo nuk kishte sjellë pasoja drejtpërdrejt për ta. Madje ata e shikonin atë si një gjë nga e cila mund të përfitonin personalisht duke u punësuar atje, madje duke marrë dhe fëmijët e tyre për t’ i ndihmuar. Kur ndodhi tragjedia, ata reaguan si komunitet njerëzish që kishin pësuar nga ajo që kishte ndodhur. Tashmë ata bllokojnë rrugën, protestojnë, kërkojnë që qeveria të shkojë tek ata, ndryshe kërcënojnë se do të shkojnë ata tek qeveria. Ky është Homos Gërdecicus. E keqja është se Homos Gërdecicus nuk është vetëm në Gërdec, ku është një komunitet njerëzish ruralë, në pjesën më të madhe të ardhur nga zonat malore të Veriut të Shqipërisë, dhe që banojnë kryesisht në një zonë informale. Homos Gërdecicus nuk është vetëm në Gërdec por është edhe në qytetin e Durrësit, ku banorët i shikojnë depozitat e kompanive greke të naftës që janë në port, fare pranë një zone urbane shumë dendësisht të populluar, jashtë çdo norme sigurie ndërkombëtare, me atë indiferencë që banorët e Gërdecit shikonin fabrikën e vdekjes. Nëse depozitat e naftës në portin e Durrësit do të marrin zjarr natën, kur njerëzit janë në gjumë, nga shpërthimet dhe reja vdekjeprurëse e zjarrit dhe tymit do të vdesin dhe asfiksohen 200 mijë vetë, që do të zgjohen gjysmën të asfiksuar dhe nuk do të mund të orientohen në shtëpitë e tyre ku vala goditëse e shkaktuar nga shpërthimet, që do të përcjellë tym dhe zjarr, do të shkaktojë zjarre dhe shpërthime të reja. Banorët e Durrësit janë të vetëdijshëm për këtë gjë, shpesh bisedojnë për të, e megjithatë nuk reagojnë. Nëse do të ndodhë tragjedia, ata (ata që do të mbeten gjallë) do të reagojnë si banorët e Gërdecit. Homos Gërdecicus është dhe në Tiranë ku në lagjet e ndryshme të qytetit, deri në qendër, ka shumë pika shitjeje karburanti, Të tilla ka dhe në botë, por ato kanë kapacitet të vogël dhe kanë masa shumë të larta sigurie. Ndërsa në Tiranë ato kanë kapacitet të madh dhe masat e sigurisë janë shumë larg standardeve. Madje, në disa pika karburanti në mes të Tiranës, vetëm disa metra larg pallateve, kam parë të shiten dhe bombola gazi të lëngshëm. Nëse do të shpërthejë një nga këto pika karburanti do të vdesin disa qindra njerëz, ndër ata që kanë shtëpitë atje, ata që janë në dyqanet apo kafenetë pranë tyre, ata që ecin në rrugë, ose udhëtojnë me makina. Banorët janë të vetëdijshëm për rrezikun e megjithatë heshtin për të. Ata janë Homo Gërdecicus edhe pse janë kuintesenca e popullsisë urbane të Shqipërisë. Nëse do të ndodhë tragjedia ata do të reagojnë si njerëzit e Gërdecit pas shpërthimit në Gërdec. Homos Gërdecicus shqiptar është në qytetin e Tiranës, në periferitë rurale dhe informale të tij, është në provincë, është gjithandej. Gërdecasi është shqiptari për antonomazi. Para disa ditësh isha ulur me disa intelektualë në një kafene pranë një pike karburanti pak metra larg Sheshit “Skënderbej”, në qendër të Tiranës dhe po dëgjoja përgjigjet e pyetjes që shtrova unë për qëndrimin e çuditshëm të njerëzve të Gërdecit, siç e shtjellova në fillim të këtij shkrimi. Pasuan shpjegime për mentalitetin rural, fisnor të këtyre njerëzve një pjesë e mirë e të cilëve kanë ardhur nga fshatrat e Veriut, për mungesën e sensit komunitar civil etj., etj., të gjitha gjëra që i dëgjon rëndom në forumet e së ashtuquajturës shoqëri civile të Tiranës. Pasi i dëgjova një copë herë i pyeta se si shpjegohej sjellja e e popullsisë që banonte në pallatet rreth pikës së karburantit, pjesa më e madhe e të cilëve të ndërtuar në kohën e komunizmit dhe të populluar nga elita urbane e Tiranës, dhe që nuk reagonte përballë rrezikut. Në përgjigje të kësaj pyetjeje argumentet filluan të justifikohen, duke u thënë gjera si jo po dhe popullsia urbane tradicionale në Shqipëri vjen nga një traditë e caktuar, ai që quhet mjedis urban duhet marrë në sens relativ etj., etj. Shkurt, u thashë, qytetari shqiptar, si banor i zonave urbane më të zhvilluara, praktikisht në thelb nuk ndryshon nga banori rural i Gërdecit. Këtu nuk më dhanë përgjigje. Dikur, Zhozef Dë Mestrë, duke iu përgjigjur pyetjes të Rusoit se si është e mundur që njeriu, i cili lind i lirë, e gjen veten gjithandej në shoqëri të lidhur me pranga, përgjigjej se kjo është njëlloj si të thuash se përse delet që lindin mishngrënëse janë bar. Qytetari shqiptar, Homos Gërdecicus, është si “delet”, i lindur “mishngrënës”, pra që në letër ka liri dhe të drejta të cilat mund t’ i ushtrojë si Homos civicus për të mbrojtur interesat e veta, por megjithatë ai “ha bar”, pra hesht, rri indiferent para rrezikut që i vjen nga abuzimi i qeveritarëve. Kjo sjellje e ka origjinën tek një mentalitet i trashëguar nga shumë breza të formuar në një mjedis osman dhe bizantin, ku Homos civicus nuk njihej, dhe ku reagohej vetëm ndaj rrezikut të drejtpërdrejtë personal dhe familjar. Homos Gërdecicus ekziston edhe në të ashtuquajturën shoqëri civile. Lëvizja “Mjaft”, G-99 e Erion Veliajt dolën pas ngjarjes që të protestojnë dhe të kërkojnë dorëheqen e kryeministrit Berisha. Por ata të gjithë e dinin se në Gërdec ishte fabrika e vdekjes se ata janë në dijeni të asaj që bëhej në Gërdec, se një ditë para se të ndodhte shpërthimi në Gërdec, Erion Veliaj, në emisionin “Zonë e Lirë” të Arian Çanit, foli për biznesin me armët dhe municionet, duke lënë të kuptonte se dinte shumë për këtë çështje. Por, Veliaj, si drejtues i “Mjaft” heshti për këtë çështje, nuk organizoi një protestë. Pse? Se protestat e Veliajt dhe “Mjaft” janë aktivitete të paguara nga ambasadat dhe organizatat e huaja. Për këtë çështje Erionin nuk e kishte paguar kush, kështu që ai nuk mori mundimin të reagonte. Kështu që edhe Erion Veliaj dhe njerëzit si ai janë Homo Gërdecicus. Prandaj ata protestuan për Gërdecin dhe nuk kanë protestuar kurrë për depozitat greke të naftës në portin e Durrësit. Në thelb edhe kryeministri Berisha, ministri i mbrojtjes Mediu, Presidenti Topi dhe qeveritarë të tjerë, janë Homo Gërdecicus, se ata mendonin për përfitimin abuziv që do të vinte nga fabrika e vdekjes në Gërdec, duke qenë indiferentë ndaj rrezikut të saj. Fatmir Mediu, si Homo Gërdecicus, nuk e perceptonte dot se fabrika e vdekjes e Gërdecit realisht ishte projektuar në oborrin e Ministrisë së Mbrojtjes, pranë dritareve të zyrës së tij, dhe praktikisht shpërthimi atje, do ta flakte dhe Mediun tutje nga kolltuku i ministrit. Edhe kryeministri Berisha, si Homo Gërdecicus, nuk e mendonte se fabrika e Gërdecit ishte projektuar në trotuarin para selisë së Këshillit të Minsitrave dhe se rrezikonte ta flakte nga kolltuku i kryeministrit. Në këtë çështje, edhe Presidenti Topi, komandanti i përgjithshëm i forcave të armatosura, edhe drejtori i SHISH, Bahri Shaqiri, janë sjellë si Homo Gërdecicus. Edhe liderët e opozitës u sollën si Homo Gërdecicus, se ata nuk mund të mos ishin në dijeni të asaj që ndodhte në Gërdec se Gërdeci për ta është pjesë e “bazës” së partisë ku kanë seksionet partiake dhe votuesit. Ata e dinin por fërkonin duart duke uruar të ndodhte ajo që ndodhi që t’ u hiqej qafe Berisha. Kështu ata bënin llogari cinike si Homo Gërdecicus të vërtetë. Largimi i Berishës nga posti i kryeministrit qetëson Homos Gërdecicus shqiptar të revoltuar, por Homos Gërdecicus është një problem i madh që mbetet me ikjen e Berishës. Si i bëhet me Homos Gërdecicus, pra me shqiptarin? Shqiptari është votues Homo Gërdecicus, që nxjerr deputetë Homo Gërdecicus që nxjerrin qeveritarë Homo Gërdecicus, që nxjerrin një Prokuror të Përgjithshëm Homo Gërdecicus. Prokurorja e Përgjithshme- Homo Gërdecicus, Ina Rama, filloi çështjen penale për çështjen e Gërdecit, por ajo nuk bën asgjë për çështjen e depozitave greke të naftës në portin e Durrësit që është qyteti i saj i lindjes. E pra, ajo mund ta fillonte çështjen kryesisht, edhe nga njoftimet në media, siç ia lejon ligji, dhe t’ i bllokonte ato, duke i penalizuar ata që i kanë ngritur. Por ajo nuk bën asgjë. Dilema qendrore shqiptare është se si do të kemi pushtetarë të mirë në të gjitha pushtetet, kur ata dalin nga vota e Homo Gërdecicus. Homo Gërdecisus nuk mund të ketë sovranitet, ai duhet vënë nën një sovranitet qeverisës të pavarur prej tij, dhe që përbëhet nga shqiptarë që nuk janë Homo Gërdecicus.

sot.

[keshtjella]

Me vjen keq por shume pergjigje e dobet e varfer dhe i nje niveli te ulet , duket qe te tilla pergjigje pa pik arsye dhe llogjike japin vetem militantet socialist . .

Ti sec ke dicka qe me kujton missin e Portokallise! Mos je gje bionde

[Rina_87]

Desidenca nuk eshte revolucion, por qytetari e ndergjegjshme, dhe patriotizem, eshte burimi kryesor i mireqeverisjes. Lopet dhe delet nuk bejne desidence dhe ndjekin barine e tyre edhe ne humnere. Nqs ti ia ke privuar vetvetes te drejten e te kerkuarit llogari atyre qe u jep voten dhe privilegjin e qytetarit aktiv kjo ka te bej me botekuptimin dhe nivelin e njohjes qe ke, qe shpresoj te mos jete ai alla-arab.

Por nuk besoj se eshte e veshtire te kuptosh sesa e njeh realitetin shqiptar, dhe se nga cfare njohje burojne mendimet e tua, qekurse si kosovare, ty te intereson me shume ngjyrat e pallateve te Tiranes sesa kontrabanda e jashteligjshme me Serbine, apo debimi me force prej Shqiperise i figurave qendrore te shtetit Kosovar te sotem, keq-qeverisja deri ne krize e Dr Rrumpalles etj etj. Gjitashtu duken qarte njohurite e tua per funksionimin e shtetit modern, qekurse pergjegjesine, kopetencen, urtesine dhe mencurine e kerkon nga turma e qytatareve te vjedhur, te vrare, te mashtruar te irrituar dhe te pashprese, dhe jo nga qeveria shqiptare qe si intitucion udheheqes i nje kombi duhet ti reflektoje e para keto vecori dhe te evitoje me cdo kusht acarimin e situates edhe sikur ti kushtoje pushtetin. A nuk ndodhi kjo ne 97, kur Dr Rrumpalla nuk dha doreheqjen prej postit te presidentit deri sa u vrane mijera, u shkaterrua cdo gje dhe Shqiperia u kthye ne epoken e gurit? Mendohu pak dhe pyet veten , cfare do kishte ndodhur sikur Ram Berisha ta kishte dhene doreheqjen pak muaj me pare shperthimit te depove ne 97, pasi u mor vesh fare qarte se ekonomia shqiptare ishte zhytur ne krize dhe 70% e shqiptareve ishin vjedhur ne mes te dites, nen qeverisjen e tij!

Po ti ne cilen grigje je dhe kush eshte bariu yt? Dhe si qytetar aktiv qe je, cili eshte kontribut yt per Shqiperine, dhe pse deri me tani askush nuk e ka permendur rrezikun qe i kanoset Shqiperise nga keto depo natyrore te armatimit? Ku ishte opozita qe te punonte ne parandalimin e kesaj tragjedie (nese ka qene aq e vetedijshme) duke terhequr vemendjen e qeverise se tanishme tek rreziku i ketyre depove te armatimit, nese kjo e fundit ka qene e paafte dhe e pandergjegjshme? Apo roli i opozites eshte te prese deri sa Shqiperia te merr flake e mandej te merr te "drejten" per te ardhe ne pushtet ne menyre jolegjitime, pavaresisht nga viktimat ne njerez?

Ne nje vend demokratik dhe ku sundon ligji, u lejohet organeve gjegjese te merren me ceshtjen dhe te zbardhin te verteten. Mandej le te shkarkohen ata/o qe jane pergjegjes, qofte Berisha apo kushdo tjeter. S'ka nevoje per grushtete e puce, se sinqerisht merre njerin e meshoj tjetrit. Keshtu eshte ajo skena politike ne Shqiperi.

Mos te flasim pastaj edhe per mosperfilljen e qytetareve ndaj shtetit, ligjit etj.

Edhe vete Zoti te udhehiqte me Shqiperine, do ta kishte veshtire te funksiononte ne ate vorbull kontradiktash e cfare jo tjeter.

P.S. Sa per ate qe Berisha ka punuar kunder kosovareve dhe Kosoves, nuk eshte hera e pare qe kosovaret kane rene pre e politikes se shqiperise...bile Berisha me se paku ka dhene kontribut ne kete drejtim

[Darius]

Oh dhe ky na qenka shkrimi yt plot brum, apo llogjike. Duhet te jesh studente e Filo qylit ti me siguri.

Te majtet nuk kane qene dakort me asnje ndermarrje te se djathtes?? Si psh ajo e pushtimit te cdo intitucioni kushtetues nga e djathta, duke perfshire Presidentin, kryeprokurorin, gjykaten e larte, madje edhe FSHFne duan ta zaptojne, duke shkaterruar keshtu cdo balance pushteti dhe kontrolli qe kerkon nje demokraci moderne?

Apo si ato iniciativat e prishjes se investimeve dhe projekteve te miratuara nga te majtet me pare duke filluar qe prej mbikalimit, Trenit Durres Tirane, projekteve te korridoreve ne Jug, TEC-it ne Vlore (te vonuar) etj etj?

Te majtet na qenkan te etur per pushtet sepse kerkojne mireqeverisje dhe pergjegjesi nga ata qe nuk ruajne dot as depot me municione, kurse te djathtet qe shkaktuan kete menxyre me paaftesine e tyre dhe prap kerkojne te manaxhojne sigurine kombetare qenkan - te paetur per pushtet?C'na the moj lule?! Ku i meson keto ti me qafsh.

Sulmet terroriste tani na i barazon me cfare ndodhi ne Shqiperi? Vertet? Njesoj eshte per ty detyrimi qe ka nje shtet per ruajtjen e objekteve te sigurise kombetare, sic jane depot e armeve me ate te ruajtjes te ndertesave private, qe qeveria i mbron por nuk mund ti ruaj dhe mirembaje nga sulme surprize dhe te qellimshme, ndryshe pra nga c'ben apo duhet te bej me depot e armeve!

Hmm se na flet edhe per hetuesine. Kush eshte ai gomar qe beson se hetimi i ketij incidenti do jete i paanshem, qekurse kryeprokurorja shqiptare nuk ishte gje tjeter vecse nje emerim dhe triumf i vullnetit politik te se djathteve, pa konsensus me te majtet. Eshte per te qeshur kur kerkoni ta shisni sapunin per djath, dhe ligjeroni ketu plot normalitet per drejtesi, sikur shteti i Rrumpallave te mos kete asnje problem me menyren sesi eshte strukturuar, ekuilibruar, dhe sesi funskionon. 6000 ton municion qe shpertheu nuk ishte mjaftueshem qe ta vertetonte kete per ty? Per ty me siguri nuk ka asnje problem me ate shtet? Epo e ke ngaqe je plot mend me siguri, sic thua edhe vet.

Po ti me zor do ti imponosh te tjereve mendimin tend? Kush nuk eshte ne vije te drejte me ate qe shkruan ti me demek duhet te kete shkrime pa brum dhe llogjike? Mjaft pash zotin me kete patetizmin tend se na hape barkun. Mund dhe mos te te pergjigjesha fare por po behesh qesharak me kete kundershtine tende. Ska nevoje te me thuash qe sjam militant jo sme behet vone per kete e ate se e bertet kaq shume sa te behet veshi daulle. Ta kam thene dhe me pare po ta them prape, ti ne shkrimet e tua je thjesht nje hipokrit dhe fshihesh mbas fjaleve te tipit; pergjegjesia qytetare, morali qeverises, demokraci moderne... E kupton sa qesharake tingellon ne gojen tende nje frazeologji e tille? Pse nuk del hapur dhe te thuash qe je i thekur per PS-ne dhe do me cdo kush qe te vijne ne pushtet. Qe je patologjik ne urrejtjen tende ndaj Berishes apo dhe vete PD-se dhe mjafton qe te zhduken keta nga faqja e dheut pa tymi le ti dali. Dil ore hapur dhe pranoje qe nuk ndryshon aspak nga shumica e ps-se qe e kane kthyer kete filozofi ne menyre jetese te tyre dhe ne vete ekzistencen e tyre. Me qesharakja eshte qe futeni ne keto tema me shpaten e drejtesise dhe harroni qe ne cdo hap qe beni leshoni felliqesiren qe ju karakterizon. Keni surrat ju te ps-se te flisni per shtet ligjor, per ligje e demokraci moderne. Hajde de ti afroheni diskutimit ne nje kah tjeter, psh ne ate njerezor... edhe ben vaki qe t'i hidhni hi syve njerezve por keni pikerisht paturpesine qe te flisni per norma dhe moral, per vlera dhe parime kur ju te paret jeni abuzuesit dhe shkelesit me te medhenj te ketyre qe permenda. Ju jeni mallkimi i atij vendi. Nuk keni as bese as moral as ndjenja njerezore po jeni bisha me fytyra njeriu. Skaluan as 24 ore nga ngjarja, pa bere prokuroria as analizen me minimale dhe ju direkt drejtuat gishtin tek 'fajtori' dhe kerkuat prerje kokash. Mendoni mer njehere per ata qe u shkrumbuan aty, lerini ti qajne familjaret dhe ti kallin ne dhe pastaj te kerkohet pergjegjesia nga te gjithe. Apo mos valle ju baballeret e dikurshem te kombit ju qan shpirti me shume per drejtesi se pjesa tjeter e popullit? Ju qe per 50 vjet e perdoret drejtesine per krimet me monstruoze dhe dhunen me shtazarake qe ka njohur ky popull. Prandaj ta them me plot gojen qe je/jeni hipokrite dhe skeni moralisht surrat te flisni per parime dhe norma. Me mire dilni hapur me fytyren tuaj te vertete dhe ne vend qe perpara kamerave ti jepni fytyres shprehje mallengjyese, tregoni hapur kenaqesine e madhe qe ju dha kjo ngjarje se solli ne dore zogun per te shkaterruar Berishen dhe mbase ku i dihet me ate mendjen tuaj perverse dhe patetike edhe vete qeverisjen e PD-se.

Per asnje moment nuk shfajesoj Berishen, qeverisjen dhe persona te vecante. Kushdo qe ka pergjegjesi per kete katastrofe ta mbaje dhe te pergjigjet deri me nje, moralisht dhe ligjerisht. Ai popull do shpetoje kur te mesoje se e bardha eshte e bardhe dhe e zeza eshte e zeze ne cdo qeverisje. Do shpetoje kur te ndergjegjesohet se pjella e krimit sjell vetem krim. Sado te nderroje lekuren nuk do nderroje dot kurre mentalitetin dhe te zezen qe ka ne shpirt. Ne ka sot ne Shqiperi nje force politike me te inkriminuar si ne te kaluaren e larget si ne ate te vonet si ne te tashmen ajo eshte ps me kermat e saj. Mjaft ore lereni ate vend te marre fryme i qete. Lerini njerezit te jetojne sic e meritojne dhe boll e ngerthyet te ardhmen e atij vendi me poshtersite tuaja. Perndryshe as lutjet dhe faljet e papes, patriarkeve dhe imameve nuk do ju shpetojne nga mallkimi.

[*Anxhi*]

Mendimi im eshte se papergjegjshmeria per kete tragjedi eshte e te gjitheve: qeverise, opozites dhe pozites, popullsise, prinderve me pak fjale I TE GJITHEVE.