Balliu i "55" u pergjigjet akuzave per implikim ne aferat e Gerdecit

[Brari]

gazetat e bollinos po gerrmojne kunder balliut..

ja cthote rezultati i gerrmimeve..

---

"Keshilltari" i Berishes ortak me Delijorgjin

» Dërguar më: 08/04/2009 - 14:01


Lajme te ngjashme

Balliu, një ndër njerëzit e Berishës
• Datë: Apr 08, 2009






Fahri Balliu, botuesi i së përditshmes “55”, gazetës më të afërt të kryeministrit Berisha, rezulton bashkëpronar në një firmë ndërtimi me ish-pronarin e kompanisë “Albademil”, Mihal Delijorgji, i akuzuar si përgjegjësi kryesor i tragjedisë së Gërdecit, i cili prej një viti ndodhet nën masën e arrestit me burg. Balliu përfaqësohet në këtë kompani, që mban emrin “Trans Digging Construction sh.p.k”, nëpërmjet së bijës, Henris. Në momentin e themelimit të kompanisë, në vitin 2006, vajza e tij ka qenë 20 vjeçe, çka nënkupton qartë se emri i saj është regjistruar si ortake në akt-themelimi prej të atit të saj. E bija e Balliut zotëron 20 për qind të aksioneve të kompanisë “Trans Digging Construction sh.p.k”. Kompania ku Delijorgji dhe Balliu janë bashkëpronarë është ende aktive, çka do të thotë se prej më se një viti ajo i ka shpëtuar sekuestros së Prokurorisë. Dokumenti që po boton sot “Gazeta Shqiptare” implikon rëndë vetë kryeministrin Berisha për lidhjet e tij me Delijorgjin, nëpërmjet njerëzve të tij që kanë biznese të përbashkëta me të, sikundër është Fahri Balliu, botuesi i së përditshmes “55”.
Sulmet
Me këtë dokument të bashkëpronësisë në firmën e ndërtimit mes Delijorgjit dhe Balliut, hidhet dritë mbi lidhjet e njerëzve afër kryeministrit Berisha me Delijorgjin. Madje, i konsideruar si “këshilltari” i kryeministrit, Fahri Balliu ndërton me njeriun që akuzohet për tragjedinë e Gërdecit. Fill pas tragjedisë së “Gërdecit”, gazeta “55” pronë e Balliuti rriti ndjeshëm sulmet ndaj organit të akuzës, e në veçanti ndaj kryeprokurores Ina Rama. Fakti që Balliu është bashkëpronar me Delijorgjin, duket se “përligj” sulmet e tij ndaj Prokurorisë së Përgjithshme.
Delijorgji
Është cilësuar si nga biznesmenët më të mëdhenj të hekurit në Shqipëri. Ai ka punuar me importim hekuri, por edhe me shitje të skrapit, kryesisht duke përfituar nga kontrata shtetërore. Për herë të parë ai është arrestuar në muajin prill të vitit 2004. Në atë kohë, Delijorgji ishte në kulmin e pushtetit të tij, pasi përveç tregtisë fitimprurëse, ishte edhe presidenti i klubit sportiv ‘Dinamo’, pjesë e Ministrisë së Rendit Publik të asaj kohe. Arrestimi i tij u krye për llogari të Prokurorisë së Durrësit, me akuzën për shmangie të detyrimeve doganore, evazionit fiskal dhe falsifikimit të dokumenteve. Në atë kohë ai ishte president i firmës “Përparimi” dhe u akuzua se u është shmangur detyrimeve për importimin e hekurit, duke i shkaktuar shtetit një dëm prej 1.2 milionë dollarësh. Pak më vonë ai u lirua nga burgu, por edhe nga akuzat. Arrestimi i dytë i tij me masën e sigurisë arrest me burg, ndodhi tre ditë pas tragjedisë së Gërdecit. Sipas Prokurorisë së Përgjithshme, ai akuzohet për veprën penale të “vrasjes në rrethana të tjera cilësuese, kundër dy ose më shumë personave” dhe “shkatërrim prone” në bashkëpunim. Nëse deklarohet fajtor për këto akuza, ai do dënohet me burgim jo më pak se 20 vjet ose me burgim të përjetshëm.

---------------



te shohim si do pergjigjet balliu..



---


ja cthote 55-sa e balliut..


--

POLITIKË
Balliu: Edi dhe Ina Rama po sulmojnë politikisht
08-04-2009 / Gazeta 55


Botuesi i gazetës "55",Fahri Balliu i ftuar në Ora News ka akuzur kreun e PS-së Edi Rama dhe Prokuroren e Përgjithshme Ina Rama se po e sulmojnë atë, duke iu referuar lajmit se vajza e tij është ortake me Mihal Delijorgjin. Sipas tij, Prokurorja Ina Rama ka qenë në dijeni të kësaj çështje dhe duhet të ishte treguar e sinqertë. "Prokuroja u tregua e pasigurtë kur u pyet nga gazetarët për këtë çështje.Ajo duhet të thoshte se Fahri Balliu nuk ka asnjë lidhje me këtë çështje. Si Ina dhe Edi Rama janë të angazhuar në këtë sulm, sepse kriza me afrimin e zgjedhjeve është bërë me e madhe", u shpreh Balliu. Sipas tij, ky sulm po vjen për shkak të pozitës së tij si botues i një gazete. Ai e krahasoi Prokurorinë me Komunitetin e Partisë së Punës së Shqipërisë. Botuesi i gazetës "55" shpjegoi se vajza e tij ka firmosur në krijimin e një firme biznesi ku janë 5 vetë, firma është për gërmim dherash, dhe nga ky moment nuk ka pasur asnjë lidhje me këtë firmë sepse është tërhequr pasi nuk kishe fitime. "Vajza ime nuk ka asnjë lidhje financiare me këtë firmë dhe kjo mund të provohet",saktësoi ai.

...

Komente

z.Fahriu e dija se Ramat jane duke pregatite sulme ndaj teje dhe kjo dihet, por askush nuk i beson. Ketu fshihet presidenti Topi ne ket loje te ndyre. Por esht i deshtuar si ne te tjera qe do deshtoje. Fjala e juej ne gazete esht nje kontribut i Madh i demokracise, qe frike e kane shume. Zija e NATO-s i ka terbar tmerresisht taborin rama e Topin.
Postuar nga besim ne daten 09-04-2009

--

--


LUNDRIMI
Faqe e parë
Politikë
Aktualitet
Editorial
Opinione
Kulturë
Kontakt



GAZETA PDF


ARKIVË



Dy zonjat Rama duan të bëjnë miellin e bukës së zgjedhjeve me akuza kundër meje
08-04-2009 / Gazeta 55


Deklarata e plotë dhënë sot nga botuesi i "Gazeta 55" si reagim ndaj akuza të ngrituar ndaj tij në disa media



Në këtë konferencë për mediat, dua të jap sqarimet e duhura për akuzën në gotë që kanë ngritur segmente dhe qarqe të caktuara që për interesa të mirëfillta politike, kanë keqintepretuar dhe mashtruar opinionin publik, lidhur me një të ashtuquajtuar aferë timen me Delijorgin. Ju bëj me dije se në shkurt të 2006, vajza ime ka firmosur një marrëveshje si 1/5 e një firme që po hapte Delijorgi për gërmim dherash. Që nga momenti i krijimit të kësaj firme, as vajza ime dhe as unë, nuk ka asnjë lidhje me këtë firmë e cila vdiq sa lindi. Unë posedoj të gjithë dokumentat e lëvrimit financiar dhe në këto dokumenta, emri i vajzës sime, e aq më shumë unë, nuk figurojnë. Të bësh biznes, dhe jemi në 2006 në rastin në fjalë, nuk është një gjë e ndaluar me ligj. Por, ky biznes, sipas mediave dhe sipas qarqeve politike, u dashka bërë me njerëz me biografi të mirë ose të keqe. Unë mendoj se ky sulm, është i denjë thjesht për shfaqje të huaja dhe dokumentat e krijimit të kësaj ndërmarrje kanë qenë me kohë në prokurori: është studiuar, analizuar dhe është parë që nuk ka asnjë gjë në ngarkim timin apo të familjes sime. Në këto kushte, duke qenë se janë të dështuar në këtë pikë, ia dhanë këtë dokument drakulës së medias, i cili e përtypi me nofullat e tij të gjakut, për t’ua dhënë kolegëve tanë, ne dhe opinionit publik, si një aferë ku do të goditeshin Balliu, apo ata që janë prapa Fahri Balliut. Sigurisht se në këtë dokumet dhe në dhënien e tij, është përfshirë padyshim prokuroria, sepse kjo ka qenë legale në websitin e QKR-së dhe që mua as më ka shqetësuar dhe as më shqetëson. Atë mund ta merrte çdo njeri. Kurse e dhënë në këtë formë, është për t’i shërbyer sadopak strategjisë dhe politikës të dy zonjave Rama, një e bashkisë dhe një e Prokurorisë, dhe është e lidhur drepërdrejt me luftën që bën gazeta dhe media bashkë me shtëpinë botuese që unë drejtoj, kundër segmenteve të genjeshtrës, mashtrimit dhe implikimit në krime të vjetra dhe të reja. Unë jam thjesht një botues gazete. Unë nuk kam kërkuar kurrë as në opozitë dhe as sot, asnjë lëshim dhe asnjë nder nga qeveria. Nuk jam paraqitur në një tender, siç është paraqitur drakula për të marrë tendera dhe për të bërë presion. Unë, gjithashtu nuk e kam shitur gazetën 500 mijë euro dhe më pas ta blej 1000 euro, që është simbol dhe emblemë e pastrimit të parave dhe kurrë ndonjëherë - as në këtë biçim dhe biçimsëz firme - as në ndonjë tjetër, nuk kam kërkuar para publike; nuk kam asnjë tendencë që më shtyn drejt sfrytëzimit të taksapaguesve, siç ndodh me të tjerët. Natyrisht se në këtë terren politike që luajmë ne gazetarët, do të kemi sulme të dukshme e të padushme; do të kemi siç është bota e vjetër e skutës nga vijnë këto sulme që të anatemojnë vlerat reale të botës intelektuale, botës së medias të vendit dhe t’i zëvendësojnë ato me bastardë dhe hajdutë që u vjedhin edhe shokëve 20 mijë euro dhe të bëjnë sa të munden që njerëzit që janë në radhët e para të luftës për të vërtetën, të jenë të dyshuar. Por sigurisht se kjo nuk zgjat dhe nuk nxjerr miell për të bërë bukën e zgjedhjeve Edi Rama dhe shërbëtorët e tij të rekrutuar, herët apo vonë.



Pyetje dhe përgjigje



Zoti Balliu, ju në mënyrë të drejtpërdrejtë akuzoni prokuriorinë për dhënien e këtij dokumenti? Unë mendoj se prokuroria është angazhuar për dhënien e këtij materiali, pasi vetë prokurorja ka thënë sot se: “Unë e dija këtë. Kam pasur dijeni për atë dokument”. Kuptohet që ky material nuk përbën asgjë dhe nuk ka asnjë gjë. Nuk ka asnjë lidhje me këto veshjet që dëshiron të bëjë ky “Gërdeci i Medias”. Duke qenë se është siç po ju them, ky u përpoq ta faktorizojë për interesa të atyre që u shërben tani. Ju i keni parë. Ne jemi kolegë dhe nuk mund të bëjmë sikur nuk i dimë gjërat. Ai është i renditur në një luftë për jetë a vdekje kundër raporteve të suksesit që ka kjo qeveri dhe kjo maxhorancë. Ai përpiqet që të errësojë sa të mundet.



Zoti Balliu a mund ta sqaroni edhe një herë pozicionin e vajzës suaj në këtë shoqëri?



Kur është krijuar kjo shoqëri, vajza ime ka marrë pjesë me 20% aksione në fitim. Kjo firmë do të mblidhte dhèra. Në momentin që ajo ka firmosur, që i bie të ketë qenë shkurti i 2006-tës, pra nga ky moment dhe deri më tani që ne po flasim, ajo ka aq dijeni - bashkë me mua - për këtë firmë, sa keni dijeni edhe ju, apo ndonjë qytetar që kalon në rrugë, dhe për këtë, jo vetëm prokuroria, por edhe gjithkush që ka hetuar këtë për ta bërë pikë goditje, e ka shumë të qartë, dhe unë vë në dispozicion të kujt të dojë, të gjithë dokumentat dhe është fiks kështu siç po e them unë. Që kurrë asnjë lek, as ka fituar dhe as ka luajtur rol, as ka pasur marrëdhënie ajo, apo unë, apo edhe familja jonë, me këtë firmë. Firma krijohet për të përfituar, apo jo?. Por nga momenti që nuk ke përfituar, në të je thjesht, formalisht me emër. Zoti



Balliu, vajza juaj u largua nga kjo firmë se nuk kishte fitime, apo për arsye të tjera?



Po. Firma s’ ka pasur aktivitet për dijeninë tonë. Ka qenë e mbyllur. Dhe unë as që e kam vrarë mendjen se çfarë ndodhte me të pas tri vjetësh. Nuk kam pasur dhe nuk kam asnjë dijeni, dhe nuk kam as më të voglën qindarkë të vjedhur prej saj.



Në shkurt të 2009, kjo shoqëri, me letra rezulton akoma aktive. Kam parasysh këta dy ortakët e tjerë që janë tërhequr nga shoqëria...



Ata bëjnë punën e tyre. Se çfarë bëjnë ata, është tjetër çështje. Unë po flas për pjesën time, e cila është e vdekur. Nuk ka aktivitet. Kjo është lehtësisht e provueshme, sepse janë dokumentat e bankës. Por, pikërisht këto dokumenta kanë frikë.



Zoti Balliu, ju po thoni se aksionet janë të vajzës dhe tuajat?



Nuk ka lidhje kjo si të jetë e vajzës, si të jetë e imja; nga unë do kalojnë tek ato të vajzës, nga vajza do kalojnë tek unë. Ajo ka firmosur për të marrë pjesë në aksione dhe pastaj që nga ai moment, nuk ka marrë pjesë. Marrja pjesë në firmë ka qenë një vendim i saj, jo imi.



Në momentin që ajo ka firmosur, ka derdhur siguracion?



Jo. Pasi kjo bëhet me 100 mijë lekë të vjetra. Realisht, e gjithë kjo është një furtunë në gotë.



Pse vajza juaj, sapo hyri në një biznes, u tërhoq?



Motivet e saj mund të jenë të shumta. Por, shoqëria ka vazhduar pa këtë. Për dijeninë time dhe të vajzës, është e mbyllur sepse ne e mbyllëm atë punë dhe nuk jemi marrë më me atë gjë. Kjo gjë është e vdekur. Për t’u bindur për këtë, duhet të shikosh dokumentat financiarë. Ato e provojnë të vërtetë këtë që po them.



Kryeprokurorja u shpreh sot se “Do të vërtetohet nga prokuroria” - ju çfarë deklarate do të bëni përsa i takon pjesës në të cilën vajza juaj ka qenë në 2006?



Prokurores i them të vazhdojë. “Pushka top” le t’i bëhet. Kjo nuk ka lidhje as me Fahri Balliun, as me vajzën e Fahri Balliut. Ky është një formalitet. Kjo është një mendësi komuniste. Le të marrim anën e kundërt. Firma mund të kishte zhvillim dhe mund të kishte marrë të ardhura. Në çfarë ligji hyn kjo që nuk duhet të marrësh. Pse i ndodhi këtij Gërdeci. Atëherë po largohemi të gjithë se nuk dihet se çfarë i ndodh atyre që drejtues të tjerë mediash bashkëpunojnë me ta. Atëherë çfarë do të bëjmë. Këto janë thjeshtë agjitacion e propagandë. Ai po mundohet të ndëshkojë autoritetin tim me nenin “55”. Janë dëshira dhe pasione për të nxjerrë vaj politik në zgjedhje.

...

Komente

te lumt Fahri Balliu, Me argumente mbyllju gojen komunistave qe ende ka shume ne Shqiperi per fat te keq.
Postuar nga Bajram Bajraj ne daten 08-04-2009
-----------


ju tjeret po gjetet gje nga gsh -te e bollinos sillini ketu.. e ansjelltas..

[_AuLoNa_]

Me ben pershtypje, si keta femije ne moshen 19 vjece bejne keto tregetira kaq te medhaja. Ketu jane burra me mustaqe si i themi ne nga anet tona, e nuk kane mundur dot, te fusin as frymen ne keto lloj biznesesh, pa qene ne kontrate me ""Madhorine"".

[Brari]

edhe merua qenka pjesmarrers ne kte beteje kunder balliut..
ja cthote Tema e Mero rames se Bazes..

--

Përse me të njëjtët hajdutë?!
Nga Mero Baze
Prokurorja dha dje shpjegime publike për medien rreth një kompanie të paverifikuar të Mihal Delijorgjit dhe disa ortakëve të tij. Nuk dua të merrem as me reagimet haluçinante të Balliut, as me mizorinë e tij për të traumatizuar vajzën e tij të pafajshme në këtë histori, për shkak të lakmisë për pará. Tashmë nuk është më tabu fakti që enturazhi i afërt i kryeministrit ka leje për të bërë pará kundrejt shërbimeve publike, dhe për këtë arsye nuk është ndonjë zbulim as ortakëria e Balliut me Delijorgjin, as me Kalaverin, as me serbët e Bosnjës dhe as me boshnjakët e Shqipërisë. Shumë mbështetës të PD më kanë telefonuar këto ditë, e sidomos dje, të habitur nga fenomeni që ata ende nuk e kuptojnë. Pyetja e tyre është natyrisht joparimore, por e sinqertë: Përse me të njëjtët hajdutë?

Këtë pyetje ma kanë pas bërë shpesh, kur doli në dritë për herë të parë Delijorgji në Gërdec. Shoqëria e tij me rrethin e ngushtë të djalit të kryeministrit, pastaj me Fatmir Mediun dhe, siç u pa më vonë nga faktet, aftësia e tij për të kapur shtetin dhe për ta tërhequr atë zvarrë në një punishte vdekjeje, ishte shokuese për demokratët. Të pafuqishëm për të luftuar me të keqen që ka kapur kokën e pushtetit, tashmë shqetësimi tyre kryesor dhe natyrisht banal është pse nuk gjetën një tjetër, por bënë dhe këta pará me Delijorgjin. Me Delijorgjin socialistët, me Delijorgjin Rrahmani, Fahriu, Fatmiri, Berisha…. Pyetja, sa naive dhe e sinqertë e tyre, është pse nuk ndërruan së paku partnerin. E njëjta pyetje u lind dhe për Rezart Taçin, kur shikojnë faqen e parë të gazetës RD dhe gazetës “55” që mbajnë reklamën e tij si emblemë të biznesit shqiptar, ndërkohë që kryeministri i tyre e ka akuzuar për supertrafikant. Përsëri pyetja 1 milion dollarë është: Përse me Rezart Taçin dhe jo me dikë tjetër të panjohur më parë? Kështu, lista e gjatë e pyetjeve vazhdon me një sërë klientësh të akuzuar më parë për korrupsion dhe që tashmë janë në paradhomën e qeverisë. Mes tyre shquan në mënyrë të pabesueshme Ilirian Celibashi, kunat dhe avokat i Fatmir Mediut, që del e mbron atë për llogari të demokratëve në opinion publik. Ata nuk e kuptojnë dot se si Sali Berisha në opozitë mblidhte qindarkat e tyre për të hapur një televizion që quhej ATN1 dhe që përpiqej të thyente rrethimin mizor të qeverisë socialiste dhe të TVSH së drejtuar nga Eduard Mazi dhe tani që kanë ardhur në pushtet televizionin që ata e kanë bërë me qindarkat e tyre, e ka privatizuar mbesa e Lirisë dhe kunati i Sali Berishës, dhe drejtor i atij televizioni është po Eduard Mazi. Dhe në fund, natyrisht, të gjithë pyesin për Damir Fazlliçin. Po pse me atë dhe jo me dikë tjetër xhanëm?

Përgjigjja është e thjeshtë. Ky pushtet kishte nevojë për klientë të gatshëm të korrupsionit dhe ofertat e tyre ishin shumë joshëse për t’u rezistuar. Më lehtë se me këdo tjetër, enturazhi në pushtet mund të bënte pará me këta njerëz, pasi, nëse do të përzgjidhnin “për të vjedhur” me dikë që ishte i tyre, do të viheshin në pozitë të vështirë. Kryeministri si njeri më me namuz natyrisht që e zgjodhi sekserin e vet serbo-boshnjak, të tjerët rrotull i gjetën sekserët e gatshëm nga klientela e mëparshme socialiste.

Pyetja torturuese për shumë demokratë në këtë moment nuk është e ndershme dhe nuk ia vlen të komentohet, por sidoqoftë ajo shpreh një mentalitet makthi në prag të ndërrimit të pushtetit. Të dëshpëruar nga një qeverisje, të cilën nuk e mbrojnë dot, të dëshpëruar nga pamundësia për t’u integruar në pushtetin e tyre këto katër vjet, të dëshpëruar nga zhgënjimi për sakrificat e tyre, ata, me sa duket, duan një përgjigje dëshpëruese dhe për klientët e korrupsionit. Dhe në përpjekje për të gjetur një shpjegim, shpresojnë se fajin nuk e ka pushteti i tyre, por klientët e korruptuar të pushtetit socialist që i janë ofruar këtij pushteti. E kuptoj këtë nga pyetjet dëshpëruese të Jozefina Topallit dy javë më parë, që pyeste për ortakët e Delijorgjit. E bindur se së paku ky hajdut nuk ishte i partisë së saj, ajo iu turr koleges së saj socialiste duke i thënë se “e keni ortak”. Tashmë doli se dhe ky është ortak me dikë nga të sajtë. Dhe kjo e bën të dhimbshme pafajësinë e shumicës së pushtetit të PD, i cili po digjet për shkak të pazareve të kupolës së pushtetit me klientët e mafies që iku nga pushteti. Ndaj dhe pyetja e tyre dëshpëruese, e bërë nën dhëmbë dhe me shumë dhimbje, është: Po pse me të njëjtët hajdutë?!!! Së paku ata të ndryshonin.

--

Fahri Balliu i shiti dje aksionet e tij Delijorgjit
Nga Enton Palushi

Fahri Balliu, botues i gazetës proqeveritare “55”, i njohur si njeri i afërt i kryeministrit, Sali Berisha, i ka shitur dje Delijorgjit 20 për qind të aksioneve të tij në kompaninë “Trans Digging Construction”.

Deklarimi i shitjes është bërë mëngjesin e djeshëm në Qendrën Kombëtare të Regjistrimit, vetëm një ditë pasi mediet bënë publik skandalin.

Të dhënat janë lehtësisht të verifikueshme. Vetëm një javë më parë, kompania kishte si ortake vajzën e Balliut, Henris, e cila kishte 20 për qind të aksioneve. Kjo dallohet qartë në Faksimilen 1, që përmban informacionet e Qendrës Kombëtare të Regjistrimit (QKR). Në fund dallohet se veprimet e fundit që janë bërë me këtë kompani mbajnë datë 30 mars 2009, gjatë kohës kur vajza e Balliut ishte aksionere në këtë kompani.

Ndërsa dje të dhënat e firmës tregojnë ndryshimet e bëra në mëngjes herët. Balliu ka shitur aksionet e tij, duke u tërhequr kështu nga firma, ndërsa aksionerë vazhdojnë të jenë vëllezërit Mihal e Kristo Delijorgji dhe përfaqësuesja ligjore, Flora Xhillari.

Data e ndryshimeve pasqyrohet në fund të faqes në Faksimilen 2. Ndryshimet janë bërë në datë 8 prill, menjëherë pas shpërthimit të skandalit.

Aksionet i kanë kaluar Kristo Delijorgjit, i cili është marrë me urgjencë për të kryer veprimet.

Gazeta “TemA” publikoi dje të dhëna për kompaninë “Trans Digging”, e cila është në bashkëpronësi të të akuzuarit kryesor të Gërdecit, Mihal Delijorgjit, dhe botuesit të gazetës “55”, Fahri Balliu, që ka përdorur vajzën e tij për aksionet në këtë kompani.

Dje nuk ka patur asnjë reagim zyrtar nga mazhoranca, e cila përmes kryetares së Kuvendit kishte deklaruar se opozita ishte e lidhur me Delijorgjin. Faktet e botuara në gazetën “TemA” vërtetojnë se njëri nga njerëzit më të afërt të Berishës është bashkëpronar me Delijorgjin në një kompani, e cila nuk është sekuestruar nga prokuroria gjatë hetimeve për Gërdecin dhe që vazhdon të jetë aktive edhe sot e kësaj dite.







Balliu: Ishte vendimi i vajzës jo imi për të bërë ortakëri me Delijorgjin




Botuesi i gazetës “55”, një nga njerëzit e afërt të kryeministrit Berisha, i akuzuar për lidhje me shkaktarin kryesor të Gërdecit, tha dje se vajza e tij kishte hyrë në ortakëri më Delijorgjin, dhe ky ka qenë vendimi i saj.

“Ju bëj me dije se në shkurt të 2006, vajza ime ka firmosur një marrëveshje si 1/5 e një firme që po hapte Delijorgji për gërmim dherash. Që nga momenti i krijimit të kësaj firme, as vajza ime dhe as unë nuk kemi asnjë lidhje me këtë firmë, e cila vdiq, sa lindi. Unë posedoj të gjithë dokumentet e lëvrimit financiar dhe në këto dokumente emri i vajzës sime, e aq më shumë unë, nuk figurojnë.

Të bësh biznes, dhe jemi në 2006 në rastin në fjalë, nuk është një gjë e ndaluar me ligj. Por, ky biznes, sipas medieve dhe sipas qarqeve politike, u dashka bërë me njerëz me biografi të mirë ose të keqe. Unë mendoj se ky sulm është i denjë thjesht për shfaqje të huaja dhe dokumentet e krijimit të kësaj ndërmarrjeje kanë qenë me kohë në prokurori: është studiuar, analizuar dhe është parë që nuk ka asnjë gjë në ngarkim timin apo të familjes sime”, - tha Balliu.




Në shkurt të 2009, kjo shoqëri, me letra, rezulton akoma aktive. Kam parasysh këta dy ortakët e tjerë që janë tërhequr nga shoqëria...




Ata bëjnë punën e tyre. Se çfarë bëjnë ata, është tjetër çështje. Unë po flas për pjesën time, e cila është e vdekur. Nuk ka aktivitet. Kjo është lehtësisht e provueshme, sepse janë dokumentet e bankës. Por, pikërisht këto dokumente kanë frikë.




Zoti Balliu, ju po thoni se aksionet janë të vajzës dhe tuajat?




Nuk ka lidhje kjo, si të jetë e vajzës, si të jetë e imja; nga unë do kalojnë tek ato të vajzës, nga vajza do kalojnë tek unë. Ajo ka firmosur për të marrë pjesë në aksione dhe pastaj që nga ai moment nuk ka marrë pjesë. Marrja pjesë në firmë ka qenë një vendim i saj, jo imi.




Pse vajza juaj, sapo hyri në një biznes, u tërhoq?




Motivet e saj mund të jenë të shumta. Por shoqëria ka vazhduar pa këtë. Për dijeninë time dhe të vajzës, është e mbyllur, sepse ne e mbyllëm atë punë dhe nuk jemi marrë më me atë gjë. Kjo gjë është e vdekur. Për t’u bindur për këtë, duhet të shikosh dokumentet financiare. Ato e provojnë të vërtetë këtë që po them.

gazeta55.net







Ina Rama: Po bëjmë verifikimet përkatëse për këtë çështje




Duke iu referuar faktit të mosvënies nën sekuestro të shoqërisë së ndërtimit “Trans Digging Construction”, në të cilën Mihal Delijorgji është ortak, Prokurorja e Përgjithshme, Ina Rama, konfirmoi hetime për këtë çështje.

“Po bëjmë verifikimet përkatëse në lidhje me këtë çështje”, - u shpreh Rama.

Por me herët gjatë një takimi me prokurorë nga i gjithë vendi, Prokurorja e Përgjithshme foli ashpër për ata prokurorë që lënë jashtë sekuestros prona të individëve, që i kanë ngritur këto biznese me anë të aktiviteteve kriminale. Kryeprokurorja propozoi madje një grup të përbashkët pune me policinë.

“Jemi të ndërgjegjshëm se goditja financiare që i bëhet një individi nëpërmjet një aktiviteti kriminal është ajo që shkatërron suportin themeltar të tij”, - u shpreh Rama. Sipas saj, puna e një prokurori nuk do të jetë e mirë, nëse është shmangur hetimi financiar që është një detyrim ligjor.

TCH

--

[_AuLoNa_]

[vagabondo_nyc]

Po mire mo brari si mendo ti ca m*tin do kjo goca 20vjecare e Balliut te bej biznes me Delijorgjin?


Mos e ka dashnor kete Dilijorgjin se shok shkolle sjane. Le te na tregojne ktu kto e 20-vjecaret e forumit sa hapesire dhe mundesi ka nje 20vjecare te beje bizines ne Shqiperi.


Pse cdo gje njeri afer Sali Berishes qe e akuzo prokuroria me patjeter qeka sulm politik?

Ajo buzqeshja e Delijorgjit kur e arestuan pas Gerdecit akoma u rri para shqiptareve por shumica se nenkuptonin pse nenqeshte ky mizerja. Ja pra pse qeshte si shkerllat se i kishte shpatuallat e ngrohta si nga pd po ashtu ene nga ps.

[Brari]

vagu.. keto gjera qe thua do i sqarojme ketu..duke sjelle shkrime nga te dy palet.. si nga kupola bollinos.. si nga balliu.. e pastaj konkludojme...

prandaj e hapa kte teme..



kopila jane kta.. ps-ja oj aulone..
nuk rrin di pa gjetur "skandale"..

kur do me sqaroc oj cupe.. se kur i prishet pipzat me PD-ne ju fisi i aulonajve..dhe kur i ndreqet me PS-ne..

??

aulonë..cmendim ke per tre figura te laberise vlonjate..

per hysni Kapon..
per Zan Caushin..
per zabit brokajn..


??

[_AuLoNa_]

Po mire mo brari si mendo ti ca m*tin do kjo goca 20vjecare e Balliut te bej biznes me Delijorgjin?


Mos e ka dashnor kete Dilijorgjin se shok shkolle sjane. Le te na tregojne ktu kto e 20-vjecaret e forumit sa hapesire dhe mundesi ka nje 20vjecare te beje bizines ne Shqiperi.


Pse cdo gje njeri afer Sali Berishes qe e akuzo prokuroria me patjeter qeka sulm politik?

Ajo buzqeshja e Delijorgjit kur e arestuan pas Gerdecit akoma u rri para shqiptareve por shumica se nenkuptonin pse nenqeshte ky mizerja. Ja pra pse qeshte si shkerllat se i kishte shpatuallat e ngrohta si nga pd po ashtu ene nga ps.

I ke rene ne koke! Jane te vajzes apo jane te Fariut, ne jemi mese te qarte qe keto jane marveshje biznesi familjare. Fariu kot thote jo vajza jo une, ajo duket ca lloj biznesi eshte, nuk do mikroskop ta shikosh apo analizosh.

Po leri se keta qe mundohen ti bejne keto gjera si te padukshme, ua servirin vetem nje lloj popullate qe ja eshte shurdh e qorr, ose jane vertet, se ajo duket mese qarte.

[_AuLoNa_]

kopila jane ps-ja oj aulone..
nuk rrin di pa gjetur "skandale"..

kur do me sqaroc oj cupe.. se kur i prishet pipzat me PD-ne ju fisi i aulonajve..dhe kur i ndreqet me PS-ne..

??

aulonë..cmendim ke per tre figura te laberise vlonjate..

per hysni Kapon..
per Zan Caushin..
per zabit brokajn..


??

Perseri, sa here do te them, leri logot PS e PD, se nuk pi uje me. pi uje kush eshte ne qeveri dhe c'fare behet. A thua se nuk kam kritikuar keta te PS'se kur ishin ne qeveri?

Me mbahet mend kur vajta ne Shqiperi per vizite e fluturonte helikopteri i Nanos mbi Vlore e nje i afermi im, tha- Ishalla te bie helikopteri e tund "kemben"...

Nuk ti bej Ps te mire, se dihet edhe ata aty i kane te tyret, por tani do heqim veshin ketyre qe jane ne krye e vene vulen. Mesoje kete o Brar e do behesh vertet Demokrat.

E c'te mendoj, Hysniu e dine te gjithe, ka qene Partizan, me vone ishte pjese e qeverise qe kishim ne fuqi, biles Sali Berisha ishte doktori i Ysni Kapos, jo i Enver hoxhes si ca qe e ngaterrojne, vetem se futej si bycyk ne ta se e kishte karrieren si puna e marjuanes...LOL Megjitheate ne Shqipot per pak kariere jemi te vetmit.


Per keta dy te tjeret nuk jam shume e informuar!

[Brari]

nuk ke degjuat fare per zan caushin.. uau..interesant..

nejse..
pra e paski ditur se saliu sqe doktor i enverit.. ju vlonjatet..
hmm..

te fort jan ca.. e din psh qe ajo atje eshte dardhe..mirpo nuk ja ben syri terr ti thone eshte molle..
me kujtohet nje labe e lagjes kur plasi 97 ta..
gumezhinte neper lagje.. sali qëni me vrau nipin ne vlore..
e pyes te bijen.. e vertete eshte qe ja ka vrare nipin saliu mamas tende..
e mo tha lere mamane se ashtu e ka ajo.. un kam folur me tanet ne vlore dhe ata e dine mire kush ja u vrau po nuk guxojne te pipetijne se.. ububuja..

nejse..



vago bondos..

te siguroj un o vag..se asnje qe ka byzylyqet ne dore nuk qesh se ka mik fahriun balli.. sepse balliu ska asnje fuqi ne shqiperi ..
qeshin vetem ata qe kan miq ne PS sepse PS ka qene eshte e do jete keshtjella e celikte e hajdutve..e prokuroreve gjykatesve e e te forteve..
faktet e tregojne kete cdo dite..
nuk behen kot mileti me PS-ne or cun..
nuk behen se u qan zemra per socializmin euripian..jo mo jo..



po nuk besove.. gerrmo.. ose pyet ose ndiq mediat..e do shohesh se mes balliut e deliut.. lujn a slujn.. 5 lek te qelbta..kurse mes edvinit e bollinit e deliut lujn miliarda e askush ska me ja bo prablem..
le me mes meros baz e ktyre delive e edvin rucve.. qe luajn miliarda e cfar se..

nuk e hapa kot kte teme..
ktu do jemi e do shohim..


..

[DeuS]

Me ben pershtypje, si keta femije ne moshen 19 vjece bejne keto tregetira kaq te medhaja.

Welcome to no man's land..

Kjo eshte Shqiperia..

Imagjino c'behet tani..

Prokuroria kryen detyren, akuzon!

Qeverria, akuzon prokurorine pse ben detyren!

Berisha zgjedh Krye-prokuroren..

Kryeprokurorja ben detyren me korrektesi!

Berishianet hedhin ne gjygj prokuroren menjehere..

Nuk po luan lojen tone, ta heqim qafe..

Ngriji te dyja duart dhe veri ne koke..

I vure?

Welcome to Berisha's land!