Rama viziton Beogradin, incident diplomatik ne konferencen per shtyp

[Llapi]

Qosja: Rama u dëshmua në Beograd si lider i rajonit

on November 11, 2014 1:14 am / 0 Comments


90Ngjarja e kësaj të hëne është vizita historike e kryeministrit Edi Rama në Beograd, vizitë që nxori në pah mungesën e komunikimit mes dy vendeve dhe ku përmendja e realitetit të Kosovës së pavarur në konferencën e përbashkët për shtyp me kryeministrin Aleksandar Vuçiq, u cilësua si provokim nga ky i fundit.

Në një prononcim për emisionin “Shqip”, akademiku Rexhep Qosja tha se vizita e kryeministrit të Shqipërisë në Beograd ka rëndësi shtetërore se e dëshmon përkushtimin e Shqipërisë ndaj paqes dhe qëndrueshmërisë në rajon.

“Ka rëndësi sepse e dëshmon përkushtimin e Shqipërisë për inkuadrim në Bashkimin Evropian. Ka rëndësi shtetërore sepse dëshmon përkushtimin e Shqipërisë ndaj Shteteve të Bashkuara të Amerikës, si një shtet me të cilin Shqipëria ka sot marrëdhëniet më të mira në historinë e saj. Ka rëndësi për përkushtimin ndaj SHBA sepse Shtetet e Bashkuara të Amerikës e dëshirojnë normalizimin e marrëdhënieve mes Kosovës dhe Serbisë, e dëshirojnë në përgjithësi normalizimin e marrëdhënieve shqiptare – serbe pas gjithë atyre që kanë ngjarë. Kjo vizitë e Edi Ramës në Beograd ka rëndësi të veçantë edhe për Kosovën, për zhvillimet e mëtejshme Kosovë – Serbi”, ka thënë Qosja, transmeton Koha.net.

I pyetur se si i është dukur qëndrimi i kryeministrit Rama në Beograd, Qosja ka thënë se e ka ditur që “kryeministri i Shqipërisë me përgatitjen që ka, me përvojën që ka, me dhuntinë politike dhe intelektuale që ka, do të jetë sipëror në atë takim, në ato bisedime dhe u tregua kjo që në momentet e para, sidomos në konferencën me gazetarët”.

Ndërkaq, për qëndrimin e kryeministrit serb Vuçiq, Qosja ka thënë se si Vuçiqin, ashtu edhe Ministrin e Jashtëm serb, Ivica Daçiq, i njeh që kur ka qenë fëmijë, duke theksuar se Vuçiq ka qenë konsomolas i Sheshelit dhe i partisë së tij dhe Daçiq ishte komsomolas i Millosheviqit dhe i partisë së tij socialiste.

“Vuçiq… më ka befasuar shumë zgjedhja e tij si kryeministër, sepse ai ka një barrë të rëndë në jetëshkrimin e tij politik. Ai ka bërë me Sheshelin një politikë shumë agresive, jo vetëm nacionaliste, por shoviniste ndaj shqiptarëve, ndaj myslimaneve të Bosnjës e të Hercegovinës. Jo vetëm për mua, zgjedhja e tij si kryeministër i Serbisë ishte befasi për shumëkënd, por ja që u zgjodh sepse ai mori një drejtim politik pro evropian, me një ndryshim nga një numër i madh i politikanëve dhe intelektualëve në Serbi që janë të orientuar më tepër nga Rusia, e që e quajnë veten patriotë kurse këta i quajnë pro-evropianë”, ka thënë më tej Qosja.

Ndërkaq, gazetarja Xhunga tha se Vuçiq, evropian apo jo, tregoi se nuk është profesionist si politikan në momentin që hoqi kufjet, apo, siç tha ajo, nuk i duhen dëshmi profesioniste, por patriotike për vendin që udhëheq?

“Çdo njeri e bën jetëshkrimin e vet në shtëpinë e tij dhe ai atë biografi të tij, ato sjellje të tij, atë mentalitet të tij politik e tregoi dhe në ndeshjen mes Serbisë dhe Shqipërisë në Beograd, i ranë maskat menjëherë dhe filloi të flas pa kontroll për shqiptarët, për Shqipërinë për ato çka ndodhën në futboll”, tha Qosja.

Më tej, akademiku Qosja tha se Rama në fjalën e tij tha shumë gjëra të vërteta që në Serbi nuk dëgjohen me dëshirë pasi që Serbia nuk është çliruar prej mitologjisë së saj mesjetare në mënyrë të veçantë nuk është çliruar prej mitologjisë së saj mesjetare për Kosovën, dhe se ata kanë ende iluzione, kanë trashëguar dhe disa paragjykime ndaj shqiptarëve e nuk mund të lirohen lehtë prej tyre.

“Edi Rama tha shumë të vërteta që i godasin paragjykimet e tyre, që godasin mitologjinë e tyre. Ata e kanë shpallur veten një popull qiellor. Popujt qiellorë nuk kanë dhunti, nuk kanë talent, nuk kanë shumë mendje për jetën e përditshme, për ato që ndodhin në tokë, prandaj edhe Serbia e përfundoi shekullin e 20-të me shumë tragjedi që i shkaktoi vetes por shumë më tepër që u shkaktoi popujve të tjerë në Jugosllavi, në mënyrë shumë të veçantë shqiptarëve, boshnjakëve dhe kroatëve”, u shpreh Qosja.

Qosja tha se këtë vizitë mund ta shikojmë në kontekstin e takimit në Berlin, është vazhdimi i asaj që u bë në Berlin.

“Edi Rama, kryeministri i Shqipërisë dëshmoi një superioritet politik, në të vërtetë edhe në Berlin, e dëshmoi. Tani edhe më fort në Beograd. Edi Rama, e them me kënaqësi të veçantë, u dëshmua jo vetëm kryeministri i Shqipërisë, praktikisht ai u dëshmua si lider i rajonit dhe kjo është me rëndësi të veçantë për Shqipërinë dhe për të gjithë shqiptarët”, u shpreh për fund, akademiku Rexhep Qosja.

[Llapi]

Larte qendron Luani !
Poshte jane Lakuriqet e nates !

[Bamba]

Ktij bravo i qofte, ama nese e analizojme me objektivitet, nese para takimit dy palet kane rene dakort te flisnin per disa tema te caktuara dhe Rama ka folur per tema te tjera, atehere ka gabuar.

p.s mos me boni vape se nuk jam as me ramen, e as me ndonje politikan apo parti, kshu qe mos citoni kot per pune politike.

[Llapi]

Reagon edhe Remi: Shqiptarët e kanë burrështetasin e tyre


GazetaExpress E martë, 11 Nentor 2014 00:20
Deputeti i PDK-së, Rrustem Mustafa – Remi, ka komentuar në Facebook vizitën e Edi Ramës në Beograd dhe incidentin gjatë konferencës për media me homologun serb, Aleksandar Vuçiq.

Ai thotë se shqiptarët u siguruan se kanë liderin me ndjësi të lartë burrështetasi.

Lexojeni postimin e plotë të Remit në Facebook

Shqiptaret u siguruan se kanë liderin me ndjesi të lartë BURRSHTETASI
Urtësia e matur e kryeministrit Rama e shfaqur ne Beograd, e beri që të mos ja di fare se çfarë është inferioriteti.
Kryeministri hapi rrugën për vazhdimin e raporteve aq të nevojshme fqinjësore edhe me Serbin, duke siguruar kështu perspektiven e kombit Shqipëtar krah kombeve të qytetëruara, moderne, eurpoiane!!

[user010]

Nje Bravo te madhe kryeministrit shqiptare qe foli per kosoven dhe presheven
nuk e kuptoj pse ketu ne kete forum ka shum andishqiptar qe vetem vrer din te nxhjerin qofshin pd/ps apo dicka tjeter
pse nuk lavderoni njehere qe dikush flet ne emer te shqiptareve dhe mbron shqipet kudo qe jan ?

ska rendesi eshte I djatht apo I majte rendesi ka qe ky njeri sot ne Beograd foli shqip dhe bukur

disa ketu thon flamuri ne aeroport nuk ishte jo kjo apo jo e kujt I plasi ishte apo sishte fjalimi qe mbajti ishte super

Disa Shqiptar vecse Vrer Nxhjerin vetem e vetem se urrejn iksin



Nje Komb sot duatroket edhe e priti fjalimin e Rames mir kurse 2-3 veta ne kete forum bla bla bla jeni bere si Brari dhe mbesa e Sali berishes


Ups se harrova kush flet kundra jush fillojn te sharrat dhe tradhtar

Shqiperi Etnike Sa Me Pare

Jam dakord, jemi ngjitur me disa gjera minimale dhe po largohemi nga thelbi i bisedes.

[_MALSORI_]

o njerez..a vertete mendoni se ka pas by.the rama te flase jasht korrnizes qe ja ka caktuar zonja e hekurt e gjermanise e..absolutisht nuk ka mundur..a e degjuat ndonje fjale te rames te thene pa pare ne letrat perpara..asnje..e ato letra qe i ka lexuar rama kan ardhe nga diku tjeter..jane thjeshte fjalet e dikujt tjeter te vendosura ne gojen e rames..eshte politika e dikujt tjeter e luajtur me kukullen rama..

akoma nuk keni kuptuar qe lidereve te ballkanit ju shkon shurra nga europa dhe amerika..takimin rames ja urdheroj merkeli, vucici nuk e hapi gojen ..ajo i ka thene do shkosh ne beograd dhe do thuash keto fjale e rama lepe peqe..serbet deshen ta anullonin por sapo i rrahu kembet merkeli shurra vucicave e dacicave..vucici e ka dite te gjithe ate qe do thoshte rama por mjerisht ka aktruar mjaft keq gjoja u zemerua , thjeshte per tju hedhe hi syve te popullit te tij..gjithcka ka qene e rekorduar ne menyre paraprake..mos u habisni fare per kete..

mesojeni edhe nje here..lideret shqiptare por edhe te te gjithe ballkanit as ne hale nuk shkojne pa marre leje nga amerika apo anglia apo tash kohet e fundit edhe nga gjermania..hahet dicka kur ju tremben usheheqesve te keyre shteteve or keto mjerana dhihen ne breke edhe nga ambasadoret e ketyre shteteve ne vendet e ballkanit..a nuk ka bere ligjin ne shqiperi ambasadori amerikan withers dhe arvizu..a nuk po ben ligjin ne prishtine ajo ambasadorja amerikane..sigurisht qe po..

[Darius]

E ke hequr nje dopio qe me mengjes?



Une tu drejtova ty ne menyre te drejte dhe debatuese sepse trumpetove mendimin e atyre me te cilet normalisht une shtyj kohen ketu ne forum duke i tallur, dhe u habita se nuk e ke zakon. Jo vetem kaq por dhe the se ishte shkelje skandaloze protokollare ndaj dhe te pyeta e cilit protokoll? Te nxora dhe foton e Bushit ne Shqiperi sepse the jane nderkombetare.

mendimin e kujt trumpetova une? Citova deklrataten e gazetarit qe u shpreh se mungonte flamuri shqiptar. Dhe ju referova protokollit te takimieve ndershteterore te atij niveli ku kerkohet prania e flamurit. Tani nese ka qene ose jo flamuri aty une se di. E di gazetari qe e permendi.

Tani e shikon qe ja fute kot dhe thua tifozllek lesh me tresh?

Po do te flasesh per tifozllek shiko plagjiaturen tek carcafin i Albos, marre nga budallai I Facebookut

Kot ja fusni ju qe hidheni direkt ne mbrojtje te Rames ku une as qe e permenda fare. Nuk me duhet Albo more zoteri. Une jam Darius.

[Llapi]

Një makinë me targa të Beogradit, por me Flamurin Shqiptar


GazetaExpress E hënë, 10 Nentor 2014 14:29
Një foto interesante, të paktën, për kosovarët po qarkullon në agjencitë e ndryshme të lajmeve. Bëhet fjalë për një makinë me targa të Beogradit, por që e ka një flamur shqiptar. Duket se është një nga makinat që e kanë përcjellë Kryeministrin Rama nga aeroporti tek ndërtesa Serbia.

[Darius]

Ja pse Aleksandar Vuçiç u kap i papërgatitur në konferencën e shtypit me Edi Ramën

nga Ruben Avxhiu - gazeta Illyria


Një sqarim për të kuptuar më mirë kryeministrin e sotëm të Serbisë



Kur kandidoi për kryeministër, Aleksandar Vuçiç u paraqit si ndryshe nga të gjithë udhëheqësit serbë në historinë moderne të Serbisë. Ai do të ishte udhëheqësi pragmatik, që do të drejtonte pa emocione, që do të gjente zgjidhje nga të cilat përfiton konkretisht Serbia dhe jo ëndrra në diell me nacionalizëm dhe fanatizëm.

Vuçiç fitoi me një shumicë në parlament që e bën atë po aq të fuqishëm sa Gruevski në Maqedoni, apo ende mbas skenave Gjukanoviçi në Malin e Zi. Edi Rama do të kishte qenë po aq i fuqishëm nëse shumicën që gëzon sot në Kuvend ta kishte arritur pa ndihmën e Ilir Metës. Mirëpo që kur është zgjedhur, Vuçiç nuk ka rreshtur së zhgënjyeri ata që shpresuan se kishin zgjedhur një menaxher të mirë të ekonomisë dhe jo trumbetarin e zakonshëm të përrallave propagandistike. Vuçiç ka filluar një sulm heshtës ndaj të gjitha programeve televizive dhe opinionistëve në media. Në vend që të dënonte zyrtarët që dështuan në ndihmën për përmbytjet masive, ai ndëshkoi median që i denoncoi ato. Në vend që të drejtonte qetësisht Serbinë në ekuilibrin mes BE-së dhe Rusisë i ka nervozuar të dyja palët. Një paradë e panevojshme për presidentin Putin zhgënjeu Perëndimin dhe ia ngriti mendjen kot Rusisë. Tani të dyja palët janë të irrituar me të. Sigurisht, historia tregon se është më e lehtë për ekstremistin që të zbutet e të fitojë votat e buta pa humbur ato të egrat, sesa për dikë si fjala vjen Tadiçin që kujtoi se do të ruante votat e të moderuarve duke hedhur vallen e nacionalistëve. Në fund i humbi edhe ai të dyja.
Vuçiçi gëzon ende kapital të madh për shkak të fitores së tij të fundit dhe shtrëngimit të shtetit si një diktator i kohës sonë. Mirëpo, deri sa të manipulojë zgjedhjet e ardhshme, ai nuk do të quhet i tillë. BE do të vijojë ta tërheqë në procesin e pakthyeshëm të integrimit për t’ia kufizuar lëvizjet e ardhshme anti-demokratike.

Këto të gjitha kanë rëndësi për të kuptuar përballjen e sotme me Edi Ramën. Imazhin e tij që po plasaritet, Vuçiç e kishte krijuar, nga një anë me ndihmën e një firme britanike të marrëdhënieve publike dhe nga ana tjetër duke shtypur median reale në Serbi. Kjo e ka ndihmuar fillimisht për të krijuar një imazh të pavërtetë që krijoi ide të ekzagjeruara në Serbi dhe për opinionin publik jashtë vendit, por kjo e ka lënë gjithashtu tërësisht të papërgatitur për situata publike reale. Një e tillë iu krijua gjatë konferencës për shtyp me kryeministrin e Shqipërisë Edi Rama. Kur ai përmendi Kosovën, Vuçiç e humbi toruan. Udhëheqësi “pragmatist” që dikur i hiqte qimet nga xhaketa kllounit nacionalist Vojisllav Sheshejl, tregoi se nuk di të administrojë situata në të cilat nuk ia kanë treguar tekstin paraprakisht. Nëse Rama po kthehet nga Beogradi me hijen e fituesit të përballjes mes dy kryeministrave, për këtë është faji i vetë Vuçiçit. Në vend që t’ia kishte ulur rëndësinë paragrafit të Edi Ramës për Kosovën, duke e shpërfillur dhe duke ripërsëritur mantrat e diplomacisë serbe për diskriminimin e pakicave në Kosovë, apo duke u kapur pas pjesës së Ramës ku vlerësohej dialogu mes Prishtinës dhe Beogradit etj, ai iu dorëzua rolit të viktimës, të të tradhëtuarit nga miku, të të provokuarit. Rama nuk bëri asnjë provokim. Ai përsëriti një qendrim të njohur jo vetëm të Shqipërisë por edhe të vendeve perëndimore mike të Serbisë. Që Kosova duhet njohur herët a vonë. Dhe sa më herët aq më mirë për vetë Serbinë. Po le ta zëmë se ishte një provokim. Politika është art i kompromisit por provokimet janë bashkudhetare të pashmangshme të saj. Nëpërmjet provokimeve politika dhe diplomacia testojnë ujërat dhe gjykojnë reagimet.

Nga provokimet ne e dimë se Serbia do të donte të përfitonte nga bllokada ruse në kurriz të BE-së duke eksportuar prodhime ushqimore në Rusi. Po nga provokimet kemi mësuar se ndonëse BE-ja është e butë dhe miqësore me Serbinë, në momentin kur u shfaq mundësia e thyerjes së embargos me Rusinë, blloku ia nxori menjëherë dhëmbët Serbisë. Nga provokimet mësojmë për mundësitë e koalicioneve të ardhshme dhe të metat e atyre të sotme. Në thelb, Edi Rama mbajti një fjalim mendjehapur ndaj Serbisë. Nxiti përmirësimin e marrëdhënieve mes të dy vendeve, pa ia kushtëzuar ato me njohjen e Kosovës. Ai e ftoi Vuçiçin që të vizitojë Tiranën, ashtu si kanë bërë shumë bashkëkombas të tij në vitet e fundit. Nuk e di se çfarë priste Vuçiç më shumë se kaq. Mbase që Rama të nxirrte një kitarë dhe t’i mbante një serenatë. Vuçiç dhe Daçiçi nuk janë udhëheqësit që duhej të kishte Serbia moderne, e paqes dhe stabilitetit në Ballkan. Provokimi më i madh i kohës sonë në rajon është fakti që këta dy zëdhënës të nacionalistëve më të egër të Ballkanit janë ende në krye të vendit të tyre. Vuçiç ashtu si Tadiç dhe Daçiç përpara tij do ta kuptojë shpejt se nuk mund të kalërojë dy kuaj njëkohësisht. Droni më i njohur në Serbi pas atij me hartën e shqipeve është ai me parrullën “Vuçiçi peder”, lëshuar nga ish-miqtë e tij radikalë. Ata që sot shkruajnë se e ka pasur babain shqiptar e familjen katolike. Nga ana tjetër serbët liberalë e proeuropainë janë shtangur nga sulmi mbi lirinë e medias dhe mungesa e efikasitetit të premtuar nga qeveria e re.
Ditët e qendisjes së imazheve irreale të politikanëve kanë mbaruar. Sot, në kohën e celulareve, tuitërit dhe gazetarisë qytetare, realiteti çpon çfarëdo flluske propagandistike. Realiteti të hyn në konferenca jashtë vendit dhe ta plas nga salla të vërtetën në sy. Të hyn në konferencë shtypi dhe ta merr mikrofonin nga dora. Një klik fotografie e papritur rrëzon mitin e ngritur me kujdes. Vuçiç e pati maksimumin në ditën kur u zgjodh me shumicën që gëzon sot. Që nga ai moment ka rënë dhe do të vazhdojë të bjerë.

Vuçiç mund të zgjedhë të nervozohet që Rama solli një copë realitet në flluskën e ringjalljes pa probleme së marrëdhënieve shqiptaro-serbe, mirëpo e keqja e tij nuk i vjen nga Tirana. Rrezikun e ka vetëm në Beograd, te serbët që mund të zgjohen një ditë e të zbulojnë se kryeministri i tyre nuk dallon shumë nga të tjerët dhe se nuk bëhet dot më nacionalisti që ishte dikur e as nuk mund të europianizohet në kaq pak vite. Pas tualetit të rëndë të imazhit publik, fshihet politikani i zakonshëm serb që druhet të flasë hapur për të vërtetat në të kaluarën dhe të ardhmen e Serbisë.

[Llapi]

Ushtari Serb, pran Flamurit Kombtar Shqiptar.