Rama viziton Beogradin, incident diplomatik ne konferencen per shtyp

[Elian70]

ore...po mu me duket si enveri ne rusi me hrushovin...perseritet historia si gjithnje...

[Xinxerfilli]

Ore ju seriozisht keni probleme mendore. Late kokrren e namit late, ju eshte bere Edi Rama si te jete kumbara. Ca me postoni foto kot me kot mer? Une i referohem raportit te gazetarit dhe jo fotos. Pakemi qene populli me idiot ne glob per tu indoktrinuar. Sinqerisht jeni bere te neveritshem me kete tifozllikun tuaj per Ramen.

E ke hequr nje dopio qe me mengjes?

Une se permenda as Ramen as Berishen e asnjeri fare. Thjesht te bera pyetje.

Une tu drejtova ty ne menyre te drejte dhe debatuese sepse trumpetove mendimin e atyre me te cilet normalisht une shtyj kohen ketu ne forum duke i tallur, dhe u habita se nuk e ke zakon. Jo vetem kaq por dhe the se ishte shkelje skandaloze protokollare ndaj dhe te pyeta e cilit protokoll? Te nxora dhe foton e Bushit ne Shqiperi sepse the jane nderkombetare.

Tani e shikon qe ja fute kot dhe thua tifozllek lesh me tresh?

Po do te flasesh per tifozllek shiko plagjiaturen tek carcafin i Albos, marre nga budallai I Facebookut

[linda l]

[Ma qarte s,ka ku shkon,,,,,,,,,Kosova e pavarur ose shtet me vehte qeteson rajonin!!!!!!

Do te thote qe,,,,,,,edhe ne kemi problem nje Kosove qe perzihet ne punet e shtetit shqiptar
Do te thote qe,,,,,,,neqoftese deshironi qe ne ekipin tone te futbollit te mos luajne kosovare , pranoni shtetin e tyre ]

[semiku]

@xinxerfilli - deri me tani Ne ksajde kufirit nuk e kemi shikuar me sy te mire Edi Ramen,por sot mbajti qendrim dinjitoz.
Ne Beograd kane shkuar edhe Enver Hoxha,Ahmet Zogu,Esad Toptani Por per Edin nje perkulje.I lumte !

[Llapi]

Rama: Sa më shpejt ta njihni Kosovën (Video)


10.11.2014 | 16:04
Kryeministri i Shqipërisë, Edi Rama në fjalën e mbajtur në konferencën për shtyp me homologun e tij serb, Aleksandër Vuçiq, ka deklaruar se njohja e pavarësisë së Kosovës është e pashmangshme.
Fjala e plotë e Ramës:

Rastësia e desh që një ditë pas kremtimit në mbarë Europën të 25-vjetorit të murit të Berlinit të ngrihet sot këtu në Beograd flamuri kombëtar i Shqipërisë dhe të nderojmë himnet e njëri-tjetrit për të parë një takim mes kryeministrash të dy vendeve tona pas 68 vjetësh.
Sa shumë histori kemi ndarë së bashku pa qenë kurrë të afërt me njëri-tjetrin, sa shumë varet e ardhmja jonë nga sa do mundemi të bëjmë së bashku në rrugën e bashkimit me Europën që veç e veç do të jetë shumë e vështirë për secilin prej nesh në Ballkan.
Do të na duhet vizion por sidoqoftë jo më shumë se sa vizioni madhështor që transformoi vetë Europën. Do të na duhet kurajo po sidoqoftë jo më shumë se sa kurajo që ndërtoi rrugën e re të paqes e të prosperitetit mbi gjurmët e lumenjve të gjakut të derdhur mes të mëdhenjve të Europës. Do të na duhet besim i ndërsjellët por sidoqoftë nuk do të jemi vetëm nëse s’do të lejojmë që historia të ndikojë negativisht dhe për pasojë edhe qëndrimin e Europës ndaj nesh.
Ne kemi nevojë për Europën e bashkuar por si asnjëherë më parë Europa e bashkuar ka nevojë për Ballkanin, për ne. Vizioni i Europës së bashkuar na ka bashkuar më në fund të gjithëve në rrugën e re paqes me njëri-tjetrin, ndërsa paqja duhet të na japë kurajon të ndahemi nga rruga e vjetër që vijon të krijojë mosbesim ndaj njëri-tjetrit.
Ne shqiptarët e kemi edhe këtë vizion edhe këtë kurajo, duke ju shtrirë dorën e një bashkëpunimi po aq të sinqertë se sa bindja që fëmijët tanë s’duhet të vuajnë për shkak të të shkuarës. Duke punuar së bashku për Europën në kuadrin e një ndërveprimi aktiv rajonal duke krijuar së bashku kushte të reja për zhvillimin e ekonomive. S’janë ditët më të mira për BE, Europa e shpresës ja ka lënë vendin Europës së frikës dhe s’ka asnjë dyshim se lodhja nga zgjerimi i kërcënon shoqëritë tona nga lodhja nga durimi.
Por ashtu si për Europën e bashkuar s’ka një projekt të zgjerimit ashtu edhe për ne s’ka një projekt alternativ përveç integrimit në BE. Është një shans për vendet tona që sot qeverisen nga një gjeneratë tjetër dhe dua të besoj se gjenerata e re qe qeveris sot Serbinë do t’i shoh shqiptarët e Preshevës si një urë me rëndësi strategjike për lidhjen e fateve tona europaione, gëzimi i të gjitha të drejtave të tyre është jo vetëm dëshira por edhe detyrimi ynë kushtetues ta kërkojmë vijimësisht nga Serbia, duam të gjithë vëmendjen e Beogradit zyrtar për përfaqësimin e tyre në strukturat qendrore dhe vendore.
Besoj se autoritet serbe e dinë që shqiptarët e Luginës së Preshevës përfshihen dhe inkurajojnë proceset integruese të Serbisë ne BE jo vetëm si mundësi modernizimi i Serbisë por edhe si rrugë e sigurt për të qenë shoqërisht të barabartë. Modeli që sugjerojmë është ai që gëzojnë pakicat serbe në Kosovë.
Kur jemi te Kosova, kemi qëndrime të ndryshme por realiteti është një dhe i pandryshueshëm: Kosova e pavarur e njohur deri më tani nga 108 vende të ndryshme të Botës dhe e mbështetur nga Gjykata është realitet i pamohueshëm dhe i patjetërsueshëm rajonal dhe evropian.
Kosova duhet respektuar dhe duhet bërë pjesë ashtu siç po bëhet e integrimit europian dhe siç e kam theksuar në Samitin e NATO-s dua ta përsëris këtu hapur dhe sinqerisht: Njohja e Kosovës nga vendet europiane që ende s’e njohin është në radhë të parë çështje sigurie evropiane. E të jemi të vërtetë deri në fund: pavarësia e Kosovës e ka bërë Ballkanin më të qëndrueshëm dhe e ka kthyer në strategjik bashkëpunimin mes shqiptarëve dhe serbëve, çdo perceptim i ri i Serbisë është mëse i mirëpritur, ne e çmojmë dialogun Kosovë-Serbi. Ky dialog është një sukses europian.
Sa i takon Kosovës unë besoj se realiteti mbetet një dhe i pandryshueshëm pavarësisht perceptimeve të ndryshme dhe mosdakordësisë së plotë që kemi me këtë realitet. Por nga njëra anë kjo nuk mund të na pengojë t’ia themi njëri-tjetrit në sy atë që mendojmë dhe s’na pengon të bashkëpunojmë se rruga e Shqipërisë-Serbisë, Kosovës, Maqedonisë, Malit të Zi Bosnjës, është një korsi në rrugën e përbashkët të integrimit europian.
Ju siguroj se në Tiranë nuk do të ndihemi të provokuar nëse mbani të njëjtin qëndrim për Kosovën, por të keqardhur se është një realitet që sa më shpejt ta njohim aq më shpejt do të mund të lëvizim për para.
Ju përsëris se mikpritja jo vetëm do të jetë reciproke, ju do të ndjeheni shumë mirë në Tiranë dhe asnjë fjalë e thënë prej jush s’do konsiderohet provokim, pavarësisht se çfarë do të prisnim ne.
Po e kam ftuar kryeministrin të vizitojë Shqipërinë vitin e ardhshëm duke shpresuar se nuk duhet të presim 68 vjet për takimin tjetër, dhe se nuk duhet ta presim konferencën e ardhshme të Ballkanit për të përsëritur të njëjtat gjëra por për të shkuar me një bilanc pune të përbashkët. Duam t’i japim vërtetësi faktit se Ballkani i paragjykimeve nga Brukseli i përket të shkuarës dhe se gjenerata e re qeverisëse i përket së shkuarës.

Rama: Kosova e pavarur, fakt - Top Channel Albania - News - Lajme

[Llapi]

Vuçiç nuk i jep dorën Ramës në fund të Konferences

Kryeministrat Aleksandër Vuçiç dhe Edi Rama u përfshinë në polemika jo të pakta me kthim të përgjigjeve sho-shoqit kur shprehën qëndrimet e ndryshme për Kosovën

Kryeministri Aleksandër Vuçiç nuk ia dha dorën në fund të konferencës homologut të tij kryeministrit Edi Rama.

Pas shkëmbimit të replikave me themel Kosovën dhe njohjen e pavarësisë, zoti Vuçiç u ngut të largohej duke lënë mend’ pa shoqëruar kryeministrin Rama.

Pas një çasti të shkurtër 2-3 sekondash në këtë gjendje të dukshme të tensionit, zoti Vuçiç nuk ia zgjati dorën për ta takuar, por e shtriu për ta ftuar të ecinin dhe vazhdoi vetë i pari.

Zoti Vuçiç dhe kryeministri Rama u përfshinë në polemika jo të pakta me kthim të përgjigjeve sho-shoqit kur shprehën qëndrimet e ndryshme për Kosovën.

Kryeministri serb e quajti “provokim” qëndrimin e kryeministrit Edi Rama për njohjen e pavarësisë së Kosovës.

Ai tha se nuk kishte ndonjë arsye për ta quajtur “provokim” faktin që tanimë Kosova është realitet i njohur.

Kryeministri Rama iu kthye qëndrimit pas fjalës së zotit Vuçiç kur iu drejtua atij me fjalën miqësore “Aleksandër:”

“Aleksandër! Të siguroj që në Tiranë nuk do të ndihemi të provokuar nëse ju do të keni përsëri të njejtin qëndrim lidhur me Kosovën, por do të ndihemi gjithsesi të keqardhur sepse është një realitet i njohur nga më shumë se gjysma e OKB-së dhe se sa më shpejt ta njohim, aq më shpejt do të ecim përpara në të gjitha drejtimet”.

[Llapi]

Daçiq i përjeton rëndë deklaratat e Ramës për Kosovën (Foto)

Autori: lajmi.net në politikë 16:03, 10 nëntor, 2014



Deklarata e Edi Ramës nuk ka qenë e dhimbshme vetëm për kryeministrin serb, Aleksandër Vuçiçin.

Por, këtë deklaratë e ka përjetuar keq edhe ministri i Jashtëm serb, Ivica Daçiç.

Në këtë foto ai shihet shumë i hidhëruar së bashku me anëtarët e tjerë të stafit të tij nga ana e majtë e fotografisë.

Ndërsa, në këtë foto shihen edhe anëtarët e ekipit shqiptar

[Llapi]

Reuters: Rama e Vucic përplasen për Kosovën


GazetaExpress E hënë, 10 Nentor 2014 16:09
​E cilësuar si një kapitull i ri në historinë e Ballkanit, vizita e parë e një udhëheqësi shqiptar në Serbi pas 68-vjetësh, u kthye në një përplasje televizive mes kryeministrave mbi pavarësinë Kosovës.

Agjencia britanike e lajmeve “Reuters” shkruan se Serbia e konsideron Kosovën si djepin e kombit dhe besimit të tij, por shumica e 1.8 milionë banorëve të Kosovës janë shqiptarë etnikë, që formuan shtetin e tyre në vitin 2008 me mbështetjen e Perëndimit, pothuajse një dekadë pasi NATO hyri në luftë për të ndalur një valë të madhe të spastrimit etnik.

“Ne kemi dy pozicione krejtësisht të ndryshme në Kosovë, por realiteti është një dhe i pandryshueshëm”, tha Kryeministri shqiptar Edi Rama në një konferencë televizive për shtyp me homologun e tij serb, Aleksandar Vuçiç.

Por Vuçiç tha se ai nuk e kishte pritur një “provokim” të tillë.

“Sipas kushtetutës Kosova është Serbi dhe unë jam i detyruar të them se askush nuk mund të poshtërojë Serbinë”, tha ai./tema/

[Llapi]

Rama për B92: Habitem se si provokoheni nga Kosova e pavarur

22:03 / E hënë, 10 Nëntor 2014


Shqipëria e Madhe është një hit dhe nuk ka të bëjë asgjë me ne. Kështu ka deklaruar në një intervistë ekskluzive për B92, kryeministri shqiptar, Edi Rama.

Rama në këtë intervistë, ka thënë se projekti i shqiptarëve është një "Europë e Madhe" me të gjitha shtetet, përfshirë Shqipërinë dhe Serbinë në të.

"Më tregoni një provë të vetme se cili politikan shqiptar ka bashkëpunuar me dikë për këtë idenë e Shqipërisë së Madhe", ka thënë Rama.

Kryeministri Rama ka thënë se e habitë fakti se dikush në Serbi provokohet nga qëndrimi se Kosova është shtet i pavarur.

“Për mua është magjespse se si ju mund të provokoheni nga kjo. Kjo nuk është diçka që unë e kam ëndërruar. Kjo është realitet. Shumë shtete me të cilat Serbia bashkëpunon e kanë njohur Kosovën si shtet”, ka thënë veç tjerash Rama.

[Llapi]

Demaçi: I lumtë Edi Ramës!

10.11.2014 | 14:18
Veprimtari i njohur i çështjes kombëtare, Adem Demaçi, ka vlerësuar lartë vizitën e kryeministrit të Shqipërisë, Edi Rama në Beograd.
“Unë e kam ditë që kryeministri i Shqipërisë, Edi Rama është një burrë shteti serioz dhe seriozitetin e vet e tregoi mas gjithë atyre që ndodhen në ndeshjen Shqipëri-Serbi, pranoi të shkoi dhe ta vizitojë Serbinë. E kam ditë që Rama ka me fol fjalë të vërteta”, ka thënë Demaçi në një bisedë për “Indeksonline”.
Ai ka thënë se Serbia ka qenë shtet çetnik dhe se Rama, ua tha fjalët e duhura dhe të vërteta. “I lumtë Edi Ramës, vetëm në këtë mënyrë Evropës i tregohet se Serbia ka qenë shtet çetnik. Andaj, kjo është mirë të shkojmë në Serbi dhe të flasim fjalë të vërteta”, ka theksuar Demaçi.