Rama viziton Beogradin, incident diplomatik ne konferencen per shtyp

[Darius]

Drashkoviç: Kosova e pavarur është realitet




Ish-shefi i diplomacisë serbe Vuk Drashkoviç e konsideron edhe ai historike viziten e Kryeministrit shqiptar Edi Rama në Beograd, ndërsa në intervisten e dhene "Deutsche Welle-s", bën dhe një pohim befasues, duke e cilësuar pavaresinë e Kosovës, një realitet.

"Vizita është e një rëndësie shumë të madhe. Kryeministri i Shqipërisë erdhi në Beograd dhe bisedoi me shefin e ekzekutivit serb. Rama vizitoi gjithashtu bashkësinë etnike shqiptare në Preshevë, Medvegjë dhe Bujanoc. Nga ana tjeter, e ka ftuar homologun serb për vizitë në Tiranë. Edhe sikur të mos kishin rene dakort për asgjë tjetër, vetë nënshkrimi i një marrëveshje për lëvizjen vetëm me kartë identiteti të shtetasve të Shqipërisë dhe Serbisë në këto vende, paraqet një arritje historike. Pas nënshkrimit të kësaj marrëveshjeje, e shpresoj edhe vizitës së Vuçiçit në Tiranë, jam shumë i sigurtë se me dhjetëra e dhjetëra mijëra turistë serbë do të nisen drejt bregdetit shqiptar. Jam i bindur se atje do të shkojnë të rinj dhe njerëz te biznesit. Në mënyrë masive do të nisen drejt Serbisë edhe shqiptarët. Kjo është një marrëveshje e karakterit europian, që shënon europianizimin e relatave mes Shqipërisë dhe Serbisë. Unë nuk dua t'i vë re shkëndijat që kanë ndodhur mes kryeministrave Rama dhe Vuçic. Nuk u kushtoj kurrfarë rëndësie dhe them se shume shpejt do të harrohen", thotë Drashkoviç.

Drashkoviç kujtoi se tashme eshte realitet qe pavaresine e Kosovës e njohin 108 vende dhe fakti qe Serbia, qe prej vitit 1999 nuk ka me sovranitet mbi te, ashtu siç nuk ka as pushtet juridik, legjilativ dhe ekzekutiv apo forca policore e ushtarake.

Realiteti tjeter qe shoh une, - shton ish-ministri i Jashtem serb,- eshte se Serbia dhe Shqipëria duan të jenë pjesë e Bashkimit Evropian dhe se nga 28 vendet anëtare të BE, 23 e njohin pavarësinë e Kosovës. Kjo është ana politike dhe këto janë fakte të pakontestueshme, thotë ai.

I pyetur nga gazetari qe kujton pervojen e gjate diplomatike te politikanit veteran serb, nese beson ne paqe dhe pajtim mes serbëve dhe shqiptarëve në Kosovë, Drashkoviç shprehet se ky eshte nje proces qe nuk mund te ndalet, e shton se per gjithe çfare ka ndodhur ne kosove, Millosheviçi dhe regjimi i tij mbajne pergjegjesi historike.

/ Top Channel

[Qyfyre]

dhe pse paska folur bukur prap "ish" esht

[arbereshi_niko]

Une sinqerisht prisja shume me pak nga ky kryeministri yne me fytyren me harta...
Por duhet pohuar qe u soll me dinjitet..., pasi duhen TOPE ti perballosh ne shtepi te tyre serbet..., pra u tregua me i guximshem se sa pritej!
Ndonse nuk pati sukses te jashtezakonshem kjo vizite, perseri mendoj se pati arritje, pasi hendeku qe na kane çuar ekstremistet e te gjitha
ngjyrave eshte aq i madh sa nuk ka prestigjator ta kaperceje pa u lagur.........., keshtu urime kryeministrit shqiptar!
Pastaj ay nuk vajti per Kosoven, pasi realisht nuk ishte tema kryesore e axhendes, por qe detyra si shqiptar e solli te bej nje deklarate patriotike.
Ndaj neve si shqiptare, duhet te jemi te gjithe solidar ne kete rast, pa dallim feje, krahine e ideje, e jo si na mesoi partia origjinare e kryeministrit,
por si i ka hije shqiptarit, qe kur vjen dita, jep prova! Kete beri Edi, do te kisha shume deshire te shihja nje tjeter burre shteti ( dhe kemi patur me kuintal )
te fliste e te sillej me aq siguri dhe dinjitet, duke ditur mire incidentet qe mund te provokonte..., pasi "luante jasht fushes se tij"!
Pershendetje shqipe...

[Albo]

Mediat serbe: Ja çfarë kënge i këndoi Dacic Ramës


Ivica Dacic e Edi Rama

Ministri i Jashtëm serb dhe lideri i SPS, Ivica Dacic u përpoq në një mbrëmjen joformale me kryeministrin shqiptar Edi Rama, të zbusë atmosferën e tensionuar që u krijua gjatë asaj paraditeje kur kreu i qeverisë së Tiranës foli në Beograd për pavarësinë e Kosovës.

Gazeta serbe “Kurir” shkruan sot se Daçiç i ka kënduar kreut të qeverisë shqiptare këngën e famshme napolitane “O sole mio”.

Darka mes dy delegacioneve u mbajt mbrëmjen e 10 nëntorit pak orë pasi dy kryeministrat kishin replikuar publikisht lidhur me pavarësinë e Kosovës dhe gjendjen e shqiptarëve në Preshevë.

Informacionet e “Kurir” janë konfirmuar edhe nga një burim i pranishëm në këtë darkë, i cili tha se “atmosfera ishte informale, u luajti muzikë akustike, por ndërkohë ndihej tensioni për shkak të provokimit të Ramës se Serbia duhet të njohë Kosovën. Në mënyrë që të përmirësohej kjo atmosferë Dacic ka nisur të këndojë, dhe pikërisht një tekst poezie të njohur “o sole mio” (o dielli im).

Ndërsa këshilltari i kryeministrit Rama për rajonin, Shkëlzen Maliqi tha se “darka u mbajt me një bisedë të këndshme dhe shaka. Zëvendës presidenti Ivica Dacic këndoi arie dhe këngë popullore”.

Nga ana e tij Ivica Dacic ka thënë se të kënduarit të një kënge ai e bën për të ngrohur atmosferën. “Nëse jeni duke kënduar një këngë mund të ulni tensionin, kjo është më së paku që mund të bëj për vendin e tim”- tha Daçiç.

Panorama