Protestë kundër bisedimeve me Serbinë

[Antiproanti]

Kurti: Thaçi një kryekamarier

Lideri i Lëvizjes Vetëvendosje, Albin Kurti ka thënë para protestuesve se Thaçi është vetëm një kryekamerier.
“Në këtë tryezë ku po e hanë Kosovën, Thaçi shërben veç si kryekamarier, që merr bakshishe derisa ju zgërdhihet atyre”, ka theksuar Kurti.
Kurti gjatë fjalimit të tij, ka thënë po ashtu se Serbia është duke avancuar drejt BE-së dhe Kosovës, ndërsa kryeministri Thaçi, sipas Kurtit avancon individualisht.
“Nëse Thaçi i ka borxh Serbisë, le t’ia paguaj me paret e veta, e jo me tokën dhe pasurinë e Kosovës”, është shprehur Kurti.

Lideri i Vetëvendosjes u është drejtuar edhe Policëve të Kosovës të cilët janë duke përcjellë protestën, duke jua përmendur rastin e Dumnicës së llapit.
“A është i njëjti Daçiç që si Ministër i Punëve të Brendshme të Serbisë, ua poshtëroi kolegët tuaj në Dumnicë të Llapit? Poshtërimi i dytë u erdhi nga Qeveria që ua mbylli gojën”, u ka thënë Kurti Policisë.

* * * * *
http://www.botasot.info/kosova/19282...para-qeverise/

[Antiproanti]

Mediat e huaja: Vetëvendosje fiton peshë, qeveria po humb mbështetjen

Agjencitë e ndryshme të lajmeve si ajo FrancePress e Francës, SDA e Zvicrës, gazeta të njohura si “Zürcher Zeitung“, apo “Die Welt“ e Gjermanisë dhe radio nacionale e Zvicrës kanë bërë të ditur që para ndërtesës së Qeverisë dhe Parlamentit të Kosovës qindra demonstrues janë duke protestuar kundër bisedimeve që ka filluar qeveria e Kosovës me qeverinë e Serbisë.
...
Karshi demonstruesve, thuhet në njoftimet e ndryshme, qëndrojnë policë të armatosur rëndë të cilët po përdorin gazin lotsjellës kundër demonstruesve.
Më parë, thuhet në njoftimet ndërkombëtare, demonstruesit kanë hedhur në drejtim të policëve vezë të prishura dhe domate.
...
Qeveria thuhet më tutje në njoftimet e mediave për shkak të mizeries sociale dhe ekonomike po humbë në mënyrë rapide përkrahjen në kohën që numri i përkrahësve të Lëvizjes Vetëvendosje po shtohet vazhdimisht.
http://www.botasot.info/kosova/19279...b-mbeshtetjen/

[violativo]

- po nejse de njeri mos i akuzo pse jan 50 veta , qaq jan ma shum ska !!!!
- p.s , skan pas faj pleqt qe kan than ''stupci ka dal prej Xhenetit''

Ke te drejte "vella" ballkanas ! Edhe neve ne Shqiperi kemi pas nje Vasil Laçi , qe kur ne mes te njerezve qe kishin dale per te mireseardhur Viktor Emanuelin e III-te , nxorri koburen dhe ia numeroi ! Nji ishte per momentin !

Nji vete ishte ! Por kaluan jo me shume se 6 muaj dhe u formua Keshilli i Pergjithshem Nacional Clirimtar ! Keshtu ka ndodhur ne histori ........

Nuk ka asnjehere rendesi se sa vete jane , por cfare argumenti kane ! AI , "argumenti" , ose "fenomeni" , eshte ai qe shqeteson zhvillimet dhe jo numri ! "Argumenti" po ishte i vlefshem , e ben shume shpejt numrin ! Bisedo me ndonje burre shteti qe administron pushtete , se te tregon ai se si qendrojne keto gjera !

[Hillirian-zo]

Jo ALBO i Nderuar ALBO,
Serbia po ulet ne nje tavolin vetem me ata njerez qe i ka dresiru vet.
Thaci nuk eshte kryeministri i popullit por nje zagar i serbis .
Absolut nuk eshte si thu ti.
Me respekt Albo

[Antiproanti]

“Stupci” i regjimit

...

Të rrahësh brutalisht protestuesit, pamëshirshëm në mesin e tyre edhe gra, nuk ka se si të mos krahasohesh me policinë e Milosheviqit. Dikush ka dhënë një urdhër, sepse edhe ata policë janë pjesë e këtij populli dhe nuk e besoj se pa direktivat e dikujt nga lart do të përgjaknin deputetë në rrugë vetëm pse janë kundër takimit të Thaçit me Daçiqin. ...

Protesta e lëvizjes “Vetëvendosje” na bëri me dije dy gjëra thelbësore:

1.
Kosova është gati të shndërrohet në shtet njëpartiak, në favor të bashkëpunëtorëve dhe duartrokistëve të tyre. Ku policia e sistemi gjyqësor shfrytëzohet për interesat e pushtetit e që në të njëjtën kohë degradojnë shtetin. Të trishtë mbesin ata që e duan një shtet, polici e gjyqësi në shërbim të popullit e jo të një nomenklature politike.

2.
“Vetëvendosja” e ka të kotë me protesta që të synojë ta rrëzojë qeverinë, edhe pse e ka epitetin e hajdutëve, dhe më së paku Hashim Thaçin. Sepse kjo lëvizje nuk po mund të arrijë të tubojë në rrugë as elektoratin e tij të Prishtinës. Me 200-300 veta nuk mund të rrezohet asnjë individ e lëre më një pushtet. Nuk është hera e parë që thirrja për protestë qoftë ajo për interes kombëtar apo partiak, nuk po arrin të tubojë as simpatizantët e kësaj partie. E sidomos këto ditë kur ka mbetur e vetme në opozitë, derisa Thaçi negocion disa punë në të njëjtën kohë.

Çfarë motivi duhet pasur qytetarët që përmes protestave të bashkohen i madh e i vogël kundër qeverisë?
Sepse ndryshimi realizohet vetëm kur me lëvizje të tilla solidarizohen fuqishëm mijëra veta. Por, indiferenca e qytetarëve është në rritje, ata nuk reagojnë as për veriun e as për faljen e pasurisë së tyre. Ky është realiteti, të cilin e ka të qartë edhe Thaçi edhe bashkësia ndërkombëtare.

Në të kundërtën Thaçi nuk do të kishte kohë me komoditet të informonte një nga një partitë në opozitë për takimin me Daçiqin, i cili njëkohësisht nga bashkësia ndërkombëtare është duke marrë poenë për ndikim pozitiv në stabilitetin rajonal.

Por, ata policë që brutalisht rrahën protestuesit duhet ta dinë se partitë shkojnë e vijnë kurse ata mbesin pas betimit se do të jenë në shërbim të Kosovës dhe jo në shërbim të grupeve të caktuara të Qeverisë.
http://www.zeri.info/artikulli/3/19/...ci-i-regjimit/

[Antiproanti]

Për një Rilindje kombëtare në Kosovë

Avni Zogiani

Në bankat përpara Ministrisë së Kulturës vazhdimisht protestues të LVV-së uleshin për t’u trajtuar nga “pepper-spray” i policisë. Protestuesit kundër takimit Thaçi-Daçiq po i ekspozoheshin pamëshirshëm dhunës së policisë dhe gazrave të ndryshme helmuese dhe shumë prej tyre tërhiqeshin për të larë sytë me qumësht e qepë. Ky trajtim bëhej pak më larg se vend-protestimi, aty ku qytetarët lëviznin për të bërë punët e tyre të zakonshme. Të pinë kafe, të blejnë ndonjë rrobë, apo kot për të shëtitur. Një nga shkrimtarët me mprehtësinë më të madhe politike që kam lexuar, George Orwell, shkruan: Kur e shoh një njeri të shtrirë përtokë duke u rrahur nga një grup policësh, nuk kam nevojë ta pyes veten në anën e kujt jam.

Një pjesë e qytetarëve të Kosovës, të hënën, parakalonin pa ndonjë përshtypje nëpërmjet protestuesve me sytë gjak nga gazrat e policisë. Çuditesha me indiferencën e tyre. M’u kujtua një film që kam parë së voni. “Ice Age 4 – Continental Drift”. Ishte koha e ndarjes së kontinenteve dhe shtazët lëviznin në panik nëpërmjet maleve e tokave që po rrëshqisnin duke krijuar kratere. Situata ishte e rëndë, por jo për dy kavie të cilave tërë kjo u dukej argëtim. I bezdisur nga harlisja e kavieve në ditën e kiametit, një urith pyet ato: si është e mundur që gjithçka përreth jush po bie, kurse juve nuk ju lë fare përshtypje? Njëra nga kaviet e pyeti anëtaren e spcies së saj: a t’ia tregoj sekretin? Sekreti ynë është ky: we are very, very stupid!

Në takimin Thaçi-Daçiq, ky i fundit iu drejtua kryeministrit tonë: Kosova është e jotja, sa edhe e imja. Krteministri Thaçi i tha: Prandaj e kemi lejuar dyshtetësinë në Kosovë. Mediat kosovare nuk i dhanë hapësirë kësaj deklarate të kryeministrit Thaçi. Njerëzit në sheshin “Nëna Tereze” që kryejnë punët e zakonshme me indiferencën ndaj trajtimit çnjerëzor të protestuesve nuk janë budallenj, por janë të keq-informuar.
Ata nuk shohin asgjë të keqe nga ky takim, sepse nuk janë të informuar drejt për atë që po kërkohet nga liderët kosovarë. Politika është duke funksionuar me shantazhe, kurse mediat kryesisht janë të stërmbushura me interpretime të opinionistëve që marrin pagë nga pushteti, drejtpërdrejt apo indirekt. Evropa është në anën e serbëve dhe do të vazhdojë pafundësisht me kërkesat ndaj palës kosovare për aq kohë sa të ketë një zgjidhje për Kosovën që do të kënaqë kërkesat e radikalëve dhe të socialistëve të Daçiqit. Këtu nuk bëhet fjalë për kompromise, sepse kompromiset kishin mbaruar me Pakon e Ahtisaarit.

Vetëvendosje përbëhet kryesisht nga politikanë të rinj, të pakorruptuar dhe të informuar mirë. Ata kanë një bërthamë aktivistësh që i përgjigjen asaj për të protestuar në çfarëdo rrethane. Në Janar ata iu përgjigjen thirrjeve për protestim në Merdar edhe pse temperaturat e ulëta të përziera me dhunën e cementë të policisë së përgatitur nga UNMIK-u rrezikonin seriozisht shëndetin e tyre. LVV gjithmonë do ta ketë këtë bërthamë të protestuesve që do t’i përgjigjen thirrjeve për protesta, por zor se do t’i shtojë radhët me të rinj të gatshëm për t’u përballuar me dhunën e pakontrolluar të policisë dhe me mundësinë e arrestimit.

Situata këtu është në një pikë të pështirë. E vërteta më së paku depërton tek qytetarët. Pushteti ka shumë mjete për të ushtruar propagandë dhe situata në këtë sens është e ngjashme me regjimin e Millosheviqit në kohën e luftërave kur nëpërmjet Këshillit për propagandë të prirë nga Ivica Daçiq opinioni serb përgatitej për luftëra. Opinionistët kosovarë dhe propaganduesit qeveritarë janë shumë të ligësht në krahasim me Këshillin e propagandës për luftë të Daçiqit edhe pse kanë në dorë të gjitha mjetet që kishte ai në atë kohë dhe mundohen t’i përdorin. Një nga mënyrat për të krijuar një opinion pro-qeveritar në kohët “e mira” të Daçiq ishte përdorimi i televizionit shtetëror për ta ushqyer qytetarin e thjesht me tallava për raki. Ceca, Dragana Mirkoviq, Lepa Brena, Miki, Cuki e Caki ishin në kulmin e karrierës në televizionin publik serb, RTS. RTK-ja, sot, me të tëra përpjekjet tallavos opinionin kosovar me misionin për ta bërë atë të lumtur, edhe pse gjysma e tyre kanë probleme me sigurimin e ushqimit ditor.

Parlamenti është gozhduar me votat e pjesëtarëve të PDK-së të dominuara nga pjesëtarë të SHIK-ut dhe me ndonjë votë shantazhi të LDK-së. Drejtësia është vënë në funksion të arrestimeve selektive të njerëzve që vijnë nga partitë apo fraksionet që eventualisht kërkojnë një shtet funksional pa përzierjen e Serbisë brenda. AAK-ja vazhdon në ethe t’i ngjitet PDK-së herë-pas-here, duke i mbajtur gishtat kryq me shpresë se mosndëshkushmëria e zyrtarëve të saj mbi veprat e shumta kur kjo parti ishte në pushtet të vazhdojë. Asnjë zyrtar i AAK-së nuk është hetuar zyrtarisht deri sot edhe pse skandalet e kësaj partie gjatë pushtetit të saj kishin arritur kulmin. PDK angazhohet që të vazhdojë mandatin e vendeve të rezervuara për minoritetin serb, sepse e di mirë se votën e tyre e ka të garantuar. Një Parlament paradoksal që më së paku reflekton demokraci.

Në këtë situatë është vërtetë vështirë të parashikohet si do të zhvillohen gjërat, por është e sigurt se Kosova është në një moment të rëndë.
Për BE-në shteti i Kosovës ka dështuar.
Ky komunitet as që e ka ndërmend ta përdorë ndikimin e vet për ta mbyllur njëherë e përgjithmonë çështjen e statusit, por në anën tjetër do të ndërmjetësojë bisedimet Kosovë-Serbi në një dialog tjetër. Kosova në këtë dialog përfaqësohet nga politikanë që kanë shfrytëzuar pushtetin për t’u shndërruar në milionierë. Është e qartë se ata nuk do të kenë kurrfarë subjektiviteti. Mirëpo, shoqëria kosovare ka më shumë probleme sesa thjesht vetëm politikën e korruptuar, prandaj pa subjektivitet.

Elita kosovare përcaktohet fort nga kapitali i një grushti biznesmenësh që janë po aq fort të lidhur me Serbinë. Kosova vazhdon t’i japë Serbisë dhjetëra miliona euro nëpërmjet tenderëve publikë. Rezoluta për normalizimin e marrëdhënieve me Serbinë, edhe pse e njëanshme, nuk ka se si të shihet jashtë këtij ndikimi të kapitalit serb në politikë e në sektorët tjerë të rëndësisë së veçantë publike, sidomos në media. Kosova po tradhtohet në sensin ekonomik dhe politik. Një grusht njerëzish që kanë pavarësi dhe integritet në mendim, janë të shkapërderdhur. Ata duhet të bashkohen për t’ia bërë vendit më të lehtë këtë moment të vështirë. Mirëpo, ky bashkim duhet të jetë pa korniza, i pakorruptuar. Ky bashkim duhet të jetë një rilindje kombëtare.
http://www.zeri.info/artikulli/3/20/...are-ne-kosove/

[Gon!]

Ata nuk shohin asgjë të keqe nga ky takim, sepse nuk janë të informuar drejt për atë që po kërkohet nga liderët kosovarë. Politika është duke funksionuar me shantazhe, kurse mediat kryesisht janë të stërmbushura me interpretime të opinionistëve që marrin pagë nga pushteti, drejtpërdrejt apo indirekt. Evropa është në anën e serbëve dhe do të vazhdojë pafundësisht me kërkesat ndaj palës kosovare për aq kohë sa të ketë një zgjidhje për Kosovën që do të kënaqë kërkesat e radikalëve dhe të socialistëve të Daçiqit. Këtu nuk bëhet fjalë për kompromise, sepse kompromiset kishin mbaruar me Pakon e Ahtisaarit.

Sa kohe ka qe une e them se Europa ka qene, eshte dhe do te jete ne anen e serbeve??!!

[Gogi]

Sot kane qene me te sjellshem VV, kur te ben mire dajaku ateher rrin mire, nuk qohesh peshe.

Sa per Gani Krasniqin, ai me mire eshte me shku edhe me jav bo nje vizite djemeve qe i ka ne burg per vrasje e pastaj me shit moral. Ai per nder te djalit te vrar si UCK duhet respektoj institucionet e vendit dhe jo te bie ne nivel te rrugaqeve.

[Gogi]

Sa kohe ka qe une e them se Europa ka qene, eshte dhe do te jete ne anen e serbeve??!!

A nese ti cenke duke e thene qe sa kohe se Europa eshte ne anen e Serbeve, kjo qenka pune e kryer a?

E kush na cenka ne anen tone? Turqit edhe Arabet, po edhe Amerika eshte diskutabile sepse kohve te fundit ka ndryshuar kurs kundrejt ballkanit

[drenicaku]

Kete qeveri duhet dergu komplet ne dubrav,ose kjo qeveri do te na dergoi ne shtime ne spitalin e te qmendurve