Raporti amerikan për 21 janarin: Policia bëri detyrën, organizatorët para drejtësisë

[DYDRINAS]

Sabri Godo

Pamjet ishin shumë të turbullta, konfuze, duke mos më lënë asgjë në mendje. Lideri i opozitës nuk u paraqit i tillë, pasi nuk u dha protestuesve mesazhin e qartë, nuk i drejtoi ata. Dikush nga partitë e vogla të opozitës përmendi rastin e Tunizisë (qeveria ra me protesta). Më duhet të them se opozita e paralajmëroi situatën që pamë, pasi bënë thirrje se me 21 janar (dje) do të rrëzojmë qeverinë. Këtu më vinin në mendje ngjarjet e revolucionit të tetorit, ku politikanët qëndronin pas në emër të popullit, ndërsa protestuesit qëndronin në vijën e parë. Dihet që Partia Socialiste organizoi çdo gjë, janë autorët direkt të demonstratës, por nuk e çuan atë deri në fund, duke u sjellë në mënyrë të padrejtë, sikur populli të jetë budalla. Një lojë më e trashë dhe më fyese ndaj protestuese. Në këto kushte dhe nga sa rezultoi, më duhet të them se lideri i PS-së dhe i opozitës dështoi, Rama duhet të japë dorëheqjen, në mënyrë që të riorganizohet opozita dhe që ngjarja të hetohet nga prokuroria.

Normal që ata njërës, 30-50 mijë sa ishin, kishin të drejtën për të protestuar, pasi mund të jenë të papunë, janë të lodhur nga ryshfetet, nga administrata publike me sjelljen arrogante, por puna është se këta demonstrues vajtën si “dashi te kasapi”, kurse ata që ishin organizatorë, qëndruan mbrapa, duke bërë një lojë të turpshme. Këta u keqpërdorën dhe nuk janë për t’u dënuar, por organizatorët po. Kostoja politike bie mbi Partinë Socialiste, ndërsa koston si ngjarje e paguajmë të gjithë ne. Sa i takon policisë, në disa raste m’u duk e dhunshme, ku në mënyrë të ekzagjeruar, pa qenë nevoja, në grup rrihnin njerëz të vetëm.

Për deklaratën e diplomatëve, në fillim të SHBA-së, e më pas të tre ambasadave të tjera, ishte korrekte, duke pasur si qëllim stabilizimin e vendit tonë. Me pak fjalë, si përfundim mund të them se opozita u tregua tepër “budallaqe” dhe kështu si rezultoi nuk doli asgjëkund.

shqip

[brooklyn2007]

Kur e thote ambasada Amerikane gjerat jane vertet per tu shqetesuar

Rreziku i protestave SHBA “mbyll” ambasadën në Tiranë


TIRANE-Protestat në Shqipëri dhe rreziku i dhunës pezullojnë përkohësisht aktivitetin zyrtar të ambasadës amerikane. Në një njoftim të dhënë zyrtarisht nga vetë ambasada amerikane, që mban datën 22 janar, bëhet e qartë pezullimi i aktivitetit të saj. Njëkohësisht zyra e ambasadës amerikane ka bërë të ditur se deri në një njoftim të dytë pezullohet puna e punonjësve të saj.
Shkak i këtij njoftimi është bërë situata aktuale në Shqipëri, që sipas SHBA-së pritet të shoqërohet dhe me protesta të tjera jo vetëm në Tiranë, por edhe në rrethet e tjera të vendit. Në të njëjtë kohë personeli i ambasadës amerikane këshillohet të lëvizë në një mënyrë të kufizuar. “Mediat lokale bëjnë të ditur se më 23 janar mund të ketë protesta sërish dhe ato mund të zgjasin për disa ditë. Raportet e tjera sugjerojnë se mund të ndodhin demonstrata në qytete të tjera në të gjithë Shqipërinë në ditët e ardhshme. Personeli i ambasadës së SHBA-së është njoftuar që të gjitha funksionet zyrtare të ambasadës janë pezulluar deri në një njoftim të mëtejshëm dhe çdo udhëtim i panevojshëm personal duhet të jetë i kufizuar”, - thuhet në njoftim zyrtar të ambasadës së SHBA-së.

(d.b/GSH/BalkanWeb)

Lajmi konfirmohet si jo i vertete. Ambasada Amerikane ne Tirane eshte ne funksion te plote dhe nuk ka ne plan te mbylle sherbimet e saj. Lajmi eshte i pavertete nga BalkanWeb

[Llapi]

SHBA “mbyll” ambasadën në Tiranë
23-01-2011 09:27 CET

Protestat në Shqipëri dhe rreziku i dhunës pezullojnë përkohësisht aktivitetin zyrtar të ambasadës amerikane. Në një njoftim të dhënë zyrtarisht nga vetë ambasada amerikane, që mban datën 22 janar, bëhet e qartë pezullimi i aktivitetit të saj. Njëkohësisht zyra e ambasadës amerikane ka bërë të ditur se deri në një njoftim të dytë pezullohet puna e punonjësve të saj, raporton BalkanWeb.

Shkak i këtij njoftimi është bërë situata aktuale në Shqipëri, që sipas SHBA-së pritet të shoqërohet dhe me protesta të tjera jo vetëm në Tiranë, por edhe në rrethet e tjera të vendit. Në të njëjtë kohë personeli i ambasadës amerikane këshillohet të lëvizë në një mënyrë të kufizuar.

“Mediat lokale bëjnë të ditur se më 23 janar mund të ketë protesta sërish dhe ato mund të zgjasin për disa ditë. Raportet e tjera sugjerojnë se mund të ndodhin demonstrata në qytete të tjera në të gjithë Shqipërinë në ditët e ardhshme. Personeli i ambasadës së SHBA-së është njoftuar që të gjitha funksionet zyrtare të ambasadës janë pezulluar deri në një njoftim të mëtejshëm dhe çdo udhëtim i panevojshëm personal duhet të jetë i kufizuar”, thuhet në njoftim zyrtar të ambasadës së SHBA-së.

[Uriel]

Nuk është e vërtetë që është pezulluar aktiviteti zyrtar i ambasadës së SHBA-ve në Tiranë. Këto janë lajme të shpikura për të përhapur panik të panevojshëm. Mund ta verifikoni në faqen zyrtare të vetë ambasadës që një lajm i tillë nuk ekziston; http://tirana.usembassy.gov/

[illyrian rex]

Emrat e personave qe kerkohen nga prukororia

“Është lëshuar urdhër-arresti për Komandantin e Gardës gjeneral Ndrea Prendi, komandantin e njësisë numër dy të Gardës, kolonel Dashamir Shehi, efektivët e të cilit sipas rregullores kishin për detyrë ruajtjen e ambienteve të kryeministrisë. Për komandantin e njësisë speciale të Gardës major, Alfred Ahmetcenaj, komandantin Fran Prenga, komandat i njësisë Vladimir Ndreaj dhe një komandant tjetër i njësive që ishin organizatorët e planit të masave ndaj demonstratës”, citon “Shekulli” një burim të Prokurorisë.
Me gjeresisht:
http://gazetaexpress.com/?cid=1,18,45975

[*Babygirl*]

Berisha: Plumbat? Gardhi i institucioneve është i pakalueshëm

Kryeministri: Miting “Për paqen, kundër dhunës” më 27 janar
Kryeministri Sali Berisha ka zbardhur dje në mënyrë indirekte skenarin më të diskutuar së fundmi për origjinën dhe drejtimin e plumbave që vërshuan drejt demonstruesve. “Ka një rregullore për atë që mund të prekë çdo metër katror të territorit brenda gardhit të Parlamentit, Kryeministrisë, Presidencës. Institucioni nuk dhunohet, institucioni nuk cenohet”, u shpreh dje Kryeministri Berisha, ndërkohë që në vendin ku mbetën të vrarë tre persona gjatë demonstratës zhvilloheshin homazhe nga përfaqësues të opozitës. “Puçi avancoi me futjen brenda në territor të banditëve dhe puçistëve. Kurrë nuk do mund të kalonin. Dhe u them që kurrë të mos e mendojnë se mund ta kalojnë. Ajo është zonë e pakalueshme dhe nuk ka forcë që mund ta kalojë. As forcë e jashtme, për arsyet që thashë dhe as e brendshme, për arsyet që shpjegova. Çdo sulm do të hasë në përgjigjet ligjore”, u shpreh Berisha. Por duke komentuar deklaratat e dala nga goja e tij një ditë më parë, se nga ekspertiza paraprake personat që kanë humbur jetën nuk janë qëlluar nga armë, të cilat janë në arsenalin e Gardës së Republikës së Shqipërisë, kryetari i Këshillit të Ministrave sqaroi se “unë dje (më 21 janar) kam thënë që të dhënat e para faktojnë që janë qëlluar nga afër. Së dyti, nuk ka asnjë ndryshim. Informatat e para janë ato që kam thënë dje, por kam thënë edhe se Prokuroria e Shtetit duhet të zbardhë të gjitha rrethanat, nga kanë dalë, nga kanë ardhur, kush ka qëlluar e të gjitha me radhë”.

Mitingu
Kryeministri Berisha ka bërë me dije dje se më datë 27 janar do të organizojë një miting në Tiranë kundër dhunës dhe pro paqes.

“U bëj thirrje të gjithë qytetarëve shqiptarë, pavarësisht nga bindjet e tyre partiake, që të bashkohemi në Tiranë ditën e mërkurë, në një manifestim të fuqishëm paqësor kundër dhunës dhe për paqen. Të japim mesazhin që pret nga ne bota e qytetëruar, në mënyrë që efektet e shëmtuara të akteve të djeshme të fshihen mundësisht sa më shpejt nga memoria”, u shpreh Berisha. Kryeministri premtoi se ditën e mërkurë do të zhvillohet një miting i madh, vendi dhe ora e të cilit nuk është përcaktuar ende zyrtarisht.

Mesazhi për Ramën
“Dy fjalë për Edvin Kristaq Ramën. Në qoftë se mendon se me banda, banditë dhe me trafikantë do të mund të bëhesh faktor dhe do të faktorizohesh, të garantoj se do të trajtohesh njëlloj si ata dhe se nuk do mundesh kurrë të pushtosh as edhe institucionet më të parëndësishme të këtij vendi”. Në këtë mënyrë i është drejtuar dje Kryeministri Berisha rivalit të tij politik.

[*Babygirl*]

Kreu i PS-së, Rama: Ku je Sali?

Protestuesit janë rikthyer edhe një herë dje në dyert e Kryeministrisë, por kësaj radhe për të bërë homazhe për ata që humbën jetën më 21 janar. Kryetari i Partisë Socialiste i shoqëruar nga deputetë të saj, njerëz të thjeshtë dhe qytetarë të Tiranës janë përkulur dhe kanë vënë lule pranë vendit të ngjarjes tragjike të dy ditëve më parë, përmes një rituali që ka plotësuar simbolikën e protestës. Pa fjalë dhe në heshtje të plotë, përfaqësuesit socialistë janë larguar në një heshtje që e konservon mirë tensionin e krijuar në kryeqytet. Tej këtij veprimi të detyrueshëm, edhe nga normat morale, kreu socialist ka vijuar dje me deklarimet politike, të cilat janë ndërtuar mbi logjikën akuzuese ndaj Kryeministrit Sali Berisha dhe paralajmërimin e hapur për të vijuar protestat. “Asnjë polic fatmirësisht s’është plagosur me armë zjarri, tre demonstrues janë vrarë me armë zjarri, një i katërt është në agoni dhe tre të tjerë kanë plagët e armëve të zjarrit në trup. Kjo mjafton, kaq mjafton për të kuptuar fare qartë se kush i kishte armët, se demonstruesit nuk ishin as bandë e armatosur, as grup kriminal, as pjesë e ndonjë skenari për të pushtuar institucionet, si në vitin e mbrapshtë ‘97”, deklaroi Rama. Me një përcaktim të qartë përkrah protestuesve të 21 janarit që sfiduan autoritetin e arrogancës së një pushteti që di të ndërtojë dhe të ngjizet vetëm në ego personale, Edi Rama ka bërë një analogji të pastër me kulturën reaguese të Europës Perëndimore, e cila vlerëson te protesta shëndetin e demokracisë. “Demonstruesit europianë nuk vriten as kur hyjnë në Parlament siç bënë në Romë, as kur djegin e shkatërrojnë vlera kolosale materiale siç kanë bërë në Paris apo në Londër vetëm pak javë më parë, as kur mbajnë një vend të tërë në shah mat me muaj, siç bënë para pak muajsh në Greqi”, tha ai. Nisur nga kjo është e qartë se opozita sheh te ngjarja e 21 janarit një zhvillim radikal politik, një zbatim legjitim të një të drejte të saj, por edhe një ngjarje me sfond tragjik për të cilën kreu socialist ka kërkuar ndjekje ligjore nga institucioni i Prokurorisë. “I bëj thirrje drejtorit të Përgjithshëm të Policisë të jetë në lartësinë e detyrës së tij dhe të mos kthehet në vrasësin e demonstruesve të cilët humbën jetën dje. Ai nuk mund të mbajë nga mëngjesi deri në darkë, gjashtë urdhrat e ndalimit për njerëzit e Gardës së Republikës, këta persona shoqërisht të rrezikshëm”, është shprehur Rama. Me kërkesën për ndjekje penale dhe me paralajmërimin e vijimit të protestave të tjera të padhunshme, opozita sot ka fituar një kredo veprimi e cila apelon për ndryshim. Ajo çfarë kërkohet konkretisht mund të kuptohet mirë te pyetja e vetë kreut socialist në daljen e tij të djeshme: Ku je Sali?

[Jack Watson]

Shikoni ça bëjnë qafleshët që zbritën në Tiranë me janar.

[DriniM]

SHBA: Protesta ishte nisur qëllimisht e dhunshme – e panë të gjithë, se s’u provokua nga askush


23-01-2011 / Gazeta 55SHBA: Protesta ishte nisur qëllimisht e dhunshme – e panë të gjithë, se s’u provokua nga askush

Me gjuhë të drejtpërdrejtë, ambasadori i SHBA, partnerit tonë strategjik, ka fshikulluar sjelljen e papërgjegjshme të opozitës, duke paralajmëruar se çfarëdolloj grumbullimi tjetër i dhunshëm, do të ndëshkohet forcërisht, me bekimin e të gjithë faktorëve ndërkombëtarë Arvizu: S’është koha për provokime të reja kundër institucioneve

Ambasadori i Shteteve të Bashkuara të Amerikës, Aleksandër Arvizu, ka dënuar atë që ndodhi të premten në bulevardin qendror të Kryeqytetit, duke e konsideruar demonstratën e dhunshme si produkt të një grupi të vogël njerëzish që s’kishin mbërritur në Tiranë për të protestuar paqësisht. Diplomati amerikan konfirmon qëndrimin e Shteteve të Bashkuara të Amerikës, se protesta e dhunshme është e pajustifikueshme në një vend demokratik, në një vend ku ekzistojnë institucionet e ligjit. Arvizu kujtoi se ambasada e SHBA-ve apeloi për demonstratë paqësore, mos cenimin e ligjit dhe rendit kushtetues. “Dita e djeshme ishte një ditë e tmerrshme për Shqipërinë. E di që shqiptarët anembanë vendit janë tejet të trazuar nga ngjarjet e djeshme. Të njëjtën gjë mund të them edhe për popullin e Shteteve të Bashkuara dhe tjetërkund, të cilët dëshirojnë më të mirën për Shqipërinë dhe popullin e saj shumë punëtor dhe që ka punuar aq shumë për të çuar përpara vendin gjatë 20 viteve të fundit. Kemi nxitur vazhdimisht për qetësi dhe vetëpërmbajtje dhe që tubimet të jenë paqësore. Tubimi i djeshëm nuk ishte paqësor. Kishte mijëra njerëz në rrugë dhe shumica dërrmuese e tyre, nga sa mund të shikoja, arritën me mjete dhe qëllime paqësore. Por, ishte një grusht i vogël personash që arritën me një axhendë tjetër. Për këtë, nuk ka dyshim. Për këtë pati edhe raportime nga dëshmitarë okularë të besueshëm. Duke pasur këtë në mend, po, jam shumë i shqetësuar mbi mundësinë për ndonjë demonstratë tjetër. Kjo nuk është kohë për të tjera demonstrata në rrugë”, u shpreh diplomati amerikan, Aleksandër Arvizu. Ambasadori amerikan bën thirrje për kompromis mes palëve ku këto negociata kanë dështuar. Ai kërkoi që mes palëve të gjendet një gjuhë e përbashkët, për t’i dhënë fund provokimeve, sharjeve të panevojshme dhe për t’i dhënë fund dhunës. Ndër të tjera, ai u bëri thirrje të gjitha palëve politike që të zgjidhin mosmarrëveshjet në mënyrë paqësore nëpërmjet dialogut dhe të tërhiqen nga këto tensione të panevojshme. “Duhet të bëni çmos për të shmangur dhunën e dënueshme. Është për të ardhur keq që thirrjet tona për protesta që të ishin paqësore nuk u dëgjuan. Dhuna duhej të ishte shmangur, duhej parandaluar që të mos të ndodhë përsëri për hir të gjithë shqiptarëve. Disa e kanë përcaktuar si thirrje të demonstratave. Shqipëria ka nevojë për përgjegjësi politike”, tha diplomati amerikan. Ai shprehu ngushëllimet më të sinqerta familjeve të viktimave të demonstratës së të premtes.

[DriniM]

Intelektualët: 21 Janari duhet fshirë nga kujtesa- dita më e zezë e Shqipërisë demokratike



23-01-2011 / Gazeta 55Intelektualët: 21 Janari duhet fshirë nga kujtesa- dita më e zezë e Shqipërisë demokratike

Flasin Dhori Kule, Zhani Ciko, Edmond Tupja dhe Shezai Rrokaj

Rektori i UT, Prof.Dok Dhori Kule

Rektori i Universitetit të Tiranës Prof.Dok Dhori Kule, në një deklaratë për mediat deklaroi se në demonstratën e 21 Janarit, të organizuar nga opozita, nuk mori pjesë asnjë student apo pedagog. Ky fakt sipas tij, dëshmoi se pjesa intelektuale është e shkëputur nga aktet e dhunshme. Sipas Kule-s, demonstrata e një dite më parë nuk do të ndalë zhvillimin e vendit për prosperitet dhe zhvillim demokratik.

Shezai Rrokaj

Studentët nuk e kanë përkrahur demonstratën e organizuar nga opozita më 21 Janar. Një fakt të tillë e ka pohuar pedagogu i njohur dhe kreu i Lëvizjes Socialiste për Integrim për Tiranën, Shezai Rrokaj. Ky pohim i tij pason atë të bërë nga rektori i Universitetit të Tiranës, Dhori Kule, i cili gjithashtu bëri me dije se asnjë student apo pegadog nuk ka qenë i pranishëm në këtë demonstratë. Nga ana tjetër, ai ka deklaruar se edhe trupi diplomatik e ka parë se një grup ishte i veçuar, nga demonstruesit e tjerë të opozitës. “Politikanët duhet të jenë më seriozë me popullin”, tha ai lidhur me organizimin e një demonstrate që opozita i vuri emrin “popullore”. Duke shtuar më pas edhe se duhet fshirë modeli i goditjes së institucioneve me dhunë. “Sa kohë që drejtësia nuk është shprehur mbi këtë çështje, apeli i qytetarëve është që ta lëmë drejtësinë të hetojë e qetë, pa asnjë drejtim, majtas apo djathtas. Ndaj i gjykoj të padrejta thirrjet e reja për protesta të reja”, tha ai më pas lidhur me thirrjet e selisë rozë për protesta të reja gjatë ditëve të ardhshme. “Natyrisht që opozita e ka si mjet protestën, por kam frikë se Rama s’do jetë i zoti ta organizojë siç duhet atë që ai e quan popull opozitar, siç tregoi se nuk ishte më edhe në 21 Janar”- shtoi përfaqësuesi i Lëvizjes Socialiste për Integrim për Tiranën, Shezai Rrokaj.