Raporti amerikan për 21 janarin: Policia bëri detyrën, organizatorët para drejtësisë

[Albo]

“Vetëdorëzohen” në polici 6 gardistët

Gjashtë personat për të cilët Prokuroria nxori urdhër ndalimi një javë më parë, janë: Ndrea Prendi, komandant i Gardës; Alfred Ahmetcenaj, zv.komandant; Dashamir Shehi, komandant njësie; Vladimir Dedaj, drejtues njësie; Altin Kollçinaku, efektiv dhe Fatos Bushati, efektiv. Në orët e mbrëmjes, gjashtë gardistët janë paraqitur në drejtorinë e policisë së Tiranës, ku kanë qëndruar rreth 2 orë. Ata kanë pohuar se pasi janë vënë në dijeni të urdhrave të ndalimit të lëshuar nga Prokuroria, menjëherë sapo kanë gjetur mundësinë kohore, janë paraqitur në polici. Ata kanë pohuar se gjatë ditëve të fundit kanë qenë të angazhuar në planin e masave të sigurisë për institucionet dhe personalitetet. Pas paraqitjes së gjashtë gardistëve, salla operative e policisë së Tiranës ka njoftuar menjëherë Prokurorinë. Në këtë kohë, sipas burimeve të policisë, një grup prej të paktën 5 prokurorësh është nisur për në Drejtorinë e Policisë së Tiranës. Burime zyrtare të Prokurorisë i kanë mohuar këto informacione të përhapura nga policia. Prokuroria tha zyrtarisht se është në pritje të ekzekutimit të urdhrave të ndalimit të nxjerrë prej saj. Sipas Prokurorisë, nga e shtuna e javës së kaluar, gjashtë urdhrat e ndalimit nuk janë ekzekutuar, ndërkohë që organi i akuzës pret zbatimin e tyre nga policia. Ndërkohë, sipas policisë, grupi i hetimit ka mbërritur në zyrën ku ndodheshin gardistët dhe ka marrë kontakt të drejtpërdrejtë me personat ndaj të cilëve janë lëshuar urdhrat e ndalimit. Nga burime të policisë, njoftohet se në këtë përballje, të pranishëm kanë qenë edhe disa zyrtarë amerikanë që asistojnë sistemin shqiptar të drejtësisë. Ajo çka ka ndodhur pas mbërritjes së prokurorëve në Drejtorinë e Policisë, duket se e ka thelluar edhe më tej ngërçin ku kanë hyrë gjashtë urdhrat e ndalimit. Prokurorët u kanë drejtuar disa pyetje zyrtarëve të Gardës, ndërkohë që këta të fundit kanë dhënë shpjegime verbale. Në mënyrë të vazhdueshme, zyrtarët e Gardës kanë kërkuar të njihen me provat që zotëron Prokuroria në adresë të tyre. Pas më se një ore, përfaqësuesit e Prokurorisë kanë kërkuar që sqarimet e zyrtarëve të Gardës të hidheshin në letër si proces-verbale që do të firmoseshin më pas nga gjashtë drejtuesit e Gardës. Këta të fundit kanë refuzuar të firmosin dhe të vazhdojnë më tej këtë procedurë, duke sqaruar se duhej të paraqiteshin në detyrë. Në këtë mënyrë, pas më se dy orësh përballje me prokurorët, gjashtë gardistët janë larguar nga Drejtoria e Policisë së kryeqytetit për të mbërritur në detyrë. Pak çaste më pas, edhe prokurorët që po hetojnë pasojat e demonstratës së 21 janarit, janë larguar nga Drejtoria e Policisë. Sipas burimeve nga Prokuroria, edhe pas kësaj përballjeje, urdhrat e ndalimit ndaj gjashtë gardistëve nuk mund të konsiderohen të ekzekutuar dhe nuk mund të paraqiten në gjykatë.

Panorama

[Albo]

Demonstrata, Rama: Sot 200 mijë shqiptarë mesazh botës: Mos toleroni regjimin e dhunës

TIRANE - Mijëra qytetarë mbushen bulevardin Dëshmorët e Kombit në demonstratën homazh për nder të tre viktimave të demonstratës së 21 janarit. Kryeministri Berisha deklaron: Puci i 21 janarit u financua 2 mln dollarë. Ina Rama me karakter të turbullt. Sulmon dhe presidentin Topi. Rama përpara mediave: 200 mijë shqiptarë i dhanë botës një mesazh të qartë.

RAMA: SOT, 200 MIJË QYTETARË MESAZH TË QARTË BOTËS
ORA:17:50- Pak orë pas përfundimit të demonstratës homazh në nder të viktimave të 21 Janarit, kryetari i opozitës Edi Rama doli në një konferencë për mediat, ku ishin të pranishëm edhe gazetarë të mediave ndërkombëtare.
Ndërsa e konsideroi demonstratën e sotme si një mesazh dhënë njëzëri nga populli shqiptar, kryesocialisti u bëri thirrje partnerëve ndërkombëtarë të mos tolerojnë, sic tha ai, gjërat që nuk i tolerojnë në vendet e tyre.

“Sot 200 mijë qytetarë ishin në një demonstratë homazh që ishte mesazh i një populli që u bashkua dhe foli me të njëjtin zë, në një vend ku zëri i individëve mbytet ditë pas dite nga dhuna e ushtruar” tha Rama.

Duke folur në dy gjuhë, Rama tha se Shqipëria është kthyer në vendin ku populli nuk është i lirë të zgjedhë, ndërsa theksoi se situata e krijuar nuk është një luftë për pushtet, por një nevojë e shqiptareve për të thënë se nuk pranon kërcënimin nga terrori i pushtetit.

“Sikur kjo të ishte një luftë për pushtet, sot nuk do të kishte 200 mijë qytetarë në nderim të viktimave. Këto homazhe bëhen kur populli ka dicka të madhe për të thënë njezeri.” u shpreh Rama.

I pyetur lidhur me vendimet e opozitës për ditët në vazhdim, Rama u shpreh i bindur se ajo që është e sigurtë mbetet vazhdimi i protestave në të gjithë vendin, deri në përmbushjen e qëllimeve të tyre, "për tu rikthyer shqiptarëve shtetin ligjor".

Duke j'u përgjigjur interesimit të gazetarëve, kryetari i opozitës theksoi se pas ngjarjeve të 21 janarit, opozita është më bindur se kurrë, se në situatën e rëndë në të cilën ndodhet vendi, nuk do të mund të bëhen zgjedhje të tjera.

Rama thekoi se opozita nuk ka hezituar kurrë dialogun me mazhorancën, duke konfirmuar pjesëmarrjen e saj në parlament ne ditet ne vazhdim.

“Përpjekja jonë nuk është një luftë për të asgjësuar palën tjetër, por është për ti dhënë një mundësi të re Shqipërisë, duke krijuar kushtet që të gjitha palët të jenë të barabartë përpara Kushtetutës dhe ligjit. Pushteti aktual e ka harruar se përballë ka shqiptarë dhe arrin ti vrasë ata në mes të bulevardit. Asnjëherë nuk kemi hezituar për dialog. Do të jemi në parlament për të cuar përpara atë që kemi nisur.” vazhdoi më tej Rama.
Nderkohë Rama ka quajtur barbar, sulmin e kryeminisitrit Berisha ndaj kreut të shtetit. “E konsideroj tërësisht barbare përfshirjen e Presidentit të Republikës në shenjestrat e sulmit tërëisht fashist të të ashtuquajturit kryeministër“ tha Rama.

Balkanweb

[Albo]

Klosi: Policia e humbi shpejt përgjegjësinë më 21 janar

Gilmana Bushati

Fatos Klosi, ish-kreu i SHISH-it shprehet se nuk mund të ketë grusht shteti me gurë dhe me shkopinj. Sipas tij, grushti i shtetit ka pamjen e ngjarjeve të 14 shtatorit 1998, kur u morën të gjitha institucionet, por më pas “trimat” ikën me bisht ndër shalë. Por demonstrata e 21 janarit ishte thjesht protestë, e cila mund të çonte ndonjë të ri deri te kolltuku i kryeministrit sa për të bërë një foto dhe për të ikur sërish me “bisht ndër shalë”. Duke qenë se e ka ndjekur nga afër të gjithë demonstratën, Klosi thekson, se nuk e justifikon dhunën e disa djemve, por gjithësesi policia sipas tij, e humbi shpejt durimin gjë që solli acarimin e mëtejshëm të situatës. Ai si drejtuesi i një nga institucioneve të rëndësishme në vend vite më parë, e përjashton mundësinë, që për acarimin e situatës janë përdorur agjentë të Shërbimit Sekret. “Nuk është më shërbimi i Gazidedes…” thekson ai ndër të tjera dhe kujton se do të jetë pjesë e protestës, jo si përfaqësues i ndonjë partie, por duke përfaqësuar vetëm bindjen e tij.
Zoti Klosi, kur kemi një grusht shteti?
Sipas meje një grusht shteti është marrja me forcë, pra me ndihmën e armëve, të pushtetit. Zakonisht kjo bëhet nga grupe ushtarakësh apo grupe të armatosur, më të fuqishëm ushtarakisht se ata që janë në pushtet. Pas grushtit të shtetit në një shtet demokratik, vendi kthehet në një diktaturë, kështu ka ndodhur në Greqi apo në Kili. Në një vend demokratik, forcat në pushtet mund të ndërrohen vetëm me anë të zgjedhjeve. Kjo tashmë dihet dhe në Shqipëri nga të gjithë dhe u provua eksperimentalisht më 14 shtator 1998, kur nga grupe të armatosura, u morën të gjitha institucionet më të rëndësishme të shtetit dhe pa asnjë të shtënë tjetër, u lanë, duke ikur me bisht ndër shalë.
A ishte demonstrata e opozitës një tentativë?
Këtë eksperiencë e di dhe Partia Socialiste dhe unë besoj, se ata nuk janë aq budallenj sa deshën ta provojnë dhe më 21 janar. Prandaj mendoj, se një cilësim i tillë i demostratës, është dashkeqës dhe provokativ. Djem që gjuajnë me gurë dhe shkopinj, që unë nuk mundem t’i mbështes, nuk më duket se besonin se mund hynin dhe nuk hynë në oborrin e Kryeministrisë. Edhe sikur ndonjëri prej tyre të ish ulur në karriken e Kryeministrit, qameti mund të bënte ndonjë fotografi për ta patur për kujtim dhe të ikte prap me bisht ndër shalë.
Pse kësaj rradhe u quajt demostratë dhe jo protestë?
Për këtë duhen pyetur organizatorët. Ndoshta, se këtë rradhë menduan ta linin popullin të demonstronte se ç’donte të bënte, jo ta udhëhiqnin në një protestë standarte, me fjalime, siç kanë bërë herë të tjera.
Sipas mendimit tuaj nëse do të ishte një demonstratë me fjalime politikanësh, a do të ndodhte 21 janari ashtu siç ndodhi?
E thashë më lart, sipas meje u provua një mënyrë e re, me fjalime ishte provuar dhe s’kish ndodhur një gjë e tillë. Eshtë për të ardhur keq që në këtë rast policia e humbi shumë shpejt durimin, ndoshta nga informacione të gabuara dhe e acaroi turmën me ujë hedhësat dhe gazin lotsjellës. Me këtë, nuk dua të justifikoj çdo gjë që bëri turma, por dua të shpreh opinionin tim, se përgjegjësia më e madhe për ç’ka ndodhi bie mbi ata që janë ushtarakisht të organizuar, që kanë rregulla të qarta se si duhet të veprojnë dhe që e dinë fort mirë se detyra e tyre në këto raste nuk është e lehtë, ata janë profesionistët në “beteja” të tilla.
Në këto raste cili duhet të jetë qëndrimi i SHISH-it?
Qëndrimi i SHISH-t përcaktohet nga ligji i tij, që e detyron atë të mbledhë dhe ti transmetojë Kryeministrit apo organeve të caktuara prej tij, çdo informacion që lidhet me aktivitete që çojnë në cënimin e Sigurisë Kombëtare.
A e përjashtoni mundësinë që më 21 janar, të qënë agjentët e SHISH-it që krijuan situatën e konfrontimit me policinë?
E quaj spekullativ këtë variant. Ligji i tij e ndalon një gjë të tillë dhe do të ishte një aventurë për çdo drejtues të tij, që ta bënte një gjë të tillë. Unë kam lënë një Shërbim, që një gjë të tillë as nuk e konceptonte, jo më ta kryente. Ndërkohë nuk besoj që kjo qasje ndaj këtij problemi të ketë ndryshuar. Sukseset e arritura në këtë Shërbim në këtë drejtim, kanë qënë dhe janë aq të mëdha sa e bëjnë të pamundur kthimin në kohrat e Gazidedes. Për mua situata e konfrontimit u krijua nga ngutja e policisë për të shpërndarë turmën dhe nga tërheqja e pastajme e saj nga përfundimi i kësaj detyre.
A është e justifikushme dhuna ndaj policisë në një moment që jo të gjithë njerëzit ishin mbledhur?
Unë në anjë rast nuk e justifikoj dhunën ndaj policisë. Por besoj se policia në çdo rast, kur del në një aktivitet të tillë, duhet të jetë e përgatitur dhe për më të keqen. Në këtë rast ajo e humbi shumë shpejt gjakftohtësinë dhe kontrollin e vetes. Me të vërtetë, konfrontimi me djelmurinë, filloi para arritjes së masës së madhe të demostrantëve dhe, shumë shpejt, pas jo më shumë se 5 apo 10 minutave, dolën makinat e ujit dhe u përdor gazi lotsjellës, që krijoi një situate absurde, se veç turmës që filloi të largohej, më shumë dëmtoi policinë. Pas kësaj tentative për ta shpërndarë turmën policia e humbi kontrollin e situatës, turma mbushi sheshin dhe hipi dhe mbi murin rrethues të Kryeministrisë, në një farë kompromisi me policinë, duke demonstruar se nuk kish asnjë qëllim për tu futur brënda gardhit. Të tjerat i bëri Garda…
Shmangia e pjesës më të madhe të njerëzve nga dhuna e Policisë, si e keni parë?
Pjesa më e madhe e njerëzve nuk pati punë me policinë, se nuk u afrua dot pranë Kryeministrisë. Dhuna e vërtetë e policisë u ndje kur po errej dhe njerzit po largoheshin. Nuk ishin policë të zakonshëm, ndoshta forcat speciale, që u bënë trima dhe u turrën të qëllonin me shkopinj gome, grushta dhe shqelma çdo njeri që u dilte përpara. Nga tinzaria, egërsia e kësaj sjellje, nga sharjet me të cilat shoqëronin dhunën, dukej se po shkarkonin nervat mbi njerëz të pafajshëm. Nga kjo bastisje janë dhe pjesa më e madhe të arestuarve, djelmuria e fillimit kish ikur me kohë.
Cila është eksperienca juaj në këtë demonstratë dhe shija që ju la pas?
Eshte një eksperiencë që nuk do doja ta jetoja herë tjetër. Kjo më tregoi se shteti ligjor në Shqipëri është akoma larg. Ç’ka ndodhi nga pas, kur nga “doktori” i Spitalit Ushtarak u aludua për vrasje nga afër etj. etj., më kujtoi dhe një herë historira të vjetra me pushtetarët e sotëm.
Çfarë përgjegjësie ka shteti në këtë rast?
Pothuaj të tërën. Strukturat e tij janë pjesa e organizuar, e pajisur dhe profesioniste, që kanë detyrën të sigurojnë mbarëvajtjen, edhe nëqoftëse provokohen. Në këtë rast e humbën shumë shpejt qetësinë dhe përgjegjësinë.
E gjithë kjo situatë erdhi pas video-skandalit Meta-Prifti. Si e konsideroni ju këtë ngjarje?
Nuk besoj se ka ndonjë lidhje 21 janari me këtë video, e cila vetëm demonstroi një gjë, që të gjithë e dinin. Protestat ishin planifikuar me kohë dhe ishin shtyrë disa herë për motive të ndryshme.
A është LSI, ajo që njihnit më parë?
Unë dhe shokët e mi shpresonim në një LSI tjetër. Por që kur ajo u fut në qeveri, duke i dhënë PD-së oksigjenin e domosdoshëm për të mbajtur pushtetin, e kuptuam se nga kjo nuk do të përfitonte Shqipëria, por vetëm babëzia. Këtë tregoi dhe videoja.
Ju do të jeni nesër në demostratë, si përfaqsues i kujt Zoti Klosi?
Unë do të jem, në homazh të atyre që u sakrifikuan për ne, duke përfaqsuar bindjen time në një Shqipëri më të mirë.

GSH

[shigjeta]

Lidington: Tubimet, qoftë edhe paqësore janë të rrezikshme

Ministri Britanik për Europën vlerëson profesionalizmin dhe vetëpërmbajtjen e policisë shqiptarë

Ashtu si të gjithë faktorët shqiptarë, thirrjet për mosmbajtje të tubimeve të tjera vjen edhe nga Ministrit Britanik për Europën, zoti David Lidington. Në deklaratë vlerësohet qartë edhe Policia e Shtetit:

“ Më vjen shumë keq për dhunën dhe humbjen e jetëve gjatë protestës të premten e kaluar në Tiranë. Imazhet nga Tirana që pamë në ekranet tona televizive javën e kaluar nuk janë imazhe qe ne duam të shohim nga një shtet që dëshiron antarësim në Bashkimin Europian. Mënyra më e mirë tani për të treguar respekt për viktimat, respekt për ata punonjës policie të cilët u sollën me përmbajtje dhe profesionalizëm, është që të sigurohet një hetim penal i plotë, i pavarur, për ngjarjet të premten e kaluar, veçanërisht për të shtënat me armë. I kërkojmë fuqimisht autoriteteve shqiptare për të bashkëpunuar plotësisht me hetimin e Prokurorit të Përgjithshëm, dhe partitë politike të përmbahen për të mos sulmuar integritetin e institucioneve të pavarura shqiptare dhe të mos pengohet procesi i nevojshëm i sundimit të ligjit. Drejtësia nuk mund të kryhet brenda natës. Qeveria e SHBA-së ka ofruar mbështetje të rëndësishme ekspertësh për Prokurorinë e Përgjithshme, që do të ndihmojë për të shpejtuar procesin. I dërguari i BE-së Lajçak e bëri të qartë gjatë vizitës së tij në Tiranë dje se BE-ja, duke përfshirë edhe Mbretërinë e Bashkuar, gjithashtu janë të gatshëm për të ndihmuar. Edhe me mbështetjen ndërkombëtare, një hetim i besueshëm do të marrë kohë. Gjatë këtij momenti të rëndësishëm dhe delikat, kur kredibiliteti ndërkombëtar i Shqipërisë është në rrezik, tubime te tjera, sado paqësore të jenë qëllimet e tyre, mund të shkaktojnë përplasje të tjera. Ne kërkojmë nga të gjithë që të mos lejojnë një përsëritje të ngjarjeve të së premtes së kaluar”, thuhet në deklaratën e Ministrit Britanik për Europën.

ABC

[shigjeta]

Ian Kelly: Dhuna në dëm të shqiptarëve

Ambasadori amerikan në OSBE shpreh keqardhjen për dhunën e 21 Janarit

Ambasadori Amerikan në misionin e Organizatës për Bashkëpunim dhe Siguri në Europë Ian Kelli ka shprehur mbrëmë shqetësimin e tij për situatën në Shqipëri.

Në një letër dërguar Këshillit të Përhershërm të OSBE-së në Vjenë me titull "Deklaratë për Shqipërinë- Dhuna në protestë” Kelli shpreh keqardhjen mbi dhunën e shfaqur në demonstratën e 21 janarit të Partisë Socialiste.

Në emër të Shteteve të Bashkuara, ai argumenton se “Përdorimi i retorikës provocative, sugjerimit apo tolerimet për cdo formë dhune është një dëmtim i thellë për popullin shqiptar.

Ne i bëjmë thirrje të gjithë palëve, dhe liderëve të tyre të angazhohen në një dialog konstruktiv dhe substancial për të menaxhuar dallimet politike dhe të shmangin gjakderdhjen,vuajtjet dhe destabilizmin e mëtejshëm politik”-thuhet më tej në letër.

Shqipëria që nga anëtarësimi në OSBE vëren Kelli, është shëndrruar në një shtet anëtar të suksesshëm duke punuar gjithnjë e më shumë në formimin e institucioneve demokratike.

Për këtë arsye lidershipi politik në shqipëri duhet të lërë mënjanë agjendat përkatëse politike dhe të punojnë për të mirën e vendit. Kelly nënvizon se është e rëndësishme që partitë të ndërmarrin menjëherë bisedime reale dhe domethënëse për zgjedhjet lokale të majit “në mënyrë që shqetësimet e përditshme që ka popullsia të shprehen nëpërmjet këtyre zgjedhjeve.

” Në fund të deklaratës së tij diplomati amerikan i shpreh mbështetjen e tij ambasadorit Wollfarth dhe zyrës së OSBE në Tiranë dhe i falenderon që vazhdojnë tëjenë burim stabiliteti në rajon në këtë kohë të vështirë.

ABC

[shigjeta]

Aderhold: Dënojmë çdo dhunë kundër institucioneve demokratike e legjitime

Kongresmeni amerikan Robert Aderhold ka reaguar për demonstratën e 21 janarit të organizuar nga opozita.
Aderhold theksoi se "dënojmë çdo dhunë kundër institucioneve demokratike dhe legjitime. Pushteti nuk merret me dhunë është shprehur kongresmeni amerikan.
Çdo mosmarrëveshje zgjidhet në institucionet legjitime që ka një vend demokratik", përfundon Aderhold.

Bota Sot

[Rina_87]

Homazhi, reagon PD
28/01/2011 19:55


Partia Demokratike ka reaguar pas protestës-homazh të opozitës për viktimat e 21 janarit. Deputeti demokrat, Aldo Bumçi ka akuzuar kreun e PS-së, Edi Rama si organizatorin e grushtit të shtetit.

“Sot u bëmë dëshmitarë të një skenari tjetër të turpshëm të Edi Ramës. Sot organizatori dhe përgjegjësi i grushtit të shtetit me 21 janar, u kthye të vendi i tij i krimit. Sot Edi Rama provoi që ishte ai dhe vetëm ai që organizoi dhunën kundër institucioneve të shtetit më 21 janar. Zoti Rama më kot përpiqet të trazojë jetën dhe mendjen e qytetarëve shqiptarë të cilët me kthjelltësinë e tyre i dhanë përgjigjen e merituar. Qytetarët e Tiranës ashtu siç braktisën përpjekjen e tij për të marrë pushtetin me dhunë më 21 janar, në të njëjtën mënyrë e braktisën atë dhe sot si çmimin që duhet të paguajë për dëmin që ai dëshiron t’i shkaktojë atyre dhe mbarë vendit”, është shprehur Bumçi.

“Zoti Rama kërkon të përdorë politikisht traditën e zisë shqiptare për të ligjëruar me çdo mënyrë atë që s’bëri dot më 21 janar. Por ti zoti Rama nuk mund të lash duart nga puçi dhe krimi i 21 janarit”, deklaroi Bumçi.

TCH

P.S. Nuk e di pse mu paska fshirë një rresht-shkrim domethënës në këtë temë. Boll mo me atë fshisë

[Antimafia]

Komisioni Hetimor: Garda ka përmbushur ligjet për ruajtjen e institucioneve

Ditën e sotme Komisioni hetimor parlamentar zhvilloi takimin e parë me përfaqësuesit e Gardës së Republikës me qëllim mbledhjen e fakteve të ngjarjes së 21 janarit. Gjatë këtij takimi Shefi i Shtabit të Gardës, major Artan Hoxha shpjegoi mes të pranishmëve rolin që përcakton ligji për Gardën. Ndonëse nuk iu referua shprehimisht 21 janarit, majori shpjegoi se si veprohet në rast përshkallëzimi të situatës në objektin e rëndësisë së veçantë:

“Drejtuesit e shërbimit krahas masave që kanë marrë i bëjnë thirrje turmës me altoparlant, më pas qëllohet në ajër, pastaj zbatohen kërkesat e nenit 25 të ligjit për Gardën”, deklaroi Hoxha.


---------------------------------------------

LIGJ
Nr.8869, date 22.5.2003

PER GARDEN E REPUBLIKES SE SHQIPERISE

Ne mbështetje te neneve 78, 81 pika 1 dhe 83 pika 1 te Kushtetutës, me propozimin e Këshillit te Ministrave,

KUVENDI
I REPUBLIKES SE SHQIPERISE

V E N D O S I:


...


Neni 25

Punonjësi i Gardës përdor armen ne rastet e përcaktuara ne ligjin nr.8290, date 24.2.1998 "Për përdorimin e armeve te zjarrit", si dhe ne rastet kur sulmohen:
a) personalitetet e larta shtetërore te vendit dhe te huaja;
b) rojet dhe objektet ne ruajtje.

...


http://www.ikub.al/305220001/Article_Per-Garden-e-Republikes-se-Shqiperise-.aspx


....

[shigjeta]

Stop Dhunes

Ne përfaqësuesit e shoqërisë civile shqiptare në Maqedoni јemi tubuar sot para ambasadës së Shqipërisë në Shkup për të shprehur ngushëllimet tona më të sinqerta për viktimat e demonstratave të dhunshme të 21 janarit në Tiranë dhe për të dënuar njëkohësisht në mënyrën më të ashpër dhunën e shfaqur në bulevardin krenar të dëshmorëve të cilët ranë për një Shqipëri me të cilën të gjithë shqiptarët do të krenohen.

Ne, aktivistët qytetar, që më së tepërmi shfrytëzojmë të drejtën e protestës kundër padrejtësivë që na bëhen si popull respektojmë maksimalisht të drejtën për të demonstruar dhe për të ngritur zërin e pakënaqësisë por ne në asnjë mënyrë nuk pranojmë dhunën që u shfaq në ekranet tona televizive nga një grup i vogël demonstruesish që nuk kishin asgjë të bëjnë me protestuesit dinjitoz që u larguan sapo u shfaq dhuna kundër institucioneve legjitime të Shqipërisë. Kjo dhunë është e papranueshme për të gjithë shqiptarët të cilët u tmerruan nga pamjet e Tiranës së 21 janarit që nuk ngjajnë me imazhin e një shteti anëtar të NATO dhe më përgjegjësinë e një shteti për të gjithë shqiptarët kudo që janë

Ne jemi tubuar sot për t’i thënë mjaft dhunës në Shqipëri, për të apeluar për përgjegjësi kombëtare ndaj të gjithë atyre që po dëmtojnë interesat shqiptar jo vetëm të Shqipërisë, por të të gjithë shqiptarëve. Ne duam një Shqipëri anëtare fuqiplotë e NATOs, duam një Shqipëri me Rrugë të Kombit dhe Rrugë të Arbërit, një Shqipëri pa kufij me evropën por edhe me Maqedoninë dhe Kosovën, duam një Shqipëri në BE.

Aferë koruptive, parregullësitë zgjedhore, pakënaqësitë në asnjë mënyrë nuk justifikojnë dhunën që ka vonuar liberalizimin e vizave dhe po e bën të pamundur marrjen e vendimit për të fituar statusin vend kandidat për anëtarësim në BE.

Imazhi i shqiptarëve gjithandej buron nga Tirana zyrtare dhe skenat e 21 janarit shkundën themelet e shqiptarëve kudoqofshin duke dobësuar pozicionet tona të cilat po sulmohen çdo ditë e më ashpër. Këtë imazh më 21 janari e shpëtuan organet shtetërore dhe në veçanti polici Amarildo Yzeiri i cili rezikoi sigurinë e vet për të ngritur flamurin kombëtar nga toka pasi që çuditirësht ishte sulmuar me flamur nga ana e protestuesve dhe e mbrojti me përkushtim të jashtëzakontë simbolin që na bashkon të gjithë shqiptarët, flamurin kuq e zi.

Andaj, Lëvizja ZGJOHU! e përkrahur nga kompania panshqiptare GEMAK ka vendosur që të shpërblejë policin Amarildo Yzeri me një shumë simbolike prej 300 Euro dhe me një flamur kombëtar nga Shkupi dardan për guximin dhe dashurinë e tij për flamurin kuq e zi.

Levizja Zgjohu

[Albo]

Komandanti i Gardës: Zbatuam ligjin, të hapur për çdo hetim

Anëtarë të Komisionit Hetimor për ngjarjet e 21 janarit ishin në ambientet e Gardës së Republikës për tu informuar personalisht mbi veprimtarinë e Gardës së Republikës para, gjatë dhe pas demonstratës përballë kryeministrisë. Deputetët Dashnor Sula, Viktor Gumi dhe Fatos Hoxha vlerësuan gatishmërinë e Shtabit të Gardës për të vënë në dispozicion të Komisionit Hetimor dhe të gjitha organeve kushtetuese, përfshirë edhe prokurorinë, materialet e nevojshme për hetim.
Gjatë takimit Komandanti i Gardës Ndrea Prendi siguroi se Garda ka vepruar në përputhje me të gjitha ligjet në vend dhe se është e gatshme për çdo hetim.
Shefi i Shtabit të Gardës Artan Hoxha, bëri një përmbledhje të punës së Gardës, duke cituar ligjet në të cilat është mbështetur veprimtaria e Gardës në mbrojtje të institucioneve dhe personaliteteve shtetërore.
Shtabi i Gardës në të njëjtën kohë u shpreh i gatshëm të paraqitej edhe pranë Komisionit Hetimor për çdo sqarim të mëtejshëm.
Sipas anëtarëve të Komisionit Hetimor për zbardhjen e veprimtarisë së institucioneve para, gjatë dhe pas demonstratës së 21 janarit, takimet do të vazhdojnë edhe në Drejtorinë e Policisë për tu informuar mbi veprimtarinë e uniformave blu.

TV Klan