Prishtinë, 14 tetor – Kosova vazhdon të ketë bilanc negativ tregtar. Sipas të dhënave të Entit të Statistikave të Kosovës, deficiti tregtar i Kosovës në muajin gusht ka arritur në 180.7 milionë euro. Kurse, deri në fund të muajit korrik deficiti tregtar kishte arritur në 986 milionë e 405 mijë euro. Më këto shifra, deficiti tregtar i Kosovës për 8 muaj ka arritur në 1 miliard e 167 milionë euro. Eksporti në muajin gusht, sipas ESK-së, kishte vlerën 26.2 milionë euro, ndërsa importi 206.9 milionë euro.
“Është një rritje prej 70.2 për qind për eksport dhe 13.6 për qind për import, krahasuar me gushtin e vitit 2009”, thuhet në raportin e ESK-së për tregtinë e jashtme të Kosovës për muajin gusht.
Në raport thuhet se 62.4 për qind e totalit të eksporteve gjatë muajit gusht kanë qenë metalet bazë dhe artikujt prej tyre. Ndërsa, 15.2 për qind të eksporteve kanë qenë produktet minerale, 7.2 për qind produktet bimore, 4.1 për qind e eksporteve kanë qenë ushqimet e përgatitura, pijet dhe duhani.
Të dhënat e grupeve kryesore për import thonë se 19.3 për qind të importit e përbëjnë produktet minerale, pasojnë ushqimet e përgatitura, pijet dhe duhani me 15.1 për qind, makineritë, pajisjet mekanike dhe elektrike 11.4 për qind, metale bazë dhe artikuj prej tyre 9.8 për qind, produkte të industrisë kimike 6 për qind, mjetet e transporti 5.1 për qind, etj.
Në muajin gusht përqindja më e madhe e eksportit ishte në Itali me 16.9 për qind, pastaj 16.9 për qind e eksporteve kanë qenë në drejtim të Shqipërisë. Shtetet tjera që kanë importuar prodhimet kosovare kanë qenë edhe Zvicra me 8.8 për qind, Maqedonia (7.2), Gjermania (3.9) etj.
“Ndërsa sipas të dhënave përqindja më e madhe e importit është nga: Maqedonia (16.9%), Serbia (13.2%), Gjermania (12.3%), Turqia (6.2%), Kina (6.2%) etj.
Bashkimi Evropian me (29.7%) merrte pjesë në eksportin e vendit tonë, kurse në import me (35.7%)”, thuhet në raportin e ESK-së.Kosova në vazhdimësi ka pasur bilanc negativ tregtar. Ekspertët kanë theksuar se niveli i lartë i deficitit dëmton ekonominë vendëse, pasi bëhet eksporti i parasë së gatshme, i cili bën që të ulet likuiditeti i ekonomisë vendëse dhe të ketë mungesë të parasë së gatshme dhe kjo dëmton procesin e zhvillimit ekonomik të Kosovës. Stimulimi i investimeve të jashtme dhe i prodhimtarisë vendëse, shihen si dy alternativa për uljen e deficitit tregtar
(marrë nga koha ditore)
Praktikisht deri në fund të vitit deficiti tregtar i shtetit do të tejkalojë vlerën e buxhetit të tij i cili sillet dikund rreth 1.5 miliardë euro.
Kush do e mbushë ate pasi të jetë shitur posta dhe kek-u e të hollat të jenë vjedhur gjasme për ndërtim autostrade?
Në shtetet e konsoliduara ekonomikisht importi sillet dikund me rreth 25% të buxhetit shtetëror dhe me një eksport pak a shumë të përafërt.
Përgjigju Duke Cituar
Postuar më parë nga >_Ilirian_>
Krijoni Kontakt