Ajo, vetëm ajo!

[mondishall]

Iluzion, apo...

Unë ty të formësoj
Nga grimcat e padukshme
Nuk është , jo, iluzion
Por s'ësht' as e mjaftueshme.

Unë ty të prek e ndjej
Dhe pranë pa të patur
O unë veten gënjej
O ti vërtet je shfaqur.

[mondishall]

Ekstazë



Ja sytë, ooh ç'buzë!

Ja gjoksi, aah ç'këmbë!

Bukuri e më shumë

Që më luan nga mentë.




Ja prekja, ooh puthja!

Shtrëngimi më pas

Magjishëm u futa

Magjisë së saj.




Ja aaah-u, rënkimi!

Ja bota, e imja

Më thoni, a dini

Nga erdha, ku ika?

[mondishall]

Një çast me fshehtësinë

Nuk di në bëj mëkat
Kur udhëtoj diku
Ku shfaqet një imazh
I ndryshëm prej këtu.

Këtu ku prek realen
Dhe lumturinë prapë
Po pse imazhit ndalem
Si një dashnor i zjarrtë?

Ma thuaj ti, e dashur
Ma thuaj dhe ti tjetra
Më mirë ta them un' hapur
Apo më mirë e fshehta?

E lemë pra kështu
Imazhet shkojnë e vinë
Gjithmonë më ke këtu
Një çast me fshehtësinë.

[mondishall]

Të lidhur nga një fjalë

Dhe fjala m'u bë gjak
Dhe gjaku-rrahje zemre
Dhe rrahja prapë fjal'
Vazhdoi magjin' drejt teje.

Dhe..., s'ka më "Dhe" pastaj
Pastaj jemi veç ne
Të lidhur nga një fjal'
Që siç ta dhashë, ma dhe.

[Dar_di]

Të lidhur nga një fjalë

Dhe fjala m'u bë gjak
Dhe gjaku-rrahje zemre
Dhe rrahja prapë fjal'
Vazhdoi magjin' drejt teje.

Dhe..., s'ka më "Dhe" pastaj
Pastaj jemi veç ne
Të lidhur nga një fjal'
Që siç ta dhashë, ma dhe.

Mondi, përshëndetje!

Po i hedh përshtypjet e mia mbi poezinë tuaj, mirëpo jo nga një kritk letrar, sepse nuk i takoj kësaj lëmie.

Me aq sa më lejon programi ditorë, një pjesë të kohës dhe qëndrimit tim tek letërsia shqiptare dhe shkrimtarët shqiptar, i kushtoj edhe krijimtarisë tuaj letrare-artistike.

Magjepsem nga stili juaj i të shkruarit dhe figurat që përdor në të shprehur. Çdo varg e harmonizon me njëri tjetrin dhe me atë petk filozofik, bën që mesazhi i poezisë të kuptohet në mes të rreshtave. Kjo më nxit të ju lexoj: "Kozmosi Mondian".

Të dëshiroj burim të vazhdueshëm në frymëzimet tuaja letrare dhe rrugë të suksesshme në këtë drejtim!

Me respekt,
Dar_di

[mondishall]

Dar di, te falenderoj e pershendes me...

Me lerë të rroj prej gjoje

Borxh nuk ta dhashë fjalën
Mbaje, hidhe, shkele
Bashkë me kamatën
Që deshe të ma ktheje!

Nuk jam tregtar i ndjenjës
Me fjalët s’bëj biznes
Kuletën s’ja var femrës
Që ta fitoj në seks.

Si? Qenkam prapa kohe?
Ç’e humb atë me mua?
Më lerë të rroj prej gjoje
Një ëndërr që pash’ zgjuar!

[Agim Metbala]

Dar di, A falenderoj e pershendes me...

Me lerë të rroj prej gjoje

Borxh nuk ta dhashë fjalën
Mbaje, hidhe, shkele
Bashkë me kamatën
Që deshe të ma ktheje!

Nuk jam tregtar i ndjenjës
Me fjalët s’bëj biznes
Kuletën s’ja var femrës
Që ta fitoj në seks.

Si? Qenkam prapa kohe?
Ç’e humb atë me mua?
Më lerë të rroj prej gjoje
Një ëndërr që pash’ zgjuar!

I dashur Mondi, me shumë respekt, me ngadalësi të madhe, heshtazi...e lexoj ciklin e tuaj të fundit e kënaqem me mendimet filozofike të shndërruar në vargje, me një stil të veçant...
Të falenderohem mik që më ofroni këtë kënaqësi!

[soldierly]

.....

Dallga shkembin fort e dashuronte,
ferkohej pas tij, shume afer e donte,
e puthte tere diten cmendurisht,
cmendej pas tij naten marrezisht.

Por shkembin naten vone e zuri gjumi,
dallga e pakenaqur donte si ne fillim,
me shume miresjellje perseri e zgjoi,
"te dua, kam afsh keshtu s'ka kuptim!".

Shkembi nga perplasjet e shumta u dorezua,
ra si i keputur lirshem mbi krahet e asaj,
por prap te zhgenjyer dhe te mashtruar e la,
per nje copez te vogel qe ne fund te detit ra. )

[Agim Doçi]

mondishall
Ndoshta do te duket shume, shume kompliment, por gabon !!!!!!!!!!!!!
!!!!!!!
Ti je poet dhe nga ata qe une vetem respekt ndjej dhe kam. Urime miku im.

[mondishall]

Dy miqte e mi poete, Agim Metbala e Agim Doçi, ju falenderoj per fjalet aq dashamirese dhe inkurajuese. Ju pershendes miq, me vargje...

Firma e dashurisë

Nuk betohet dashuria
Ajo është vetë betimi
Nuk vlen vula, nuk vlen firma
Në një kartë celebrimi.

Nuk firmoset dashuria
S'është kontrate marrëveshjesh
Firma e saj është vetë magjia
Që të ngjall edhe pas vdekjes.