Ajo, vetëm ajo!

[shigjeta]

Firma e dashurisë

Nuk betohet dashuria
Ajo është ë betimi
Nuk vlen vula, nuk vlen firma
Në një kartë celebrimi.

Nuk firmoset dashuria
S'është kontrate marrëveshjesh
Firma e saj është vetë magjia
Që të ngjall edhe pas vdekjes.

Vargje kuptimplote...

[Viola.V]

Mos më tradhto, o lot.

Mos më tradhto, o lot
Qëndro në shpirtin tim
Mos marë vesh kjo bot'
Burimin që të lind.

Le ta kalojmë bashkë
Atë që bashk' na dhemb
Se bota aty jashtë
Me dhimbjen tonë do qesh'.

Iluzion, apo...

Unë ty të formësoj
Nga grimcat e padukshme
Nuk është , jo, iluzion
Por s'ësht' as e mjaftueshme.

Unë ty të prek e ndjej
Dhe pranë pa të patur
O unë veten gënjej
O ti vërtet je shfaqur.

Ekstazë

Ja sytë, ooh ç'buzë!
Ja gjoksi, aah ç'këmbë!
Bukuri e më shumë
Që më luan nga mentë.

Ja prekja, ooh puthja!
Shtrëngimi më pas
Magjishëm u futa
Magjisë së saj.

Ja aaah-u, rënkimi!
Ja bota, e imja
Më thoni, a dini
Nga erdha, ku ika?

Ekstaze ?! Hmmmmm.....
If you'd like to plead your own case , you can be held responsible and found guilty at your own fault and later you can't claim mistrial.....joking .

Një çast me fshehtësinë
.....

Këtu ku prek realen
Dhe lumturinë prapë
Po pse imazhit ndalem
Si një dashnor i zjarrtë?

Ma thuaj ti, e dashur
Ma thuaj dhe ti tjetra
Më mirë ta them un' hapur
Apo më mirë e fshehta?

.....

Të lidhur nga një fjalë

Dhe fjala m'u bë gjak
Dhe gjaku-rrahje zemre
Dhe rrahja prapë fjal'
Vazhdoi magjin' drejt teje.

Dhe..., s'ka më "Dhe" pastaj
Pastaj jemi veç ne
Të lidhur nga një fjal'
Që siç ta dhashë, ma dhe.

Me lerë të rroj prej gjoje

Borxh nuk ta dhashë fjalën
Mbaje, hidhe, shkele
Bashkë me kamatën
Që deshe të ma ktheje!

Si? Qenkam prapa kohe?
Ç’e humb atë me mua?
........

Mondishall , kohe kishja pa lexuar , por me erdhi shume kenaqesi kur i lexova te gjitha njehereshi . Vecova disa prej tyre qe me pelqyen , por keto vargje me ngjyre te kuqe jane shume te vecanta .Very catchy fraze .

[mondishall]

Viola. V, kenaqesi per mua qe ndalesh, lexon dhe vlereson me dashamiresi poezite e mia. Te falenderoj dhe pershendes me...



Nuk tallem unë me Zotin...



Nuk tallem unë me Zotin

Ai tallet me mua

Pak herë ma kthen erosin

Në "mollë të ndaluar" ?



Kur nuk shpika erosin

Si shpika tradhëtinë!?

E mira veç për Zotin

E keqja për njerinë!



Nuk merrem unë me Zotin

Ai merret me mua

Pak punë ka me kozmosin

Pa nisur, pa mbaruar?



Le të më lerë rehat

Në më të paktën jetë

Çfarë bese pra t'i jap

Kur nuk beson as vetë?



Çfarë thoni? Qenkam djalli

Dhe ferri po më pret?

Pse, ç'po jetoj së gjalli

Pse, paska tjetër ferr?

[mondishall]

Endërra meteore

Pishmane hyri gjumit/ Kjo ëndërr e kësaj nate/ Si epilog i fundit/ I ndarjes që s'do ndarje.//

Me mua desh të çlodhej/ Të zgjohej desh me mua/ Por mbeti meteore/ Dhe gjumit tim u shua.

[Agim Metbala]

Endërra meteore

Pishmane hyri gjumit/ Kjo ëndërr e kësaj nate/ Si epilog i fundit/ I ndarjes që s'do ndarje.//

Me mua desh të çlodhej/ Të zgjohej desh me mua/ Por mbeti meteore/ Dhe gjumit tim u shua.

Fenomenale Mondi, ma shtove apetitn e kafes...

[mondishall]

Fenomenale Mondi, ma shtove apetitn e kafes...

Kenaqesi ta pime bashke kafene, i dashur Agim. Te pershendes...

Në fillim ka qënë shikimi

Kush tha, ka qënë fjala në fillim?
Sa lehtë merret i qënë një postulat
A mund të ketë një fjalë, pa një shikim
Që flet e të mahnit pa thën' një fjal'?

[Poeti]

E cilat jane ato vargje qe ti nuk i ben si duhet?!
Ke respektin tim te plote dhe nje falmenderim te madh sepse sa here e humb insiprimin kthehem ketu tek ti dhe frymezohem qe te shkruaj, megjithese aspak ne nivelin qe e ti.

[fazli.n]

ju lumt. nuk e di se ne kete mengjes si do te kthjellesha me mire se me keto poezit tua. faleminderit. suksese dhe shendet. ty i nderuar fati nuk te duhet . fat e ke poezin. ju uroj dite te mbare.

[mondishall]

Te dashur Poeti dhe fazli.n, ju falenderoj per komentet vleresuese. Mes miqsh si ju ndjehem vertet i nderuar dhe emocionuar. Ju pershendes...

Poezisë i them të rrijë urtë

Fjalët i hodha pentagramit
Vargu në nota u kthye
Në piano pashë të ulej Moxarti
Shtrausi me violinë pak më tutje.

Mbeta një çast i habitur
Habitur u skuqa një çast
Kavalieri - vals ishte ngritur
Me poezinë time në vals.

Mundohej në piano Moxarti
Shtrausi sa s'mbytej Danubit
Unë u ngrita ja dhashë vrapit
Të ik e fshihem prej turpit.

Sa herë takohem në udhë
Me Shtraus, Moxart, a Vivald
Poezisë i them të rrijë urtë
Të shijoj muzikën pa fjal'.

[mondishall]

Fshika

Sikleti në shpirt
Shpirti në siklet
Më në fund një fshik'
Në buzë më del.

E prek me gjuhë
Më dhemb, më djeg
Më mburret, "Jam unë,
i tmerrshmi siklet!"

"Thuaj që isha
Tani nuk je më"
Ja kthen fshika
Dhe zhduket me të.