Ajo, vetëm ajo!

[mondishall]

Ka kohë që s’kam kohë

Ka kohë që të pres
Sa koha u mërzit
Nuk di nga ç’kohë vjen
Në ç’kohë do vish s’e di.

Ka kohë që të mendoj
Sa plak u bë mendimi
Nuk di më tej ç’fitoj
Veç di që s’humb durimi.

Ka kohë që s’kam më kohë
Veç në ma sjellsh një ditë
Do pres botës pa botë
Ku s’vdesin dashuritë.

[INDRITI]

Mondi, ne fakt sa doja te dilja kur c'te shoh, u postua ky krijim qe normalisht vetem ti di ta thuresh kaq bukur.
Sikur ndihem me i clodhur pas leximit.

[Besoja]

Përshëndetje Mondi!
Jam i "detyruar" të të shkruaj për poezitë e tua i dashur mik!
Shpirti tënd i pasur me dashuri,vetëm ai mund t'i ndjejë e t'i thotë kaq bukur!
Përgëzime mik!

[mondishall]

Ku iku?

Ku iku vala e detit
Që natës erdhi fshehur?
Në ç'breg dashuruar mbeti
Dhe mua më la dehur?

Ky breg i zemrës sime
Më kot e priti valën
Ajo dhe n'ëndërrime
Të etur ma la natën.

[mondishall]

Të humba vetvetes

U ktheva në mjegull
Në natë u ktheva
Me yjet në sqetull
U nisa, të erdha.

Të zgjova nga ëndrra
Në ëndërr të futa
Pastaj ika, renda
Vetvetes të humba.

[mondishall]

Ta dish që jam dhe unë

Në ajrin përreth
Oksigjenin për frymë
Në hapin që hedh
Ta dish që jam dhe unë.

Ta dish që jam dhe unë
Atje ku je dhe ti
E zgjuar, apo në gjumë
Në trup e tëndin shpirt.

Në trup e tëndin shpirt
Ku lind e kurrë nuk vdes
E vetmja dashuri
I vetmi univers.

[mondishall]

E ndez sot një cigare



Cigaren nuk e pi

E ndez sot një cigare

Tymnaja hyn në shpirt

Si një mikeshë nate.



Seç thonë midis tyre

Seç bëjnë aty brenda

Pas pak cigarja shuhet

Siç shuhet natës ëndrra.

[mondishall]

Mos më tradhto, o lot.

Mos më tradhto, o lot
Qëndro në shpirtin tim
Mos marë vesh kjo bot'
Burimin që të lind.

Le ta kalojmë bashkë
Atë që bashk' na dhemb
Se bota aty jashtë
Me dhimbjen tonë do qesh'.

[soldierly]

Shume bukur Mondi. Nje "like" per te gjitha poezite e tua.

[mondishall]

Te falenderoj e pershendes soldierly me vargje...

Isha një çast



Isha një çast në planetin e ëndrrave

Çast planetar, ëndërrash-çast

Endur universit të iluzioneve

Çast universi, iluzionesh pa fat.



Akoma në formim i ëndrrave planet!?

Formim a shkatërrim, as Zoti nuk e di

Megjithatë një çast unë linda në Univers

Atë që Tokës vdes, më parë se të lind'.