AAK: Po mbahen bisedime sekrete me Serbinë

[Llapi]

Thaçi: AAK të kërkojë falje për trillimet


Nga Express më 19.08.2010 në ora 17:20

Kryeministri Hashim Thaçi i bëri sot thirrje AAK-së që të kërkojë falje për “shpifjet dhe trillimet” për bisedime të fshehta mes zyrtarëve të Kosovës dhe Serbisë.

Edhe presidenti Fatmir Sejdiu tha se nuk është në dijeni se ka pasur bisedime sekrete, sikur pretendon AAK-ja, ndërsa ftoi zyrtarët e AAK-së që nëse kanë argumente le t’i prezantojnë.

Kryeministri Thaçi gjatë një vizite në Lipjan i ka bërë thirrje gjithë spektrit politik që t’i bashkojnë energjitë për të mirë të qytetarëve dhe të mos nxisin përçarje. “Është koha për të gjithë që t’i bashkohen energjive për të mirën e vendit, të shtetit, të gjithë qytetarëve të Kosovës. Në asnjë rrethanë të mos krijohen dilema ndarëse të spektrit politik, ndërsa për partinë që ju pyesni do të ishte me interes që pas atyre trillimeve të ulëta t’i kërkojnë falje popullit të Kosovës”, ka thënë Thaçi, transmeton KosovaPress.

Kreu i Qeverisë theksoi se deri më tani, gjithçka ka qenë transparente, dhe përsëriti se me Serbinë mund të bisedohet vetëm si dy shtete të pavarura.

Sejdiu: Ai që ka argumente, t’i prezantojë

Presidenti Fatmir Sejdiu, i pyetur nga gazetarët, ka thënë se nuk është në dijeni se ka pasur farë bisedash sekrete, sikur pretendon AAK-ja. Ai ka shtuar se partitë duhet të ofrojnë argumente nëse i posedojnë.

“Po, unë s’kam çka të them, nuk di për bisedime të tilla. Ai që ka argumente le t’i prezantojë argumentet. Unë s’mund të lidhem me deklarimet e partive politike të pozitës apo të opozitës. Është çështje e drejtë e tyre të shtrojnë çështje të caktuara, por gjithmonë t’i argumentojnë dhe s’kam koment”, ka thënë Sejdiu.

[pirroja1]

Armand Shkullaku


Thrilleri politik i AAK
Ajo që duket më e lehtë, shpesh rezulton në një grackë nga e cila dilet pastaj me besim të gjymtuar. AAK e provoi këtë dje, kur nuk mundi t’i kënaqë aspak pritjet që vetë ia krijoi publikut. Ajo ngriti një furtunë në gotë, që si përfundim lagu veç atë vetë dhe nuk prodhoi asnjë ndryshim të motit.


Nga Armand Shkullaku më 19.08.2010 në ora 12:14
Aleanca për Ardhmërinë e Kosovës nuk është as CIA dhe as SHIK. Ardian Gjini apo Blerim Shala nuk janë Xhejms Bond dhe as ekspertë të kundërzbulimit. Prandaj ata e patën të vështirë dje për të dalë nga një thriller politik, ku e futën veten pa patur aspak nevojë.

Takimet sekrete, udhëtimet në qytete europiane, misionet e fshehta, etj përfunduan në një komunikim me gazetarë të tipit: “je e dini vetë, nuk ka nevojë t’u tregojmë ne”. Për shumë arsye, aventura e re e AAK nuk mund të kishte fund tjetër. Jo për mungesë të fakteve, as nëse takimet apo bisedimet sekrete kanë ndodhur me të vërtetë, por sepse si mënyra ashtu edhe objekti i zgjedhur për t’iu kundërvënë qeverisë, ishin që në fillim të zgjedhura keq.

Një kurth që AAK ia ngriti vetvetes.

AAK akuzoi qeverinë se kohëve të fundit ka zhvilluar takime dhe biseda sekrete me përfaqësues të Beogradit dhe për këtë nuk ka informuar qyetarët e Kosovës. Për opozitën mungesa e transparencës në këtë rast ishte tepër e rëndë dhe qeveria duhej të jepte shpjegime. Kjo e fundit i mohoi akuzat dhe AAK premtoi se do të sillte fakte që do ta nxirrnin zbuluar qeverinë, duke e vendosur veten kështu në qendër të një suspanse mediatike që pritjet i kishte tepër të mëdha. Deri dje, sepse ushqimi i servirur në konferencën për shtyp i la përsëri të uritur gazetarët në sallë.

Por problemi i AAK nuk është vetëm zhgënjimi mediatik apo ai i opinionit. Forma e zgjedhur për të goditur qeverinë, pak kohë pas vendimit të GJND, ishte e gabuar. Akuza për takime sekrete u bënë jo vetëm për të treguar mungesën e transparencës së qeverisë, por edhe për të nënkuptuar se një tradhëti e madhe po luhet, se Kosova mund të shitet apo këmbëhet, se interesat kombëtare janë të kërcënuara, se qeveria po bën pazare të rrezikshme, etj.

Një fushatë e tillë është jo vetëm e dalë mode, por në dukje e lehtë për të njollosur kundërshtarin, ajo fare lehtë mund të shndërrohet në bumerang. Duke qënë në kufijtë e spekullimit, sepse është e pamundur të gjesh prova se atdheu po shitet, akuza të tilla zhvlerësojnë seriozitetin e opozitës dhe i bëjnë të pabesueshme nesër qëndrime që me të vërtetë duhen marrë në konsideratë. Drejtuesit e AAK e kanë gjykuar si një taktikë politike të lehtë vënien në pozitë të vështirë të qeverisë me akuza për takime sekrete me palën serbe. Ata kanë menduar se mjafton të bëhen disa insinuata, paralajmërime për fakte e prova dhe kështu do ta gozhdojnë kundërshtarin me etiketimin e lodhur nga përdorimi, atë të flirtimit me armikun historik. Mirëpo për një forcë politike moderne duhet më shumë se kaq.

Të bësh opozitë nuk mjafton të lëshosh fjalë në eter, por edhe të derdhësh mund e të ndërtosh strategji serioze për të ardhur në pushtet. AAK mund ta kishte hapur një front të tillë nëse kishte fakte dhe prova se ndonjë marrëveshje e fshehtë është arritur apo nënshkruar mes dy palëve pa informuar kuvendin e Kosovës dhe opinionin. Sepse edhe takimet jo publike, nëse kanë ndodhur, nuk çojnë drejt tradhëtisë kombëtare dhe nuk janë përvojë e panjohur e praktikave diplomatike mes shteteve. Megjithatë, AAK as për takimet sekrete nuk e justifikoi fushatën që ngriti.

Nuk e justifikoi edhe për një arsye tjetër. Tema e takimeve sekrete apo e pazareve të fshehta me kundërshtarin është jo vetëm e shekullit të kaluar, por nuk është në rend të ditës dhe as pika më e dobët e qeverisë së Kosovës. Nëse ka diçka që vërtet nuk varet fare nga veprimet apo vullneti i qeverisë së Kosovës, ajo është politika e jashtme. Eshtë pak e rëndë ta pranojmë kështu hapur, por vendimet për Kosovën merren në Uashington e Bruksel. Çdo zgjidhje që do ofrohet për veriun e Mitrovicës nuk do të jetë ide kreative as e Hashim Thaçit e as e Boris Tadiçit, por një vendim i pranuar nga qendrat e politikës botërore. Tema të tilla, që kanë në sfond hijen e pazareve apo tradhëtive kombëtare, duken tërheqëse dhe të lehta për të goditur kundërshtarin, por në realitetin e përditshëm ato nuk u përgjigjen ndjeshmërive të qyetarëve.

Opozita ka shumë tema të tjera ku mund të tregojë aftësinë e saj dhe ku mund ta vërë vërtet në vështirësi qeverinë. Në vend të gjurmimeve të takimeve sekrete, ajo duhet të gjurmojë faktet për aferat korruptive që rëndojnë mbi qeverinë Thaçi dhe të zbulojë abuzimet me fondet publike. Ajo duhet të tregojë emrat dhe listat e njerëzve të punësuar në bazë të nepotizmit dhe interesave partiake. Të flasë për papunësinë dhe të paraqesë një projekt të sajin se si do ta zbusë atë. Përpara se të kërkojë a është takuar Thaçi me Tadiçin e ç’pazare kanë bërë, le t’u tregojë qyetarëve pse janë takuar Thaçi e Sejdiu e çfarë pazaresh i mbajnë ende bashkë. Të bësh opozitë nuk do të thotë vetëm të akuzosh, por edhe t’i bindësh njerëzit në ato që thua e në ato që mund të bësh më mirë se sa kundërshtari politik.

Ajo që duket më e lehtë, shpesh rezulton në një grackë nga e cila dilet pastaj me besim të gjymtuar. AAK e provoi këtë dje, kur nuk mundi t’i kënaqë aspak pritjet që vetë ia krijoi publikut. Ajo ngriti një furtunë në gotë, që si përfundim lagu veç atë vetë dhe nuk prodhoi asnjë ndryshim të motit. Për ta arritur atë duhet shumë më tepër, AAK e pati provuar në periudhën e vështirë përpara zgjedhjeve lokale. Eshtë ende shpejt për t’u lodhur nga të bërit opozitë të vërtetë. Zgjedhjet e përgjithshme duan më shumë se një vit.

[G-2]

Une jam antipod i UDB-se dhe udbashve, per dallim nga ty!

Jam i ri me moshe shoku "teolog" dhe mos mendo se je ne gjurme...!

Per ta marre stilin nuhates te "zagarve" te ndihmon Haxhi Kuçi, spiun me damke...

Eshte nje bjeshke e madhe mes nesh!

Na sjell fakte dhe mos e devijo temen!?

jo ore jo nuk jemi ketu ka gjurmojme ketu bejme muhabete shprehim pikepamjet tone ndryshe!!

kadri veseli pat then se ata qe i japin zjarr shume e kane mizen ne hejbe!!

e sa per udebash e spiune ata duhet denuar sipas krimeve qe kane bere!!
nuk duhet falur ne asnje menyre e le me te ngjiten ne majat e pushtetit!!


por ky haxhi kuqi ish nje shok i komandant avdi ibrahimit si duket dhe ramadan mujes pra edhe se eshte shoke i tyre ky prap se prap spiun do te mbetet !!

e sa per fakte shoku pirroja prite edhe pak, ke durim he burr !!

[pirroja1]

Si je me Ramazan?

Mund te me tregosh gje nga teologjia, sepse per tjerat je larg...

Pa marre parasyshe se kush eshte ne pushtet, njeriu i ndershem, nuk duhet te behet zedhenes i se keqes, per hir te vuajtjeve qe kaluam pergjate historise.

Ardian Gjini, Blerim Shala, Avni Arifi, Burim Ramadani dhe nga prapa skena Naim Maloku se bashku me Hysen Gashin, ka rene ne provim! Kjo eshte metoda udbashe-lanson genjeshtren me gojen e vet shqiptarit dhe e mban shqiptarin ne ankth.

Sa u besohet neser ketyre nese e marrin pushtetin?!

[G-2]

Arbana Xharra
Gjunjëzimi i AAK-së

Aleanca për Ardhmërinë e Kosovës (AAK) ka rënë në dy gjunjë dhe ka rrezikuar deri në maksimum kredibilitetin karshi opinionit kosovar, duke mos dhënë asnjë fakt lidhur me temën e iniciuar nga ajo për bisedime sekrete të Qeverisë së Kosovës me atë të Serbisë.

Duke iu shmangur tregimit të së vërtetës, AAK-ja ka treguar haptazi se nuk është një opozitë e fuqishme dhe se ende nuk është në gjendje ta marrë pushtetin në dorë. Së paku jo kështu si bëri tani.

Këtë të mërkurë, AAK-ja nuk na i dha faktet që i kishte premtuar për bisedime sekrete me Serbinë të Qeverisë së Kosovës, duke i bërë kështu shërbim kujtdo tjetër, por aspak vetes dhe vendit.

AAK-ja na dëshmoi se nuk mund t’u rezistojë presioneve të huaja edhe kur është në pyetje çështja kombëtare. Duke iu nënshtruar presioneve, AAK lë hapësirë të besojmë se tërë zhurmën për negociata e kishte nisur pikësëpari për interesa të saj dhe jo për interes të vendit. Askush nuk mund të arsyetojë tërheqjen ndaj presioneve të huaja, me një interes kombëtar, përveç se atij individual.

Të dielën e kaluar kjo parti politike premtoi se do ta diskreditojë qeverinë Thaçi duke publikuar emrat dhe vendet e atyre që u takuan me zyrtarët serbë. Një lajm ky shokues i paralajmëruar të bëhej publik nga opozita pas tre ditësh. Të mërkurën, derisa të gjithë prisnin të marrin vesh se kush ku ishte takuar me zyrtarët e Beogradit, kjo parti opozitare arsyetohet thjesht se “kanë pasur presione
diplomatike për të mos dhënë detaje”. Nëse i kanë pasur këto detaje, pikësëpari.

Këtu na dalin dy të meta të mëdha në sipërfaqe:

1. Kosova duket se edhe opozitën e ka si pushtetin- pra të dështuar,

2. Në Kosovë po bëhen lojëra të fshehta diplomatike, ku janë të përfshirë vendorët dhe ndërkombëtarët dhe askush nuk guxon të bëjë zë.

AAK-ja të mërkurën ra keq nga provimi, duke dhënë arsyetimin më tepër se naiv me konstatimin që “të gjithë qytetarët e Kosovës e dinë se ka pasur bisedime sekrete, por ne si AAK nuk jemi në gjendje t’u shkaktojmë dëme qytetarëve të Kosovës”.

Unë nuk e di. Jo, qytetarët e Kosovës nuk e dinë kush ku dhe me kë është takuar. AAK e dha një lajm të tillë për të cilin nuk ofroi as edhe një fakt. Përkundrazi, mospublikimi i detajeve dhe lojërat e tilla diplomatike dëmtojnë më së shumti qytetarët e Kosovës.

Partia në pushtet PDK duhet t’i falënderohet AAK-së për nderin që ia ka bërë me këto deklarata, sepse e para kjo situatë po na tregon se ajo nuk ka kundërkandidat të fortë dhe se kosovarët në zgjedhjet e ardhshme s’kanë alternativë të besueshme për ta votuar, dhe e dyta se prezenca ndërkombëtare është duke i bërë të gjitha lojërat politike duke mos i pyetur për asgjë vendorët.

Por, ajo që mund ta konstatojmë është që një AAK e tillë dhe një Kosovë me Sejdiun e Thaçin në krye është një poligon edhe më i lehtë për eksperimente, sekrete, thashetheme dhe prapaskena... Llogarinë e të cilave dihet kush e paguan: ne qytetarët e Republikës së Kosovës.

[pirroja1]

Dëshpërim në AAK

Mosprezantimi i fakteve nga Ardian Gjini për “bisedimet sekrete” ka dëshpëruar zyrtarë të AAK’së. Atyre u vjen keq që të mërkurën nuk mundën të zbardhin asnjë “fshehtësi”. Presidenti Fatmir Sejdiu ka thënë se nëse AAK ka argumente, duhet t’i prezantojë ato. Ndërsa Kryeministri Hashim Thaçi i ka quajtur trillime pretendimet e AAK’së, duke i ftuar të kërkojnë falje.


Nga Valmir Klaiqi më 20.08.2010 në ora 8:09

Avni Arifi ndihet i dëshpëruar. Këshilltari kryesor i liderit të AAK’së Ramush Haradinaj, ndihet keq që partia e tij nuk e mbajti fjalën për denoncimin e “bisedimeve sekrete”.

“Çka është ndoshta edhe dëshpërim i jemi është se ne për arsye që i ka cekur të mërkurën Gjini, nuk kemi folur për ato fakte. Mund të them se ndihem shumë keq. Ndihem shumë keq që nuk kemi qenë të faktuar dhe që nuk kemi qitur shumë fakte”, ka thënë Arifi.
Megjithatë, këshilltari kryesor i Haradinajt nuk ka dashur më shumë të lëshohet në arsyet e Ardian Gjinit për mosprezantimin e fakteve.

I pyetur nga Express se si ka mundësi që mos të prezantohen faktet për bisedat sekrete të cilat, sipas Gjinit, e dëmtojnë vendin, Arifi është përgjigjur shkurt: “Eh, për këtë pyete Ardian Gjinin”.

Megjithatë, Arifi shtoi se nuk do të thoshte atë çfarë ka thënë ditë më parë pa e ditur se ka fakte.

“Unë kam përgjegjësi sikur secili njeri i politikës kur del para qytetarëve dhe jep fjalë publike. Kam thënë se po të mos kishim fakte nuk do të hynim fare në këtë punë. Qëndroj 100 për qind mbrapa asaj që kam thënë. Po të ishte kthyer edhe njëherë ngjarja nga fillimi, unë i kisha thënë sërish të njëjtat deklarata”, ka thënë ai.

Shkrimin e plotë mund ta lexoni në Express...

[guri79]

Deklarata e palexuar e AAK-së



Prishtinë, 20 gusht - Ministri i Arsimit, Enver Hoxhaj, zëvendësministrja e Punëve të Jashtme, Vlora Çitaku, këshilltarët e kryeministrit Dukagjin Gorani e Tomë Gashi janë disa nga emrat që sipas deklaratës së “censuruar” të Aleancës për Ardhmërinë e Kosovës kanë marrë pjesë në bisedime sekrete me zyrtarët e lartë të Qeverisë së Serbisë, shkruan në numrin e sotëm e përditshmja e Prishtinës, “Zëri”.

Të gjithë të apostrofuarit kanë hedhur poshtë se kanë zhvilluar takime me zyrtarë të Qeverisë së Kosovës. Në deklaratën që nuk u lexua nga AAK të mërkurën, thuhet se takimet me zyrtarët serbë janë zhvilluar në Paris, ku nga Kosova ka marrë pjesë zëvendësministrja Vlora Çitaku, ndërkaq në Bruksel me zyrtarë serbë është takuar ministri Hoxhaj dhe këshilltarët e kryeministrit, Tomë Gashi e Dukagjin Gorani.

“Zëri” ka konfirmuar përmbajtjen e letrës së palexuar në konferencën për shtyp të së mërkurës, nga disa burime në AAK për të siguruar deri në maksimum vërtetësinë e saj.

[KILI MERTURI]

Nuk e di sa jan të vërteta këto deklarata të AAK-së , mirëpo duke marrë parasyshë se cfarë qeverie kemi , nuk është asgjë për tu cuditur edhe nëse bëjnë takime të fshehta me shkaun.

Po , dyshoi pak , sepse , shkijet nuk kan nevoj me pas takime të fsheta me këta krokodillat tanë , sepse i bëjnë haptas.

Nuk e di cilat janë qështjet të cilat shkijet do të bisedonin fsheht me qeverin korruptuese të Kosoves?!

Veriu kontrollphet nga serbija.
Kontrabanda nga serbia dhe qeveria e Kosoves.
Komuna morren shkijet sa mujten nëpër Kosovë.

Unë dyshoi se kjo taktikë e bërjes së politikes në Kosovë më shumë mund të jet marveshje në mes AAK-së dhe qeveris për të tërhequr vëmendjen opinionit , se kinse mund të ndodhë që të bëhen marrveshje të fshehta , e që marrveshjet e hapta të pranohen pa zhurmë nga popullata!

Dikush tha se këto jan metoda komuniste të të shpifurit të gjërave.
Unë mbështes atë thënie me kusht që këtu është bërë një kolaboracion në mes qeveris dhe AAk-se , sepse funifunfit nga e njëta shkollë sllavokomuniste dalin të dyja këto rryma antishqiptare!

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB!
POR BAC , SHPRESA PO KTHEHET ME "VETVENDOSJE!"

[ARIANI_TB]

Nuk e di sa jan të vërteta këto deklarata të AAK-së , mirëpo duke marrë parasyshë se cfarë qeverie kemi , nuk është asgjë për tu cuditur edhe nëse bëjnë takime të fshehta me shkaun.

Po , dyshoi pak , sepse , shkijet nuk kan nevoj me pas takime të fsheta me këta krokodillat tanë , sepse i bëjnë haptas.

Nuk e di cilat janë qështjet të cilat shkijet do të bisedonin fsheht me qeverin korruptuese të Kosoves?!

Veriu kontrollphet nga serbija.
Kontrabanda nga serbia dhe qeveria e Kosoves.
Komuna morren shkijet sa mujten nëpër Kosovë.

Unë dyshoi se kjo taktikë e bërjes së politikes në Kosovë më shumë mund të jet marveshje në mes AAK-së dhe qeveris për të tërhequr vëmendjen opinionit , se kinse mund të ndodhë që të bëhen marrveshje të fshehta , e që marrveshjet e hapta të pranohen pa zhurmë nga popullata!

Dikush tha se këto jan metoda komuniste të të shpifurit të gjërave.
Unë mbështes atë thënie me kusht që këtu është bërë një kolaboracion në mes qeveris dhe AAk-se , sepse funifunfit nga e njëta shkollë sllavokomuniste dalin të dyja këto rryma antishqiptare!

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB!
POR BAC , SHPRESA PO KTHEHET ME "VETVENDOSJE!"

Ketij shkrimi vetem mund te them se nuk ka se cka ti shtohet me, sepse kjo eshte shume reale dhe e vertete se cka shkruan KILI.

Edhe une personalisht mendoj qe si pozita dhe opozita, dhe kete e kane vertetuar shumta herash, para kamerave kundershtojne njeri tjetrin, ndersa pas kamerave behen bashke dhe pasurohen sa ma shume. AAK-ja vetem tani don qe ta ndroj poziten me PDK-ne, sepse tani AAK-ja deshiron te kerkoj pjesen te madhe te Torets e cila Quhet KOSOVE.

Por e vetmja zgjedhje alternative ne KOSOVE tani per tani eshte LEVIZJA VETEVENDOSJE dhe lideri i saj i madhi, i shenjti, atdhetari, trimi ALBIN KURTI.

[guri79]

Ramush HARADINAJ eshte Trim i Gjall !