AAK: Po mbahen bisedime sekrete me Serbinë

[guri79]

Dhe mi paraqit faktet pa prit pa kujtu, shkoni kerkoni azilin n Belgjik !

[Llapi]

Thaçi: Nuk do të ketë as këmbim territoresh, as autonomi

Nga Express më 26.08.2010 në ora 16:36
(E plotësuar) Kryeministri i Kosovës, Hashim Thaçi, i ka hedhur poshtë idetë për ndarjen apo shkëmbimin e territoreve, duke thënë se Kosova është shtet sovran dhe i pavarur dhe si i tillë është i njohur edhe ndërkombëtarisht nga 69 shtete.
Ky reagim erdhi menjëherë, pas raportit të Grupit Ndërkombëtar të Krizave(GNK), i cili rekomandon një autonomi më të zgjeruar për veriun dhe shkëmbim të territoreve, si rezultat i bisedimeve ndërmjet Prishtinës e Beogradit, që do duhej të fillonin së shpejti.
“Nuk do të ketë, në asnjë rrethanë as këmbim territoresh, as autonomi, e as biseda me Serbinë për çështje të serbëve të Kosovës. Me Serbinë do të ketë vetëm partneritet ndërshtetëror dhe jo çështje të hapura. Nuk kemi çështje të hapura në kuptimin për Kosovën, për të biseduar me Serbinë. Me Serbinë kemi përmbyllur gjithçka në qershorin e vitit 1999, pastaj me shpalljen e Kosovës shtet i pavarur dhe sovran, pastaj e ka mbyllur edhe bota me prezantimin e opinionit të Gjykatës Ndërkombëtare”, tha kryeministri Thaçi, transmeton Kosovapress.
Ai përsëriti se Kosova tashmë është shtet i pavarur, sovran, me integritet territorial të paprekshëm dhe të njohur ndërkombëtarisht dhe se në asnjë rrethanë nuk do të ketë kthim prapa apo rikujtim të memorieve të së kaluarës.
“Kushtetuta jonë, ligjet tona janë bazë e fuqishme e shtet-ndërtimit tonë në këtë fazë kur jemi në proces të përmbylljes së suksesshme të pavarësisë së mbikëqyrur. Ne i kemi dhënë opinionet tona edhe në takimet që kemi pasur, sa i përket këtyre zhvillimeve, por me gjasë është menduar se do të prezantohet një opinion tjetër në Gjykatën Ndërkombëtare, kështu që ka mbetur memoria në të kaluarën. Por, shteti i Kosovës ka ecur shumë përpara dhe ky hap nuk do të ndalet, përkundrazi”, ka thënë Thaçi.

GNK: Të nisin sa më parë bisedimet Prishtinë-Beograd

Grupi Ndërkombëtar i Krizave(GNK) ka publikuar raportin e fundit për Kosovën, e të cilin, ndër të tjera, i bëhet thirrje palës kosovare e asaj serbe që të nisin, sa më parë bisedimet për çështje të pazgjidhura. Raporti “Kosova dhe Serbia pas mendimit të GJND-së” flet edhe për opsionet se si mund të zgjidhej çështja e veriut të Kosovës.

Grupi Ndërkombëtar i Krizave i bën thirrje Kosovës dhe Serbisë që me një ndërmjetësim të nivelit të lartë ndërkombëtar, pas prezantimit të mendimit këshillëdhënës të Gjykatës Ndërkombëtare të Drejtësisë, të nisin sa më parë dialogun për të diskutuar për çështjet e pazgjidhura ndërmjet dy vendeve.

“Dështimi për të negociuar në muajt e ardhshëm, mund ta ngrijë konfliktin për disa vjet, meqë palët po hyjnë në cikle elektorale, gjatë së cilave ka gjasa që të përdoret konflikti për të mobilizuar mendimet nacionaliste dhe për t’ju shmangur kritikave për korrupsionin e brendshëm dhe për dështimet e qeverisë”, thuhet në raportin e fundit të kësaj organizate, transmeton Radio Evropa e Lirë.

Lidhur me këtë, Grupi Drejtues Ndërkombëtar i Krizave i sugjeron Bashkimit Evropian, shteteve anëtarë të këtij mekanizmi dhe Shteteve të Bashkuara të Amerikës që të lehtësojnë dialogun, i cili, siç thuhet, duhet të nisë sa më parë për të përfunduar në fillim të verës së 2011-ës.

Bisedimet, sipas raportit, do të duhej të përgatiteshin nga një diplomat i nivelit të lartë ndërkombëtar, e të zhvilloheshin në nivelin e presidentit të Serbisë, Boris Tadiq, dhe kryeministrit të Kosovës, Hashim Thaçi.

Suksesi eventual që mund të arrihej që gjatë këtyre bisedimeve në çështjet, në të cilat është e interesuar Prishtina zyrtare, e që janë çështje të nivelit teknik, si doganat, çështjet tregtare, ato të komunikacionit, transportit dhe energjisë, sipas raportit, pengohet nga mosnjohja e pavarësisë së Kosovës nga shteti serb.

Prishtina thuhet se shpreson që mendimi këshillëdhënës i GJND-së t’i “japë një shtytje të fortë” procesit të njohjes së shtetësisë së vendit.

“Mirëpo, për të lëkundur qëndrimet e ngurta me Bashkimin Evropian dhe në radhët e anëtarëve të përhershëm të Këshillit (të Sigurimit), Kosovës ende i duhet pëlqimi i Serbisë për pavarësinë, së paku në mënyrë implicite përmes themelimit të një lloj marrëdhënieve diplomatike dhe eventualisht njohjes së plotë formale”, theksohet në raport.

Ndërkohë, mosmarrëveshjet kryesore ndërmjet dy palëve në terren thuhet se kanë të bëjnë me komunat në veri të Kosovës.

“Një autonomi më e madhe për veriun dhe një status autonom për monumentet Ortodokse Serbe, siç parashihet në Planin Ahtisaari, në shkëmbim për njohjen nga ana e Serbisë do të duhej të ishte e pranueshme për të dy palët”, thuhet në raport.

Lidhur me problemin e veriut, Grupi Ndërkombëtar i Krizave propozon tri zgjidhje të përfytyrueshme: Plani i Ahtisaarit, autonomia më e zgjeruar dhe shkëmbimi i territoreve.

Ndonëse ndarja e pjesës veriore të Kosovës, e cila sipas raportit, shihet si një mundësi në Beograd për t’i hapur rrugën njohjes së pjesës së mbetur të Kosovës, thuhet se është e papranueshme për Prishtinën.

Pala kosovare, megjithatë “jep disa shenja se mund të marrë parasysh shkëmbimin e veriut të banuar kryesisht me serbë, me pjesët e banuara me shqiptarë në Preshevë - në lindje të Serbisë”.

Raporti i rekomandon Qeverisë në Prishtinë që gjatë bisedimeve të pranojë një marrëveshje, e cila, ndër të tjera, do të përmbante elementet si: njohja e Kosovës me kufijtë aktuale, një autonomi të gjerë për rajonin në veri të lumit Ibër në përputhje me integritetin territorial të Kosovës, një status autonom vetëqeverisës për monumentet Ortodokse Serbe.