Ja Si Mbrohet Kufiri Kosove - Serbi nga SHPKJA dhe EULEX !!!

[ARIANI_TB]

[ARIANI_TB]

Ja Shikoni SHPK-ne, lehete e kishin me Levizjen Vetevendosje dhe Albin Kurtin, pse tani nuk i mbrojne kufite tane.

[guri79]

Flm per videon shume domëthënse, ky eshte realiteti i veriut te Kosoves .

[gimche]

http://www.forumishqiptar.com/showthread.php?t=127278

[gimche]

Për mendimin tim, kjo video duhet të shpërndahet gjithandej, jo vetëm në forumin shqiptar, por edhe në atë virtual, bashkimi-kombëtar, forumin Katolik, forumin Musliman, albveraa, argetohu.com etj. dhe në të gjitha portalet e mediumeve tone elektronike, si dhe kjo video gjithashtu duhet t'i shperndahet edhe bashkësisë ndërkombëtare e pranishme në Kosovë, ambasades Amerikane dhe të bëhët sa ma publike në të kundërtën keto gjëra do të qendrojnë, pyetja ime e rradhes është ku është për momentin ardit mustafa (antar i forumit) i cili nuk pajtohet me konstatimet e mia se EULEX Made in Serbia

[ARIANI_TB]

http://www.youtube.com/watch?v=WZGjI8YxdhE

Shkëmbimi i territorit për ulëse?
Në negociata të reja me Serbinë nuk mund të thuhet se kanë shkuar të mashtruarit. Eventualisht, d.m.th., në rastin më të mirë, do të mund të thuhet që kanë shkuar ata që deshën të mashtrohen


Nga Albin Kurti më 06.08.2010 në ora 12:35
Përpjekjet kundër pavarësisë së Kosovës Serbia i ka zhvilluar në dy fronte. Së pari, në rrafshin diplomatik, juridik e ndërkombëtar, duke e problematizuar statusin e Kosovës si një çështje ende të pazgjidhur e për të cilën nevojiten negociata shtesë. Dhe, së dyti, në rrafshin e sigurisë dhe atë territorial, duke problematizuar çështjet e brendshme të Kosovës përmes strukturave të saj në Kosovë. Duket që pas mendimit këshillues të GjND-së do të qetësohet ca fronti i parë e do të intensifikohet ky i dyti. Nga fronti i parë do të mbetet forma e kërkesës (pra, negociata të reja), kurse fronti i dytë do të jetë përmbajtja e obstruksioneve të Serbisë. Nga problematizimi i statusit të Kosovës po kalohet te problematizimi i statusit të serbëve, përkatësisht i vendbanimeve ku ata janë shumicë. Nëse deri më tani Serbisë i duheshin kundërvënë Ministria e Punëve të Jashtme dhe

Ministria e Punëve të Brendshme të Kosovës, tash e tutje më shumë punë do të ketë për të dytën sesa për të parën.

Serbia është e diktuara që dikton. Serbia e diktuar nga mendimi i GjND-së, po i dikton këto negociata të reja. Qeveria e Kosovës me pasivitetin e saj, me relaksimin e saj pas mendimit të GjND-së, po e mundëson këtë gjë. Shahistët e mirë e dinë që lojën e shahut mund ta humbësh edhe atëherë kur s’duket që ke gabuar dikund. Thjesht, vetëm pse ke bërë lojë pasive e humbet lojën. Ndoshta ka diçka prej fitoreje në vetë sulmin. Mendimi i GjND-së ishte shans që Kosova të sulmojë. Por, Qeveria e Kosovës nuk besonte që ky mendim i GjND-së do të ishte kaq i mirë. Ajo u gëzua shumë mandej dhe, natyrisht, u relaksua së tepërmi. E gëzuar ashtu siç gëzohet spektatori mosbesues, në vend se ta përdorte mendimin e GjND-së kundër negociatave me Serbinë, Qeveria e Kosovës po e bën të kundërtën: po ndjehet komode karshi qytetarëve e vetvetes dhe borxhli ndaj ndërkombëtarëve. Ajo me lehtësi po rrëshqet drejt pranimit të negociatave të reja me Serbinë. Dukuria e JO-ve të buta dhe gjithnjë e më të buta para PO-së përfundimtare po rishfaqet.

Edhe rritja e numrit të njohjeve, si temë e preferuar e Qeverisë, po ngec përkundër përparësisë së krijuar. Shumë shtete të reja do të duhej ta njihnin pavarësinë e Kosovës tash pas mendimit këshillues të GjND-së. Por, paralajmërimet për negociatat e reja ndërmjet Kosovës dhe Serbisë sigurisht që po ndikojnë negativisht. Nga vetë sjellja e Qeverisë së Kosovës ato shtete po inkurajohen për hezitim të ri. Kur Qeveria e Kosovës nuk e shfrytëzon mendimin e GjND-së dhe nuk i refuzon parimisht e kategorikisht negociatat e reja me Serbinë, nuk është e çuditshme pse po e vazhdojnë ngurrimin e tyre shtetet që deri më tani nuk e njohën pavarësinë e Kosovës. Ndonëse, duhet pranuar që këtu kanë rol edhe ShBA-të. Duke qenë përkrahëset më të mëdha të shpalljes së pavarësisë së Kosovës, pikërisht nëse mendimi i GjND-së do të ishte negativ për Kosovën, ShBA-të do të ndjeheshin të detyruara që ta detyrojnë ndonjë shtet të ri të na njohë. Kujtoni p.sh., njohjet e Malit të Zi e Maqedonisë që ndodhën në të njëjtën ditë dhe menjëherë pasi që Asambleja e Përgjithshme e OKB-së e aprovoi kërkesën e Serbisë që çështjen e shpalljes së pavarësisë së Kosovës ta trajtojë GjND-ja. ShBA-të e bënë atëbotë këtë për ta balancuar OKB-në që kishte shprehur mirëkuptim për kërkesën e Serbisë. Të gjithë e dimë se pa ndikimin e ShBA-ve Maqedonia e Mali i Zi nuk do ta njihnin pavarësinë e Kosovës. Tash, pasi që mendimi i GjND-së ishte negativ për Serbinë, ShBA-të janë po ashtu disi të relaksuara dhe nuk e cytin ndonjë shtet të ri që të na njohë. Fundja, shumica dërrmuese e njohjeve të pavarësisë së Kosovës dihet që nuk erdhën nga lobimi i Ministrisë së Punëve të Jashtme të Kosovës, por nga influenca e ShBA-ve dhe disa shteteve të tjera të fuqishme në ato shtete që na njohën.

Kosovën nuk po e thërrasin në negociata të reja për t’i dhënë, por për t’i marrë asaj. E, megjithatë, ajo nuk shkon dot atje pa ndonjë premtim a shpresë që do të mund të marrë diçka. Është e qartë që nuk arritën t’i shesin negociatat e reja me Serbinë si negociata për çështje teknike dhe as zëvendësimi i kujdesshëm i fjalës ‘negociata’ me fjalën ‘bisedime’ nuk i bëri kujt përshtypje. Gjithashtu edhe teza e shkëmbimit territorial pak e ngapak u demaskua si e njëanshme: territori në veri të Ibrit kundrejt maksimalisht vetëm Preshevës dhe atë pa fshatrat në anën tjetër të magjistrales A-10. Atëherë, cili do të jetë ambalazhi i ri për negociatat e reja? Me çfarë do të përpiqen t’ua shesin qytetarëve negociatat e reja? Duket që ulësja e Kosovës në OKB do të jetë karota e radhës për Kosovën. Prandaj edhe ajo kërkesa idiotike e Qeverisë së Kosovës për zëvendësimin e Rezolutës 1244 menjëherë pasi që kjo rezolutë kishte përjetuar një interpretim ndërkombëtar liberal në favor të Kosovës. Qeveritarët me gjasë do të shkojnë në negociata që të japin autonomi territoriale për serbët në këmbim të anëtarësimit të Kosovës në OKB; pra, të japin territor për të marrë ulëse. Zaten, qeveritarët do ta bëjnë atë që na e kanë dëshmuar që dinë ta bëjnë më së miri. Do të japin territor e resurse (të Kosovës) për ulëse (të Kosovës në OKB, ku do ta ulin ndonjërin prej klanit të tyre).

Kësisoj, çmimi i ngjitjes lart do të jetë zvogëlimi i dheut nën këmbë.
Në negociata të reja me Serbinë nuk mund të thuhet se kanë shkuar të mashtruarit. Eventualisht, d.m.th., në rastin më të mirë, do të mund të thuhet që kanë shkuar ata që deshën të mashtrohen.

[laburist]

Ja Shikoni SHPK-ne, lehete e kishin me Levizjen Vetevendosje dhe Albin Kurtin, pse tani nuk i mbrojne kufite tane.

Ke shum te drejt,
Ne lidhje me kete po tregoj nje histori personale qe me ndodhi ne kufirin Maqedoni Kosov. Udhtoja ne mengjes dhe ashtu ngutshem arita ne kufi, dmth ne pjesen e Maqedonis,e dorzova pasaporten dhe po prisja te me jepet dhe te vazhdoja rugen.Mirpo ne moment policja mu drejtua:zeteri te ka kaluar afati i pasaportes dhe duhet te kthehesh prap,ok i thash ma jep dhe u drejtova te udheheqesi i ndrimit te sherbimeve kufitare... ishte Maqedonas i tregova se as qe e kam vrrejt se soot i kalon afati dhe e kam patjeter se kam provim ne Univerzitetin e prishtines qe eshte mjaft i rendesishem per mua,U PAJTUA dhe me lejoi te kaloj kufirin.tani mendjen e kisha te pjesa tjeter ajo kosovare,si zakonisht polici mori nje nga nje pasaportat e udhetarve qe ishim ne autobus,kur erdh radha ime e mori e shikoj 1 minut dhe mu drejtuaaburist ku shkon? ju pergjigja: ne Pirshtin kam nje provim ne Univerzitetin e Prishtines ne ora 9, e ai vazhdoi te me shikonte cuditshem dhe ne e dija pse dhe i thash i nderuar une keshtu sic e sheh pasaporten kalova pjesen andej dhe besoj se sdo me besh problem edhe ty.ehh tha shohim dhe dul jasht me gjith pasaport e nuk shkoi as 2 minuta u kthi te dera e autobusit dhe ma beri me gisht me zbrit dhe kur dola me tha vazhdo prap nga ke ardhe !!
Uh u shtanga e luta dhe pak por sme lejoi e u detyrova te kthehem dhe ne fund i thash: leht e ke ketu me mua si Shqiptar, po ti qenke i mire ne Mitrovic te mbrosh kufirin ...por atje sta mban b.

[drifilon]

SHPKJA

O Patriota

Kosova esht shtet i pavarur UNMIK.u Nuke e administrone ma kosoven PK

[apollo12]

te Nderuar. Policia e Kosoves PK shkurt, eshte struktur e shtetit te Kosoves e cila eshte e trajnuar dhe e afte te mbroj rendin,qetesin publike si dhe jeten dhe pronen e qytetarve te Republikes se Kosoves. Ne kuader te PK jane te gjitha njesitet e duhura duke perfshir edhe njesit kufitare. Kjo video qe eshte paraqitur ketu ne forum, nuk dmth asgje. Aty shihen disa tinejgjer Serb te cilet e kalojn kufirin pa problem. Te jeni te sigurt te nderuar qe Policia e Kosoves ne rast nevoje kufijt e shtetit do i mbroj heroikisht. Fundja Kfori eshte ketu dhe fleni dath, kufiri eshte i sigurt.

[Llapi]

arian
tema shum interesante po na hap more qy
interesant te gjitha ne lidhje me serbin
dhe qe i shkon pershtati serbis
vetem vazhdoje keshtu se ju shkon pershtati juve patriotave te vetvendosjes