BE pranon kerkesen e Shqiperise, do te hapen negociatat per anetaresim

[Duaje Siveten]

Lohan i dorëzon pyetsorin:

Opozita të kthehet në Kuvend


Tiranë - Ambasadori i Komisionit Evropian në Tiranë, Helmut Lohan i ka dorëzuar rreth 11:00 kryeministrit Sali Berisha, pyetsorin e BE-së për Shqipërinë me rreth 2880 pyetje.

Gjatë konferencës për shtyp, Lohan theksoi edhe një herë se është e rëndësishme që për integrimin, duhet të ketë dialog midis klasës politike shqiptare.

“Ecuria e mëtejshme kërkon reforma të vështira. Këto reforma duhet të bazohen në konsensusin më të gjerë të mundshëm. Për këtë arsye, ne e themi edhe një herë që vendi për debatin politik është në Parlament. Për ta thënë në fjalët e këshillit të Bashkimit Evropian: BE i bën thirrje politikës në Shqipëri që të ndjekë një dialog konstruktiv brenda parlamentit”, u shpreh Lohan. Për sa i përket pyetsorit, Lohan theksoi se KE-ja do të shikojë në hollësi përgjigjet e dhëna nga pala shqiptare.

Për sa i përket pyetsorit, Lohan theksoi se KE-ja do të shikojë në hollësi përgjigjet e dhëna nga pala shqiptare. “Pyetsori është një moment i rëndësishëm në marrëdhëniet Shqipëri-BE. Ky është një tregues që Komisioni Evropian do të përpiqet të kuptojë në mënyrë të gjithësishme për sa i përket përgatisjes së Shqipërisë”, vijoi ai.

Lohan shtoi se “Komisioni Evropian do t’i analizojë përgjigjet që janë dhënë. Po ashtu KE do të përpiqet të bëjë një vlerësim për ecuritë e prekshme në këto fusha dhe sigurisht bëhet fjalë për ato aspekte që kanë të bëjnë me shtetin e së drejtës, luftën kundër korrupsionit dhe krimit të organizuar”.

Ndërsa kryeministri Sali Berisha tha se ky është një moment i rëndësishëm për Shqipërinë, duke ftuar drejtuesin e opozitës, Edi Rama që ta përshëndes këtë moment. Duke folur për pyetsorin, kryeministri u shpreh se qeveria shqiptare do t’i përgjigjet me përgjegjësi, duke shtuar se përgjigjet do të jepen brenda këtij viti.


2009-12-16 11:37
Start,16.12.2009

ashtu siç nuk mund ti thote pozites drejtperdrejt qe te siguroje kushtet per opoziten te futet ne parlament, ne te njejten menyre Lohan nuk mundet ti thote opozites te futet ne parlament pa u marre parasysh pretendimet apo kushtet e saja ... eshte diplomat ai, nuk ia ka enda te behet pale ne sherret e bemat e politikaneve Shqiptare ... ne kete situate, Lohan ia "rrit" vlerat vetes, duke ua bere te ditur shefave te vet ne Bruksel se me çfare brumi politikanesh, shteti e pushteti ka te beje ... sigurisht qe do te marre nje post te rendeshem pas mbarimit te turit te tij diplomatik ne Tirane ...

procesi i pranimit te Shqiperise ne BE nuk eshte seanca pyetje-pergjigje, as edhe pyetje spontane, ndaj angazhimi i salis per ti dhene pergjigje pyetësorit te përbërë nga 2280 pyetje në 384 faqe brenda ketij viti (!) eshte jo vetem aspak realist, por tregon mos-seriozitetin dhe mos-angazhimin e qeverise sime (desha te them te tij) ...

[davidd]

Lohan i jep Berishës pyetësorin e BE-së: Tejkaloni ngërçin politik

Ambasadori i KE-së në Tiranë, Helmut Lohan i ka dorëzuar kryeministrit, Sali Berisha pyetësorin e BE-së dhe ka vlerësuar si shumë të rëndësishëm për integrimin në familjen evropiane dialogun politik me partive në Shqipëri.
"KE uron me forcë që ngërçi në Shqipëri të tejkalohet para ose në fillim të vitit që vjen, në mënyrë që Shqipëria të vazhdojë përpara ashtu si e meriton"- i është drejtuar Lohan Berishës, duke i ftuar partitë të gjejnë konsensusin dhe të zhvillojnë debatin brenda parlamentit.
Sipas Lohan, pyetësori është një hap historik dhe moment i rëndësishëm në marrëdhëniet Shqipëri-BE. Ai përmban 2280 pyetje të shënuara në 384 faqe, që sipas ambasadorit Lohan është tregues i seriozitetit me të cilin KE po përpiqet të përftojë informacionin për përgatitjen e Shqipërisë për anëtarësimin në BE.
Lohan ka theksuar se tregues shumë të rëndësishëm në këtë fazë të re janë; funksionimi i demokracisë dhe institucioneve demokratike, ligji dhe pushteti i së drejtës, respekti për të drejtat e minoriteteve dhe pakicave.
Ai ka garantuar se KE-ja do t'i analizojë përgjigjet me kujdesin më të madh, po ashtu do vlerësoj ecurinë e prekshme që do të jetë bërë në këto fusha, kryesisht në luftën kundër korrupsionit, krimit të organizuar shtetit të së drejtës.
"Ecuria drejt BE kërkon reforma të mëtejshme, të vështira. Në integrimin në BE këto reforma duhet të bazohen në konsensusin më të gjerë të mundshëm. Për këtë arsye e themi edhe njëherë që vendi për debatin politik është brenda në parlament. Bashkimi Europian i bën thirrje partive politike në Shqipëri të ndjekin dialog politik konstruktiv, brenda parlamentit"- tha ai.
Nërkohë Berisha e vleresoi kete si nje ngjarje historike, si kartolinen e urimit qe u ka ardhur shqiptareve per festa dhe premtoi ne emer te qeverise se do te punohet me perkushtim dhe seriozitet ne plotesimin e tij.
Gjate fjales pershendetese, Berisha ftoi kreun e Partise Socialiste, Edi Rama qe te pershendesin bashkarisht ne nje konference shtypi kete moment historik, si nje deshmi e vullnetit te perbashket te forcave politike per te kontribuar ne procesin e integrimit te vendit ne Bashkimin Evropian.
Më 16 nëntor Këshilli i Ministrave të BE miratoi kërkesën e Shqipërisë, e cila ishte dorëzuar që në fund të muajit prill. Autoritetet shqiptare kanë deklaruar prej kohësh se ata kanë kryer të gjitha përgatitjet për të nisur menjëherë nga puna me pyetësorin.
Kjo fazë e procesit zgjat përgjithësisht deri në 18 muaj, por qeveria shqiptare ka deklaruar se shpreson ta përmbyllë dhe të marrë statusin e vendit kandidat brenda vitit të ardhshëm.
Kriza politike, BE tjetër apel Shqipërisë: Gjeni dialogun
BRUKSEL- Duke e cilësuar situatën e krijuar nga mungesa e dialogut si të pakënaqshme, Bashkimi Europain i është drejtuar me një tjetër kërkesë Shqipërisë.
Apeli këtë radhë vjen nga ministri i jashtëm i Suedisë që ka presidencën e radhës të BE-së, Karl Bildt i cili i bën thirrje udhëheqësve politikë të Shqipërisë që të ulen dhe të bien dakord ta çojnë vendin përpara.
"Për sa i përket gjendjes së dialogut politik në Shqipëri, për momentin është e pakënaqshme. Unë do t'i bëj apel udhëheqësve shqiptarë që të njohin se për të çuar vendin e tyre përpara, ata duhet te ulen dhe të bien dakord që të mos bien dakord në disa raste, por edhe të bien dakord ta çojnë vendin përpara. Ky është mesazhi që mund të gjeni në këto përfundime. Ky është mesazhi që i vjen Brukselit se ata duan te jenë pjesë e Evropës. Në Evropë ne kemi dialogun midis udhëheqësve politikë edhe kur disa herë nuk jemi dakord për disa çështje. Ne shpresojmë se Shqipëria do t'i bashkohet kësaj tradite sa më shpejt që të jetë e mundur"- tha ai.
Deklarata është bërë pas një konference në Bruksel, ku Bild u pyet se çfarë mendon BE për situatën në Shqipëri.
*******


Situata politike, Bosch: Dialog mes palëve dhe gjuhë më e butë
TIRANË- Kreu i prezencës së OSBE-së në vendin tonë, Robert Bosch i ka bërë apel politikës për vendosjen e një dialogu të qëndrueshëm.
Në përgjigje të interesimit të medias për situatën politike të krijuar në vend, kur opozita nuk mori përgjigje për kërkesën e saj për hapjen e kutive edhe pas skadimit të afatit të përcaktuar për reflektim dhe mazhoranca në këmbim ka ashpërsuar gjuhën e akuzave, Bosch ka pranuar se dialogu mes palëve duhet të nisë në Kuvend.
Sipas tij, ka ardhur koha e një dialogu të qëndrueshëm mes palëve që duhet të zhvillohet në sallën e kuvendit dhe përpos kësaj, palët duhet të përdorin një gjuhë më të butë.
Në seminarin e zhvilluar sot ka qenë e pranishme kryetarja e Kuvendit, Jozefina Topalli, e cila ka çmuar rolin e teknologjisë në transparencën parlamentare.
"Shqipëria dixhitale është një prioritet i qartë, ndaj dhe fondet për këtë janë 5-fishuar. Këto teknologji kanë filluar të zënë vend fort në jetën politike, pasi kështu u sigurohet qytetarëve në informacion dhe transparenca përbën një nga shtyllat e demokracisë"- tha Topalli.

marr nga shekulli//16/12/2009

[Albo]

Shefi i delegacionit të BE-së në Shqipëri, z. Helmuth Lohan i dorëzoi Kryeministrit Berisha pyetësorin e KE-së

- Kryeministri Berisha u shpreh se qeveria dhe autoritetet shqiptare do të punojnë me përkushtim të madh, me një gjithpërfshirje të spektrit politik, të shoqërisë civile dhe të grupeve të interesit, në mënyrë që përgjigjet që do të dërgohen në Komisionin Evropian të jenë më të vërtetat e të vërtetave

- Kryeministri Berisha u shpreh se qeveria mbetet shumë e hapur për të dëgjuar zërin e opozitës, ekspertëve të saj në të gjithë problematikën e madhe që trajton pyetësori

Shefi i delegacionit të Bashkimit Evropian në Shqipëri, ambasadori Helmuth Lohan i dorëzoi sot Kryeministrit Berisha pyetësorin, i cili nevojitet për të vlerësuar përgatitjen e vendit për të përmbushur detyrimet e anëtarësimit në Bashkimin Evropian.

Pas takimit, Kryeministri Berisha dhe ambasadori Lohan dhanë deklaratë për mediat. Në deklaratën e tij, Kryeministri Berisha e cilësoi marrjen e pyetësorit si një moment historik për vendin dhe shprehu angazhimin se rreth 800 punonjës të administratës shqiptare do të angazhohen me një intensitet të madh në studimin dhe plotësimin e tij, si dhe Komiteti Ndërministror i Integrimit do të shqyrtojë çdo javë ecurinë e këtij procesi.

Kryeministri Berisha shfrytëzoi këtë rast për të ftuar kryetarin e Partisë Socialiste që së bashku t’a përshëndesin në një konferencë shtypi këtë moment historik për të gjithë shqiptarët, si një dëshmi e vullnetit të përbashkët të forcave politike për të kontribuar në procesin e integrimit të vendit në Bashkimin Evropian.

Po sot, në prani të mediave, Kryeministri Berisha i dorëzoi pyetësorin ministres së Integrimit znj. Majlinda Bregu. “Para jush dëshiroj t’i dorëzoj pyetësorin ministres së Integrimit znj. Majlinda Bregu me besimin e madh se me përkushtim do të përmbushim detyrimet tona madhore para qytetarëve shqiptarë, para partnerëve evropian dhe para Komisionit Evropian dhe me garancinë e plotë se Kryeministri do t’i japë të gjithë mbështetjen këtij procesi, i cili është më i rëndësishmi, është 1-shi i të gjitha proceseve dhe të gjitha reformave që ne kemi”, u shpreh Kryeministri Berisha.

Më poshtë vijon e plotë deklarata e Kryeministrit Berisha dhe deklarata e Ambasdorit Lohan:

Kryeministri Berisha: Sot është një moment historik në marrëdhëniet zyrtare ndërmjet Shqipërisë dhe Bashkimit Evropian. Një muaj pas vendimit të Këshillit të Ministrave të Bashkimit Evropian për të pranuar kërkesën e Shqipërisë për statusin e vendit kandidat, ambasadori i Bashkimit Evropian z. Helmuth Lohan më dorëzoi, në emër të Komisionit, pyetësorin me mbi 2260 pyetje në 384 faqe, i cili duhet të plotësohet nga autoritetet shqiptare dhe t’i dorëzohet Komisionit pas plotësimit të tij.

Në këtë rast, së pari, unë dua të shpreh mirënjohje ndaj Komisionit, i cili brenda një kohë të shkurtër, një mujore, i’a doli të formulojë pyetësorin voluminoz për Shqipërinë. Dua t’a garantoj se qeveria ime dhe autoritetet shqiptare do të punojnë me përkushtim të madh, me një gjithpërfshirje të spektrit politik, të shoqërisë civile dhe të grupeve të interesit, në mënyrë që përgjigjet që do të dërgohen në Komisionin Evropian të jenë më të vërtetat e të vërtetave.

Gjithashtu, unë shfrytëzoj këtë rast për të ftuar kryetarin e Partisë Socialiste që së bashku t’a përshëndesim në një konferencë shtypi këtë moment historik për të gjithë shqiptarët, si një dëshmi e vullnetit të përbashkët të forcave politike për të kontribuar në procesin e integrimit të vendit në Bashkimin Evropian. E siguroj se qeveria mbetet shumë e hapur për të dëgjuar zërin e opozitës, ekspertëve të saj në të gjithë problematikën e madhe që trajton pyetësori.

Siguroj ambasadorin Lohan dhe Komisionin Evropian se rreth 800 punonjës të administratës shqiptare do të angazhohen me një intensitet të madh në studimin dhe plotësimin e tij dhe se Komiteti Ndërministror i Integrimit do të shqyrtojë çdo javë ecurinë e këtij procesi.

Zonja dhe zotërinj,

Duke e mbyllur këtë fjalë dëshiroj t’i shpreh ambasadorit Lohan, stafit të delegacionit të Komisionit Evropian në Tiranë, Komisionit Evropian në Bruksel, urimet më të mira për Krishtlindjet dhe Vitin e Ri dhe dëshiroj t’u shpreh mirënjohjen më të thellë për kartolinën historike që u sollën shqiptarëve për festat e mëdha të fundvitit.

Faleminderit!”

Deklarata e ambasadorit Helmuth Lohan: Faleminderit shumë, Zoti Kryeministër! Faleminderit për urimet për festat e fundvitit. Gjithashtu, edhe unë dëshiroj t’ju përcjell ju urimet tona për festat e fundvitit. Dëshiroj të përcjell urimet tona edhe për punën që është bërë në Shqipëri nga Këshilli i Ministrave, për familjet tuaja, si dhe urimet më të mira për atë punë apo progres shume të madh që ne shpresojmë se do të kemi në të ardhmen për procesin e integrimit të Shqipërisë në BE gjatë vitit që vjen.

Kam pasur nderin që t’i dorëzoja sot z. Kryeministër pyetësorin e Komisionit Evropian dhe po ashtu pata mundësinë që personalisht t’i përcillja atij urimet personale të Komisionerit për Zgjerimin z. Oli Rehn. Pyetësori është vërtet një hap i ri historik, një moment i rëndësishëm në marrëdhëniet Shqipëri-Bashkimi Evropian. Pyetësori ka 2280 pyetje të shënuara 384 faqe. Pra, ky është një tregues i seriozitetit me anë të të cilit Komisioni Evropian po përpiqet që të kuptojë në mënyrë gjithëpërfshirëse informacionin për sa i përket përgatitjeve të Shqipërisë dhe hapave që po ndërmerren për anëtarësimin dhe sidomos për kriteret e Kopenhagenit.

Në këtë kontekst, unë do të dëshiroja që të theksoja edhe një herë rëndësinë tepër të madhe të atyre që quhen kriteret politike, funksionimin e demokracisë dhe institucioneve demokratike, sundimin e ligjeve apo shtetit të së drejtës, respektin e të drejtave për minoritetet. Komisioni Evropian do t’i analizojë me kujdesin më të madh përgjigjet që do të jepen. Po ashtu, Komisioni Evropian do të përpiqet që të bëjë një vlerësim të ecurisë së prekshme që do të jetë bërë pikërisht në këto fusha. Sigurisht, bëhet fjalë për ato aspekte që kanë të bëjnë me sundimin e ligjit apo me shtetin e së drejtës, me luftën kundër korrupsionit dhe luftën kundër krimit të organizuar.

Ecuria apo progresi i mëtejshëm drejt Bashkimit Evropian kërkon reforma të mëtejshme, reforma të vështira. Në procesin e integrimit në Bashkimin Evropian këto reforma të vështira duhet të bazohen në konsensusin më të gjerë të mundshëm. Për ketë arsye, ne e themi dhe një herë se vendi për debatin politik është në Parlament. Dhe për t’a thënë atë me fjalët e Këshillit të Çështjeve të Përgjithshme të BE-së, në konkluzionet apo përfundimet që ky këshill ka nxjerrë: Bashkimi Evropian u bën thirrje të gjithë partive politike në Shqipëri që të ndjekin një dialog politik konstruktiv duke u përfshirë në Parlament. Unë e mbajta shënim thirrjen që u bë nga Kryeministri për të hapur këtë dialog.

Zoti Kryeministër,

Unë e nisa fjalën time duke ju uruar dhe duke ju përcjellë urimet më të mira për Vitin e Ri, ndërkohë që dëshiroj të jap disa urime të tjera. Ne, Komisioni Evropian, me të gjithë forcën tonë të mundshme urojmë që ky ngërç në situatën politike në Shqipëri të tejkalohet përpara ose në fillim të vitit që vjen, në mënyrë që Shqipëria të vazhdojë përpara ashtu siç dëshirojnë dhe siç e meritojnë të gjithë qytetarët shqiptarë.

Faleminderit!”


Kryeministria
16/12/2009

[Albo]

Bregu: “Më 31 mars do ti kthejmë përgjigje pyetësorit të BE-së”

Pas marrjes së pyetësorit nga ambasadori Lohan, ministrja e Integrimit, Majlinda Bregu, prezantoi dokumentin nëpunësve të administratës së Ministrisë që ajo drejton. Gjatë fjalës së saj Bregu bëri të ditur se qeveria shqiptare ka marrë të gjitha masat që përgjigjet e pyetësorit t’i kthehen BE-së më 31 mars të vitit të ardhshëm, pra brenda një periudhe rekord prej 4 muajsh. Ministria e Integrimit bëri të ditur se pyetësori prej 384 faqesh përmban gjithsej 2280 pyetje për fusha të ndryshe të zhvillimit të vendit. Bregu e cilësoi këtë një moment historik për vendin dhe shtoi se administrata shtetërore do ta përmbushë këtë detyrë jo vetëm institucionale, por edhe kombëtare. Më tej ajo bëri të ditur se është alokuar buxheti i nevojshëm për trupën e përkthyesve. Ndërkohë që për të plotësuar përgjigjet e pyetësorit do të angazhohen 45 institucione shtetërore, 800 nëpunës civilë, 58 përkthyes, 35 grupe pune të ngritura pranë institucioneve shtetërore. “31 marsi 2010 është data e përfundimit të përgjigjeve. Motoja jonë do të jetë cilësia dhe vërtetësia, por edhe një proces që të ketë ritëm, pa vonesa”, - është shprehur Bregu.

Albania
17 Dhjetor 2009

[davidd]

Ditën kur fqinjët tanë, maqedonas, serbë dhe malazezë lëvizin lirisht pa viza në Europë, Partia Socialiste kërkon nga kryeministri Sali Berisha një ndjesë të madhe për gjithë shqiptarët që mbetën të fundit në këtë proces.
Gjatë një komunikimi me mediat, deputeti Ditmir Bushati deklaroi se vendi ynë mbeti i fundit në procesin e liberalizimit të vizave për shkak të dështimit të përmbushjes së kritereve të përcaktuara nga Bashkimi Europian, kritere këto të njëjta për 5 vendet të rajonit.
"Është koha që Sali Berisha t'i kërkojë ndjesë shqiptarëve për dështimin e qeverisë së tij dhe për izolimin që sot përjetojmë në dallim nga fqinjët tanë. Bashkë me ndjesën për shqiptarët, Berisha nuk duhet të na vonojë më në procesin e liberalizimit të vizave, por të dorëzojë para drejtësisë imunitarët e inkriminuar, sikurse kërkon Progres Raporti i Komisionit Europian dhe raportet e vlerësimit të ekspertëve të Bashkimit Europian mbi përmbushjen e standardeve për heqjen e regjimit të vizave"- tha ai.
Sipas tij, bashkë me ndjesën për shqiptarët që i la të fundit në rajon, Berisha duhet të heqë dorë nga lufta me opozitën dhe të përqendrohet në luftën kundër krimit të organizuar e trafiqeve, të reformojë urgjentisht sistemin e menaxhimit të integruar të kufijve dhe të garantojë funksionimit e policisë së shtetit brenda hullinjve të ligjit.
"Bashkë me ndjesën për shqiptarët, Sali Berisha duhet të pranojë kërkesën legjitime të opozitës për hapjen e kutive të 28 qershorit, si e vetmja rrugë për fillimin e një dialogu politik dhe mos ta vonojë më këtë vend drejt integrimit Europian dhe lëvizjen pa viza në hapësirën Shengen"- përfundoi ai.



Qytetarët e Maqedonisë, Malit te Zi dhe Serbisë, pa viza në BE
UPDATE - Sot qytetarët e Maqedonisë, Malit te Zi dhe Serbise, mund të levizin lirisht nëpër Europe. Ne prag te festave te medha te fundit, vjen edhe dhurata e shumëpritur per vendet e rajonit. Pa dhurate, Bashkimi Europian la Shqiperinë, Bosnjën dhe Kosovën në rajonin e Ballkanit Perendimor.
I nënshkruar pak javë më parë në Bruksel, vendimi sot bëhet zyrtar duke u lejuar qytetarëve të këtyre tre vendeve të Ballkanit Perëndimor lëvizje të lirë në zonën e Shengenit, që përfshin 25 vende anëtare të Bashkimit Evropian dhe 3 vende jashtë tij si Islanda, Norvegjia dhe Zvicra.
Ndërkaq, ata nuk do të kenë të drejtë të shkojnë në dy vendet e Bashkimit që nuk përfshihen në Shengen, Britani dhe Irlandë.
Ky akt do të festohet me aktivitete dhe koncerte në tre vendet e Ballkanit Perëndimor, madje qeveritë në Beograd, Podgoricë dhe Shkup kanë organizuar fluturime falas për nxënës dhe studentë të talentuar, të cilët nuk kanë qenë asnjëherë në ndonjë nga vendet e BE-së.

***
Korrespondentët thonë se në Sheshin e Shkupit mijëra qytetarë kanë festuar këtë "ditë të bardhë - pa viza për Maqedoninë", megjithëse ka pasur mospajtim të këngëtarëve shqiptarë pse nuk janë lejuar që në manifetsimin e mbajtur me këtë të këndojnë në gjuhën e tyre.
Për të shënuar solemnisht ditën e parë të hyrjes në fuqi të liberalizimit të regjimit të vizave, në Paris do të qëndrojnë 100 qytetarë nga Maqedonia, kurse në Bruksel kanë mbërritur dhjetëra qytetarë serbë.
Shekulli//21/12/2009

[davidd]

UPDATE / ARTIKULLI I PLOTE: Shqipëria mund të futet në BE jo më përpara se në 2025 me Bosnjen dhe Kosovën. Serbia, që në fillim të 2014-s - thotë Die Welt
Nga Christoph B. Schiltz / Die Welt 23 dhjetor

Evropa gjendet para një raundi të ri të zgjerimit. Pas hyrjes së 12 shteteve në vitet 2004 dhe 2007, në vitet e ardhshme do të hyjnë vendet e Ballkanit Perëndimor me 25 milion banorë. BE ua pat premtuar aderimin vendeve të Ballkanit në Selanik që në vitin 2003. Tani ballkanasit ngulin këmbë në mbajtjen e premtimit. Serbia parashtroi këtë dhjetor kërkesën zyrtare për pranim në BE.
Boris Tadiç ia dorëzoi kërkesën në Stokholm kryetarit të radhës Frederik Reinfeldt. Tadiçi foli për një "pikë kthimi" dhe për një periudhë ku në Serbi, sipas tij, "do të pasojnë reforma të thella dhe nganjëherë të dhimbshme". Kërkesa për aderim bëhet 9 vite pas rrëzimit të Sllobodan Millosheviçit.
Qarqet e larta të BE -së presin që Serbia t´i bashkëngjitet Unionit në fillim të vitit 2014. Një proces i gjatë aderimi me plot barriera (si në rastin e Turqisë), përjashtohet në rastin e Serbisë. Pse? Sepse, ky vend, i cili gjendet në "portat e BE-së" - sipas mendimit të evropianëve, është "shumë i rëndësishëm për stabilitetin e Ballkanit".
Por disa vende evropiane, si për shembull Holanda apo Belgjika kanë shumë dyshime. Raportuesi i Parlamentit Evropian për Serbinë, Jelko Kacin, tërhoqi vërejtjen se aderimi nuk duhet të ndodh kaq herët. Ata që ngurrojnë, përmendin para së gjithash, se serbët, akoma nuk kanë arrestuar dy të kërkuarit si kriminelë të luftës; shefin e armatës serbe të Bosnjës Ratko Mladiç dhe udhëheqësin e dikurshëm të serbeve të Kroacisë, Goran Haxhiç.
Dhe veç kësaj, e ashtuquajtura Marrëveshje për Stabilitet dhe Asocim, që është e domosdoshme për bisedimet e aderimit, akoma nuk është ratifikuar plotësisht.
Por me gjithë ngurrimet e mësipërme, shumë qeveri të BE-së, (përfshirë kreun e radhës Suedinë dhe mbi të gjitha Spanja, e cila do ta udhëheq BE në gjashtë muajt e ardhshëm), insistojnë që për Serbinë, procesi të përshpejtohet. Edhe Italia ka të njëjtin qëndrim. Ishin këto vende që inkurajuan qeverinë e Beogradit ta bëjë tani kërkesën për aderim. MPJ i Spanjës Miguel Angel Moratinos u shpreh hapur se "do të bëjë çdo gjë që është e mundur që Serbia ta fitojë statusin e kandidatit". Gjithsesi një vend bëhet kandidat vetëm atëherë, kur vendosin 27 shtete të BE-së plus një pyetësor shumë i gjatë. Kjo mund të zgjasë shumë. Mali i Zi, për shembull e ka bërë kërkesën në vitin 2008 dhe nuk është akoma kandidat.
Edhe Shqipëria duhet të presë ende. Qeveria e Tiranës në prill të këtij viti ka bërë kërkesë aderimi. Para disa javëve Komisioni i BE-së i ka dorëzuar këtij vendi 2280 pyetje, për të cilat duhet të përgjigjen. Fjala është për pyetjet në ekonomi dhe sistemin gjyqësor.
Kandidat aktual veç Turqisë, janë Maqedonia dhe Kroacia. Kroacia edhe pse ka problem tani me Slloveninë për shkak të kufirit në Adriatik, pritet të anëtarësohet në janar të vitit 2011. Në 17 prej 35 fushave politike, bisedimet e aderimit kanë përfunduar, ndërsa 11 të tjerat janë në bisedim e sipër. Hyrja e Kroacisë do ta rriste shumë presionin e vendeve të Ballkanit Perëndimor mbi BE-në për t´u pranuar më shpejt. Dhe kjo mund t´i jap vërtet impulse procesit të hyrjes të Serbisë, Malit të Zi dhe Maqedonisë. BE gjendet para debateve të nxehta.
Vendet tepër të varfra dhe të dominuar nga korrupsioni si Shqipëria, Bosnja Hercegovina dhe Kosova në rastin më të shpejt do të jenë të gatshme për hyrje në BE në vitin 2025.
Nga ana tjetër, në Ballkanin Perëndimor mund të krijohet një shoqëri dy klasore, gjë të cilën e theksojnë shumë anëtarë të BE-së. Kjo mund të behet e rrezikshme dhe të çojë në destabilizimi të ri të zonës. Këtë nuk e dëshiron askush në Bruksel.

*Botuar në 23 dhjetor në gazetën e njohur gjermane "Die Welt". Titulli në origjinal: "Serbia premton reforma të dhimbshme. Tadiç bëri kërkesën e vendit të tij në BE, krimineli serb i luftës Mladic, akoma në liri".
Përktheu nga gjermanishtja:
Naser Aliu

[juanito02]

Pavaresisht se poltika shqiptare ka luajtur dhe luan barbarisht me te drejten natyrore te shqiptareve per integrim ne Europe dhe liberalizimin e vizave, ne gjendjen qe ndodhet shteti yne.
Ku prona ska shkuar te i zoti.
Ku drejtesia i sherben shtetit e jo qytetarit
Ku zbatohen 6% e ligjeve dhe jeta sociale seshte vecse xhungel
Ku ekonomia eshte e tera klienteliste dhe mafioze.
Ku nuk ka zgjedhje demokratike

Do ta quaja te logjikshem artikullin me lart.
Jemi shume larg parametrave dhe vecse me mik mund te na fusin ne Europe

[prenceedi]

[B]Shqipëria në BE jo më përpara se në 2025 ?/B]

Nuk eshte budalla Sala qe deklaron se do drejtoje Shqiperine deri ne 2024

[gerrard73]

Artikulli na ofron gjendjen reale te te gjitha shteteve, por kjo nuk do te thote se Shqiperia do te hyje ne 2025. Normalisht qe Shqiperia nuk do te jete gati para vitit 2025 ndoshta edhe me vone, por te jeshe gati dhe te hyshe jane dy gjera qe jo gjithmone varen nga njera - tjetra. As Rumania dhe Bullgaria nuk ishin gati per t'u antarsuar, dhe po te pritej deri sa te ishin gati, as ne vitin 2015 nuk do te ishin antarsuar. Nga ana tjeter na jep te kuptojme se si e mendojne europianet per vendet e Ballkanit. Qe problemet jane me komplekse. Se besimi i shqiptareve eshte shqetesimi i fundit per europianet.

[illyrian rex]

E vetmja menyre per tu antaresuar me shpejt ne BE eshte nese Shqiperia fillon qysh tani te sillet indiferente ndaj antaresimit ne kete organizem dhe nese ne sondazhe del se 75% e shqiptarve jane kunder antaresimit ne BE. Vetem ateher ky mekanizem do te filloj te bej leshime. Duhet te mesojme nga vendet tjera se qfar qendrimi duhet te mbajme karshi ketyre mekanizmave, e jo ti konsiderojme si Zotra.