Postuar më parë nga
Ujku'80
Teksti i Historisë: Në vitin 1997, opozita organizoi "rebelim komunist"
Historia e Shqipërisë 12, shkruar nga Beqir Meta, Muharrem Dezhgiu e Xhevair Lleshi
Kreu XII i tekstit të Historisë së Popullit Shqiptar 12 analizon periudhën paskomuniste. Aty thuhet se zgjedhjet e 31 marsit 1991 u fituan nga PPSH për arsye se partitë e reja opozitare nuk ishin organizuar e konsoliduar sa duhet dhe ekzistonte ende frika nga politika dhe nga Sigurimi i Shtetit. Sakaq, fitoren e demokratëve më 22 mars të vitit 1992, ky tekst e cilëson si historike. Pasi për herë të parë erdhi në pushtet një forcë antikomuniste. "Në vitet 1992-1996 u kryen transformime rrënjësore në vend", thuhet në tekst. Dështimi i referendumit për Kushtetutën në vitin 1994, thuhet se erdhi nga fakti se Kushtetuta dhe procedurat e ndjekura prej saj u kundërshtuan si nga opozita e majtë ashtu edhe nga ajo e djathtë. "Në zgjedhjet e majit 1996 Partia Demokratike arriti të fitonte shumicën parlamentare. Këto zgjedhje u kontestuan nga Partia Socialiste, e cila urdhëroi bojkotimin e tyre duke tërhequr komisionerët ditën e votimit. Në këtë mënyrë procesi zgjedhor u dëmtua seriozisht, duke pasur shkelje nga të dyja palët, pozita dhe opozita", vijon teksti i ri i Historisë së Shqipërisë. Zgjedhjet, thuhet në tekst, u kontestuan në mënyrë të pjesshme edhe nga partnerët kryesorë ndërkombëtarë. "Opozita, duke shfrytëzuar dhe tatëpjetën që morën firmat piramidale në vendin tonë, arriti që të organizojë rebelimin komunist të vitit 1997 dhe brenda një kohe të shkurtër, u shpërthyen depot e armëve, u shthur rendi me pasoja dramatike. Vetëm një pjesë e vogël e vendit mbeti nën ndikimin e qeverisë", thuhet në tekstin e historisë. Më tutje thuhet se "vendit iu desh kohë të rifitonte veten nga ngjarjet dramatike të vitit 1997. Kaosi, anarkia, vrasjet e shumta(sidomos në qytetin e Vlorës e të Beratit), veprimi i bandave të armatosura, veprimtaria e të ashtuquajturave "Komitete të Shpëtimit Kombëtar", mungesa për një kohë të gjatë e policisë dhe e forcave të tjera të rendit e të qetësisë, krijuan probleme të shumta, nga të cilat vendi do ta merrte veten shumë vonë". Qeveria socialiste që erdhi në pushtet, vijon teksti, nën drejtimin e Fatos Nanos, nuk arriti dot të vendoste rregullin e qetësinë, ndonëse në vendin tonë ishte vendosur një forcë ndërkombëtare nën drejtimin e Italisë dhe NATO-s. Duke iu referuar zhvillimeve të mëpasshme thuhet se "pas zgjedhjeve të 26 qershorit, opozita demokratike po e merrte veten pas atij sulmi të egër që kishte pësuar në vitin 1997. Ethet për ta çuar vendin në kaos të përsëritur dukeshin sheshit. Kështu, një vit më vonë, më 12 shtator 1998, u vra deputeti demokrat, Azem Hajdari, vrasje e cila çoi në ngjarjet e 14 shtatorit 1998, që mori pamjet e një grushti shteti. Në këtë ditë u pushtuan institucionet qendrore të vendit". Në zgjedhjet e vitit 2001, vijon teksti i ri, përsëri në pushtet erdhën socialistët, nën drejtimin e Fatos Nanos, i cili u bë Kryeministër. "Por vendin e përfshiu një valë e paparë korrupsioni, trafiku dhe një gjendje e madhe pasigurie, ndonëse Shqipëria kishte filluar rrugën drejt NATO-s dhe MSA për në BE. Ekonomia ecte ngadalë. Biznesi nuk ecte me hapat e duhur. Kreditimi i ekonomisë nuk u përshtatej ende nevojave të zhvillimit. Kjo gjendje solli që në zgjedhjet e vitit 2005 të fitonte PD dhe të vinte sërish në pushtet Sali Berisha, i cili me projektet antikorrupsion, me flamurin e luftës kundër krimit të organizuar dhe me një program për zhvillimin e shpejtë ekonomik çeli një epokë të re zhvillimi për vendin tonë", thuhet në Histori. Në libër thuhet se Partia Demokratike u krijua më 12 dhjetor 1990 në mjediset e universitetit, por nuk përmendet emri i Berishës, por vetëm Hajdari që ishte në krye të protestave.
Përgjigju Duke Cituar
Krijoni Kontakt