TEC i Vlorës fillon punën në muajin qershor

[Sa Kot]

Akt mese barbar, c'do person qe ka shkelur ligjin ne kete incident duhet denuar.

Asgje nuk justifikon thyerjen e ligjit, jo TEC, po bomba atomike sikur te jete hedhur, dhe prape nuk justifikohet shkelja e ligjit.

Ka menyra me te sofistikuara per te protestuar.

Per sa i perket ceshtjes TEC ne Vlore apo jo, nuk jam dakort. Nuk eshte ekonomike e as llogjike. Po kjo nuk eshte menyra se si zgjidhet problemi.

Me kete akt, ata i kane bere me shume dem Vlores sesa e kane ndihmuar.

[Lioness]

Vlorë, studentët protestë me vezë e naftë kundër Petroliferës

Studentët e universitetit "Ismail Qemali" përzënë jashtë përfaqësuesit e Petroliferës. Konfrontime fizike dhe sharje
Pasdite, policia ka shoqëruar në komisariatin e Vlorës studentin Eneid Hamzai, si përgjegjës për ngjarjen.

VLORË- Vezë, domate, peshq dhe naftë mbi përfaqësuesit e Petroliferës dje në takimin e lajmëruar me studentë të Universitetit të Vlorës. Kjo ka qenë pritja që studentët e "Ismail Qemalit" i kanë bërë përfaqësuesve së shoqërisë, të cilët, jo vetëm nuk kanë mundur të japin sqarime rreth projektit, sikundër ishte dhe synimi i takimit, por kanë mbetur të shtangur, e madje të ndotur me ato që iu kanë rënë mbi trup. Të lodhur nga kërkesat e tyre të shumta për të ndaluar prjektin që do të ndosë gjirin e Vlorës, studentët, kanë nisur dje formën më të fundit të protestës. Pas kësaj, mes palëve ka pasur edhe konfrontime fizike. I dëmtuari nga vezët, Shalsi bëri një kallëzim në polici dhe në mbrëmje, policia shoqëroi njërin prej tyre, në komisariat. Eneid Hamzai, drejtuesi i qeverisë studentore është shoqëruar si përgjegjës për ngjarjen e ndodhur dhe u lirua dy orë më pas. Aleanca dhe komuniteti reagojnë njëherësh dhe premtojnë përshkallëzim të protestave për mbrojtjen e Vlorës.

Takimi

Duket se ka qenë gjithçka e planifikuar dhe madje e organizuar që më parë. Sapo ka hyrë në sallën e mbushur me studentë, kryemenaxheri i shoqërisë, Gazmend Shalsi, nuk ka mundur dot të japë sqarime, pasi në drejtim të fotos së Petroliferës, së varur në ambientet ballore të sallës së madhe, kanë fluturuar vezë, domate, peshq të ndenjur dhe në fund naftë. Shalsi është shoqëruar në takim nga rektori Bilal Shkurtaj, i cili ka bërë prezantimet e rastit, si dhe qëllimin e takimit, kërkuar nga Petrolifera sh.a, për transparencë. Pas kësaj, përfaqësuesi i Petroliferës ka thënë vetëm frazën e parë: "Jemi këtu, pasi ka pasur reagime dhe duam të sqarojmë projektin real". Por pa përfunduar dot më tepër, një nga studentët, përfaqësuesi i qeverisë studentore, i është drejtuar Shalsit për të dalë jashtë nga salla. "Këtë duhet ta kishit bërë tre vjet më parë dhe jo tani që ndërtimi ka nisur, prandaj jashtë",- ka thënë prerë ai.

Protesta

Menjëherë pas frazës së deklaruar fort nga përfaqësuesi i qeverisë studentore, të tjerë studentë të pranishëm në sallë kanë dalë në mbështetje të tij. Ata janë ngritur në mënyrë demonstrative në këmbë dhe kanë nxjerrë nga bangat parullat e përgatitura. "Petrolifera fuori!", shkruhej në parullat e studentëve, ndërsa të gjithë njëzëri kanë bërtitur "Jashtë!". Dhe kur përfaqësuesit e Petroliferës kanë refuzuar që të largohen atëherë drejt podiumit të sallës së madhe kanë fluturuar vezë, domate, peshq të ngordhur dhe më pas naftë. Studentët i ishin bashkuar edhe më parë përpjekjeve qytetare për të ndaluar ngritjen e TEC-it në plazhin e tyre por këtë herë duket se kompania italiane i ka sfiduar deri në fund. Ajo ka shkuar në atë që vetë studentët e kanë cilësuar si "tempullin e tyre" dhe ka kërkuar që ti mbushë mendjen për të mirat e projektit. Por këtë herë përfaqësuesit e kompanisë italiane kanë provuar mbi veten e tyre se çfarë do të thotë ngritja e një TEC-i dhe rreziqet që mund të vijnë prej tij.

Reagimi

"Nuk është kjo Vlora e vërtetë!". Vetëm kaq ka mundur të thotë kryemenaxheri i shoqërisë, Shalsi, i cili është ndotur me sendet që kanë fluturuar mbi kokën e tij. I lyer me naftë e me vezë, ai është detyruar të dalë nga salla, ndërsa studentët kanë pasuar me thirrjet "Vlora, Vlora" dhe "Vlora nuk e do Petroliferën!".

Studentët janë shprehur të revoltuar se do të vijojnë protestat për veprën, e cila rrezikon seriozisht Vlorën. "Nuk jemi vandalë, por nuk mund të durojmë që tashmë, pasi vepra ka nisur punimet, të kërkojnë të na mbushin mendjen për diçka që Vlora nesër do ta ketë çiban tërë jetën"- tha një prej tyre. Një tjetër student, i pranishëm në takim e që duket i revoltuar nga takimi dhe qëllimi i tij për transparencë sqaron se gjithë kjo, ishte vetëm një përgjigje për ndërtimin. "Ne nuk e duam këtë vepër, e kemi kundërshtuar, kështu që nuk kemi pse vijojmë me takime kortezie",- tha prerë ai.

Rektori

Protesta, e drejtë e secilit

I pranishëm në takim, rektori i teknologjikut të Vlorës, Bilal Shkurtaj, nuk i ka shpëtuar dot njollave të naftës. "Eshtë e drejtë të protestohet, madje me disa forma, por të dëgjohej më parë"- tha Shkurtaj. Sipas tij, ka pasur një mungesë transparence,lidhur me projektin në fjalë dhe pikërisht kjo po kërkohet të kapërcehet. Gjithsesi në lidhje me ndonjë ndëshkim të mundshëm për studentët, Shkurtaj tha se nuk do të ketë nga ne të tilla, por në një farë mënyre, ata e kanë ndëshkuar vetë veten me këtë. Shkurtaj ka evidentuar edhe mungesën e dukshme të pedagogëve të ftuar në takim.

Klosi: Ngjarja, shpërthim pakënaqësie, lironi studentin

Publicisti Ardian Klosi duke reaguar menjëherë pas ngjarjes së ndodhur në Vlorë, fill pas takimit me studentët dhe përfaqësuesit e Petroliferës ka kërkuar lirimin e studentit Eneid Hamzai. Sipas tij, gjithë ajo që ndodhi në takimin e transparencës, është një shpërthim i pakënaqësisë dhe protestës që zien në Vlorë prej disa vitesh. Klosi ka bërë me faj edhe KQZ-në, e cila nuk mori parasysh kërkesën e komunitetit vlonjate lidhur me referendumin për ngritjen e TEC-it dhe Petroliferës në këtë qytet. Mospranimi i kërkesës për referendum, sipas tij, është një veprim jo i drejtë. Ndërkohë që komuniteti përmes këshillit bashkiak e ka kërkuar një gjë të tillë dhe ajo nuk është marrë në konsideratë. "Janë bërë dialogje pa fund dhe të gjitha çojnë në një vrimë të zezë"- ka deklaruar Klosi, duke pranuar se qeveria nuk ka përmbushur detyrën e saj minimale për të informuar publikun. "Gjiri i Vlorës është i jashtëzakonshëm për bukurinë natyrore dhe ekuilibrat ekologjikë. Është shumë e rrezikshme të ngresh aty një TEC me bazë nafte"- ka thënë ai, duke ritheksuar se studenti i shoqëruar si përgjegjës për degradimin e takimit mes palëve duhet të lihet i lirë.

Kallëzimi

Shalsi:U dhunua figura ime

Menjëherë pas ngjarjeve të ndodhura në auditorët e universitetit të Vlorës, menaxheri i projektit të Petroliferës, Gazmend Shalësi ka nxituar t'i drejtohet organeve të policisë. Pranë komisariatit, përfaqësuesi i projektit ka depozituar një kallëzim kundrejt studentëve organizatorë, për dhunim të figurës së tij. Përfaqësuesi kishte njohur me ngjarjen, iniciativën e kompanisë të cilën ai përfaqëson për të përmbushur fushatën sensibilizuese, të cilën ai e ka marrë përsipër për efekt transparence, si dhe reagimin e studentëve, të cilën ai e ka quajtur tejet të dhunshëm. Pas kësaj policia e Vlorës ka nisur hetimet, duke parë dhe materialet filmike dhe ka shoqëruar në ambientet e komisariatit të Vlorës në orët e mbrëmjes kreun e qeverisë studentore Eneid Hamzai.

Aleanca

Levedni: Qëlluan 40 vetë dhe nuk ishin të çmendur

Përfaqësues të Aleancës u mbledhën në orët e mbrëmjes së djeshme pranë ambienteve të komisariatit të policisë së Vlorës me të marrë njoftimin për shoqërimin e studentit Eneid Hamzai. Një ndër përfaqësuesit e saj, Petrit Levendi shprehet se "nuk mund të shikosh gabimin vetëm në një krah, kur ishin të paktën 40 veta që qëlluan me vezë. Sipas kësaj llogjike duhet të penalizoheshin të tërë dhe jo t'i komunikohej urdhër ndalimi njërit prej tyre. Vërtetë që ka forma të tjera, por këta 40 veta nuk ishin të çmendur"- tha ai.

Aliraj: Duan të ndalojnë dhe studentë të tjerë

Rreth 100 studentë e qytetarë të tjerë në mbështjetje të aleancistëve dhe rreth 30 aleancistë, kanë pritur para ambienteve të policisë në pritje të studentit që ishte marrë nga ana e forcave të policisë. Në lidhje me arrestimin, kryetari i Aleancës Rezart Aliraj pohon se e quan këtë arrestim të padrejtë. "Ata duket se duan të ndalojnë edhe studentë të tjerë, çka është e pafalshme. Na kanë njoftuar nga familjet e tyre se kanë vajtur në shtëpira dhe kërkojnë studentët. Këtu kemi komunikuar me përfaqësues të policisë, por na thonë çështje sqarimi, që as ne nuk po e marrim vesh"- thotë ai. Për sa i përket arrestimit ai e quan të padrejtë, pasi kishte një shkak. Ai nuk pranon dot që përfaqësuesit e projektit janë kujtuar tre vjet me vonesë. "Kjo ose është tallje me komunitetin, ose një provokim i drejtpërdrejtë, dhe të tillë u kuptua në ambientet studentore. Në Amerikë është qëlluar presidenti me vezë në ditën e zgjedhjes së tij dhe nuk u arrestua njëri"-, vijon Aliraj.

Lirimi

Studenti lirohet pas dy orësh

Dy orë pas shoqërimit në polici, studenti është liruar dhe fill pas kësaj aleancistët kanë dalë në konferencë për shtyp. "Shoqërimi ishte procedurë e kryer në këto raste pas kallëzimit të depozituar nga Shalësi"-, është shprehur studenti në konferencën për shtyp, ndërsa ka vlerësuar qëndrimin korrekt të saj. "Sot një përfaqësues i Petroliferës, ashtuquajtur kompani serioze, ka reaguar duke qëlluar"- tha Hamzai, duke sqaruar se protesta e djeshme ishte spontane. Sipas tij, mungonin nga ana e kompanisë njoftimet në vende të dukshme dhe shumë nga studentët u njoftuan vetëm dje. Kryetari i aleancës për mbrojtjen e gjirit të Vlorës Rezart Aliraj tha se u pa qartë nga e ashtuquajtura transparencë e Petroliferës, se ky projekt është në vendin e gabuar. Është një akt demokratik dhe aleanca e mbështet 100% këtë veprim. "Petrolifera mori një mësim dhe ne do të përshkallëzojmë veprimet tona. Derisa të arrijmë te vetëvendosja. Vlora duhet të vendosë vetë për fatet e saj"- tha Aliraj. Një biznesmen, Besnik Lulja e ka quajtur tallje një gjë të tillë, pasi ajo ka marrë vetëm leje nga KRRTRSH, por jo nga KRRT e bashkisë Vlorë. Në lidhje me përshkallëzimin e qëndrimeve nënkryetari i Aleancës Sidrit Danaj sqaroi se do të ketë një stratregji të veprimeve të mëtejshme. Shumë herë na pyetet çfare nënkupton përshkallëzimi. "Nuk nënkupton të digjet në asnjë mënyrë Vlora, si disa vite më parë, jo, Vlora nuk do të digjet, por do të djegë të gjithë ata që luajnë me fatet e saj. Falje për rektorin Shkurtaj, por kjo ishte përgjigja për Petroliferën, janë shprehur aleancistë"- ndërsa kanë vlerësuar qëndrimin qytetar të rektorit Shkurtaj.

[brooklyn2007]

Vlorë, studentët protestë me vezë e naftë kundër Petroliferës


Stambolli digjet, bushtra krihet. Keshtu eshte dhe ky muhabet. Shqiperia vuan mungesen e dritave, populli "heroik dhe legjendar" i Vlores del ne rruge kundra dritave.

[Lioness]

Une jam nga Tropoja dhe mund te them qe jemi nje popull shum gjaknxehte, por ama asnjeher nuk e qesim inatin apo zemreimin perpara mendjes sic bejne Vlonjatet, edhe pikerisht per kete arsyje kta dalin teper jo te mencur.

Homza une qe jam gjys andej e gjys ketej e s'bej dot dallime.

Por kur thote PRI-LTN:

Do ishte me mire qe titulli i temes te ishte "Sofra anti-vlonjate"

Do flasim per ceshtjen ne fjale apo hajde te shajme vlonjatet se eshte me kollaj.

Nga ana politike, kemi premtimet elektorale te kryeministrit kur erdhi per voten ne Vlore dhe qe e mori. (Bile nuk harroj gezimin personal te fitores se PD ne 2005.) Per ata/ato qe s'jane ne dijeni mjaftojne te lexojne kete teme nga fillimi dhe premtimet qe u bene. Vlora turistike, Vlora me aeroport, asgje pa referendum e me the te thashe. Keto premtime nuk u mbajten.

Nga ana e ligjit, kontratat psh ajo e TEC-it nder te tjerash thote qe punimet do te behen me marreveshje me qeverine e shtetit shqiptar dhe ate lokal. Ai lokal votoi jo, pra s'ka marreveshje, pse do behen punimet?

Nga ana e ekonomise. Perse nuk privatizohet KESH? Perse nuk investohet ne rrjetin shperndares qe eshte katastrofik dhe origjina e problemit? Perse te mos investohet ne energji te rinovueshme? Perse duhet te helmojme ambientin dhe ato pak mundesi per zhvillim turistik?
Marrim rastin e Greqise, vendit fqinj. Ka naftesjellesin e Gazprom nga Rusia, dhe firmosi nje naftesjelles te ri me Turqine. Te dyja ne Aleksandropoli, ne lindje, kufi me Turqine. Nderkohe, ishujt dhe zonat e tjera turistike mbeten te pacenuara. Greqia eshte e 10 ne bote per nga vija bregdetare, keshtu qe ka vend per projekte te tilla. Ne Naxos apo Santorini qe isha mund te notoje dhe ne port, uji qe qelibar.

Pa te vesh ne portin e Vlores dhe ne zonen perreth? Bregdeti dhe tani deri ne uje te ftohte eshte ndotur jashte mase. Kishte mengjese kur cohesha dhe deti ishte i kuq nga nje Zot e di cfare ishte hedhur. Dhe te vinte keq kur shikoje sidomos femije te notonin ne ate zone. Ne vend te merren masa te pastrohet, te levizet porti drejt plazhit te vjeter, sic kane qene planet e hershme, po i hedhim me shume "nafte zjarrit."

Po pyetet pse protestohet ne Vlore per kete e jo per mungese dritash? Perse nuk protestohet ne qytete te tjera per mungese dritash? Perse nuk protestohet per korrupsionin apo 1001 probleme qe ka vendi? Nuk po flas per vandalizem por per proteste civile, qe ne fund te fundit eshte e drejta e cdo nenshtetasi. A jam dakort me menyren se si u protestua, ndoshta jo ne ate shkalle. Por duhet marre parasysh qe qytetaret vlonjate kane disa vjete qe po mundohen ndermjet ligjit (psh referendum etj) dhe zeri i tyre ra ne vesh te shurdher.

[derjansi]

asht kollaj kjo pun mos e ndertoni at lesh teci

pritjani dritat Vlores meqe nuk i dun dhe te bim rahat

biles te jem si qeveria u jap i pamvarsi se boll na kan merzit koken, se ngel korca vetem

[Albo]

Nga ana e ligjit, kontratat psh ajo e TEC-it nder te tjerash thote qe punimet do te behen me marreveshje me qeverine e shtetit shqiptar dhe ate lokal. Ai lokal votoi jo, pra s'ka marreveshje, pse do behen punimet?

Ku ke lexuar apo degjuar qe pushteti lokal ka votuar jo?

Albo

[PRI-LTN]

Ku ke lexuar apo degjuar qe pushteti lokal ka votuar jo?

Albo

E ka votuar "jo" duke mos i dhene lejen e ndertimit, por meqe parate i kane marre ata te pushtetit qendror, atje vazhdon te ndertohet pa frike.

[Lioness]

E ka votuar "jo" duke mos i dhene lejen e ndertimit, por meqe parate i kane marre ata te pushtetit qendror, atje vazhdon te ndertohet pa frike.

Plus votoi per referendum. KQZ nuk e mori parasysh, rrjedhimisht bie ndesh me vendimin e Bashkise se Vlores.

[PRI-LTN]

Energjia qe do te prodhoje TECi, do ta kete koston 2 here me te madhe se ajo qe importohet sot. Pjesa me e madhe e kesaj energjie do te perdoret per nevojat e parkut energjitik.

Fjalia e pare ka dale nga goja e nje prej ministrave te Berishes.

[brooklyn2007]

Centralin berthamor nuk e duam, TEC-in ne Vlore nuk e duam, por drita duam ama. Sesi do e zgjidhi qeveria kete hall me kete popull qe ka nje ZOT i madh e di!!!!