Gazeta elektronike sportive: "FUTBOLLI" - (Nr:4)

[RaPSouL]

Torres po shijon jetën te Liverpuli

14 Shtator Blerja rekord e Liverpulit, Fernando Torres, ka pranuar se po e shijon plotësisht jetën në qytetin anglez. Ndërsa disa lojtarë të tjerë që janë blerë ndoshta edhe më shtrenjtë se ai duan kohë që të përshtaten me jetën në Angli dhe futbollin në Premier League, ish-kapiteni i Atletikos së Madridit ka shpërthyer menjëherë. Torres beson se stili i lojës në Angli i vjen në ndihmë lojës së tij pasi stili i Liverpulit e lejon që të përdorë armën e tij më të fortë, kundërsulmet e shpejta. "Ndihem mjaft mirë dhe po shijoj çdo çast te Liverpuli, si kur mbërrita për herë të parë tek Atletiko. Nuk e prisja të merrja aq shumë ndihmë për t'u përshtatur", tha lojtari. "Çdo gjë po shkon për bukuri, megjithëse më duhet ende shumë punë për t'u përshtatur plotësisht. Jemi duke u mësuar me njëri-tjetrin, por është e vërtetë që golat dhe fitoren po i bëjnë gjërat shumë më të lehta. Tek Atletiko ishte më i përfshirë në mesfushë dhe duhet të kthehesha prapa që të merrja topin para se të filloja të mendoja të sulmoja portën kundërshtare. Te Liverpuli i kemi lojtarët në mesfushë për të bërë këtë punë, sepse këtu çdo lojtar ka një detyrë të caktuar brenda skuadrës. Ndoshta kjo shtë një prej arsyeve që futbolli anglez i shkon për shtat lojës sime. Këtu bëhet një lojë më e drejtpërdrejtë, që është gjithashtu e shpejtë dhe me shumë kundërsulme. Gjithashtu ka edhe një mbështetje të madhe nga publiku që ndihmon në çdo çast të ndeshjes".

[RaPSouL]

Maçini, pasaniku i Serie A, Mourinjo, më i paguri në botë

Në 5 kampionatet më të forta në Evropë

Angli
Mourinjo (Çelsi)
5.5 milionë euro në sezon
Ferguson (Mançester)
4 milionë euro në sezon
Itali
Mançini (Inter)
5 milionë euro në sezon
Ançeloti (Milan)
4,5 milionë euro në sezon
Spanjë
Shuster (Real Madrid)
4 milionë euro në sezon
Rajkard (Barcelona)
3 milionë euro në sezon
Gjermani
Hitzfield (Bajern)
2 milionë euro në sezon
Shaft (Verder Bremen)
1.8 milionë euro në sezon
Francë
Perrin (O.Lion)
1,8 euro në sezon
Emon (O.Marsejë)
1.2 milionë euro
në sezon

Rrogat e trajnerëve në kampionatin italian

1) Mançini (Inter)
5 milionë euro në sezon
2) Ançeloti (Milan)
4,5 milionë euro në sezon
3) Spaleti (AS Roma)
2 milionë euro në sezon
4) Prandeli (Fiorentina)
1,5 milionë euro në sezon
5) Ranieri (Juventus)
1,5 milionë euro në sezon
6) Novelino (Torino)
1 milionë euro në sezon
7) Kolantuono (Palermo)
900 mijë euro në sezon
8) Reja (Napoli)
700 mijë euro në sezon
9) Mazari (Sampdoria)
600 mijë euro në sezon
10) Rosi (Lazio)
550 mijë euro në sezon
11) Xhiampaolo (Kaljari)
500 mijë euro në sezon
12) Marino (Udinese)
500 mijë euro në sezon
13) Del Neri (Atalanta)
450 mijë euro në sezon
14) Kanji (Empoli)
450 mijë euro në sezon
15) Baldini (Katania)
350 mijë euro në sezon
16) Di Karlo (Parma)
350 mijë euro në sezon
17) Gasperini (Xhenova)
300 mijë euro në sezon
18) Mandorlini (Siena)
260 mijë euro në sezon
19) Fikadenti (Rexhina)
250 mijë euro në sezon
20) Orsi (Livorno)
200 mijë euro në sezon

[RaPSouL]

Guti shpreson për rikthim në kombëtaren spanjolle

Guti beson se ai dhe Raul ende kanë shanse të ftohen në skuadrën kombëtare të Spanjës në ndeshjet e mbetura kualifikuese për Euro 2008, pas një jave të vështirtë të ekipit të kësaj kombëtare.

Mesfushori i Realit të Madridit ka luajtur 13 herë për vendin e tij, por nuk është përfshirë tash e dy vite në këtë përfaqësuese, derisa Raul është lënë jashtë nga Luis Aragones, që nga viti i kaluar.

Pavarësisht kësaj, Guti nuk beson se shanset e tij dhe të Raulit janë shuar tërësisht dhe beson se kjo është dëshirë personale edhe e trajnerit të luajë në këtë mënyrë.

“Unë mendoj se ne jemi në gjendje dhe dëshirojmë të kontribuojmë me pjesën tonë që të jemi në Euro”, ka sqaruar ai.

“Kurrë nuk do t’i humbas shpresat, megjithëse, e di se është e komplikuar. Kurrë nuk kam dëgjuar se dyert kanë qenë të mbyllura për mua, por trajneri është ai që shikon një lloj tjetër të lojtarëve”.

[RaPSouL]

Neville kërkon më shumë nga bashkëlojtarët

Gary Neville u ka thënë bashkëlojtarëve në Manchester United, se ata nuk duhet të lejojnë më shumë gabime, nëse dëshirojnë ta mbrojnë titullin e Premier Ligës.
Mbrojtësi i djathtë, Neville, ka munguar në fillim të sezonit me United për shkak të lëndimit të gjurit, por e di më mirë se të gjithë, se, çfarë duhet për të fituar titullin e Premier Ligës, pasi që ai ishte shtatë herë kampion me djajtë e kuq.

Kampionët kanë siguruar vetëm tetë pikë nga 15 të mundshmet, dhe derisa kapiteni Neville vazhdon rikuperimin nga lëndimi i gjurit, ai insiston se United nuk duhet të humbë më shumë se sa rivalët e tij, veçanërisht lideri i tabelës Liverpooli.

Neville ka thënë: “Nuk pres që të humbim. Pres të jemi të qëndrueshëm siç kemi qenë vitin e kaluar. Është e paevitueshme të humbësh ndeshje në Premier Ligë. Nuk mund të kalosh gjithë sezonin i pamposhtur dhe kjo shumë rrallë ndodh”.

“Të humbësh një, dy ose tre ndeshje është e pranueshme, por jo më shumë. Nuk pres që United të humbë tetë, nëntë ose dhjetë ndeshje”, tha ai.

[RaPSouL]

Rënia e popullaritetit ndihmoi Ronaldon të zhvillohet

Anësori i kampionit anglez Manchester Unitedit, Cristiano Ronaldo, ka thënë se rënia e popullaritetit gjatë Kupës Botërore të vitit të kaluar, e ka shtyrë atë të punojë më shumë dhe të rifitojë zemrat e adhuruesve.
Kthimi i tij në ekipin e Manchester Unitedit, pas tre ndeshjesh suspendimi, pritet të ndodhë gjatë këtij vikendi në Everton.

Ronaldo ka thënë se të qenit i urryer nga adhuruesit e ka shtyrë atë të përmirësohet.

Portugezi u bë armiku numër 1 i Anglisë pasi që dërgoi jashtë fushe Wayne Rooneyn në Kupën Botërore 2006. Ronaldo ka thënë: “Pas ndeshjes isha i kritikuar dhe i fishkëllyer”.

“Nuk ishte e këndshme por kjo më bëri mirë. Me të u bëra më i zgjuar dhe kjo më ndihmoi të piqem. Rooney është një mik i mirë në ekipin e të cilit është kënaqësi dhe nder të luaj”.

Që nga ajo rënie e popullaritetit në mesin e adhuruesve anglezë, Ronaldo ka arritur sukses në përfitimin e sërishëm të adhuruesve përmes paraqitjeve kualitative.

Ai thotë “Ndjehem i privilegjuar që njerëzit britanikë më kanë futur në zemrat e tyre. Gjëja më e mirë bë Britani janë njerëzit”.

[RaPSouL]

Van Basten: Autogoli ynë ishte i rregullt

Duket se edhe trajneri i Holandës, Marko Van Basten, nuk ka mundur ta përpijë vendimin e arbitrit për anulimin autogolit të holandezit Melkiot, në përballjen më Shqipërinë, të mërkurën.

“Goli i kundërshtarëve duket i rregullt, pasi ndaj lojtarit tonë nuk ka pasur asnjë ndërhyrje që mund të penalizohej”, ka thënë, Van Basten, për të përditshmen holandeze “De Telegraaf”.

Shqipëria u mposhtë në Tiranë, të mërkurën, nga Holanda përkundër një loje mjaft të fuqishme që treguan kuqezinjtë. Kombëtarja shqiptare pësoi në minutat e fundit të takimit, por ajo për këtë humbje akuzon më se shumti arbitrin e takimit i cili anuloi një autogol të holandezëve.

[RaPSouL]

Mourinho i kënaqur me rikthimin e Shevchenkos

Trajneri i Chelseat, Jose Mourinho, është shprehur se është i kënaqur me formën dhe gjendjen e sulmuesit, deri tash mjaft të kritikuar, ukrainasit Andriy Shevchenko.
Shevchenko ka qenë jashtë ekipit gjatë këtij sezoni pavarësisht rikuperimit të plotë që para fillimit të Premier Ligës. Paraqitja e mirë e tij për Ukrainën, ka bërë që sulmuesi të gjendet në mesin e favoritëve edhe në Chelsea.

“Sheva është i zgjedhur”, ka thënë Mourinho. “Është mirë ta kemi sërish në ekipin e parë. Ne kemi nevojë për çdo lojtar. Kemi filluar një periudhë ku kemi nevojë për secilin. Na duhet t’i rrotullojmë lojtarët. Tash po garojmë në tri gara në të njëjtën kohë”.

Rreth ukrainasit, trajneri portugez ka shtuar: “Ai ka luajtur dy ndeshje për ekipin e tij kombëtar, rezultatet nuk ishin të mira për ekipin e tij, por unë e përcolla ndeshjen, veçanërisht pjesën e dytë, dhe isha i kënaqur me mënyrën si u paraqit. Andaj po, ai është i zgjedhur dhe do të ketë minutat e tij në ndeshjen kundër Blackburnit”.

“Mendoj se ai po përparon në shumë aspekte. Kundër Italisë luajti një ndeshje të mirë, jo vetëm për shkak se shënoi gol, pasi që futbolli nuk qëndron vetëm në gola”

[RaPSouL]

Bayern synon fitore në derbin ndaj Schalkes

Bayern ndeshet sot me Schalke me synimin të ruajë rekordin perfekt të fitoreve në shtëpi të vet gjatë këtij sezoni, dhe të vazhdojë të kryesojë në tabelën e Bundesligës Gjermane.

Sezoni i Bayernit vërtet bëhet edhe më i nxehtë nga ky vikend, me shtatë ndeshje në tre javë. E para nga këto është ndeshja e sotme në Allianz Arena në përballje me Schalken.

“Kemi përpara një fazë ngacmuese dhe vendimtare me gjashtë ose shtatë ndeshje njëra pas tjetrës. Ne mund të bëjmë një progres jashtëzakonisht të madh”, ka përcjellë menaxheri i Bayernit, Ottmar Hitzfeld. “Ndeshja me Schalken është mjaft domethënëse”.

Një fitore e sotme do t’i ndihmojë Bayernit të vazhdojë startin dominues të sezonit, dhe të krijojë diferencë prej 7 pikësh nga Schalke.

“Nuk jemi përballë Rostock këtë herë, por është Schalke, definitivisht një prej ekipeve më të mira në ligë. Na duhet një lloj tjetër i paraqitjes nëse e krahasojmë me lojën në shtëpi kundër një klubi të posa promovuar në Bundesliga 1”, ka thënë Hitzfeld

Portieri Kahn ka përsëritur fjalët e trajnerit, duke thënë, “Jemi paralajmëruar, e dimë sa të fortë janë Schalke, dhe do të duhet të japim gjithçka nëse dëshirojmë të fitojmë”.

[RaPSouL]

Delio Rossi ende nuk mendon për Ligën e Kampionëve

Trajneri i Lazios dëshiron të fokusohet në ndeshjen e ligës që do ta zhvillojë sonte në Olimpico kundër Empolit, para se të koncentrohet në ndeshjen e parë në garat e Ligës së Kampionëve, të martën.

Delio Rossi dëshiron një Lazio të fokusuar në takimin e sotëm ndaj Empolit që do të luhet në Romë, me qëllim të regjistrojë fitoren e parë të sezonit.

Ish trajneri i Atalantas, ka thënë se në ndeshjen e parë të tyre të sezonit që e luajtën në shtëpi kundër Torinos, mendjet e lojtarëve ishin në Ligën e Kampionëve në Bukuresht, por këtë herë ai premton se gjërat do të jenë më ndryshe.

“Ditën që u ballafaquam me Torinon nuk i kishim mendjet shumë në atë ndeshje, pasi që në Bukuresht na priste diçka më e rëndësishme”, ka deklaruar ai.

“Por tash jo, ne duhet të mendojmë për ndeshjen kundër Empolit, ndryshe do të luajmë keq kudo qoftë”, ka paralajmëruar Rossi”.

Lazio ka siguruar vetëm dy pikë nga dy ndeshjet e para në Serie A, pas barazimit me Torinon 2-2 dhe barazimit pa gola ndaj Sampdorias, derisa të martën në garat e Ligës së Kampionëve do të jetë mysafir i ekipit grek Olimpiakos.

[Black_Mamba]

U humben te rejat nga sporti,njeher nuk u mershni vesht ndermjet veti cili do ti qes po ja qe tash asnje ska.