Gazeta elektronike sportive: "FUTBOLLI" - (Nr:4)

[DORJANBITI]

Një pijanec godet Fergusonin: "Më fal, s'e pashë që ishe ti"
Një pijanec anglez ka pranuar se ka goditur me grusht në bark Sër Aleks Fergusonin dhe me kokë një polic. 43-vjeçari Kevin Reinolds u gjykua fajtor për sulmin ndaj trajnerit të Mançester Junaitedit jashtë një stacioni treni para se të sulmonte policin dhe ta ofendonte me fjalë raciste. I akuzuari doli në gjykatën e Londrës dhe u paralajmërua se mund të burgosej për veprimet që kishte bërë. Sulmi ndodhi të hënën në orën 4 të pasdites kur Sër Aleks po priste shoferin e tij jashtë stacionit të trenit në qendër të Londrës. Personi në fjalë, që tani është i pastrehë, iu afrua Fergusonit, i cili në fillim kujtoi se ishte një lypës që donte para. Por Reinoldsi e goditi Fergin në stomak, duke i shkaktuar dhembje. Por gjykata u befasua kur mori vesh se ai kishte thënë më pas: "Më fal Fergi, nuk e pashë që ishe ti". Dhe më pas bëriti: "Fergi, Fergi, qepe gojën", duke kujtuar një thënie të zakonshme të futbollit në Skoci. Menjëherë u afrua një punonjës policie dhe Sër Aleks i tregoi se kush e kishte sulmuar. Dhe ndërsa po përpiqej që ta kapte personin, ai u godit në fytyrë dhe u ofendua. Flitet që Sër Aleks mbeti i shtangur nga sulmi, por nuk pati nevojë për ndonjë kurim të azjgatur pas goditjes. Avokatja e të pandehurit pranoi në sallën e gjyqit që klienti i saj kishte menduar në fillim se kishte parë dikë që i ngjante Fergusonit, por jo që ishte vetë trajneri i Mançester Junaitedit. Ajo shtoi gjithashtu se Reinoldsi po bënte shaka em Fergusonin dhe nuk kishte asnjë qëllim që t'i bënte keq. Por gjykatësja e çështja u përgjegj: "Nuk e di që Sër Aleks Fergusoni ta ketë marrë si shaka atë që ndodhi". Gjithsesi, ajo vendosi që nuk kishte akuza të mjaftueshme për ta dënuar të akuzuarin me gjashtë muaj burgim për agresion.

[DORJANBITI]

Tevez: "Djajtë" do të kthehen
Karlos Tevez ka premtuar se Mançester Junaitedi do të bëjë kthesën e sezonit të shtunën kundër Evertonit. Sulmuesi argjentinas ka parë se si skuadra e tij e re ka hasur vështirësi për të dalë në lojën e saj. Edhe golat kanë qenë një problem deri tani, pasi "Djajtë" kanë shënuar vetëm tri herë në pesë ndeshje. Prandaj Tevezi kërkon me ngulm që të rikthejë Junaitedin në rrugën për titull. Ai tha: "Më duhet të bëhem më i fortë fizikisht dhe që tani e tutje dua të jem pjesë e kësaj skuadre të madhe. Pasi të jem përshtatur plotësisht shpresoj që të filloj të luaj ashtu si kam bërë sezonin e kaluar dhe të ndihmoj skuadrën që të arrijë suksese". Në takimin e radhës, Tevez mund të gjejë në sulm Uejn Runin, nëse kthehet në kohë rekord nga dëmtimi. Dhe Tevez mezi po pret që të luajë më në fund përkrah sulmuesit të Anglisë, me të cilin beson se mund të formojë një dyshe vdekjeprurëse". Ai shtoi: "Nuk mendoj se jemi shumë të ngjashëm, kur të zbresim të dy në fushë, njëri mund të luaj pak më i tërhequr se tjetri, ose anasjelltas. Gjithsesi mund të luajmë bashkë. Do të jetë një përvojë shumë e bukur të luaj përkrah Runit, jam shumë i emocionuar për këtë mundësi". Tevez momentalisht ka një kontratë huazimi dyvjeçare te Junaitedi nga kompania MSI, por nuk është penduar që ndërroi Uest Hamin me Junaitedin. Ai shtoi: "Kam mbërritur në klubin më të mirë në botë, ku luajnë lojtarët më të mirë në botë. Dhe jam shumë i kënaqur që punoj me një trajner të madh si Sër Aleks, i cili më mbështet gjithmonë"

[RaPSouL]

Sherr ne ndeshjen Portugali-Serbi, Skolari grushta nje serbi

Skena te shemtuara ne fund te ndeshjes Portugali- Serbi, te vlefshem per kualifikimin ne Euro 2008, dhe qe ka perfunduar me rezultatin1-1. Ne fund te ndeshjes trajneri portugez u gjend duke sulmuar mbrojtesin serb Ivica Dragutinovic, nje gjest per te cilin Uefa ka hapur hetim. “ Fajin e ka arbitri. Goli i Serbise ishte 2 metra jashte loje dhe ai nuk e anulloi. Markus Merk demton gjithnje Portugaline. Ajo qe bera ishte vetem per te mbrojtur Quaresma, qe po merte shume goditje” tha Skolari.

[RaPSouL]

Foto Reth Lajmit Siper

[RaPSouL]

[RaPSouL]

Vertet nuk i ngjan nje trajneri te nivelit te tij nje gjesti i tille

[RaPSouL]

Kaka pushon në udhëtimin për tek Siena

Trajneri i Milanit, Carlo Ancelotti, duket se do ta përmbysë skuadrën e tij gjatë vizitës tek ekipi i Sienës, me Kaka-në i cili do të jetë një nga tre lojtarët që pritet ta ngrohin stolin, në stadiumin Artemio Franchi.
Ancelotti duket se do t’i pushojë Kaka-në, Pirlon dhe Oddon, gjatë vizitës që ia bën Sienës, këtë fundjavë.

Me tre të lodhurit, pas ndeshjeve me kombëtaret e tyre, menaxheri ka vendosur të mos rrezikojë kundër Sienës, andaj ata mund të pushojnë për takimin e javës së ardhshme në kuadër të Ligës së Kampionëve, me Benfican.

Siena nuk ka marrë asnjë pikë nga dy ndeshjet e para dhe duket se është në një gjendje jo të mirë. Ish- ekipi i Erjon Bogdanit, vitin e kaluar, përfundoi në vendin e 15-të, duke rrezikuar të binte nga liga, derisa këtë herë është në mesin e favoritëve për të rënë në Serie B.

Me Oddon jashtë fushe, linja e fundit me siguri do të përbëhet nga Bonera, Nesta, Kaladze dhe Jankulovski, derisa Gattuso, Emerson, Brocchi dhe Seedorf do të marshojnë në mesfushë. Inzaghi dhe sulmuesi i kritikuar, Gilardino, do të duhej të nisnin lojën në sulm.

Vitin e kaluar, të dy ekipet barazuan në San Siro dhe Milan triumfoi me një gol të vetëm në Siena, në një fitore dramatike në udhëtim, 4-3.

[RaPSouL]

Franca, shaka të hidhur Italisë!

14 Shtator Për kampionët e botës ishte shumë e rëndësishme fitorja në Ukrainë, për të mbajtur gjallë shpresat për kualifikim. Gjithçka erdhi në momentin e duhur, por fitorja e Skocisë në Francë sfumoi pak gëzimin e asaj fitoreje të bukur në Kiev. Humbja e "gjelave" në fushën e tyre, vështirëson kualifikimin e Italisë për në Europianin e Austri?Zvicër 2008. Megjithatë, situata në Grupin B i lë të qetë "axurrët". Skocia me 21 pikë, renditet në vend të parë, ndërsa Italia renditet e dyta me 20 pikë dhe Franca ka mbetur e treta në kuotën e 19 pikëve. Skuadra e Francës i ka përfunduar ndeshjet direkte me rivalët e mëdhenj të grupit dhe duket se kualifikimi për ta është shumë afër. Në anën tjetër, në dy ndeshjet e ardhshme Italia do të ndeshet me Gjeorgjinë dhe Ishujt Faroe, ndërsa Skocia do të përballet me Ukrainën dhe Gjeorgjinë. Sfida më e rëndësishme e Grupit B dhe ajo që do të zgjidhë shumë mistere, është Skoci-Itali e cila do të zhvillohet në 17 nëntorë në Glasgou dhe me shumë mundësi, njëra prej këtyre dy skuadrave do të kualifikohet për në fazën finale të Europianit. Ndërsa për Francën, tre fitore radhazi do t'i siguronte vendin e parë në grup dhe do të përjashtonte çdo surprizë të pakëndshme.

[RaPSouL]

Donadoni: Asgjë nuk ka përfunduar!


14 Shtator Pas fitores të vështirë në Ukrainë, trajneri i kombëtares italiane, Roberto Donadoni, është shprehur shumë i lumtur për tri pikët e marrë në fushën e vështirë të Ukrainës, të cilat e rendisin skuadrën "axurre" në vendin e dytë në grup, një pikë prapa Skocisë. "Kemi vuajtur, por në fund arritëm të fitonim. Ukraina zhvilloi një ndeshje të mirë deri në fund, por ne u treguam të zgjuar dhe shumë të fortë në mbrojtje. Jam shumë i kënaqur për fitoren e arritur dhe më duhet të falnderoj të gjithë lojtarët për atë që dhanë në fushën e lojës". I pyetur për lënien në tribunë të Aleks del Pieros. tekniku i Italisë tha: "Aleksi shpenzoi shumë kundër Francës dhe kishte nevojë për forca të reja. Me të nuk kam asgjë personale dhe këtë mund t'ua sigurojë edhe vetë lojtari. Vendimi i marrë ishte thjesht teknik, edhe pse ndonjëherë është shumë e vështirë të pranosh vendime të tilla".

Gjeorgjia ? Roberto Donadoni shprehet i kënaqur me paraqiten e skuadrës së tij, sidomos në një ndeshje jashtë fushe dhe kundër një skuadre të vështirë për t'u mundur. Megjithatë, pas fitores surprizë të Skocisë në Francë, gjithçka është bërë e vështirë dhe emocionuese, në një grup ku rivaliteti është shumë i madh. Këtë e konfirmon edhe vetë Donadoni, i cili shprehet se Italia do të ketë akoma shumë punë për të bërë në ndeshjet e ardhshme. "Nuk ndryshon asgjë me fitoren e Skocisë. Jemi të gjithë aty. Vetëm Ukraina është larguar pak dhe është e detyruar që në katër ndeshjet e ardhshme të arrijë katër fitore. Por ne duhet të bëjmë gjithmonë llogaritë tona dhe të shohim gjendjen tonë. Nëse ne triumfojmë në sfidat e ardhshme, atëherë asnjë nuk do të na pengojë të arrijmë kualifikimin. Ndeshja e radhës kundër Gjeorgjisë do të jetë shumë e rëndësishme për ne dhe nuk na lejohet asnjë gabim. Luajmë në fushën tonë dhe shpresojmë që të vazhdojmë kështu".

Kualifikimi ? Grupi i "ferrit". Kështu e ka cilësuar Donadoni në fillim të aventurës së tij me "axurrët". "E dinim që në fillim që çështja e kualifikimit do të ishte shumë e vështirë, fitorja e Skocisë në Francë e konfirmon këtë. Eshtë një grup shumë i ekuilibruar dhe që do të vendoset vetëm në ndeshjet e fundit".

Di Natale - Asnjë nuk e priste dhe asnjë nuk e imagjinonte që Alberto di Natale do të bëhej shpëtimtari i Italisë në Ukrainën e largët. Nuk ishte Luka Toni, as Filipo Inzagi dhe as Aleks del Piero, por ishte pikërisht sulmuesi i Udinezes, i cili me dy golat e shënuar, arriti t'i jepte një fitore shumë të rëndësishme kampionëve të botës. Duket qartë se zgjedhja e bërë nga Donadoni ka rezultuar shumë pozitive. "Jam shumë i kënaqur me të gjithë skuadrën, por sidomos me Di Natalen, i cili ka shënuar dopjetën më të rëndësishme për Italinë dhe karrierën e tij. Të gjithë bënë një punë shumë të mirë dhe për këtë nuk mund të veçoj asnjë. Megjithatë, asgjë nuk ka përfunduar dhe duhet të tregohemi të kujdesshëm. Ndeshja me Ukrainën ka përfunduar, tani duhet të shohim sfidat e ardhshme, të cilat do të jenë edhe më të vështira".

[RaPSouL]

Messi i dyshimtë për takimin me Osasunan

Super talenti argjentinas, Lionel Messi, është i dyshimtë për udhëtimin e Barcelonas që do të luajë në fushën e Osasunas, të dielën, pasi që është rikthyer nga kombëtarja argjentinase, me lëndim të pësuar.

Messi luajti për Argjentinën në miqësoren kundër Australisë, në Melbourne, dhe është kthyer në Camp Nou, me ijë të tërhequr.

Gjatë trajnimit të parë të Barças sot në mëngjes, Messi ka ushtruar ndaras nga pjesa tjetër e skuadrës, derisa përpiqet të eliminojë problemin.

Messi është shoqëruar edhe nga Dos Santos, i cili po ashtu është kthyer i lodhur nga ndeshja e Meksikës kundër Brazilit