Gazeta elektronike sportive: "FUTBOLLI" - (Nr:4)

[no name]

Ronaldinjo: S’e mendoj veten jashtë Barçës!”

12 Shtator Ronaldinjo ishte një nga protagonistët e fitores së Brazilit në miqësoren me SHBA?në. Edhe pas ndeshjes, mediat amerikane ishin të përqendruara tek ai. Një nga çështjet “kryesore” ishte mënyra se si festoi golin e shënuar me goditje dënimi, duke bërë sikur po tundte një bebe. Kohët e fundit është spekuluar se ylli i Barcelonës pret një fëmijë tjetër, por ai tha: September 13, 2007_?_prim e bëra për t’ia kushtuar golin djalit tim të vetëm, nuk pres tjetër. “Deri tani, djalit tim Zhoao nuk kam pasur asnjë mundësi që t’i kushtoja një gol me kombëtaren, prandaj edhe e bëra”. Duke u kthyer te çështje më serioze, Ronaldinjo konfirmoi se ndihem mjaft i lumtur te Barcelona dhe në kombëtaren braziliane. “Ndihem në formë mjaft të mirë, me Barcelonën dhe me Seleçaon. Jam i fortë dhe gjërat po më shkojnë mirë”. Gjatë kësaj vere, Milani, por në fund edhe Çelsi, u përpoqën që ta shkëpusnin brazilianin nga Barcelona, por ai vetë pranon se ndihet mjaft mirë atje. “Jam shumë i lumtur që luaj në Spanjë dhe nuk e imagjinoj veten në ndonjë vend tjetër. E di që ka edhe kampionate të tjerë mjaft të fortë, por sot për sot nuk e mendoj veten jashtë Barcelonës”, shpjegoi Dinjo, i pyetur për situatën e tij te katalanasit. Ronaldinjo përfitoi nga mundësia për të bërë autokritikë kur foli për problemet që kishte sezonin e kaluar skuadra spanjolle. “Kemi mësuar tashmë që nuk mund të mendojmë se do të fitojmë gjithçka me lehtësi. Ai ishte gabimi që bëmë sezonin e kaluar dhe tani po punojmë mjaft fort që gjërat të shkojnë ndryshe”, pohoi braziliani. Ndërsa për kundërshtarët e Barçës në Champions League, Dinjo pranoi se skuadra duhet të ketë kujdes dhe të mos mendojë se është e kualifikuar: “Me Lionin, Shtutgartin dhe Gllasgou Rejnxhërs, kemi një grup shumë të vështirë, ku të gjithë do të përpiqen që të bëjnë rezistencë. Duhet të jemi të përqendruar në çdo çast sepse nuk ka skuadra të dobëta në këtë grup”.



Sportekspres

[RaPSouL]

“Djalli” shtrëngon fort Kakanë

13 Shtator “Kemi gati 90 milion euro për Kakanë!”. Kjo frazë ngjalli shumë dyshime te tifozët e Milanit, të cilët, për një çast, pyetën veten: “Vërtetë Riki do të linte skuadrën kuqezi për disa miliarda më shumë?”. Por, përgjigjia e fantazistit brazilian nuk vonoi: “S’kam ndër mend që të largohem, sepse të gjithë besojnë te mua dhe deri kur presidenti Berluskoni do të më cilësojë si të pashitshëm, jam në pronësi të “Djallit”. Me kaq e mbyllim!”. Dhe, “galaktikët”, të paktën për momentin, këtë sezon të saponisur, kanë hequr dorë, duke shpenzuar para në investime të tjera: Pepe, Drende, Roben. Aktualisht, rroga e “Djaloshit të Artë” prek shifrën 6 milion euro, askush nuk fiton sa milanisti në Serinë A (Toti vjen pas brazilianit, 5,5 milion euro). Por, plani i kampionëve të Europës është një tjetër: të modifikojë gradualisht rrogën e lojtarit të “Seleçaos”. Administratori i deleguar i Milanit, Adriano Galiani, ka analizuar me kujdes situatën e Rikit, duke e mbyllur përfundimisht çështjen e tij dhe duke mos i lënë hije dyshimi publikut, për një “lamtumirë” të tipit Shevçenko Kakasë. Drejtuesit e Milanit, në një takim të fshehtë, duket se kanë arritur një marrëveshje si me babain e futbollistit, ashtu edhe me lojtarin, deri në vitin 2012. Kontrata e re parashikon një rrogë prej 7 milion eurosh për sezonin 2008?2009 dhe një rritje për çdo vit: kështu, sipas kësaj linje, Kaka do të përfitojë 8 milion në 2009?2010, deri në 10 milion nga 2010 deri 2012?n.

[RaPSouL]

Skocia shkul “puplat” e “Gjelave”

13 Shtator “Heroi” i ri i Skocisë quhet MekFaden, autori i golit të fitores për britanikët, të cilët arrijnë të thyejnë Francë 1?0 në “Parc des Princes”, duke pllakosur heshtjen në Paris dhe duke vënë në rrezik kualifikimin për “Gjelat” e Domenekut. Me këtë trepikësh, skocezët ngjiten në vend të parë, në kuotën e 21 pikëve. Por, duhet të theksohet se është portieri Gordon ai që, si një “mur”, shmang pësimin e golit, në më shumë se një rast, duke pritur një gjuajtje të afërt të Riberisë dhe duke i hequr kënaqësinë e golit Anelkasë, i cili tenton në disa raste për të gjetur rrugën e rrjetës, ashtu si edhe Maluda, me një “silurë” nga jashtë zone, që bllokohet nga portieri skocez. Gjuajtja e vetme në portë nga skuadra e MekFadenit, prej gati 25 metrash i dhuron britanikëve një triumf historik. Minutat e fundit të takimit janë “tragjike”, sepse blutë nuk dorëzohen, por luajnë në një portë, për 20 minuta, edhe pse “barrikada” e kundërshtarit nuk thyhet. Në këtë mënyrë, Skocia bën “bis” ndaj bluve, pas suksesit të arritur edhe në ndeshjen e parë, tetorin e shkuar.



MekLish: Shpirti ynë është patriotik!

Eshtë i lumtur Aleks MekLish për fitoren e rëndësishme të arritur në Francë, ndaj “Gjelave”, falë golit të vetëm të shënaur nga MekFaden. Tani Skocia ëndërron për një kualifikim për në Euro 2008, duke parë se qëndron në vend të parë të grupit: “Jam shumë krenar për djemtë, sepse treguan një shpirt patriotik dhe kjo është ajo që çdo trajner kërkon nga skuarda. Më në fund, po korrim të mbjellat, pas një pune të shkëlqyer të zhvilluar gjatë kësaj kohe. Pashë pasion në fushë dhe sidomos vendosmëri. Të mundësh Francën në Paris nuk është asnjëherë e lehtë, por mund të them se këtë herë fituam me grintë dhe kjo ka rëndësi. Asgjë s’ka mbaruar ende, duhet të ndeshemi edhe me Italinë. Kualifikimi? Ende i hapur, por nëse vazhdojmë kështu...”.

[RaPSouL]

Di Natale ndriçon: Italia gjen rrugën

13 Shtator “Duhet një fitore në Kiev!”. Kushtrimi i Roberto Donadonit është dëgjuar nga djemtë e tij, edhe pse është Di Natale ai që vendos “flamurin” e pushtuesit në Kiev, duke shënuar dy gola tepër të rëndësishëm për fatin e kampionëve të botës. Shevçenko, me rrjetën e tij mundohet që të bllokojë Italinë, por në fund rezultati i buzëqesh “axurrëve”, të cilët me suksesin 2?1 ndaj Ukrainës lënë pas “hijet” e rrezikut të kualifikimit, për t’u renditur në vend të dytë, pas Skocisë, që arrin të mposhtë 1?0 “Gjelat” e Domenekut, në Francë. Një ndeshje e dyluftuar, në të cilën skuadra e Donadonit mundohet që të kontrollojë lojën, por gjen përpara vendosmërinë e vendasve. Por, falë përvojës dhe cilësisë së padiskutuar të shumicës së futbollistëve, kampionët gjejnë “rrugën e daljes”, pas një nisjeje jo të mirë: Shevçenko rrezikon dy herë nga goditjet e dënimit, duke goditur traversën dhe duke gjetur përpara Bufonin, që pret një “silurë” të sulmuesit të Çelsit. Italia zgjohet dhe Pirlo kroson bukur në zonë për Di Natalen, që nuk gabon me kokë. Pjesa e dytë nis me grintën e formacionit të Blohinit, që ushtron presion deri kur Shevçenko, pasi humb rastin më të mirë, ballë për ballë me Bufonin, barazon me një kthesë të bukur brenda zonës së rreptësisë. Por, pikërisht në momentin kur dukej se paniku do të zinte “axurrët”, Pirlo “pikturon” një top për Di Natalen: “dopietë” për bomberin e Udinezes dhe tre pikë të arta për Italinë.



Donadoni: Skuadra meriton notën 10!

Trajneri i Italisë, Roberto Donadoni, është shumë i kënaqur për fitoren e arritur ndaj Ukrainës, ndeshje e vështirë nën shumë aspekte. Tekniku i kampionëve të botës përgëzon djemtë e tij për paraqitjen në Kiev: “Italia ka dhënë një provë të madhe karakteri. E dimë se në këtë moment jemi një hap prapa në krahasim me kundërshtarin, për sa i përket formës fizike, por me këtë grintë dhe vendosmëri, nuk kemi frikë nga askush. Ne do të ecim përpara në rrugën tonë, s’ekzistojnë trena apo thirrje të fundit: duhet vetëm që të fitojmë. Di Natale? Më pëlqeu shumë ndeshja e zhvilluar nga Antonio, që diti të interpretojë mirë lojën, duke zbatuar detyrat. Të gjithë meritojnë notën 10 përatë që dhanë në fushë”.



Zambrota: Fitorja, meritë e grupit!

Xhanluka Zambrota i “thur” elozhe shpirtit të “axurrëve” pas fitores në Kiev. Mbrojtësi italian, në fund të ndeshjes me Ukrainën e komentoi kështu fitoren 2?1: “Përqafimi im me Donadonin? Kjo tregon se jemi të gjithë të bashkuar dhe se Kombëtarja vjen përpara çdo gjëje tjetër. Ishte një takim tepër i vuajtur, sepse luftuam për 95 minuta. Di Natale është një lojtar i madh dhe cilësor, duke parë se edhe njëherë bëri diferencën. Humbja e Francës? Ndoshta nuk është një rezultat pozitiv për ne, por mendja është përqëndruar te sfida në Skoci. Do të jetë një “ferr” i vërtetë. Kemi kohë të mendojmë për atë sfidë dhe forma fizike do të përmirësohet”.

[RaPSouL]

Ouen bën dopietë dhe Anglia “fshin” Rusinë

13 Shtator Një dopietë e Majkëll Ouenit ishte shumë e vlefshme për t’i siguruar Anglisë fitoren 3?0 ndaj Rusisë. Sulmuesi i Njukasëllit ruajti qetësinë dhe realizoi bukur që në fillim të takimit pas krosimit të Garet Berrit. Rusit Konstantin Zhyrianov iu anullua një gol përprekje të topit me dorë para se Oueni të realizonte golin e dytë ? të 40?in e tij me fanellën e përfaqësueses ? duke siguruar tri pikët. Më vonë, ishte Rio Ferdinand që realizoi golin e tretë, pasi vendasit vuajtën disi preisonin e rusëve të Gus Hidinkut. Skuadra e Stiv MekKlarenit doli me gjashtë pikë nga dy takimet vendimtare të fazës kualifikuese, duke treguar se në çastet vendimtare diti të mblidhej. Stiven Xherard ishte ndër më të mirët në fushë, ndërsa Emil Heski dha sërish ndihmën e tij për skuadrën pasi zuri një vend titullari në vend të Piter Krauçit. Rusët patën disa raste të mira për të shënuar, por edhe portieri Pol Robinson u duk në formë, pas paraqitjeve jo në nivel të lartë kohët e fundit. Pas shënimit të golave, anglezët ruajtën mjeshtërisht zotërimin e topit dhe mbyllën hapsirat për kundërshtarët e tyre. Pas kësaj fitoreje, Anglia ngjitet në vend të dytë në grup, me tri pikë pas Kroacisë (që fitoi mbrëmë 6?0 me Andorrën). Rusët mbeten në vend të tretë me 18 pikë dhe tashmë e kanë më të vështirë për të arritur një vend për në fazën finale të kompeticionit.

[DORJANBITI]

Torres po shijon jetën te Liverpuli

Blerja rekord e Liverpulit, Fernando Torres, ka pranuar se po e shijon plotësisht jetën në qytetin anglez. Ndërsa disa lojtarë të tjerë që janë blerë ndoshta edhe më shtrenjtë se ai duan kohë që të përshtaten me jetën në Angli dhe futbollin në Premier League, ish-kapiteni i Atletikos së Madridit ka shpërthyer menjëherë. Torres beson se stili i lojës në Angli i vjen në ndihmë lojës së tij pasi stili i Liverpulit e lejon që të përdorë armën e tij më të fortë, kundërsulmet e shpejta. "Ndihem mjaft mirë dhe po shijoj çdo çast te Liverpuli, si kur mbërrita për herë të parë tek Atletiko. Nuk e prisja të merrja aq shumë ndihmë për t'u përshtatur", tha lojtari. "Çdo gjë po shkon për bukuri, megjithëse më duhet ende shumë punë për t'u përshtatur plotësisht. Jemi duke u mësuar me njëri-tjetrin, por është e vërtetë që golat dhe fitoren po i bëjnë gjërat shumë më të lehta. Tek Atletiko ishte më i përfshirë në mesfushë dhe duhet të kthehesha prapa që të merrja topin para se të filloja të mendoja të sulmoja portën kundërshtare. Te Liverpuli i kemi lojtarët në mesfushë për të bërë këtë punë, sepse këtu çdo lojtar ka një detyrë të caktuar brenda skuadrës. Ndoshta kjo shtë një prej arsyeve që futbolli anglez i shkon për shtat lojës sime. Këtu bëhet një lojë më e drejtpërdrejtë, që është gjithashtu e shpejtë dhe me shumë kundërsulme. Gjithashtu ka edhe një mbështetje të madhe nga publiku që ndihmon në çdo çast të ndeshjes".

[RaPSouL]

Van Basten: Shqipëria nuk duhet nënvlerësuar

Trajneri i Holandës, Van Basten, është i kënaqur me lojën e përzgjedhësve të tij në ndeshjen e mbrëmshme ndaj kuqezinjve, dhe ka thënë se Shqipëria është një kundërshtar i fortë, që nuk duhet nënçmuar.
Derisa Shqipëria pësoi humbje në ndeshjen e mbrëmshme 1-0 kundër Holandës, në minutat e fundit të takimit, pas mbetjes me 10 lojtar, si pasojë e kartonit të kuq të Canës, Marco Van Basten ka preferuar të theksojë anët pozitive të ndeshjes, duke qenë i kënaqur me ekipin e tij, pas fitores 1-0 në Tiranë.

Ish- lojtar i të portokalltëve dhe tash trajner i tyre, Van Basten, ka thënë për UEFA-n: “Ne ishim mjaft të kujdesshëm dhe, në fund, bëmë një hap të madh drejt Kampionatit Evropian”.

shqiperi-holande3.jpg

“Shqipëria nuk duhet të nënvlerësohet. Ata janë kundërshtarë të vështirë të cilët luajnë fizikisht dhe përdorin të gjitha llojet e dredhive. Por, ne mbetëm të qetë, asgjë e çmendur nuk ndodhi dhe në fund siguruam fitoren e merituar. Nëse jeni profesional, në fund fati do të jetë në anën tuaj”.

Reagimi i ashpër i Lorik Canës e dërgoi atë jashtë loje, në minutën e 87-të, duke iu dhënë holandezëve një hapësirë më të gjerë sulmi. Megjithëse ndeshja dukej se do të përfundonte me barazim, pak minuta më vonë, erdhi goli i ndëshkimit nga Ruud van Nistelrooy.

shqiperi-holande2.jpg

Golashënuesi i vetëm ka thënë: “Ne dinim që do të ishte e vështirë që para ndeshjes. Nëse do të kishim mbetur 0-0, këta do të bënin festë të madhe këtu, por në fund ne fituam duke shfrytëzuar një lojë të mirë anësore dhe krosim të mrekullueshëm në të djathtë. Duhet të luani deri në minutën e fundit. Kjo është diçka për të cilën të gjithë kemi punuar shumë”.

Bashkëlojtari i tij nga Real Madrid, Wesley Sneijder, ka thënë: “Kushtet ishin të vështira dhe kundërshtarët tanë bënë gjithçka për të fituar. Ata e bënë shumë të vështirë për ne, por gjëja më e rëndësishme, në fund të fundit, janë tri pikët”.

[RaPSouL]

Werder do ta zgjasë kontratën me Diegon

Klubi gjerman, Werder Bremen, është duke bërë përpjekje për të zgjatur qëndrimin e Diegos në Weser Stadion, pas një eksperience të hidhur, me humbjen e sulmuesit, Miroslav Klose.

Pas largimit të Kloses drejt Bayern Munichut, Bremen është i gatshëm për një ofertë të re, të përmirësuar, për yllin e mesfushës, Diego, me qëllim ta mbajnë atë në Weser Stadion, në të ardhmen.

22-vjeçarit do t’i ofrohet kontratë deri në vitin 2012, që do t’i sjellë atij 4 milionë euro në vit. Kontrata e tashme e tij është deri në vitin 2010, derisa me kontratën e re ai do të jetë futbollisti i dytë më i paguar në Bremen, pas Torsten Frings (4.2 milionë euro).

“Paraqitjet e lojtarit duhet të merren në konsideratë kur bëhet ofertë për kontratë”, ka sqaruar menaxheri i klubit, Klaus Allofs.

Udhëheqësit e klubit gjerman tashmë kanë filluar negociatat me babanë e tij, Djair Cunha, i cili është po ashtu edhe menaxher i lojtarit.

Edhe braziliani ka shprehur dëshirë për të mbetur në Bremen, duke thënë: “Ndjehem mirë këtu. Klubi më ka dhënë shansin të tregoj çfarë mund të bëj”.

[DORJANBITI]

Djalli” shtrëngon fort Kakanë
“Kemi gati 90 milion euro për Kakanë!”. Kjo frazë ngjalli shumë dyshime te tifozët e Milanit, të cilët, për një çast, pyetën veten: “Vërtetë Riki do të linte skuadrën kuqezi për disa miliarda më shumë?”. Por, përgjigjia e fantazistit brazilian nuk vonoi: “S’kam ndër mend që të largohem, sepse të gjithë besojnë te mua dhe deri kur presidenti Berluskoni do të më cilësojë si të pashitshëm, jam në pronësi të “Djallit”. Me kaq e mbyllim!”. Dhe, “galaktikët”, të paktën për momentin, këtë sezon të saponisur, kanë hequr dorë, duke shpenzuar para në investime të tjera: Pepe, Drende, Roben. Aktualisht, rroga e “Djaloshit të Artë” prek shifrën 6 milion euro, askush nuk fiton sa milanisti në Serinë A (Toti vjen pas brazilianit, 5,5 milion euro). Por, plani i kampionëve të Europës është një tjetër: të modifikojë gradualisht rrogën e lojtarit të “Seleçaos”. Administratori i deleguar i Milanit, Adriano Galiani, ka analizuar me kujdes situatën e Rikit, duke e mbyllur përfundimisht çështjen e tij dhe duke mos i lënë hije dyshimi publikut, për një “lamtumirë” të tipit Shevçenko Kakasë. Drejtuesit e Milanit, në një takim të fshehtë, duket se kanë arritur një marrëveshje si me babain e futbollistit, ashtu edhe me lojtarin, deri në vitin 2012. Kontrata e re parashikon një rrogë prej 7 milion eurosh për sezonin 2008﷓2009 dhe një rritje për çdo vit: kështu, sipas kësaj linje, Kaka do të përfitojë 8 milion në 2009﷓2010, deri në 10 milion nga 2010 deri 2012﷓n

[DORJANBITI]

Maluda: Më pëlqen sfida te blutë
Florent Maluda ka këmbëngulur se është ende duke u përshtatur me lojën e kampionatit anglez, por e pranon se kjo vjen nga që prejk lojtarëve të Çelsit pritet një rendiment dhe nivel loje tepër i lartë. Francezi iu bashkua klubit londinez këtë verë, i blerë për13 milionë stërlina nga Lioni dhe deri tani ka qenë titullar në pesë ndeshjet e kampionatit. Maluda pranoi se konkurrenca për vende në skuadër te Çelsi është e zjarrtë, por shtoi gjithashtu se është gati të përballojë sfidën për të qenë i suksesshëm në "Stamford Bridge". "Jam për bukuri te Çelsi. Sigurisht që nuk jam përshtatur ende plotësisht, por jamë në një periudhë të mirë. Kjo nuk është aspak e habitshme, duke pasur parasysh se tani jam në një klub si Çelsi. Nuk do të jetë gjithmonë fushë me lule, do të ketë patjetër disa vështirësi. Pikë së pari, ka një konkurrencë shumë të fortë. Pa harruar që në Angli ka një tjetër kulturë. Më duhet të "përtyp" këto ndryshime, por jam i lumtur, sepse është një sfidë e re dhe emocionuese. Eshtë diçka fantastike të ndodhesh në këtë situatë, kur të gjithë presin shumë prej teje. Kjo më jep më shumë përgjegjësi dhe më pëlqen shumë kjo". Maluda shpjegoi gjithashtu se nuk është i interesuar që të zërë faqet e para të gazetave, por preferon të jetë një lojtar skuadre. "Nuk kërkoj të më dalë emri te titulli kryesor i gazetave. Thjesht dua të jem efektiv në atë që bëj dhe gjithmonë trajnerët e kanë vlerësuar punën time"