Zgjedhjet parlamentare 2014 ne Kosove

[Llapi]

[Llapi]

Ahmeti: Siç e fituam Prishtinën pa para, ashtu do ta fitojmë Kosovën



Lëvizja Vetëvendosje! ka zhvilluar takimin e radhës në fshatin Zhegër. Në këtë takim ishin prezentë kandidatët e Lëvizjes Vetëvendosje nga Gjilani për deputetë, si dhe kryetari i Komunës së Prishtinës, Shpend Ahmeti.

Ahmeti tha se “unë i vetëm nuk jam i fuqishëm, por ajo që më bënë të tillë është familja e quajtur Vetëvendosje”.

“Sikur në Prishtinë, ku fituam pa shuma të mëdha parash, pa ndihmë të bizneseve, por vetëm me punë dhe angazhim, ashtu do të fitojmë edhe Kosovën e gjendja e qytetarëve tanë do të ndryshojë për të mirë”, ka thënë ai.

Ahmeti tha se implementimi i këtij programi do të thotë barazi e sundim të ligjit, zhvillim ekonomik e hapje e vendeve të reja të punës, dhe mirëqenie sociale për Kosovarët. /RajoniPress/

http://www.telegrafi.com/lajme/ahmet...n-2-45358.html

Kryetari Ahmeti qytetarëve: Jepini para Vetëvendosjes (Video)



GazetaExpress E diel, 25 Maj 2014 08:59
Kryetari i Prishtinës, Shpend Ahmeti, përmes një video në postuar në YouTube dhe të shpërndarë në Facebook, ka kërkuar donacione për fushatën e Lëvizjes Vetëvendosje.


http://www.youtube.com/watch?v=qsozwpjoxgE#t=85

[Llapi]

Kryetari Ahmeti qytetarëve: Jepini para Vetëvendosjes (Video)



GazetaExpress E diel, 25 Maj 2014 08:59
Kryetari i Prishtinës, Shpend Ahmeti, përmes një video në postuar në YouTube dhe të shpërndarë në Facebook, ka kërkuar donacione për fushatën e Lëvizjes Vetëvendosje.


http://www.youtube.com/watch?v=qsozwpjoxgE#t=85

Arifaj: Do ta ndihmojmë Vetëvendosjen me 15 euro (Video)


GazetaExpress E diel, 25 Maj 2014 21:54
Kryetari lexhendar, Visar Arifaj do ti përgjigjet thirrjes së Shpend Ahmetit për të dhuruar para.

Ai ka thënë për KlanKosovën se 10 euro mund të jetë minimumi, por mund të shkojnë edhe në 15 euro.

Arifaj ka thënë se kur kanë ndihmuar me para Vetëvendosjen në zgjedhjet lokale, menjëherë është vërejtur efekti.

Arifaj ka thënë se premton që ‘Partia e Fortë’ nuk mund të mos ofrojë para për partitë tjera, sepse nuk e lejon etika.

[Antiproanti]

Hoxha: Komunën do ta çojmë në Kuvend, e Kuvendin në muze

Me Lëvizjen Vetëvendosje do të zbutet varfëria e pabarazia, tha kryetari i saj Albin Kurti. Këtë bindje ai e ka shprehur para qytetarëve të Prishtinës në tubimin që u mbajt sonte në sheshin “Adem Jashari” në Prishtinë.

“60 valë të privatizimit, na e kanë djegur industrinë dhe kjo paqe sociale të cilën ne e shohim vjen prej emigrantëve që i kemi, pra prej mërgatës tonë. E vetmja shoqëri me zhvillim të qëndrueshëm dhe me harmoni të brendshme është ajo në të cilën ata që fitojnë më pak paguajnë më pak, kurse ata që fitojnë më shumë paguajnë në shumë për të mirën e përgjithshme”, ka thënë Kurti.
Për këtë, ai ka thënë se Vetëvendosje propozon tatimin progresiv, por edhe TVSH-në e përshkallëzuar ku produktet bazike do të kushtojnë më lirë. Ai gjithashtu tha se me planin afatgjatë parashihet edhe ndërtimi i një banke publike që do të ndihmojë investimin dhe zhvillimin në përgjithësi.

Kurse kryetari i Prishtinës Shpend Ahmeti, Kurtin e ka parë si kryeministër të ardhshëm të Kosovës. Ai ka thënë se Kurti do ta luftojë korrupsionin në nivel vendi.

“Deri tash, 55 dosje i kemi dërguar në prokurori dhe jemi të bindur se me Vetëvendosjen do ta kthejmë edhe drejtësinë, edhe besimin në drejtësi. Ju i dini kryetarët e tjerë të komunave se çfarë problemesh kanë me ligjin. Tash janë dy mundësi: ose të kemi lajme për skandale, ose lajme për kryeministrin më trim të Evropës”, ka thënë Ahmeti.

Ndërkaq, kandidati për deputet të Kuvendit të Republikës së Kosovës Ylli Hoxha ka shpjeguar se pse është zgjedhur sheshi “Adem Jashari” për t’u mbajtur ky tubim.

“E kemi zgjedhur këtë vend sepse është përballë Komunës së Prishtinës, prapa Parlamentit të Kosovës, anash Bashkimit Evropian dhe anash muzeun. Tash duhemi me e marr Komunën, ta çojmë në Kuvend, e Kuvendin në muze”, ka thënë Hoxha.

http://koha.net/?id=27&l=11437

[busavata]

Bundestagu gjerman e ka bërë të qartë: dera e Europës është e mbyllur për ata që qëndrojnë prapa krimit dhe korrupsionit. Këto janë tema që u diskutuan në Bundestagun gjerman për Kosovën.
Deputeti i Bundestagut gjerman që vjen nga partia CDU, Michael Brand, në fjalën e tij një ditë më parë ka folur për situatën në Kosovë, të cilën e përshkruan si të keqe, në veçanti, të kapur nga korrrupsioni.

"Mungesa e sukseseve, jo vetëm të EULEX-it, por edhe të shumë organizatave të tjera ndërkombëtare, është në thelb pasojë e dukshme e refuzimit të qeverisë kosovare për të luftuar seriozisht korrupsionin dhe krimin. Edhe ne duhet ta pranojmë që shumë vonë e kemi kuptuar që ky problem i ka ngërthyer dhe ka rrezik t'i përfshijë strukturat shtetërore. Këtu nuk kemi të bëjmë me një banalitet. Njerëzit e thjeshtë në qytete dhe fshatra vuajnë rëndë nga ky zhvillim. Pikërisht këta njerëz janë ata, të cilët besojnë tek KFOR-i - si shtyllë e shtetit ligjor dhe drejtësisë.

Brand ka thënë në fjalën e tij para Bundestagut gjerman se pozicioni gjerman është i qartë si loti: dera për në Europë është e mbyllur për ata që qëndrojnë prapa krimit dhe korrupsionit.

“Pozicioni gjerman është i qartë si loti: Dera për në Evropë është e mbyllur për ata që qëndrojnë pas krimit dhe korrupsionit. Kush e mbështet korrupsionin, nuk mund të llogarisë me mbështetjen tonë. Për BE-në dhe NATO-n vlen: Kush dëshiron të ndalojë përhapjen e mëtejme të strukturave kriminale, duhet të ketë kurs të qartë. Ne duhet dhe do ta mbrojmë veten dhe të tjerët nga kanceri politik i korrupsionit dhe krimit. Për mandatin e KFOR-it kjo do të thotë: kush dëshiron të mbrojë dhe forcojë të gjithë ata që duan të ndërtojnë një shtet vërtet ligjor, duhet të miratojnë zgjatjen e mandatit."

[Llapi]

Thaçi: Ne punojmë, opozita ankohet
21:49 / E diel, 25 Maj 2014

Misioni i Ri buron nga ndërmarrësit dhe nevojat e qytetarëve e jo nga zyrat, tha kreu i PDK-së, Hashim Thaçi, duke e prezantuar fondin e punësimit dhe misionin e ri para afaristëve dhe qytetarëve të Pejës.

“Misioni i ri është motori i ndërmarrësisë kosovare. Peja ka shumë ndërmarrës dhe biznesmenë të suksesshëm, prandaj do të jetë edhe një nga përfituesit më të mëdhenj në Fondin e Punësimit. Prioritet i këtij fondi do të jetë zgjerimi i bizneseve ekzistuese dhe krijimi i bizneseve të reja, të cilat do të rrisin dukshëm edhe numrin e të punësuarve”, theksoi Thaçi.

Ai shtoi se edhe rritja e pagave “ka ngjallur reagime dhe disa opozitarë kanë shkuar edhe në selinë e Fondit Monetar dhe janë ankuar për këtë rritje”.

“Ata ankohen gjithmonë, por opozita po harron që Kosova është shtet i pavarur dhe se ne kemi kurajo dhe përgjegjësi të marrin vendime për të mirën e qytetarëve të vendit”, shtoi Thaçi.

[Antiproanti]

Dokumentet zvicerane: Thaçi nuk është themelues i UÇK-së



Pretendimet kryesore të kryeministrit të Kosovës në largim se ai është themelues i Ushtrisë Çlirimtare të Kosovës (UÇK) hidhen poshtë nga disa dokumente të shtetit zviceran, që i ka siguruar gazeta “Zëri”. Madje, nuk ka asnjë dëshmi se Hashim Thaçi ka dorëzuar punim seminarik në Universitetin e Zurich-ut.

Në raportin e shërbimit sekret të Zvicrës të vitit 1998 “Mbi gjendjen në Kosovë”, prezantohen fakte diametralisht të kundërta nga ato që prezantohen në biografinë e Thaçit, siç shkruan në faqen e internetit të Kryeministrisë se: “Z. Hashim Thaçi është ndër themeluesit kryesorë të Ushtrisë Çlirimtare të Kosovës (1992)”...(Shkrimin e plotë mund ta lexoni në numrin e sotëm të gazetës zëri)
http://www.zeri.info/artikulli/35502...melues-i-uk-se

[Antiproanti]

Mustafa: “Zagarët” e Thaçit nuk kanë forcë të më vrasin, duan të më arrestojnë




Kreu i Lidhjes Demokratike të Kosovës, Isa Mustafa ka reaguar pas deklaratave të ministrit në largim të Financave, Besim Beqaj i cili ka thënë se Mustafa mund të arrestohet.

Mustafa këto deklarata i ka quajtur siç ka thënë ai të “zagarëve” të kryeministrit në largim Hashim Thaçi.

Lexojeni reagimin e Isa Mustafës:


Edhe ju po i dëgjoni shërbëtorët e Hashim Thaçit në emisionet e Klan Kosova se si po më arrestojnë çdo ditë. Kjo është punë e zagarëve. Hashim Thaçi i ka lëshuar zagarët, sepse po frikësohet që po i shuhet magjeja e qeverisë korruptive.

Lexova këto ditë disa shkrime ne gazetën Koha Ditore lidhur me vlerësimet e NATO-s për krimet e ndodhura në Kosovë dhe rrjetin e krimeve.

Me doli se është më lehtë të përballesh me zagarët sesa me gjahtarët. Këta nuk kanë forcë të më vrasin, por kanë dëshirë të më arrestojnë, sepse po e humbin pushtetin. Të ngjashmit me këta bënin gjueti pas lufte; ata vranë shumë veprimtarë të LDK-së. Sa i përket profesionit, nuk dallojnë shumë, nuk është me rëndësi a janë profesorë, ministra apo gazetarë. Sepse, mendësinë e kanë vrastare. /rtk/

http://www.telegrafi.com/lajme/musta...e-2-45373.html

[Llapi]

[Antiproanti]

Nuk gjendet asnjë punim i Thaçit e Halitit në Universitetin e Cyrihut




Hashim Thaçit dhe Xhavit Halitit nuk u është gjetur asnjë e dhënë se kanë kryer çfarëdo punimi në Universitetin e Cyrihut, gjatë periudhës kur ata pretendojnë se kanë qenë studentë postdiplomik në Zvicër.

Sipas biografisë së kryeministrit në largim, në faqen e internetit të Qeverisë së Kosovës, ndër të tjera thuhet: “Në Universitetin e Cyrihut në Zvicër (1996), i ndjek studimet postdiplomike, në lëmin e Historisë së Evropës Juglindore dhe Shkencave Politike, deri në fillim të vitit 1998”. ()

Mirëpo, gjatë një debati në Këshillin e Qeverisë Kantonale të Cyrihut, mbajtur në marsin e vitit 2013, dokument i protokolluar, që e posedon gazeta “Zëri”, shkruan se, ndër të tjera ishte thënë se për Thaçin dhe Halitin nuk ka asnjë të dhënë se kanë kryer ndonjë punim seminarik ndonjëherë.

“Ne sektorin e Historisë se Evropës Lindore nuk ka punime seminarike të personave të kërkuar. Është në pikëpyetje nëse ata kanë punuar ndonjëherë punim seminarik”, ka qenë përgjigjja zyrtare e Qeverisë Kantonale në një mori pyetjesh të këshilltarit të Bylachut, Claudio Schmid.

Ky i fundit, në janar të vitit 2013 i kishte dërguar Këshillit Qeveritar Kantonal, të Cyrihut, kërkesë për debat së bashku me 8 pyetjet për veprimtarinë e Thaçit dhe Halitit, gjatë qëndrimit në Zvicër. Përgjigjet, nga Qeveria Kantonale e Cyrihut atij i janë dhënë në muajin mars, ku ndër të tjera thuhej se Thaçi kishte një “certifikatë jugosllave të arsimit” dhe me atë ishte pranuar në Universitetin e Cyrihut.
http://www.zeri.info/artikulli/35535...etin-e-cyrihut