Zgjedhjet parlamentare 2014 ne Kosove

[Antiproanti]

Alma Lama Hashimit: Me ç'para hani dreka e darka?!



Deputetja e LDK-së, Alma Lama i ka drejtuar disa pyetje retorike kryeministrit Thaçi.

Ajo ka dashur të thotë përmes këtyre pyetjeve, se kryeministri po ha dreka e darka.

"Si ka mundësi qe perdite te shtroje darka e dreka kryeministri? Me cilat para? Ku i ka marre? Nga tenderët, bizneset qe i zhvat partia e tij apo financuesit e dyshimte? Ky fenomeni i drekave dhe darkave qe me shume duket blerje vote me paratë e popullit, është një ironi i jashtëzakonshme për ata 400 mije te papune te cilët llogarisin se si do ta mbyllin ditën, ne ankthe për te nesërmen. ", ka shkruar Lama.

Ajo është shprehur në fund se Thaçit po i vjen fundi, pasi po punon për veten dhe për ata që mban pas vetes dhe jo për popullin.

http://www.zeri.info/artikulli/35649...-dreka-e-darka

[Antiproanti]

Nisma... e quan diktator... dhe uzurpues Thaçin

Statistikat e Hashim Thaçit nuk mund ta fshehin faktin se populli shqiptar i Kosovës është populli më i varfër në Evropë! Nëse procesi për organizimin e zgjedhjeve të 8 qershorit 2014 po shoqërohet me shkelje të rënda, Hashim Thaçi është kampioni i mospërfilljes së etikës demokratike e ligjore.


Uzurpuesi i funksioneve reale të Institucionit të Presidencës, diktatori i Qeverisë së Kosovës, despoti i Partisë Demokratike të Kosovës, censori i medieve publike nuk ka të ndalur me keqpërdorimin e segmenteve jetike të shoqërisë sonë.

Skandali i fundit, që duhet të dënohet nga të gjithë, është manipulimi me kuadrin pedagogjik dhe arsimor, me policë, me doganierë, me gjyqtarë të Gjykatës Kushtetuese..., thoitë kumtesa nga Nisma për Kosovën.

Sa për ilustrim po përmendim faktin se në spotin televiziv “MISIONI i RI”, në mënyrë të paligjshme, nxjerr para kamerave arsimtarë, veteranë të luftës çlirimtare, policë në uniforma dhe zyrtarë të administratës shtetërore të Doganave të Kosovë që të propagandojnë “rezultatet” e Hashim Thaçit.
NISMA për Kosovën dënon instrumentalizimin e kuadrit pedagogjik dhe arsimor, veteranëve të luftës, policëve, doganierëve, gjyqtarëve dhe profesioneve tjera që duhet të mbeten jashtë çdo fushate partiake.

Pa marrë parasysh arsyet e daljes në këtë spot, ne nuk jemi që të ndërmerren masa ndëshkimore kundër personave të tillë. Sepse, fundi i fundit, edhe ata janë viktima të despotizmit të Hashim Thaçit!

http://koha.net/?id=27&l=11612

[Antiproanti]

Nepotizmi është e përbashkëta e PDK-së dhe LDK-së



Nepotizmi, korrupsioni dhe keqmenaxhimi janë shndërruar në lëngatë të madhe të Kosovës. Varfëria e madhe në Kosove është produkt i drejtpërdrejtë edhe mentalitetit qeverisës të Partisë Demokratike të Kosovës dhe Lidhjes Demokratike të Kosovës. Qeverisja e PDK-së dhe LDK-së janë shoqëruar me shume përfitime personale, biznesore e familjare. Këto u thanë gjatë konferencës së Lëvizjes VETËVENDOSJE! nga kandidatët për deputetë Ylli Hoxha dhe Merita Mustafa.

Institucionet që janë shfrytëzuar më së shumti për punësimin e familjarëve të zyrtarëve të PDK-së dhe LDK-së Posta dhe Telekomunikacioni i i Kosovës, Aeroporti Ndërkombëtar “Adem Jashari: dhe sistemi i ujësjellësit “Ibër Lepenc”. Në PTK politikanët tanë kanë punësuar familjarë, nipër, halla e dajë. Me këtë mënyrë jo vetëm që kanë ngarkuar buxhetin publik, por kanë shtrirë ndikimin, me të cilin më tutje kanë zhvilluar afera korruptive. Si shembull që kjo lëngatë ka arritur kulmin, është edhe punësimi i përfolur në aferën “Pronto”. Adem Grabovci më në fund e realizoi qëllimin e tij, pra rehatimin e dajës së tij, Curr Gjocaj-, i cili tash është edhe Drejtor i Departamentit të Shërbimeve Shëndetësore në Ministria e Shëndetësisë.

Hoxha dhe Mustafa kanë zbuluar disa nga emrat e familjarëve të afërt të zyrtarëve të PDK-së dhe LDK-së, të punësuar në PTK.

1.Adem Grabovci – ish shef i grupit parlamentar të PDK-së - e ka të punësuar bashkëshorten në “Ibër Lepenc” dhe këtë e deklaron në vitin 2012.
2.Bekim Haxhiu – ish deputet i PDK-së - e ka të punësuar bashkëshorten në PTK.
3.Latif Gashi – ish deputet i PDK-së - i ka të punësuar fëmijët në ANP dhe Agjencionin Kosovar të Pronave.
4.Blerand Stavileci – ministër i qeverisë Thaçi- e ka të punësuar bashkëshorten në PTK.
5.Driton Lajçi – punon vetë si këshilltar në Ministrinë e Drejtësisë dhe njëkohësisht në PTK .
6.Bekim Çollaku – ish këshilltar i Kryeministrit - bashkëshortja i punon në Aeroport
7.Bajram Rexhepi – ministër – bashkëshorten e punësuar në PTK.
8.Fadil Demaku –deputet i PDK-së – bashkëshorten e punësuar në PTK.
9.Skender Hyseni – deputet i LDK-së - në vitin 2012 e ka punësuar fëmijën në Aeroport –LDK.
10.Sabri Hamiti – deputet i LDK-së – e ka të punësuar bashkëshorten në kuvendin komunal – LDK./BS
http://botasot.info/zgjedhjet-2014/3...se-dhe-ldk-se/

[Llapi]

[Llapi]

Thaçi: Do të krijojë Ministrinë e Teknologjisë dhe Informacionit

Prishtinë E martë, 27 Maj 2014 14:02
KosovaPress

(E plotësuar) Kryeministri në largim njëherit kreu i PDK-së, Hashim Thaçi, duke prezantuar ‘Misionin e Ri’ para studentëve ndërmarrësve të teknologjisë dhe informacionit, tha se në qeverisjen e tij në katër vitet e ardhshme, një ndër prioritetet kryesore do të jetë edhe fusha e teknologjisë dhe informacionit.

Lideri i PDK-së tha se elementi kyç në këtë sektor është cilësia e burimeve njerëzore dhe talenti, ku sipas tij, Kosova duke patur popullin më të ri në Evropë ka potencial të madh që të bëhet konkurruese në këtë sektor. Derisa, ka premtuar se do të heq TVSH-në për produktet e teknologjisë. Kurse, ka premtuar krijimin e Ministrisë së Teknologjisë dhe Inovacionit.

Në vazhdën e paraqitjes së Misionit të Ri, kryetari i PDK-së, njëherësh kryeministër në largim, Hashim Thaçi, tha se në kuadër të Fondit të Punësimit i cili do të ketë 1.5 miliardë euro, një ndër prioritetet ka për të qenë financimi i kompanive që operojnë në fushën e teknologjisë së lartë dhe të informacionit.

“Në mandatin tim të ardhshëm qeveria ime do të marrë hapa konkret për të rritur transferimin e teknologjisë në Kosovë, katërfishimin e buxhetit për kërkime shkencore dhe rritjen e numrit të bursave për këtë fushë. Por rritja e përdorimit të teknologjisë së lartë nuk është i rëndësishëm vetëm për sektorin privat, por edhe për atë publik. Qeverisja elektronike, pra përdorimi i teknologjisë së informacionit dhe komunikacionit për të mundësuar një qeverisje sa më të mirë, ka qenë dhe do të ngelet një prioritet të qeverisë sime”, tha Thaçi.

Kreu i PDK-së tha se aplikimi më i thellë dhe i gjerë i qeverisjes elektronike ka pasur për qëllim shërbimet më cilësore e të shpejta për publikun, kursimin e fondeve publike, procese më efikase dhe të shpejta të administratës dhe qeverisjes dhe ajo që është më e rëndësishme, një nivel më të lartë transparence për publikun.

Thaçi, ka paraqitur edhe disa prej arritjeve të deritanishme të qeverisë që ia ka drejtuar në zhvillimin e kësaj fushe.

[Antiproanti]

Raporti i NATO-s sikur “skenar filmash” që rrëfejnë të keqen në Kosovë

Politika dhe bandat kriminale të lidhura me vrasje, trafiqe droge, duhani e nafte janë të mishëruara me njëra-tjetrën në një trup të vetëm, raporton KTV.

Kështu i pasqyron njerëzit e “mëdhenj” të Kosovës raporti inteligjencës së NATO-s, por reagimet politike për to janë shumë të zbehta, ndryshe nga Bundestagu gjerman, i cili këtë raport e ngriti si fakt shqetësues.

Por, raportet e inteligjencës së NATO-s, ku prin lideri i PDK-së, Hashim Thaçi, e shefa të tjerë të partisë së tij, të pasuar nga zyrtarë të AAK-së, LDK-së, Vetëvendosjes e Aleancës Kosova e Re, analisti Halil Matoshi i sheh si të vonuara e cinike, pasi sipas tij, ishte po kjo organizatë që i dha dorë kësaj strukture në emër të stabilitetit të vendit.

Raportet sekrete të NATO-s të botuara në Koha Ditore analisti Ymer Mushkolaj i ka parë si skenar filmash që kanë treguar një pasqyrë të tmerrshme të asaj që ka ndodhur në Kosovë.

KTV-ja ka provuar të marrë një qëndrim edhe nga Prokuroria e Shtetit nëse ka nisur hetimet rreth këtyre rasteve, por zyrtarë për komunikim me media kanë thënë se nuk mund të deklarohen me arsyetimin se kryeprokurori nuk ndodhet në Kosovë.

http://koha.net/?id=27&l=11693

[Llapi]

[Antiproanti]

KQZ certifikoi listën përfundimtare të votuesve




Komisioni Qendror i Zgjedhjeve mbajti mbledhjen e radhës ku edhe certifikoi Listën Përfundimtare të Votuesve (2014) për Zgjedhjet e Përgjithshme për Kuvendin e Republikës së Kosovës, e cila bazohet në Ekstraktin e Regjistrim Civil.

Lista Përfundimtare e Votuesve përmban 1 milion e 782 mijë e 454 emra të votuesve, të ndarë në tridhjetë e tetë komuna.

Votuesit e rinj që do të votojnë për herë të parë në Zgjedhjet për Kuvendin e Republikës së Kosovës, të 8 qershorit, janë 33 mijë e 735 votues.

Po ashtu, gjatë kësaj mbledhjeje, Komisioni Qendror i Zgjedhjeve mori vendim për akreditimin e 430 vëzhguesve për vëzhgimin e Zgjedhjeve të Parakohshme Parlamentare për Kuvendin e Republikës së Kosovës.

http://www.zeri.info/artikulli/35784...re-te-votuesve

[Antiproanti]

Vështirësohet rruga për në BE



Fuqizimi i partive të ekstremit të djathtë dhe të majtë në Parlamentin Evropian do ta pengojë Kosovën në procesin e integrimeve evropiane. Kështu vlerësojnë njohësit kosovarë të proceseve integruese, pas publikimit të rezultateve se euroskeptikët kanë fituar terren në zgjedhjet e fundit për Parlamentin Evropian.

Sipas tyre, dyfishimi i numrit të deputetëve të këtyre partive në Parlamentin Evropian mund ta pengojë Kosovën në rrugën e integrimit evropian, ashtu siç mund ta pengojë edhe procesin e liberalizimit të vizave. Analistët vlerësojnë se fuqizimi i këtyre partive nënkupton ndikim edhe tek partitë të tjera, që janë më të hapur rreth procesit të integrimit në Bashkimin Evropian.

Fitoren e partive të së djathtës ekstreme për Parlamentin Evropian, kryeministri francez e ka quajtur “tërmet politik”, përderisa tre grupet e partive të qendrës kanë humbur vende për parlamentin e ri...(Shkrimin e plotë mund ta lexoni në numrin e sotëm të gazetës zëri)
http://www.zeri.info/artikulli/35710...ruga-per-ne-be

[Antiproanti]

Kurti: Qeveritë kanë mbrojtur kriminelët



Lëvizja Vetëvendosje në tubimin që ka mbajtur në Malishevë ka prezantuar kandidatët për deputet nga ky qytet. Gjithashtu, VV, ka mbajtur edhe një tubim edhe në Sharr.

Kryetari i Prishtinës dhe aktivisti Shpend Ahmeti i pranishëm në këtë tubim, gjatë fjalimit të tij është shprehur se Kosova ka nevojë për politikë të re dhe për shtet zhvillimor.

“Ne jemi për tri shtyllat e Alternativës Qeverisëse të cilat e sollën fitoren në Prishtinë. Për ta sjellë atë fitore duhet që këto ditë të jetë një rrugëtim i përbashkët deri më 8 qershor, kur Lëvizja Vetëvendosje do të ngadhënjejë”, ka thënë Ahmeti.

“Koha është tash, dhe jo për shkak të Lëvizjes Vetëvendosje por për shkak të popullit”, ka vlerësuar Ahmeti.

Kryetari Albin Kurti është tha se qytetarët e Malishevës kanë nevojë për një qeveri që nuk i sundon, por u shërben.

“Më 8 qershor duhet ta shohim popullin të vendosë vetë, e kur populli vendos vetë fiton Vetëvendosje!”, ka thënë ai.

Duke folur për shtetin e së drejtës, ai tha se të gjitha qeveritë i kanë mbrojtur kriminelët, kurse ata do t'i mbrojmë dëshmitarët.

“Lëvizja Vetëvendosje pavarësisë ia shton zhvillimin, e ia heq korrupsionin. Prandaj, nuk duhet të frikësohemi nga ndryshimi, por nga përsëritja”, ka thënë Kurti. /Telegrafi/

http://www.telegrafi.com/lajme/kurti...t-2-45497.html