Humb jeten ne nje aksident automobilistik deputeti demokrat Sokol Olldashi

[Darius]

Sipas Mero Bazes (per te cilin Koli mesa mbaj mend une ka patur nje antipati te theksuar) Olldashi ka qene duke pergatitur nje lloj "revolucioni" brenda PD-se

Ja çfarë po planifikonte Olldashi !



Deputeti Sokol Olldashi ishte në një nga momentet më të rëndësishme të karrierës së tij politike. Një lëvizje brenda PD-së po formatohej me shpejtësi, ndërkohë që sinjalet e para ishin fjalimi i tij i pazakontë në seancën e fundit të Kuvendit dhe dalja e pritshme në emisionin politik Opinion.

“Do të fliste mbi arsyet përse PD humbi në zgjedhje, për përgjegjësitë e Sali Berishës, për goditjen morale që iu dha PD-së për hir të idesë të qëndrimit në pushtet me çdo kusht, dhe problemet që shoqërojnë lidershipin e Lulzim Bashës. Ky mund të ishte një nga momentet më të vërteta të jetës së tij politike, që nuk ia doli të bëhej – thotë Mero Baze, i cili ka pohuar se kohët e fundit takohej shpesh me Olldashin.

Baze flet në editorialin e fundit edhe për bisedën e fundit që ka patur me Olldashin mbi ndjesitë e tij të reja politike, shkruan në numrin e saj të sotëm gazeta Dita.

“Në bisedën e fundit që pata me të, më tregoi një episod nga fushata elektorale, ku ai kishte ndjerë se do të humbnin. Në një fshat të Mallakastrës, natyrisht i majtë, pasi kish folur gjatë dhe kish premtuar, kish dashur t’i prekë në sedër meqë ishin të majtë dhe u tha: “Unë nuk jam deputet nga ata që thonë dhe po të var xhaketën në Mallakastër, votat i kam”. Ishte fjala për një batutë të dikurshme të Kastriot Islamit për votat e majta të Mallakastrës.

“Kur mendova se po i prekja në sedër, m’u ngrit një burrë dhe kërkoi të fliste. Më lavdëroi si deputet që kisha asfaltuar ca rrugë, por pastaj vazhdoi: ‘atë që varte xhaketën këtu në Mallakastër në emër të PS-së, tani e keni marrë në krye të vendit në PD. Kur bëni pazare të tilla lart, na lini të bëjmë dhe ne ndonjë pazar këtu poshtë se nuk jemi budallenj të na hidhni hi syve’…
-Më tronditi ai përfundim, tha, dhe nuk m’u nda nga mendja deri më 23 qershor. Aleancat tona amorale duket se kishin bërë punën e tyre tek qytetari i thjeshtë dhe kjo u pa qartë. Elektorati imitoi amoralitetin si mënyrë veprimi për të na ndëshkuar. Ishte ky një nga ilustrimet që i bënte në biseda analizës së tij për humbjen e PD-së. Kishte dhe plot detaje të tjera – tregon Baze.

[BOKE]

Keshtu si u be kjo pune, pa asnje sqarim nga hetuesia e policia, kjo ngjarje do ngelet enigme dhe per shume vite; do jete si teori konspirative.

[shigjeta]

Te gjitha teorite konspirative nuk do ishin kaq te shumtar, sikur te kishte qofte edhe nje deklarate zyrtare nga instuticioni perkates, ne kohen e duhur, qe ne kete rast do bente vetem detyren duke dhene nje njoftim minimal. Nuk duket se ka nevoje per ndonje hetim te madh per te thene sa njerez ishin te perfshire ne kete aksident.
Eshte me e pakta qe mund te behet per te mos u neperkembur emri i nje te vdekuri...

Ca si Baze jane perfekt per telenovela, vetem gazetari jo.

[Alti Elezi]

Te gjitha teorite konspirative nuk do ishin kaq te shumtar, sikur te kishte qofte edhe nje deklarate zyrtare nga instuticioni perkates, ne kohen e duhur, qe ne kete rast do bente vetem detyren duke dhene nje njoftim minimal. Nuk duket se ka nevoje per ndonje hetim te madh per te thene sa njerez ishin te perfshire ne kete aksident.
Eshte me e pakta qe mund te behet per te mos u neperkembur emri i nje te vdekuri...

Ca si Baze jane perfekt per telenovela, vetem gazetari jo.

Ku e njeh Bazen ti moj cupe.....dergoi nje email privatisht dhe pyete pse kohet e fundit po shoqeroheshe shume me Olldashin??a kishe planifikuar ndonje takim me Arzivune???kush eshte Corapja??

[Alti Elezi]

Njoftim
Shoqata “Zagari dhe Gjuetari”, duke patur parasysh kohen e keqe qe pritet me mbizotoroje kete sezon dimeror, si dhe daljen e burgaxhinjve nga burgu I sigursie se larte, i ben thirrje anetrave te Komitetit Qendror te partise Demokratike, si dhe deputetve te saj qe mendojne ndryshe nga shoku Sali dhe nenkryetari Lulzim se:
1. NDALOHET RREPTESISHT TE KRYENI UDHETIME NATEN APO DITEN NE QAFA MALESH APO KODRA SE KA QAFA KU PARTIA KA HAPUR “GROPA” GATI
2. NDALOHET RREPTESISHT DALJA PER GJUETI JASHTE QYTETIT PAVARSISHT SE CFARE ZAGARI KENI ME VEHTE
3. NDALOHET TE SHKONI NEPER MOTELE APO HOTELE ME DASHNORE APO SEKRETARE
4. NDALOHET RREPTESISHT TE DILNI TE BENI DIVERSION POLITIK JASHTE LINJES SE PARTISE NEPER STUDIO TELEVIZIVE SE DO MERRNI VETEN NE QAFE POR EDHE KALAMAQRIT
5. NDALOHET PERDORIMI I CELULARVE NEPER GREMINA APO HUMNERA
6. NDALOHET TE VINI RRIPIN E SIGURIMIT NE CDO LLOJ UDHETIMI ME MAKINE, DHE SHPEJTESIA E MAKINES TE MOS TE JETE ME PAK SE 100KM/ORE
7. NDALOHET TE MBANI DOKUMENTA IDENTIFIKIMI ME VETE SEPSE PARTI JU GJEN EDHE PA I PATUR ATO, SEPSE JU NJEH QE NE SURRAT SE KUSH JENI
8. NDALOHET TE JENI ESELL NE MAKINE DHE REKOMANDOHET TE KENI KTHYER SE PAKU NJA 3-4 DOPIO RAKI OSE ALKOLRA DHE PIJE ALOKOLIKE ME NGJYRE
9. NDALOHET TE VDISNI PA NJOFTUAR ME PARE PARTINE DHE KOMITETIT QENDROR TE SAJ, NE TE KUNDERT NUK DO TE VARROSENI NE VARREZAT E DESHMORVE
10. NE RAST AKSIDENTI NJOFTONI PARTINE DHE POPULLI QE PO VDISNI ME CELULAR NE DORE PER TE MIREN E PARTISE DHE POPULLIT, MBYLLNI DYERT SE MOS JU FUTET UJKU NE MAKNE, PASI DASHNORJA APO SEKRETARJA TE KETE DALE NE MAKINA PA I PARE NJERI
11. FAMILJARE U NDALOHET QE NE RAST AKSIDNETI ME VDEKJE TE KERKOJNE AUTOPSI DHE HETIM MJEKOR LIGJOR
Shoqata “Zagari dhe Gjuetari”,
QAFE KERRABE 25.11.2013

[Alti Elezi]

Kush mendohet se eshte arsyeja pse Sokol Olldashin mund ta kene eleminuar?

Kujt i interesonte vdekja e Olldashit dhe cfare faktesh dinte ai qe i mbyllen gojen?

Basha kompleksohet nga aksidenti i Olldashit, sajon takime dhe amanete imagjinare


Basha kompleksohet nga aksidenti i Olldashit, sajon takime dhe amanete imagjinare
Thellohen më tej dyshimet dhe misteret rreth aksidentit fatal, ku gjeti vdekjen një nga figurat më potente dhe karizmatike të Partisë Demokratike, Sokol Olldashi. Tentativa e Lulzim Bashës për të shuar dyshimet rreth aksidentit, ka shtuar më tej pikëpyetjet rreth versioneve për mënyrën se si Sokol Olldashi humbi jetën natën e 20 nëntorit. Nguti i bashkëkryetarit të PD, Lulzim Basha, për t’i paraqitur si të mrekullueshme raportet me Sokol Olldashin, e bëjnë më të dyshimtë vdekjen e këtij të fundit. Edhe pse dihej zyrtarisht se Sokol Olldashi ishte rreziku kryesor për pozitat e Lulzim Bashës në PD, ky i fundit tentoi dje ta paraqiste Olldashin si bashkëpunëtorin e tij kryesor. Shqetësimin, rivalin dhe makthin e tij më të tmerrshëm brenda PD, Basha tentoi ta paraqiste dje si krahun e tij të djathtë në aksionin opozitar. Madje, Basha arriti deri aty sa të sajonte amanete dhe takime imagjinare. “Sokoli iku në kulmin e moshës, në aksidentin fatal të së mërkurës, që na veshi në zi të gjithëve. Nuk mund të linte amanete, por unë dhe ju e dimë mirë se opozita e fortë, ballore dhe e pandashme kundër qeverisë Rama-Meta ishte gjithashtu kredoja e tij politike, se kohezioni opozitar, në respekt të lirisë demokratike të diskutimeve dhe debateve, ishte gjithashtu formula e tij për fillimin e ri dhe ringritjen që synojmë”, tha Basha.

Takimi imagjinar

Lulzim Basha, gjatë mbledhjes së djeshme të grupit parlamentar, ka folur rreth një takimi me Sokol Olldashin, pak ditë para aksidentit fatal. “Po evokoj shkurtimisht në këtë mbledhje takimin shumë të përzemërt dhe të hapur që patëm vetëm pak ditë para aksidentit tragjik. Folëm shtruar për zhvillimet politike, ndamë të njëjtat pikëpamje për qeverinë e shumicës së sotme, që është shndërruar në faktor rreziku për demokracinë dhe ekonominë shqiptare me paligjshmërinë dhe arbitraritetin e saj të ngritur në sistem brenda një kohë të shkurtër. Ndamë gjithashtu bindjen se përballë këtyre sfidave grupi ynë parlamentar dhe mbarë Partia Demokratike duhet të vazhdojmë të qëndrojmë fort me fakte, profesionalizëm dhe argumente, me bashkim dhe kohezion të fortë opozitar, duke bërë nul në këtë mënyrë çdo përpjekje apo projekt të kundërshtarëve tanë në qeveri për të futur përçarje, për të krijuar opozitën e opozitës, me qëllim dobësimin dhe eliminimin e Partisë Demokratike që është ëndrra e tyre e vjetër”, deklaroi Basha.

Bie linja anti-Basha në PD

Me shuarjen e Sokol Olldashit është shuar edhe linja e fortë anti-Basha në partinë më të madhe në opozitë. Ndarja nga jeta e Sokol Olldashit, pas aksidentit fatal automobilistik, pritet të sjellë qetësinë e shumëdëshiruar në Partinë Demokratike. Shuarja e Olldashit mund të krijojë një boshllëk të madh në reagimin opozitar në raport me qeverinë, por do të bjerë tensioni i dyshes Berisha-Basha për kundërshtarin brenda partisë. Me përcjelljen e Olldashit në banesën e fundit, familja Berisha do të kontrollojë plotësisht dhe pa kurrfarë rezistence Partinë Demokratike, nëpërmjet beniaminit të tyre, Lulzim Basha. Lufta mes grupeve dhe klaneve për dominancë në Partinë Demokratike, pati nisur në mënyrë të nëndheshme, shumë kohë para përmbysjes së Berishës në zgjedhjet e 23 Qershorit. Që kur Berisha ishte kryeministër, në PD ishin kristalizuar tre linja kryesore, të cilat luftonin për të dominuar partinë.

Basha: Të forcojmë opozitarizmin

Kryetari i Partisë Demokratike, Lulzim Basha, ka bërë dje thirrje për forcimin e opozitarizmit. “E di se ne këtë moment të gjithë i kemi sytë tek ajo buqetë me lule aty, kemi në mendje Sokolin, mikun tonë të shtrenjtë, deputetin tonë shembullor, që u nda tragjikisht nga jeta natën e zezë të mërkurës së shkuar dhe dua ta nis këtë mbledhje të Grupit Parlamentar. Secili ka diçka të vetën për të kujtuar. Tërësia e episodeve në lidhjen e tyre është përmendorja e nderimit tonë, e respektit tonë, e vendosmërisë sonë të njëzëshme për ta mbajtur të gjallë në zemrat tona kujtimin e Sokolit. Duke forcuar e modernizuar opozitarizmin, duke forcuar radhët tona, duke i zgjeruar radhët tona me një hapje të re të fuqishme të Partisë Demokratike ndaj brezit të ri dhe njerëzve të lirë të Shqipërisë, ne nderojmë kujtimin dhe veprën demokratike të mikut dhe kolegut tonë të paharruar Sokol Olldashi”, tha Basha.

Ja 35 arsyet pse aksidenti i Sokol Olldashit është i dyshimtë

1. Pas izolimit të Topallit, Sokol Olldashi ishte kundërshtari i vetëm i dyshes Berisha-Basha në Partinë Demokratike

2. Sokol Olldashi ishte pengesë për planin e dyshes Berisha-Basha për të diktuar krerët dhe anëtarët e forumeve të larta të PD në zgjedhjet e dhjetorit

3. -Sokol Olldashi do të niste një aksion për të kundërshtuar mënyrën e të bërit opozitë nga dyshja Berisha-Basha

4. -Sokol Olldashi do të kërkonte një analizë për humbjen e thellë në zgjedhjet e 23 Qershorit, gjë e cila do të shmanget nga Berisha-Basha

5. -Sokol Olldashi përfaqësonte linjën politike-ekonomike më të fuqishme në PD

6. -Sokol Olldashi do të kërkonte largimin e Bashës menjëherë pas humbjes së zgjedhjeve të para përballë të majtës

7. -Sokol Olldashi ishte kthyer në pretendentin numër një për zëvendësimin e Lulzim Bashës si kryetar i PD

8. Olldashi ishte lideri real i PD në jetën parlamentare dhe në debatet televizive

9. -Sokol Olldashi shihej si rrezik për krijimin e një parti të re në PD

10. Sokol Olldashi kishte në planet e tij politike krijimin e një lëvizje të re politike

11. -Sokol Olldashi ishte në moshën e duhur dhe në kulmin e karrierës së tij politike

12. -Ndryshe nga Basha, Sokol Olldashi njihte në thellësi strukturat e PD dhe jetën opozitare

13. -Sokol Olldashi gëzonte një mbështetje të gjerë në bazë

14. Sokol Olldashi u kthye në figurën më karizmatike dhe polemizuese në PD, duke eklipsuar Bashën, një personazh i lodhshëm për publikun dhe që bazohet në klishe të ngurta

15. Olldashi po afrohej me amerikanët pas pozicionimit të Bashës kundër Arvizu

16. Sipas ambasadorit amerikan, Olldashi kishte planifikuar zhvillimin e një vizite

17. Sokol Olldashi dinte shumë për aktivitetin e Sali Berishës në tetë vitet e fundit

18. Marrëdhëniet mes Sokol Olldashit dhe Sali Berishës ishin të ftohta pas katapultimit të Lulzim Bashës në krye të PD

19. Sokol Olldashi akuzoi Berishën për mbështetjen që i dha Bashës në garën për PD

20. Sali Berisha nuk e ktheu në kauzë vdekjen e Olldashit siç ka bërë zakonisht me deputetët e tjerë të PD, kur kanë humbur jetën

21. Pse policia prishi me shpejtësi provat në vendngjarje, duke marrë makinën me karrotrec?

22. Pse media u mbajt dy orë larg ngjarjes?

23. Pse persona të tjerë shkuan në vendngjarje para se të mbërrinin forcat e policisë?

24. Pse dëshmitë ishin kontradiktore për aksidentin?

25. Pse Igli Cara jep dy variante për telefonatën nga humnera dhe për vendndodhjen e shoferit të Olldashit?

26. A mund të telefononte Olldashi pas goditjeve të rënda në kokë dhe qafë?

27. Pse u raportua për disa orë me radhë për ekzistencën e një personi të dytë?

28. Pse u raportua se personi i dytë u nis drejt Spitalit Ushtarak dhe më pas ky variant u mohua?

29. Pse policia u vonua 24 orë për të dhënë qëndrimin zyrtar mbi ngjarjen?

30. Pse policia nuk sqaroi se sa persona ishin në makinë?

31. Pse mungoi konkluzioni dhe procesverbali i këqyrjes së vendit të ngjarjes nga policia dhe prokuroria?

32. Pse u vonua akti i ekspertimit autoteknik i mjetit, ku u gjend trupi i deputetit?

33. Pse nuk zbardhen tabulatet telefonike?

34. Pse doli emri i Shkëlzen Alisë si personi i dytë në makinë?

35. A justifikohet aksidenti me faktin se shpejtësia e makinës ishte 45 km/h?

[iliria e para]

Kush mendohet se eshte arsyeja pse Sokol Olldashin mund ta kene eleminuar?

Kujt i interesonte vdekja e Olldashit dhe cfare faktesh dinte ai qe i mbyllen gojen?

Nese eshte vetrte, atehere e kan bere ata per te cilet ky kishte informata te shumta.Ata dihet se kush jane.
Personalisht besoj qe ka qene thjeshte nje aksident trafiku.

[gesti_7]

Ja dhe heshtja dhe fshehja e nja dashnoreje nxjerr lloj lloj teorish konspirative qe flasin per vrasje te tij.
Gjithsesi personalisht nuk besoj dhe nuk dua ta besoj se behet fjale per vrasje.
Pse?
Sepse me lindin shume pyetje.
Pse policia do fshihte vrasjen e nje deputeti te opozites kur shume mire pushteti mund te perfitonte nga nje teori e tille duke destabilizuar rende opoziten?
Dhe llogjikisht hidhet poshte teoria e nje vrasjeje (vetem nqs pushteti i tanishem eshte vazhdimi i pushtetit te kaluar dhe popullit perseri iu hodh hi syve si ne 2005 dhe kjo eshte me e frikshme).

Mendoj se gjithe kjo tymnaje u krijua per te fshehur personin qe ishte me te ne makine dhe ishte e seksit femer.
Ai person u shoqerua ate nate me ambulance por jo ne Tirane, por ne Elbasan.
Dhe ai person mund te jete ne gjendje kome ne Tirane edhe ne keto momente.

Vet Igli Cara ka deklaruar (sipas balkanweb) po ua nis me poshte ca kam bere Copy paste nga Balkanweb ate dite ne mengjes.

Ora 23:22
Deputeti i PD, Igli Cara konfirmon për News24 se: Po bëhet nxjerrja e trupave. Ka dalë trupi i parë, po nxirret trupi i Olldashit.

Ora 02:15
Ai sqaron se ai dhe shoferi i Olldashit kane qene ne nje lokal se bashku pak caste para aksidentit. "Ishte i vetem ne makine, mos aludoni ndryshe, kjo duhet te qartesohet", -thekson Cara.

[Kejsi Al]

Tri pakujdesitë që i morën jetën Olldashit

http://gazeta-shqip.com/lajme/2013/1...ten-olldashit/

Shpejtësia në kthesë me 45 km në orë, nuk respektoi sinjalistikën dhe nuk vuri rripin
Sokol Çobo


Ekspertët autoteknikë kanë përcaktuar se kanë qenë tri pakujdesi të cilat i morën jetën deputetit Sokol Olldashit mbrëmjen e 20 nëntorit. Ai udhëtonte me 45 kilometra në orë në kthesë, në asfalt të lagësht dhe me fushëpamje të pamjaftueshme, ku shpejtësia në të tilla kushte duhet të ishte vetëm 20 kilometra në orë. Nuk ka respektuar sinjalistikën dhe nuk kishte vendosur rripin e sigurimit. Raporti është dorëzuar në Prokurorinë e Tiranës, e cila ka marrë mendimin e ekspertëve se shkaku i daljes nga rruga ka qenë pakujdesia e drejtuesit të makinës.


Ekspertiza autoteknike

“Ekspertiza autoteknike e kryer mbi automjetin me të cilin është aksidentuar deputeti Sokol Olldashi mbrëmjen e datës 20 nëntor 2013 pranë Kërrabës në Rrethin e Tiranës, ka nxjerrë si konkluzion përfundimtar se shkak i daljes së mjetit nga rruga ka qenë pakujdesia e drejtuesit të makinës. Gjithashtu, për ekspertët, rrethanë tjetër që ka ndikuar në aksident ka qenë edhe mungesa e barrierave anësore në rrugën ku ka ndodhur ngjarja”, thuhet në raport. Në raportin përfundimtar, i hartuar nga një grup ekspertësh të kërkuar nga Prokuroria e Rrethit Gjyqësor të Tiranës, konstatohen tre shkaqe kryesore që kanë sjellë aksidentin.

1. Shpejtësia e automjetit

Ekspertët pohojnë se në momentin e aksidentit, drejtuesi i mjetit po udhëtonte me shpejtësi 45 km/h. Sipas ekspertizës, në bazë të nenit 139 të Kodit Rrugor, më specifikisht, në paragrafin 3 të tij, thuhet se: “Veçanërisht, drejtuesi i mjetit duhet të rregullojë shpejtësinë në pjesët e rrugës me fushëpamje të kufizuar, në kthesa… në pjerrësi të forta, …në orët e natës, në rastet e fushëpamjes së pamjaftueshme për shkak të kushteve atmosferike…”. Në kushte atmosferike të rënduara, siç ka qenë në momentin e aksidentit dhe në një kthesë të fortë, siç është konstatuar nga këqyrja e vendit të ngjarjes, automjeti duhet të lëvizte me shpejtësi më pak se 20 km/h.

2. Mosrespektimi i sinjalistikës

Nga këqyrja e vendit të ngjarjes, është konstatuar se ekziston sinjalistika vertikale, e cila tregon drejtimin e kthesës në të majtë. Megjithatë, sipas ekspertëve, mungon sinjalistika horizontale.

3. Rripi i sigurimit

Në raport thuhet se nga këqyrja në vendngjarje dhe nga ekspertiza, ka rezultuar se drejtuesi i mjetit nuk ka pasur të vënë rripin e sigurimit.

Barrierat e sigurisë

Raporti i ekspertëve autoteknikë ka nxjerrë edhe një përfundim tjetër, mbi gjendjen e pareteve anësorë të rrugës. Sipas materialit zyrtar, dorëzuar dje në Prokurorinë e Rrethit Gjyqësor të Tiranës, konstatohet se: “Nga enti pronar i rrugës nuk janë vendosur barrierat e sigurisë në pikat kritike, të cilat rrisin sigurinë e përdoruesve të rrugës në qarkullim”. Lidhur me këtë çështje, grupi i ekspertëve prezanton edhe një këndvështrim teorik, sipas të cilit: “Një barrierë garanton të gjitha performancat – që janë mbajtja e mjeteve të rënda, zbutja e efektit të përplasjes për personat, mjetet e lehta dhe ridrejtim të kontrolluar të mjetit pas përplasjes duhet gjithashtu të sigurojë një veprim efikas kundërshtues për përmbysjen e mundshme të mjeteve që kanë bariqendrën e lartë (situatë që mund të jetë po aq e rrezikshme, aq sa edhe mungesa e mbajtëseve), dhe mundësisht duhet të karakterizohet për të pasur hapësira të limituara pune (gjerësi operative, deformim dhe devijim)”. Lidhur me rastin konkret, ekspertët autoteknikë shprehin mendimin se “…konstatojmë edhe shkeljen e kërkesave të nenit 14 të Kodit Rrugor nga enti pronar i rrugës”.

[PINK]

Epo kur nuk e vejne rrypin e sigurimit dhe shkelin rregullat me minimale te qarkullimit rrugor dhe keta deputetet dhe ish ministrat qe gjoja perfaqesojne ligjin, ca pret nga njerezit e thjeshte ?!!! Kshu eshte kur nuk rregullon dhe rruget! Sa veta kane vdek aty e akoma vdesin cdo dite nga aksidentet atje. Karma iz a biatch!