Ti vete si e shpjegon qe ortodokset nga 21 % kalojne ne 6.7%,myslimanet riten me 2%,ndersa katoliket qendrojne njelloj si para 100 vjeteve ?
Ja cthote Olsi Jazexhi mbi censusin
Fakti më interesant është ulja drastike e numrit të besimtarëve ortodoksë të Shqipërisë. Ndërsa në regjistrimet e viteve 1927 dhe 1942, ortodoksët janë gjetur të përbëjnë 22.3 dhe 20.7% të popullsisë, reduktimi i numrit të tyre në 6.8% të popullsisë është me të vërtetë i pabesueshëm. Duke ditur imponimin fizik, teologjik dhe ekonomik që Greqia ka ushtruar mbi shqiptarët muslimanë, dhe sidomos jugorët në 23 vitet e fundit, ku shumë prej tyre, janë konvertuar me hir apo me pahir në ortodoksë, numri i ortodoksëve duhej të ishte shumë më i madh, pasi në ortodoksë janë konvertuar edhe shumë muslimanë. Pra si mund të shpjegohet ulja kaq e ndjeshme e ortodoksëve të Shqipërisë?
Një fakt që të lë përshtypje të hidhur është edhe numri i muslimanëve. Si një veprimtar dhe studiues musliman që jam, unë kam parë vetë me sytë e mi në këto 23 vitet e fundit, pra qysh prej rënies së komunizmit dhe hapjes së Shqipërisë ndaj botës, sesi disa mijëra muslimanë shqiptarë kanë lënë fenë e tyre, duke u konvertuar në ortodoksë, katolikë, protestantë, dëshmimtarë të Jehovait, bahai, ndjekës të Rama Krishnas etj. Personalisht kam pritur që numri i muslimanëve të mos ishte 67.5% si në 1927 dhe 68.9% si në 1942, por shumë më i vogël. Numri i muslimanëve prej 57.12% dhe i bektashinjëve prej 2.11% është jashtëzakonisht çoroditës. Të dhënat e regjistrimit italian të vitit 1942 që ka botuar Kisha Ortodokse në faqen e saj tregojnë që në atëbotë, në Shqipëri kishte 54,17% sunitë dhe 14,73% bektashinjë. Nëse këto të dhëna i krahasojmë me të dhënat e censusit të vitit 2011 del që sunitët – apo siç ata njihen rëndom – muslimanët të këne ngelur pak a shumë aq sa kanë qenë, ndërsa bektashianët të jenë ç’islamizuar në masë?
Fakti më interesant i këtij studimi është ai që tregon që katolikët të kenë ruajtur pozitën e tyre të para 85 viteve, dhe të kenë ngelur në suazat e dhjetë përqindëshit.
Krijoni Kontakt