Pikerisht. Prandaj dhe nese do ishte vrare duke hyre me dhune ne insitucionet e shtetit, nuk do ngrinte njeri zerin.Postuar më parë nga mesuesi_1
Por po flasim per rastin ne fjale kur u vra ne trotuar publik, duke ndenjur dhe pa sulmuar asnjeri e asgje.
Ta marrim vesh mire; vetem "vrasja me dashje" denohet sipas gjykates shqiptare? Te gjitha llojet e tjera te vrasjeve perjashtohen dhe jane te padenueshme? Sepse argumenti se viktimat perbenin rrezik per institucionin edhe femija nuk e beson, ne kohen kur po kundronin me duar ne xhepa disa metra tutje hyrjes se Kryeministrise. Logjika e gjykates eshte e thjeshte mesa duket; vrit ke te duash, mundesisht 3+, nderro tytat e pistoletave, deklaro qe se bera une, ne fund jep ndonje arsye objektive te tipit "dua te vazhdoj studimet, po me pengoni" dhe shperblehesh duke fituar lirine. Ne kete kontekst, do ishte me e ndershme mos argumentonin asgje, pasi nuk ka arsye te shendoshe qe te mos kuptoje qe vendimet e gjykatave jane te varura koke e kembe politikisht. Ne kete menyre idiokratike ofendon inteligjencen e atyre qe e disponojne. Jo se sistemi gjyqsor shqiptar eshte i kalbur vec ne nje drejtim, ne kohen kur gjithe procesi duhej filluar me organizatoret e dhunes, e duke kaluar me tej tek vrasesit dhe urdheruesit e vrasesve nese ka patur. Por qe te ndiqet kjo rruge e drejte eshte e pamundur, kur te gjithe jane te zhytur gjer ne fyt, e sigurisht faturen qe shkon gjithmone ne fund e paguan populli.
relata refero
"Bazuar mbi shtetin e së drejtës, do të theksoja se pandëshkueshmëria, kur ka njerëz të vdekur në rrugë, vë padyshim në pikëpyetje sistemin e drejtësisë."
Eugen Wollfarth
Ambasador i OSBE, Tiranë
Je keqkuptuar. Avokatet mbrojtes te gardisteve nuk kane mbrojtur ne gjyq idene se "nuk i kemi vrare me dashje" por kane mbrojtur qe klientet e tyre i kane shkrepur armet e tyre per te qelluar ne ajer ate dite, konform rregullores se Gardes. Prokuroria nga ana e saj i akuzoi gardistet se i ka vene ne shenjester dhe vrare viktimat me "dashje" apo paramendim. Pra Prokuroria shqiptare e ngriti gjithe aktakuzen e saj mbi kete premise, qe ata te katert u vune ne shenjestren e Gardes. Dhe tre gjykatesit thane qe Prokuroria nuk provoi dot me prova akuzen e saj, qe dy gardistet i vune ne shenjester viktimat qe u vrane ne shesh.
Nuk eshte krim per Gardistin qe te perdori armen per te qelluar ne ajer kur institucioni eshte duke u sulmuar apo kur shqyhet me dhune dera hyrese e Kryeministrise. Ashtu sic nuk eshte krim nese nje plumb rikoshet i dale nga arma e gardistit vret nje qytetar ne shesh 100 metra larg. Do te ishte krim po ta bente nje qytetar i thjeshte, por jo nje nenpunes kushtetues i shtetit shqiptar, sic eshte gardisti. Dhe shume eshte abuzuar ne kete rast me ekspertizen e FBI: ekspertiza e FBI i dha pergjigje vetem pyestjes se nga cila arme doli plumbi qe vrau viktimen, por nuk i dha pergjigje pyetjes nese ata qe shkrepen armen e shkrepen armen per te vrare ate person apo per te mbrojtur institucionin. Kjo ishte detyra e Prokurorise.
Garda nuk i ktheu armet nga turma ne ato 5 oret e dhunimit te institucionit. Po ta kish kthyer nje gardist i vetem kallashnikovin nga turma, ne shesh do kishin ngelur 40 te vdekur e jo 4. Dhe ne kete lume fjalesh e akuzash, ajo qe humbet, ajo qe denigron meritat e profesionalizmin e gardisteve, eshte durimi dhe profesionalizmi i tyre. Ate dite ne Shqiperi shume kollaj mund te kish patur me shume se 4 viktima. Dhe ata qe e organizuan prisnin me shume se kater viktima, prisnin 13,000 mije te tille. Dhe eshte e turpshme si per mediat si per opinionin publik shqiptar qe te akuzojne Garden e Republikes dhe gardistet qe nuk zgjodhen qe te vihen ne ate pozite ne 21 janar, por qe e mbrojten institucionin duke bere keshtu detyren e tyre kushtetuese. Per kete gje ata meritojne respekt e nderim, e jo akuza e perbuzje.
Sic e thashe me lart, 2 gardiste kane mbi 2 vjet nen arrest, nen akuze dhe 9 muaj u perballen me Prokurorine ne gjyq. Dhunuesit e organizatoret e dhunes, kur do te perballen me drejtesine shqiptare?
Albo
Ne momentin kur u vrane ata nuk kishte asnje arsye per te qelluar me arme. Nuk kishte asnje person brenda territorit te nderteses dhe nuk kishte asnje rrezik per gardistet apo institucionin. Nese qellohet pa arsye atehere eshte krim nese nje plumb rikoshet i dale nga arma e gardistit vret nje qytetar ne shesh 100 metra larg.
Raporti i FBI dhe vendimi i plote i gjykates ku mund te lexohen?
Garda nuk ka qelluar vec ne ajer; pervec menyres se goditjes se kater viktimave, pra mundesi qe perjashton rikoshetet pasi ka ardhur si goditje ballore, e jo duke u perplasur plumbi me pemet apo gjetet, sic mundoheshin te devijonin "ekspertet" tane, jane goditur dhe tabelat e rrugve dhe njera prej kullave ne bulevard. E ata gardiste qe shkelen urdherin per te qelluar vec ne ajer, ose moren urdher per te qelluar ne drejtim te turmes, te denohen sebashku me eproret e tyre. E ceka dhe me siper qe gjithe procesi duhet filluar me organizatoret e dhunes, te cilet jo vetem qe nxiten dhe gatuan gjithe corben, por acaruan dhe situaten para dhe pas protestes me ane te mediave. Ne kete menyre duhet vendosur drejtesia.
Te vetmit qe meritojne respekt gjate asaj dite ishte Policia e shtetit, e cila u derrmua pese ore me rradhe nga turma huliganesh dhe mercenaresh te zbritur nga shpellat, e qe gjate gjithe kohes ruajti gjakftohtesine duke shmangur nje degjenerim te metejshem te situates se ndere. Te qellohen per vdekje kater individe ne mes te dites dhe ne mes te Tiranes, te cilet nuk perbenin rrezik as per institucionin dhe as per gardistet e mos denohet askush, vec ne vende te botes afrikane qendrore mund te ndodhe. Ngerci nuk qendron tek aktakuzat e Prokurorise si organ akuze. Po te kujtoj luften institucionale mes pushteve pas 21 janarit, ku nuk eshte normale qe nje shef ekzekutivi te etiketoje dhe ofendoje ne menyren me banale pushtetet e tjera, e te akuzoje per pucizem e grushte shtetesh. Hasem nje situate ku vete shteti eshte ne lufte me veten, pra refuzon vetveten. Jemi kthyer ne gazin e Europes, ku Shqiperia tregohet si barcalete neper kancelarite perendimore.
relata refero
Pikerisht qe nuk perbenin rrezik per institucionin nuk kishte arsye te merreshin ne shenjester dhe te vriteshin. Ka disa video ne internet dhe c'do njeri mund te shikoje dhe te llogjike situaten. Garda po te mendonte per te vrare do e kishte bere ne momentin kur 200 shtaze shqyen porten e kryeministrise dhe kaluan perimetrin, sipas ligjit do ishin asgjesuar te gjithe paparalajmerim. Edhe sikur garda mori ne shenjester ne momentet qe u vrane 4 persona ,ne vend te ketyre viktimave mund ta kishte bere per 4 persona qe gjendeshin me afer dhe qe po qellonin. Llogjika jone na lind nje pyetje : Pse Garda nuk mori ne shenjester ata qe ishin me afer dhe po qellonin ne vend te 4 qe u vrane? Kur ne flasim per shenjester , ne duhet te mendojme qe gardistet duhet ta benin kur ndiheshin ne rrezik kunder atyre qe po qellonin dhe jo kunder atyre qe po rrinin dhe po shikonin shfaqjen. Dhe sipas disave ketu keto na qenka vrasje me dashje. Si llogjike sipas meje eshte aq kontradiktore , sa me duket se akuza e vrasjes me dashje eshte ekstrem , ndoshta duke u nisur nga lufta prokurori -qeveri qe akuzonin njera tjetren. Pasi organizatoret sulmuan me dhune kunder institucionit , prokuroria sulmoi me dhune lligjore kunder gardes. Fakti qe gjykata na tregoi qe akuza e vrasjes me dashje nuk qendron, tregon deshtimin e prokurorise pas nje faze ku dhuna deshtoi. Sic deshton faza e pare , deshton dhe faza e dyte sepse eshte e destinuare te kete nje deshtim te tille per aq kohe sa perdoren politikisht duke u fokusuar vetem te pasoja.
Ndryshuar për herë të fundit nga Noellag : 15-02-2013 më 06:04
Larguar
Duhet te perjetosh shume qe te behesh njeri
Kur ka 4 protestues te pafajshem te vrare dhe disa te plagosur, atehere parimisht duhet ose te gjenden dhe ndeshkohen vrasesit ose te japin doreheqje dhe te shkarkohen te gjitha strukturat udheheqese dhe komanduse, duke filluar minmalisht nga Ministri i Puneve te Brendshme. Varesisht prej rastit, do te duhej te jepte doreheqje edhe e gjithe qeveria.
Per nje shtet demokratik dhe ligjor eshte absolutisht e patolerueshme qe per vrasjen dhe plagosjen e kunderligjshme te protestuesve te pafajshem nga organet zyrtare te shtetit te mos pergjigjet dhe te mos denohet askush. E vetmja mundesi per ti shpetuar pergjegjesise dhe denimt eshte shpallja e vrasjeve si te ligjshme ose si aksidente te zakonshme ne rrethanat perkatese. As njera dhe as tjetra nuk eshte provuar dhe vendosur nga gjykata plotesisht, pavaresisht tendeces se gjykates qe se paku nje apo dy vrasje ti argumentoje si incidente te shkaktuara nga "plumba rikoshete" etj. Ne fund gjykata nuk ka arritur te shpjegoje ne menyre te bindshme se cdo i vrare dhe i plagosur ishte viktime e "plumbave rikoshete", por vendimin e ka mbeshtetur kryesisht ne, sipas gjykates, paaftesine e Prokurorise per te provuar "vrasjen me paramendim", vrasjen dhe autoret e vrasjeve ne pergjithesi.
Nuk eshte krejtesisht e pamundur qe ne raste ekstreme, sidomos ne vende si Shqiperia apo te ngjashme, te mos mund te thuhet pa asnje dyshim se kush ishin vrasesit nga radhet e organeve te shtetit. Por, nese ndodhe keshtu, atehere pergjegjesia (juridike dhe politike) atomatikisht kalon te strukturat udheheqese te organeve kompetente dhe te qeveria. Kjo pergjegjesi nenkupton shkarkime, doreheqje, komisione hetimore, ristrukturime etj... Sepse, sic e permenda ne fillim, ne nje shtet ligjor dhe demokratik nuk mund te kete viktima te pafajshme te vrare nga shteti dhe askush te mos pergjigjet apo ndeshkohet.
Interesat politike te udheheqesve politik, partive politike, simpatizanteve te partive etj. per ta mohuar pergjegjesine e nje pale dhe per ta akuzuar palen kundershtare, jane ceshtje tjeter (edhe legjitime), por qe nuk guxojne ta pengoje ne mase te tille si ne Shqiperi zbatimin e rregullave themelore te shtetit ligjor dhe demokratik. D.m.th. Ti, une dhe tjeret kemi te drejte te mos i pranojme fajesine, pergjegjesite dhe konsekuncat e ngjarjeve dhe veprimeve, por jo te pengojme disa rregulla jetike te shtetit demokratik dhe ligjore, sic eshte p.sh. marrja e pergjegjesise institucionale per vrasjen e protestuesve te pafajshem. Pavaresisht nese jane vertetuar apo jo plotesisht dhe perfundimisht pretendimet e paleve. Tek e fundit, edhe vrasesit e shumfishte kane dhe do te kene cdo here simpatizante, te cilet, varesisht nga interesi, i mohojne ose i justifikojne veprat e tyre kriminale...
“Vendimi për 21 janarin i pakuptueshëm për BE-në, në Gjermani një vendim i tillë do shkaktonte furtunë”
Në intervistë me Deutsche Welle, deputeti demokristian Kiesewetter shprehet për procesin gjyqësor për 21 janarin dhe vizitën e ardhshme në Kosovë dhe Serbi.
Para pak ditësh një gjykatë në Tiranë vendosi në lidhje me paditë kundër pjesëtarëve të Gardës së Republikës për vrasjen fillimisht të tre demonstruesve më 21 janar 2011. Prokurori i përgjithshëm pati kërkuar 23 respektivisht 25 vjet heqje lirie. Vendimi ishte: Pafajësi. Çfarë na tregon kjo shpallje vendimi?
Këtu dua t’i bashkohem kritikës së shprehur prej Shteteve të Bashkuara të Amerikës. Natyrisht, unë nuk i njoh rezultatet e hetimeve, por kur është evidente që prokuroria ka konstatuar që këtu bëhet fjalë për vepra penale të shkallës më të rëndë (pasi përndryshe nuk kërkohen 23 dhe 25 vite dënim) dhe më pas vjen një vendim pafajësie, këtu lipset një hetim i veçantë. Në Gjermani kjo do të shpinte në ngritjen e një komisioni hetimor parlamentar. Kjo sepse këtu me sa duket ekziston paqartësi për mënyrën sesi u arrit në këtë vendim. Po, e dëshirojmë një drejtësi të pavarur edhe në Shqipëri, por midis kërkesës për 23 dhe 25 vjet heqje lirie dhe shpalljes së pafajësisë ka një dallim gjigant, dallim i cili është i pakuptueshëm për vendet e Bashkimit që i duan të mirën Shqipërisë (dhe këtu bën pjesë Gjermania). Për këtë arsye mendoj që kjo doemos duhet hetuar, aq më tepër që Shqipëria synon të bëhet anëtare e Bashkimit Evropian ose së paku të fitojë statusin e kandidatit për anëtarësim në BE. Besoj që këtu së paku duhet shmangur përshtypja që vendimi mund, mund, të jetë arritur në rrugë jo të ligjshme.
Pas ngjarjeve të 21 janarit nga vëzhguesit u konstatua se viktimat qëndronin qartë jashtë kufizimit të selisë së kryeministrit dhe mbi të gjitha ata po qëndronin, dhe po silleshin paqësisht. Këtu lind detyrimisht pyetja se sa i përligjur ishte reagimi ndaj tyre, pra mbi përpjestueshmërinë e mjeteve të reagimit?
Qysh në janar 2011 e kam kritikuar sjelljen e autoriteve të drejtësisë. Këtë e kam bërë të qartë asokohe edhe kundrejt kryetares së parlamentit, zonjës Topalli, (të cilën e vlerësoj shumë). Ne si palë gjermane e kemi shoqëruar asokohe në mënyrë tejet kritike këtë. Asokohe nuk ekzistonte përpjestueshmëri e mjeteve. Besoj që në këtë pikë pajtohemi të gjithë. Për këtë arsye kemi shpresuar edhe më fort për një zbardhje të qartë të këtyre ndodhive. Vendimi për pafajësi nuk mund të jetë përfundimi i të gjitha hetimeve. Dhe duke pasur parasysh statusin e vendit kandidat për Shqipërinë (të cilin unë e mbështes shumë fort dhe edhe në Gjermani jam një përkrahës shumë i fuqishëm në parlament që Shqipëria ta marrë statusin e kandidatit) një vendim i tillë (duke mos qenë i shoqëruar nga shpjegime dhe gjëra të ngjashme) fiton një peshë të veçantë.
Gjykata duket të mos ketë marrë parasysh as ekspertizën balistike të FBI-së (e kërkuar vetë prej Shqipërisë). Si ndikon kjo ndaj aspiratës së Shqipërisë për integrim në BE kur është theksuar se ngjarjet e 21 janarit janë një nga kriteret vendimtare kur është fjala për integrimin? A është një vend, i cili i gjykon në këtë mënyrë ngjarjet e 21 janarit, i aftë të futet në BE ose të nisë procesin e negociatave?
Përgjegjësit politikë në Shqipëri: qeveria, partitë në parlament (edhe opozita) duhet të kenë të gjitha së bashku interes që emri i Shqipërisë në botën e jashtme të mbetet i padëmtuar. Këtu kërkohet vërtet bashkëpunim midis partive qeveritare dhe opozitës në parlament si dhe me qeverinë. Pëndryshe do të lindte përshtypja se Shqipëria ka këtu mangësi. Bashkimi Evropian nuk mund t’i lejojë vetes që të kandidojnë për aderim shtete, të cilat nuk kanë trajtuar sipas rregullave të caktuara pjesë të rëndësishme të çështjeve të hapura juridike. Apeli im për përgjegjësit në Shqipëri është që të kujdesen bashkarisht për zbardhjen e ngjarjeve dhe të bëjnë reklamë për vendin jashtë. Këtu bën pjesë edhe që krime të pazgjidhura (e këtu me sa duket është fjala për shkelje të ndalimit të tejkalimit të masës, për shkelje të proporcionalitetit, për mungesë të zbardhjes së plotë, për mospërfshirje të ekspertizës mjekoligjore) – që këto gjëra të eliminohen. Sepse kur të jenë përsëri për t’u marrë vendime për statusin e vendit kandidat (kjo do të jetë këtë vjeshtë), natyrisht që kjo gjë do të vlerësohet veçanërisht. Dhe BE-ja është shumë e interesuar, edhe qytetaret e qytetarët në Gjermani, që të dijë përse erdhi deri në këtë vendim, pra duhen zbuluar të gjitha të dhënat dhe duhet të bëhet e qartë që drejtësia shqiptare ka interes në zgjidhjen e rasteve. Nuk lejohet të krijohet përshtypja që këtu mbulohen pazarllëqe. Në qoftë se këto gjëra nuk zgjidhen – ndofta vendimi për pafajësi ishte i përligjur – por ekziston ende dyshimi se ai nuk ishte i përligjur, pra nëse nuk kryhet kjo zbardhje e plotë, atëherë edhe të gjithë përkrahësit e statusit të kandidatit për Shqipërinë do të tërhiqen dhe do të thonë: Shqipërisë iu dashkërka më shumë kohë. Shpresoj që ky mesazh të kuptohet në Shqipëri dhe që Shqipëria ta mbledhë veten dhe t’i zgjidhë shpejt e pa vonesë në javët e ardhshme incidentet e 21 janarit.
Ç’do të thotë kjo po të kemi parasysh zgjedhjet në qershor të këtij viti në Shqipëri? Si do ta shoqërojë Gjermania këtë proces?
Fillimisht, Shqipëria është një shtet s
ovran dhe duhet ta kryejë këtë vetë. Unë mendoj që Gjermania nuk duhet të përzihet në fushatën elektorale, kjo nuk është detyrë e jona. Mirëpo është detyrë e partive demokratike të Shqipërisë, e të gjitha partive demokratike të Shqipërisë, që këtu të garantojnë për zgjidhjen e çështjeve [në drejtësi]. Mendoj se këtu ka një interes të madh që këto gjëra të jenë zgjidhur deri në fushatën elektorale, pasi po të bëhet kjo gjë temë e fushatës zgjedhore, atëherë çështje të tjera si kriminaliteti i organizuar, shteti ligjor, siguria kontraktuale dhe e investimeve, besueshmëria në marrëveshje, pra në kontrata, etj. do të ishin dytësore dhe do t’i nënredoheshin kësaj teme emocionale. Për këtë arsye të gjithë personat me përgjegjësi në Shqipëri duhet të jenë të interesuar që kjo akuzë, e cila gjendet në vlerësimin e vendimit, të mënjanohet sa më shpejt.
Ju do ta vizitoni së afërmi rajonin. Për çfarë do t’i inkurajoni bashkëbiseduesit e atjeshëm, para së gjithash kur kemi parasysh Kosovën dhe dialogun Kosovë – Serbi?
Në mes të marsit do të jemi me disa kolegë në Kosovë dhe në Serbi. Për ne ka së pari rëndësi që pakicat në Serbi (meqë bie fjala: edhe në Maqedoni kështu është) të trajtohen në mënyrë të atillë që ato të qëndrojnë në vendin e tyre dhe të mos kërkojnë për arsye të tjera strehim politik në Gjermani. Nuk bën që shtete të Ballkanit të sillen me popullin e tyre në mënyrë të tillë që individë të caktuar, qoftë për arsye ekonomike a për arsye të tjera, të kërkojnë azil në Gjermani. Këtë do të theksojmë në takime, që shtete të cilat duan të hyjnë në BE të sillen me kujdes me pakicat në vendet e tyre, ashtu siç duhet.
Së dyti, kemi cekur një sërë pikash që duhen zgjidhur për sa i takon Serbisë, për shembull zbardhja e sulmit mbi ambasadën gjermane (zjarrvënia e para disa viteve). Këtu nuk ka ndodhur ende asgjë. Tjetra, që nga pala serbe të mos ngrihen struktura paralele në veri të Kosovës, po që të respektohet sovraniteti i Kosovës. Së treti, që marrëdhëniet e fqinjësisë së mirë që kanë nisur në Kosovë të mos rrezikojnë të prishen dhe të mos pengohen, sepse si Serbia ashtu edhe Kosova duhet të kenë interes të përbashkët që aftësia për t’u pranuar, dmth. nisja e negociatave të aderimit për Serbinë, të mund të ndodhë në kohë jo të largët – me siguri që nuk ka për të qenë sivjet – dhe që Kosova ose procesi midis Kosovës dhe Serbisë të çojë në përfundimin që të dyja shtetet të shkëmbejnë amasadorë ose së paku të dërguar. Pra, që kjo të shpjerë në fund në njohjen e sovranitetit të Kosovës dhe anasjelltas, Kosova të bëjë gjithçka për mbrojtjen e pakicës serbe në Kosovë dhe të mirat kulturore serbe. Këto janë një sërë pikash që do t’i hetojmë dhe trajtojmë atje.
Deputeti demokristian Roderich Kiesewetter, është anëtar i komisionit për politikë të jashtme dhe evropiane në Parlamentin Federal (Bundestag) si dhe zv.president i shoqatës së Evropës Juglindore.
Gjyqtaret: Mos komentoni vendimet, ul besimin te drejtesia
Unioni i Gjyqtareve reagoi diten e djeshme ne lidhje me komentet per vendimet e gjykatave. Nje dite pas zbardhjes se plote te vendimit te Gjykates se Tiranes, qe i dhane pafajesine te akuzuarve per vrasjet me 21 Janar 2011 dhe vendimit te formes se prere ne Apel per te akuzuarit e ceshtjes “Gerdeci”, Unioni i Gjyqtareve me ane te nje deklarate per mediat leshuar diten e djeshme, kerkoi qe askush te mos guxoje te komentoje vendimet e gjykates, pasi kjo i jep nje goditje besimit te publikut tek drejtesia dhe paragjykon procesin. “Unioni i Gjyqtareve te Shqiperise gjen rastin te informoje edhe nje here opinionin publik, se vendimet e gjykatave, kur perfundon shqyrtimi i tyre ne te gjitha shkallet e gjykimit, mund te jene objekt analize objektive, profesionale, vecanerisht nga njohes te se drejtes. Por nese ky proces zevendesohet, fatalisht dhe ne menyre populiste, ne nje fushate denigrimi dhe perbaltjeje, kjo rrezikon te shkaterroje ne menyre te pakthyeshme shanset per ndertimin e besimit te publikut tek drejtesia, pa te cilin aspiratat per ndertimin e konsolidimin e shtetit te se drejtes, do te ishin iluzion. Gjithashtu, kjo do te delegjitimonte punen e veshtire te gjyqtareve, te cilet cdo dite e me teper po perballen me dhunen fizike e verbale te frymezuar nga kjo klime. Konsolidimi i sistemit te drejtesise dhe rritja e besimit te publikut tek ai, eshte nje proces qe kerkon vizion dhe gjithe perfshirje”, thuhej ne deklaraten per shtyp, leshuar dje nga Unioni i Gjyqtareve. Vendimi per “21 janarin”, ku tre te akuzuarit u shpallen te pafajshem per akuzen e vrasjes me dashje, shkaktoi polemika te forta madje edhe ne fyerje ndaj gjyqtareve. Ndersa 1 dite me pare, Gjykata e Apelit Tirane shpalli fajtore dhe coi ne burg 22 te pandehurit e “Gerdecit”.
Deklarata
“Unioni i Gjyqtareve te Shqiperise, gjen rastin te informoje edhe nje here opinionin publik, se vendimet e gjykatave, kur perfundon shqyrtimi i tyre ne te gjitha shkallet e gjykimit, mund te jene objekt analize objektive, profesionale, vecanerisht nga njohes te se drejtes. Por, nese ky proces zevendesohet, fatalisht dhe ne menyre populiste, ne nje fushate denigrimi dhe perbaltjeje, kjo rrezikon te shkaterroje ne menyre te pakthyeshme shanset per ndertimin e besimit te publikut tek drejtesia”.
KJ
Regullat e Postimit
Përgjigju Duke Cituar
Krijoni Kontakt