21 janari: Gjykata: Gardistët të pafajshëm, akuzat e prokurorisë nuk u vërtetuan

[Albo]

“21 janari”, Prokuroria apelon vendimin e Gjykatës së Tiranës

TIRANE - Prokuroria e Përgjithshme ka dorëzuar sot apelimin për vendimin e Gjykatës së Tiranës të 7 shkurtit lidhur me shpalljen të pafajshëm të drejtuesve të Gardës së Republikës të akuzuar për vrasjen e tre manifestuesve gjatë protestës së dhunshme të opozitës më 21 janar të 2011. Sipas gjykatës, e cila pranonte se të paktën dy nga manifestuesit ishin qëlluar nga armët e përdorura nga komandanti i Gardës Ndrea Prendi dhe drejtuesi i njësisë speciale Agim Llupo, prokuroria nuk kishte paraqitur provat që të vërtetonin se ata kishin qëlluar me dashje, transmeton Zëri i Amerikës.

Por prokuoria vlerëson se Gjykata ka vepruar sipas saj “në kundërshtim të plotë me provat e paraqitura nga organi i akuzës gjatë shqyrtimit gjyqësor, duke u referuar në fakte e prova inekzistente”. Sipas prokurorisë, “Gjykata në tejkalim me kompetencat që i njeh ligji procedural-penal për çmuarjen e provave, vlerësimin e analizën e tyre ka deklaruar të pafajshëm dy të pandehurit Ndrea Prendi e Agim Llupo”. Prokuroria kërkon ndryshimin e vendimit penal të Gjykatës së Tiranës, në ngarkim të pandehurve Ndrea Prendi dhe Agim Llupo, duke i deklaruar fajtorë për veprat penale që ata akuzuhen.

(er.nu/BalkanWeb)

[BLEDI_SH]

Prokuroria: Filmuam ekspertin duke futur ashklën në këmishën e Ziver Veizit (dhe një ironi për pemën)

Eksperti që deklaroi se plumbi që ka hyrë në trupin e Ziver Veizit ka qenë me ashkla, çka e bën atë plumb rikoshet, në fakt është filmuar nga prokuroria duke futur një ashkël në këmishën e Ziver Veizit. Kështu bën të ditur Zëri i Amerikës, referuar dokumentit të prokurorisë për apelim. Megjithatë gjykata vendosi se plumbi ishte rikoshet, edhe pse kishte pamjet e manipulimeve.

Prokuroria ironizon duke thënë se mes Llupos e Veizit nuk ka pasur pemë gjëkundi që të devijonte plumbin



Në Shqipëri prokuroria dorëzoi apelimin e vendimit të Gjykatës së Tiranës, e cila javën e shkuar vendosi të shpallë të pafajshëm dy drejtues të Gardës së Republikës të akuzuar për vrasjen e tre manifestuesve gjatë protestës së dhunshme të opozitës më 21 janar të 2011.

Sipas dokumentit që zotëron Zëri i Amerikës, prokuroria vlerëson se Gjykata ka vepruar sipas saj “në kundërshtim të plotë me provat e paraqitura nga organi i akuzës gjatë shqyrtimit gjyqësor, duke u referuar në fakte e prova inekzistente” dhe se “vendimi për pafajësinë e dy drejtuesve të Gardës është marrë në tejkalim me kompetencat që i njeh ligji procedural-penal për çmuarjen e provave, vlerësimin e analizën e tyre”. Prokuroria i qëndron akuzës së ngritur, duke kërkuar dhe të njëjtën masë dënimi.

Dy ditë pasi gjykata e Tiranës zbardhi arsyet që e çuan atë në vendimin për të shpallur të pafajshëm komandantin e Gardës, Ndrea Prendi dhe drejtuesin e njësisë speciale, Agim Llupo, prokuroria i është drejtuar Gjykatës së Apelit për ta rrëzuar këtë vendim. Në tekstin e apelimit, të siguruar nga Zëri i Amerikës, Prokuroria analizon në mënyrë të detajuar arsyetimin juridik të Gjykatës e cila sipas saj “i është referuar provave dhe fakteve inekzistente dhe ka tejkaluar kompetencat që i njeh ligji”.

Prokuroria akuzon ekspertin Ndoc Çardaku, të cilit i është referuar Gjykata për ekspertizën teknike se ai ka manipuluar me provat materiale.

Thelbi i vendimit për shpalljen e pafajësisë kishte të bënte me faktin se sipas gjykatës nuk kishte prova që të vërtetonin se vrasjet ishin bërë me dashje, ndonëse pranohej se të paktën dy nga manifestuesit e vrarë, Faik Myrtaj dhe Ziver Veizi, ishin qëlluar me armët e Prendit dhe Llupos.

Prokuroria vlerëson se “i pandehuri Ndrea Prendi, i vetëdijshëm për karakterin e veprimeve të tij dhe rrezikshmërinë shoqërore të këtyre veprimeve, ka parashikuar jo vetëm mundësinë dhe domosdoshmërinë e ardhjes së pasojave, por ai me vullnet i ka orientuar këto veprime drejt ardhjes së tyre”.

Të njëjtin arsyetim, me referenca juridiko penale, Prokuroria ka bërë edhe për Agim Llupon.

Akuza ka paraqitur më pas edhe një përshkrim të detajuar për të vërtetuar pretendimin e saj. Ajo është ndalur në mënyrë të hollësishme në dy vrasjet për të cilat akuzohet oficeri Llupo. Gjykata u shpreh se nuk kishte asnjë prove shkencore që të vërtetonte se nga cila armë është vrarë Hekuran Deda dhe se sipas saj akuza është ngritur vetëm mbi bazat e deklaratave të disa dëshmitarëve. Por sipas prokurorisë, FBI amerikane ka mundur që përmes pamjeve filmike të tregojë “mënyrën se si ai ka qëlluar me armën e zjarrit, drejtimet ku ai ka qëlluar, e kohëzgjatjen e veprimeve të tij”.

Në rastin e vrasjes së Ziver Veizit, Gjykata pretendoi se plumbi ishte i dëmtuar në majë dhe se ishin gjetur ashkla pishe të cilat dëshmonin sipas saj për një rikoshet nga një trung apo degë peme. Por sipas prokurorisë, gjykata ka bërë interpretime të gabuara sepse akti ekspertizës sipas saj “nuk flet asnjëherë për dëmtim në majë, por në pjesën e fundit të saj”. Gjykata iu referua njërit prej ekspertëve të thirrur në proces, për të cilin prokuroria jep një fakt shumë të rëndë. Sipas saj “eksperti Ndoc Çardaku është filmuar, dhe video është paraqitur në gjykatë, ndërsa shtyn me gisht një ashkël për në vrimën e hyrjes në këmishën e të ndjerit dhe e ngjesh aty dhe më vonë, kërkon një vegël për ta hequr atë e për ta administruar si prove”.

Prokuroria, jo po ironi, tregon se mes Llupos dhe Veizit nuk ka pasur pemë që të devijonte plumbin.

“Në një mënyrë aspak korrekte, në séancë gjyqësore duke anashkaluar me dashje pikërisht këtë trajektore të vërtetuar shkencërisht, u rindërtua një situatë hipotetike mbi goditjen e kësaj predhe me një material druri(me degë apo trung peme), i cili duke i ndryshuar drejtimin, natyrisht më pas edhe trajektoren e lëvizjes së saj, i ka shërbyer gjykatës për të ndërtuar alibinë se “predha ka qenë rikoshet”. Në këto foto e video, duket qartësisht distanca midis viktimës e të pandehurit, fakti që në lartësi të kësaj “vije qitjeje” sikundër arsyeton gjykata, nuk ka asnjë “degë peme, apo trung peme”, e cila të ketë ndikuar në ndryshim të trajektores së predhës”, thonë më tej prokurorët.

Gjykata nga ana e saj gjithashtu është shprehur në vendimin e saj se Prokuroria “nuk ka zhvilluar hetime në drejtim të intensitetit dhe rëndësisë së sulmit në raport me veprimet e të pandehurve… detyrën e tyre funksionale”. Por në tekstin e Apelimit saktësohet se ndërsa hetimi ka provuar në mënyrë të plotë dhunën e protestuesve dhe mjetet e përdorura ndaj efektivave të gardës, viktimat “kanë qenë të paarmatosur, nuk kanë kryer asnjë veprim të dhunshëm ndaj efektivave policore jashtë rrethimit të objektit, apo efektivave të Gardës së Republikës brenda rrethimit të objektit të Kryeministrisë”. Prokuroria nënvizon se “asnjë person nuk është vrarë apo plagosur brenda territorit të Kryeministrisë, asnjë nga këta persona të vrarë e të plagosur, nuk ka tentuar në asnjë moment, për t’u futur brenda perimetrit rrethues të ndërtesës së kryeministrisë”.

Në dokumentin e apelimit, Prokuroria vlerëson gjithashtu se “Gjykata në kundërshtim të plotë me Kodin e Procedurës Penale, me një vendim të gjykatës Kushtetuese dhe asaj të Lartë”, nuk ka bërë rikualifikim të veprës penale.

Po ashtu prokuroria konsideron si “një shkelje të rëndë” zbatimin për analogji që Gjykata ka bërë me një vendim të Gjykatës të të Drejtave të njeriut lidhur me vrasjen e një të riu italian në 2001gjatë protestave në Xhenova të Italisë gjatë samitit të G8. Akuza saktëson se ky rast nuk ka asnjë lidhje me atë ndaj dy oficerëve të Gardës.

Në përfundim të analizës së saj Prokuroria kërkon rrëzimin e vendimit të Gjykatës së Tiranës, duke i mbetur besnike akuzës së formuluar prej saj dhe masës së dënimit të kërkuar në shkallën e pare për të dy drejtuesit e Gardës.

[Mike Oldfield]

Ore per Luan Hoxhen eshte prere flete arresti nga prokuroria per Gerdecin, a din gje Arvizu se ku ndodhet?
Gojet e liga thone se eshte ne amerike.

[Brari]

kush na e gjen ate videon ku kryebanditi edvin u a ben me shenja kapobandave se.. tash eshte casti.. filloni barbarin u thote.. se.. na duhen ca zagaro-ziverë te vrare..

[Antiproanti]

kush na e gjen ate videon ku kryebanditi edvin u a ben me shenja kapobandave se.. tash eshte casti.. filloni barbarin u thote.. se.. na duhen ca zagaro-ziverë te vrare..

S'ka lidhje me vrasjen e protestuesve te pafajshem...
Rama nuk mund te behet pergjegjes per vrasjen e protestuesve te pafajshem nga ana e Gardes.

Rama do te mund te denohej per ndonje veprim te kunderligjshem gjate protestes apo organizimit te saj, pa pasur asnje efekt ne pergjegjesine e vrasesve per vrasjen e protestuesve te pafajshem. Vrasesit nuk do te shfajesoheshin pse do te denohej Rama, por vetem nese nuk kane vrare, ose nuk ka prova dhe fakte te mjaftueshme qe e vertetojne pa asnje dyshim (sipas ligjit) vrasesin.

[benseven11]

Sipas artikullit
Gjykata u shpreh se nuk kishte asnjë prove shkencore që të vërtetonte
se nga cila armë është vrarë Hekuran Deda dhe se sipas saj(gjykates) akuza
është ngritur vetëm mbi bazat e deklaratave të disa dëshmitarëve
Mbetet e paqarte se cfare kane thene deshmitaret ne deklaratatat e tyre
dhe perse nuk merret deklarata e deshmitareve si prove fajesie per autoret,
perderisa deshmitaret betohen ne
gjykate qe do thone te verteten dhe vetem te verteten.

[Qyfyre]

Ku mund te lexohet vendimi i plote i gjykates?

[Antiproanti]

Ku mund te lexohet vendimi i plote i gjykates?

http://www.lajmifundit.al/lajme/2013...ane-me-dashje/

[Albo]

21 Janari, akuzat ndaj ekspertit për manipulim provash, Çardaku: Ja e vërteta ime

TIRANË- Ekspertin Ndoc Çardaku i ftuar në News 24, pas publikimit të videos së ekspertizës për ngjarjet e 21 Janarit, ka hedhur poshtë akuzat e Prokurorisë dhe opozitës për manipulim të provave.


“Unë jam i befasuar kur u njoha me apelimin e Prokurorisë së Tiranës drejtuar gjykatës së apelit ku unë rezultoj me emër dhe mbiemër për manipulimin e provave. Kjo është një nga gjërat më të rënda që mund ti bëhet jo vetëm një eksperti por cdo personi publik. Rrethimi i vendit të ngjarjes dhe izolimi i saj bëhet deri në momentin që grupi i hetimit të vijë në vendin e ngjarjes. Në këto kushte, një ekspert qe manipulon provat nuk meriton të jetë ekspert. Pretendimi i akuzues në këtë rast është një flluskë në tymnaje dhe nuk ka asgjë të vërtetë. Ekspertët e institutit të policise shkencore vihen në veprim për të ekzaminuar një provë materiale me një vendim të ardhur nga organi i gjykatës, prokurorisë dhe që në atë moment eksperti vihet në veprim për ekzaminimin e provës.

Kur janë vënë në dispozicion provat?
Provat janë vënë në dispozicion me datë 24.1.2011 ora 13:00. Ky procesverbal është mbajtur në kompjuterin tim nga ana e oficerit të policisë gjyqësore. Ne kemi bërë ekzaminim e rrobave ne prezencë të tyre dhe ky procesverbal është vënë në dosje të policisë gjyqësore. Ky procesverbal është vënë në dispozicion të tyre . Në rrobat e viktimës Zier Veizi nuk u konstatua prania e mikroprovave. Në qitje të distancave të largëta nuk provohet prania e mbetjeve të tij.

Ku u gjetën ashklat?
Unë nuk jam marrë me ekzaminimin e kufomës. Është bërë një video që nga fillimi në fund, ajo që kam konstatuar në media duke bërë interpretime kësaj video më detyronte të shpjegoj momentin e filmimit të saj. Deri më datën 5 dhjetor që më ka thirrur gjykata nuk është bërë ekzaminim as i ashklave as i rrobave të viktimës, nga ana e organit të prokurorisë. Unë kam dorëzuar raportin dhe prokuroria nuk më ka pyetur më.

Cfarë lidhje ka Dritan Zoto, pse janë dhënë dy ekspertiza.
Ashklat e gjetura në nivelin e dëmtimit në këmishën e Ziver Veizit të marra në procesverbal duhet të ekzaminoheshin edhe më parë. Për të cilët organi i prokurorisë nuk i ekzaminoi. Në procesin gjyqësor rezulton se duhet të ekzaminohen këto dy ashkla dhe u caktuan dy ekspertë. Ekspertët në nivel profesional dhe teknik duhet të ishin ekspertë të balistikës mjeko-ligjore, pasi është ajo që ekzaminim dëmtimet e shfaqura nga qitja në trupin e viktimës. Organi i prokurorisë caktoi një ekspert që mbulon fushën e grafisë. Konkluzionet e tyre ishin në kundërta. Konkluzionet ishin të kundërta. Ishte vetëm një pyetje nga organi i gjykatës, nëse predha që del nga tyta në armën e zjarrit dhe në momentin që godet objektin a mund të marrë mbetje me natyrë tjetër? Kjo ishte pyetja që duhet zgjidh. Njëri nga ekspertët dha konkluzionin se predha në trajektoren e saj në mënyrë shkencore ka shoqëruar dy ashklat në periudhën e fluturimit të tij, tjetri tha se nuk ka mundësi.

Balkanweb

[Albo]

“21 Janari”, specialisti i IT-së në Kryeministri shpallet i pafajshëm edhe në Apel

TIRANË – Gjykata e Apelit shpalli të pafajshëm specialistin e IT-së së Kryeministrisë dhe hodhi poshtë akuzat ndaj tij për fshirjen e pamjeve të 21 janarit të vitit 2011 nga serveri qendror i Keshillit të Ministrave.

Trupi gjykues vlerësoi se Armando Kasaj nuk i kishte fshirë, pamjet ashtu sikurse pretendonte organi i akuzës, duke e shpallur atë të pafajshëm.

Prokuroria kërkoi dënimin me 2 vjet burg për specialistin e IT-së së Kryeministrisë për veprime që pengojnë zbulimin e të vërtetës dhe për shpërdorim detyre.

Ndërkohë, vetë Kasaj në deponimet e tij, ka pranuar vetëm se ka kopjuar pamjet e një prej kamerave dhe gjithçka i është dorëzuar Gardës së Republikës

Armando Kasaj u shpall i pafajshëm edhe nga Gjykata e Shkallës së Parë.

(e.m/BalkanWeb)