Raporti i EMA: Papunesia ne Shqiperi, ja si eshte rritur

[EuroStar1]

Forca e punës në Shqipëri llogaritet në 1,076,714 persona, nga të cilët 13.32 % janë punëkërkues të regjistruar. Sipas një raporti të publikuar të martën nga Lëvizja EMA, 62,2 % janë të papunë afatgjatë. Në moshat e reja evidentohet se papunësia arrin shifrat 15,6 % në grupmoshat deri në 25 vjeç dhe 22,9% në grupmoshat 25-34 vjeç.

Sipas raportit të lëvizjes EMA, papunësia është relativisht e lartë dhe programet e nxitjes së punësimit kanë patur një ndikim të kufizuar për një sërë arsyesh. Ky raport i lëvizjes EMA, i mbështetur nga Balkan Trust for Demokraci dhe Friedrich Ebert Stiftung, sjell dhe disa rekomandime për politik bërësit dhe institucionet shqiptare. Ajo sygjeron që politikat e nxitjes së punësimit duhet të marrin më shumë vëmendje dhe fonde në planin afatgjatë. Gjithashtu duhet të ushtrohen kontrolle më të rregullta me qëllim uljen e informalitetit në punë.

“Problemi kryesor në statistikat e papunësisë është konflikti i interesit në Ministrinë e Punës dhe çështjeve Sociale”, shpjegon një ekspert. Ministria që ka për detyrë të nxisë punësimin dhe të hapë vende të reja pune, ka gjithashtu detyrën që të numërojë të papunët. Për pasojë, është e qartë se pse në Shqipëri numri i të papunëve gjatë dhjetë viteve të fundit janë ulur shumë më tepër sesa është rritur numri i të punësuarve që paguajnë sigurime shoqërore.

Një anketë e zhvilluar nga Instituti i Statistikave së fundmi, nxori në dukje faktin se papunësia në zonat urbane në Shqipëri është 28%, por llogaritë përfundimtare, e konsiderojnë të gjithë popullatën maxhorene rurale “të vetëpunësuar në bujqësi”, gjë që e përmirëson dukshëm bilancin. Anketa nxjerr në pah se papunësia në zonat urbane për njerëzit me arsim tetëvjeçar është 34%, ndërkohë që mungojnë të dhënat mbi papunësinë në qytete të ndryshme. Përkundrejt zonave urbane, papunësia në bujqësi, me metodologjinë ekzistuese është vetëm 2 deri në 3%, shifër që në teorinë ekonomike të botës së sotme konsiderohet si e pakuptimtë.

Por ekspertët e bujqësisë thonë se nuk është e mundur që Shqipëria të ketë 542 mijë të vetëpunësuar në bujqësi për shkak se ka vetëm 400 mijë hektarë tokë të punueshme dhe se një sipërfaqe e tillë mund të punohet me dhjetë herë më pak krahë pune. Anketa klasifikon rreth 420 mijë shqiptarë si “maxhorenë inaktivë në tregun e punës”. Nga këto, 164 mijë, numërohen se janë studentë, 67 mijë deklarojnë se nuk kërkojnë punë ngaqë e dinë se nuk ka, 59 mijë janë shtëpiakë, ndërsa po kaq të tjerë janë në pension të parakohshëm.

“Të papunë të dekurajuar janë persona në moshë pune të aftë për të punuar, po që nuk kanë kërkuar punë në katër javët para datës së intervistës sepse “besojnë që nuk ka punë të disponueshme”. Ata përfshihen në pjesën inaktive të popullsisë në moshë pune. Nga anketa rezulton që rreth 70% e të papunëve të dekurajuar janë femra”. Por ndërkohë që në qytet, qeveria njeh se ka “të papunë vullnetarë” që nuk konsiderohen si “të papunë punëkërkues”, për popullatën rurale nuk ka statistika të tilla. Popullata rurale prej 1.5 milionë banorësh vlerësohet se ka 542 mijë të vetëpunësuar dhe pjesa tjetër është popullatë inaktive, pra fëmijë dhe të moshuar.

[EuroStar1]

Varfëri ekstreme në Shqipëri,statistika të frikshme varfërie! - Lexoni shifrat tronditëse


Varfëria ka vënë nën kthetrat e saj familjet shqiptare dhe shumë njerëz po mbijetojnë... duke vjedhur hekur,ushqime,ndërsa disa të tjerë po vetëvriten.
Sipas raportit të Bankës Botërore i cituar tek “Panorama” rreth 58% e e banorëve të Shqipërisë jetojnë me 5 dollarë për frymë. 11% e popullsisë jeton me 2.5 dollarë në ditë, 4.3% jetojnë në minimum jetik vetëm me 2 dollarë në ditë, ndërsa 0.6% e tyre jeton në varfëri ekstreme. Ndërkohë vlen të theksohet se këto të dhëna janë matur përpara se kriza të pësonte thellim të saj.

Në një raport të UNICEF publikuar pak muaj më parë raportohet se 23% e familjeve jetojnë nën nivelin e varfërisë absolute, ndërsa 10 % e tyre në nivelin e varfërisë ekstreme me vetëm 3.047 lekë për frymë në muaj.

Sido që të luhaten këto shifra shqiptarët janë të kërcënuar nga varfëria dhe është e domosdoshme të ndërrmerren politika sociale. Papunësia është një prej faktorëve që ndikon në nivelin ekonomik dhe në shifrat e publikuara nga INSTAT 13.3 % e shqiptarëve janë të papunë. Numri mund të jetë akoma më i lartë sepse INSTAT i referohet të regjistruarve në zyrat e Ministrisë së Punës dhe Çështjeve Sociale.

[EuroStar1]

33 lekë për frymë në ditë

Pak muaj më parë Kuvendi votoi një ligj që ndryshon skemën e mbrojtjes së familjeve me të ardhura të ulëta. Qeveria thotë se ligji rrit mbështetjen financiare për të varfërit dhe përmirëson gjendjen e tyre.

Por si jetojnë të varfërit në Shqipëri? Të dhënat zyrtare tregojnë se në Shqipëri ka rreth 370 mijë të varfër, ose 94 mijë familje jetojnë me ndihmë ekonomike. Nga ky total 60 mijë familje përfitojnë ndihmën e pjesshme prej 3100 lekë në muaj, pjesa e mbetur prej 34 mijë familjesh përfitojnë ndihmën e plotë, pagesa e së cilës është 3900 lekë në muaj. Por a mjaftojnë 4 mije lekë në muaj, që nja familje prej 4 vetash të përballojë qoftë edhe nevojat më minimale?

Kufiri zyrtar i varfërisë sipas përcaktimeve të Bankës Botërore është 2 dollarë në ditë për frymë. Por ndihma maksimale ekonomike që qeveria jep për një familje është 4 mijë lekë në muaj. Kjo do të thotë se për një familje me katër veta të ardhurat nga ndihma ekonomike janë vetëm 33 cent të dollarit ose 33 lekë në ditë për frymë. Nëse nuk ka të ardhura të tjera, kjo familje është e destinuar të luftojë për mbijetesën.

Luan Shahollari, dikur zv/ministër i Financave dhe që së fundmi merret me studime mbi mbrojtjen sociale thotë se kjo është shkelje e të drejtave të njeriut.

“Qeveria shqiptare ka nënshkruar konventa ndërkombëtare ku angazhohet të mos lërë asnjë familje nën kufirin 2 dollarë. Ne po i shkelim”, thotë zoti Shahollari.

4 mijë lekë në muaj, që shteti jep si ndihmë ekonomike do të linin nën kufirin e varfërisë edhe një familje me një person, jo më një familje më të madhe. Por a mundet qeveria të japë me shume para nga buxheti për të varfërit?

“Një qeveri përpara se të bëjë rrugë deri në 1 miliardë dollarë dhe godina parlamentesh me vlere 100 milionë dollarë, duhet të garantojë të drejtën themelore të njerëzve të saj, atë të jetës”

Shqipëri jep 10 për qind të produktit të saj bruto për qëllime sociale. Në Bashkimin Europian kjo shifër është 2.7 herë më e lartë.

[Albo]

Varferi, ka patur, ka dhe do te kete. Dhe ideja e "shuarjes se varferise" eshte ide utopike. Varferia nuk luftohet me "asistence nga shteti", varferia luftohet me zhvillimin e ekonomise se vendit, zgjerimin e saj, qe hap vende pune e puneson njerez. Dhe nuk jam dakord me personin me lart qe thote se investimet ne infrastrukture nuk duhet te behen por duhet te kalohen ato leke ne asistence sociale. Njerezit nuk kane nevoje per asistence, kane nevoje per vende pune. Dhe investimet ne infrastrukture rrisin aktivitetin tregtar dhe ekonomik te zonave ku keto rruge ndertohen, dhe u japin mundesi edhe te papunesuarve qe te vetepunesohen. Nje rruge e re qe ndertohet ne nje zone shkurton distancen e rruges se zones me nje qender te populluar, qe do te thote se ai fshatari tani ka nje mundesi me shume per te shitur produktet e tij blegtorale e bujqesore ne nje treg qe paguan me shume. Do te thote qe rruga e re do te sjelli me shume levizje njerezish ne ate zone, e detyrimisht me shume tregti. Do te thote qe ajo zone qe deri dje ishte e izoluar per vete shqiptaret e turistet qe vizitojne Shqiperine, tani do te shohi me shume vizitore shqiptare e turiste te huaj qe do te vijne ta vizitojne zonen duke futur kapital ne ekonomine lokale: ai vizitori qe vjen do te haje, te pije, te fleje, te bleje produktet e zones.

Qeveria duhet te provoje disa politika te reja per te zgjidhur punen e papunesise. E ardhmja e ekonomise shqiptare eshte turizmi. Turizmi veror ne jug dhe ai malor ne veri. Kjo e kthen Shqiperine me nje vend qe ka potencial qe te kete turizem gjate gjithe vitit, si ndaj muajve te veres edhe gjate dimrit. Pengesa kryesore qe ka penguar turizmin ne Shqiperi e hyrjen e bizneseve te medha ne kete industri qe sjellin jo vetem kapital por edhe eksperience ne kete fushe, eshte problemi i prones. Cdo vit qe ceshtja e prones private nuk eshte zgjidhur ne Shqiperi, cdo vit Shqiperia humbet miliona dollare ne investime e mijera vende te reja pune ne turizem. Ajo qe qeveria duhet te beje eshte qe te identifikoje zona te caktuara ne vend me potencial turizmi veror e malor. Ne keto zona, qeveria duhet te zgjidhi problemine prones ne menyren me te thjeshte: blerjen e tokes nga pronari. Duke e blere token nga pronari dhe duke krijuar keto zona te lira ne vend, qeveria mund te ofroje biznesin e madh ne industrine e turizmit qe mund te vijne e investojne ne keto vende te krijojne rizorte te medha. Keto biznese kane vetem nevoje per toke dhe infrastrukturen minimale: uje, drita, rruge dhe aeroport. Te tjerat i bejne vete. Keto garantojne hapjen e vendeve pune dhe nje fluks te madh turistesh qe zgjedhin te shpenzojne ne ekonomine shqiptare leket e tyre te pushimeve. Potenciali i Shqiperise per turizem eshte i jashtezakonshem.

Problemi tjeter ne Shqiperi eshte sistemi i arsimit. Ky sistem ka dy probleme qe bien ne sy: korrupsioni ne nje ane qe ka krijuar te shkolluar me leke e jo me dije; problemi tjeter eshte qe shumica e studenteve shqiptare po mbarojne per dege qe nuk kane pune te garantuar ne vend. Nuk ekziston nje partneritet midis biznesit privat - politikave te shtetit - universiteve te vendit, publike dhe private. Shteti duhet te promovoje dege te cilat jane me interes per politikat e tij dhe ekonomine shqiptare: nese energjitika dhe turizmi jane dy industrite ne te cilat shteti po investon, duhet te kete nje partneritet mes bizneseve private dhe universiteteve te vendit: Shqiperia sot nuk ka nevoje per ekonomiste e juriste qe i ka me shumice, ka nevoje per njerez te kualifikuar ne fushat profesionale, sic eshte nafta, gjeologjia, turizmi. Qeveria ka nje rol per te luajtur per te koordinuar nevojen e bizneseve ne vend per krah pune te kualifikuar ne keto fusha, dhe shkollat qe i prodhojne keta studente te arsimuar: duhet te reklamohen nevojat e biznesit ne publik, kushdo qe vazhdon nje dege X e ka punen te garantuar ne mbarimin e shkolles pasi vendi do te kete nevoje per te tille njerez te kualifikuar ne vitet ne vazhdim.

Dhe politika e trete qe duhet te ndjeki shteti eshte mikro-kreditimi ne rradhet e te papunesuarve dhe moshave te reja. Nuk eshte ne interesin e shtetit qe te kete njerez ne asistence qe behen barre per shtetin e gjithe taksapaguesit e shtetit, ashtu sic nuk eshte ne interesin e njerezve ne asistence qe te ngelen ne asistence por te punesohen e kthehen ne taksapagues duke permiresuar keshtu mireqenien e familjeve te tyre. Mikrokreditimi eshte politike e ndjekur me sukses nga shteti dhe bankat private ne vende ku kane varferi ekstreme, sic eshte India per shembull. Ideja eshte qe keta njerez ne asistence, nese kane nje ide apo nje aftesi per tu vetefunesuar per te hapur nje biznes privat, por nuk kane mundesi financiare, mund te shkojne prane nje banke shteterore apo private per te marre nje kredi nga shteti. Kredite jane ne shuma te vogla sa per te filluar biznesin dhe mund te riaplikojne per kreditim me te madh nese biznesi i tyre tregon potencial per te qene i suksesshem. Kjo kategori njerezish, duke qene te papunesuar, e kane te pamundur per te marre nje kredi ne banka private, prandaj shteti duhet te japi ndihmen e pare ne kete drejtim. Nese ata ia dalin me suskes qe te shlyejne kredine qe moren ne shtet, bankat private do te jene me te interesuara per te kredituar biznesin e tyre ne te ardhmen.

Te gjitha politikat e shtetit shqiptar nuk duhet te kene parim rritjen e shumes se asistences, por uljen e numrit te te papunesuarve ne vend. Po u ul numri i te papunesuarve dhe po u hapen vende pune ne vend, do te thote qe ata njerez qe do te ngelen ne asistence do te marrin me shume ndihme nga shteti, edhe pse ne buxhetin e shtetit shuma eshte e njejte.

Albo

[essie]

më shumë se 50% e popullsisë janë të papunë për shkak të klasës sociale, arsimit, ekonomisë dhe fakti kryesor që vendi është shumë i dobët për të arritur stabilitetin social dhe mirëqenien për familjet etc...

[Norça.li]

*

Nese mund (guxojme) t'iu besojme ketyre statistikave, atehere Shqiperia na qenka mesatarja e shteteve te BE-se, se paku nese i referohemi perqindjes se papunesise me 13,3 %.
Kurse kjo, duke iu referuar gjithnje kesaj perqindjeje (13.3), tregon se Shqiperia i paska punet mjaft mire. Jo dhe ideale, ama megjithate...
Edhe te ardhurat nuk qenkan aq te keqia: mbi 60% me te ardhura prej 5$ per fryme.

*

[EuroStar1]

*

Nese mund (guxojme) t'iu besojme ketyre statistikave, atehere Shqiperia na qenka mesatarja e shteteve te BE-se, se paku nese i referohemi perqindjes se papunesise me 13,3 %.
Kurse kjo, duke iu referuar gjithnje kesaj perqindjeje (13.3), tregon se Shqiperia i paska punet mjaft mire. Jo dhe ideale, ama megjithate...
Edhe te ardhurat nuk qenkan aq te keqia: mbi 60% me te ardhura prej 5$ per fryme.

*

Po pra $5 per fryme.... d.m.th nje familje me 4-5-6 veta rron me 5 ose 10 $ nese punojne te dy prinderit...e kupton !? ( Apo i llogarisni edhe femijet ne pune ju ? ) Eshte nje MBIjetese me rreth 250 - 300 $ ne muaj, nderkohe qe 100 $ jane vetem taksat e shtetit ku perfshihen Uji, Korenti, Telekomi, pastrimi etj. Cfar do hash apo do veshesh me 150 $ te ngelura ne muaj, duke mos harruar spitale dhe Ilace, shkollen dhe librat.

p.s

Albo, me ty flet kot se ti je i mpire politikisht dhe fetarisht

[Norça.li]

Po pra $5 per fryme.... d.m.th nje familje me 4-5-6 veta rron me 5 ose 10 $ nese punojne te dy prinderit...e kupton !? ( Apo i llogarisni edhe femijet ne pune ju ? ) Eshte nje MBIjetese me rreth 250 - 300 $ ne muaj, nderkohe qe 100 $ jane vetem taksat e shtetit ku perfshihen Uji, Korenti, Telekomi, pastrimi etj. Cfar do hash apo do veshesh me 150 $ te ngelura ne muaj, duke mos harruar spitale dhe Ilace, shkollen dhe librat.

Euro,
per fryme eshte per koke banori. Per koke banori perfshihen si ata qe punojne, njashtu edhe ata qe nuk punojne.
Ne baze te kesaj fola une. Prandaj dhe u habita (irritova) pakez.

Sipas kritereve qe qarkullojne, ata qe kane te ardhura prej 1$ per fryme (koke banori) klasifikohen si te varfer ekstrem.
Deri ne 2$, konsiderohen si te varfer apo si te atille qe mezi ia dalin te jetojne.
3$ e me shume...s'jane dhe aq fukara. Te mos flasim per 5$.
Keshtuqe ose statistikat jane teper te zbukuruara ose dic tjeter nuk eshte ne rregull.

*

[EuroStar1]

Euro,
per fryme eshte per koke banori. Per koke banori perfshihen si ata qe punojne, njashtu edhe ata qe nuk punojne.
Ne baze te kesaj fola une. Prandaj dhe u habita (irritova) pakez.

Sipas kritereve qe qarkullojne, ata qe kane te ardhura prej 1$ per fryme (koke banori) klasifikohen si te varfer ekstrem.
Deri ne 2$, konsiderohen si te varfer apo si te atille qe mezi ia dalin te jetojne.
3$ e me shume...s'jane dhe aq fukara. Te mos flasim per 5$.
Keshtuqe ose statistikat jane teper te zbukuruara ose dic tjeter nuk eshte ne rregull.

*

Une ta ndoqa edhe ne menyren qe ti parashtrove edhe pse nuk eshte ashtu, une bera nje supozim. Realiteti i 5 dollarve per fryme eshte ky

http://www.forumishqiptar.com/thread...=1#post3566250

[Norça.li]

Une ta ndoqa edhe ne menyren qe ti parashtrove edhe pse nuk eshte ashtu, une bera nje supozim. Realiteti i 5 dollarve per fryme eshte ky

http://www.forumishqiptar.com/thread...=1#post3566250

Eh, po...
...une iu referova vetemse shkrimit te pare, raportit te EMA-s.
Ky tjetri (qe e solle dhe eshte postimi nr. 2 me duket) e deshmon te kunderten, rrespektivisht te verteten me te perafert.

P.S.
Kete te dytin e kam lexuar dje, kurse te parin sot
P.P.S.
Me erdhi zor sepse nuk dita te llogaris ne lek

*