nga e tera kjo tragjedi, shihet qarte, qe viktima eshte abuzuar qe ne moshe te mitur, nga ky monstrumi 80 vjeçare, qe edhe ne keto kohera qenka shetitur me arme ne breze dhe sopaten ne krah, sikur te ishte Zombi from Mozambique
si lajm dhe ngjarje, sa ogurzi, po aq edhe i turpshem, jo vetem per familjen qe ka ndodhur, por edhe per shoqerine shqipetare. Ngjarje te tilla, jo domosdoshmerisht, por nganjehere tregojne edhe nivelin e ngritjes dhe zhvillimit te nje shoqerie dhe nje kombi.
...nuk i dihet kurre, nuk i dihet kurre, ndoshta vjen momenti...!
Nga Rudina Xhunga
Aisha e pa vdekjen në sy....
Policia deklaron që vrasësi i saj është një 80-vjeçar dhe ndoshta ai është. Por tanimë, kur Aisha s’është më, besoj se, kushdoqoftë monstra, nuk do të merret vesh kurrë cili vërtet e vrau Aishën.
Sepse as u mësua, as u dënua kush e vrau Erietën. Qentë e gjetën gruan e gjorë, të copëtuar dhe mbaruan punën që nisi vrasësi. Edhe media i dha një dorë, me botimin e përgojimin e moralit të së vdekurës që s’kishte gojë të përgjigjej.
Po Irena Selin, u gjet kush e vrau? Po Kozetën? Po Aurorën? Asgjë. U harruan. Vetëm nënat i qajnë.
Aisha ishte jetime. Nuk ka as nënë ta qajë. Po bëhej vetë nënë, e vogla. Mbante në bark një jetë 11-javëshe.
E kërcënuan ta hiqte. Nuk e bëri. E vranë që të mos bëhej nënë. E vranë se donte të mbronte beben e vet.
I këputën kokën si zog dhe ia hodhën në një arë me misër.
Unë nuk kam fjalë të tregoj dhimbjen, neverinë dhe llahtarën që provoj, kur mendoj për këtë vdekje. Dhe mendoj për të gjithë kohën. Nuk arrij ta shkëpus veten nga tronditja që provova për këtë makabritet.
Vetëm mendoj për atë të mjerë, për fshatin ku lindi, fshatin ku erdhi, për nënën që humbi, për vëllezërit e motrat që iu bë nënë. Për vetminë, për varfërinë, për ëndrrat që ka një vajzë e vogël. Një vajze e mjerë.
E përdhunuan të mitur. E lanë shtatzënë të vogël. E masakruan në mes të një are. Ajo e vdekur ishte, por e vranë përfare.
Po, pse moj zemër e vogël nuk kishe një armë, si Nazimja, me vete, atë natë?
Nuk është ky arsyetimi që duhet të ndaj në publik, por ky realitet nuk mban më arsyetim.
Një e mitur kokëprerë. Një mort i ndërprerë se vajza ishte shtatzënë. Një familje që ka të njëjtin version. Një motër që nuk flet. Që nuk di gjë. Për të motrën që e rriti, që ndante dhomën, që ndante tmerrin. Tani ndajnë heshtjen. Në emër të nderit.
Një media që çfarë nuk shkruan, për vrasës kasapë, profesionistë, sekte muslimane, për lloj-lloj banalitetesh të paprovuara, duke i vënë damkën e vulgaritetit, dramës së madhe të këtij kombi.
Këtij kombi që po i vrasin gratë. Dhe nuk i gjejnë kurrë vrasësit. Se jeta e grave këtu s’rrit peshë. Ka gra me shumicë…
Gra me vrasës pa emër. Po të kishte pasur emër vrasësi i Erietës, Aurorës, Kozetës, nuk do guxonte ky katil ta këpuste pa frikë e faj kokën e Aishës. Ky i marrë që i mori jetën një nëne. Por ai e pati të lehtë ta bënte, se ky yni është një vend i mallkuar për gratë. Ky yni nuk është vend për gratë. Për gratë e mjera të provincës, që vijnë në qytet me shpresë të jetojnë. Për vajzat e mitura të fshatit që humbasin në këtë qytet të madh, pa një dorë, pa një zë, pa një ndihmë, pa një fat. Qyteti i madh pa rregulla, pa ligje, pa shtet, pa solidaritet, pa zemër, po i ha, po i vret.
Unë nuk di të them, ku do shkojë e gjithë kjo? Si do të mund të rrojë qetësisht një shoqëri që vret gruan kaq normalisht?
Unë nuk di të them, a do të flasë Jozefina Topalli? A do të thotë një fjalë, do të mbajë një minutë heshtje, do të ndezë një qiri, do të kërkojë rishikimin e një ligji?
Po Liri Berisha, gruaja e Kryeministrit të vendit; po Linda Rama, gruaja e kreut te opozitës? Po Monika Kryemadhi? Do shkunden që të shkundin burrat e tyre, që bashkë kanë ndërtuar këtë sistem që po na vret?
Kanë ndonjë fjalë për të thënë, kanë ndonjë gjë në dorë? Unë nuk mundem të fajësoj asnjërën prej këtyre dhe atyre që s’kam përmendur, sepse fajin e kam dhe vetë. Edhe unë jam fajtore që Aisha vdiq. Me çfarë bëj edhe s’bëj, kam faj që s’ndalova ta thernin si zog.
Ndiej përgjegjësi për çfarëdo gjëje që u ndodh grave të vendit tim, sepse kam një zë dhe nuk e përdor sa duhet, duke besuar e menduar se këtu ka marrë fund, s’ia vlen. Po fundi s’paska fund.
Ndaj nuk kam të drejtë t’i hakërrehem kujt pse nuk bëri çfarë.
Ndaj thjesht po ju lutem. Këtyre grave publike dhe gjithë grave të këtij vendi, që e kanë një zë. Lëshojeni! Ndizni një qiri në shtëpi, a në shesh për Aishën. Bëni një shkrim, jepni një intervistë, shkojini në shtëpi, çojini lule në varr, bëni çfarë të mundeni, por mos rrini duarkryq! Vajza të FRPD, të FRESH, të LRI, të AK. Vajza të “Petro Ninit”, të FB, të Bllokut, bëni një gjë! Gjejeni vetë çfarë. Aq mend i keni. Po bëjeni! Kanë vrarë Aishën. E ke radhën ti pas saj, po nuk fole, sot.
Mos e bëj për Aishën, nëse nuk e ndien. Bëje për vete..!
BRAVO Rudina !
Unë jam njeri i thjeshtë.
Kënaqem me pak.
Më mjafton më e mira.
po ate dashnoren qe hiku bashke dritan hoxhen,po ato gocat/viktimat qe i perdoren si karrem,per te futur ne gracke ylli pangon,si paska permendur rudina shpirtmadhja ???...a por duhet mbyllur goja,se ashtu e do puna
Njerezit qe kafshojne doren e atij qe i ushqen,zakonisht lepijne kepucet e atyre qe i godasin.
Nqs eshte fakt ajo qe thua,babai i saj duhet arrestuar dhe varur qe kaPostuar më parë nga violativo
kthyer vajzen ne prostitute.
Kjo histori duhet te behet roman.Shume unike si histori
Edhe une ashtu mendoj ,babai i saj ka ditur edhe motra e saj ka ditur
dhe nuk e kane raportuar pasi ai u jepte leke.
Te dy te degjeneruar,babai dhe vrasesi.
≈♥♠♣♦≈ovguide.com/movies
Me vjen shume keq kur lexoj ngjarjet ne gazete cdo dite cfare ndodh ne Shqiperi, si ka mundesi qe ne jemi kthyer ne kafshe dhe nuk na ka ngelur dicka e mire cfare te shfaqim, cte them per kete vajze te gjore, me vjen keq sa ska me, por keshtu eshte kur nuk ka ligje dhe nuk funksionon asgje ne Albanistanin tone te dashur .....
Fatekeqesi e mjerim, edhe po te ishte Shqipnija e mjere 100 000 000 jane teper shume kso ngjarjesh. Nuk di a ka kush qe lut Zotin ne ate vend apo ja kane kethye shpinen prandeje edhe ndodhin kesosh tmerresh qe te shkurtojne jeten tue i ndigjue perdit e nuk ke chka ban.
Një histori miqësie dhe mirëbesimi është kthyer në tragjedi për familjen Vata në Xhafzotaj të Durrësit. Zanafilla e abuzimit nga fqinji Shaban Norja ka nisur në mesin e viteve 2000, kur Muhamet Vata vendosi të emigronte drejt Anglisë. Fqinjët e dy familjeve tregojnë se Muhameti i kërkoi Shabanit të kujdesej për të bijat dhe familjen për sa kohë ai nuk ndodhej në Shqipëri. Kishin pak kohë që njiheshin mes tyre, pasi Muhamet Vata ndërtoi shtëpinë në truallin e blerë prej rojës Shaban Norja, por bash për këtë arsye, fqinji i ri i ishte bërë njeriu më i afërt në Xhafzotaj. Deri ditën kur kthehet nga emigracioni dhe mëson shkeljen në besë nga i moshuari. Gjatë mungesës së Muhamet Vatës, hetuesit tregojnë se Shaban Norja ka hyrë dhe ka dalë rregullisht nga shtëpia e tij, duke krijuar një lloj marrëdhënieje që të jepte idenë e një miqësie familjare. Kjo lloj marrëdhënieje, sipas hetuesve të policisë së qytetit të Durrësit, mësohet se ka vazhduar deri në vitin 2009, kur njëra vajzë e familjes është kthyer nga i shoqi, pas natës së parë të martesës. Deri në këtë kohë, i moshuari i merrte me raste dy vajzat e mitura të Muhametit në shtëpi, me pretekstin se e ndihmonin të shoqen në punët e shtëpisë. Pas vitit 2009 janë ndërprerë hyrje-daljet mes dy ish-miqve, çka nuk i ka dhënë fund abuzimeve të Shaban Norjes në familjen Vata.
***
Burime nga grupi hetimor i thanë dje MAPO-s se miqësia mes Norjes dhe Muhamet Vatës ishte prishur rreth 3 vjet më parë, e mes tyre nuk kishte asnjë komunikim. E megjithatë, asnjë denoncim nuk është bërë në polici për abuzimin seksual nga i moshuari. Përgjatë kësaj kohe, Muhamet Vata ka ndërtuar biznesin e servisit të makinave me paratë e fituara në Angli e punonte aty gjatë gjithë kohës, për t’u siguruar jetën fëmijëve. Pas shkëputjes së marrëdhënieve, Shaban Norja ia ka vënë syrin Ajshesë, asokohe vetëm 13 vjeçe. Nga hetimet e kryera policia ka mundur të mësojë se marrëdhënia e parë seksuale mes tyre është kryer përmes kërcënimit dhe mashtrimit. Një fakt i tillë është pranuar nga 80-vjeçari gjatë dëshmisë së tij në polici, ku ka thënë se “herën e parë e kam kërcënuar, ndërsa më pas vinte vetë”. Streha e perversitetit të tij është bërë një shtëpi e vjetër, ngjitur me atë të familjes Vata, ku vajza e kishte të lehtë të shkonte kur të tjerët ishin në gjumë. E njëjta skemë nisi edhe mbrëmjen e vrasjes, kur Ajshe Vata zbriti nga dritarja për të takuar 80-vjeçarin, i cili nga ana e tij kishte një skenar ogurzi për të.
***
Emri i Shaban Norjes është lakuar ndër të parët e dyshuar në policinë e Durrësit. Burime nga policia i thanë MAPO-s se historia e 3 viteve më parë kishte shërbyer si dyshim nga babai i vajzës për ish-mikun e tij. 80-vjeçari ka qenë ndër të parët që ka dëshmuar në polici, ku i vënë përballë komunikimeve telefonike ka pranuar historinë me Ajshenë. “Kishim një marrëdhënie të mirë”, – ka thënë ai, duke mohuar të ishte ai autori i krimit. Megjithatë, si të gjithë meshkujt e tjerë është detyruar të lërë një kampion ADN-je, çka solli edhe rënien e tij në kurth. Përgjigja e analizës për atësinë e fëmijës ka sjellë edhe thyerjen e Shaban Norjes, i cili ka pranuar autorësinë e krimit.
Gjendet sëpata që vrau Ajshe Vatën
Pistoletë, thikë dhe sëpatë. Me këto 3 armë, Shaban Norja i ka marrë jetën 18-vjeçares Ajshe Vata, e cila ndodhej në muajin e tretë të shtatzënisë. Gjatë ditës së djeshme policia ka mundur të gjejë sëpatën me të cilën u vra Aishja, ndërsa pistoleta nuk është gjetur ende. “E kam hedhur në përrua”, – ka thënë 80-vjeçari para grupit hetimor, pa shprehur asnjë shenjë pendese. Shaban Norja ka pranuar për policinë se e ka përdhunuar vajzën kur ajo ishte akoma në shkollë 9- vjeçare. Norja po ashtu ka treguar se ka abuzuar me femra të tjera në fshat. Norja njihej në zonë për ngacmimet seksuale ndaj femrave. Policinë e ka ndihmuar mesa duket edhe djali i Norjes, Nardi, që kishte frikë nga një hakmarrje e mundshme e familjes Vata, të ardhur nga Kukësi në atë zonë.
Djali i sapokthyer nga Italia i Shaban Norjes, është shokuar nga historia intime dhe krimi, por ka ndihmuar policinë në gjetjen e provave
I biri refuzon vrasësin e
Ajshesë në qeli: Na nxiu faqen
Djali i Shaban Norjes është irrituar pas shoqërimit të parë të të atit, por më pas është bindur për fajësinë e tij. Refuzon takimin në qeli dhe bashkëpunoi me policinë për të gjetur provat që mbyllnin të atin në qeli
Dashamir Biçaku
Tiranë Në fillim është irrituar me policinë, por kur faktet e dala në dritë ishin kundër të atit, djali i Shaban Norjes ka bërë të gjitha përpjekjet për ta mbyllur atë pas hekurave. Burime nga policia bënë me dije se djali i vrasësit të Ajshesë ishte kthyer tri ditë para krimit nga Italia, pasi kishte përfunduar punën sezonale. Ka qenë në Xhafzotaj, natën që ishte kryer krimi e kur policia kishte shoqëruar të atin mes të dyshuarve, ai kishte reaguar negativisht. “Fillimisht, i biri i Shaban Norjes është revoltuar nga shoqërimi i të atit në polici, duke mos e besuar se ai kishte gisht në vrasje. Por kur gjetëm provat e para, ai ka bashkëpunuar në çdo moment për të gjetur sende komprometuese”, – i tha MAPO-s një burim nga policia. Sepse për Nardi Norjen, historia intime e të atit dhe krimi i kryer prej tij ishin shokues. “Tha që ndjehej i turpëruar nga i ati. Për këtë shkak refuzoi që ta takonte, duke na thënë se është i bindur tashmë që Shaban Norja është autori”, – thanë burime nga grupi hetimor.
***
Në rrethin e parë të të dyshuarve, Shaban Norja ia hodhi shoqërimit të parë me një dëshmi të rreme. Por grupi hetimor e ka pasur në fokus përgjatë gjithë ditëve të hetimeve, dyshime këto që u përforcuan me gjetjen e sendeve të vajzës, të flakura në një kosh. Sipas burimeve të policisë, ishte flakja e rrobave që tradhtoi 80-vjeçarin dhe siguroi provat e para shkencore kundër tij. Mes rrobave të viktimës, policia ka gjetur edhe një fije floku të autorit, çka ka bindur policinë se Shaban Norja ka qenë me Ajshe Vatën natën e krimit. Kjo solli edhe shoqërimin e dytë të të moshuarit në polici, ku pas 12 orësh ai ka pranuar vrasjen makabre të 18-vjeçares. Kur policia i vuri përballë të dyshuarit provat e para, ai nisi të zbërthehej pak nga pak, duke rrëfyer historinë e lidhjes së tij me viktimën si dhe marrëdhënien që kishte pasur me të. Kur këto fakte iu bënë të ditura djalit të Norjes, ky i fundit nisi të bashkëpunonte me policinë për të gjetur dhe ndihmuar këtë të fundit të grumbullonte provat. Burimet e policisë thonë se gjatë gjithë kohës ai bashkëpunoi me hetuesit, specialistët e krimeve si dhe ekspertët për të gjetur armët e krimit, thikën, sëpatën e vogël, si dhe pistoletën. Në një situatë të tillë, djali i Shaban Norjes, jo vetëm se bashkëpunoi me policinë duke shprehur edhe mllefin ndaj të atit, por edhe mësohet se ka refuzuar të takojë atë. Madje, burimet e policisë thonë se ai ka dashur të shkojë të ngushëllojë familjen e Ajshesë, por turpi nuk e ka lënë të trokasë në portën e tyre.
***
Të njëjtin pezmatim me djalin e viktimës kanë pasur edhe fqinjët e tij në fshatin Xhafzotaj të Durrësit. Të shokuar nga arrestimi i tij, ata e kanë përshkruar Shaban Norjen si njeri normal e për të cilin nuk u shkonte mendja kurrë se bënte të tilla akte. Fqinjët tregonin se sjelljet e 80-vjeçarit ishin normale dhe se nuk kishin vënë re asgjë të pazakontë rreth tij. Por dje pasdite, banorët e Xhafzotajt komentonin lëvizjet e tij të shpeshta me motor në afërsi të shtëpisë së Vatajve, duke e besuar së fundmi atë që kishte ndodhur. Shaban Norja do të gjykohet për krimin monstruoz të vrasjes së 18-vjeçares dhe prerjen e kokës së saj, pasi nuk pranoi të abortonte fëmijën.
Shaban Norja, përdorues i viagrës
Pas pohimit të policisë se autori i vrasjes së Ajshe Vatës dhe babai i foshnjës së saj ishte një 80-vjeçar, shumë ngritën supet me habi. Policia ka një përgjigje për aktivitetin seksual të të moshuarit, i njohur si Don Zhuan në zonë: viagra. Burime të policisë pohojnë se Shaban Norja ishte përdorues i rregullt i viagrës, fakt i pohuar prej tij para grupit hetimor. “Vetë i arrestuari, kur është pyetur nga oficerët e Zyrës së Hetimit të Vrasjeve, ka pohuar se përgjithësisht ka qenë i fortë fizikisht, por ka qenë i detyruar të përdorte stimulues seksualë”, – thanë burime të policisë. Vetë i arrestuari ka pranuar se ishte babai i foshnjës, por se i kërkonte asaj ta abortonte, çka nuk është pranuar nga 18-vjeçarja. Përveç dëshmisë së Shaban Norjes, policia ka pritur edhe përgjigjen e analizës së ADN-së për t’u bindur plotësisht. “Ka prova shkencore të pakundërshtueshme se Shaban Norja është babai i foshnjës. Kjo gjë është krejt e mundur, pasi meshkujt janë fertilë gjatë gjithë jetës”, – i dhanë përgjigje dyshimeve hetuesit e çështjes. Pasi kanë analizuar veprimet e tij, policia ka krijuar tashmë profilin e një maniaku seksual për Shaban Norjen.
Punonjësit e komunales rivarrosin Ajshenë
Një tjetër ceremoni mortore është zhvilluar paraditen e djeshme, kur u varros pjesa e kokës së Ajshe Vatës. Në rivarrim nuk ka marrë pjesë asnjë prej familjarëve apo të afërmve të 18-vjeçares dhe kanë qenë pikërisht punonjësit e komunales, ata që hapën varrin e Ajshesë. Punonjësit e morgut në Durrës u kanë kërkuar familjarëve të saj për të tërhequr kokën e vajzës së tyre, por askush nuk ka shkuar më atje. Ndërkohë, policia vijon hetimet për të zbardhur plotësisht skemën e krimit. Gjatë gjithë ditës së djeshme, familjarët Vata nuk kanë pranuar të komunikojnë me mediat për ngjarjen e rëndë. Ende të shokuar nga historia e vajzës së tyre, ata kanë refuzuar kontaktet me çdo person të huaj, duke kërkuar të qëndrojnë në hallin që u ka rënë./mapo/
Unë jam njeri i thjeshtë.
Kënaqem me pak.
Më mjafton më e mira.
Cfare tmerri o Zot!!!!
Nuk e pata te lehte te lexoj artikujt e sjellur, qe vetem neper horror filme i shikon...
eshte per te ardhur keq...ky rast, nuk eshte rasti i pare qe ndodh ne Shqiperi...sa e sa raste ka pasur ku kriminelet levizin te lire neper qytet...eshte per te ndjere neveri...ne njje vend si Shqiperia, jeta e nje femere nuk vleka as dy Leke!!
...nuk kan thene kot, injoranca dhe fukaralleku eshte burim i shume te zezave....
ೋღ♥ღೋ ══════════C6H12O6═════════ೋღ♥ღೋ
Per çudi edhe dridhjet e tokës kohêve të fundit janê rralluar, nuk e di pse, perpara njerêzimi kishte frikê nga termeti, i çonte mendet se ka diku njê Zot, por sot....mbi çka të mbështetet njeriu modern ?
Po edhe fêmijÊt janê bêrê te pa korrigjueshem, ka humbur rrespekti e edukimi i vjetêr, fêmijet kanê ngritur kokên dhe nuk ka si te ndalen, pastaj vjene edhe imazhi permes ekranit te televizionit, qê nga mosha e r mêsohen mbrapshtë dhe edukimi e arsimimi nê shkolla nga arsimtarët më nuk mjaftonê pa ndêrhyrjen e prindêrve, te cilet edhe te mdhenjet e kane humbur rrugën...te angazhuar ndoshta nga puna apo te pa punê, êshtê zgjëruar hendeku i marrdhênjeve nê mes prindêrve dhe fëmiut kohêve te fundit, jo vetëm nê Shqipêri por gjithkund nê oten globale...e sociologet heshtin, emisionet edukative nê televizion mungojnê sepse tërê diten nê rêndê te parê rrjeti informative mbulohet me lajme nga politika; krytari i kesaj partie tha keshtu, tjetri tha ashtu... e gjerat tjera te jetes shoqêrore tek shqiptaret kalojne ne rendin e dytê apo fare nuk shtjellohen.. pra, te gjithe jemi viktim e zhvillimit te shpejtë informativ si dhe ndoshta nga kriza e papunêsija e madhe e vrfêria, nuk ka kush te kujdeset per fatin e fêmiut sot tek shqiptaret, me njê fjalê, fêmiu mbetet i vetmaur, derisa te gjeje mbeshtetjen apo fatin e ndonjê monstre famkeqe, nag naiviteti i tij i njomur, vepron me pa dashje nga mos dija dhe nê fund bie viktim e e vetëvetes, rrugë pa kthim !
Askush nuk te pyt: ç'ka bere atedheu per ty por ç'ke bere ti per Atedheun ! - JFK
Ajo dihej qe ajo femer ishte viktime e abuzimit. Si nga I jati ashtu dhe plaku. Nje njeri qe ka 2 pare tru e dallon te bardhen nga e zeza. Problemi me I madh eshte cfare do bejme me ate pjese injorante qe mendon ndryshe. Sepse sa te kete derra injorante me mentalitet shpellaresh keto abuzime dhe tragedy do vazhdojne. Fatkeqesia me e madhe eshte se ne vitet 2012 sado te 'dal' jane dhe pare se si ligji funksionin dhe drejtesia prape nuk ndryshojne. Mentaliteti I nje injoranti nuk ndryshon ndonjehere . Mjere ato njerez qe perballen dhe Kane te bejne ne realitet me nje injorance te tille.
Ndryshuar për herë të fundit nga PINK : 17-10-2012 më 09:22
Music to my heart that's what you are, a song that goes on and on.....
Regullat e Postimit
Përgjigju Duke Cituar
Krijoni Kontakt