Bujar Nishani zgjidhet President i ri i Republikës së Shqipërisë

[MaDaBeR]

SHBA PËRSHËNDET ZGJEDHJEN E PRESIDENTIT NISHANI

Ora 21:53 Kreu i prezencës së SHBA në Tiranë, Aleksandër Arvizu, pavarësisht se nuk ka qënë prezent në sallën e Kuvendit, kur Bujar Nishani u zgjodh me 73 vota pro dhe një kundër, President i Republikës së Shqipërisë, e ka uruar këtë të fundit duke i shprehur gjtihë mbështetjen e SHBA si dhe duke e vlerësuar për punën që ka bërë ndër vite.

'Ambasada e SHBA i përcjell urime të ngrohta Z. Bujar Nishani për zgjedhjen e tij sot si President i Republikës së Shqipërisë. Në postin e tij aktual dhe ato të mëparshme qeveritare, Z. Nishani ka shërbyer në mënyrë të respektueshme dhe të përgëzueshme, si dhe ka bërë shumë për të çuar përpara marrëdhëniet e bashkëpunimit mes Shteteve të Bashkuara dhe Shqipërisë', thuhet ne njoftimin per media te ambasadës amerikane.

'Shtetet e Bashkuara i urojnë suksese Z. Nishani dhe presin me kënaqësi të punojnë me të për të çuar përpara arritjet demokratike të fituara gjatë 21 viteve të shkuara. Në veçanti, do të mbështesim përpjekjet e tij për të forcuar sundimin e ligjit dhe për të ruajtur pavarësinë e institucioneve të Shqipërisë, dhe, së bashku me partnerë të tjerë ndërkombëtarë, për të realizuar aspiratat legjitime të popullit shqiptar për ta parë vendin të marrë vendin që i takon si një anëtar i integruar plotësisht në bashkësinë euro-atlantike',- vijon njoftimi.

SEQUI: PRESIDENTI TË PËRFËQËSOJË UNITETIN E POPULLIT

Ora 20:00 Kreu i Prezencës së BE-së në Tiranë, Ettore Sequi nëpërmjet një njoftimi për mediat, uroi Bujar Nishanin për zgjedhin e tij si President i Republikës së Shqipërisë.

“Dëshiroj t'i uroj z. Nishani suksese si President, post i cili përfaqëson unitetin e popullit”, shprehet z. Sequi.
“Roli i Presidentit në konsolidimin e pavarësisë së institucioneve shtetërore të Shqipërisë dhe për të ndihmuar vendin në bashkimin e të gjitha përpjekjeve do të jetë me rëndësi të vendimtare për Shqipërinë për të përballuar me sukses sfidat në rrugën e saj drejt Bashkimit Evropian”, shprehet Shefi i Delegacionit të Bashkimit Evropian në Shqipëri, Ambasadori, Ettore Sequi.

BalkanWeb

[Fleur Blanche]

1. U dogjën 3 raunde kushtetuese për zgjedhjen e Presidentit si me qenë biseda kafeneje.

2. Negociatori më i rëndësishëm i zgjedhjes së Presidentit, u zgjodh kokëtuli Meta, i cili ishte pikërisht ai që hyri edhe në grevë urie për ndryshimet kushtetuese të 2008 ku ndër ato ndryshime përfshihej edhe zgjedhja e presidentit me kuotën- 50%+, pra 71 vota në raundin e 4,5.

3. Bëhet gjithë ajo lojë duke djegur 3 raunde dhe luhet me emrin e një gjyqtari kushtetues, vetëm e vetëm që në fund fare të zgjidhet Topalli, por ja që Meta prish planet, se para disa vitesh tentoi edhe në parlament ta rrihte Topallin dhe gruaja e tij Monika u pat shprehur në një emision më vonë: "mirë edhe sikur ta kishte rrahur, s'do kishte bërë keq."

4. Artan Hoxha, mos na bëni naivin sepse dihet që është i LSI, dhe ai kokëtuli e vendos kandidaturë si kundërpeshë ndaj Berishës dhe kapriço të tijën; "ashtu si paraqet kandidaturën tënde dhe e bën të tërhiqet, ashtu e bëj edhe unë."

5. Diskutohet që janë bërë shkelje kushtetuese në zgjedhjen e Nishanit, dhe kjo mbase jo pa qëllim, për ndonjë skenar të ngjashëm si ajo e zgjedhjes se Jahjagës në Republikën e Kosovës, që këtu pastaj të zgjidhet krahu i djathtë i Berishës, Jozi që ka edhe supermbështetjen e Vatikanit.

6. Që konsesunsin e opozitës nuk do ta kishte kurrë, këtë e di edhe më budallai, por ama dreqi ta hajë, kishte sa të duash alternativa më të mira, ku mund të zgjidhej ndonjë nga juristët më me emër në R.Sh që shërben apo ka shërbyer edhe në Gjykatën e Strasburgut, dhe që kanë karrierë të shkëlqyer edhe në fushën akademike...të tillë nuk mungojnë, por kush të lë...thuaj!!!

7. Dhe ironikja, dëgjon ca shqipo tek flasin me superlativa për Nishanin... give me a punch!!!! Harruan sesi u pat shprehur në fillim kur ishte Ministër i Brenshëm në 2009 kur u patën vrarë 4 policë njëherësh nga Dritan Dajti... I mbani mend deklaratat e para, në fillim fare apo jo? E mos na flisni për mosdridhje mustaqesh ndaj Berishës pra... Ej po tani, krimi bën kërdinë çdo ditë në Shqipëri, dhe zgjidhet President - Ministri i Brendshëm që s'është i zoti as për Ministrinë e tij, ku njerëzit vriten sot në mes të ditës dhe në mes të qytetit!

8. Mos ta harroj atë punën e Triestes që u pat përfolur një herë në forum... m'u kujtuan fjalët e Meksit mbi të ashtëquajturën ndarje pushtetesh që në atë kohë:

“në një tavolinë të përbërë nga shqiptarë, zor të asistosh në ndarje pushtetesh, pasi të gjithë e duan për vete. Kjo as me njerëzit që i ke në partinë tënde e jo më me ata që u përkasin partive rivale.”

Në fakt ta pret mendja që në gjithë botën ndahen pushtetet, s'e s'jetojmë në Parajsë, dhe sikur të dinin edhe këtu të ndanin pushtetet, mire do ishte...

Por edhe ajo që na e bëjnë, e them prap mire të na e bëjnë, çdo ditë para syve tanë, dhe ka nga këta që i duartrokasin... e pjesa tjetër e shqipove janë të zënë ta dine sa ç'a bën komshia, sesi do jetë seria e rradhës tek ezeli, sesi do i dalë skedina, se çfarë lajmesh rrena do jepen akoma në ekran shoqëruar me analiza të analistëve tanë të shquar gomerë, se kush do e fitojë BB-në... e ma the ta thashë...

http://www.youtube.com/watch?v=-oEEWqdgAF0

[Scion]

Illyrian, z.Nishani sot quhet Presidenti i 6 (gjashtë) i Republikës dhe pret të mari detyrën nga z.Topi.

Kemi një precedent të Gjykatës Kushtetuese për z.Beqaj deputetin e PS-së të zgjedhur në rrethin e Shkodrës.
Ai me firmën e tijë private kishte fituar një tender në Bashkinë e Durrësit pak mbasi ishin zhvilluar zgjedhjet por nuk e kishte bërë betimin e deputetit (që nënkupton ushtrimin e detyrës).
Deputetët e PD-së e klasifikuan si të pa pajtueshme me detyrën e Deputetit, PS dhe vet Deputeti u mbrojtën me këtë që thua Ti tani (që nuk ka filluar ushtrimin e detyrës sepse nuk ka bërë betimin) por Gjykata Kushtetuese e interpretoi që: "megjithëse Deputeti nuk ka bërë betimin ai quhet Deputet që kur ka fituar në zgjedhje" dhe me këtë interpretim Beqaj-t ju hoq mandati i Deputetit.

E njëjta gjë vlen edhe për pozitën e z.Nishani, nuk mund të ketë dy standarte për dy gjëra të njëjta.

Po rrogen e deputetit e donte ama :P

Mendoj qe betimi i presidentit nuk eshte e te njejtes vlere juridike si ajo e deputetit ... mund te jem i gabuar ama "betimi" nenkupton "Cak kohor" kur fillon mandatin.

Deputetet mandatin e fillojne qe ne seancen e pare te parlamentit.
Ti mund te keshe te drejte ne pretendim po ne rastin e "betimit te deputeteve" te PS'se kishte te bente kryesisht me bojkotin qe asokohe i bente PSja parlamentit.

Ligjerisht (Thate thate), deputeti Beqaj nuk duhej denuar ndersa moralisht vete akti i shfrytezimit te pafytyre qe i beri vakuumit institucional ky palluqe deputet e meritonte nje denim te tille.

Dhe shume mire ja bene, te pakten te kethehet ne nje precedent "Pozitiv" qe persona te tille te mos tallen me ligjin dhe parate e taksapaguesve.

END

[TomDibra]

Me reformen ne drejtesi shpresoj se nuk nenkuptoni sjelljen e ndonje militanti partiak ne krye te prokurorise. Kjo eshte shume e rrezikshme. Ky do te ishte fundi i demokracise ne Shqiperi.

Jo nuk kuptoj ate, por kuptoj nje prokuror shume me pak te njeanshem se Ina Rama, gjykata ku korrupsioni te mos diktoje vendimet, gjygjtare qe politika te mos ti ndikoje aspak.
Disa ketu mendojne se PD-ja ka pasur pushtetin deri para zgjedhjes se Bashes. Jo, ishin te majtet ata qe kontrollonin pozicionet kyce ne vend. Ata kishin nje president qe votonte per Edin, kryesonte Keshillin e Larte te Drejtesise duke emeruar ke deshironte ai, duke filluar me kryeprokuroren qe e kishte dashnore dhe qe zoteronte pozicionin me delikat ne institucionet e shtetit. Ata akoma kontrollojne shumicat e drejtuesve te institucioneve, ata zoterojne mediat me te pasura me propaganden me te paskrupullt.

[illyrian rex]

Illyrian, z.Nishani sot quhet Presidenti i 6 (gjashtë) i Republikës dhe pret të mari detyrën nga z.Topi.

Kemi një precedent të Gjykatës Kushtetuese për z.Beqaj deputetin e PS-së të zgjedhur në rrethin e Shkodrës.
Ai me firmën e tijë private kishte fituar një tender në Bashkinë e Durrësit pak mbasi ishin zhvilluar zgjedhjet por nuk e kishte bërë betimin e deputetit (që nënkupton ushtrimin e detyrës).
Deputetët e PD-së e klasifikuan si të pa pajtueshme me detyrën e Deputetit, PS dhe vet Deputeti u mbrojtën me këtë që thua Ti tani (që nuk ka filluar ushtrimin e detyrës sepse nuk ka bërë betimin) por Gjykata Kushtetuese e interpretoi që: "megjithëse Deputeti nuk ka bërë betimin ai quhet Deputet që kur ka fituar në zgjedhje" dhe me këtë interpretim Beqaj-t ju hoq mandati i Deputetit.

Rasti i z. Beqaj qenka identik me rastin e sotshem.

E njëjta gjë vlen edhe për pozitën e z.Nishani, nuk mund të ketë dy standarte për dy gjëra të njëjta.

Pra, hapi i ardhshem pritet te jete dergimi i lendes per interpretim ne Gjykaten Kushtetuese. Nje interpretim ndryshe nga ai per rastin e z. Beqaj do te thoshte humbje e kredibilitetit te Gjykates Kushtetuese dhe standard i dyfishte. Pajtohem.

[drague]

hallall presidentin

[Station]

Dhe shume mire ja bene, te pakten do kethehet ne nje precedent "Pozitiv" qe persona te tille te mos tallen me shtetin.

END

Ja bën mirë apo keq mua nuk më intereson fare.

Çfar po kërkoj të them unë??

Gjykata Kushtetuese me atë vendimmarje ka krijuar një precedent i cili vlen edhe për rastin Nishani.

Që ata nuk pyesin për ligj unë dhe kushdo e ka të qartë por në këtë rast është shkelur Kushtetuta.

[Scion]

Station, shume dakord por ama ka nje gje ne mes.
Hapsira kohore nga nje "Mandat parlamenti" ne "Mandatin e Ri" eshte nje nga rastet ku duhet te kerkohet interpretim ligjor. Imagjinoni persona si ai palluqja qe "fitojne tendera" gjate tremujorshit per te financuar fushatat e tyre?

Po te me lexosh mire, nenkupton qe kur parlamenti i ri nis seancat fillon dhe mandati. Kjo eshte e prere, nuk ka Au Iu, me dogji te dogja!

[Scion]

Rasti i z. Beqaj qenka identik me rastin e sotshem.

Ne fakt jo,

Ka nje hapsire "bosh" nga parlamenti i shkuar ne te riun. Rasti i presidentit nuk eshte i njejte.

Edhe sikur ta cosh per interpretim, per arsyen tek postimin im me lart, dhe boshlleqet qe do shkaktonte nje vendim ne te kundert do tu jepnin mundesi abuzuesve te shfrytezonin "mos - betimin" ne seance per te perfituar dhe mos mbajtur pergjegjesi.

[Llapi]

Thaçi e Jahjaga urojnë Nishanin



11-06-2012 12:16 CET


(E plotësuar) Kryeministri i Kosovës, Hashim Thaçi, ka uruar zgjedhjen e Presidentit të Shqipërisë, Bujar Nishani. Në telegramin e tij të urimit, kryeministri Thaçi ka thënë se ndjehet shumë i kënaqur me lajmin për zgjedhjen e tij për President të Republikës së Shqipërisë.

Thaçi e ka uruar presidentin e ri të Shqipërisë në emër të Qeverisës dhe emrin e tij personal, duke i dëshiruar sukses në punën tuaj, në krye të shtetit shqiptar.

“Zgjedhja juaj President i vendit Tuaj, është edhe një e arritur e demokracisë shqiptare dhe shenjë e gatishmërisë së Shqipërisë për të ecur e sigurt nga e ardhmja. Shteti shqiptar ka luajtur dhe luan rol të rëndësishëm në rajonin tonë, dhe çdo stabilitet, përparim dhe e arritur demokratike është fitore për qytetarët e Shqipërisë, për gjithë shqiptarët kudo që jetojnë”, citohet të ketë thënë Thaçi.

Thaçi ka uruar Nishanin që mandati i tij presidencial të jetë i mbushur me të arritura, fitore dhe suksese në të gjitha fushat, si në rrafshin kombëtar, ashtu edhe në atë ndërkombëtar.

“Institucionet e Kosovës, si gjithherë, mirëpresin forcimin e Shqipërisë,dhe shprehin gatishmërinë e thellimit të bashkëpunimit midis dy vendeve tona”, është shprehur Thaçi.

“Duke ju uruar edhe njëherë zgjedhjen në postin e Presidentit, shpreh besimin se dy vendet tona, Shqipëria dhe Kosova, janë shembuj të funksionimit të demokracisë në hapësirat shqiptare dhe të vendosmërisë për t’u integruar në institucionet euroatlantike”, thuhet në telegramin e kryeministrit Thaçi, drejtuar presidentit të ri të Shqipërisë, Bujar Nishani.

Urimit për zgjedhjen e Presidentit të Shqipërisë, i është bashkëngjitur edhe Presidentja e Kosovës, Atifete Jahjaga, e cila ka uruar zgjedhjen e Presidentit të Republikës së Shqipërisë, Bujar Nishani.

Në urimin e saj, Jahjaga shprehë përkushtimin për bashkëpunimin e gjithanshëm ndërmjet Kosovës dhe Shqipërisë, në përparimin dhe mirëqenien e kombit dhe në rrugën e integrimeve euro-atlantike, të paqes dhe stabilitetit në rajon.

“Republika e Kosovës i sheh me dashamirësi të gjitha përparimet e Shqipërisë dhe avancimin e proceseve demokratike, të parlamentarizmit dhe të ndarjes së pushteteve si dhe avancimin e të drejtave dhe të lirive të njeriut”, ka thënë Jahjaga.

***

Bujar Nishani, President i ri i Shqipërisë

Bujar Nishani shpallet me 73 vota pro president i Republikes se Shqiperise.Deklarata te njepasnjeshme te Nanos. Deklarate e Artan Hoxhes pas terheqjes. Hoxha: Jo pjese e procesi,paralajmëron furtune. Orët presidenciale të Hoxhës. /topchannel/

***

Nano: Qeveria shkeli Kushtetutën me kandidimin e Nishanit

Në një kohë kur në orën 17:00, Kuvendi pritet të mblidhet për të votuar, Bujar Nishanin, për President të Republikës, Lëvizja “Nano për President” pretendon se kemi të bëjmë me “gafë Kushtetuese”. Kjo për shkak se një ministër nuk mund të zgjidhet President nëse nuk jep dorëheqjen.

Në këtë pikëpamje edhe nëse Nishani paraqet dorëheqjen para votimit në Kuvend, ajo duhet të dekretohet nga Presidenti Topi që të mos konsiderohet më ministër në detyrë. “Dorëheqja e tij, ka vlerë ligjore vetëm pasi është pranuar me dekret nga Presidenti i Republikës”, thuhet në komunikatën e shpërndarë nga Lëvizja “Nano për President”.

Kandidimi i Nishanit për President gjithashtu do t’i “hiqte” një votë mazhorancës për shkak se ai nuk mund të votojë për vetveten.

Ndërkohë, kandidatura e Nishanit ka marrë 21 firma dhe pritet t’i paraqitet Komisionit të Ligjeve për miratim dhe më pas do të kaloi për votim në Kuvend në orën 17:00. /shekulli/