Kryeministri Berisha, vizite zyrtare ne Turqi

[Edvin83]

09 Prill 2012 - 14:25 | Shqiperi


“Lidhje gjaku me turqit? Një tezë e Millosheviçit”
Nga: TEDI BLUSHI
“Lidhje gjaku me turqit? Një tezë e Millosheviçit”TIRANE- Kanë apo jo shqiptarët lidhje gjaku me tur qit? Kjo është pikëpyetja provokative e një debati të hapur sëfundmi nga kryeministri, Sali Berisha, në prag të 100-vjetorit të Pavarësisë së Shqipërisë. Nga Ankaraja, ku ndodhej për një vizitë zyrtare dy ditore (5- 6 prill), deklarata e shefit të ekzekutivit se mes dy kombeve ekziston një lidhje genetike ka nxitur menjëherë reagimin e historianëve e studiuesve më të njohur në vend. “Gazeta Shqiptare” me anë të këtij forumi ndan sot me lexuesit qëndrimet për këtë çështje të Moikom Zeqos, Auron Tares e Behar Gjokës lidhur me një pyetje të përbashkët drejtuar secilit prej tyre: “Si e komentoni deklaratën e kryeministrit Berisha, sipas të cilit mes shqiptarëve dhe turqve ka marrëdhënie gjaku?”.

MOIKOM ZEQO (HISTORIAN, ARKEOLOG, STUDIUES, SHKRIMTAR)
Dua të jem tërësisht gjakftohtë, larg çdo emocioni politik. Në mos gaboj filozofi francez flet se edhe në politikë ka metafora, pra ka metafora politike, por përherë konvencionale. Thënia se tërë popujt e botës janë vëllezër është një metaforë e tillë, akoma më skajshëm tri sloganet e famëshme të Revolucionit Francez janë “Liberte, Egalite, Fraternite!” (Liri, Barazi, Vëllazëri). Kështu është krijuar një metaforologji politike, që përdoret ende sot, pavarësisht saktësisë kuptimore, shkencore. Ne mund të themi se gjithë shqiptarët janë vëllezër, pavarësisht se nuk na ka lindur e njëjta nënë në nocionin biologjik, domethënë nuk kemi të njëjtin gjak në deje. Në rastin konkret deklarata e kryeministrit shqiptar apo edhe ajo e kryeministrit turk se të dy popujt (kuptohet që nuk janë i njëjti popull) janë vellezer, miq, etj. është një metaforologji politike, absolutisht konvencionale, formula verbale që në të vërtetë nuk përkufizojnë, as përcaktojnë, të gjithë i dëgjojnë, po askush nuk bën një indentifikim, pra janë në substancë dekorative. Fjalët e kryeministrit shqiptar në faqen zyrtare të Këshillit të Ministrave “..e them vëllazërore se e theksuat ju që kemi lidhje gjaku” e tejkalon konvencionalitetin e metaforës politike, apo sloganin “vëllezër”. Që një përqindje e popullit turk mund të kenë qenë edhe shqiptarë (arsyet historike, emigacionet etj), ashtu siç ndodh, apo ka ndodhur me një përqindje shqiptarësh edhe tek popujt e tjerë (arbëreshët në Itali, arvanitët në Greqi) nuk është aspak një status shkencor themelor i përcaktimit të individualitetit etnik të popujve shqiptarë, grek, turk, italian etj. Janë të gjithë popuj të ndryshem. Në konotacionin shkencor të shqiptarëve dhe të turqeve dallimet linguistike dhe të etniciteteve janë të ndryshme qartësisht dhe këtu nuk hyn në logjikë asnjë lloj përqindje gjaku “të përbashkët” për të mohuar dhe sfumuar se dy kombet janë i njëjti komb(?!), gjë që askush nuk e ka thënë seriozisht deri më sot. Gjuha shqipe, që e ka farkëtuar në mijëvjeçarë etnicitetin shqiptar është një gjuhë indoeuropiane, krejt e veçantë, kurse gjuha turke përfshihet në familjen e gjuhëve turanike me mbi 30 gjuhë si turkmenishtja, gjuhët uzbeke, azerbaixhane, tartare, kirkize etj. pra nuk ka lidhje në susbstancë me gjuhën shqipe. Raportete midis dy gjuhëve janë edhe raporte midis dy kombeve, por pa mohuar asnjëherë domosdoshmërinë e lidhjeve politike, ekonomike etj. Por edhe nga kjo pikëpamje nuk kemi asnjë lidhje gjaku. Në politikë ka edhe lapsuse, ose edhe metafora të hipertrofizuara politike krejt të panevojshme, ose që krijojnë konfuzion. Politikanët shqiptarë duhet ta mësojnë më në fund këtë të vërtetë.

AURON TARE (HISTORIAN, STUDIUES, PUBLICIST)
Deklarimi i fundit i z.Berisha mbi afërsinë e gjakut shqiptar me atë turk sigurisht nuk është i vetmi në vazhdën e deklarimeve bombastike që bën kryeministri sa herë që del jashtë Shqipërisë. Këto deklarime duhen marrë seriozisht pasi kuptohet qartë që z.Berisha është në përpjekje të vazhdueshme për të gjetur aleatë tashmë që kancelaritë perëndimore e kanë mbyllur derën e vizitave protokollare. Në këtë logjike ishte propozimi mbi gjuhën e detyrueshme kineze në shkolla një deklaratë që edhe vetë me sa u duk nuk e mori shumë seriozisht. Deklarata tjetër mbi lidhjet e gjakut me popullsinë Azere një deklaratë në dukje qesharake por mjaft e rrezikshme pasi kjo teori është një prej teorive të akademikëve serbë mbi prejardhjen e popullsisë shqiptare. Deklarata e fundit mbi lidhjen e gjakut të shqiptarëve me popullsinë turke është sigurisht në vazhdimësi llogjike për të kënaqur në një mënyrë sa më servile mikpritësit e tij turq. Jam i sigurtë se nëse kryeministri grek do ta ftonte për vizite zyrtare në Athinë do të dëgjonim një deklaratë të përafërt mbi lidhjet e gjakut që kanë shqiptarët me popullin grek. Pra mendoj se deklarata të tilla nuk duhen marrë shumë seriozisht në kontekstin që ato bëhen pasi janë thjesht qëndrime të përulura të Berishës ndaj mikpritësve të tij politikë. Rrezikshmëria e këtyre deklaratave nga ana tjetër qëndron në faktin se kryetari i qeverisë portretizon në takimet me të huajt një qëndrim sa servil aq edhe qesharak. Qëndrime të cilat të përkthyera në veprime konkrete dëmtojnë rëndë interesat kombëtare të Shqipërisë siç është rasti i kufirit detar, koncesionet e mëdha që jep në vijën detare, tolerimet në rregjistrimin e popullsisë dhe mjaft veprime të tjera. Që shqiptarët dhe turqit kanë një histori të përbashkët 500 vjeçare ky është një fakt historik i pakundërshtueshëm por që shqiptarët dhe turqit kanë lidhje gjaku ky është një deklarim siç e thashë edhe më parë sa qesharak aq edhe i rrezikshëm pasi i jep argumente atyre historianëve ballkanikë që vazhdojnë të kundërshtojnë autoktoninë e banorëve shqiptarë jo vetëm në Shqipëri por edhe në Kosovë dhe Maqedoni. Mund të kujtojmë deklaratën e Millosheviçit në 1989 në Fushë-Kosovë kur tha se popullsia kosovare është një popullsi e sjellë nga turqit në Kosovë pas betejës së famshme midis serbëve dhe turqve në Fushën e Kosovës. Deklarata e Berishës besoj se nuk ka shumë ndryshim nga ajo e Millosheviçit apo jo? Prandaj mendoj se përpos deklaratës servile të Berishës në Turqi mund të shikojmë edhe një përpjekje të tij për një aleancë me faktorë antieuropianë, një lëvizje kjo shumë e ngjashme me vitin 1996 e përshkruar mjaft mire nga gazetari, Mero Baze në librin e tij kur Presidenti Berisha kërkonte aleatë jo vetëm në faktorin mysliman por edhe në organizata të cilat më vonë u bënë mjaft të famshme në luftën e tyre anti-europiane.

BEHAR GJOKA (STUDIUES)
Pranëvënia e dy situatave, pritje vllazërore dhe lidhje gjaku, me njëherë të vë në mendim, për të parë të djeshmen, të sotmen dhe të nesërmen e dy popujve dhe kombeve tanë. Në logjikën formale, në fakt jemi në një situatë kortezie diplomatike,si dhe të një afrie fatesh përbashkëta, madje që është përdorur për shumë kohë dhe herë, edhe në raste të tjera, që nuk është nevoja të përmenden. Nga ana tjetër, në aspektin e logjikës së brendshme, vetëm të kësaj rrethane, pra ku kemi pritje vëllazërore, por edhe lidhje gjaku, probelimi tashmë do të kërkonte një thirrje të memorjes historike. Fati i përbashkët, pjesë e rajonit dhe e gadishullit Ballkanik, madje edhe si porta të ndërlidhjes së dy anëve të botës, të Perëndimit me Lindjen, ku Shqipëria si gjeografi dhe histori është më shumë perëndim, nga ana tjetër, Turqia është porta për në lindje, ka bërë që edhe tani të ruhen marrëdhëniet e mira, më tepër se sa miqësore, veçse Shqipëria duke u gjendur në qarkëzimin sllavo-ortodoks, në rajon e ka parë si aleat më të ngushtë Turqinë. Por kjo nuk do të thotë kurrsesi, që lidhjen e gjakut ta anashkalojmë, sepse në fakt kemi lidhje miqësore, mbase edhe gjaku, por është fakt miliona shqiptar të dikurshëm, të ikjeve të hershme dhe të vonë, tashmë pothujase janë asimiluar si gjuhë dhe doke, madje kjo ngjet krejt ndryshe me fatin e arbreshëve të Italisë, të cilët edhe pse po kapërcehen 500 vjet, vijojnë të flasin dhe shkruaj gjuhën shqipe, edhe si pasojë e hapësirës së krijuar nga shteti italian në të gjithë kohërat. Pra, lidhjet e prekshme të gjakut, duke qenë në kohërat moderne, do të duhet të shoqërohen edhe me pranimin e indentitetit gjuhësor dhe arsimor. Mandej, nga ana historike, prania e sundimit të perandorisë osmane, për disa shekuj, ndonëse ka një përpjekje edhe të historianëve për të mos e tajtuar si pushtim, çka krijon jo pak pështjellim, si dhe mbi të gjitha, nuk duhet harruar se fati i përbashkët, për pjesën dërrmuese të shqiptarëve, besimi i përbashkët në fenë islame, nuk do të thotë se jemi mbetje e asaj Perandorie, përkundrazi kemi indentitetin dhe integritetin tonë. Pra, me Turqinë apo me çdo shtet tjetër, më shumë se lidhje vëllazërore, se sa lidhje gjaku, tashmë duhet të synojmë të vendosim reciprocitetin në marrëdhëniet dypalëshe, duke i qenë miënjohës për njohjen e pavarësisë së Kosovës, por edhe një rregullator thelbësor i marrëdhënieve rajonale dhe më gjerë. Duke qenë popull në zgrip të dy botëve, të dy qytetërimeve, si fat historik dhe bashkëkohor, simbas njohjes dhe përvojës së kombit shqiptar, sërish ne shqiptarët e gadishullit dhe kudo që gjallojmë, duhet të jemi të hapur me të gjitha pikat e horizontit, por pa nxjerrë nga mendja të vërtetat historike, se në themel të marrëdhënieve të kombeve, shteteve, popujve, përveç interesit dhe fatit të përbashkët, thelbësore është vendosja e partneritetit dhe reciprocitetit, real dhe ligjor.
(m.a/Gazeta Shqiptare/BalkanWeb)

[Edvin83]

09 Prill 2012 - 13:46 | Shqiperi


Berisha: Patriotët pa atdhe të lënduar? Me turqit lidhje të fuqishme gjaku

TIRANE- Kryeministrit Berisha në mbledhjen e grupit parlamentar të PD- së informoi në lidhje me vizitën e tij të fundit në Turqi, ndërsa u ndal të komentojë edhe deklaratat e bëra nga ai, se mes shqiptarëve e turqve ka lidhje gjaku. Sipas Berishës janë të kota “pikëllimet” e historianëve, pasi kjo është një deklaratë mëse e vërtetë. Ai shtoi se në Tuqi jetojnë më shumë shqiptarë se në Ballkan.

“Në atë shtet ka më shumë shqiptarë se në Ballkan, ky është realiteti. Historia e dy vendeve është një histori që daton në shekuj. Shqiptarët ndjehen krenarë me Skëndërbeun, dhe kanë të drejtë po nuk mund të injorojnë dhe Barbarosën që ishte shqiptar, ishte zoti i deteve, janë krenar me Lekën, por nuk mund të mohojnë Sinan Pashanë që zotëroi vendet nga deti Balltik në detrat e Jemenit. Janë krenar me Naimin por nuk mund të injorojnë Samiun, nga veprat e të cilit, u mor shembulli themelimin e Turqisë moderne. Perandoria është në arkiv. 100 vitet janë vitet e bashkëpunimit mes dy vendeve sovrane. Meqënëse disa patriotë pa atdhe janë ndjerë të pikëlluar, ju them se shesin injorancën e tyre çdo ditë. Se cila është origjina e fiseve ilire dhe atyre turke është qartësisht e njohur, dhe se cilit grup i përkasin, këto janë në njohuritë elementare të të gjitha shkollave e niveleve, por të mendosh se vetëm gjaku i fiseve qenka lidhja e vetme e gjakut është qesharake”, tha Berisha.

Në mbrojtje të deklaratës së tij, kreu i qeverisë u shpreh se “Janë mbi 6 milionë shqiptarë në Turqi, ka me miliona martesa, është botërisht i njohur pasioni i turqve për të marrë gra shqiptare. Cfarë të themi ne që këta s’kanë gjak shqiptar, se kanë gjak të përzierë? Jam shumë krenar me ta, se ata janë krenar me shqiptarët. Mund të them që lidhjet e gjakut janë të fuqishme”, shtoi Berisha.

GAZSJELLËSI, BERISHA: ERDOGAN MBËSHTETJE TË FUQISHME SHQIPËRISË
Berisha deklaroi më tej se përvec investimeve turke në Shqipëri që pritet të rriten më shumë, ai ka marrë mbështetjen e homologut Erdogan edhe për projektet e gazit.

“Në fushën e energjisë, mora garanci nga Erdogan se ai dhe qeveria e tij mbështesin plotësisht projektet, të cilat realizojnë kalimin e gazit nëpër Shqipëri dhe bëjnë të mundur që edhe Shqipëria e shqiptarët të shqyrtëzojnë këtë potencial. Kjo mbështetje ka qënë konstante, por sot është më e fuqishme se kurrë. Dua të shpreh falënderim të përzemërt për këtë mbështetje”, tha ai.
(ma.ar/BalkanWeb)

[brooklyn2007]

Në mbrojtje të deklaratës së tij, kreu i qeverisë u shpreh se “Janë mbi 6 milionë shqiptarë në Turqi, ka me miliona martesa, është botërisht i njohur pasioni i turqve për të marrë gra shqiptare. Cfarë të themi ne që këta s’kanë gjak shqiptar, se kanë gjak të përzierë? Jam shumë krenar me ta, se ata janë krenar me shqiptarët. Mund të them që lidhjet e gjakut janë të fuqishme”, shtoi Berisha.

Hehehehehe Nena Shqiperi me baben Turqi dhe shume pasardhes plot nostalgji

[Sharri-Liburna]

Berisha ne fakt eshte tallur me Erdoganin dhe Turqine me ate qe ka thene, por e ka bere me takt pasi e ka te qarte qe Erdogani eshte koketul qe nuk e kupton thumbin e Berishes. Ajo qe Berisha po thote, qe Erdogani e ju nuk e kuptoni, eshte se: "populli turk nuk ekziston pasi nuk ekziston nje etni turke", dhe jemi ne shqiptaret qe e beme turqine perandori e shtet. Te gjithe historianet dhe studiuesit e kane te qarte qe nuk ekziston nje "etni turke", as nje "kulture turke e hershme", ajo eshte nje perzerierje e popujve dhe kulturave qe perbene Perandorine Otomane.

Erdoganit e kompani, qe u pelqen te mendojne se Turqia eshte akoma Kalifat dhe ai vete eshte Sulltan, harron qe shqiptaret kane nje histori me te lashte dhe me te lavdishme se turqit. Dhe kokat me te larta te shtetit e ushtrise turke edhe sot e kesaj dite kane gjak shqiptari.

Kjo ishte pergjigjia me finese e Berishes per Edoganin, kur ky me guximin e budallait sulmoi figuren e Gjergj Kastriotit ne Kryeministri. Sot Erdogani po nxjerr ne gjyq nje nga gjeneralet e ushtrise turke me origjine shqiptare, si perpjekja e tij per te monopolizuar pushtetin, duke qene se historikisht ushtria turke eshte e vetmja garante e laicizmit te Turqise.

Mesazhi tjeter i Berishes per Erdoganin e kompani: Ka perenduar koha kur Shqiperia ishte femije jetim. Femija jetim eshte bere sot burre. Nese interesat turke duan te kene nje prezence ne Shqiperi, jeni te ftuar te vini e investoni ne ekonomine shqiptare, por mos prisni me qe te perdorni Shqiperine si "koke-turku" ne lidhje me konfliktet tuaja me fqinjet.

Albo

Ky eshte thelbi i gjith diskutimit te berishes , por nuk ka mundesi gjith sejcili ta kupton nji diskutim politik.flm albo

[Uriel]

Por nuk eshte e nevojshme shperngulja ore njeri per te devijuar elementin gjenetik te nje popullate, mjafton ta pushtosh ate territor Lexo:


"Le të kujtojmë, më në fund, edhe se osmanët iu prezantuan arbërve si pushtues; çka do të thotë se kontakti i parë ka qenë me ushtarin osman, mashkull me përkufizim. Një ushtri pushtuese është edhe një masë meshkujsh seksualisht të privuar, por jashtëzakonisht grykës – të cilët do t’i shuajnë epshet e tyre me femrat, ndonjëherë edhe meshkujt, e popullit të mundur."

Në blogun që solle, lexo argumentimet e Doan Danit, nga i cili merr jetë dhe shkrimi konkret i Vehbiut, përsa i takon kolonizimeve si praktikë inekzistente otomane në territoret e pushtuara. Ndaj, ndonjë përdhunim sporadik i izoluar në rajone të ndryshme të Shqipërisë nga ushtarë otomanë, nuk do të thotë se shqiptarët e sotëm kanë gjak otoman, kur këta të fundit ishin një konglomerat etnishë.

[halla mine]

Mesazhi tjeter i Berishes per Erdoganin e kompani: Ka perenduar koha kur Shqiperia ishte femije jetim. Femija jetim eshte bere sot burre.

Ky eshte thelbi i gjith diskutimit te berishes , por nuk ka mundesi gjith sejcili ta kupton nji diskutim politik.flm albo

Nuk mund te jesh dakord me citimin qe futa nga Albo.
Nuk egziston momentalisht nje shtet shqiptar burre sot. Qe te dyjat(Kos. e Shqip) jane shenderruar ne prostituta. Femijet jetim po shesin b.. lire krejt, shkret.

[^SHIU^]

Po na felliqi ky m*t kryeminister. Une nuk e kuptoj si jane bere 4 faqe debat mbi kete teme ku kjo teme nuk eshte fare e debatueshme. Shqiptaret nuk kane asnje lidhje me Turqit. Te thuash qe jemi vellezer me Turqit do te thote te fyesh ato qindra mijera shqiptare qe luftuan dhe vdiqen gjate 500 vjeteve te pushtimit turk. Eshte fyerje qe nga Skenderbeu e deri te Ismail Qemali. TURP.

[loneeagle]

Po na felliqi ky m*t kryeminister. Une nuk e kuptoj si jane bere 4 faqe debat mbi kete teme ku kjo teme nuk eshte fare e debatueshme. Shqiptaret nuk kane asnje lidhje me Turqit. Te thuash qe jemi vellezer me Turqit do te thote te fyesh ato qindra mijera shqiptare qe luftuan dhe vdiqen gjate 500 vjeteve te pushtimit turk. Eshte fyerje qe nga Skenderbeu e deri te Ismail Qemali. TURP.

Pak na intereson ke fyejm mjafton te jemi ne pushtet.

Ky duhet te zhduket si lider i shqiptarve. Si person mund te jete shume i mire por si leader e ka shkatrruar imazhine vendit. Servilet nuk shkojne large ne jete gjithmon te tille ngelen. Mire, me nje aleat mbahet pa prekur interesat e popullit tend, jo te shesesh identitetin e popullit. TURP!

[^SHIU^]

Dhe nje mendim i fundit. Mbase Berisha nuk e ka thene ate per shqiptaret ne pergjithesi, por ka folur personalisht. Mbase ja ka kapur ndonje turk katragjyshen kryeministrit dhe atehere ka te drejte te thoje qe eshte turk.

[bota sot]

trathtarve...

Ju pret plumbi... si Esat Pasha'n...!

Vetem qe s'po dalin me trima... se i ka cmend bota...dhe heroina